ماتت القلوب ........
بواسطة
في 21-02-2014 عند 18:02 (1310 الزيارات)
قصة سورية بكت قلبي قبل عيوني اتمنى أن تقرأوها
البنت: لك لعبني بالسيارة تبعك
الصبي: انتي بنت مافييي
البنت: لك مااامااا تعييي شووفييه عم يضربني
الصبي: اصلاً ماما بتحبني اكتر منككك
البنت:لا ماما بتحبني انا اكتر وهلأ بنسألها
-ماما مين بتحبي اكتر انا ولا هوي
الأم: حبيباتي بحبكون انتو التنين أد بعض
انتي بنتي الامورة
وانت ابني الرجال
...
البنت: ئوم شتريلي بسكووتة
الصبي: ماا بدي
البنت: طيب ئوم معي بدي روح اشتري انا
الصبي: روحي لحالك ما بدي روح
البنت: اي اصلاً رايحة لحالي وما حشتريلك
الصبي: اي وأصلاً بس ترجعي ما رح لعبك معي
الأم: وييين اختك ؟؟؟؟
الصبي: راحت تشتري بسكوتة ..
الأم: كم مرة ئلتلكن ما تطلعوو لمكان من دووني ؟؟
.
بعد عشر دئايئ .. !!
صوت ئوي ..
-يمكن قنبلة
-يمكن رصاصة
-يمكن قذيفة !!
فتح الباب
من بعيد في حدا وائع بالارض
في ناس متجمعين حواليه
ئرب شوي
بنوتة صغيرة
ما تطلع على وشا !
تطلع على إيدا
كان في بسكوتين
وحدة إلو
وحدة إلهاا
أعد جنبها
امها عم تصرخ جنباا
وهوي عم يتطلع عالبسكوتين !
غمض عيونو
و ئرب لإدنها
- بسكوتة إلك وبسكوتة إلي
تطلع فيها
نزلت دمعة بريئة
دمعة من ئلبو
دمعة على اختو
- ماما اختي ليش ما عم تفيئ ؟
اختك ناامت .. نامت وما عادت تفيئ
ئوومي ئومي
ئومي
ما تنامي
بدي لعبك معي بالسيارة
ما تزعلي مني لأني ما رحت شتريتلك بسكوتة
ئومي وما عاد نتخانئ بس ئومي
- ماما وين اخدين اختي ؟
اختك هلأ صارت بالسما
ركض وراهن
للي آخدين اختو
مسك ايدها
- وئف عمو وئف
- عمو لا تاخدلي اختي وئف
- عمو بدي أعطيها اللعبة وئف ياعمو
وصل على قبرها
عم يدفنو القبر
كشف عن ايدها و وشها
حط بإيدا سيارتو يلي بتحبهاا
و بالأيد التانية البسكوتة !
باسها بوسة عم يودعها فيها
- أنا زعلت منك
انتي رحتي متل ما بابا راح
ئلتلك أنو ما رح اضربك و رح لعبك
بس انتي رحتي ..
أنا بحبك كتير
و ئولي لبابا اني شتئتلو كتير واني بحبو اي ؟