صدق ههههههههههه عاد اجمل امراه يخرع اكثر من البزر مليون مره صراخها و شكلها و تصميم الفيديو نفسه يخلي الواحد ينشل مع اني شفته من زمان بس ما اقدر انسى شكلها كلش يلوم اللي يلومج الدراسه ما تنطاق كلش الله يصبرنا عاد احنا يوم الجمعه و السبت اجازة و يوم السبت المهلكه كل الاشغال اللي اجلتها اخليها يوم السبت
ههههههههههههههههههههههههههه شفته انا برضو الفديو حق الطفل الرضيع فعلن يخوف اما اجمل مراءه لا ولا اتمنى اشوفه ههه فعلن الدراسه صايره صعبه تصدقين اني قبل ما اذاكر اقعد ابكي خمس دقايق بعدين ابلش اذاكر شكيت في نفسي حسيت عندي اضطرابات في الاعصاب الله يوفقنا ويسر لنا المذاكره يارب قولي امين
تصدقين عندي اختبار وحده في الاحياء و تطبقيين في الكيمياء و الشرعية و اللحين عندي واجب كمياء اخ بس تعبت من المدرسات و انا اتابع الاسبوعيه لان حلقه في الاسبوع اغمض افتح القي نفسي اني في اجازة الويك اند لان شغل البيت و الدراسه اف اف كثيره مره و انا بموت بليتش قام يسير حماس و اشوف فيري تيل و في اجازة الربيع بحاول اخلص من ون بيس عشان امشي في الاحداث لان اكيد حلو ما سار اسطوري الا من القصه نفسها شفت الفلم الرابع من بليتش و الرابع و الخامس من ناروتو بحاول اشوف كل الافلام مع ان الوقت ما يسعفني حالياً و تصدقين امس كنت اشوف فيديو بعنوان طفل ينطق بسم الله شفته كان طفل رضيع ما الا شوي يسير وجهه يخرع و يصرخ مرة و انا خلاص ما خليت دعوه في قلبي ما دعيت فيها على صاحب الفيديو ما رقدت الا الساعه 2 من الخوف و قمت و انا عدني على تأثير الفيديو مالت عليهم و لا الفيديو اجمل فتاه في العالم و اشوف كانت تطالع المرايه و يسير وجها يخرع و تصرخ و انا كليت العافيه خلاص
يب انا مارثا بس غيرت اسمي ونتي الصادقه الايام هاذي ماصرنا اصلن نفتح الاب بس الاربعاء والخميس وزين اذا فتحنا الجمعه اما الدراسه صايره مرررررره صعبه صارت عندناموادجديده كل وحده اصعب من الثانيه والابلات عكسك تمامن يهتمون على الواجبات وياويلها الي ماتحل الواجب اما الانمي انا عكسك ناروتو وبليش وون بيس ما اتابعهم صرت اتابع لاانميات الي عدد حلقاتها 11 او 25 عشان اخلص بصرعه اما ناروتو وونبيس شكلهم مو ناوين يخلصون سببولي توتر في الاعصاب
انتي مارثا و لا انا غلطانه هههههه غيرتي اسمج صح ^^ و على لغتي البسيطه في الانجليزي اعتقد تسألين عن الحال انا بخير مع اني زهقت مدرسه و كرهف و المشاريع موضوع ثاني عده التطبيقات اللي كل اسبوع و الواجبات اللي كل يوم عيزانه احل التقويم الثاني للعلوم الاجتماعية ان شاء الله ما تلاحظ مدرسات هذي السنه ما يهتمون بس اذا قلتي حليتي الواجب و انتي ما حليتي بتحط انج حليتي و انتي و شنو تابعين و لا مثلي من بعد المدرسه ودعنها كل شي اقلها اني اتابع الانميات الاسبوعيه مثل ناروتو و بليتش و فيري تيل ام المانجا مو لاحقه كلش و نفس شي في الدراما
How are you doing
مشكوره كلامك كله فيه فوائد
يكون في مسلمين شوي احسن ان ما يكون في مسلمين كلش شوفي الجزء الممتلئ من الكاس لا تشوفين الفاضي اليابان تعترف بالاسلام دين فرنسا ما تعترف بدين اسمه الاسلام و اذا زرتي اليابان مو حاسه بالتفرقه لانج مسلمه بالعكس حتى ذا الشي ذكره احمد الشقري في برنامجه ام اذا رحتي اي دوله اجنبيه اكيد سمعتي قصص التفرقه و اذيتهم للمسلمين و لكن ما انكر وجود الكثير من الاجانب مع المسلمين يعني اتذكر في برنامج كان هنام شخص يقول لازم ندمر المسلمين بسبب الحادثه القديمه لموت الالف من الاجانب فقالت وحده هم اشخاص من مليون مسلم اذونا هل يعني ان جميع المسلمين ساروا ارهابيين و سار في نقاش حاد بينهم و في مجموعه كبيره من الحاضرين وافقوها الراي فهي اعترفت ان مو كل الامريكين خيرين منهم الفاسد و منهم الصالح و نفس الشي في المسلمين فعجبني دفاعها عن المسلمين بكل قوه مع انها مو مسلمه
صدقتي وانا برضو بتعجبني خواطر 5 والانمي كله ياباني عشان كذا حبينا اليابان بس مشكلتهم وهذا الي كرهني فيهم انه نسبة المسلمين قليلق مره
اليابانين شعب مثقف جميل اتمنى ان ناخذ الجيد منهم و تصدقين خواطر خمسه حبب الكثير لليابانين و شفتي موسيقى خواطر لما اسمعها احس بتفاؤل
