هههههههههه انا و الاكشن روح وحده انا كنت لابسه نظاره اقرا فيها روايه ورود لسيدة هاريس ما عندي نقص نظر قوي البسها وقت القرايه و يوم كنت واقفه و سار الحادث طارت قدام و انكسرت ما قدرت اتحرك كلش انحرشت تصدقين اني كنت قبل ما اجي المدرسه كنت اشوف انجل بيتس انمي و البطل مات بسبب حادث قطار للحظه قلت و كأني البطل بس هذي المره انا حيه ما مت و شفت العامله تدور فينا تشوفنا بخير و لالا و لاننا كنا بخير قعدنا نحكي للبنات الاكشن اللي سار لنا و قالت لي صديقه لي انهم مره سار لهم حادث بس في نص الشارع و الظاهر انها قويه قعدوا ساعتين هناك و تقول انها طاحت على العامود الاخضر تعرفينه مال باصات كروه الطويل بو بابين و هي من النوع الشيطون شوي فمثلت ان مغمى عليها ما تبغي تروح المدرسه تقول يوم تجمعوا رجال المطافي و الاسعافات قامت من الخرعه و صفقتها العامله بقوه قاعده تدعي عليها شلت اعظامها
هههههههه شو ها الاكشن ... بس احمدي ربك ان ما حصلكم شئ ... الحمد لله ما اركب باصات ما ركبته الا لمن كنت في الابتدائي وما عجبني ابدا افتكر ان البنات يقعدوا يتضاربوا على المقاعد الاماميه والا المقاعد اللي جنبها مكيفات ..من جد ما عندهم سالفه .. بس الحمد لله ربي فكني منها نهائي ... والله اكشن من جد .. مره واحنا ماشين بالسياره صدمة في قطعه حديد كبيره من تحت وبدأت تولع وطلع دخاخين وقفنا على جنب وعلى طول نقزنا من السياره بس الحمد لله ربي ستر و ما صار شئ
ههههههههه اتذكر اني في معمل العلوم كنا نسوي تجربه و المس تبغي تغلي الماي و بسبب الحراره ينفجر القزاز و تروح صديقتي تصارخ و كملوا معها البنات رحنا طاقين و المس تصرخ تبغينا نرد بس ما دمنا طلعنا مستحيل نرد ادريبهم اصلاً ملل كنت حاطه كتاب العلوم و راقده ما قمت الا على صوت القزاز ينفجر من الحراره و اتذكر لما سار حادث و احنا في الباص كنا بندخل المدرسه و على اللفه يسير الحادث كنت واقفه عشان انزل مع كم بنت و اكيد طحت و طاحت علي شنطه البنت حسيتها مو شنطه مدرسه الا شنطه سفر محد كاسر خاطري غير اللي عند الباب من قوه الحادث طاحت و نفتح الباب تحمد ربها ان ما سار لها كسر دايم و زرتها في المستشفى انواع الحلويات و الورد ما عرفت امشي و مره احترق الباص مدري شنو كانوا بيسون قالوا بتنزلين قلت لا عيزانه و قعدت مع بعض البنات و شوي يطلع شرار و يحترق الباص و وقفت على الكرسي من الخرعه و تصدقين فتحت الدريشه و نقزت ما اصدق اني سويتها و اشوف مليون وحده وراي تنقز و قعدت اضحك من اشكالهم و هم يدزون بعضهم خخخخخ ما اقدر انسى اشكالهم
يووووه ياما ضعت الاسواق .. اقللك مره خرجت للشارع واضيع يلقوني الشرطه وياخذوني عندهم ويعطوني بيبسي وحلويات يبون يسكتوني بأي طريقه ... يجي ولد خالتي يدور عني امي رسلته ويلاقيني بمركز الشرطه .. الشرطي يجي يقلي تعرفي هذا الرجال ... >قصده ولد خالتي وانا مشغوله بالبيبسي والحلويات اروح اقول للشرطي (لا) بغيت اورط ولد خالتي يقوم يسير يصرخ علي .. اطل فيه واقول ايوه اعرفه و اروح معه ... كل ما افتكرها اضحك .
يوووه يمه انا سويتها مره و توبه شفت نجوم القايله احس الوالده كانت خايفه لدرجه انها كانت بتذبحني لو من البكى و انا اتذكر اني ضعت لما سافرنا السعودية كنت الحق مراه تشبه امي و يعني رحنا بعيييييد مره يوم لفت اكتشفت انها مو امي و انا و الى الان بس احس بالخوف او الخطر على طول اصيح و خافت المراه قعدت تقول لي وين امج و انا اصيح ما اقدر اسكت و درنا المكان كله و جا ولدها و قالت له اني كنت ضايعه و كان خلاص بيتصل على الشرطه خخخخخ لقيت ابوي يناديني و سوينا فلم هندي كل ما اتذكر الموقف اضحك مثل ما اضحك و انا اكتب لج الموقف اللحين و انتي مره ضعتي و سار اكشن ؟
ههههه ايه كنا ندس عمله او حتى لعبه ونرسم خريطه و ندسها ونبدأ ندور ... والا في العيد نسوي انفسنا عصابه نشتري مسدسات طراطيع ونسوي حرب مافيا بالشوارع ... والله وناسه ... انا كنت شقيه كمان اذكر مره خرجت من المدرسه ورحت بيت صحبتي بدون ما اقل لاهلي انا عادة اخرج من المدرسه طوالي على البيت بس هذي المره لا .. وطولت في بيتها ولمن رجعت البيت لقيت الدنيا قايمه قيامه على بالهم ضعت والا انخطفت .. والله يا عاقبوني عقاب الى الان ما انساه ... ايش رايك بعملتي ؟؟
احس لما كنا بزران كنا نسوي العجايب اتذكر قبل ما ادخل المدرسه ندخل مدرسه نسميها الروضة يعني كنت اصغر من الصف الاول كانت تقول الوالده اني كنت مجرمه كأني رئيسه عصابه اختي و هي صغيره كانت مؤدبه و خليتها ويا الباقين يمشون على خطى الاجرام دايماً اتمشكل مع الباقين و اتذكر اننا كنا نحط نفسنا قراصنه و اقعد ارسم خريطه و احط العاب في صندوق و اخشه
ههههههههه ايه كل الصغار كذا بنت عمي لمن كنا صغار وكنا نلعب في رمله في بيتنا القديم كانت تقلنا ان هذي الرمله لمن تحفري فيها وايد يطلعلك ذهب واحنا زي البله صدقناها وقمنا نحفر ونحفر و اكيد طبعا ما لقينا الذهب
اي ادري بس لما كنت صغيره ما ادري و تصدقين يوم كنت صغيره اصدق كل شي كانت نقطه ضعف مؤلمه اتذكر مره ولد عمي يوم كنا بزران قعد يقول ان في واحد ميت ورا البيت و اصلاً و لا مره رحت ورا لان مظلم و ضيق و يخرع في الليل و قعدت اصيح خايفه خخخخخ قعدت يوم كامل خايفه و اصيح لان دريشه غرفتي تطل ورا و بعد معاناه تشجعت و رحت ورا مع عمتي و ما لقيت شي كانت تبغي تتمشى و الى الان تيجيني لحظات اصدق اللي يقولونه خخخخخ
هههههه كاهو الديك حقنا قاعده يصيح ... صح كلام جدتك وفي حديث عن النبي يقول كذا بس ماني فاكرته .. انا يضحكني والا في ارك السيرك لمن فز من مكانه عشان يروح يلعب مع النمر هو في الشباتر الاولى يقعد يقول القطط جميله لا تقول ولا تقوم بأعمال غير ضروريه .. وما يقدر يتوقع تصرفاتها يا قلبي بس ههههههههه المشكله ان شيل عنده حساسيه منهم .
