جديدي وصل يا لاكس كأنه سقط من الفضاء وكأن كارثة ما ستحل اليوم خخخخخ غير قادرة حتى على نسخ الرابط انها قصة فصيرة في قسم القصص^^
بسوووومة يا غولة ::سعادة: وقتاش راكي تدخلي ؟ والجديد المكساتي؟ هذا وين انتبهت لسؤالك عقلي صار فيه ثقب أوزوني يسع كوكب المريخ << تخريفات هممم كجديد راني حابة نكتب قصة في قسم القصص مسكين هذا القسم نسيتوا كامل المشكلة تاعي -إذا صحت تسميتها مشكلة- أني ما نحبش نقدم حاجة غير إذا كنت واثقة منها 80 بالمئة على الاقل على هذي راني نستنى فكرة شابة + تحسين المستوى وفي قسم الرسم راني نخطط لمانجا وانت يا غولة شحااااااال عندنا ما شفناش جديدك ازررربي ديري حاجة قبل ما تجي الجامعة
السلام عليكم مرحبونا سيسيتا يييييييييى على شحال يرقدو الجاج فالعاصمة ايه الجامعة نظن صحاب الطب والصيدلة شاكطرين شوية يدخلو قبل الجميع المهم مازالنا شهر نزيدو نريحو فيه والجديد المكساتي؟
خخخخخخ بسمة اسمحيلي البارح رحت رقدت والله غير ماما ولات تعيط عليا على الرقاد وليت نرقد بكري كي الجاجة المهم كاش اخبار على الجامعة؟واش تحبي عادي يعني مع اني خايفة مازال ما علاباليش حتى إذا نقرا في الجامعة المركزية ولا في درقانة راني نسقسي مادابيا في الجامعة المركزية درقانة بعيدة << جات شابة "درقانة" xd
ايه عندك الحق فرحت بزاف بزاف برمضان اصلا خفت كي خرج تمنيت يطول ويطول كرهت نعاود نرجع للايام العادية بصح الله غالب ايه مادامني ملهمتك معناتها نتشرط كيما نحب خخخخ المهم نشوفو ابداعاتك دايما ماشاء الله عندك موهبة روعة ازربو شوية انتي ويوسف خلونا نسبقوا البلدان كامل ونديرو انمي محلي الصنع عربي وبجودة عايلة واش يخصنا؟ الكتاب موجودين والرسامين كيف كيف وباقي التقنيين موجودين! ماعليه من هذا الكلام في نص الليل المهم كاش اخبار على الجامعة؟
والاشتراك تاع النت قادر يخلاص في اي لحظة خخخخ لاااااااااااااااا ياك تعاودوه ؟ ما شي كي جيتي تعاودي تروحي المهم مبروووووك عليك يا عمري حسيتك فرحاة بزاف بيامات رمضان والعيد الحمد لله والله غير رمضان خلابنا الوحشة تاعو دايما هكذا
اييووووه خلاص حشمتيني نخدملك واش تحبي يا الزينة عجباتك "خيال ابتسامة" ياك؟ أصلا انتي ملهمتي تتفكري نهار قلتيلي اذا عندك صورة محجبة أنا اصلا كانو عندي رسومات هكذاك وكي زدتي قلتيلي وما كانش عندي داقتلي قلت والله غير نرسمهم لمثل هذي الحالات لسومة ولكل الللي مثلها يعني انتي مصدر الإلهام
ايه حقا شفت موضوع الرسومات تاع المحجبات ماشاء الله الله يبارك ربي يحفظك ويحفظلك موهبتك عجبوني كامل هبلت عليهم أول ماشفت هذيك ابتسامة تمنيتت تعمليهالي توقيع ورمزية>> من أول يومطلبات التصميم تاعك يعجبني بزاف حتى الأوان تاع التهنئة تاع العيد والطابع تاعك رائع حتى الألوان والفواصل
ايه مازالني في مرحلة التفكير وايجاد طابع معين خاص بيا بصح التنفيذ ربي يعلم والكوناكسيون واش نحكيلك كنت حاسبة بلي خلاص الاشتراك كذبت كي شفتها كوناكتي رمضان احنا العكس اليوم رحنا عند اخوالي أنا ولله الحمد نحب عمي وعمتاي الاثنتين بزاف بزاف ونموت عليهم تكذبي قداش نحبوهم ويحبونا ونحب اخوالي كيف كيف ونموت عليهم وأكثر دار نحب نقعد فيها هي دار اخوالي رمضان فات من اروع مايكون اٍوع الأيام في السنة وفي الحياة هي أيام رمضان والعيدالحمدلله كيف كيف والاشتراك تاع النت قادر يخلاص في اي لحظة خخخخ
اسكتي برك التيليفون الفيكس تاعنا راهو مخسر =__= يتلقى الاتصال بصح ما يتيليفونيش << مليح لو كان واحد بخيل يتخسرلوا تليفونو هكذا مام الانترنت درك راهي زيييينة -والعكس صحيح- العيد كي العادة النهار الأول مع الأقارب جدة مامات ماما والثاني جدة مامات بابا بصح نحب دار خوالي أكثر ورمضان عادي كيما حكينا هاديك خطرا ياووو ازررربي حطي بصمتك في مكسات راهو يبكي توحشك درتي دورة على المستجدات ولا مازال؟