هذا يعنى يا اكى انك تسمع الكلام فقط ، لكن لا تفكر فيه ... هل جئت يا اكى الى مصر و عشت بها فترة لا تقل عن سنة من قبل ؟ (و انت كبير طبعا) ... ان لم تكن ، فمن المفهوم انك لا تستوعب ما يقوله من لا يحبون مبارك ...
أنا معلقتش على اللي أنت قلته علشان سمعته كتير من المعارضين برضه احنا زي ما تقول كدا ... مصر اتقسمت نصين نص ضد و نص مع ونفس الكلام اللي انت قلته ده ... سمعته من أخت أبويا (عمتي يعني) بالظبط .. فـ مفرقتش معايا والنهارده عرفت الفيديو ده .. أرسلتهلها ... ومفيش حاجة اتغيرت برضه -_- قالت لي : هو في حد بيصدق المحور ؟
ههههههههه ، بس الموضوع مش للدرجة دى ...
ههـ خد بص على الإعلام الرهيب اللي احنا فيه عاجل:الامطار تسقط علي سماء القاهره وهذا استطلاع للاراء من ميدان التحرير الاخوان: لاحوار مع نظام مبارك قبل توقف الامطار البرادعي: النظام مسؤل مسؤليه تامه عن هطول الامطار فوق الميدان حركه 6 ابريل: مبارك وعدنا بالسلامه وهاهي الامطار تغرقنا .قناة الجزيره: وقد افادتنا الاخبار ان المسؤل عن هطول الامطار هم بلطجية الحزب الحاكم ............واخيرا قناة المصرية: لاصحه مما تبثه القنوات العميله انه هناك سقوط للامطار فوق المتظاهرين بالله عليك يا راجل .. أصدق مين بس -_-!!؟
3-كلام هيكل ، و انه يستغل الفرصة لتصفية حسابات ... اريد من مرتضى ان يحضر جملة لحوار هيكل فى المصرى اليوم بها شئ واحد يعتبر خطأ او غير واقعى من الناحية العملية ، او حتى الغرض المباشر او الغير مباشر منه تصفية حسابات او المزايدة على احد ... اهانة هيكل من شخص بنفس مستواه يمكن اعتبارها جسيمة ، فما بالك بشخص بمستوى مرتضى منصور ... انا لا احط من قدر مرتضى منصور ، لكنه فقط لا يمكن مقارنته على اى مستوى من المستويات بهيكل ...
على الرغم انك ماعلقتش على اللى قولته بس ماشى .. الفيديو انا شفته ، و كلام كتير قاله مرتضى تمام بس فيه كوارث تانية برضو قالها : 1- مبارك كان فى حرب اكتوبر .. ده معناه ان المليون جندى فى حرب اكتوبر يستحقوا انهم يكونوا رؤساء + دى وظيفته ، و لو مكانش هيعوز يعملها كانوا جابوا غيره يعوز .. كمان الراجل ده المفروض كان يتجاب على اساس قدرات سياسية مش عسكرية ، لان هو ده اللى خارب البلد دلوقتى .. 2-لا يصح اهانة مبارك ، فليس هناك دولة تسب رئيسها حفاظا على هيبة الدولة .. لو توقف مرتضى قليلا عن الحديث و نظر الى التظاهرات اليومية فى السابعة مساءا بتوقيت امريكا امام البيت الابيض و التى كانت تتواجد منذ عهد كلينتون ، و يسب بها الرئيس بالفاظ لا تتخيلها .. من حقى كمواطن مصرى بالتعبير عما اشعر به تجاه من ظلمنى و حرمنى من فرص عمل .. و لا تستهن اكى بالعمل و تقول ان "شاب كل مشكلته يلاقى شغل" ، عدم ايجاد عمل لك = ان تموت من الجوع .. كما انه لا شئ يسمى هيبة الدولة عندما تتسبب هذه الدولة فى الفقر و الفساد و الوسائط و المصالح و البطالة و تدمير التعليم ، و نشر الامراض ..
عموماً ... شوف الفيديو ده .. و رغم إني كنت بكره الراجل ده ... بس كلام منطقي ... هو ميهمهوش الرئيس ... ده يهمه سلامة البلد بس .. يعني واحد زيه (وقالها) ... اتحبس 3 مرات في عهده .. طبعاً حيكون ناوي ينتقم ولا حاجة بس معملش كدا ... (مخليها بعدين ) ... يعني هو هامه سلامة البلد بس فـ لو بتكره الريس ... اكرهه ... احقد عليه ... أهه ليه يومه ده حتى الوزير قال أول امبارح ... كلها 200 يوم ... )
همممممـ طب ... خد شوف الفيديو ده http://www.youtube.com/watch?v=3FdnG...layer_embedded يمكن .. تغير رأيك و من وجهة نظري ... الـ6 أشهر مش كتير أوي استنوا عليه ... مهو طول ما في مظاهرات و كلام ده .... فترة حكمه هتطول أكثر ... الحاكم مش هيسيب البلد بالساهل كدا .. في تونس .. ممكن نصدقها ... الراجل فلسع منهم أما في مصر ... دي دولة كانت بتهز العالم ... صحيح الشعب نايم شوية ... بس قيمة ما تتعرض للاحتلال هتلاقي أسود و مظنش أن بلد فيها 85 مليون تتعرض للاحتلال ... وكمان أنت مشفتش شوية الشباب اللي استضافوهم في التلفزيون ؟ جابوا ولدين وبنت .. و قالوا مطالبهم .. وسبب طلبهم لرحيل الرئيس مفيش هدف خالص ... واحد عايز يلاقي شغلة يشتلغها .. و التانية عايزة زيادة في الرواتب طب عايزين مين يمسك البلد ... خبطوا في اسم معرفش إيه هو .. و قالوا ده كويس كلمة "ده كويس" ده معناه إنهم سمعوا بس ... تلاقيهم حتى مش عارفين شكله
هه ها قد وصل شيء يدل على صحة كلامي وصلتني رسالة في الفيس بك.. مكتوب فيها : هذه المعلومات غير صحيحة ، ببساطة لانها لم تذكر فى اى قناة اخبارية واحدة ، و وضعها واحد من زبانية الحزب ... لو بتحب مصر..ابعتها لكل مصر ....أحمي مصر لا للتظـــــــاهراااا ايوة ، لو بتحب مصر اقعد فى بيتكم و ارضى بالظلم ... ارضى بالفقر ... ارضى بالبطالة ... ارضى بنهب بلدك امام عينيك يوميا ... ارضى بقتل للحكومة لاكثر من 300 منذ 10 ايام ... ارضى بقتلهم لخالد سعيد الذى تم اعتقاله دون سبب و تعذيبه حتى الموت ... ارضى برئيس اختار ان يطلق المجرمين ليقتلوا شعبه و يعتدون على المعتصمين المسالمين لتبقى مؤخرته على العرش ... لماذا لا ترضى ؟! ...
بالله عليكي ... هل شاهدتي مرة أن قناة الجزيرة تمدح أو ترفع من شأن المصريين !!؟؟ أبدااااااااااً .... مما يعني أنها قناة ضد أي المصريين .. ختى أنه لا يوجد بها مصريين أساسأً و من يجبر الجزيرة على تعيين مصريين بها ؟ ... هل يجب ان تضم القناة كل الجنسيات العربية ؟! ... و ايضا ، ماذا فعلت مصر منذ فتح الجزيرة يستحق ان يتم مدحها عليه ؟! ... انا شخصيا لا ارى شيئا واحدا ... كما ان الجزيرة لم تمدح مصر ، و لم تمدح غيرها ، فهى قناة محايدة ، و المدح و النفاق صفتان من صفات التلفزيون المصرى لا قناة اخبارية حرة ...