ههههه الله يسلمك عزيزي ^^ لا خلاص دامك متخوف ما يحتاج نتكلم إيطالي هههههه , أنا أحب أتكلم إيطالي أكثر من ما أكتب , لأن الكلام أو اللغة الإيطالية تعطيك صوت حلو نهاية كل كلمة xD لندن لأن فيها أقوى جامعات أوربا و العالم حتى مع أمريكا , إيطاليا هممم ما أعرف عن باقي الجامعات لكن جامعتي تعليمها حالي و لو أقولك المميزات الي فيها ... حتى الثانوية الي درست فيها و الله أشياء خيال xD و في النهاية يقولون اسأل مجرب و لا تسأل طبيب xD سابينزا هممم , هي بشكل عام تعني " الحكمة " أو الشخص الحكيم الي متثقف و يعرف أشياء في مختلف المجالات بشكل كبير , لكن المُراد هنا في اسم الجامعة مثل ما تقول " حُكماء روما " يعني المثقفين أو مثل كده , و طبعاً مثل ما تعرف الأول إيطاليا معروفه بـ مدينة روما فقط على كده اسم الجامعة على اسم روما الي يفتخر فيها كل إيطالي ^^ .
ههههههههههههه يب قريت محادثتك معاها من باب اللقافة لانك ايطالي الله يحفظك اوك حاضر ياسيدي الله يخلي مترجم جوجل اصلا حتى هو اذا قدر يترجمها انا كلمت خالي اول ع الدراسة في ايطاليا كيف ومن هذي الاسئلة بس طبعا سمعني كلام مو حلو وكلمني ع لندن انا سئلت خالي لانه يسافر لاوروبا كثير عشان الشغل بس مرة ماشجعني ع ايطاليا وشجعني ع لندن وابوي لا ايطاليا ولا لندن قلي ماليزيا وبس ابوي مرة شايل من راسه اوروبا المهم صفك من موضوع الدراسة لاني احس بهم منها واحس ان قدامي جبل لازم اتجاوزه وش معنى سابينزا يالحبيب
تعتبر نفسك إيطالي؟!خلاص مو مشكلة أنا موافق أرد عليك الرسالة الجاية باللغة الإيطالية الي ختمت منها80%ههه,شرايك؟ والله الجامعة الحمدلله ممتازة ومعلمين ومعلمات على مستوى عالمي ولا تحسسك كاره للدراسة,حتى الطلاب والطالبات متفاهمين ولا فيه عنصرية-بعيداً عن الكورة-والحمدلله^^ وطبعا بفضل الله أنا في أفضل جامعة في إيطاليا ومن أكبر جامعات أوربا وأفضلها والي اسمها روما سابينزا لكن الفرع الي في مدينة ميلان الجديد^^
أنا أحب بلاد إيطاليا لكن المنتخب أو الكورة الإيطالية لا والله عدوتيxD أنا منتخبات إنجلترا وأندية مانشستر يونايتد وأوربيا كل الأندية الإنجليزيةxD حوالي من 40 إلى 45 دقيقة يفرق,وطبعاً حضرت الملعب مرتين,الأولى لما لعب مانشسر يونايتد ضد ميلان وفاز اليونايتد في السانسيرو3-2 المبارة الثانية على ما أعتقد كنت في عطلة ورحتها بس ما أذكر ميلان ضد من لكن هي ضمن فعاليات السيرياA والله الصراحة ماقد سمعت مثل هذا الكلام,لكن غالباً العنف والمافيا في المدن الجنوبية مثل نابولي أو تحديداً إقليم كامبانيا,عن نفسي رحتها قبل4سنوات أعتقد مره وحده^^ اوه عرفت أني خاطب بعد شكلك كنت تقرأ محادثتي مع المراقبة فامبيرxDالله يعينكم إن شاء الله و يوفقكم^^
ماني مصدق ايطالي ويشجع فريق غير ايطالي بس انتبه لان الطليان في الكورة مرة عنصريين ماشاء الله السان سيرو يفرق كم دقيقة عن بيتكم والله حلمي اني اجي الملعب هذا ومدينة ميلانو خاصة بالمناسبة قد رحت مدينة نابولي لاني اسمع انها مدينة زبالة الله يكرمك ومن هذا الكلام الي مو حلو هل فعلا المدينة كذا وماشاء الله قدك خاطب يارجل الامور عندكم ميسرة وسهلة مو زينا معقدة استغفرالله في الواحد مايفكر في الزواج الا قريب الثلاثين وطبعا تعرف ايش السبب والله ماتعرف قد ايش انا سعيد وانا اكلم واحد ايطالي لاني بصراحة اعشق هذا البلد من صغري وحتى والله بدون مبالغة احيانا احس اني ايطالي بالمناسبة كيف دراسة الجامعة عندكم ولا ما افكر احسن
عليكم السلام و رحمة الله و بركاته أهلا و سهـلا عزيزي ^^ و لا يهمك أنت تعال و بيتحقق حلمك معي هههه أيوة أكيد أنا أتابع كورة بس أنا لا ميلاني و لا إنتراوي , أشجع مانشستر يونايتد بس هذا ما يمنع أن نروح ملعب السانسيرو الي ما يبعد عني إلا كم دقيقة xD لا عزيزي و الله حياك الله و ما في شيء اسمه لقافه هههه , الله يحفظك ^^
السلام عليكم ورحمة الله وبركاته ماتعرف قد ايش فرحت لمن عرفت انك من ميلانو حلم حياتي اني اجي ميلانو وليس ايطاليا طبعا هذي الاشياء بتفهمها اذا كنت متابع للكورة فهو ذا انا ابغى اعرف لك علاقة بالكورة ولا لا واذا لك ميلاني ولا انتراوي اسف ع اللقافة بس انا مرة احب ايطاليا
