تصدقـــــــي $$
بواسطة
في 25-01-2012 عند 15:23 (727 الزيارات)
تصدقي !
رغم السنين اللي جمعتنا
ورغم الظروف اللي خذتنا
للحين ماني فاهمك
تصدقي !
ماني الحنون العاشق بكل الظروف
يتبلد احساسي كثير ..
وتضيع من فمي الحروف
واني رغم ما قلت لك
غيرك وربي ما أشوف ..
تصدقي !
ماني خيال بكل لحظه بجانبك
وعادي ترى لو كنت ماني عاجبك
لكن وعد دامك بجنبي
ما على دنياك خوف ..
تصدقي !
إني بشر .. والله بشر
أفرح بشوفة من أحب
وأكذب ولكن نادراً
أحاول أبعد هالكذب
وأحيان من غيري أصر
إني بكون أفضل أنا
وأحيان يتعبني العنا
وإن ميزتي دوم ابتسم
وإن أكبر عيوبي الصبر
تصدقي !
أحلامي أكثر من كثير
أحلامي إني أكون طير
أحلامي أسمع نبرتك لا صارت الدنيا أثير
أحلامي إني أشربك ولا أرتوي بغيرك غدير
أحلامي يا حلمي كثير
وأعيشها بلحظه وحده
لانتهى يومي بسرير..
تصدقي !
ما أخاف بس أخاف من الزمان
اللي خذا مني أعز الناس بترابه
اللي بكاني على من كانوا قدوه لي وحنان ..
اللي أسأل كيف راحوا مننا
هو قدر ربي لهم .. من دنيا مليانه هموم
ولا لجل نشعر بأن وجودهم ماهو بدوم
ولا له ضمان ..
يارب ارحمهم وارحمنا بعد
ويارب صبرنا على الباقي بعد
ياللي بدعائي لك .. تملكني الأمان
مشاري عبد الرحمن$$