مشاهدة تغذيات RSS

مِنَ الَعَدَمْـ ,,

صالة السفـر

تقييم هذا المقال


من كتر ما لحزن بقى
ف دمنا
وأكلنا
وشربنا
حتى ف غنانا
والسهر
بقت بتتساوى الحاجات

صالة الوصول
تشبه تمام صالة السفر

بننادي ع القبح نقول له
يا عسل
يا سكر انت يا قمر

والموت بقى
مجرد خبر

تصدق..
ساعات باخاف
لو قلبي دق

مانا كنت قربت خلاص
أقول عليه حتة حجر

عارف
رغم احتياجي للفرح
لكني باتلخبط أوي
لو دق بابي بدون سبب
وبدون شروط

أبقى نفسي أعيش كمان
مليون سنة
وأقول يا ريت
دلوقتي اموت

معقول بقيت
باخاف كمان من الفرح
وم الأمل
وم الهدوء

واقلق واقول
يا هل ترى إيه مستخبي
وإيه اللي جاي
بعد السكوت

عارف
لو كل الحاجات الحلوة
كان مسموح لها
وتقدر تفوت

لو كان حقيقي ده وطن
مش مجرد مساحة ع الخريطة
وناس
وزحمة
وشوية بيوت

عمري ما كنت يوم
أخاف م الفرح
لو دق بابي



علي سلامة ,,



3cfeea758b2af299e21968a3b14e37af

أرسل "صالة السفـر" إلى Facebook أرسل "صالة السفـر" إلى del.icio.us أرسل "صالة السفـر" إلى StumbleUpon أرسل "صالة السفـر" إلى Google

تم تحديثة 01-07-2011 في 13:40 بواسطة ღسما,~

الكلمات الدلالية (Tags): غير محدد تعديل الدالاّت
التصنيفات
غير مصنف

التعليقات

كتابة تعليق كتابة تعليق

مكسات على ايفون  مكسات على اندرويد  Rss  Facebook  Twitter