أنا والشهادة والعباية }..
بواسطة
في 04-07-2011 عند 20:39 (687 الزيارات)
بسم الله
اليوم رحت الرئاسة عشان الشهادة
للمرة الثالثة < انواع التعقيد
طبعا قعدت هناك 3 ساعات
المهم
كنت باتمشى وعبايتي من تحت الزر مفتوح ورجلي باينة
( لابسة فستان من الصباح الباكر )
طبعا الرئاسة بس حريم يعني مافي رجال
المهم
جات حرمة مسكت يدي وسألتني كم عمرك وكده
بعدين قالت :
( حبيبتي ترا رجلك تبان قدام الرجال انتبهي لمن تطلعي وكده )
وقالت
( افتكري مسكتي هادي ليدك )
< شوية وابكي لمن قالت كده
يناااااااااااااااااااااس اصلا انا كنت شايلة هم قبلها نزلنا السوق وانا والعباية في زحمــــــــــــــة
مدري ليش أحس الوازع الديني في طريقه للانقراض عندي
احس طريقتها مرة حلوة ومحترمة الله يكثر أمثالها
أدعولها
هادي القصة الرئيسية ودحين جا دور القصة الحماسية
جات صحبتي ونحنا هناك وفرحت ونطييت وقعدنا ولعبنا واستمتعنا وفي النهاية الشي هداك حق الجوال اللي يتعلق في الرقبة انقطع
< من الحماس
وراحت صحبتي وأهلي سابوني وراحوا أكلو اسكريم
وأنا لسة بأستنا الشهادة
وفي النهاية قالوا بكرة
سأحطم رؤوسكم وآكل جماجمكم<
يارب آخد الشهادة بكرة وأفتك