"عزوووز" ككل بسمة منك أعرف أنك جآيب العيد XD
بواسطة
في 17-06-2013 عند 14:43 (2789 الزيارات)
#
اليوم مقآلي بيكوون عن الكآئن الذي يسمى " عزووز "
توني شآيفة صصورة مكتوب عليهآ
تدروون شكثر ضضحكت ،، ضحك مب طبيعي xD
أنآ عككست الجملة وخليتهآ ي عبدالعزيز ككل بسمة منك أعرف أنك جآيب العيد
الله يسلمكم الذي يسمى عزووز هو أخوي الصصغير عمره تقريباً 3 سنوآت ونص خليكم من العمر
صصدقوني تصرفآته أكبر من عمره ،،
بقول لكم بعض الموآقف لعزوووز :
(1)
هو عنده عآآدة شينة الأ وهو التفآل اذا انقهر منج تفل علييج ،،
وأبوي أكره مآعنده هالشيء وفي يوم أبوي شآفه يتفل قآم هآوشه وقآله: عيب وعزوز الوحيد اللي يسمع
كلآمه أو بالآحرى يخآف منه أبوي ،، عشآن جي يوم أبوي يقوله: آخر مرة ؟
يردد : آخل مللة وهو مبتسم
وفي مرة عآد هالحركة علي أنآ عصصبت عليه : عززوز انطر بقول حق أبوي
وأمثل اني رآييحة لأبوي ومعصبة مع أنه ابوي كآن طآلع
يوقفني ويمسك ايدي ويقول وهو شوي بيصيح : خلاص خلاص ،، يكسر خآطري واسآمحه
ويرجع يتفل وهو يضحك عآد هني تشتغل شيآطيني وأعصصب عليه : عززوز
يقولي: جب ويركض
استغربت ليش مآخآف نفس ذيك المرة ؟ لآنه درآ أن أبوي مب موجود
وأمي اذآ قلتلهآ شوفي شيسوي تقولي لي: قولي له عيب وعلميه ،
أقولهآآ : ترآ هو يعرف بس يستهبل علي
أمي تقولي : كبري عقلج شفيج ترآ هو يآهل
أنآ : انزييين --"
،،
(2)
في فترة حسيت انه"عزوز" يححلم فيني كوآبيس ،
حتى كل البيت كآن يدري بمعآنآتي معآآه
قآم يتهآوش معآي بدون سبب ويضرب بعد ،، انآ طنشته يوم ، يومين ، 3 ، عقب انفجرت خلآص زودهآ
والمشكلة متى تبدأ هالحآلة عنده فالليل يعني وقت النووم
وأذكر كنآ في دوآمآت وبآجر ورآي مدرسة مب فآضية له يقوم يتهآوش ويضرب
المشكلة يوم أضربه يزيد ويقعد يضرب ويشوت ، لآ تقولون لي يآهل ترآ والله ضربه يعور
حتى خوآتي مستغربين يقولون :لي عطيه كف خليه يروح عنج
أنآ احآول بس والله محد حآس هالكآئن أقوى مني فالضرب ،
ومرة كنت عيزآنة حدي وبدأ "موعده مع مسسآمي " ، قآم يتهآوش انآ عصبت ورحت حق أبوي عشآن يأدبه
وأنآ أمشي شفت طيف قآعد يركض جآآن يطوفني ويروح حق أبوي وأنآ في صصدمة
ويقعد يقوله ويأشر علي اني ضربته ،، وخوآتي كآنوآ شآهدين على السآلفة كلهآ
كلهم ضضحكوآآ وأنآ مت من الضضحك XD يالله شلون قلب السآلفة علي
وأنآ قآعدة أحآول اشرح حق أبوي بس مب قآدرة الضضحك مسيطر علي
فالآخيير أبوي قآلي :ليش طقيتيه ؟ وأنآ مستمرة بالضحك : لآ ترآ هو يكذب وأقعد أأشر عليه هو .. هو اللي .. وأضحك
أبوي فهمني وعرف قصدي وقآل عشآن يسآير عزوز : مرة ثآنية لآ تطقينه
أنآ : أوكي أوكي
من ذآك اليوم عرفت أنه مكآآر هالولد
(3)
تآبع مع الحآلة اللي صآرت ذيج الفترة معآي ، جآ موعده معآي كالعآدة
وجآ يبي يتهآوش وأختي كآنت قآعدة معآي وهي تدري بحآلته معآي أنآ بالذآت
سألتني : انتي شسويتي له
أنآ : والله ولآ شي ،
أنآ ذآك اليوم كآآن فيني نوم وأبي انآم ، ويجي عزوز يبي يلعب ><"
أنآ : عزوز والله مب وقتك ،،
مب متحرك من مكآنه الولد عنييد ، رحت نآديت أمي وقلتلهآ تتصرف معآه
أمي قآلت حق أختي: قومي عطي مسآمي كف عشآن يرتآآح عزوز ويروح عنهآ
عآد أنآ فهمت غلط ، فهمت أن امي تقولي : عطي عزوز كف عشآن يصيح ويروح عنج
أنآ مستآنسة رديت على أمي : والله ؟
أمي استغربت : أي أي عشآن ترتآحين منه
وأختي سآكته تنتظر ردة فعلي
قمت أنآ شسويت عطيته كف على ويهه ،، أختي وأمي :مصدومآت
بصوت وآحد : شسسويتي ؟
أنآ ببرآئة لفيت على أمي : مب هذا اللي قلتي لي أسويه ؟
عقب أستوعبت وفهمت السآلفة وضحكت لآن خلآص عزوز اليوم مآبيتركني خلآص
ولفيت على عزوز أشوف ردة فعله ، حصلته حآط أيده على خده " مكان الكف" مثل المسلسلآت
أنآ : يآويلي ،
جآن ينط على وينهآل علي بالضرب وأنآ مب قآدرة أقوم من الضضحك وأختي تضضحك xD
،،
في فرق كبيير بالحجم بس مع ذلك يبقى أقوى مني لآ أعرف لمآ ؟
بس الحمدلله كآنت فترة وعدت ،
اللحين رجع عزوز الآولي المدلل والمدمن لقنآة طيور الجنة
(4)
في فترة يوم عزوز كآن 2سنتين على مآذكر ،، يوم يصيح يروح المطبخ ويكسر القلآسآت
تعودنآ عليه حتى أذكر يوم نكون قآعدين ونسمع صوت قلآس يتكسر
نقول: أوه أكيد عزوز ،
وفي اليوم كآن يتكسر 3 على الآقل والححيآة حلوة
بس اللحين كبر وعقل أممم تقريباً
وبعد في موآقف بس هاللي فبآلي اللحين XD