ღ♥جنى♥ღ

مرحبووونا جميعا ..
مشوار أقرقر كثير كلكم عارفين وين توقفنا
طبعا يوم الثلاثاء 1432/4/24هـ الموافق 2011/3/29م كان اليوم الخاص بالمقابلة الشخصية
طبعا المفترض الاختبار كانوا يعملوا تصفية بس قررت اللجنة أنهم يسو الاختبار والمقابلة لكل البنات بعدين يعملوا تصفية..
الموهم جينا الصباح الباكر وسجلنا أسمينا علشان نكون أول ناس تخلص +نروح بيوتنا بدري
ابتدأ الاختبار الساعة 9.00 صباحا بتوقيت السعودية والعجيب حطونا في غرفة الكمبيوتر وآخذو جوالاتنا غير كذا أصدروا تعليمات بعد الاختبار ممنوع وحدة تقعد في مبنانا تطلع برا الجامعة وما تطلع برا الغرفة إلا للحاجة القصوى>>>طبعا فهمتوها

بعد ذلك أول وحدة اختبرت صديقتي نونه وطولت وكنت أنا بعدة بمجرد ما وشفتها رجعت تأخذ جوالها ونادو أسمي حسيت قلبي طاح من مكانة وتغير لوني واصطحبتني المعيدة لغرفة الاختبار مجرد ما دخلت استقبلت بالتساؤلات
جنى ليه يا حبيبتي ما حليتي سؤال تخصصك ففكرت قلت لازم أجاوب إجابة نموذجية علشان أبين لهم إني إنسانة فاهمة
فقلت ما حبيت أن يكون جوابي لا يليق بمكانة الملك عبد العزيز فردت أحد دكتوراتي جنى حاولي تحلين السؤال يا بنتي لأنه عليه الدرجة الأكبر أخذت الورقة وطلعت أحلة جت عندي احد دكتوراتي تقولي ترى ممنوع يسمحون لك تحلي السؤال بس لأنك طالبة متفوقة ونعرفك زين طبعا بديت أحل السؤال ويا سبحان الله كان ليلة الاختبار أخذت كتاب من مكتبتي وقرأت عن الملك عبد العزيز ولما جيت أحل حليت السؤال والحمد لله بعدين خلصت ونادوني ليقابلوا معي..
سألتني الدكتورة ميم هل أنتي جيدة بالانجليزية قلت متوسطة فقالت أستاذة عين تفضلي بطرح السؤال سألتني الدكتورة عين بالانجليزي طبعا أنه ماذا يمثل لي التاريخ فرديت عليها طبعا بالانجليزي خخخ حسيت أني إنسانة موهوبة بعد كذا سألتني لماذا أرغب بإكمال دراستي هل هو من أجل الوظيفة
طبعا ما فكرت بذا الشيء فرديت وقلت لها مو ضروري المال أخر شيء أفكر فيه أرغب بأن أكون دبلوماسية تحمل رسالة بأن طالبات التاريخ ليسوا مهمشات وأنهن قادرات على فعل المعجزات بعد كذا شكرتني وحولتني لدكتورة سين طبعا الدكتورة سين أعز دكتورة+ هي وكيلة قسم التاريخ سلمت علي وسألتني من هوه المؤرخ بنظر جنى؟؟
فرديت قلت الذي يكون صادقا ومحايدا فلا يميل لكفة عن كفة أخرى فحولت بعدين لأخر دكتورة وهي الدكتورة ميم إلي سألتني عن بعض التواريخ
الثورة الفرنسية
توحيد الملكة
خروج بريطانيا من الخليج

بالإضافة بكونك يا جنى يمنية مار أيك بالثورة والأوضاع في البلاد وطبعا عبرت لها عن رأيي بكل صراحة فضحكوا مني وشكروني وطلعت ..

وبس قالو لنا بعد أسبوعين راح يعلنوا النتيجة والله كريم وبكذا أكون كملت حكايتي وقريبا سترونها في الأسواق