مواقف حرجة حصلت معك في المدرسة^^

[Klashenkof]

السلام عليكم
كيفك يا رواد الاصدقاء و المرح

اكيد كل واحد فينا صارت معاه مواقف حرجة في المدرسة

وعادي تكبروا و تنسوا..خخخخ

انا مرة كنت العب كورة في المدرسة
كانت آخر مبارات على الكاس
وكنت واقف خط وسط
فاجا واحد لليوم ما بسامحه شات الكورة و دخلت من بين رجلي((يعني كوبري))

وكل صفوف المدرسة كانوا يشوفوا المبارات
ما ضل واحد بالمدرسة الا و قال وييييييييييييييييييييو
هاهاهاهاهاهاهاهاهاها
والله انحرجت
بس عادي كلنا تصير فينا

وانتوا ايش صار معاكم مواقف..؟


برعاية شلة العنكبوت

[GDI]

وعليكم السلام ..


اطمئن ... كلنا حصلت معانا مواقف مدمرة مثل هذي #_#



انا مثلاً في هذي السنة وهي اخر سنة لي بالمدرسة بعون الله انتقلت لمدرسة جديدة ..


وطبعاً ما أعرف اي حد بالمدرسة الجديدة ولا حتى مكان صفي الجديد !!!!!!!


وأول يوم جيت متأخر على الطابور .. ومافي غير 4 صفوف متواجدة بالطابور مع بعض المعلمين ..

المهم وانا امشي بساحة المدرسة >>> مسكني واحد وقال : هات قلم !!؟؟

قلت مافي >> ( طالب أخر زمان والله الاقلام بالبيت يتغدون ^_^ )

المهم انة اخذني وراح لمقدمة الطابور .. مسك المايك >>> ( الطالب بدون قلم !!؟؟ من يعطية !!!!!!! (((( بالله ماقصروا بس إحراااااااااااااااااج وكأنة أول مرة بشوفوا طالب العيون كلها والتعليقات !!! :غريب: )))))))

بصراحة انا اكتشفت ( بمساعدة الطلبة هذا هو مدير المدرسة :قرصان: !!!!!!!!! )

[Klashenkof]

ههههههههههههههههههههههههههههههههههههه
اما هالموقف
بالمايك؟؟؟؟؟؟؟؟
والله نذل المدير

شكرا لمرورك الطيب

[اميره بااخلاقي]

ههههههههههههههههه جد.احراج ههههههه .. اناا مره كنت غايبه ودقت المدرسه على البيت ورد اخوي الصغير قالت له الاستاذه هذا بيت فلانه الفلاني قال اخوي لا بيت ابوي مو بيت اختي هههههههههههههههه وهي قعدت تضحك واليوم الثاني كانت هي عندناا في حصة فراغ وهي ماتعرفني شخصيا فاازعجتهاا واسالت عن اسمي وعلمتهاا وراحت قالت القصه للبنات وكلهم يضحكوون ويناظرون بس جد كان احرج .. يسلموو اخوي على الطرح الرائع ... تقبل مروووووري

[gold eye]

هههههههههههههه حلو الموضوع يسلموااااا

أنا حصلتلي موااااااقف مو موقف واحد :tongue-new:
انا يوم مدرس الرياضيات سألني وانا المشكلة ماني عارف الحل ايش سويت؟؟
رحت يعنني اقفل الاقلام وارتب المقلمية واقفل الدفتر عشان انتبه معاه وفي نص ترتيبي احرجني قال لي خلاص لاتسوي فيها انك مشغووول بالاقلام يالله .... وبعدها تنحت في السؤال ماعرفت غير اصحابي يطشون لي الاجابات فديتهم هههههههههههههههه

[Ƞ α т μ я 0]

موضوع جميل جدا والله
هذا أسوء موقف لكنني انتقمت
ذات يوم في طابور دخول القسم تأخر الأستاذ قليلا وكانت ليلة شتاء، وأمام القسم هناك رصيف محتمي من المطر ومن يخرج عنه تهطل عليه الأمطار الغزيرة كما أن كمية من المياه الراكدة تتجمع خارجه، وكنت أمزح مع أصحابي نحاول أن ندفع بعضنا الى تلك المياه لتتبلل الأحذية والجوارب وبينما صديقي يحاول يدفع صديق اخر دفعن حتى أنا والتفت ومسكت به لكنه أفلتني وسقطت على ظهري في تلك المياه أمام المدرسة كلها والجميع بدأ يقول أووووووووووووووووو ونهضت وأنا مبلل بالكامل وراني الحارس العام وسألني فأجبته بأن صديقي هو من دفعني لكنه لم يعره اهتماما وقال لي لا بأس يا بني (لا بأس ده اي :mad2:) لكن عند خروجنا انتقمت من صديقي حيث أنني رششت عليه الماء الراكد بقدمي :tongue-new:

[دلع ساكورا تشان]

هههههههه موضوع رائع جدا يسلموو
انا صار لي موقف في ساحة المدرسه وانا امشي مع صديقتي
وانا جالسه اكلمها وامشي وكانت في بنت جالسه في طريقي
عاد البنت الي جالسه راحت فيها صار اصتدام غيير طبيعي انا طحت فوقها
حادث مرووري هههههههههههه وانا جاييه بطييح مسكت في صديقتي
علشان اكملها وتطييح معاييييه هههههههههههههههإهههي

[satomey]

شكرا على طرح جميل
المواقف كثير في المدرسة وممكن تنسي بسبب كثرتها احيانا ههههه
لكن اذكر مرة وقعت امام مدرس الدين بعد تعثري بحقيبتي الموضوعة في الارض

ياريتني مذكرت هذا الموقف ههههههه

[LayoOola.LBS]

وعليكم السلام ..


اطمئن ... كلنا حصلت معانا مواقف مدمرة مثل هذي #_#



انا مثلاً في هذي السنة وهي اخر سنة لي بالمدرسة بعون الله انتقلت لمدرسة جديدة ..


وطبعاً ما أعرف اي حد بالمدرسة الجديدة ولا حتى مكان صفي الجديد !!!!!!!


وأول يوم جيت متأخر على الطابور .. ومافي غير 4 صفوف متواجدة بالطابور مع بعض المعلمين ..

المهم وانا امشي بساحة المدرسة >>> مسكني واحد وقال : هات قلم !!؟؟

قلت مافي >> ( طالب أخر زمان والله الاقلام بالبيت يتغدون ^_^ )

المهم انة اخذني وراح لمقدمة الطابور .. مسك المايك >>> ( الطالب بدون قلم !!؟؟ من يعطية !!!!!!! (((( بالله ماقصروا بس إحراااااااااااااااااج وكأنة أول مرة بشوفوا طالب العيون كلها والتعليقات !!! :غريب: )))))))

بصراحة انا اكتشفت ( بمساعدة الطلبة هذا هو مدير المدرسة :قرصان: !!!!!!!!! )



كاااااااااااااااااااك مت من الضحك على هالمووقف فشله من امه و المدير الله يسامحه عليه نذاله مو طبيعيه لوو انا مكانك يمكن ابجي :tongue-new:

_________________

المهم تسلم اخي اسير بغربتي ع الموضووع الحلوو و يعطيك العافيه

اممممم واايد مواقف محرجه صارتلي بالمدرسه بس للاسف ما اذكر غير واحد

انشالله اذا تذكرت الباجي بكتبهم

مرره دخلت ابله العربي و وقفناا عشان نسلم << لي هني الاموور تماام

الطااامه الكبررررى ان الكرسي كان بعيد رفيجااتي مبعدينه عني :grumpy:

و انا علبالي انه وراي لما سلمناا خلصناا ييت بقعد ولا فجااه (( طربااااااخ)) ولا انا طايحه ع الارض :grief:

على اساس انه الكرسي ورااي فالاخت شاده حيلي ويايه بقعد ما فكرت انه ممكن يكون مو وراي :culpability:

المشكله ان كل البناات صارت عيونهم علي و باطينهاا ضحك :bi_polo: و الابله تسكتهم و تضحك :grief:

فشله من امه ويهي قام يقلب الواان و احاول ارقع الطيحه بس ماكوو امل :tongue-new:

ههههههههههههه

تقبل مروووري

[Klashenkof]

هههههههههههه
والله مواقفكم ناااار
الله يعينكم..

تسلموا لمروركم الطيب

[No Buddy]

وعليكم السلام

هههه الصراحه مواقفكم فله :cupcake:

بالنسبة لي والله ما أذكر موقف محرج بمعنى الكلمة :subdued:

بس بأروح انام وأتذكر ! :sleeping:

[S H I Z O]

إلسلآم :أوو: ..
موضوع كآوآي :واو: , آممم مره فَ يوم إلثلآثآء طبعاً آول حصة نشآط مآنسوي فيهآ شيء لآنآ مآنشترك آحنآ آربعه قلت لهم فَ إلطآبور شرآيكم نهرب يعني لو نهرب مآرآح يمسكونآ بنقول نشترك بنشـآط و جذي ..
ثنتين قآلوآ لآ نـروح نشترك مع إلدرآسـآت إلعلمية مثل مآ آتفقنآ و إلثلآثه قآلتلي آمشي سآره نروح نشوف إلمكتبه نشترك و بعدين نهرب شوي قلت يلآ آمشي و بهذآك إلوقت كآنت مشرفتنآ مآخذه آجآزه آسبوعين فَ مآعندنآ مشرفه تخآلفنآ كنآ حآطين وسمه و جوآتي ربط و صديقتي مو لآبسه حجآبهآ [ آنآ مو متحجبة ] , و رحنآ للمكتبه نفسّ مآ آتفقنآ لقينآهآ مسكره قلنآ نروح نهرب مآنرجع إلآ آخر إلحصة و إلآبلة إللي علينآ مسخره :ضحكة: , هربنآ لمآ رحنآ فوق آنآ و صديقتي قعدنآ نسولف مع بنـآت تـوآسع فجآه ولآ آنتبهت فَ وحده صآعده من إلدرج @@" , مو طـآلبه شفتهآ لين مآصعدت آنصدمت قعدت آهمس لصديقتي آقولهآ مريم مريم إلمديره مآسمعتني صديقتي لمآ شآفتنآ إلمديره صآرخت بصوت عآلي مريم إلمديره آركضي و نحشنآ لمآ نزلنآ من إلدرج إلثـآني لقينآ بنآت صفنآ هنآدي و سلمى هنـآدي مآدري وين رآحت مريم بعد مآدري وين رآحت لمآ ييت بنزل قآلتلي سلمى لآ تتحركين تشوف إذآ فَ مشرفة عَ صفوفنآ ولآ لآ و نزلنآ ركض زين إنّ بنت عمت صديقتي إلمقربه كآنت مشتركه بإلنظآم لو هي مو عندي جآن ودتني للآدآره قآلتي بسرعه آدخلي لآ تيي إلمديره و تمسكم لمآ دخلنآ شفنآ إلآبله مآكلمتنآ و آنحبسنآ قعدت آحآيل فيهآ آقولهآ آبله آنآ مشترك مع إلدرآسآت إلآبله تبيني قآلت لو تبيج تيي تآخذج بعدين قلت زين آبله بحذف إلوسخ برآ قآلت زيـن بعدين قعدت آنآدي بنت عمت صديقتي آقولهآ تطلعني قآلت مآقدر إلمديره برآ و بعدين خلصت إلحصة و مآهربت وآيد ^^" ..

شُكراً على إلموضوع إلرآئع :أوو: , جآنآ 3>‘

[MISHO__O]

أنا صارت لي موقفين من اللي اذكرها
الاول يوم كنت صغيرة عمري (10) كانت علينا حصة (E) والأستاذة تقول Again
عشان نردد معها وانا اقول بكل براءة Again فجأة قالت لي الأستاذة معنا Again (مجددا)
قامو البنات يضحكون علي وانا تفشلت



الموقف الثاني مو أنا اللي تفشل الأستاذة

كنت في الابتدائي وجتنا أستاذة انتظار والبنات كلهم يسولفون قالت عيب عليكم
أنا يوم كنت أنا كبركم ماكنت اسولف وتقول محاضرة يوم انتهت
قلت لها تتذكرين يوم كنت كبرنا..

[zenaku]

السلام عليكم
انا المواقف الحرجة مافي بس اكييد انا اللي اسبب لربعي المواقف الحرجة واوهقكهم
عالعمووم يعطيك العافيية

[ŤểήŤểή Čђặή]

ههههههههههه
والله يامواقف مححححرجة
انا دحين مااتزكر موقف سرلي
وشكرررررا على الموضوع الرائع

[jawad 2011]

لما كنت في ثاني ابتدائي كان الاستاد يتكلم وانا كنت حاط راسي على الطاولة واسمع لكن بدون تركيز استنتجت من كلام الاستاد انه يمديني اطلع بدون ما اسأل الاستاد قلت بجرب قمت وفقت امام طاولة الاستاد وبعدها رحت للباب الاستاد سألني وين بتروح قلت اشرب ماء ضحكوا الطلاب وبعدها الاستاد سمح ليي اروح