keet.kaior
17-01-2012, 13:55
كل ما هو بالموضوع مقاطع من كتاب
(انا راعى بقر وحيد)
للكاتب : خالد كساب
1
كل ما افتكر
حكاياتي اللي فاتت
أسرح
وأبتسم
وأتعجب..
وما أفوقش غير
علي فوران القهوة
أكُبَّها..
وأحط سكر تاني
وبن تاني
ومن تاني
أقَلِّب..
2
للأسف
مشكلتك مالهاش حل
جنونك عاقل جداً
بس عقل العاقلين
من حواليك
مختل..
3
أنا
وبنت لسه
ما قابلتهاش
وبوسة
مستنيِّانا نتقابل..
إحنا التلاتة
بندوَّر علي بعض
وبنستني بعض
ولحد ما نلقي بعض
ياما حنقابل..
4
لأننا
قرَّبنا جداً
كان لازم
نفترق..
لأننا
نَوَّرنا جداً
كان لازم
نتحرق..
5
إركب قطر الدنيا..
طَلَّع راسك من شباكه
عشان تتفرج..
وإوعك تزعل..
لما دماغك تخبط في العواميد..
وسنينك تتدحرج..
من شباك القطر..
6
أرواحنا
نمور غضبانة
محبوسة جوانا
هَيجَانة
حتموت وتهرب م القفص..
نمور
مهما نروِّضها
وندربها
طبيعتها لازم تغلبها
النمر
حيوان مفترس..
7
إمبارح كنت حد تاني، والنهاردة أنا حد تالت وبكرة..حابقي حد رابع....وهكذا...وتستمر المعجزة وتستمر أكبر وأضخم سباق للتتابع
...!!!
8
كل حكاية حب بين ولد وبنت زهر..علي عجلة روليت...المكسب فيه خسارة مؤجلة والمهزلة..إن خسارتك ساعات معناها انك كسبت
9
حاجات كتير في حياتي اللي فاتت..راحت...بس لسه عندي أمل فيها، عشان كده الزرعة الميتة في بلكونتي مع إنها خلاص ماتت يوماتي باسقيها...!!!
(انا راعى بقر وحيد)
للكاتب : خالد كساب
1
كل ما افتكر
حكاياتي اللي فاتت
أسرح
وأبتسم
وأتعجب..
وما أفوقش غير
علي فوران القهوة
أكُبَّها..
وأحط سكر تاني
وبن تاني
ومن تاني
أقَلِّب..
2
للأسف
مشكلتك مالهاش حل
جنونك عاقل جداً
بس عقل العاقلين
من حواليك
مختل..
3
أنا
وبنت لسه
ما قابلتهاش
وبوسة
مستنيِّانا نتقابل..
إحنا التلاتة
بندوَّر علي بعض
وبنستني بعض
ولحد ما نلقي بعض
ياما حنقابل..
4
لأننا
قرَّبنا جداً
كان لازم
نفترق..
لأننا
نَوَّرنا جداً
كان لازم
نتحرق..
5
إركب قطر الدنيا..
طَلَّع راسك من شباكه
عشان تتفرج..
وإوعك تزعل..
لما دماغك تخبط في العواميد..
وسنينك تتدحرج..
من شباك القطر..
6
أرواحنا
نمور غضبانة
محبوسة جوانا
هَيجَانة
حتموت وتهرب م القفص..
نمور
مهما نروِّضها
وندربها
طبيعتها لازم تغلبها
النمر
حيوان مفترس..
7
إمبارح كنت حد تاني، والنهاردة أنا حد تالت وبكرة..حابقي حد رابع....وهكذا...وتستمر المعجزة وتستمر أكبر وأضخم سباق للتتابع
...!!!
8
كل حكاية حب بين ولد وبنت زهر..علي عجلة روليت...المكسب فيه خسارة مؤجلة والمهزلة..إن خسارتك ساعات معناها انك كسبت
9
حاجات كتير في حياتي اللي فاتت..راحت...بس لسه عندي أمل فيها، عشان كده الزرعة الميتة في بلكونتي مع إنها خلاص ماتت يوماتي باسقيها...!!!