الاخوان الصغار

[blue snow]

السلام عليكم ورحمة الله وبركاته

كيفكم يا الشعب المكساتي ؟؟

أكيد كل واحد عنده اخو اصغر منه و الأصغار كلهم مواقف محرجه هع :d

كل واحد يحط اكثر موقف محرج حطاه فيه اخوه وانا ببداء

.....

مره ما أنساها لما كنت قاعده بجمعة حريم ورازة نفسي وكاشخه

ولا يجي اخو الصغير المطفوق وهب نقز على الطاولة الي قدامي تكسرت و انكت كل شيء فستاني

كيك وعصير وخشب وقرف :ميت: :بكاء:

وشوي وأبكي والمطفوق قعد يضحك!!! اشتهيت وقتها اصكه كفف احمر على وجهه :غول:

وامي تعتذر لام صديقتي الي عطاني فستان من فساتينها بدل الي خرب اهئ اهئ:بكاء:

.....

وانتوا؟

[salohe]

السلام عليكم
مشكورة أخت blue snow على الموضوع
قبل ما أبدأ حاب أذكر أنو أنا يعجبني مسلسلات الانمي المعروفة مثل
Naruto - One Piece - Bleach
قصتي مع أخوي موقف يعني صار مع اخوي بين الرجاجيل
يوم من الايام كنت قاعد مع أخوي بالمجلس
شوي جو رجاجيل وانا كنت قاعد معاهم طبعاًويومها انا كنت
متابع حلقة موت جيرايا بس أخويا اللي يتابع معايا دايماً
ما تابع قلت لأخوي روح شوف حلقة جديدة نزلت من ناروتو
ع العموم جو الرجاجيل وقاعدين نضحك ونسولف الا شوي جا
واخوي يركض ويصارخ صاااااااااااااااااالح جيرايا ماااااااااااات
وانا ضاقت الدنيا علي خلاااااااااااااص ابي اصكه كف كذا ما ينساه لين ما يكبر
في رجال من الرجاجيل قال مين جيرايا ومين مات
عاد تعال وشوف أخوي رمى اللي وراه واللي قدامه ما خلى شي الا قال
والرجال يقول فلم كرتون هاااااااا هو ما يعرف انه مسلسل انميشن معروف
وانا خلاص ابي انفجر واضربه ضرب بس قلت اوريك بعدين وجالس ساكت ما تكلمت ولا كلمة
من كثر الاحراج:محبط::محبط::محبط::محبط:
وهذه قصتي مع أخوي الله يهديه وانشالله تعجبكم
تحياتيـــــــ

[blue snow]

هههههههههه

على طاري ناروتو أنا بحلقة موت ايتاتشي مندمجه حدي

واصايح ايوا يا ساسكي ايوا يا ساسكي وآخر شيء بموت ايتاتشي وهو يبتسم قعدت أصيح لااا لاتموت بعدين ساسكي بيرد للبقرة ساكورا

وأخوي الله يفضحه واقف مع بنات عمي الي تسدحوا من الضحك عليا وانا قمت واخذت اقرب كعب ويلا وراه

[blue snow]

اذكر مره كنت مندمجه صراخ وهبال

وارقص واغني بختصار فصلت

ولا اخوي مصورني بالجوال وراسله لكل خوالي وهاك الأحراج

[Winter Feeling]

السـلام عليكـم
كيـف الحـال؟
عسـاكِ بخيـر

الأخـوان والأخـوات الصغـاار دائمـاً يفشـلون
بـس يظلـوا كيـوت:أوو:

وعـن المـوقف
مـرة كنـا أنـا وأختـي الصغيـرة( 5 سنـوات) فـي بـاص المـدرسة
كـان رحلـة يـومها يعنـي معلمـات كثيـر فـي البـاص
فكلمتنـي معلمـة الـرياضيات شـوي وبعـدين راحـت
وسـألتني أخـتي بصـوت عـالي: ميـن هـيدي؟
قلـت لـها: معلمـة الـرياضيات
فقـالت بصـوت أعلـى: هـيدي اللـي كنـتِ تقـولي عليهـا حمـاارة ومـا تعـرف تشـرح!!!
فانصدمـت معلمـة الـرياضيات
وزعلـت منـي<<قعـدت شهـر أراضيها:غول:
ولمـا رجعنـا البيـت ضـربت أختـي ضـرب بالجـزمة::مغتاظ::
وكنـت بذبحـها لـولا أنـه أمـي قـالت لـي انـها بتتصـرف فـي المـوضوع:نوم:

وفـي مـواقف كثيـرة
ان شـاء الله
لمـا بتـذكر بقـولها

أتمنـى مـا أكـون طـولت عليـكِ
فـي أمـان الله

[blue snow]

بالعيد انا كنت اتمكييج باللون الرمادي وامي تناديني تركت الفرشاة حقت الشدو روحت اشوف شتبي

وتجي اختي الشيطانه الي بخامس وتمليها حمرة (احمر شفاه) برتقالي دراقي

ومن اول ما جيت غمضت عيوني وبيت حط لاني خبيره وما احتاج للمرايه

وافتح عيوني وبديت صارخ شكلي يفشششششششل

ومسكتها وكفختها

[فرح مساعد]

ههههههه.. مواقف تفشل ..

وكله كوم وحق ابلة الرياضيات كوم ثاني ..ههههههه :(



حصلي موقف شبية له ..كنت اكلم بنت عمتي هي دقت بيجونا فأعتذرت بلباقه وقلت رايحين السوق

وإحنا عندنا جهازين بالبيت رفع اخوية الجهاز الثاني

وقال كذااااابه بس تكرهكم ماتبغاكم تجون :eek:

وعاد الكره مع واحدة ثانية قالو تعالو عندنا قلت ابويه رافض والله احنا نفسنا نجي

وسمعني وصاروخ ع الجهاز الثاني لانو كنت اكذب انا رفضت نروح وهو نفسه يروح

ورفعه وقال كذااااااااااااااااااااااابه هي تبكي تقول مانبغى نروح لهم المعفنين :confused:

[blue snow]

هههههههههه

اخوج خطير ويفشل

أنا اخوي فشل بنت عمي قدام صديقاتي كل مره يجونا وهي حالفة انها ما تجي اذا هو موجود

[فرح مساعد]

هههههههههههه

بصراحة اللي مثل ذولا ينخاف منهم :p

[Sleepy Princess]

كانت مستلقية على سريرها عندما سمعت طفلها يتحدث إلى شخص ما في غرفة التلفاز ...
فاستدعته متعجبة ..وسألته : ..مع من كنت تتحدث !!
أجابها بحماس : صديقي ..!! يشبه سونيك ! لكنه ليس سونيك ..لكنه يشبه سونيك !!
قالت له : أريد أن أراه ...فليأتي إلى هنا ..!!
صمت قليل وقال بتردد : هو لا يريد أن يأتي !!
قالت له : ..همممم طيب أنا سأذهب لأراه يلا ...فلنذهب !!
أجابها بقوة : لا لا ...لن تريه إنه مممم كأنه متخفي !! لا تستطعين رؤيته !!
ضحكتْ !!

>>>>>>>>>> القصة مسموعة من خالتي وولدهاالله يحميهم :d

دمتم بخير ~