PDA المساعد الشخصي الرقمي

عرض كامل الموضوع : مواقف محرجه ومضحكه



كاوايي
14-08-2011, 13:03
مره كنت راده من المدرسه من وقت مبكر وقالتلي امي بدلي ملابسك ونزلي بسرعه عشات روحين توصلين اغراض لبيت عمك (هم قربنا يعني جيراناخطوتين واوصل بسرعه)
المهم بدلت كندورة المدرسه ولبست كندوة البيت ونزلت وخذيت الاغراض ورحت بيت عمي ويوم وصلت لقيت ولد عمي اكبر مني بسنتين سلمت عليه وعطيته الاغراظ وكان يناظرني بنظرات غريبه ويتبسم يبي يضحك بس ماسك نفسه
استغربت انا ليش يبي يضحك لاني ما شفت شي فيني يضحك ورحت البيت وطول الطريق اقول لنفسي وش يضحكه ؟؟؟؟
ويوم وصلت البيت دخلت غرفة امي ونضرت لنفسي في المرايه ............

تدرون ليش كان يضحك ؟؟؟؟.......>>>>>>>>>> لاني كنت لابسه كندورتي مقلوبه أخخخخ يالفضيحه رحت بيت العرب وأنا لابسه كندورتي مقلوبه الحمد الله اني ما لاقيت حد ثاني غيره

.................................................. ...............................

في مره كان اخوي الي اكبر مني بسنتين واختي الي اكبر مني بـ4 سنين قاعدين يتظاربظاربون وعصب اخوي وااااااااااايد

تدرون وش سوى ؟؟؟ >>>>>>>>>>> اخذ سكيــن وقام يركض وراها ويقولها بقتلج بقتلج :eek::eek:

وهي تركض وتنادي امي تقولها امي اخوي يريد يقتلني

بعدين جت امي وهاشت عليه >>>> يستاهل خخخخخخخخ:d:d

هاذي السالفه لما كانو صغار

.................................................. ...............................

في مره لما كنت في المدرسه وفي الطابور الصباحي وكانن بنات الإذاعه يسألن أسأله وألي تجاوب تاخذ هديه

بس إذا كنتي تبين تجاوبين لازم تسابقين البنات عشان توصلين للمكرفون وتقولين الجواب قبلهن

وقلت شو بخسر بطلع وبجاوب وبخذ الهديه ويوم قالن السؤال قلت في نفسي هاذا السؤال سهل بطع وبجاوب يالله الميدان يا حميدان ورحت أركض وأركض و أركض بكل سرعتي وكنت سابقه كل البنات ويوم قربت أوصل للمايك عشان أجاوب تعثورت وطحت طيحه قويه على الأرض وسبقني البنات وجاوبن وخلصت فقرة الأسأله ورديت أنا طابوري متفشله
تخيلوا طحت قدام كل المدرسه وصار ويهي احمر من المستحى وتبت بعدها أطلع اجاوب على الأسأله في الإذاعه

.................................................. .............................

مره لما كنت صغيره كنت قاعده اكل تفاحه فانكسر ضرسي فيها :d:d:d

وفي مره كانت اختي تتغدى فانكسر ضرسها وهي تتغدى وكلته مع الغدا ههههههههه :D:d<< يقطع بليسها

وفي مره خواتي الكبار لما كانوا صغار كانوا قاعدين يتغدون فأختي الأصغر غصت وماقدرت تتنفس فراحت أختي العوده وظربتها على ظهرها عشان تسيح اللقمه ولما ساحت اللقمه لفت أختي الأصغر راسها وهي تصيح وتأشر بصبعها لأختي العوده وتقول ليـــــش ظربتيني ؟><:بكاء: >> على بالها ظربتها :D وهي ساعدتها المسكينه خخخخ :d:d

.................................................. ............................

في عندي سوالف وايد بس نسيت لما اتذكر بكتب

والي عندها سالفه تقولها وتضحكنا عندها شوي ::جيد::

كاوايي
16-08-2011, 10:45
في مره صديقة اختي كانت مو صايمه في رمضان

وكانت رايحه عند اهلها للسوق ونزلوا اهلها كلهم وقالتلهم انا مابنزل تعبانه انتوا روحو وردوا وانا بقعد في السياره انتظركم

فراحوا كلهم وبقت هي وحيده في السياره وقالت هاذي فرصتي واخذت شنطتها وطلعت منها اكل وقعدت تاكل وتشرب وهي فرحانه ومبسوطه عـ الآخر

وبعد ماخلصت رفعت راسها وشافت السياره ألي قدامها (مقابلتنها ) فيها رجال قاعد يناظرها ويضحك ويسويلها بـ يدهمثل كذي >>::جيد::

فصار ويهها احححححمررر من الخجل ونزلت تحت من وين يحطون الرجول ولا طلعت لين ردو اهلها <<<<< هههههههههههه مسكينه تفشلت

كاوايي
16-08-2011, 12:29
في مره كنت قاعده اكتب رساله لـ بنت خالي ومندمجه فيها وعايش الجو

وفجئه إلا اشوف خويه الصغير(3 سنين) جاي يركض بسرعه ويضحك يركض ويضحك ولا وقف كان يركض خط مستقيم ويطالع وراه وخطف من قدامي يركض ودعم الجدار بقوه وطاح على الأرض وانقلب الضحك لصياح وانفقعت انا ضحك ماقدرت امسك نفسي شكله كان يموت ضحك :d:d

.................................................. ........................

في مره كنت قاعده انا وخواتي وامي نسولف وكانت امي منسدحه قدامي وتطالعني

وكنت انا ماسكه نفاخه(بالون) فيه ماي بـ إيدي واظغط عليه وافعصه بيدي و شوي وتبطل البالون وطار كل الماي ألي فيه فوق راس امي

مافي قطره لا يمين ولا يسار كله فوق راس امي :eek:

وانفجرت ضحك لما شفت شكل امي وقمت أزحف على ركبتي ويديني اريد اهرب قبل ما امي تهوش عليه بس ماقدرت اوقف من الضحك تميت ازحف واضحك :d

.................................................. ..........................

في مره انا وامي لما كنا في بيتنا الي في عمان (حن مانروحله وايد عشان جذي فيه حشرات وايد )
المهم كنا انا وامي قاعدين برا في الليل وكنت انا رايحه امشي ناحية امي وفي الطريق شفت (شبرطل) او (شبيرطي ) أو (ابو شبث ) او ماعرف شو تسمونه (هو حشره تشبه العنكبوت بس تخوف اكثر وتلوع بالكبد)واقف على الجدار وكان كبيـــــــر وااااايد وشكله يخوووف ولما شفته حسيت انه بدني كله اقشعر وناديت امي قلتلها تعالي قتليه (موتيه):لقافة: قالتلي شو تبيبه خليه بعدين هو بيروح لوحده ومابسويلك شي
قلتلها لا دخيلك امي تعالي قتله تعالي تعالي وحنيت عليها لين ما قامت من مكانها وقالتلي طيب وينه واشرت عليه باصبعي .
راحت امي وخذت (زوره) يعني سوط أو بالغه العربيه الفسحى (قضيب من الخشب ) <<< يمكن جذي
المهم وراحت تبي تظربه بالسوط ماشاءالله عليها وكان المكان ظلام شوي وكانت مركزه على الآخر تبي تظربه وأنا مركزه معاها ....وظربته بقوه بس .... بس ما صابته الظربه مرت قربه وتحرك الشبرطل وكض ورا امي وصار يلاحقها وهي تركض وتركض وماسكه السوط عندها وانا ميته ضحك على شكلها وبعدين قربت مني وعطتني السط وقالتلي ظربيه انتي انا ما اشوف عدل في الظلام وخذيت السوط وقمت اظرب الشبرطل واظرب بس ما جاه شي وبدل ما كان يلاحق امي لف وصار يلاحقني انا عاد انا مت من الخوف وركضت بعيــــــــد عنه يمكن متر او اكثر وصارت امي تضحك علي وتقولي هاه كانتي تضحكين علي والحين ردت فيج ههههههههههههه

.................................................. ..........................

وفي مره بعد لما كنا رايحين لبيتنا في عمان في الاجازه

كنت انا كل يوم اتسبح الظهر لانه ما في غير حمامين في بيتنا (الي في عمان) واحد للرجال وواحد للحريم

المهم كنت كل يوم لما اكون اتسبح تجي يدتي في نص السبوح تحاول تفتح الباب من برا لانه الباب نقدر نقفله من برا ومن داخل المهم وانا اقعد اناديها (يدوووووه انا هني انا اتسبح ) بصوت عالي لانها ماتسمع عدل

و يوم من الايام كنت اتسبح وجت يدوتي تحاول تفتح الباب كالعاده :rolleyes: وقلت في نفسي مافيه اقعد انادي عليها بصوت عالي :لقافة:برايها خليها يوم بتتعب بتروح وخليتها تحاول تفتح الباب من برا ليــــن ما يئست من محاولاتها وراحت وتسبحت انا ماشاءالله عليه على راحتي ولما خلصت رحت اريد افتح الباب لقيت الباب مقفول من برا :eek:

المهم وقعدت في الحمام يمكن 3 ساعات :eek:ومتت من الحررررر تسبحت بالعرق:( وناديت امي لين ماعيزت وماسمعتني :(وآخر شي سمعت اخوي جاي من برا كان الوقت عصر وناديت عليه وفتحلي الباب :pوخلصت السافله >>> بس كنت استاهل الي صارلي :d ماحد قالي اطنش يدوتي واخليها تتعب وهي تحاول تفتح الباب ربي جازاني بسرعه على الي سويته في يدوه :d

blue snow
17-08-2011, 01:16
ههههههههه

احرااج

ذكرتيني مره وانا بعرس اخت اعز صديقاتي ومعاها من المشغل للصاله ولما جت الزفة

كانت العروسه تمشي وانا وراها واعدل فساتنها من ورأ بالعبايه والحريم خز فيني

ولما راحت العروس قعدت علشان صديقتي بتروح مع أختها وترجتني اقعد شوي لما ترد

وإخواني يدقون علي وانا اقولهم خمس دقايق بعد

والله لأيوريك اخوي الصغير ست سنوات من اخر الصاله يصارخ ( سدييمووووه تعالي خلاص راحت المزيونه مع أختها)

أنا طنشت ولا كأني سمعته جاء وتعلق بثوبي والكل يطالعني ويضحك

بالبيت كفخته فشلني

كاوايي
17-08-2011, 09:12
( سدييمووووه تعالي خلاص راحت المزيونه مع أختها)

ههههههههههههههههههههههههههههههههههههههههههههههه

اخوك هاذا صراحه طماشه >>> يقطع بليسه خخخخخخخخخخخخخخ

بس صدق احراج هههههههه

دلع عمانية
18-08-2011, 19:26
ههه عاد ما لقت مكان تاكل فيه غير السوق قدام خلق الله بس و الله فشله ما عليه عشان تتعلم مرة ثانية و ما تعيدها

ɱ₳$ѻ† ȺḸɘЖâⁿᶑϵг
22-08-2011, 09:40
ههههههههه والله قصص هبل بس نايس
مشكور

Uchiha Madara10
23-08-2011, 02:11
ههههههههههههههههههههههههههه اهنيك على الموضوع الروووووووووووووووعه .....:d:d:d:d مصرااحه محرج وواصلي تالقك ونوعي في مواضيعك وشكراا...::جيد::;)

كاوايي
23-08-2011, 12:11
موقف آخر

مره كنا انا وامي جالسين في الصاله و إلا يفتح الباب وتدخل زوجة اخوي وشكلها كأنها خايفه

الشيله طايحه والعيون مفتوحه على الآخر والحاله حاله وماسكه بيدها تلفونها

جت وجلست ووفتحت التلفون وعطته امي وقالتلها شوفي ولدي الصغير شو صور

شافت امي الصوره و قالت بسم الله وش هذا بسم الله الرحمن الرحيم

قلتلها شو صاير ؟؟؟؟

قالتلي زوجة اخوي والله ولدي الصغير كان قاعد يصور بالتلفون وصور شي أسود شكله يخوف وما عرفت شو هو

قلتلها عطيني اشوف الصوره

وعطتني ...

خذيت التلفون وقعدت اركز في الصوره عشان اعرف شو هذا ... بعد شوي قلبت التلفون وشفت الصوره مره ثانيه وشفت .....

تعرفون شو شفت؟؟؟؟؟ .....

شفت ...

شفت ....
^
^^
^
^
^
^
^
شفت خشم !!!!!!!!!!!:d:d >>> يعني أنف

كان ولد اخوي مصور خشمه مقلوب !!!!:d:d وانفقعت انا ضحك ههههههههههههه ضحكت ضحك هستيري ما قدرت اوقف :d:d

وامي وحرمة اخوي مستغربين ويطالعون فيني ويقولون شو صار ؟؟؟

حاولت اوقف ضحك و فهمتهم الصوره و لما فهمو شو صار ... انفجروا هم بعد ضحك ماعي :d:d:d

ههههههههههههههههههههه خشم مقلوب ههههههههههههههههههههههههه ههههههههههههههههههههههههههه

.................................................. ...



مره في المدرسه كنت امشي في الساحه

وفجئة ...... دعمت في العمود ألي قدامي :d أخخخخ كان يعور كثير

التفتت يمين وسيار عشان اتأكد أنه ما في أحد شافني والحمد الله ماكان في أحد
ولا كنت تفشلت فشيله كبيره :d:d

Winter Feeling
24-08-2011, 11:49
السـلام عليكـم
كيـف حـالك أختـي؟
عسـاكِ بخيـر

ههههههههههههـ
مـواقف جميلـة
وخصـوصـاً هـذا:

مره في المدرسه كنت امشي في الساحه

وفجئة ...... دعمت في العمود ألي قدامي:dأخخخخ كان يعور كثير

التفتت يمين وسيار عشان اتأكد أنه ما في أحد شافني والحمد الله ماكان في أحد
ولا كنت تفشلت فشيله كبيره:d:d

هـيدا صـار لـي مثلـه
بـس علـى أفضـع

لمـا كنـت فـي الإدارة تبـع المـدرسة
قـالت لـي المـديرة: عـرفي المـوجه علـى الأقسـام
فأخـذته وبـديت أعـرفه علـى الأقسـام
وكنـت لافـة جهتـه << اشـوفه
فمـا شفـت انـه فـي عمـود قـدامي
فـصدمته وأغمـى علـي:صمت:
ولمـا فقـت حصلـت حـالي فـي الإدارة وأمـي تصـرخ علـى المـديرة والمـوجه
لأنهـم مـا نبهـوني
ولمـا فقـت كنـت حأتبهـدل معـاهم
بـس عمـلت حـالي مـو متـذكرة شـي وتعبـانة
فأخـذتني للبيـت
وطبعـاص كـانت بجنبـي طـول الـوقت:أوو:
ومـا راحـت عـ شغلهـا<< يـا ليـت يغمـى علـي كـل يـوم مشـان أشـوفها:لعق:<<كـف

أتمنـى مـا أكـون طـولت عليـكِ
فـي أمـان الله

ỷoķộ-çhаή
24-08-2011, 21:18
ههههههههههههه مرهـ حلو الموضوع ..

ذكرتيني بسالفهـ ..:ضحكة:..

مرهـ بالمدرسهـ كان معي حَب او (فصفص) :لقافة:..

وكنت اكل الحبهـ وأرمي القشرهـ وانا كنت رايحهـ للفصل وكان معي أخر قطعة حَب (فصفص) وكليت الحبهـ

وتفلت القشرهـ على احد بس تدرون منو :مرتبك: ؟؟

كانت الآستاذه ..:ميت:

ويا ويلي ويلآهـ :ميت:..

......~~~

موقف أخر

مرهـ كنت زعلآنهـ من وحدهـ من صديقاتي :نوم:..

وكنا بحصة رياضيات بس الآبلهـ قالت اليوم ما عندنا درس :rolleyes:..

بعدين صديقتي اللي كنت مزاعلآتها كانت تناضر لي ..

بعدين أنا كنت أناقرها امد لها لساني و.. و...

بعدين تخيلو ... تخيلوو :مرتبك:..

الآستاذهـ كانت تناضر لي :بكاء:..

وأنا أنخرع.. أنفضخ قلبي :بكاء:.. < المسكينهـ :ميت:

...~~

مشكورهـ حبيبتي كيو تشآآن على الموضوع ::سعادة::..~

أستمتعت فيهـ وآآآيد :مكر:..~

كاوايي
25-08-2011, 12:08
مشكورين اخواني واخواتي على المرور الجميل والمواقف الحلوه والضحكه

انا عندي موقف آخر

مره لما كنا نداوم صيفي بالكليه بالصيف الماضي كنا نجلس بالباص ساعتين حتى نوصل

ومره من المرات كنت انا وصديقاتي رح نموت من الملل فـ قلتلهم شو رايكم اتصل لخويه اضحك عليه شوي

وهم عجبتهم الفكره فـ قالولي يالله بسرعه دقي عليه فـ خذيت تلفون صديقتي ودقيت وجلست انتظره يرد

طووووووووووووووووط طووووووووووووط طووووووووووووووووووووووط <<<< شكله في ناس عنده

قلت لصديقاتي مايرد قالولي صبري انتي شوي

وبعد شوي رد اخوي على التلفون

اخوي : ألو

أنا : ألو

ظربني صديقاتي كل وحده من جانب وقاللي شو هذا صوت بقره؟؟؟؟:ميت: عدلي صوتك خليه ناعم ورقيق

أخوي : مرحبا

أنا (بصوت رقيق وناعم ) : مرحبتين

أخوي : شحالج ؟؟؟؟

أنا : بخير ،، أنت شحالك ؟؟؟

أخوي : بخير وعافيه .

صديقاتي قعدن يضحكن وأنا أظربهن وأشر لهن بصبعي (سكتن)

أخوي : منو أنتي ؟؟؟ وشو تبين ؟؟

أنا : أنا وحده و أبي أتعرف .

أخوي : وشووووووووووووووووو ؟!!:eek::eek:

أنا ماسكه نفسي وأبي أضحك :لقافة:

أنا (بصوت ناعم ) : أبي أتعرف عليك .

أخوي : تفجييييييييييييييييييييييج << يعني مصاخة بنات :غياب::لقافة:

انا صار ويهي مثل كذي >>:موسوس:>:واجم:>:مرتبك:>:لقافة:>:ضحكة:

وضحكن صديقاتي كلهن بصوت عاااالي وأنا ما قدرت امسك نفسي وضحكت معاهن بصوت عالي وسكرت الفون في ويه اخوي

بعد كم يوم قالي اخوي : انتي المتصله على هاذاك اليوم ؟؟؟

قلتله : اي يوم ؟؟؟ >> امثل اني مو أنا
أنا : لا لا مو أنا :مرتبك:

وصار ويهي كذي >>>:أوو::لقافة::ضحكة: وضحكت ما قدرت اتحمل يوم تذكرته في ذاك اليوم

وبعدين كشفني خخخخخخخخخخخخخخخخخ بس ما قالي شيء

كاوايي
02-09-2011, 08:24
تذكرت موقف

في مره لما اذن اذان العصر قمت ورحت اسوي شاي وقهوه

وسويتهن وخلصت وحطيتهن في الصاله ورحت فوق اصلي

وبعد ما خلصت جت اختي الصغيره قالتلي تعالي بويه يريدك

قلت في نفسي (ياويلي انا شو سويت ما اذكر اني سويت شي غلط )

المهم ونزلت لقيت بويه قاعد وماسك فنجان القهوه

وقالي شو مسويه للقهوه ؟؟؟

قعدت افكر بعدين قلت ماااشي.. بس قهوه وماي كالعاده :rolleyes::rolleyes:

تدروووت شو كنت مسويه ؟؟:rolleyes::rolleyes::rolleyes:

ههههههههههههههههههههه

قالي بويه ليش حاطه في القهوه سكر ؟؟؟

انا كان شكلي مثل كذا >>>:eek::eek::eek: سسسسكرررر

وشليت الدله ورحت اسوي قهوه من اول وجديد خخخخخخخخخخ:d:d:d

.................................................. ...........

في مره كانت بنت خالتي واخوها الصغير (صف 3)قاعدين في الصاله وكانت الساعه 8 ليلا

وفجئه سمعوا حد يدق الباب وراحوا يفتحون ...

تدرون من الي كان يدق الباب ؟؟:rolleyes::rolleyes::rolleyes:

كان ...

كان...

كااااان حمااار هاهاهاهاهاهاي :ضحكة::ضحكة::ضحكة:

ترا والله صدق مو كذب ترا جارهم عنده 5 حمير وكلهم يدقدقوا بيبان الناس هاهاهاي :d:d:d

وفي مره كانت بنت خالتي وزوجة اخوها رايحين يطلعوا من البيت ولما فتحوا الباب عشان يطلعوا

لقوا الحمير كلهم على الباب واقفين

وخافوا رجعوا البيت يركضوت و يصارخون ههههههههههههههههه <<< يقطع بليسهم خخخخخ:d:d:d:d

كاوايي
24-12-2011, 11:14
...