PDA المساعد الشخصي الرقمي

عرض كامل الموضوع : رد الاميرة كيت على طلاقها من ويليام >> الترجمة السعودية



روح الأسطورة
24-06-2011, 12:30
السلام عليكم ورحمة الله وبركاته

وش أخباركم وأخبار الاجازة معاكم

المهم خلونا ندخل في الموضوع:


بعد زواج دام لخمس اسابيع تم طلاق زواج القرن===> المصدر صحيفة سبق




/
/




صرحت الاميرة كيت بالاسباب الحقيقية لطلاقها من الأمير وليام قائلة



اسمعن ياحريم هذا الرجال وليام عسى الله لايلم له قرش
انا اللي رافعه عليه قضية الخلع
وطلاقي منه ماعليه الحسايف




اعترف اني يوم تلصقت به كنت داخله على باب طمع فيوم اني وافقت عليه..
قلت هااا بتتحقق احلامي التسويقية واكشخ قدام خوياتي وبنات جماعتنا بأمير مزيون



مير اكتشفت اني طبيت في واحد قعيطي بخيل درجه اولى



تخيلو قدام العالم كله قام يلبسني خاتم امه ~~~>ليلة كامله ندور عليه في المستودع



ويوم العرس سويت مكياجي بنفسي لأن اليزابيث رفضت تخليني اروح لمشغل اتمكيج واتميلح زي خلق الله
~~~> عجوز قريح
~~~>ماغير رحت لسوق من ورا اهلي وشريت بودرة وكحل واستشوار سيراميك
~~~> بطلعت روح كملت غريضاتي



ومثل مانتو شايفين ركبوني اهل زوجي سياره ياقدمها مغبررره
قالو ايش إحياء تراث..ياكذبهم بس مايبون يدفعون قيمة البنزين
رغم اني كنت قايلة له استأجر لنا مرسيدس اذا منت قادر تجيب قيمتها
فعصب وقال؛ اييه والله وتطورت منفوحه او تمدنه حميده
انسي هدية الأي فووون وكله من سوالف خوياتي في البي بي
~~>على طول قام ألغى خدمة البلاك هالنذل




أما جدته وعماته اقولها لكم وبصراحه انهن يفشلن وبقوة
يوم العرس مدري وش فيهن لابسات ملابس يلبسنها في كل الزواجات




وبعدين كنت طالبتة يجيب الطقاقة موضي الشمراني والا العنود ورفض
او منيره البخيت من بخت حظي الردي ((
حد يفسرلي هالجملله والله ما فهمتها))



انا وهالرجل بعاطل جلده أقشر اصفر رافض يقدم على برنامج حافز
ويلبس بذلة عسكرية يوم عرسه>>حسباله رايحين ساحه حرب
وطول ايام شهر العسل يتطنز على ركبي يقول وشفيهن سود...>>

جعله الماحي اللي يشيله هو وصلعته ولا فرحان فيها بعد
والله راح افضحه ذا الاحمر العطر؟؟؟؟
وذبحوني بأمه كن مافيه حرمه بالعالم الا هالحرمه
يالله لك الحمد والشكر مثل دجاجه منتوووفه



قالو ايش زواج اسطوري
الا ياعساها من ليلة لا تعود


اقرأ المزيد : رد الاميرة كيت علي طلاقه من وليام لها % الترجمه السعوديه && >> أستفيدوا يا عرايس


( لقد قمت بسرقة الموضوع بكل براعة وإبداع )

( برعاية شلة العنكبوت )

A K A I •
24-06-2011, 21:42
ههههههههههههه

كل مرة سرقة سرقة

عايزين نخلى المنتدى فى تقددم بأبداع من الاعضاء مش من سرقة المواضيع

ههههههههههه

مشكوووووووور

ميشو 2011
24-06-2011, 21:55
ههههههههههههه

كل مرة سرقة سرقة

~DidRa~
24-06-2011, 22:49
ههع حلوة بس لا تنسى استاذن قبل لا تسرق

فلسفة فتاة
25-06-2011, 04:20
هههههههههههههههههههههه

A l O O F A
25-06-2011, 13:50
هههههههههههههههههههههههههفضحتوا الامير ويلياااام مشكوووووور عالموضوووووع ..

demi lovato3
25-06-2011, 14:14
ههههههههههه,, ها اللي ناااقص بعد! هههههههه

kay.ko11
25-06-2011, 15:01
ههههههههههههههههههه مررره يجنن ياحتاتي

واقوى شي السرقه صراحه

تشاو