PDA المساعد الشخصي الرقمي

عرض كامل الموضوع : ويكند مكساتي



عمور العراقي
03-06-2011, 15:25
السلام عليكم ورحمته الله وبركاته ~

كيف الحال مع الإجازه ياقوم ::سعادة:: ، اوبس في ناس ما بدأت اصلآ :نينجا: @.@ الله يعينكم :لعق:
الموضوع بصراحه جالي من بعد يوم الخميس الرااااااااااااااااااااااااائع :أوو:
يوم ولا كل الأيام لأني التقيت بأفضل مترجم عندي وهو the mystic (http://www.mexat.com/vb/members/282761-the-mystic) مترجم ون بيس :أوو:
بسرد قصت هاليوم في الموضوع من البدايه للنهايه :أوو:


طبعآ من زمان خاطري حد من مكسات اشوفه :أوو: وخاصه اصدقائي المقربين :أوو:
وبكل تأكيد ذا مستك من اكثر الناس المقربين على نفسي :أوو:
وبقدرت قادر قال بيجي البحرين عشان فلم قراصنه الكاريبي :أوو: <~ يعني ما جاي عشان سواد عيوني :تعجب: xD
واتفقنا انه بيكون يوم الخميس الموافق 2\6\2011 :أوو:

انا بديت اليوم بالسهر :D ورحت الإختبار الأحياء وانا مواصل :D
خلصت الإختبار الساعه 9 :أوو: وهنا بدأت السعاده لأننا خلاص افتكينا :أوو:
رحت مباشره لشركه زين اشتري خط جديد عشان اقدر اتواصل مع ذا مستك :أوو:
لأن خبركم انا اكل خطوط كل يوم رقم جديد :تدخين: !
اخترت رقم خطيييييير آخره 2007 :D ، جان تقول الموظفه " وي حدك قديم " :D علساس 2007 :تعجب:
ابتسمت لها ابتسامت سخريه وقلت " إلي ما ينوش العنب يقول حامض " وانا اطالعها بإزدراء :ضحكة:
وايد مطيحه الميانه هالأخت :تعجب:

مباشره رجعت البيت حطيت راسي ونمت ::سعادة:: طبعآ بعد ما عطيت ذا مستك رقمي :D
على الساعه 3 وربع جايلي ابوي يقعدني اصدقائك وصلوا بسلامه
انا : هاااا
الوالد : يلآ يلآ عمر قوم
انا : قوم عني يبه ما ابي اقوم
الوالد: ربعك وصلوا
انا : خيولون ربعي شسوي فيهم :ضحكة:
النوم شي مقدس عندي ما احب حد يقعدني :غول: xD
بعد ما قمت تسبحت وصليت مباشره رحت لهم :أوو:
طبعآ تأخرنا جدآ لأن الطريق كان زحمه :جرح:

وصلت اهناك طرشت له رساله اقوله خلك جنب المطاعم في الستي بجيبكم اهناك :ضحكة:
وهو قالي انهم جنب شسمه مطعم اصفهاني :غياب:
وانا رايح لهم في آنسه اموره الله يسامحها حرقت تلفوني رسايل :ضحكة:
وانا امشي وارد عليها الظاهر اني ما ركزت عدل وضيعت طريق المطاعم :ضحكة:
طرشتله رساله اقوله عزام تراني ضيعت :ضحكة:
قالي وينك الحين بجيلك :جرح: بعدها بقدره قادر طحت بالمطاعم :ضحكة:
عاد اطالع يمين يسار ما في حد عند اصفهاني :بكاء: توني بطرش له رساله إلا اشوف الوجه الوسيم ناط جدامي :ضحكة:
كان ذا مستك مع خوييه إلي في الجامعه ما مسجل في مكسات :D

اول شي بعد ما سلمنا مباااااااشره رحنا للسينما نحجز للفلم الرائع قراصنه الكاريبي :أوو:
إلي الأخوان جاين عشانه :غول:
طبعًا احترنا ثري دي ولا عادي ~_~ انا اقترحت عليهم العادي لأن الثري دي يعمي العين :ضحكة:
وحجزنا الفلم الساعه 6 :أوو:

بعدين مباشره قلت لهم تراني يوعان ما ماكل شي :بكاء: !!!
رحنا علساس للمطاعم نبي نروح نطلب من اي مطعم جان المح محل دونات :أوو: سحبتهم له :ضحكة:
وطفحنا دونات حتى اننا ما كملنا :ضحكة:

http://www.ep-subs.com/up/files/1307139022.jpg ('http://www.ep-subs.com/')

انا إلي اعرفه إلي ياكل دونات لازم يشرب وياه كوفي يشرب كبتشينو يشرب هذا الأشياء مو سفن اب وعصير @.@ :ضحكة:
هذا الأخ زكريا إلي مع عزام ماسك عصيره لحد ياخذه منه :غياب: !

وبعد ما اكلنا وما قدرنا نخلص الدونات :نينجا: رحنا نتفرفر اشوي على ما تصير الساعه 6 :أوو:
وناسه سوالفه وفله ::سعادة::
وبصراحه ما توقعت ذا مستك بهذي الرووووح المرحيه جدآ إنسان فلاوي :أوو:

بعدين رحنا للسينما تقريبًا دشينا الصاله الساعه 6 إلي ربع :D
قعدنا ناكل النفيش :جرح: خلصناه قبل لا يبدأ الفلم :ضحكة:


بس بدا الفلم انا تصنمت :قاطع: اطالع الفلم ولا التفت لا يمين ولا يسار مركز :ضحكة:
اما ذا مستك :تعجب: فضحنا ضحكته توصل لآخر الصاله :تعجب:
شوفوا الصوره ولو مو واضحه عدل :تعجب: !!

http://www.ep-subs.com/up/files/1307139024.jpg ('http://www.ep-subs.com/')

الأخ حاط ريله على الكرسي إلي قدام كانه قاعد في المجلس مو بالسينما :ضحكة:
بس بصراحه فلم قراصنه الكاريبي في القمه :أوو:

بعدين طلعنا قعدنا نقرقر ونفتر اشوي على الساعه 9 طلعنا :أوو:
والحين جاي دوري علشان ادليهم مكان البيت :تعجب:
ضيعتهم في المنامه :ضحكة: اقولهم امشي سيده :موسوس: ، بعدين اقول مو كان المفروض نلف يسار :ضحكة:
بطلعت الروح يلآ وصلنا للبيت :ضحكة:
ذا مستك يقول عمور تأكد انه بيتكم مو بيت الجيران :ضحكة:
ويقول إلي يبي يضيع ياخذك :بكاء:
موزين مني وصلتهم للبيت وهم سالمين :غول:

طبعآ امي الله يعطيها العافيه :جرح: الغاز وقف :جرح: وهي توها بتسوي العشى :جرح:
ما رجع إلى قبل ما نوصل بخمس دقائق :جرح:
والله يعطيها العافيه خلصت بعد نص ساعه :أوو:
جان زين صورت العشى بس حرام كنا يوعانين ما فكرنا نصور شي :ضحكة: xDDD
اخواني قعدوا ويانا يقولون اصدقائك فن يضحكون :ضحكة:
صج كانت بكل المقايس زياره فلاويه :ضحكة:

وبعدها قعدنا مع الوالد تقريبًا ساعتين لين الساعه 1 وطلعت مع ابوي وصلناهم لين جسر الملك فهد :D
والحمد لله وصلوا بسلامه لمقر إقامتهم على الساعه 2 ونص :D

إن شاء الله ايضًا الأسبوع الياي بيون في الويكند :أوو: عاد هالمره إن شاء الله ايون ناس اكثر :أوو:

في الختام اعذروني الموضوع مو مرتب وعفسه :ضحكة:
ملاحظة مهمه جدآآآآآآآآآآآآآآآآآ :غول: !!!!
كلمن بيجي البحرين بشتغله دليل سياحي :تدخين:
+
العشى في البيت عندي من إيد احسن طاهيه على وجه المعموره وهي الوالده الله يطول في عمرها ويعطيها الصحه والعافيه واسألوا عزام وزكريا :تدخين:
لكن :D
الغدى عليكم + دخول السينما عليكم + اسوي شوبنك على حسابكم :D ، هي مش لعبه ترا خدماتي ما بتحصلونها في اي مكان :تعجب: <~ انت خليت فيها خدمات :ضحكة:
اتغشمر حي الله الجمييييييع :أوو: 3>
تحتحاتيشنـ ~

sinche kodo m
03-06-2011, 16:01
حجززز المقعد الاول

ولد الساعدي
03-06-2011, 16:01
وعليكم السلام ورحمة الله وبركاتة

يا حظك يا عمور :d

قابلت مترجمنا البطل ::سعادة::

كنت اتمنى اكون عندكم :بكاء:

والله يعين مترجمنا عليك من كثر ما تضيع :غياب:

والمهم تهنيتوا واستمتعتوا بيوكم الطويل ~

وإن شاء الله الجايات تكون أحلى عندكم :d

Hetalia sama
03-06-2011, 16:13
كاتش :تدخين:

sinche kodo m
03-06-2011, 16:18
حجز المقعد الاول ..
اولاً اخي عمووري مشكور على الموضوع الخطنطري ..

بعدين تعالو ليش ماتدقون لي اجي وياكم :بكاء:

هههههههه والله فللللللله اوووووف ياريت والله ونا وياكم ..:d


اشكرك على الموضوع الراائع ..

تحياتي ..

Demon Ulquiorra
03-06-2011, 16:22
,...

mas1king
03-06-2011, 16:22
..............

الجنرال شون
03-06-2011, 16:24
حجز :غول:

l•rd of world
03-06-2011, 16:26
.............

اسطورة صداقه
03-06-2011, 16:32
بآخذ مكان بدون ماتعزمني :بكاء:

شسمه انتَ مو صديق حقيقي :نوم:, ماتعزمني :نوم: !!
بس نمشيها لَك بحكم الصداقه الي بيننا وبحكم أني متسامحة :تدخين: xD
المهم :موسوس:
ونآسه أقوى حَاجه :أوو:, رَبي يخليكم لبعض :أوو:
تسلم عَمور استمتعت بالقِراءة , أسلوبك بالسرد يعجبني عَلى فكرة :موسوس: xD

صديقتك : عمور :نينجا: xDDD

الجنرال شون
03-06-2011, 16:42
ملاحطة: أعتقد أن الموضوع في القسم الغلط + أعتقد أنه يكون في قسم أخبار الأعضاء (http://www.mexat.com/vb/forums/444-%D9%85%D9%86%D8%AA%D8%AF%D9%89-%D8%A3%D8%AE%D8%A8%D8%A7%D8%B1-%D8%A7%D9%84%D8%A3%D8%B9%D8%B6%D8%A7%D8%A1):مرتبك:

عمور العراقي
03-06-2011, 16:43
الصوره انشالت بطلب من ذا مستك :ضحكة:

the mystic
03-06-2011, 16:47
وعليكم السلام عمور ورحمة الله وبركاته ..
طبعاً ، أحب في البداية أشكر استضافتك الخطيرة لنا :d .. إنت والوالد والإخوان .. خصوصاً إلي يحبني فيهم :cool:
وأحب أشكر الوالدة على طبخها الصراحة .. أكل تاكل أصابيعك وراه :لعق:
والوالد على سوالفه الخطيرة .. تمتعنا الصراحة بالجلسة معاه ..
وأخيراً إنت على مرافقتك لنا للفلم .. وإنك أتحت لنا الفرصة لمشاهدة أرجاء البحرين كافةً بسبب دلالتك الشديدة لبيتكم :ميت:
يخيلي لفينا البحرين كلها على بال ما نوصل ~_~
والمشكلة لا عدينا النافذ يجي يقولك .. تصدقون المفروض خشينا فيه >> قل والله ! :ميت:
بس يالله ما نلومك يا عمور ، البحرين شديدة الضخامة .. يبلغ حجمها 10 أضعاف السعودية .. فصعب تدل فيها يعني :لعق:

+ ما ننسى نشكرك على فضيحتك لساقي الشريفة في السينما ~_~ .. ما تبينا ناخذ راحتنا هناك يعني ~_~ ..
+ للمعلومية يا شباب .. قسم بالله الكرسي كان فاضي :d .. شفايدته فاضي .. خلنا نستفيد منه >> هذا تفكيري :d
و بالنسبة لضحكاتي العالية :d .. يخي هذا "جاك سبارو" .. ما فيه أمل ما تضحك XD ..



وبشكل عام كانت رحلة خطيرة .. وراح نكررها اذا الله أعان ..
كنت أتمنى ولد الساعدي ويانا :محبط: .. حاولت فيه .. وبذلت قصارى جهدي :مذنب: ..
وأخرتها يقولي لا :بكاء: ..
بس الجايات أكثر :لعق: ..
وتسلم على طرحك لسالفة الرحلة يا عمور :d

+ ملاحظة أخيرة ، بو كرش الي ماسك العصير مب أنا ترى ، أنا أرشق شوي :d

بالتوفيق .. :d

عبير الدم
03-06-2011, 16:54
ححجززززز


موضوع فلة وناسة

والله جلسة اموت من الضحك خاصة في حقت الدونات مع العصير

احس انكم كنتوا تفشلون هههههههههه ان شاء الله استمتعتم بلفلم

وتسلم على طرحك الموضوع يفطس ضحك

Dr.Kid
03-06-2011, 17:29
حجززززززز ...

كيوهي
03-06-2011, 19:28
ماشالله الكل حاجز الموضوع :ضحكة:

بس بصراحه استمتعت في القرائه من البدايه الييييييييييييييييييييين النهايه

يعني وناااااسه من قلب يحقلك تتونس في هاليوم التاريخي ونشكرك على مشاركتنا له هنا في مكسات


وش هالفله ياجماعة الخير آآآآآآآآآآآآآآآآآخ بس لو نقدر نسويها نحن الفتيات :بكاء::بكاء:

بس بجد رحله رهييييبه الله يخليكم لبعض انشالله تتونسون على طول وعقبال ويكندات كثييييييييييييره مدى الحياه :أوو:

تشكرااااااات على القصه الممتعه

في حفظ الرحمن

MЯ Đҳ
03-06-2011, 19:40
اهلا أخوي عمور..
شو حالك؟! :موسوس:
و الحمدالله ع سلامة الشباب :لحية:
صراحة موضوع خنفروشي و مرة خطير
و الله يعطيك العافيه عمور ع أستقبل ربعنا عندكم بالبحرين :سعادة2:
و أنا شاء الله بالصيفية نجيك طابور طبعاً أنا اول خميس.. :لعق:
الله يهداك عمور كان ارسلت باقي الدونات مع ربعنا >>>> نفسي فيها :جرح:
و دايم أصيل يا عمور :رامبو:


الأخ حاط ريله على الكرسي إلي قدام كانه قاعد في المجلس مو بالسينما :ضحكة:

ذيبان.. :رامبو:


طرشتله رساله اقوله عزام تراني ضيعت :ضحكة:
قالي وينك الحين بجيلك :جرح: بعدها بقدره قادر طحت بالمطاعم :ضحكة:

الي ساكن بالبحرين أنت ولا هو.. :غياب:

و بالتوفيق لكم

:لحية:

sunako
03-06-2011, 19:42
سلآمز عمور :أوو:
والله شي حلو تطلع مع آوآدم تعرفت عليهم :أوو:
دونآت شخبآري ، لوعت جبدي ، بطني معفن أكل ألحين :جرح:
بس صح لآزم كوفي مو سفن :ضحكة:

امتعتنآ بـ الموضوع :أوو:
يعطيك العآفية + ربي يخليكم

ρiиκ ѕκy
03-06-2011, 20:12
هههههههههههه :ضحكة: xDDD
الموضوع طول ما أقرآه أضححك :ضحكة: <~ ماشي شغله xD
الصرآحه الفكره رهيبه :أوو: ,, ياليت اقدر التقي مع الأعضاء سوقوي :لقافة: ..
لوول اهم شي استانستوا :أوو: ..
حلوه التجربه :غياب: ..

يسلمو ع الطرح :لعق:
موفقين ^.^

✿ Bella ✿
03-06-2011, 21:10
ماشاء الله

اجمل شي والله

كرروها كثير

وعقبالنا ما نسويها يالبنات :p

صدى الأعماق
03-06-2011, 22:01
السلام عليكم ورحمة الله وبركاته^_^
شو هالحركات, ماشاء الله عليكم:أوو:

كل هذا ومايصير عنا خبر:غول:, المهم خيرها بغيرها:ضحكة:


أرق التحايا

Tsukishima
03-06-2011, 22:38
ههههههه مره الطلعه فللله ووناسه

الله يسعدكم , + ما كأنكم سويتوا إعلان لـ عصير تروبيكانا ( نكهة المانغا بعد :d ) وسفن أب و دونات من كرسبي كريم هههه :p عافية عليكم


يسلمو عالموضوع الشيق و الممتع :cool:

تحياتي

hero100098
03-06-2011, 22:46
محجوووووووووووووووووووووز

هههههههههههههه

رآيق
04-06-2011, 00:28
هههههههههههههه :ضحكة: !!

وآلله حلو آنك تقآبل نآس تعرفت عليهم هنآ ~ وأنآ مجرّب آلشي هذآ ::جيد:: ..~

أجل دونآت وسفن أب xDD ~ جوّكم غريب هههههههههههه :لعق: !!

+ إختيآركم للفلم كآن ممتآز :رامبو: ~

ثآنكس عمّور عَ آلموضوع :أوو: ،

*حط فـ بآلك أني إحتمآل أجي عندكم في آلإجآزة ~ يعني لآزم تستقبلني :لعق: ..~

شريد الفكر
04-06-2011, 02:19
:d

Sņow ωhitε
04-06-2011, 03:37
وـآآو :أوو:

ح’ـلو تتقآبل مع أصح’ـآبك ف’ مكسسآت :قاطع:

وبآين عليهآ تجربه روعه :أوو:

يً ريت نح’ـنآ البنآت نقدر :غول:

موضوع ممتع صرآحه :لعق: ,

يعطيك آلعآفيه عمور :أوو: ~

V I N N Y
04-06-2011, 07:38
بخصوص الفقرة المفبكره اتعرف اي وحده :ضحكة: ,,
اي لو ماقلت لك انا لاتدشون ثري دي جان كل واحد احين عيونه منتفخه وراسه بينفجر :ميت: !
اهم شي انا شفت الفيلم قبلك بأسبوع xD xD !
المهم انت طلعت من البيت @.@ و أخيييييرا !
بس سؤال من ذي بو دبه الي مجابل الكرتون مال الدونات :ضحكة: !

Queen 4 ever
04-06-2011, 13:37
وعليكم السلام ورحمة الله وبركاته
خخخخخخخخ ذكروني بحلقة طاش ماطاش :p

الصوره انشالت بطلب من ذا مستك
أنا أقول ليش الموضوع خالي من الصور :نوم:
الله يديم صداقتكم
على فكرة عجبتني الدونات بس مو زي دوناتنا دوناتنا فيها فتحه من النص :ضحكة:
الله يعطيكم العافية

Demon kira
04-06-2011, 15:43
فلم الكاريبي 4 ؟

كنت بروح اشوفه بس سمعت من كم واحد شافه إن الجودة ts سينيمائية عفنه :صمت: !!

فهل الإشاعة صحيحة أم لا ؟

جنوني إجرامي
04-06-2011, 16:39
http://hh7.net/June1/hh7.net_13071822711.gif


أوهااااااااااااااااااااااااياااوووو ::سعاده::

وعليكم السلام ورحمه الله وبركاته اهلين عمور موضوع بصراحه بططل ::جيد::

اول شي ياحظك ياحظك ياحظك انك قابلت المترجم المبدع لون بيس :d

اهم شي استانستو بالجمعه الحلوه دي ^.^ اتمنيت لو انا معاكم ههههههه

اهم شي الدونات مع سفن اب والله ضحكتني عمري ما شفت ولا سمعت باحد ياكل

الدونات مع السفن اب ههههههههههههههههههههه مبدعين انتو =$

في النهايه اقول الله يديم الصداقه الحلوه دي بينكم

اعجبني طريقتك لسرد الموضوع مضحككه وبنفس الوقت حلووه ^.^

دمت بخير عمور بنتظار مواضيع ممتعه اكتر واكتر

جــآإنـآ ;)

http://hh7.net/June1/hh7.net_13071822712.gif

فيــ طلال ــصل
04-06-2011, 17:01
لا تعليق :ضحكة:...!

المهم انبسطتم وخلاص :d

خلاص ,اللي يبي يسافر البحرين ولا ترى عمور موجود بالخدمه :لعق:<<دعايه :ضحكة:

موفق :أوو:

ALeXSaNDaR
04-06-2011, 17:25
وعليكم السلام ورحمة الله وبركاته ^_^

وه وه :ضحكة: حركات :أوو:

الله يديم صداقتكم يارب ::سعادة::


ابتسمت لها ابتسامت سخريه وقلت " إلي ما ينوش العنب يقول حامض " وانا اطالعها بإزدراء
هههههههـ قوية xD .


طرشتله رساله اقوله عزام تراني ضيعت :ضحكة:
ماكو فايدة فيك xD


اما ذا مستك :تعجب: فضحنا ضحكته توصل لآخر الصاله :تعجب:
الأخ حاط ريله على الكرسي إلي قدام كانه قاعد في المجلس مو بالسينما
والله إنك كبير xD
خلي المترجم براحته :غول: أكيد أهو اللي ترجم لك الفلم بعد :ضحكة: !

ذا مستك يقول عمور تأكد انه بيتكم مو بيت الجيران :ضحكة:
لهدرجه :ضحكة: !

لمن بيجي البحرين بشتغله دليل سياحي :تدخين:
أنا حاجزك من زمان :قرصان:
أول ما أيي البحرين يكون بيننا إتصال :تدخين:

يعطيك العافية على الموضوع الفلااوي :أوو:
إستمتعت بقرآءته ^_^
والله يعطي الوالد والوالدة ألف عافية ::سعادة::

تحياتي لك بو عمره :لعق: ~

Nuha|3
04-06-2011, 18:01
ههههههههههه اجل دليل سياحي هاه :| ؟

iMlak
04-06-2011, 18:23
حـآذفنـي بـالصفحـة الثـآنيـة :تعجب: ! < كـففف

بـي غـآيب بـآك ::سخرية::

ŽЄЯǾ●ḾЄฟ
04-06-2011, 19:22
~

أهلين وسهلين عموور سان
ماشاء الله طلعة فلة + انت فضيحة محد يطلع وياك
اخاف باجر نطلع مع بعض تفضحنا وتحطي صورنا واحنا مسوين شي في المنتدى:p

..

^^

Tђε Bℓųε Đεмση
04-06-2011, 19:58
و عليكم السلآم و رحمة الله و بركاته


شيء جميل ان تقابل اصحابك , رغم تنقلي الكثير بسبب عملي إلا انني لم افكر بهذا :مرتبك:



كلمن بيجي البحرين بشتغله دليل سياحي

ما اعتقد ان البحرين تحتاج دليل سياحي .. :d


العشى في البيت عندي من إيد احسن طاهيه على وجه المعموره وهي الوالده الله يطول في عمرها ويعطيها الصحه والعافيه واسألوا عزام وزكريا

تسلم إيدين أمك و ربي يحفظك لك والديك و يطوّل بأعمارهم , و يعطيك العافية عمور على كرمك و هذا ليس بغريب منك ~ ;)

عمور العراقي
05-06-2011, 02:23
الأستاذ ديمون كيرآ :d
في 12 صاله :d صالات الشاشه بكبر الطووووف كاااااامل :تدخين: مثل إلي دشيناها انا وعزام :صمت: ، وفي مو كبر الطوف كامل اشوي اصغر وانا بصراحه افصل الأصغر عشان تشوف الفلم بشكل افضل :d ولو هي ما فرقت عندي لأني من كثر ما دشيت تعودت :موسوس: ، بس للي يشوف السينما كل شهر مره او اقل افضل له يدش إلي حجمها صغير حتى يكون مسيطر :d
والجوده تراهي كويسه جدآ :صمت: !! ،
أنت دش ثري دي ومثل ما قلت لك الصاله إلي شاشتها اصغر ::جيد:: انت كلم إلي تحجز عنده التذاكر :d
وانت تطالع اشكر الأستاذ عمور :قاطع:

łubnα
05-06-2011, 06:08
السلام عليكم ورحمة الله وبركاته

ولله بيوم الخميس صار معك احداث مو اي احداث:لقافة:..
شي حلو كتير انو الاصدقاء في مكسات يلتقوا:p مو عشان شي بس عشان الفلم:ضحكة:

الأخ حاط ريله على الكرسي إلي قدام كانه قاعد في المجلس مو بالسينما
لوووووووول موتت ضحك يوم ما شفت هالصور في حد بيدخل السينما وهو حافي وما لابس شي برجوله..لتكون انت حافي كمان:ضحكة:!

وانا رايح لهم في آنسه اموره الله يسامحها حرقت تلفوني رسايل
شو اللي قراءتة هلأ..مين هاي الانسة هاه اعترف ما بحكي لحد:لقافة:؟

حلو كتير انك تكون مرشد سياحي بس اللي مش حلو انك عاييش بهالمنطقة وكل شوي بضيعهم وبتلفلفهم ومو عارف وين تاخدهمXD,,:ضحكة:

الله يهنيكم ويزيد المحبة بينكم ومبارك اجازتك وبانتظار حلقة جديدة من يومياتك:p

وبالتوفيق~

Demon kira
05-06-2011, 10:23
الأستاذ ديمون كيرآ :d
في 12 صاله :d صالات الشاشه بكبر الطووووف كاااااامل :تدخين: مثل إلي دشيناها انا وعزام :صمت: ، وفي مو كبر الطوف كامل اشوي اصغر وانا بصراحه افصل الأصغر عشان تشوف الفلم بشكل افضل :d ولو هي ما فرقت عندي لأني من كثر ما دشيت تعودت :موسوس: ، بس للي يشوف السينما كل شهر مره او اقل افضل له يدش إلي حجمها صغير حتى يكون مسيطر :d
والجوده تراهي كويسه جدآ :صمت: !! ،
أنت دش ثري دي ومثل ما قلت لك الصاله إلي شاشتها اصغر ::جيد:: انت كلم إلي تحجز عنده التذاكر :d
وانت تطالع اشكر الأستاذ عمور :قاطع:


خخخخخ ، أجل أنا السبيكه اللي ما يصدق ويروح لأكبر شاشة :d !!

ناوي أتابعه قريبًا ، لكن ما أدري أتابعه بالسينما أو بتقنية البلوراي لا نزلت ::سخرية::

عمور العراقي
05-06-2011, 12:56
ديمون :تعجب: !!
ما تبطل وسوسه اشوي ::سخرية::
نحن دخلنا عادي بدون ثري دي وكانت جوده حلوه وبالعكس استانسنا بالفلم :تعجب:
هذا الويكند تعال طالع الفلم وبطل وساويسك :d

حبوب راك
05-06-2011, 13:48
ما شاء الله شي جميل اجتماع الاعضاء مع بعضهم وتقضية الاوقات

وشي رائع استقبالهم وتعريفهم وعزيمتهم

شكرا جزيلا لك اخي عمر على الطرح الرائع

والفيلم جميل جدا ,,, تابعته مرتين ,, بتقنيه بالــ 3d والتقنية العادية .. استمتعت بهما كثيرا

بالتوفيق في كل رحلاتكم

Ranooosh
05-06-2011, 14:55
:أوو:

احب الطلعات اللي كذآ .. :صمت:
وعشان كذا دايم احسدكم ي ورعــآن :تدخين:
وحظل احسدكم :غول:

اه الدونـــأت تششبع يآخي دسسمه بششكل أليم :غياب:
السسينمـآآ :غياب:

تدري ازين ششيء انك انت واياهم حقين تحششيش وونـآسه :d
ولا كـــأن طلعتكم بايخه :تدخين: ..


من يومي اعرف انك ماعندك سالفه اجل ضيعتهم هـآ وفششلتنــآ :نوم:
هذا بدل ماتمشيهم وتوريهم الطريق المختصر :تعجب: ..

كويس والله ،،
الله يكثر الطلعات اللي كذا تفتح النفس وتغير الجو كثثيرآت :أوو:..
..


أول مره اقرآ لك موضوع بالمرح :موسوس:
+
ليش الدعوه وصلت متاخره :تدخين:

yuki_9
05-06-2011, 16:24
حجزززززززززززززززززز

Kiryuu Rina
05-06-2011, 16:48
كآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآك :ضحكة: !!!
بدعتـوا و ربـي أهم شي إنه طاق طريج عشان الفلم !!
عـاد خـالي هناك بالبحرين و عندنا هناك اهل بعد يبيلها زوارة على يوم :لقافة: ,
إنشاءالله تهنيتوا بالدونات و الي مادري شسمه هذا عصير سفن آب باربيكان إلي إهوة :ضحكة: !
هههههههه و ربي قعدت أهستر يوم شفت الوضعيه
العجيبه الي بالسينما , أنا أسويها على طول لما أروح فلم أكشن
ما انسى روحتي حق فلم تككن بدعععت هناك مافي قعدة ما قعدتها
تربعت و إنسدحت و تمقطت و لا تشوف القعدات الثانية :لحية: ,,
بس صج ونآآسة أنا ودي أشوف أحد من مكسات بالعالم الحقيقي هع :تدخين: ,
.. إنزين ما يصير إنتوا تييون عندنا :موسوس: ؟ , حياكم البيت بيتكم
و الدوناية مفتوحة و لا عندكم الصالة قعدة أرضية و الحوش برة شوي الله ..
في أحد يبي أكثر من جذي :d , و الي مشتهي فروزن يوقرت ترى بينك بيري يمنا :صيني: //
الله يدوم الضحكة على فيساتكم و يخليكم على طول مستانسين
و خل نشوف الاسبوع الياي وين بتهيتون و لا تنسى الصور , عشان تسوي
لنا تقرير بالمرح , خل نضحك شوي , يلا مشكورو يعطيك الف عافية
على الموضوع الخفيف ونسنا والله ^^ ,
يلا ســــــــــي يــــــــــــو تــحتوحــاتي ريـــــنـــا :أوو: !@

عمور العراقي
06-06-2011, 00:30
حجززز المقعد الاول

تيت ... :تدخين:

وعليكم السلام ورحمة الله وبركاتة

يا حظك يا عمور :d

قابلت مترجمنا البطل ::سعادة::

كنت اتمنى اكون عندكم :بكاء:

والله يعين مترجمنا عليك من كثر ما تضيع :غياب:

والمهم تهنيتوا واستمتعتوا بيوكم الطويل ~

وإن شاء الله الجايات تكون أحلى عندكم :d

بطل في الترجمه وشخصيته بطله :أوو:
اهم شي وصلتهم :غول:
إن شاء الله الجايات انت معنا :بكاء:

كاتش :تدخين:

:نينجا:




حجز المقعد الاول ..
اولاً اخي عمووري مشكور على الموضوع الخطنطري ..

بعدين تعالو ليش ماتدقون لي اجي وياكم :بكاء:

هههههههه والله فللللللله اوووووف ياريت والله ونا وياكم ..:d


اشكرك على الموضوع الراائع ..

تحياتي ..

حياك في اي وقت يالغالي :لعق:
منور :أوو:

,...


:لعق:

Fnmh
06-06-2011, 02:52
نايص الطلعه :لحية:
المره يا عمور تعال الكويت عندنا :لعق:
طلعتكم كلها Xd :ضحكة:
صلامز ~

V.P.I
06-06-2011, 03:27
ماشاء الله

اجمل شي والله

كرروها كثير

وعقبالنا ما نسويها يالبنات

12th.O.June
06-06-2011, 08:59
ححححححححجز مكآني لين أرد :ضحكة: . .

β7Я
06-06-2011, 10:34
والله انك تحفه ياعمور

فليتهم البحرين فل

وفاضحهم بالدونات

وين تبى احد يرجع يزورك خخخخخ

اما موضوعك روعة بروعتك انت تسلم على الحكاية الرائعة حسستني اني وياكم بأسلوبك::جيد::

بس اخ فاتني اشوف ذا مستك بس الرجل الشريفة تدل على قدم راسخه في الترجمه <<< :dشو اللي جاب لووول


عاد الفلم ما عنده حق ذامستك يضحك هالكثر انا سويت راحله شبيهه له من لدبي

حجزت انا وربعي ليلة في فندق روعة ورحنا من الظهرية تمشية فدبي لفينا فيها لف ومن التعب وملل الفلم زين ما تركته

ياخوك الفلم مايستاهل ابدا

اما جاك حده كم لقطه بسيطه فالفلم حلوه والباقي سالفه طويله مالها داعي

مابشمت فالفلم خل اللي يبي يشوف يتهنى

ارجع واقول هنيئا لك زيارة الحبايب وهنيا لهم طبخ الوالدة ( ما بطرّش لنا شي جوعتونا ) واسعدت بموضوعك كثير

M A L D I N I
06-06-2011, 17:38
السلام عليكم ورحمة الله وبركاته ~
اخبارك عمور؟
استضافه حلوه لضيف دونات شهيتني يارجل ..
وطبخ الوالده طالع حلو من كلامك وطبعا مو مستغربه من والدتك ياعمور ..
شكرا على الدعوه+الموضوع الجميل
فامان الله ..

الحسام اللامع
07-06-2011, 07:25
شلون عاد لو انك شايفني :موسوس: =======> اطلع برا هههههههه :ضحكة:

Yoshitsune
07-06-2011, 08:51
عمر وذا مستك :ضحكة:
اتمزحون ياشباب :ضحكة:
موضوع قمة الروعة ضحكت كثير وابتسمت ياريتني كونت معكم :أوو: << برا xDD
شكلي باجي للبحرين مع اني شفت الفلم ثري دي بالعراق :ضحكة: بس اجي مشان عيون عمور القميلة :أوو: :ضحكة:
احلى ويكاند شباب وان شاء الله تعيدوها بالافراح ::سعادة::
دووم الصداقة الحلوة :أوو:
تحياتي ياشباب :تدخين:

~ Al3asq ~
07-06-2011, 16:45
السلامُ عليكم ورحمة الله وبركاته

كيف حالك عمور ؟

اخبارك علومك أنت والشباب الحلوة ؟ :أوو:

ماشاء الله تبارك الله .. الرحلة مُمتعة بكافة المقاييس حقاً .

والتعليقات لا كلام عليها :ضحكة:

ربي يحفظ لك الوالد والوالدة وإخوانك ويحفظكم كلكم :)

إستمتعت بقراءة الموضوع حقاً .

تحياتي لك .

MKW1991
08-06-2011, 22:52
حماسسس و فلة و قراصنة الكاريبي كمان 100%

فعلآ أبناء الخليج ع قلب رجل وأحد ::جيد::

تحياتي عموري تحياتي مترجمنى المحترف::جيد::

ولد عتيبة 511 ™
08-06-2011, 23:57
عمور ياعمور

شخص مبدع ، أكثر ما أثار دهشتي فهالموضوع

أكثر أعضاء فريق الرفع الجامدين اللي مايتعاملون غير مع روابط ومواقع بدوا أكثر وضوحاً في هذا الموضوع :غياب: :ضحكة:


والمشكلة لا عدينا النافذ يجي يقولك .. تصدقون المفروض خشينا فيه >> قل والله ! :ميت:
بس يالله ما نلومك يا عمور ، البحرين شديدة الضخامة .. يبلغ حجمها 10 أضعاف السعودية .. فصعب تدل فيها يعني :لعق:

:ضحكة: :ضحكة:
أكثر سطرين موتني ضحك

يسلم إيديكم شباب كلكم ويسلم إيدين الوالدة عمور لزووم أجي هالصيفية بإذن الله

تحياتو

virona
09-06-2011, 02:47
وَعليكم السلام ورحمة الله وبركاته


اخترت رقم خطيييييير آخره 2007 ، جان تقول الموظفه " وي حدك قديم " علساس 2007
ابتسمت لها ابتسامت سخريه وقلت " إلي ما ينوش العنب يقول حامض " وانا اطالعها بإزدراء
وايد مطيحه الميانه هالأخت
ههههههههههه آهم شي " وي " :ضحكة:

شكلها الطلعه كانت وناسسه عاد وراا ماتعزم
اوه صح كان عندي امتحان يوم الاحد وانتو معطلين :بكاء:
شسسمه
ذا مايستك بصراحه ماعرفه لكن من كلامك عنه حبيته
ومن الصوره الرهيبه حبيته آكثر :ضحكة:
اهم شي استانستوا
ومره ثانيه اعزمني آحسنلك :غياب:


ماشاء الله

اجمل شي والله

كرروها كثير

وعقبالنا ما نسويها يالبنات

افا عليج :d

وع فكره بخصوص إني ما ادقق ترا الموضوع مرتب آقوى شي
ويضحك نوعاً ما :p
ثانكس بعد جبدي على الموضوع الحلو والامور زيك :d
سييو

Mo3ta9iM 394
11-06-2011, 09:10
والله موضوع روعة :أوو:

شيت خربت مترجمنا العريق :ضحكة:

و انا اقول ليه اخر ترجمة كانت مليئة بالأخطاء التحشيشية xD :ضحكة:

يلا عمور استعد حتى تستقبلني :رامبو:

ترا انا شخص اعز الأكل و النوم :ضحكة:

يعني لازم تنيمني و تأكلني وبعدين نتفاهم على مصاريف السينما :لقافة:

الله يجمع الكل بالخير ان شالله :أوو:

و سردك حلو :أوو:

احلى شيء و هو حاط رجله :ضحكة:

يفكرني بنفسي لما كنت بمصر :ضحكة:

فضحكم بالضحكة موصلة اخر الصالة :ضحكة: xD

MEXATI
15-06-2011, 14:01
وعليكم السلام
هلا اخوي عمور انشالله بخير:d
ليش ما قلتلي عشان اجي معاكم:بكاء:
المزعج اعطينياه :ضحكة: انا اعرف مكان تأديب :ضحكة:
المرة الجاية نص عندك نص عندي:d
انا بنت خالي بالبحرين:d يعني عمور للسياحة-الفرع الثاني :ضحكة: اللي يريد يجي للبحرين يعطينا خبر انا وعمور :d
شكلكم استمتعتوا كثير:d يمكن انت كمان صوتك واصل للشارع مو بس ذا مايستك :ضحكة:
تقبل مروري+تحياتي+مروري 2 :ضحكة:

Al-Baiz
16-06-2011, 10:48
أهل‘ـين ~

أخ‘ـبآرك " ع‘ـمّور " ؟

ح‘ـلو طريق‘ـة طرح‘ـك و س‘ـردك للقصّ‘ـة , فهيَ ما زآدت الموض‘ـوع ح‘ـلآوتاً , و فلّةً :d

زين اللي ح‘ـطّ رج‘ـله ع‘ـلى الكرس‘ـي .. أح‘ـسن م‘ـن يتبطّح ع‘ـلى بطن‘ـه و يتفرّج xD

إن ش‘ـآء الله إس‘ـتمتع‘ـم , و هذآ ش‘ـيء أكيد .. و أهمّ ش‘ـيء خ‘ـلّص الفش‘ـآر ق‘ـبل الفيلم lol

الدّليل السّيآح‘ـي ع‘ـندك في فآيروس .. س‘ـآرع بتثبيت برنآم‘ـج الح‘ـمآية عش‘ـآن تع‘ـرف ع‘ـدِل :) ~> كفّ

موفّق‘ـين ~

و ش‘ـكراً ع‘ـلى الطّرح

عمور العراقي
07-07-2011, 18:29
..............

:غول:

حجز :غول:

:غول:

.............

:تعجب:



شسمه انتَ مو صديق حقيقي :نوم:, ماتعزمني :نوم: !!
بس نمشيها لَك بحكم الصداقه الي بيننا وبحكم أني متسامحة :تدخين: xD
المهم :موسوس:
ونآسه أقوى حَاجه :أوو:, رَبي يخليكم لبعض :أوو:
تسلم عَمور استمتعت بالقِراءة , أسلوبك بالسرد يعجبني عَلى فكرة :موسوس: xD

صديقتك : عمور :نينجا: xDDD


ما في بنات بتكون فيه طلع بناتيه بعدين :تدخين: <~ كف :ضحكة:
صج اسلوبي حلو :موسسوس: ! <~ يا ليتج ما قلتي الحين بيكبر الراس :D
نورتي عمور :أوو: xDDD


ملاحطة: أعتقد أن الموضوع في القسم الغلط + أعتقد أنه يكون في قسم أخبار الأعضاء (http://www.mexat.com/vb/forums/444-%D9%85%D9%86%D8%AA%D8%AF%D9%89-%D8%A3%D8%AE%D8%A8%D8%A7%D8%B1-%D8%A7%D9%84%D8%A3%D8%B9%D8%B6%D8%A7%D8%A1):مرتبك:

هذا القسم صحيح :نينجا:

عمور العراقي
07-07-2011, 18:36
وعليكم السلام عمور ورحمة الله وبركاته ..
طبعاً ، أحب في البداية أشكر استضافتك الخطيرة لنا :d .. إنت والوالد والإخوان .. خصوصاً إلي يحبني فيهم :cool:
وأحب أشكر الوالدة على طبخها الصراحة .. أكل تاكل أصابيعك وراه :لعق:
والوالد على سوالفه الخطيرة .. تمتعنا الصراحة بالجلسة معاه ..
وأخيراً إنت على مرافقتك لنا للفلم .. وإنك أتحت لنا الفرصة لمشاهدة أرجاء البحرين كافةً بسبب دلالتك الشديدة لبيتكم :ميت:
يخيلي لفينا البحرين كلها على بال ما نوصل ~_~
والمشكلة لا عدينا النافذ يجي يقولك .. تصدقون المفروض خشينا فيه >> قل والله ! :ميت:
بس يالله ما نلومك يا عمور ، البحرين شديدة الضخامة .. يبلغ حجمها 10 أضعاف السعودية .. فصعب تدل فيها يعني :لعق:

+ ما ننسى نشكرك على فضيحتك لساقي الشريفة في السينما ~_~ .. ما تبينا ناخذ راحتنا هناك يعني ~_~ ..
+ للمعلومية يا شباب .. قسم بالله الكرسي كان فاضي :d .. شفايدته فاضي .. خلنا نستفيد منه >> هذا تفكيري :d
و بالنسبة لضحكاتي العالية :d .. يخي هذا "جاك سبارو" .. ما فيه أمل ما تضحك XD ..



وبشكل عام كانت رحلة خطيرة .. وراح نكررها اذا الله أعان ..
كنت أتمنى ولد الساعدي ويانا :محبط: .. حاولت فيه .. وبذلت قصارى جهدي :مذنب: ..
وأخرتها يقولي لا :بكاء: ..
بس الجايات أكثر :لعق: ..
وتسلم على طرحك لسالفة الرحلة يا عمور :d

+ ملاحظة أخيرة ، بو كرش الي ماسك العصير مب أنا ترى ، أنا أرشق شوي :d

بالتوفيق .. :d


:ضحكة:
حياك الله في كل وقت حجي عزام :لعق:
وإن شاء الله الجايه بتكون قريبه مره :لقافة:



ححجززززز


موضوع فلة وناسة

والله جلسة اموت من الضحك خاصة في حقت الدونات مع العصير

احس انكم كنتوا تفشلون هههههههههه ان شاء الله استمتعتم بلفلم

وتسلم على طرحك الموضوع يفطس ضحك

لا والله عادي ولا مفترك انتِ بس سوي إلي تبينه ولا تشوفين حد :ضحكة:

حجززززززز ...

:لعق:


ماشالله الكل حاجز الموضوع :ضحكة:

بس بصراحه استمتعت في القرائه من البدايه الييييييييييييييييييييين النهايه

يعني وناااااسه من قلب يحقلك تتونس في هاليوم التاريخي ونشكرك على مشاركتنا له هنا في مكسات


وش هالفله ياجماعة الخير آآآآآآآآآآآآآآآآآخ بس لو نقدر نسويها نحن الفتيات :بكاء::بكاء:

بس بجد رحله رهييييبه الله يخليكم لبعض انشالله تتونسون على طول وعقبال ويكندات كثييييييييييييره مدى الحياه :أوو:

تشكرااااااات على القصه الممتعه

في حفظ الرحمن

ما عليه بدبر لكم طلعه انتم يالبنات :تدخين: xD
آمين يارب الله يسمع منج :أوو:
وإن شاء الله كل ويك اند مكساتي بحطه :ضحكة:


اهلا أخوي عمور..
شو حالك؟! :موسوس:
و الحمدالله ع سلامة الشباب :لحية:
صراحة موضوع خنفروشي و مرة خطير
و الله يعطيك العافيه عمور ع أستقبل ربعنا عندكم بالبحرين :سعادة2:
و أنا شاء الله بالصيفية نجيك طابور طبعاً أنا اول خميس.. :لعق:
الله يهداك عمور كان ارسلت باقي الدونات مع ربعنا >>>> نفسي فيها :جرح:
و دايم أصيل يا عمور :رامبو:



ذيبان.. :رامبو:

[/color]

الي ساكن بالبحرين أنت ولا هو.. :غياب:

و بالتوفيق لكم

:لحية:



الحمد لله بخير وانت :لعق:
حياك الله بكل وقت :لعق:
:ضحكة:
يا اخي كنت مضيع في الرسايل إلي تجيني لا تلومني :بكاء: xD

عمور العراقي
10-07-2011, 11:51
سلآمز عمور :أوو:
والله شي حلو تطلع مع آوآدم تعرفت عليهم :أوو:
دونآت شخبآري ، لوعت جبدي ، بطني معفن أكل ألحين :جرح:
بس صح لآزم كوفي مو سفن :ضحكة:

امتعتنآ بـ الموضوع :أوو:
يعطيك العآفية + ربي يخليكم

انتِ بطنج :غول: انا شكو لازم اكل :لعق:
ادري والله لكن سألتهم شتبون واد قال عصري وواحد قال سفن :جرح:
بعد استحيت افشلهم :ضحكة:
آمين :أوو:


هههههههههههه :ضحكة: xDDD
الموضوع طول ما أقرآه أضححك :ضحكة: <~ ماشي شغله xD
الصرآحه الفكره رهيبه :أوو: ,, ياليت اقدر التقي مع الأعضاء سوقوي :لقافة: ..
لوول اهم شي استانستوا :أوو: ..
حلوه التجربه :غياب: ..

يسلمو ع الطرح :لعق:
موفقين ^.^

اهم شي عجبج الموضوع :لعق:
حاولي تسوينها مع صديقاتج :أوو:
::جيد::


ماشاء الله

اجمل شي والله

كرروها كثير

وعقبالنا ما نسويها يالبنات :p

ما عندنا بنات يطلعون :تدخين: <~ كفففففففف :ضحكة: xD
آمين يارب :لعق:

هيـكاري
10-07-2011, 14:49
ههههههههههههههههههههههههه
شكلكم مررره انبسطتووا
عسااها دااايمه ::جيد::

بس غندي نصيحه لك يااعموور
لا تشتغل مرشد سيااحي :ميت:
بس :d

ℓσνєℓy şpιяιт
18-07-2011, 03:40
خخخخخخ , أهم شيء الرجل :p

الله يعطيك العافيه على الموضوع ;)

استمتعت وانا اقرأه ::سعادة::

Đмзα кυяαpιcα
20-07-2011, 00:30
السلام عليكم


:بكاء: تنبسطو بدوني >> اطلعي بره
خلاص عمور لو جات قريب البحرين تطلعني زيهم وتعزمني ع البيت >> مسويه الاخت انها فله
لكن اهم شي انكم انبسطتو الحمد لله :أوو:

يؤ يؤ الدونات بعصير غازي احس يعور الحلق >> ايش دخل :ضحكة:
احس مع الدونات حليب شكولاته او نسكافه او عصير برتقال طبيعي شي جونان مره :أوو: >> الناس اذواق :لقافة:
بالعافيه عليكم :سعادة2:

و الله يحفظ لك الوالده و الوالد يارب :أوو:
يلا عقبال ما انعزم عندك >> تعزم نفسها :لعق:

إلا اقول عمور سؤال يسدح نفسو
هي البحرين من كبرها عشين تضيع :تعجب:
و الله انك فله يا شيخ :لعق:
انا لو اجي البحرين كثير زي قبل كان حفظتها
بس شكليت هي في بالي بس الطُرق و الشوراع لسه ما حفظتها
بس حاطه مطعم في بالي مره احبو موجود ع البحر بس ناسيه اسمو :بكاء: >> برا

و الله شي حلو لمن تقابل احد تعرفو من النت :أوو:
اكيد جلست متحمس لين يجوك الضيوف و تحس انو شي مميز و فله و اكشن ::سعادة::


ربي يعطيك العافيه ع الموضوع
دوم الوناسه يارب ^^
ربي يسعدكم ماقصرت عمور
امم شهيتني في الدونات الله يسامحك :لعق:
مدري فجأه أشتهيت الي بالسكر و المربي مررره احوبها :بكاء:


في امان الله

عمور العراقي
22-07-2011, 05:46
السلام عليكم ورحمة الله وبركاته^_^
شو هالحركات, ماشاء الله عليكم:أوو:

كل هذا ومايصير عنا خبر:غول:, المهم خيرها بغيرها:ضحكة:


أرق التحايا

وعليكم السلام ورحمته الله وبركاته ~
انت تعال وربي لك عزيمه خاصه :D
:أوو:


ههههههه مره الطلعه فللله ووناسه

الله يسعدكم , + ما كأنكم سويتوا إعلان لـ عصير تروبيكانا ( نكهة المانغا بعد :d ) وسفن أب و دونات من كرسبي كريم هههه :p عافية عليكم


يسلمو عالموضوع الشيق و الممتع :cool:

تحياتي


:ضحكة: هههههه ماشاء الله عليك طلعت خبير xD
الله يعافيك :أوو:


محجوووووووووووووووووووووز

هههههههههههههه
تييييييييت :D


هههههههههههههه :ضحكة: !!

وآلله حلو آنك تقآبل نآس تعرفت عليهم هنآ ~ وأنآ مجرّب آلشي هذآ ::جيد:: ..~

أجل دونآت وسفن أب xDD ~ جوّكم غريب هههههههههههه :لعق: !!

+ إختيآركم للفلم كآن ممتآز :رامبو: ~

ثآنكس عمّور عَ آلموضوع :أوو: ،

*حط فـ بآلك أني إحتمآل أجي عندكم في آلإجآزة ~ يعني لآزم تستقبلني :لعق: ..~


فعلآ شي في قمه الروعه :أوو:
وخاصه لو طلعوا فعلآ بنفس الشكل إلي متوقعهم :لعق:
حياك في كل وقت حجي :ضحكة:
بتخصل الإجازه وما ييت :ضحكة: !


:d


:تدخين:

عمور العراقي
22-07-2011, 05:54
وـآآو :أوو:

ح’ـلو تتقآبل مع أصح’ـآبك ف’ مكسسآت :قاطع:

وبآين عليهآ تجربه روعه :أوو:

يً ريت نح’ـنآ البنآت نقدر :غول:

موضوع ممتع صرآحه :لعق: ,

يعطيك آلعآفيه عمور :أوو: ~

شي رائع طبعآ :لعق:
بس ما في بنات يطلعون عندنا :تدخين: xD
الله يعافيج :أوو:


بخصوص الفقرة المفبكره اتعرف اي وحده :ضحكة: ,,
اي لو ماقلت لك انا لاتدشون ثري دي جان كل واحد احين عيونه منتفخه وراسه بينفجر :ميت: !
اهم شي انا شفت الفيلم قبلك بأسبوع xD xD !
المهم انت طلعت من البيت @.@ و أخيييييرا !
بس سؤال من ذي بو دبه الي مجابل الكرتون مال الدونات :ضحكة: !

ما يصير نفضح البنت :غياب: !
اي الثري دي مب شي ~_~"
نورتي :لعق:


وعليكم السلام ورحمة الله وبركاته
خخخخخخخخ ذكروني بحلقة طاش ماطاش :p

أنا أقول ليش الموضوع خالي من الصور :نوم:
الله يديم صداقتكم
على فكرة عجبتني الدونات بس مو زي دوناتنا دوناتنا فيها فتحه من النص :ضحكة:
الله يعطيكم العافية


طاش مطاش ليش :ضحكة: !!! xD
هي الدونات انواع :لعق:
ويعافيج :أوو:


http://hh7.net/June1/hh7.net_13071822711.gif


أوهااااااااااااااااااااااااياااوووو ::سعاده::

وعليكم السلام ورحمه الله وبركاته اهلين عمور موضوع بصراحه بططل ::جيد::

اول شي ياحظك ياحظك ياحظك انك قابلت المترجم المبدع لون بيس :d

اهم شي استانستو بالجمعه الحلوه دي ^.^ اتمنيت لو انا معاكم ههههههه

اهم شي الدونات مع سفن اب والله ضحكتني عمري ما شفت ولا سمعت باحد ياكل

الدونات مع السفن اب ههههههههههههههههههههه مبدعين انتو =$

في النهايه اقول الله يديم الصداقه الحلوه دي بينكم

اعجبني طريقتك لسرد الموضوع مضحككه وبنفس الوقت حلووه ^.^

دمت بخير عمور بنتظار مواضيع ممتعه اكتر واكتر

جــآإنـآ ;)

http://hh7.net/June1/hh7.net_13071822712.gif


حياج الله في كل وقت :ضحكة: ! xD
بعد شنسوي ذوق الجماعه غريب :ضحكة:
آمين يارب الله يسمع منج :أوو:
نورتي :لعق:

عمور العراقي
22-07-2011, 06:02
لا تعليق :ضحكة:...!

المهم انبسطتم وخلاص :d

خلاص ,اللي يبي يسافر البحرين ولا ترى عمور موجود بالخدمه :لعق:<<دعايه :ضحكة:

موفق :أوو:

افا عليك 24 ساعه تحت الخدمه :ضحكة: xD
::جيد::


وعليكم السلام ورحمة الله وبركاته ^_^

وه وه :ضحكة: حركات :أوو:

الله يديم صداقتكم يارب ::سعادة::


هههههههـ قوية xD .


ماكو فايدة فيك xD


والله إنك كبير xD
خلي المترجم براحته :غول: أكيد أهو اللي ترجم لك الفلم بعد :ضحكة: !

لهدرجه :ضحكة: !

أنا حاجزك من زمان :قرصان:
أول ما أيي البحرين يكون بيننا إتصال :تدخين:

يعطيك العافية على الموضوع الفلااوي :أوو:
إستمتعت بقرآءته ^_^
والله يعطي الوالد والوالدة ألف عافية ::سعادة::

تحياتي لك بو عمره :لعق: ~

يا اخي شلع قلبي :غول:
كل كلمتين عربي الثالثه انجليزي :تعجب:
اقوله ابو الشباب مو كأن الترجمة تأخرت :ضحكة: !
زين خليته يتكلم كله عربي :ضحكة: xD
افا عليك الكس :تدخين: انت بس تعال والله كريم :D
نورت :أوو:

ههههههههههه اجل دليل سياحي هاه :| ؟

:cool:


حـآذفنـي بـالصفحـة الثـآنيـة :تعجب: ! < كـففف

بـي غـآيب بـآك ::سخرية::

تأخرتي شسوي انا :بكاء:
تيت :تدخين:

~

أهلين وسهلين عموور سان
ماشاء الله طلعة فلة + انت فضيحة محد يطلع وياك
اخاف باجر نطلع مع بعض تفضحنا وتحطي صورنا واحنا مسوين شي في المنتدى:p

..

^^



:ضحكة:
لا الحمد لله كلنا في السليم ما نسوي شي :ضحكة: