عبده العباسي
17-05-2011, 20:57
كل شئ ممكن يعود .. !؟
ممكن تعود الشمس تغزل هدمتي ؟
ممكن تعود
ممكن تعود الساقية تعجن لقمتي ؟
ممكن تعود
ويعود يلون تراب الأرض كل بشرتي ؟
ممكن تعود
كل شئ .. كل شئ ممكن يعود
القنايا الصافية تجري
والنبيل النيل بيسري
بين ضفايرك والوري
كل شئ
كل شئ ممكن يعـــود
لحظة يعود الفاس لوضعه الأولاني
لحظة تعود الساقية تاني
تغربل حبتك
تشقق بسمتك
تغسل شبابك
تزرع قرنفل جنب بابك
نبقى الحروف في غنوتك
موال يزهر هدمتك
كل شئ
كل شئ ممكن يعود
.. .. .. ..
.. .. ..
وما تلوميش الحلم لو غاب عننا
ما تلوميش الضحكة تنبت بين براعم قلبنا
ولا تيأسيش م الرحمة مرة تضمنا
إحنا شفايف الآه ونفور العبيد
إحنا إقتلاع الشوق من بطن الحديد
إحنا احتمال الزهر نتساقط ندا
رغم اِلندَا
بتشوفينا ولاد بتتغرب فينا البلاد
لكننا في كل عام
نرسم قصايد حبنا
تحملها أشواقنا البعيده
إحنا البريق الصح في الدنيا الجديدة
عبيد خلقنا ( ربنا )
زهر ونبات
فرسان بتنظرنا البنات
رغم السفر
رغم الشتات
مشمرين سواعدنا حاضنينك فتات
ململمين لحظة لقانا
قادرين نواجه حزننا
صامدين هامات
ولا قدنا مال وانحنى
إلا في طاعة ( ربنا )
.. .. .. .. ..
.. .. ..
انتفاضة الضحكة فينا .. .. نحيا بيها
انفجار الغربة في دموعنا .. نتاويها
مين قدنا ؟
المعجزة ؟
ما عد تش تاني معجزة
إحنا وخلقنا الآوان
( الحبة .. والفاس .. والغلق )
( الساقية .. النورج .. والعلق )
الغمامة الممطرة
نقر اليمام
طرق الفولاذ
طرح النخيل العالي والناس الملاذ
وحدهم يبنو طريق الابتسامة
هما طريق المبتدأ
لجلن نعود لك بالسلامة
.. .. .. ..
.. .. ..
ــــــــــــــــــــــــــــــــــــ
مع تحياتي
عبده العباسي
ممكن تعود الشمس تغزل هدمتي ؟
ممكن تعود
ممكن تعود الساقية تعجن لقمتي ؟
ممكن تعود
ويعود يلون تراب الأرض كل بشرتي ؟
ممكن تعود
كل شئ .. كل شئ ممكن يعود
القنايا الصافية تجري
والنبيل النيل بيسري
بين ضفايرك والوري
كل شئ
كل شئ ممكن يعـــود
لحظة يعود الفاس لوضعه الأولاني
لحظة تعود الساقية تاني
تغربل حبتك
تشقق بسمتك
تغسل شبابك
تزرع قرنفل جنب بابك
نبقى الحروف في غنوتك
موال يزهر هدمتك
كل شئ
كل شئ ممكن يعود
.. .. .. ..
.. .. ..
وما تلوميش الحلم لو غاب عننا
ما تلوميش الضحكة تنبت بين براعم قلبنا
ولا تيأسيش م الرحمة مرة تضمنا
إحنا شفايف الآه ونفور العبيد
إحنا إقتلاع الشوق من بطن الحديد
إحنا احتمال الزهر نتساقط ندا
رغم اِلندَا
بتشوفينا ولاد بتتغرب فينا البلاد
لكننا في كل عام
نرسم قصايد حبنا
تحملها أشواقنا البعيده
إحنا البريق الصح في الدنيا الجديدة
عبيد خلقنا ( ربنا )
زهر ونبات
فرسان بتنظرنا البنات
رغم السفر
رغم الشتات
مشمرين سواعدنا حاضنينك فتات
ململمين لحظة لقانا
قادرين نواجه حزننا
صامدين هامات
ولا قدنا مال وانحنى
إلا في طاعة ( ربنا )
.. .. .. .. ..
.. .. ..
انتفاضة الضحكة فينا .. .. نحيا بيها
انفجار الغربة في دموعنا .. نتاويها
مين قدنا ؟
المعجزة ؟
ما عد تش تاني معجزة
إحنا وخلقنا الآوان
( الحبة .. والفاس .. والغلق )
( الساقية .. النورج .. والعلق )
الغمامة الممطرة
نقر اليمام
طرق الفولاذ
طرح النخيل العالي والناس الملاذ
وحدهم يبنو طريق الابتسامة
هما طريق المبتدأ
لجلن نعود لك بالسلامة
.. .. .. ..
.. .. ..
ــــــــــــــــــــــــــــــــــــ
مع تحياتي
عبده العباسي