ابو الوليد الجداوي
20-06-2002, 10:07
إذا كانت رحلتك عزيزي المسافر بالسياره نأمل منك التقيد بالبنود الآتيه , حيث ستساعدك بإذن الله الى الوصول سالماً الى مبتغاك :
* إشتر عصير الربيع أو عصير سن توب بعدد المسافرين أو أكثر .. ولا تشتري بيبسي للمقاطعه .
* إشتر فطاير جبن بعدد المسافرين أو إشتر : كت كات أو مارس بحسب الرغبه وحسب وقت الرحله .
* عاير الكفرات ( الإطارات ) وحط ضغط هواء مناسب , وتاكد من سلامة الكفرات الأربع والاستبنه كذلك ,, والا ألغي الرحله من أساسه . لأن عندك جو مايمزح معه .
* شيك على الرديتر لأنك ميه ميه مشغل المكيف ,, وبرضه الجو ما يمزح .
* عب البنزين فـل ,, لأنك إذا طلعت برى الديره يغلى البنزين ياذكي .
* وكمان عب البنزين عند محطه تعطي مناديل هديه .. لأنك محتاج منديل في الرحله ولازم نوفر عليك المصاريف .
* إشتر نظاره شمسيه إذا كان سفرك بالنهار ,, وإذا كان سفرك بالليل لاتشتري نظاره شمسيه ,, إشتر نظاره قمريه .
* إشتر ملطف جو ,, علشان بعض الشباب " الله يهديهم " يخربونها في الخط ويطلعون روائح مال أمها داعي .
* إشتر كم شريط للخط .. لأن الـmbcFM تنقطع إذا طلعت برى الديره .
* تابع قبل أسبوع من الرحله برنامج " عساكم سالمين " في الأف أم الساعه 7.30 صباح الإثنين والاربعاء .. علشانهم يجيبون نصائح مهمه في بداية البرنامج .
* تأكد من أن كل اللي معك أخلاق .. لأن الدعوه سفر وقطعه ,, والواحد مايضمن نفسه .
* إشتر مويه للزنقه بأنواعها الثلاث / للشرب وللوضوء وللرديتر .
* شيك على الزيت وشف اذا هو محتاج تغيير ولا حاجه .. واستعمل زيت ممتاز , لأن الغالي سعره فيه .
* تأكد من إحتواء سيارتك على أحزمة أمان .
* تأكد من أنك تحمل كشاف نور ( بجلي في بعض الثقافات ) لأنه أفادني كثيراً عند الزنقات .. ولي فيه مآرب أخرى .
* إذا كان ضمن المسافرين مبزره ( أطفال ) تأكد من وجود حذاء إضافي معك ( يفضل كعب ) وذلك لإستعماله في حالات الطواريء عندما يقلقكم واحد من " المبزره " .
* إذا كنت تملك جوال نوكيا رهيب 2000 , فيمكنك من تجهيز الجوال لكشف رادار السرعه ( والعهده على الراوي ) وذلك بوضع الكود : 2000 في قائمة ضبط الحمايه بند المجموعه المحدده . وإذا كان جوالك رهيب قديم فالكود هو : 00000 , واذا كان جهازك الكوبرا ولا إريكسون ولا غيره .. فأقعد بها ولا تسرع .
* إذا كنت زلابه يفضل وجود سلاح تحت المرتبه ,, ويدخل تحت طائلة السلاح كل من : فرد , عجره , سكين , مقص أظافر , بازوكا ,,
* يفضل لبس أردى أنواع الثياب لأن الدعوه سفره ولاحد يمك .
* فكر قبل ان تسافر فيمن يفكرون فيك وينتظرون عودتك سالماً ( مع التحيه لشماغ البسام ) .
* عند الإنطلاق لاتنسى دعاء السـفر .
* إذا تعديت الديره وبدأ الخط السريع : أكنس أبو الطبلون واتكل على الله ولا يردك الا التفتيش .
نتمنى لك سفراً سعيداً وعوداً حميدا
ملاحظه هامه :
عند حدوث أي عطل لاسمح الله , لاتتردد أبداً في الإتصال بالسيد موبـيل صديق السلامه
رحلة الطائره
إذا كانت رحلتك عزيزي المسافر بالطائره , نأمل منك التقيد بالبنود الآتيه , حيث ستساعدك بالوصول سالماً الى مبتغاك :
ملاحظه قبل أن نبدأ : هذه الملاحظات موجهه للي بيسافرون رحلات دوليه ... لذا على المسافرين في الرحلات الداخليه التوجه الى الصاله الداخليه .
* شيك على جوازك وضبط الفيز والحركات هذي قبل بشهر ... وجهز الشنطه .. أهم شي الشنطه جهزها وحط فيها كل اللي براسك ... مثلاً : ورق بلوت .. زنوبه .. مكينة حلاقه ... دلة قهوه ... لاتستحي حط اللي في بالك لأن بلاد برى غاليه مره .
* قبل ماتروح باسبوع دق على شركة الاتصالات ( وانتم بكرامه ) وخلهم يعممون جوالك . هم بيقولون لك عممناه لكن لايهمونك ,, كل يوم دق عليهم وقل لهم يعممونه الى يوم الرحله ,,, لأنهم وبصراحه لهم سوابق .
* قبل الرحله بأسبوع رح ارتز عند الخطوط في المروج من الساعه 8 صباحاً , وأشغلهم الى أن يقصون لك البوردنق ,, واذا صرفوك لايهمونك اللي يصرفك رح لموظف غيره ,,, قلت لك انشب لهم الى ان يعطونك البوردنق ويقولون لك لا عاد تسافر معنا .
* خذ معك أكل مايخرب : مثل بعض انواع الحلويات : توكس , كيت كات , مارس .
* خذ معك باللطو أسود سواء في الصيف أو الشتاء .... مدري ليش ياخذونه خذه وبس وحطه على كتفك زي البشت .
* يوم الرحله قم من النوم الساعه 7 الصبح . وخذ لك لفه في حارتكم وودعها .. يمكن تروح وتجوز لك الجلسه هناك وتسحب على الحاره ..... أو يمكن تطيح الطياره .
* هذا اليوم لاتطلع من البيت أبد بعد لفة الحاره ,,,, خلك عند أهلك وعيالك واللي يبيك يجيك .
* نفرض أن رحلتك الساعه 10 ليلاً ,,, خلك ثقل لاتروح للمطار الا 9.30 علشان موظفين المطار يقولون ذا ماشاء الله عليه متعود على السفريات .
* لاتطلع مثل بعض القراوى ... أول مايوصل للمطار يستلم البوفيه علشان البيبسي بـ 3 ريال , خلك ثقل واذا أزمت لاتاخذ الا كبتشينو ولاتخلصه .. اشرب نصه بس !
* لاتسأل عن بوابة الرحله وخلك واثق من نفسك على أساس انك كل مابغاك أحد لقاك في المطار من كثر السفريات .
* إذا ركبت الطياره لاتطلع مثل هالقراوى أول مايركب يربط الحزام ,,, لاخلك اثقل من كذا ... لاتربط الحزام الا اذا بدت تتحرك الطياره .
* اذا كان مقعدك جمب الشباك ( الدريشه - الطاقه في بعض الروايات ) .. لاتحلم انك تفتح الشباك ولو لثانيه .. وذلك على أساس انك مليت من هالسفر الله يقطعه .
* لو كان مقعدك في الدرجه الأولى ( أحلى يامطخطخ ) خلك ثقل ,,, ولاتصير مثل ذاك القروي اللي يوم جا المضيف يصب القهوه قام يصب عنه بحكم انه أصغر منه .
* لاتطالع المضيفات وترقمهم مثل مايسوون بعض هالخبول ... لأنك لاحق على البنات .
* طبعاً أكيد أنك في بداية الرحله بتشوف هالحريم متحشمات ولكن بعد الاقلاع بربع ساعه بتشوف علوم سفره ... رجاء أمسك أعصابك .
* خلك مؤمن بمبدأ ان المضيف وضع لخدمتك وذلك عند وضع المضيف أو المضيفه الأكل خلك طبيعي ولاتقول أي كلمه , ( مثل أكرمكم الله ,, تفضل معنا ,,, عساها دايمه ) لأنك دافع فلوس .
* أثناء الرحله أكيد بتسمع صياح مبزره ... لاتقعد تتلفت وكـشر وانت في محلك ومافي مانع انك تكح علشان يفهمون أهل المبزره .
* اذا كانت الرحله طويله قد تحتاج الى جرعات من النوم ... فإذا كنت من أصحاب السيمفونيات أثناء النوم رجاء خاص ( أنثر ) كل البلاوي اللي في أنفك ( خشمك بس بالفصحى ) ... وحاول ماتنام الا بعد ينام كل اللي حولك .
* أما اذا ماجاك النوم ... لاتفشلنا وتلعب كمبيوتر ... حط لك فلم وتابعه وهز راسك على أساس انك فاهم .
* اذا كان اللي بجمبك حرمه ( وهذا حاصل كثير ) .. سو نفسك ثقل ولاتطالعها ولاتعيرها أي اهتمام الا اذا هي كلمتك ,,,, لأن البنات شايفين أنفسهم علينا هنا بس ,,, واذا طلعوا برى شكل ثاني ,, والله عيال عمي قايلين لي !
* اذا طفشت مره من الرحله أطلب من المضيفين ورقه والعب انت واللي جمبك اكس أو .
* اذا طفشت مره مره .. ولا الاكس أو نافعه ... كل تبن وعض على شحم الين توصل رحلتكم .
نتمنى لك سفراً سعيداً وعوداً حميدا
رحلــة السفينــه
إذا كانت رحلتك عزيزي المسافر بالسفينه , نأمل منك التقيد بالبنود الآتيه , حيث ستساعدك بالوصول سالماً الى مبتغاك :
أنا بصراحة ماقد ركبت سفينه , ولا أنوي اركبها … ولكن بخبرتي في متابعة الأفلام الامريكيه , وأفلام الكرتون … بأعطيك النصائح التاليه :
* طق لك بدل ( مافيه مانع يكون شورت معك ! ) ولاتلبس ثوب أبد … لأن اللي جربوا الغرقه بالثوب يقولون مالأمها داعي !
* أشتر لك لستك ونظارة سباحه وذيك اللي يحطونها في الأذن , وأضمن سلامتك بنفسك !!
* خذ معك حبوب الدوار ( ماقلنا أبيض يالخبل ! ) .. لأنهم يقولون فيه شي توه طالع اسمه دوار البحر ( أخو دوار الشمس من الرضاع .. وولد عم دوار أم سليم ! )
* في أثناء السفر …. لاتكثر روحه لمطعم السفينه … خلك أثقل من كذا … زبن عمرك بكم كرتون ريكو ينفعونك وقت الزنقه !
* لاتصدق اللي يقول لك امسك أعصابك .. نحن مسيطرين على الوضع .. سيتم إنقاذكم جميعاً ! … ترى هذي كلها هتافات لاتصدقها … كلها فقش في فقش … وخل مبدئك في الحياة : " نفسي نفسي " !
* إذا كان خويك مسجون تحت في الدور السفلي ( < ="=" ماتأثر="ماتأثر" بتايتنك="بتايتنك" أبد="أبد" !="!" )=")" ….="…." آخر="آخر" من="من" تفكر="تفكر" فيه="فيه" هو="هو" ..=".." ولايهمك="ولايهمك" ..=".." لأنه="لأنه" بيموت="بيموت" ولاهوب="ولاهوب" معلم="معلم" احد="احد" !="!" …="…" وإذا="وإذا" مامات="مامات" قل="قل" والله="والله" يالطيب="يالطيب" نسيناك="نسيناك" !="!" * لو حصل وغلطت وأنقذت خويك ( أو خويتك ! ) … لاتخليه هو فوق الخشبه ( قايل لكم مايناظر تايتنك أبد ! ) … أنت خلك فوق اللوح … علشان تآخذ الصفيره بعدين !!
* إذا سلمت أنت وخويتك ( مافيه أمل ! ) … ووصلتوا لجزيره في عرض البحر ولا فيها الا انتم .. توجهوا للشجره الكبيره وأبنوا لكم بيت فيها ,, وتزوجوا وخلفوا لكم صبيان وبنات وأزرعوا … أقول بس .. تبي رأيي : خذوا معكم شريط فلونه أصرف لكم !
ملاحظه : إذا شفتوا اوادم ميته وجماجم لاتخافون … ترى ذا شي عادي !
* إذا راحت مده طويله ولا احد عبركم ( أصلاً من ذا الرايق اللي بيعبركم ! ) … إتجهوا مباشرة الى أرض الأمل ( ذكريات عدنان ولينا ! ) .. واركبوا سفينة القبطان نامق !
* تذكر دائماً ان الموت حق … يعني لاتقعد تصايح اذا شفت الموت ! .. الموت فيك فيك !!
ماودي أكثر عليكم … لأني مثل ماقلت لكم .. علاقتي بالسفن تنحصر في : ( تايتنك , فلونه . عدنان ولينا ) … واللي عنده أي إستفسار لايرده الا كيبورده
تحياتي
الدون كورليوني
* إشتر عصير الربيع أو عصير سن توب بعدد المسافرين أو أكثر .. ولا تشتري بيبسي للمقاطعه .
* إشتر فطاير جبن بعدد المسافرين أو إشتر : كت كات أو مارس بحسب الرغبه وحسب وقت الرحله .
* عاير الكفرات ( الإطارات ) وحط ضغط هواء مناسب , وتاكد من سلامة الكفرات الأربع والاستبنه كذلك ,, والا ألغي الرحله من أساسه . لأن عندك جو مايمزح معه .
* شيك على الرديتر لأنك ميه ميه مشغل المكيف ,, وبرضه الجو ما يمزح .
* عب البنزين فـل ,, لأنك إذا طلعت برى الديره يغلى البنزين ياذكي .
* وكمان عب البنزين عند محطه تعطي مناديل هديه .. لأنك محتاج منديل في الرحله ولازم نوفر عليك المصاريف .
* إشتر نظاره شمسيه إذا كان سفرك بالنهار ,, وإذا كان سفرك بالليل لاتشتري نظاره شمسيه ,, إشتر نظاره قمريه .
* إشتر ملطف جو ,, علشان بعض الشباب " الله يهديهم " يخربونها في الخط ويطلعون روائح مال أمها داعي .
* إشتر كم شريط للخط .. لأن الـmbcFM تنقطع إذا طلعت برى الديره .
* تابع قبل أسبوع من الرحله برنامج " عساكم سالمين " في الأف أم الساعه 7.30 صباح الإثنين والاربعاء .. علشانهم يجيبون نصائح مهمه في بداية البرنامج .
* تأكد من أن كل اللي معك أخلاق .. لأن الدعوه سفر وقطعه ,, والواحد مايضمن نفسه .
* إشتر مويه للزنقه بأنواعها الثلاث / للشرب وللوضوء وللرديتر .
* شيك على الزيت وشف اذا هو محتاج تغيير ولا حاجه .. واستعمل زيت ممتاز , لأن الغالي سعره فيه .
* تأكد من إحتواء سيارتك على أحزمة أمان .
* تأكد من أنك تحمل كشاف نور ( بجلي في بعض الثقافات ) لأنه أفادني كثيراً عند الزنقات .. ولي فيه مآرب أخرى .
* إذا كان ضمن المسافرين مبزره ( أطفال ) تأكد من وجود حذاء إضافي معك ( يفضل كعب ) وذلك لإستعماله في حالات الطواريء عندما يقلقكم واحد من " المبزره " .
* إذا كنت تملك جوال نوكيا رهيب 2000 , فيمكنك من تجهيز الجوال لكشف رادار السرعه ( والعهده على الراوي ) وذلك بوضع الكود : 2000 في قائمة ضبط الحمايه بند المجموعه المحدده . وإذا كان جوالك رهيب قديم فالكود هو : 00000 , واذا كان جهازك الكوبرا ولا إريكسون ولا غيره .. فأقعد بها ولا تسرع .
* إذا كنت زلابه يفضل وجود سلاح تحت المرتبه ,, ويدخل تحت طائلة السلاح كل من : فرد , عجره , سكين , مقص أظافر , بازوكا ,,
* يفضل لبس أردى أنواع الثياب لأن الدعوه سفره ولاحد يمك .
* فكر قبل ان تسافر فيمن يفكرون فيك وينتظرون عودتك سالماً ( مع التحيه لشماغ البسام ) .
* عند الإنطلاق لاتنسى دعاء السـفر .
* إذا تعديت الديره وبدأ الخط السريع : أكنس أبو الطبلون واتكل على الله ولا يردك الا التفتيش .
نتمنى لك سفراً سعيداً وعوداً حميدا
ملاحظه هامه :
عند حدوث أي عطل لاسمح الله , لاتتردد أبداً في الإتصال بالسيد موبـيل صديق السلامه
رحلة الطائره
إذا كانت رحلتك عزيزي المسافر بالطائره , نأمل منك التقيد بالبنود الآتيه , حيث ستساعدك بالوصول سالماً الى مبتغاك :
ملاحظه قبل أن نبدأ : هذه الملاحظات موجهه للي بيسافرون رحلات دوليه ... لذا على المسافرين في الرحلات الداخليه التوجه الى الصاله الداخليه .
* شيك على جوازك وضبط الفيز والحركات هذي قبل بشهر ... وجهز الشنطه .. أهم شي الشنطه جهزها وحط فيها كل اللي براسك ... مثلاً : ورق بلوت .. زنوبه .. مكينة حلاقه ... دلة قهوه ... لاتستحي حط اللي في بالك لأن بلاد برى غاليه مره .
* قبل ماتروح باسبوع دق على شركة الاتصالات ( وانتم بكرامه ) وخلهم يعممون جوالك . هم بيقولون لك عممناه لكن لايهمونك ,, كل يوم دق عليهم وقل لهم يعممونه الى يوم الرحله ,,, لأنهم وبصراحه لهم سوابق .
* قبل الرحله بأسبوع رح ارتز عند الخطوط في المروج من الساعه 8 صباحاً , وأشغلهم الى أن يقصون لك البوردنق ,, واذا صرفوك لايهمونك اللي يصرفك رح لموظف غيره ,,, قلت لك انشب لهم الى ان يعطونك البوردنق ويقولون لك لا عاد تسافر معنا .
* خذ معك أكل مايخرب : مثل بعض انواع الحلويات : توكس , كيت كات , مارس .
* خذ معك باللطو أسود سواء في الصيف أو الشتاء .... مدري ليش ياخذونه خذه وبس وحطه على كتفك زي البشت .
* يوم الرحله قم من النوم الساعه 7 الصبح . وخذ لك لفه في حارتكم وودعها .. يمكن تروح وتجوز لك الجلسه هناك وتسحب على الحاره ..... أو يمكن تطيح الطياره .
* هذا اليوم لاتطلع من البيت أبد بعد لفة الحاره ,,,, خلك عند أهلك وعيالك واللي يبيك يجيك .
* نفرض أن رحلتك الساعه 10 ليلاً ,,, خلك ثقل لاتروح للمطار الا 9.30 علشان موظفين المطار يقولون ذا ماشاء الله عليه متعود على السفريات .
* لاتطلع مثل بعض القراوى ... أول مايوصل للمطار يستلم البوفيه علشان البيبسي بـ 3 ريال , خلك ثقل واذا أزمت لاتاخذ الا كبتشينو ولاتخلصه .. اشرب نصه بس !
* لاتسأل عن بوابة الرحله وخلك واثق من نفسك على أساس انك كل مابغاك أحد لقاك في المطار من كثر السفريات .
* إذا ركبت الطياره لاتطلع مثل هالقراوى أول مايركب يربط الحزام ,,, لاخلك اثقل من كذا ... لاتربط الحزام الا اذا بدت تتحرك الطياره .
* اذا كان مقعدك جمب الشباك ( الدريشه - الطاقه في بعض الروايات ) .. لاتحلم انك تفتح الشباك ولو لثانيه .. وذلك على أساس انك مليت من هالسفر الله يقطعه .
* لو كان مقعدك في الدرجه الأولى ( أحلى يامطخطخ ) خلك ثقل ,,, ولاتصير مثل ذاك القروي اللي يوم جا المضيف يصب القهوه قام يصب عنه بحكم انه أصغر منه .
* لاتطالع المضيفات وترقمهم مثل مايسوون بعض هالخبول ... لأنك لاحق على البنات .
* طبعاً أكيد أنك في بداية الرحله بتشوف هالحريم متحشمات ولكن بعد الاقلاع بربع ساعه بتشوف علوم سفره ... رجاء أمسك أعصابك .
* خلك مؤمن بمبدأ ان المضيف وضع لخدمتك وذلك عند وضع المضيف أو المضيفه الأكل خلك طبيعي ولاتقول أي كلمه , ( مثل أكرمكم الله ,, تفضل معنا ,,, عساها دايمه ) لأنك دافع فلوس .
* أثناء الرحله أكيد بتسمع صياح مبزره ... لاتقعد تتلفت وكـشر وانت في محلك ومافي مانع انك تكح علشان يفهمون أهل المبزره .
* اذا كانت الرحله طويله قد تحتاج الى جرعات من النوم ... فإذا كنت من أصحاب السيمفونيات أثناء النوم رجاء خاص ( أنثر ) كل البلاوي اللي في أنفك ( خشمك بس بالفصحى ) ... وحاول ماتنام الا بعد ينام كل اللي حولك .
* أما اذا ماجاك النوم ... لاتفشلنا وتلعب كمبيوتر ... حط لك فلم وتابعه وهز راسك على أساس انك فاهم .
* اذا كان اللي بجمبك حرمه ( وهذا حاصل كثير ) .. سو نفسك ثقل ولاتطالعها ولاتعيرها أي اهتمام الا اذا هي كلمتك ,,,, لأن البنات شايفين أنفسهم علينا هنا بس ,,, واذا طلعوا برى شكل ثاني ,, والله عيال عمي قايلين لي !
* اذا طفشت مره من الرحله أطلب من المضيفين ورقه والعب انت واللي جمبك اكس أو .
* اذا طفشت مره مره .. ولا الاكس أو نافعه ... كل تبن وعض على شحم الين توصل رحلتكم .
نتمنى لك سفراً سعيداً وعوداً حميدا
رحلــة السفينــه
إذا كانت رحلتك عزيزي المسافر بالسفينه , نأمل منك التقيد بالبنود الآتيه , حيث ستساعدك بالوصول سالماً الى مبتغاك :
أنا بصراحة ماقد ركبت سفينه , ولا أنوي اركبها … ولكن بخبرتي في متابعة الأفلام الامريكيه , وأفلام الكرتون … بأعطيك النصائح التاليه :
* طق لك بدل ( مافيه مانع يكون شورت معك ! ) ولاتلبس ثوب أبد … لأن اللي جربوا الغرقه بالثوب يقولون مالأمها داعي !
* أشتر لك لستك ونظارة سباحه وذيك اللي يحطونها في الأذن , وأضمن سلامتك بنفسك !!
* خذ معك حبوب الدوار ( ماقلنا أبيض يالخبل ! ) .. لأنهم يقولون فيه شي توه طالع اسمه دوار البحر ( أخو دوار الشمس من الرضاع .. وولد عم دوار أم سليم ! )
* في أثناء السفر …. لاتكثر روحه لمطعم السفينه … خلك أثقل من كذا … زبن عمرك بكم كرتون ريكو ينفعونك وقت الزنقه !
* لاتصدق اللي يقول لك امسك أعصابك .. نحن مسيطرين على الوضع .. سيتم إنقاذكم جميعاً ! … ترى هذي كلها هتافات لاتصدقها … كلها فقش في فقش … وخل مبدئك في الحياة : " نفسي نفسي " !
* إذا كان خويك مسجون تحت في الدور السفلي ( < ="=" ماتأثر="ماتأثر" بتايتنك="بتايتنك" أبد="أبد" !="!" )=")" ….="…." آخر="آخر" من="من" تفكر="تفكر" فيه="فيه" هو="هو" ..=".." ولايهمك="ولايهمك" ..=".." لأنه="لأنه" بيموت="بيموت" ولاهوب="ولاهوب" معلم="معلم" احد="احد" !="!" …="…" وإذا="وإذا" مامات="مامات" قل="قل" والله="والله" يالطيب="يالطيب" نسيناك="نسيناك" !="!" * لو حصل وغلطت وأنقذت خويك ( أو خويتك ! ) … لاتخليه هو فوق الخشبه ( قايل لكم مايناظر تايتنك أبد ! ) … أنت خلك فوق اللوح … علشان تآخذ الصفيره بعدين !!
* إذا سلمت أنت وخويتك ( مافيه أمل ! ) … ووصلتوا لجزيره في عرض البحر ولا فيها الا انتم .. توجهوا للشجره الكبيره وأبنوا لكم بيت فيها ,, وتزوجوا وخلفوا لكم صبيان وبنات وأزرعوا … أقول بس .. تبي رأيي : خذوا معكم شريط فلونه أصرف لكم !
ملاحظه : إذا شفتوا اوادم ميته وجماجم لاتخافون … ترى ذا شي عادي !
* إذا راحت مده طويله ولا احد عبركم ( أصلاً من ذا الرايق اللي بيعبركم ! ) … إتجهوا مباشرة الى أرض الأمل ( ذكريات عدنان ولينا ! ) .. واركبوا سفينة القبطان نامق !
* تذكر دائماً ان الموت حق … يعني لاتقعد تصايح اذا شفت الموت ! .. الموت فيك فيك !!
ماودي أكثر عليكم … لأني مثل ماقلت لكم .. علاقتي بالسفن تنحصر في : ( تايتنك , فلونه . عدنان ولينا ) … واللي عنده أي إستفسار لايرده الا كيبورده
تحياتي
الدون كورليوني