تامر عمران
07-03-2011, 17:28
http://i1127.photobucket.com/albums/l633/i-m_moslem/poet/8b15b9d9314614bca1f705e0f0ee3996-Copy.jpg
تعالا على حجري
1
حبيبتي شاهيناز
بحبك موت موت موت ونفسي أصارحك بحبي لكني مش عارف أو مش قادر أو حاجة زي كدة يعني..
لالالا!! دا كده اللي مينفعش.. دي المرة العشرتاشر اللي بحاول إني أكتب فيها جواب لشاهيناز زميلتي ف الجامعة وبرضه مش نافع.. شاهي.. ياسلاااام على شاهي.. دا الأدب شاهي.. دا الجمال شاهي.. شاهيناز.. وما أدراكما شاهيناز.. هييييييه ياجدعان شاهيناز دي اللي يشوفها يلاقيها زي مايحب من منظوره ووجهة نظره.. المحترم يلاقيها أدب وذوق.. والهادي يلاقيها راسية وعاقلة..والكوول يلاقيها طقه.. والديب اللي زي حالاتنا يلاقيها حاجة كدة ف كدة بالظبط "اللي شايفني طبعا دلوقتي هوا اللي هايعرف كدة ف كدة دي يعني إيه"..
مشكلتي معاها إنها ليها أصحاب كتير.. مش لاقي أي دَخله ليها.. كل ماعوز أكلمها أبص ألاقيها مع حد من زمايلها.. ومش عندي القدرة يعني إني أروح أقولها بليز كلمتين على انفراد يعني.. ولما استفرد بيها.. أقصد أتغرر بيها هاقولها إيه؟ بحبك؟.. دا يبقى هبل طبعاً.. لازم برضه الفن ف الموضوع دا.. نظراتها جبارة الحقيقة لكني بلاحظ إنها من النوع اللي بتبص للإنسان وبطول ف النظرة حبتين وتلاقي عيونها بتقول "ياواد ياحسام؟ إنتا ياوله؟ واقف بعيد ليه؟ تعالا جري وكلمني شكراً"
وانا صراحة باعُض على شفايفي واقوم رادد عليها بنظرة عيني اللي بتقول "آآآآه ياريتني أقدر بس ولاد الجزمة اللي حواليكي دول عايزين الحرق الحقيقة.. بس متقلقيش إنتي مزه مزه ياشاهيناز وخسارتك مع الهلاهيل اللي بتقفي معاهم دول اللي شبه عرايس الليلة الكبيرة"
البت مزه بجد ومش عارف الحل إيه.. طبعا أنا كإنسان ديب أقدر أميز نظرة الديابة اللي حواليها برضه واللي عينهم منها لكني لازم ألاقي الطريقة اللي أقدر أكلمها بيها وأخليها تلتفت ليا أنا بس.. لازم لازم لازم.. وزي ما الناس دول عرفوا يخلوا الكوكاكولا من غير نقطة سكر.. زي ماهاقدر أقول لشاهيناز..
عموماً.. لازم أنام دلوقتي.. بكرة ورايا جامعة ونتيجة إمتحانات الميني تيرم كلها بكرة ولازم أكون مهيئ نفسياً للتصقيف والذي منه لأني بفضل الله مجتهد جداً.. انا بنام أهو.. أنا بن*# هخخخخخخخ..
************************************************** **********
2
حُسام!! حُسحُس ياحبيبي!! يابني اصحى إحنا ف نص الليل!!!
أخويا حاتم الخُزعبلاوي.. الخزعبلاوي دا مش لقب العيلة لا سمح الله.. دا لقب أنا أهديتهوله كدة جدعنه مني من كتر خزعبلاته المشهورة.. بيحب يقرا ف كتب السحر والشعوذة والأبراج والتوافقات والمشعارفات وحاجات من دي.. كل تجاربه لحد دلوقتي بائت بالفشل المريع والذريع.. بيصحيني ليه الرخم ابن الـ..؟
– عايز إيه ياعم نيله انتا، بتصحيني من أحلاها نومه ليه؟
– عيب عليك دانا غرضي مصلحتك.. إنتا ناسي الليلة دي إيه؟ دي ليلة رأس السنة.. فاهم يعني إيه ليلة رأس السنة؟؟!
– فهمني انتا طيب ياعم بابا نويل هاعمل أنا إيه يعني ف راس أم السنة؟ هاعملها سيشوار يعني؟
– يابن الظريفة لاء.. أنا محضرلك كل حاجة.. مش انتا برضه كان نفسك إن البت اللي بتحبها اللي اسمها شاهيناز دي تحس بيك وكدة وبتاع؟
– آهآهآهآهآآآآآآه ليه قلبت عليا المواجع يا امنحتب انتا؟ وبعدين يعني آه عايز ياسيدي
– طيب الحل سهل وبسيط.. انتا بس هاتقول كلمتين ورايا.. وآدينا بنجرب.. ومتقلقش.. هتلاقي شاهيناز جت على حجرك يامعلم حاكم دا مفعوله أكيد ومتجرب.. حسب ماهو مكتوب يعني.
– نعم ياروح أمك؟؟؟ بتجرب فيا أخوك شقيقك ابن امك وابوك؟؟
– ياعمي متخافش الموضوع ابسط من كدة بمراحل.. انتا بس يادوب هاتغمض عيونك وانا هاكتب كلمتين على أورتك بالحبر الروحاني وهاتقول ورايا البقين وخلصت خلاص.. وإنجز علشان التحضير دا لازم يكون ف أول ساعة من السنة الجديدة.. قولت إيه ياوز؟؟
– اممممم لعبت ف دماغي وعملتها محشي بكلامك يا حُتْ حُتْ.. طيب إحنا يعني هانحضر مين بالظبط.
– عادي جداً عفريت وملك من ملوك الجن البمبى إسمه حَلُّوف بن مَخْلُوف.
– حَلُّوف بن مَخْلُوف؟؟ دا على اعتبار انه كان حلوف بجد؟ ولاا أووف اللي ف آخر اسمه دي علشان أصله روسي؟
– لاء يا بايخ بس هما بيقولوا إنه شاذ عن الجن كله.. عموماً يعني نويت ولاا لاء خَلَّص ولَخَّص.؟
– خلاص ياللا بس بسرعة علشان جو الرعب دا بيجيبلي تبول مش بكيفي يعني.
– طيب اوك غمض عيونك يامعلم.
– اااهوو.
– "بيكتب على أورتي" وآدي الخاتم السليماني.. ها جاهز ياحُسس.؟
– أمرنا لله.. جاهز.
– قول ورايا: حَلُّوف يابن مَخْلُوف
– حَلُّوف يابن مَخْلُوف
– إظهر ياللا وطوف
– إظهر ياللا وطوف
– دي حبيبتي وسط ألوف
– دي حبيبتي وسط ألوف
– ومانعني عنها ظروف
– ومانعني عنها ظروف
– وحياة حاجبك المنتوف
– وحياة حاجبك المنتوف
– وعقلك المهفوف
– وعقلك المهفوف
– اجعل حبي معروف
– اجعل حبي معروف
– وف قلبها محدوف
– وف قلبها محدوف
– وفق بيننا الظروف
– وفق بيننا الظروف
– علشان أخدملك المعروف
– .. علشان اخدملك المعروف
– بالعِشْرَة او حتى جاروف
– بالعِشْرَة أو حتى جاروف
– وقت ماتحب
– وقت ماتحبي
– وزي ماتحب
– وزي ماتحب
– ياحبيبي ياحلوف
– "بكتم الضحكة" ياحبيبي ياحلوف
– الوحا العجل الساعة
– الواحا العجل الساعة
– بس خلاص روح كمل نوم
– إيه الواحا دي يا..
– هششششششششششششششششش روح نام
إيه المجنون اللي هايجنني معاه دا؟ طب انا أخدته على قد عقله علشان أثبتله إن كل مرة بيفشل فيها.. ما علينا بس مسيري أعرف الدنيا فيها إيه بكرة.. والنوم سيد الأدلة.. هخخخخخخ هخخخخخخ هخخخخخخخخخخخخخخخخخ...
************************************************** **********
3
فيه واحد شاعر قريتله مرة بيت شعر أفتكرته يوم ما عرفت نتيجتي ف الميني تيرم:
أخدت تقدير الضعيف فلم أُبالِ ... تقدير الضعيف يابني من شيم الرجالِ
ولا أتهزت شعره من مناخيري حتى.. أنا آه مجتهد.. لكن كل ماباجي أذاكر ب أجتهد أكتر ف إني أسرح بخيالي مع شاهيناز.. والحمد لله ظهرت النتيجة السعيدة وبانت لبتها.. ماعلينا البت شاهي أهي هناك أهي.. إيه دا؟؟ دي جاية ناحيتي.. إعمل عبيط ياواد ياحسام إعمل عبيط.. تيرارارااا...
- حسام؟
- أهههه إزيك ياشاهيناز أخبارك؟
- أنا بخير.. باقولك إيه ياحسام ممكن كلمة بس كدة بيني وبينك؟
يانهار أبيض ياجدعان!! الواد حاتم حاجته فلحت إبن اللاعيبة.. أخيراً جيتي على حجري ياشاهي.. اممم أتنطط عليها ولاا بلاش؟؟.. اممممم حبة كدة وحبة كدة علشان الدنيا تمشي..
- معلش ياشاهيناز وقت تاني بس لأني رايح السنيما النهاردة بالليل الساعة 6
- طب دانا باقولك دلوقتي إيه اللي جاب بالليل ف الموضوع؟
- امممم اهآه معلش مانا بالي بيكون مشغول دايماً كل ماباروح أي سنيما.. عموماً أنا مضطر أمشي دلوقتي.. بصي هاتي موبايلك وأنا هاكلمك وقت ماتتيسر الظروف..
وطبعا إدتني الرقم.. البنت واقعة واقعة.. بركاتك ياض ياحاتم يله بجد.. المهم إني روحت وبالي مشغول.. أنا حاسس إني استغبيت بس ماعلينا.. أساسا الليلة هافاتحها ف خطوبة وش البت عاجباني وسوري يعني أنا مش محتاج إني أتعرف عليها فترة لأني عارفها بقالي كتير..
عدت طبعا كذا ساعة والساعة دلوقتي 6 بالليل اممم هاتصل بيها وهاعمل خدعة لذيذة.. ومنها برضه هاتكلم جد..
- تييييت تيييييت تيييييت
آلو
- شاهي؟
- حسام؟ معقول؟ مش قلت وراك سنيما؟
- ههههههه آه فعلا بس بيني وبينك يا شاهي أنا بفكر فيكي كتير وبديتك على أي فيلم.. إلا " أفاتار AVATAR " طبعا إنتي عارفة يعني دا قد إيه مبهر مبهر آخر حاجة
- ههههههههه دمك خفيف بجد ياحسام بس بجد مش عارفة أقولك إيه.. أنا كنت عايزة أقولك ف الجامعة إني حلمت بيك
- بجد؟
- بجد
- امممممم أنا بقى بحلم بيكي ياشاهي نايم أو صاحي.. وباشوفك ف أي حاجة قدامي.. ف الكتاب.. ع الحيط.. ف السقف.. تقوليش بروجيكتور هههههههههه
- ههههههههه بجد ياحسام دا إحساس جميل منك قوي.. تحب إننا نتعرف ببعض أكتر من كدة؟
- لالالا أنا راجل دوغري ياشهاشيهو وبصي أنا هاجي اتقدملك بكرة..
- ههههههههههه أنا بتكلم جد ياحسام..
- وأنا الجد على شكل حسام ياشاهيناز.. حبيبتي أنا مش هاقولك بحبك وبراقبك بقالي قد إيه.. والحمد لله إنه جه اليوم اللي تحسي فيه بمشاعري ناحيتك..
- مش عارفة أقولك إيه يا حسام.
- غالباً بالليل.. عقبال مابييجي من شغله يعني.. إنتا تعالا ف أي وقت بعد المغرب بيكون موجود
- طيب هاتيلي العنوان ياقمر
- إكتب عندك: الهرم- الطالبية- بعد العزب ومسجد السلام على الشمال
- ياااه دانتو بعيد قوي يا شاهي
- معلش دا سكن مؤقت لحد مايخلص تشطيب الفيلا بتاعتنا ف 6 أكتوبر
-ههههههههه مش عارف ليه حاسس إنكم بتنقوا الأماكن الهو اللي مليانة براح
- ههههههههههههههه معلش بقى هيا بتيجي كدة
- طيب يا شاهي علشان مطولش عليكي إنتي عارفة إنتي اللي متصلة وأنا مش عايز أطول عليكي لازم يكون عندي دم يعني ولاا إيه؟ ههههههههههه
- هههههههه إخص عليك ياحسام إنتا يعني بتلقح عليا بالكلام؟ ماشي ماشي بس اما تيجي بكرة هاوصي بابا عليك قوي
- هههههههههه وهوا احنا بنخاف ولاا بنخاف ياقمري.. خير ان شاء الله متقلقيش
- طيب يا حسام خلي بالك بقى من نفسك كويس
- طب حبيبتي وانتي كمان
- باي
- سلام يابؤبؤة عيني
كليك!*#
كام دقيقة؟.. ياللا مش خسارة فيها.. المهم بس أجهزلها.. واستعد لليوم الموعود بكره دا.. لازم أكون جاهز ومعايا هدية شيك.. اممممم ياعالم بس فيه إيه ف جيبي.. اوباا بلاش إحراج هوا مبلغ زي ماتقولوا كدة بيساوي سعر البيضة البلدي ف السوق بس محدش يقلق لازم أتصرف طبعا دي شهاشيهو يعني مش أي حد..
عموماً على رأي الكفار:
ولسوف أتصرفنَّ في شأن هذا الأمر غداً وستكون الدنيا أوكيه..
ولسآخذنَّ من كل صاحب ليَّا أعرفه 10 جنية...
************************************************** **********
نكمل بالرد القادم المقطع الأخير
تعالا على حجري
1
حبيبتي شاهيناز
بحبك موت موت موت ونفسي أصارحك بحبي لكني مش عارف أو مش قادر أو حاجة زي كدة يعني..
لالالا!! دا كده اللي مينفعش.. دي المرة العشرتاشر اللي بحاول إني أكتب فيها جواب لشاهيناز زميلتي ف الجامعة وبرضه مش نافع.. شاهي.. ياسلاااام على شاهي.. دا الأدب شاهي.. دا الجمال شاهي.. شاهيناز.. وما أدراكما شاهيناز.. هييييييه ياجدعان شاهيناز دي اللي يشوفها يلاقيها زي مايحب من منظوره ووجهة نظره.. المحترم يلاقيها أدب وذوق.. والهادي يلاقيها راسية وعاقلة..والكوول يلاقيها طقه.. والديب اللي زي حالاتنا يلاقيها حاجة كدة ف كدة بالظبط "اللي شايفني طبعا دلوقتي هوا اللي هايعرف كدة ف كدة دي يعني إيه"..
مشكلتي معاها إنها ليها أصحاب كتير.. مش لاقي أي دَخله ليها.. كل ماعوز أكلمها أبص ألاقيها مع حد من زمايلها.. ومش عندي القدرة يعني إني أروح أقولها بليز كلمتين على انفراد يعني.. ولما استفرد بيها.. أقصد أتغرر بيها هاقولها إيه؟ بحبك؟.. دا يبقى هبل طبعاً.. لازم برضه الفن ف الموضوع دا.. نظراتها جبارة الحقيقة لكني بلاحظ إنها من النوع اللي بتبص للإنسان وبطول ف النظرة حبتين وتلاقي عيونها بتقول "ياواد ياحسام؟ إنتا ياوله؟ واقف بعيد ليه؟ تعالا جري وكلمني شكراً"
وانا صراحة باعُض على شفايفي واقوم رادد عليها بنظرة عيني اللي بتقول "آآآآه ياريتني أقدر بس ولاد الجزمة اللي حواليكي دول عايزين الحرق الحقيقة.. بس متقلقيش إنتي مزه مزه ياشاهيناز وخسارتك مع الهلاهيل اللي بتقفي معاهم دول اللي شبه عرايس الليلة الكبيرة"
البت مزه بجد ومش عارف الحل إيه.. طبعا أنا كإنسان ديب أقدر أميز نظرة الديابة اللي حواليها برضه واللي عينهم منها لكني لازم ألاقي الطريقة اللي أقدر أكلمها بيها وأخليها تلتفت ليا أنا بس.. لازم لازم لازم.. وزي ما الناس دول عرفوا يخلوا الكوكاكولا من غير نقطة سكر.. زي ماهاقدر أقول لشاهيناز..
عموماً.. لازم أنام دلوقتي.. بكرة ورايا جامعة ونتيجة إمتحانات الميني تيرم كلها بكرة ولازم أكون مهيئ نفسياً للتصقيف والذي منه لأني بفضل الله مجتهد جداً.. انا بنام أهو.. أنا بن*# هخخخخخخخ..
************************************************** **********
2
حُسام!! حُسحُس ياحبيبي!! يابني اصحى إحنا ف نص الليل!!!
أخويا حاتم الخُزعبلاوي.. الخزعبلاوي دا مش لقب العيلة لا سمح الله.. دا لقب أنا أهديتهوله كدة جدعنه مني من كتر خزعبلاته المشهورة.. بيحب يقرا ف كتب السحر والشعوذة والأبراج والتوافقات والمشعارفات وحاجات من دي.. كل تجاربه لحد دلوقتي بائت بالفشل المريع والذريع.. بيصحيني ليه الرخم ابن الـ..؟
– عايز إيه ياعم نيله انتا، بتصحيني من أحلاها نومه ليه؟
– عيب عليك دانا غرضي مصلحتك.. إنتا ناسي الليلة دي إيه؟ دي ليلة رأس السنة.. فاهم يعني إيه ليلة رأس السنة؟؟!
– فهمني انتا طيب ياعم بابا نويل هاعمل أنا إيه يعني ف راس أم السنة؟ هاعملها سيشوار يعني؟
– يابن الظريفة لاء.. أنا محضرلك كل حاجة.. مش انتا برضه كان نفسك إن البت اللي بتحبها اللي اسمها شاهيناز دي تحس بيك وكدة وبتاع؟
– آهآهآهآهآآآآآآه ليه قلبت عليا المواجع يا امنحتب انتا؟ وبعدين يعني آه عايز ياسيدي
– طيب الحل سهل وبسيط.. انتا بس هاتقول كلمتين ورايا.. وآدينا بنجرب.. ومتقلقش.. هتلاقي شاهيناز جت على حجرك يامعلم حاكم دا مفعوله أكيد ومتجرب.. حسب ماهو مكتوب يعني.
– نعم ياروح أمك؟؟؟ بتجرب فيا أخوك شقيقك ابن امك وابوك؟؟
– ياعمي متخافش الموضوع ابسط من كدة بمراحل.. انتا بس يادوب هاتغمض عيونك وانا هاكتب كلمتين على أورتك بالحبر الروحاني وهاتقول ورايا البقين وخلصت خلاص.. وإنجز علشان التحضير دا لازم يكون ف أول ساعة من السنة الجديدة.. قولت إيه ياوز؟؟
– اممممم لعبت ف دماغي وعملتها محشي بكلامك يا حُتْ حُتْ.. طيب إحنا يعني هانحضر مين بالظبط.
– عادي جداً عفريت وملك من ملوك الجن البمبى إسمه حَلُّوف بن مَخْلُوف.
– حَلُّوف بن مَخْلُوف؟؟ دا على اعتبار انه كان حلوف بجد؟ ولاا أووف اللي ف آخر اسمه دي علشان أصله روسي؟
– لاء يا بايخ بس هما بيقولوا إنه شاذ عن الجن كله.. عموماً يعني نويت ولاا لاء خَلَّص ولَخَّص.؟
– خلاص ياللا بس بسرعة علشان جو الرعب دا بيجيبلي تبول مش بكيفي يعني.
– طيب اوك غمض عيونك يامعلم.
– اااهوو.
– "بيكتب على أورتي" وآدي الخاتم السليماني.. ها جاهز ياحُسس.؟
– أمرنا لله.. جاهز.
– قول ورايا: حَلُّوف يابن مَخْلُوف
– حَلُّوف يابن مَخْلُوف
– إظهر ياللا وطوف
– إظهر ياللا وطوف
– دي حبيبتي وسط ألوف
– دي حبيبتي وسط ألوف
– ومانعني عنها ظروف
– ومانعني عنها ظروف
– وحياة حاجبك المنتوف
– وحياة حاجبك المنتوف
– وعقلك المهفوف
– وعقلك المهفوف
– اجعل حبي معروف
– اجعل حبي معروف
– وف قلبها محدوف
– وف قلبها محدوف
– وفق بيننا الظروف
– وفق بيننا الظروف
– علشان أخدملك المعروف
– .. علشان اخدملك المعروف
– بالعِشْرَة او حتى جاروف
– بالعِشْرَة أو حتى جاروف
– وقت ماتحب
– وقت ماتحبي
– وزي ماتحب
– وزي ماتحب
– ياحبيبي ياحلوف
– "بكتم الضحكة" ياحبيبي ياحلوف
– الوحا العجل الساعة
– الواحا العجل الساعة
– بس خلاص روح كمل نوم
– إيه الواحا دي يا..
– هششششششششششششششششش روح نام
إيه المجنون اللي هايجنني معاه دا؟ طب انا أخدته على قد عقله علشان أثبتله إن كل مرة بيفشل فيها.. ما علينا بس مسيري أعرف الدنيا فيها إيه بكرة.. والنوم سيد الأدلة.. هخخخخخخ هخخخخخخ هخخخخخخخخخخخخخخخخخ...
************************************************** **********
3
فيه واحد شاعر قريتله مرة بيت شعر أفتكرته يوم ما عرفت نتيجتي ف الميني تيرم:
أخدت تقدير الضعيف فلم أُبالِ ... تقدير الضعيف يابني من شيم الرجالِ
ولا أتهزت شعره من مناخيري حتى.. أنا آه مجتهد.. لكن كل ماباجي أذاكر ب أجتهد أكتر ف إني أسرح بخيالي مع شاهيناز.. والحمد لله ظهرت النتيجة السعيدة وبانت لبتها.. ماعلينا البت شاهي أهي هناك أهي.. إيه دا؟؟ دي جاية ناحيتي.. إعمل عبيط ياواد ياحسام إعمل عبيط.. تيرارارااا...
- حسام؟
- أهههه إزيك ياشاهيناز أخبارك؟
- أنا بخير.. باقولك إيه ياحسام ممكن كلمة بس كدة بيني وبينك؟
يانهار أبيض ياجدعان!! الواد حاتم حاجته فلحت إبن اللاعيبة.. أخيراً جيتي على حجري ياشاهي.. اممم أتنطط عليها ولاا بلاش؟؟.. اممممم حبة كدة وحبة كدة علشان الدنيا تمشي..
- معلش ياشاهيناز وقت تاني بس لأني رايح السنيما النهاردة بالليل الساعة 6
- طب دانا باقولك دلوقتي إيه اللي جاب بالليل ف الموضوع؟
- امممم اهآه معلش مانا بالي بيكون مشغول دايماً كل ماباروح أي سنيما.. عموماً أنا مضطر أمشي دلوقتي.. بصي هاتي موبايلك وأنا هاكلمك وقت ماتتيسر الظروف..
وطبعا إدتني الرقم.. البنت واقعة واقعة.. بركاتك ياض ياحاتم يله بجد.. المهم إني روحت وبالي مشغول.. أنا حاسس إني استغبيت بس ماعلينا.. أساسا الليلة هافاتحها ف خطوبة وش البت عاجباني وسوري يعني أنا مش محتاج إني أتعرف عليها فترة لأني عارفها بقالي كتير..
عدت طبعا كذا ساعة والساعة دلوقتي 6 بالليل اممم هاتصل بيها وهاعمل خدعة لذيذة.. ومنها برضه هاتكلم جد..
- تييييت تيييييت تيييييت
آلو
- شاهي؟
- حسام؟ معقول؟ مش قلت وراك سنيما؟
- ههههههه آه فعلا بس بيني وبينك يا شاهي أنا بفكر فيكي كتير وبديتك على أي فيلم.. إلا " أفاتار AVATAR " طبعا إنتي عارفة يعني دا قد إيه مبهر مبهر آخر حاجة
- ههههههههه دمك خفيف بجد ياحسام بس بجد مش عارفة أقولك إيه.. أنا كنت عايزة أقولك ف الجامعة إني حلمت بيك
- بجد؟
- بجد
- امممممم أنا بقى بحلم بيكي ياشاهي نايم أو صاحي.. وباشوفك ف أي حاجة قدامي.. ف الكتاب.. ع الحيط.. ف السقف.. تقوليش بروجيكتور هههههههههه
- ههههههههه بجد ياحسام دا إحساس جميل منك قوي.. تحب إننا نتعرف ببعض أكتر من كدة؟
- لالالا أنا راجل دوغري ياشهاشيهو وبصي أنا هاجي اتقدملك بكرة..
- ههههههههههه أنا بتكلم جد ياحسام..
- وأنا الجد على شكل حسام ياشاهيناز.. حبيبتي أنا مش هاقولك بحبك وبراقبك بقالي قد إيه.. والحمد لله إنه جه اليوم اللي تحسي فيه بمشاعري ناحيتك..
- مش عارفة أقولك إيه يا حسام.
- غالباً بالليل.. عقبال مابييجي من شغله يعني.. إنتا تعالا ف أي وقت بعد المغرب بيكون موجود
- طيب هاتيلي العنوان ياقمر
- إكتب عندك: الهرم- الطالبية- بعد العزب ومسجد السلام على الشمال
- ياااه دانتو بعيد قوي يا شاهي
- معلش دا سكن مؤقت لحد مايخلص تشطيب الفيلا بتاعتنا ف 6 أكتوبر
-ههههههههه مش عارف ليه حاسس إنكم بتنقوا الأماكن الهو اللي مليانة براح
- ههههههههههههههه معلش بقى هيا بتيجي كدة
- طيب يا شاهي علشان مطولش عليكي إنتي عارفة إنتي اللي متصلة وأنا مش عايز أطول عليكي لازم يكون عندي دم يعني ولاا إيه؟ ههههههههههه
- هههههههه إخص عليك ياحسام إنتا يعني بتلقح عليا بالكلام؟ ماشي ماشي بس اما تيجي بكرة هاوصي بابا عليك قوي
- هههههههههه وهوا احنا بنخاف ولاا بنخاف ياقمري.. خير ان شاء الله متقلقيش
- طيب يا حسام خلي بالك بقى من نفسك كويس
- طب حبيبتي وانتي كمان
- باي
- سلام يابؤبؤة عيني
كليك!*#
كام دقيقة؟.. ياللا مش خسارة فيها.. المهم بس أجهزلها.. واستعد لليوم الموعود بكره دا.. لازم أكون جاهز ومعايا هدية شيك.. اممممم ياعالم بس فيه إيه ف جيبي.. اوباا بلاش إحراج هوا مبلغ زي ماتقولوا كدة بيساوي سعر البيضة البلدي ف السوق بس محدش يقلق لازم أتصرف طبعا دي شهاشيهو يعني مش أي حد..
عموماً على رأي الكفار:
ولسوف أتصرفنَّ في شأن هذا الأمر غداً وستكون الدنيا أوكيه..
ولسآخذنَّ من كل صاحب ليَّا أعرفه 10 جنية...
************************************************** **********
نكمل بالرد القادم المقطع الأخير