عرض كامل الموضوع : المفاوض
======
في احد المقرات العسكريه يجلس عسكري امام شاشة الكمبيوتر ويقول :
وش يبي ذا ؟؟
يرد الضابط : منهو ؟ http://www.vb.eqla3.com/images/smilies/Looking_anim.gif
العسكري امام شاشة الكمبيوتر : هذا وش يبي ؟
الضابط : وشو ذا مخترق ؟؟
العسكري : مدري بس جالس يسولف .
الضابط : وخر شوي http://www.vb.eqla3.com/images/smilies/Looking_anim.gif
يقوم العسكري ويجلس الضابط
الضابط يكتب على لوحة المفاتيح : من انت ووش تبي ؟؟
الطرف الاخر : ها ها ها هاي ابي فارس احمد ..
الضابط : فارس احمد ؟؟ اقول ورا ماتنقلع من الجهاز لا اجيك لغرفتك وامحطك بسلك الفاره http://www.vb.eqla3.com/images/smilies/0381.gif
الطرف الاخر : ها ها هاي معي لاب توب ها ها هاي http://www.vb.eqla3.com/images/smilies/biggrin.gif
الضابط : انت وش تبي اللحين ؟؟
العسكري : ماقدرنا نحدد مكانه
الضابط : تستهبلون انتو ؟
العسكري : ايه والله ماقدرنا
الطرف الاخر : الوووووو
الضابط : نعم ؟
الطرف الاخر : فارس احمد هذا مفاوض يشتغل معكم بتفاوض معه
الضابط : بخصوص ايش؟
الطرف الاخر : اذا جا فارس احمد نادني والان انا خارج وبتركك مع هالفيديو
==================
( بعد ثواني )
الضابط يتصبب عرقا
العسكري : وش ذا وش ذا وش ذا
الضابط : الله واكبر الله وكبر وش ذا وش ذا
==================
بعد نصف ساعه طائره مروحيه تحوم فوق رمال الثمامه ....
( داخل المروحيه )
بس بس وقف هناااا هذا هو لقيته ...
قائد المروحيه : هذاي بنزل
==================
مروحية تنزل من السماء
رمال تتطاير
شخص شاب نار وقدامه قارورة صحة وكأس من البلاستك وكيسة ثلج وعلبة برنقلز http://www.vb.eqla3.com/images/smilies/038.gif
الشخص : انااا قايل ها ها ها ها قايل لهم عيال التسلب يطفون المروحه ها ها هاي
يلعن ام الفله ... ثمامه ولحالي ومروحه تهف فوق راسي مهوب ناقص الا علبة روووب http://www.vb.eqla3.com/images/smilies/grins.gif
ابي رووووب
وش ذا؟؟ وش هالهلكبتر؟؟ لا انا سكرت
ها ها هاي هلكبتر بالثمامه لا اكيد سكرت
ها ها هاي http://www.vb.eqla3.com/images/smilies/biggrin.gif
شخص ينزل من الطائرة المروحيه ويركض بأتجاه الشخص
==================
بعد لحضات توقف الشخص النازل من الطائرة المروحيه امام السكران
وقال له : فارس؟؟
فارس وهو يضع بعض الثلجات في كأسه : وش تبي من فارس ؟؟
الشخص : ممكن تقوم معي ؟
فارس : ها ها هاي اقوم بس بشرط
الشخص : سم ؟؟
فارس : تجيب لي روب
الشخص : ابشر نجيب لك كل شيء بس امش معي
( لحضات )
و فارس يمشي وهو يستند على كتف الشخص متوجه للطائرة المروحيه
وشخص اخر يلحق بهم وهو يحمل اغراض فارس
==================
كانت الطائره المروحيه تشق الغيوم
فارس متسند على كرسيه ويقول قسم بالله جوكم فكووك
قائد الطائره : سم امر وش تبي ؟؟
فارس وهو يحمل كاسه : شغل لي ش ش غ شغغل ل ل ي لي ع ع عبرت الشششش شط ط على م م مودك خا خو خي خليتك على را يي
==================
( بعد دقائق )
شخص طالع من الحلاق وهو يقول
اليوم بشوفك ياساره ههههه http://www.vb.eqla3.com/images/smilies/060.gif http://www.vb.eqla3.com/images/smilies/biggrin.gif
واخيرا ياساره بشوفك
الشخص يشاهد وجهه في مراية قزازة السياره
ويمشط قذلته http://www.vb.eqla3.com/images/smilies/060.gif
/
وفجأه
ينضر الى يده
ليجد بطاطس برنقلز مهروس مع حبات طماط مهروسه http://www.vb.eqla3.com/images/smilies/grins.gif
الشاب : وش ذا وش ذا وش ذا طراش طراش طراش اااااااااااااااااااه
يلعن ام القهر من وين جا من وين جاااا
يلعن **** ياااابن *** اايااا **** http://www.vb.eqla3.com/images/smilies/n/sm1.gif http://www.vb.eqla3.com/images/smilies/biggrin.gif
/
/
فوق في السماء
فارس يمسح فمه بمنديل ويقول : اااااااااااه اللحين ارتحت
والله ياهي تطريشه عنيفه http://www.vb.eqla3.com/images/smilies/biggrin.gif ..
قائد الطائره : بس وصلنا وصلنا استعدو
/
لحضات وتحط الطائرة فوق عماره ...
فارس يتلفت : انا وين ؟؟ ووش جابني هنااا بطلي وينه بطلي وينه
شخص : هذا هو هذا هو طال عمرك
فارس وهو يخمط البطل : هاااااااااااته
الضابط : وشو ؟؟ هذا فارس ؟؟ عز الله الي رحنا وطي
قائد الطائره : طال عمرك هذا هو مطابق للصوره ومطابق للمكان الي ارسلتونا له
الضابط : مو معقوله هذا بينكبنا هذا بينكبناااا
فارس : وش ينكبنا ووش صورته ووش السالفه انت وياه ؟؟
الضابط : انت فارس احمد
فارس : ايه انا فارس وش تبون؟؟ انا تارككم من سنين وش تبون مني ماتدرون اني فاصل من عندكم وقايل لكم الوجه بالوجه ابيض http://www.vb.eqla3.com/images/smilies/0381.gif
الضابط : هد اعصابك هد اعصابك
00000000000000000000000000000
(((((( من هو فارس ))))))))
هو مفاوض سابق كان يشتغل في السلك العسكري
مواصفاته : هادئ جدا .. لايعرف ان يفاوض الا وهو سكران ...
لايهمه الرهائن يموتون او لايموتون .. مايهمه هو القبض على محتجز الرهائن ...
اسباب تركه للسلك العسكري
لهجوم الصحافه عليه وملله من هجومهم حينما ماتو 65 رهينه وهو يفاوض
وضهر في الصحف وهو يضحك ويقول , اسئلو المجرم ولا تسئلوني هو الي ذبحهم مهوب انا ....
فارس يجلس امام الكمبيوتر
يضع بطله بجانب لوحة المفاتيح
وعلبة الدخان بجانب البطل ...
ينفث سيجارته ويكتب ..
فارس : تدري انك جايبني من احلى جلسه كنت جالسها ..
الطرف الاخر : فارس؟
فارس : اخلص وش تبي؟
الطرف الاخر : هههه اللحين انا متأكد انك فارس
فارس : طيب تأكدت انت وش طلباتك ؟
الطرف الاخر : ماتبي تشوف وش أملك ؟
الضابط : فارس ماقدرنا نحدد مكانه للحين ...
فارس : باخذ وبعطي معه اجل اللين ماتحددون المكان .
الطرف الاخر : الووووو
فارس وهو يقول لنفسه ياهو نشبه ذا
فارس : ورني الفيديو...
الطرف الاخر : ها ها ها ها هاي
/
/
بعد لحضات فارس يتأمل الفيديو عشرون رهينه
مربطه بسلاسل , داخل غرفه لاتوجد بها أي نافذه ...
فارس يرفع كأسه ويشرب
انتهى الفيديو .
الطرف الاخر : هاه وش رايك؟؟
فارس : شوي وبجيك
فارس يلتف بكرسية المتحرك الى الضابط وباقي العسكر
ويقول
جايبيني من الثمامه ومن جلسه ماتكرر
ثلجي ذاب
برنقلزي طرشته
ناري الي جلست ساعه ويالله شبيتيها
عشان اتفاوض مع واحد مذبح كل الرهاين http://www.vb.eqla3.com/images/smilies/007.gif
الضابط : وش لون وش لون http://www.vb.eqla3.com/images/smilies/Looking_anim.gif ؟؟؟
فارس : ماتشوف انت ؟؟ شف التقويم على الطاولة
فارس يعيد تشغيل الفيديو ويضع يده على مكان التقويم...
الضابط : هاه صدق تاريخ التقويم حق قبل سنة .. بس مهوب شرط مهوب صحيح كلامك
فارس : هذي صور الرهاين قدامك ابحث عن المفقودين
/
فارس يلتفت على الكمبيوتر ويكتب : بأي اسم اناديك فيه؟
الطرف الاخر : نادني بأسم النسر .
فارس : طيب يا النسر انت طلبتني بالاسم بسألك وش لون عرفت اسمي؟ وليه اخترتني انا بالذات
النسر : عشان العب معك شطرنج .. سامع انك فتيت شطرنج ها ها ها هاي
فارس : بهذي صدقت بس وش لون عرفت اسمي؟؟
النسر : ارجو انك ماتكثر اسألتك ,,,
/
( و بعد ثواني )
تضهر بشاشة فارس لعبة شطرنج
فارس : انت مناديني عشان العب معك؟
النسر : اجل وش رايك؟
فارس : طيب ماعندك مشكلة العب وليه ماألعب بس ثواني اضبط جلستي
النسر : قصدك تعبي كاسك؟
فارس : ها ها هاي انت عرفت كل شيء عني الا شيء واحد .. انا ماعمري خسرت .
النسر : ادري
فارس : طيب ابدا
النسر : قبل لا ابدا .. اللعبه ذي لها ثمن
فارس : ووش الثمن؟
النسر : كل جندي يموت تختار رقم من واحد الى عشرين ...
فارس : طيب واذا اخترت رقم اثنين وش بتسوي؟؟
النسر : انا مرقم الرهاين .. رقم اثنين يعني اذبح الرهينه رقم اثنين
فارس : ها ها هاي طيب العب
النسر يحرك احد جنوده
فارس يبادله بالمثل
فارس ترك الكمبيوتر وقام وتوجه الى باب الغرفه بخطوات ثقيله
العاملين في المكتب اختبصو
ماعرفو وش يسوون
الضابط : فارس وين فارس وين
فارس يفتح مقبض الباب ويخرج ليتجه الى الحمام
يدخل الحمام
الضابط يدخل من خلفه : فارس وش فيك قل لي تكفى فارس وش فيك؟؟؟
فارس يلتفت على الضابط يقول : عبدالرحمن
الضابط : وش عبدالرحمن وش الموضوع ؟؟
فارس : اخوي
الضابط : اخوك ؟؟ تقصد الرهينه الي تو هو اخوك http://www.vb.eqla3.com/images/smilies/Looking_anim.gif ؟
فارس يجلس على ركبتيه
يضع رأسه بالارض
لحضات
وبدأ الضابط يسمع بكاء فارس
حاول الضابط ان يخفف من الم فارس
ولكن لزم الصمت
( بعد دقائق )
فارس وهو بصوت حزين : بضنك انا ما أفكر بالرهائن قل لي بضنك انا ما أفكر بأحد ؟؟؟
الضابط : هد اعصابك وتعوذ من ابليس
فارس : بضنك انا ليه اشرب ليه ادور على أي شيء ينسيني عيون الرهائن وهي تموت بضنك ليه تركت وضيفتي ...
الضابط لم يستطع ان يجيب والزم الصمت
فارس يتنهد : ااااااااااااه هذا الثمن ... عشان اطلع 19 رهينه لازم يموت واحد وحتى لو كان اخوي ....
وتركي لوضيفتي ماكان سببها الصحافة مثل ماتوقع الجميع
كان لموت الرهائن كلهم تحت يدي
انا السبب انا السبب
هنا قام فارس وبدأ يضرب رأسه بالجدار وهو يقول انا السبب
انا السبب
الضابط قفز على فارس وامسكه
==============
بعد ربع ساعه يدخل فارس الى الغرفة
الضابط يدخل من ورائه
الضابط : هاه بشرو لقيتو المكان ؟؟
احد العسكر : لقيناهم ببيوتهم وهذانا نكلمهم ونتطمن عليهم
الضابط : هااه ؟؟؟
العسكري : هذولي كانو مفقودين بعملية احتجاز رهائن قبل ثمان شهور
لكن ماعرفنا وش سبب حجزهم وحتى الي حجزهم فك اسرهم بدون أي طلبات ...
فارس يجلس وهو منهار على طاولة الكمبيوتر ويكتب : انت وش تبي مني ؟
النسر : هذا اول درس لك ...
احد العسكر : لقيت مكانه لقيت مكانه
الضابط : وين وين وين؟؟؟
العسكري : بجزر ابن بطوطه ب سرلنكا ....
الضابط : هاه ؟؟؟
/
فارس يرفع شاشة الكمبيوتر
ويرميها على نافذه كانت امامه
احد العسكر : النسر ارسل احداثيات مكان الرهينه
==============
( بعد ساعات )
يجدون جثت عبدالرحمن والذباب يحوم فوقها
الطبيب الشرعي يحدد موعد الوفاة ( موعد الوفاة قبل يومين )
طلع الرجال فاطس من يومين و فيديو مقتل الرهينه الي شافه فارس مسجل من يومين وال 19 رهينه كانو ايضا بفيديو مسجل من ثمانية اشهر
/
( بعد 24 ساعه من الحادثه )
فارس يقاعر كأسه وحيدا في بيته http://www.vb.eqla3.com/images/smilies/frown.gif
النسر يجلس على أحد شواطئ المالديف يلبس قبعه بيضاء
ويرتدي شورت ازرق ويدخن سيجارة
ولكن لم استطع رؤية وجهه
فقط رأيت ضهره
===============
الضابط وكان اسمه بندر يحط رحاله في مطار كولمبو كا سائح
( والحقيقه هو في كولمبو في مهمه رسميه )
/
/
/
----------------
يتبع .....
الجزء الثاني قريبا بإذن الله
رحلة الايام تبداء
وبندر يجيء ويذهب
يسافر هنا وهناك
,,,,
يبحث عن معلومة ..
عن طرف خيط
عن اي بصيص امل يدله على اي شيء عن النسر ...
,,,,,,,
بعد رحلة
طويلة
امتدت ل اربعة اشهر
يقرر بندر الرجوع الى وطنه
,,
بلده
,,
وهو يحمل اطنان من الاسئله
ولكن بلا اسف , القليل فقط يملك اجوبتها ..
والكثير منها بلا اجوبة
,,,,,,,,,,,,,,,,,,,,
النسر يطير من عشه ويحوم في السماء
ظلال اجنحته تمشي خلف خطوات ضحيته
وجد الفريسه
وجد الفريسه ...
اعلان بداية اللعبه سيبدأ
/
وفي لحضة شرود بندر .. يرن هاتفه
بندر : وش هالرقم؟؟ منيب راد والله مهوب وقته
ينتهي الرنين ..
ولكن بعد ثواني يتكرر الاتصال
بندر يتجاهل الرقم الغريب
بعد تكرار اتصال دام ل 12 مره
بندر يرد ب : سم؟
الطرف الاخر : سم الله عدوك بس ليه ماترد؟
بندر : كنت اتروش والجوال مهوب بجمبي
الطرف الاخر : تتروش هههه
بندر : من معي؟
الطرف الاخر : النسر .
بندر : هاه؟؟
النسر : قل للتكسي الي راكب معه يتوجه للاستاد اللحين
بندر : النسر هاه ؟ ال ن .
النسر : انتضرك هناك . واتمنى انك تجي لحالك
لاني لو حسيت لو بالغلط انك جاي مع احد
وانت عارف من اقصد بالاحد ,
بتروح ارواح ناس كثير كثير كثير يابندر .. كثير
بندر يلتزم الصمت وقلبه ينبض ..
غريب ليس بنبض خوف .. ليس بنبض مفاجئه ..
صوت النسر سمعه .. شهرين وهو يبحث عنه
يتخيل شكله يتخيل صوته
سمع صوته
واخيرا ....
بندر : فهمت عليك فهمت عليك بس ارجوك انك تثق فيني
ارجوك , وكل الي بتقوله بنفذه لك , تبيني اجي لحالي؟
اجي لحالي ومراح ابلغ اي شخص بهالمكالمة
الي دارت بيني وبينك وش تبي بعد
النسر : باي
بندر : الو الو
النسر يقفل السماعه ..
بندر يسئل نفسه ..
ابلغ؟
انفذ الي يقوله؟
متاهه يدور فيها
محك وضع فيه ..
ماذا يفعل؟
وبعد حوار دام لمدة دقائق بينه وبين نفسه قرر
انه يلتزم في مايريده النسر
بندر يكلم صاحب التاكسي : يبوي هونت هونت مابي العليا.. رح للاستاد رح للاستاد .
صاحب التاكسي : والله من التعصب يشيخ , توك واصل وتبي تحضر مباراة ؟؟
بندر : وش مباراته؟
صاحب التاكسي : اما عاد ؟ يبوي اليوم النصر والهلال
وتقول لي اي مبارات؟ وين عايش انت؟
وفجأه يخرج صاحب التاكسي علم النصر
ويطلع صورة ماجد عبدالله
ويشغل طلال مداح وهو يغني والله احبك يانصر
ويزيد سرعة سياراته .. متوجه للاستاد
وبندر جواله على اذنه يكلم ام ياسمين ويخبرها عن عدم تمكنه
من الحضور للمنزل .. ويطلب منها وضع مرق الباميه بالثلاجة
ليأكله في الليل , ويخبرها انه في مهمه سريه
لايستطيع ان يخبرها بشيء ..
::
مرت نصف ساعه
وصاحب التاكسي بين زحام الناس امام الملعب
تاره يخرج علمه ويهايط امام الهلاليين وتارة يتراقص على غناء طلال مداح
هاتف بندر يرن ... نفس الرقم الغريب , انه النسر .
يرد بندر بلهفه : الو الو
النسر : وصلت؟
بندر : ايه قريب.
النسر : اوكي قص تذكرة دخول للملعب وادخل للبوابه رقم 32
يقف التاكسي امام الملعب .. يدفع بندر حساب التاكسي
ويقفل الباب الخلفي
ويفتح الباب الامامي ويضع شنطته السامسونايت
بجانب السائق ويقول له : حافض عليها وهذا كرتي فيه كل ارقامي
اتصل علي بكرى وانا بدلك على مكاني وبعطيك مكافئه .
سائق التاكسي : قدام يبوي هاتها بس هاتها وان فاز النصر منيب ماخذ منك ولا هلله
بندر يغلق الباب ويذهب مسرعا الى المكان الذي حدده النسر
بعد سبع دقائق يتصل النسر على بندر
بندر : الو هلا اللحين انا عند باب رقم 32اللحين
النسر : طيب كويس .ادخل , ودور على كرسي رقم 2234
بداء يعد الكراسي حتى وصل الى رقم الكرسي 2234
وقال بندر : اشوفه اللحين اشوفه .. وش تبيني اسوي وش تبيني اسوي ؟
رد النسر وقال : شف قبل كل شيء حاول تحافظ على هدوئك ,,
اي انفعال او بلبله تسويها .. بيكون نتيجتها موت ضحايا كثير
مالهم ذنب الا انك ماعترفت تتصرف بهدوء ,
وانا اهم شيء عندي العمل بهدوء
بندر : اوكي اوكي , بكون هادي ابشر ابشر
النسر : بندر يالله اللحين طل تحت الكرسي وقل لي وش تشوف
بندر ينزل جسده ويحاول ان يشاهد لما هو تحت الكرسي ...
ويسكت لثواني ,
وبعدها يقول : يالنسر .. اشوف جهاز فيه لمبات تشب وتطفي .. هذي وش هي؟
النسر : هذي لو انفجرت بتطشر جسمك , وتخيل عاد ؟
هالي تشوفه قدامك موزعه بأكثر من مكان ههههه
وتخيل عاد تنفجر وحده تماتيكي تماتيكي تتفجر معها كل القنابل ههههه ..
يعني غلطه منك , غلطه بس يابندر واتمنى انك تغلط صراحة ..
غلطه يابندر تخيل؟ غلطه بس وبيروح فيها ارواح كثيره بسببك
هههه وعلى فكرة كلها بتنفجر عند صافرة نهاية مباراة اليوم
يعني الوقت اهم شيء اهم شيء في اللعبه الي بلعبها معك
بندر : طيب انا وش ذنبي؟ وش دخلني؟ وش انا مسوي لك؟
النسر يرد بعصبيه : انت تحقق معي؟؟؟؟
بندر : لا لا يخوي بس فيه حلول كثيره غير هالحلول ..
انت اكيد عندك شيء بتوصله اكيد عندك مشكلة ..
ثق والله ثق ان فيه طرق كثيره غير هالطريقه ..
وش ذنب هالناس؟ وش ذنب هالمسلمين؟
النسر : مالهم ذنب بصراحة وبالعكس انا ماودي اسوي فيهم شيء
لكن انت اسئل نفسك , هل انت قادر انك تحميهم؟ ام لا؟
بندر : اذا قلت لا ؟ وش بتكون النتيجه؟
النسر : موتهم .
بندر : اوكي اجل بحميهم بحميهم .. وش تبيني اسوي اللحين؟
النسر : اجلس على الكرسي رقم 2234 وانتضر اللين ماتصل عليك .
::
ويغلق النسر الخط
وبندر يجلس على الكرسي ...
وبداء يكلم نفسه ويحدثها ويبحث عن اي حل لهذه المشكلة
هو بحيره وبين قرارين ...
يبلغ؟ طيب ان بلغ وحس النسر بأي شيء ممكن تروح ارواح؟
يوقف للنسر لوحده ؟؟ ويحاول حماية هالالاف البريئه الي مالها
ذنب الا انها جت تشجع فريق تحبه .
جماهير ,, تملئ عيونها البرائه
لاتفكر في شيء الا فريقي يفوز او يخسر .
يحاربون بعض داخل الملعب وعند خروجهم من باب الملعب ..
يحبون بعض ويعزمون بعض على كافيه او معسل تفاحتين , بعضهم يتوقف عند كشك بليله وبعضهم يشتري فصفص ,, وبعضهم يتراقص بفوز فريقه وبعضهم يشتم المدرب ,,,, وبعضهم وبعضهم وبعضهم
/
بندر يشاهد بعض الاطفال وهم يحملون صورة
ياسر القحطاني وبعض منهم يرفع شعار الهلال
يلتفت بندر الى الجهه الاخرى على جمهور النصر
ويجد طاعن بالسن يرفع شعار النصر
ومعه بنته الصغيره ذات الخمس سنوات ,
وهي تلبس فستان بألوان الازرق والاصفر
بندر غرقت عيناه ببعض من الدموع
وقرر ,, وقال :
نعم
سأقف له لوحدي
وسأحميهم
سأحميهم
ولو كلف ذلك حياتي
سأحميهم
انا الذي اقسمت على حماية وطني وديني
سأنفذ هذا القسم اليوم
ولو كلفني ذلك
حياتي
حياتي
:
مرت ساعه يحدث فيها بندر نفسه ..
ويشجع نفسه على خطوته الجريئه
الملعب غص بالجماهير .. وامتلئ على آخره
يدخل اللاعبين والجماهير كلها تقف ترفع الاعلام وتصرخ بأعلى اصواتها
اللاعبين يدخلون وهم يملئهم الحماس .. اللاعبين يدخلون لمباراة طاحنه
وكل شخص فيهم يقول لنفسه
اكون او لا اكون
اكون او لا اكون
:
يرن هاتف بندر
بندر : الو الو
النسر : هلا هلا , قم اللحين من االكرسي ورح لكرسي رقم 2255
بندر : سم سم , ويذهب بندر الى الكرسي المنشود
النسر : هاه وصلت؟
بندر : ايه هذاه قدامي
النسر : يالله طل اللحين تحته بتلقا تحته جوالين وسماعت بلوتوث , خذهم
ينزل بندر جسمه ويأخذ الجوالين امام اعين الجماهير
وبعض الجماهير بدأت تطل تحت كراسيها .. من باب اللقافه
النسر : شغل الجوال الاسود رقمه السري اربع خمسات
بندر : اوكي اوكي هذاه اشتغل
النسر : اللحين طف الجوال الي معك وركب سماعات البلوتوث
بأذنك , وحط الجوال بجيبك ونفذ كل شيء اقوله لك
بندر : اوكي اوكي
بندر ينفذ كل ماطلبه النسر ..
يضع السماعه على اذنه ...
تمر دقيقه ونصف .. ويتصل النسر ...
بندر يرد على اتصال النسر : سم سم ..
النسر : اتجه اللحين لكرسي رقم 2263
بندر : ابشر ابشر
يمشي بندر بين الجماهير حتى يصل الى الكرسي المنشود
وكان كرسي موجود في وسط رابطة جمهور الهلال
النسر : وقف لاتسوي شيء
بندر : سم سم وش تبيني اسوي اللحين ؟
النسر : شف فيه علم النصر تحت هالكرسي ,
ابيك تطلعه وتصرخ وتقول هالعباره , العالميه احلموو فيها ..
بندر : اما عاد ؟؟؟
النسر : بصراحة نظاراتك الطبيه حلوه حطها بجيبك
بندر : انت تشوفني؟
النسر : اكيد اكيد يابندر اكيد ..
وعلى فكرة اذا ماشفتك تشجع بحماس .. مايحتاج اكمل هههههه
بندر : سم سم .. منتب شايف الا كل شيء يرضيك
بندر يقول لنفسه : انا وين وهالسوالف وين؟
اصلا علاقتي بالكورة خلقه معدومه ,
يعني هالنسر مالقا الا انه يحطني بملعب؟
وبعدين وش اسوي؟ اللحين؟
ان مانفذت كلام النسر بموت وبيموت معي ناس كثير
وان نفذته جمهور الهلال مهوب راحمني ويمكن يذبحني ..
بس يالله اموت لحالي ولا يموت معي هاللي مالهم اي ذنب ..
بندر يخرج علم النصر ويرفعه عاليا , وفجأه يعم السكوت
لدرجة محمد الشلهوب ناول كورة لنيفيز
وصوت المناوله سمعها هندي مار قدام الملعب
هدوء .. صمت
وكل الجماهير تشاهد بندر وهو يرفع العلم
جميع الكاميرات تتوجه لبندر
وبندر يبلع ريقه وقلبه يخفق وهو يشاهد الاعين الحمراء
والعروق التي نطت من رقاب جماهير الهلال
وهي تشاهد بندر وهو يرفع علم النصر
/
في مكان اخر
ياسمين وهي تحاول تركيب مصاصه على جسم باربي المشوه
تشاهد التلفزيون
وفجأه
تصرخ وتقفز : بابا بابا باالتلفذيووون باااباا بالتلفذيووون
ام ياسمين كانت تخيط قماش لمخدتها
ترفع رأسها لتجد زوجها
محاط ببعض من رجال الشرطه يحاولون ابعاد الجماهير عنه
وهو يصرخ بصوت عالي مسموع لكل المشاهدين
تحلمووون بالعالميه تحلموووون
وبعض الاصوات صادره من جمهور الهلال :
اما عاد , والبعض يقول اطلع لي برىىى ,
والبعض يقول خل اشوفك بس بالشارع خل اشووفك ..
/
هاتف ام ياسمين يرن ..
ام ياسمين ترد : هلا يمه هلا يمه شفتي النذل الحقير النذل الاناني
يقول لي مهمه خاصه ومن وراي رايح للملعب النذل النذل
الام : قايله لك اصلا عايلتهم كلهم خمه ,
قايله لك انتي الي ركبتي راسك وتزوجتيه
ام ياسمين وهي غاضبه : خل يجي بس خل يجي ان ماوريته
النذل وهذا انا مصلحه له مرقة بامية الحقير النذل
:
بندر يخرج من الملعب ويطرد منه
وسماعت البلوتوث تصدر ضحكات كثيره من النسر
النسر : لا يابندر ههههههههههه لا لا ممثل كبير انت
ههههههههههه أدائك كان مضبوط
بندر : اهم شيء رضاك يبوي ,
هاه اللحين تقدر تفك هالي مالهم ذنب من شرك؟
النسر : لا يبوي تو اللعبه مابدت هههههههه
وش الي افكهم هههههه تو الناااااس
مستعجل انت مستعجل هههه
بندر : طيب طيب انا مستعد احميهم مستعد يالنسر ,
وانا مو خايف منك والله انا خايف على الناس منك
النسر : اوكي اللحين قدرت تفهمني .. ابيك كذا
واثق من نفسك وواثق انك قادر تحميهم
بندر : اكيد قادر احميهم منك ومن الف غيرك
النسر : بندر اسلوبك معي تغير
بندر : مايحتاج اكون خايف منك لاننا بلعبه مثل ماتقول ..
بس ارجو انك تكون قد اللعبه وتنفذ الي تقوله
النسر : وش دعوه؟ ماتذكر لعبة الشطرنج؟
بندر : اذكر اذكر
النسر : شفتني خدعت احد باللعبه؟
بندر : ماهوب موضوعنا اللحين هالكلام ,, انت اللحين وش تبي ؟
النسر : حلو كذا كويس ابيك تطلب اللعب , اللحين بديت احس انك تحمست
بندر : اخلص علي
النسر : ههههه اوكي اوكي
يالله اللحين حاول تدخل للملعب بدون ماتضهر اي تفاصيل عن وضيفتك
وخل الخط مفتوح بيني وبينك ولا تقفل ابي اسمع كل الكلام ههه
/
توجه بندر الى شرطي يقف امام باب الملعب
و أول شيء قاله بندر للشرطي :تكفى طلبتك
الشرطي : وش تبي؟
بندر : ابي ادخل
الشرطي : معصي معصي اجل تحلمون بالعالميه انت ووجهك
ها ها هاي تقلع بس منتب داااخل
شرطي اخر يشرب سيقارته : ها ها ها هاي يبن الحلال دخله
ووقعه على تعهد انه مايسويها مره ثانيه
الشرطي الاول يقول له : عشانك تشجع النصر يعني؟
معصي وعناد فيك مايخش يالله انت وياه ..
بندر : عطوني ورقه اتعهد فيها اني اشجع اللهلال
هاه وش تبي بعد
الشرطي الاول : دامك بتتعهد انك تشجع الهلال اجل
هذي ورقه ويالله اكتب تعهدك هههههه
وبداء يكتب بندر التالي : ارجو انك ماتبدي اي ردت فعل غريبه
انا ضابط في الشرطه
وابتلشت في ارهابي حقير يبي يفجر في الملعب
اذا تبي تتأكد فتشني وطلع بوكي
وشف هويتي بس لاتلفت نظر الارهابي لانه يشوفنا اللحين
ارجوووك ساعدني ارجوك ارجوك ارجوك
ولاتعلم احد ولا تثير اي شكوك او شبهه ارجوك
بعد ذلك اعطا الورقه الى الشرطي
وبداء يقرأ الشرطي
تغيرت ملامح وجهه
شحب وجهه
قال الشرطي :طيب هالمره بنسامحك بس قبل لاتخش نبي نفتشك
الشرطي الثاني : اما عاد ههههه بس عشانه
يبي يشجع فريقك دخلته عاد تبطي مايخش
بندر يقول لنفسه : ياامن شرا له من حلاله عله وش اقول له ذا؟
اقول له اشجع فريقك النصر واخش ؟ بيشك النسر اللحين ..
والله اني ابتلشت بين هالاثنين
الشرطي الاول قال : انا اقدم منك وكلامي الي يمشي
وبدأ يفتش البطل
واخرج بوكه والقا نضره داخل بوكه ولمح الهويه
وقال له : يالله يابندر خش
النسر يتكلم عبر سماعة البلوتوث
وهو غاضب : كيف عرف اسمك ؟؟؟؟؟؟
بندر يحاول ان يصرف الموضوع : الوو هلااا والله توك ترد ؟؟
ههه ياهلا ياهلا , انا وين؟
انا عند الملعب جالس اكتب تعهد على سالفه سويتها
وكتبت بالتعهد اسمي و وقعت هههه
النسر : اييه اشووه
ودخل بندر
وبداء يمشي
بندر يقول للنسر : وش تبيني اسوي اللحين؟
النسر : امممم مدري بس خش لباب رقم 33 وبفكر
بندر : طيب طيب ابشر بس تسمح لي اشوف وجهك؟
النسر : ههههه وش رايك اقول لك اسمي ووين ساكن ؟
وش رايك بعد اروح اسلم نفسي للشرطه واوقع لهم على تعهد؟؟
واكتب فيه وش صار لي في الملعب؟
بندر: وش قصدك؟
النسر : تحسب اني غبي؟؟ هههههه يبن الحلال خش خش
تراي ممشيها لك المهم بلغت السبايك الاثنين انهم يسكتون؟
بندر: مدري عن ايش تتكلم؟
النسر : المهم قلت لهم لايتكلمون بس؟
بندر: ايه ايه قلت قلت
النسر: تعجبني فيك صراحتك بس ماوعدتني في البدايه انك ماتكذب؟؟؟
بندر: ارجوك ارجوك سامحني ارجوك
تراني في موقف صعب حيل واول مره امر
في مثل هالموقف وطبيعي اغلط تكفى مشها لي
النسر : انا ماحب الاخطاء ولو توقعت انك بتغلط
هالغلطه من البدايه كان شفت مفاوض افضل منك
بندر : يبن الحلال انت مخلي لي فرصه اتفاوض معك فيها
النسر : كيف يعني ؟
بندر: التفاوض اخذ وعطاء
النسر : طيب ومن قال لك اني اخذ ولا اعطي؟
بندر : ماخذت منك ولا شيء للحين
النسر : قصدك اماكن القنابل؟
بندر: ايه
النسر : كلها بتجيك لاتستعجل وانا واثق انك
بتكون قد المسؤوليه .. وراح الكثير ومابقا الا الاقليل
بندر : طيب اللحين وش تامرني فيه؟
النسر : دخلت مع الباب اشوفك؟
بندر: ايه واقف بين الجماهير اللحين؟
تبيني اقول زي تو والا وش تبيني اسوي ؟؟
النسر : امممم ابيك تدخل الملعب , وتعطي حارس فريق الهلال بوسه
بندر: اما عاااد ..
النسر : اخلص وخش ولا تضيع الوقت
تراك انت الي بتخسر مهوب انا
بندر: اخش الملعب سهله بس اعطي حارس فريق الهلال بوسه؟؟
يبوي تلفزيون وقنوات فضيحه تراي رزين بعايلتي انا
النسر : خش خش واخلص علي يالله
بندر: طيب طيب اوكي
النسر : على فكره انا عند كلامي مهوب زيك كذاب
بندر: طيب ابشر ابشر والله يستر من المهمه الاخيره
النسر : يالله سكر المكالمة اللحين وحط سماعت البلوتوث بجيبك وانا بتفرج عليك
:
بندر
يتعلق بالحاجز الموجود مابين الجماهير والملعب
يحاول ان يصعد .. يصعد ويصعد برجليه ويديه
ويقفز الى ارض الملعب
ويبداء بالركض
والركض
الجمهور يقفون ويشجعون بصوت عالي
اللاعبين يتوقفون عن اللعب
يشاهدون هذا المجنون
عفوا
هو ليس بمجنون .. ولكن بنضرهم مجنون
هو ليس بتافه ولكن بنضرهم تافه .
فهم لايعرفون انه اشجع انسان داخل الملعب
انه البطل ,, البطل .
يركض بندر
وتتسارع انفاسه مع سرعت ركضه
تتسارع دقات قلبه مع سرعة دقات قدماه فوق عشب الملعب
ويركضون من خلفه رجال الامن
/
في جهه اخرى
وبالضبط في منزل بندر
ياسمين :ماما صوفي بابا صوفي بابا ( صوفي يعني شوفي )
وبدأت ترقص ياسمين وهي تقول
بااابااا فله بااابااا فله
الام : ياعيباااااااااااااااااااه يافشيلتناااااااااااااااااااااااااااااا
هذا العاقل ؟
لا لا شارب شيء
جوالها يرن مره اخرى
ام ياسمين : الو هلا يمه
الام : ولا دقيقه تجلسين معه
ام ياسمين : يمه اصبري اصبري خل يرجع للبيت
والله لا اطلعها من كبده الحقير
وفي مكان اخر
بالضبط في المكان الذي يكافح فيه بندر
ويناضل من اجل حماية الاف من الارواح البريئه
بالضبط بالضبط
عند الجمهور
ويقول واحد فيهم : مهوب ذا الي فقعنا وجهه تو ؟؟
واحد ثاني : الا هو الا هو كيف دخل؟؟
اييه عشانه يشجع النصر دخل لو هو يشجع الهلال
مادخلوووه حتى بذي واسطااات
يركض بندر
ويركض خلفه رجال الامن
حتى وصل الى حارس فريق الهلال
يقفز بندر عليه ويحضنه
ويعطيه قبله
وبعدها قال بندر : اسف مهوب قصدي والله مهوب قصدي
طب عليه عشرات من رجال الامن
كتفوه واخرجوه خارج ارض الملعب
والجمهور يشجع ويأزر على هالحركه
والمعلقين منهم من يضحك ومنهم من يعارض
هذه الحركه ومنهم من يحييه
الجميع يعلق ويحلل ويفسر
فقط بندر والنسر هم الوحيدين الذي يعلمون
والجميع يصدرون الاحكام
هذا مجنون
الفعل هذا نرفضه
بصراحة انه جنون الكره
لايعلمون ماهي الحقيقه
برائتهم فقط هي التي جعلتهم يفسرون اي امر امامهم
بتفسيرات لاعلاقه لها بالواقع
بعد سبع دقائق ..
يدخل بندر وهو مكبل بالاصفاد الى غرفت التحقيق
وأول جمله قالها بعد دخوله لغرفت التحقيق : فكوني , فكوني ..
رد واحد وقال : معصي افكك
بندر : يبن الحلال مافيه وقت بسرعه طلع بوكي
من جيبي وشف هويتي .. انا ضابط
العسكري : انت ضابط؟؟
اجل انا طبيب جراح جروح الناس اداويها هههه
ياحبي لك ياجورج وسوف
بندر : قسم بالله مامزح بسرعه طلع بوكي والله مافيه
وقت ترى فيه مشكله كبيره ولازم احلها
بسرعه لازم ادق على النسر
الشرطي قام من كرسيه
وبداء يفتش بندر حتى اخرج بوكه
فتح البوك ورأى هويت بندر
وبعدها دق التحيه لبندر
وقال : آسفين آسفين
وش السالفه ؟؟ انت ليه سويت كذا ؟؟
بندر : مافيه وقت اقول لك شيء
ودق على النسر
الووو يالنسر
وش تبيني اسوي؟؟ اللحين؟
النسر : ههههههههههههههه لا لا مو طبيعي انت
اما البوسه شيء ثاني
بندر: اخلص علي الوقت الوقت , مابقى الا شوط
وتفجر انت , اخلص علي يرحم لي والديك
النسر : لاتقاطعني وانا اضحك
بندر: يبن الحلال اخلص علي تكفى
النسر : وانا وش دخلني انت الي ضيعت الوقت مهوب انا
خلني اضحك واعبر لك عن الي شفته ههههههههه
بندر : طيب ابشر بسكت
الشرطي : وش تفجر ووش وقته؟؟؟
بندر : يأشر بيده على فمه بعلامة اوص
النسر : اللحين استأذنك بتابع المبارة
باقي مهمه بسيطه جدا تأديها وكل شيء ينتهي
بندر: طيب طيب
النسر : الشروط اللحين انك ماتشغل الخط
لاني ممكن اتصل بأي لحضه وان لقيت الخط انتظار انت المسؤول
وبنفس الوقت مابي بلبله او شوشره ابي اتابع بهدووووء
:
النسر يغلق السماعه
وبندر يخضع للانتظار والشروط التي وضعها النسر
بلا اي عمل سوا التفكير في كيف يحل هذه المشكلة .. كيف !!
وافراد الشرطه المتواجدين في الغرفه معه يشاركونه التفكير
وكلهم التزمو بشروط النسر ..
فعلا انها شروط صعبه واللعب بها صعب جدا
كيف تخرج الاف من الجماهير بدون ان يلاحض النسر ؟؟
وكيف تستطيع ان تخرج الاماكن المفخخه ؟؟
من بين الاف الكراسي .. كيف
قروو اخيرا
وقالو : المهم سلامة الجمهور ,
ولا ودنا نتخذ اي خطوه فيها استعجال وتروح روح بريئة
بندر : هذا افضل حل صراحة .. بس وينه ؟؟
المبارات انتهت اللحين .. ولا صار شيء !
فجأه يتصل النسر ويقول : بعد شوي بتجيك اكثر من رساله
افتحها وعلى فكره انا من مبطي طالع من الملعب
هههههههه وتطمن بالنسبة للجماهير ..
اهنيك قدرت تحميهم , اللحين بدأت اللعبه يابندر اللحين بدت ههههههه
النسر يغلق السماعه
وبندر ينتظر
وينتظر
وصلت الرساله الاوله
يفتحها ليجد
مقطع فيديو ل شخص مكبل بالحبال ,
داخل غرفه موحشه ..
يقول فيها : بندر .. انقذني يابندر ..
تصل الرساله الثانيه
فتاة مكبله بالحبال تجلس على كرسي بوسط غرفه موحشه ..
تقول وهي تبكي : بندر انقذني بندر بندر بموت بندر ..
ينتهي المقطع
دمعت بندر تنزل من عيناه ويقول ..
ريم ..
ريم
ياحقير ريم !
انها ريم حبيبة بندر .. فعلا هو يخون زوجته مع ريم ..
ولكن تضل روح بريئه لاذنب لها الا انها عرفت بندر ..
يصل المقطع الثالث
يفتحه ليجد
طفل يبكي وهو يقول : بااابااااااا بااااباااااا
:
بعد دقائق .. النسر يتصل على بندر ..
بندر يرد بهدوء : وش المطلوب اللحين؟
النسر : يعجبني هدوئك صراحة توقعت انك بتنفعل
اذا شفت زوجتك وبنتك مربطين بحبال
وعلى فكره المباراة ماشفتها ,
اول ماسكرت المكالمة بيني وبينك نقزت لبيتك
وربطت بنتك وزوجتك بجمب سريرك الوردي
هههههههه حلو لون سريرك صراحة هههههههه
بندر : احترم نفسك
النسر : ههه طيب طيب .. وبالنسبه لحبيبة القلب ريم
هذي من امس مربطها ,
واتصالها السريع عليك اليوم كان تحت تهديدي ..
تخيل ههههه بس حلوه ذي زوجها بالصاله هههههه .
بندر : انا ماطلبت منك تشرح , طلبت منك وش المطلوب مني ؟
النسر : باقي الضحيه الثالثه وهو اهم شخص فيهم ..
بندر : مايهمني من يكون او اي شيء ثاني ,
الي يهمني بس اعرف وش المطلوب مني ؟
النسر : طيب طيب لاتستعجل .. شف الرجال الي مربطه
بجيبه اليمين ورقه فيها ارقام ..
هالارقام بتعطل القنبله الي عند ريم وعند زوجتك وبنتك ..
يعني اول شيء تسويه تنقذ الرجال وبعدها تختار من تنقذ ..
بندر : كيف اختار؟
النسر : بصراحة امممم .. ماضن انك بتقدر تنقذ الجميع ..
لازم يكون فيه ضحيه .. وضروري تختار
بندر : تقصد الوقت ؟
النسر : لاتسأل كثير , عموما الان بتجيك رساله فيها موقع الرجل الاول , ولا تفكر انك تلعب بطريقه ثانيه , كل الضحايا عندهم كاميرات واشوفهم على مدار الساعه . لو بالغلط لقيت شخص غيرك داخل بالموضوع فجرت .
النسر يغلق السماعه
بندر يقف بكامل حيرته
وهو يشاهد مقطع الفيديو لبنته
وهي تبكي وبكل برائه تقول :
بابا
بابا
بابا
:
شخص يضع يده على كتف بندر
ويقول له : لايضيق صدرك , انا معك انا معك
يلتفت بندر ويقول : فارس ؟؟؟؟؟
قبل ساعة ... من الاحداث
قبل ساعة من بداية اللعبة
اللعبه القذرة التي يخوضها بندر مع القذر النسر .
والذي لازال بندر يتنقل بين مراحلها التي بلغت اقصى درجات الصعوبة .
------------
قبل ساعة
------------
قبل 60 دقيقة
------------
فارس ..
يجلس في احد غرف شقته
يمسك بالريموت كنترول .
يدير القنوات
ويتنقل من قناة الى قناة ...
يرمي الريموت من يده
يضع ملعقة الزبادي في فمه
ويده الاخرى تتجول بين الزبالة المتكومه على الطاولة التي امامه.
تتجول وتتجول وتبحث
لتلامس احد الكأوس ..
يرفع الكأس ويرتشف منه القليل ويقول لنفسه
جوي عليل .
جوي اوكي .
ترررررررررن
يقول لنفسه
جوي عليل
جوي اوكي
ترررررررررررررن
ترررررررررررررررررررررن
جوي زباله .. بالله من الي داق علي في هالوقت البايخ؟
يرفع فارس سماعة التلفون
ويقول
كومار انقلع مافيه فلوس الا بنهاية الشهر .. تقلع ياخي لا انا ولا هالزبادي والثلج الو انت معي؟
يرد الطرف الاخر
الو .
فارس : من انت؟
يرد الطرف الاخر : معك المحقق احمد .
فارس : ماعرفك بس وين كومار؟
الطرف الاخر : يبوي وش كوماره ؟ اقول لك المحقق احمد
فارس : طيب زين اشوه لاني مطفر اللحين وكومار اشغلني بس انت منهو ووش تبي ؟
الطرف الاخر : يرحم امك قلت لك اكثر من مره انا احمد .
فارس : طيب اكيد كومار مهوب جمبك وينقلك كلام ؟ تراه من فتره يدق من ارقام وانا مارد .
الطرف الاخر : قسم بالله انا محقق واسمي احمد وجايب لك اخبار عن النسر
---------------
بعد ان نطق احمد اسم النسر
فارس صحى من سكرته ...
رمى كأسه
وبدأ يستمع
ويستمع
ويستمع ...
اغلق السماعه
وذهب الى الحمام .. اخذ له دوش سريع ولبس ملابسه
نزل الى الشارع ليجد سيارة سوداء من نوع جيب
ركب بها
وتوجهو به الى مكان تواجد بندر
( الملعب ).
-------------------
مرت الساعة
يصل بها فارس الى بندر ...
يضع فارس يده على كتف بندر ويقول
لايضيق صدرك انا معك
يلتفت بندر ويقول :
فارس ....
-------------------
في غرفة صغيره يتواجد بها عديد من الاشخاص
منهم بندر وفارس
فارس : بندر انت ارتاح وخلني انا اكمل المهمه .
بندر : ماقدر ماقدر .. النسر شارط اني اكمل المهمه .
فارس يتلفت ويبحث في الغرفه .
احد العساكر يسأله : وش تدور عنه؟
فارس : ادور عن النسر .. النسر يحب يشوف ضحيته , عطني تلفونك واتصل لي على امن الملعب وانت يابندر
كمل مهمتك وبإذن الله النسر بالسجن بالسجن خلاص حطيته براسي يابندر لاتشيل هم.
يخرج بندر من الغرفه بعد ان وصلت معلومات مكان تواجد الضحية الثالثه ( الرجل المربوط بالحبال )
يمشي بندر في احد الاسياب
دموعة تخنقه ... يريد البكاء
احد العسكر يطبطب على كتفه ويقول
كلنا معك
زوجتك اختنا
بنتك بنتنا
لاتخاف لاتخاف
يركبون مع بندر الهيلوكبتر
ويطيرون به الى مكان الرجل ...
وفارس يشاهد اشرطة الفيديو التي صورتها كاميرت مراقبة الملعب خلال الايام الماضية
عيناه تبحث عن اي دليل
عن اي شخص يوحي اليه انه النسر
ولكنهم المئات
المئات؟
الاف بل الاف الالاف
---------------------
خلال سبع دقائق
تحط الهيلوكبتر
فوق الرمال ...
ينزل بندر ويتجه الى خيمه بيضاء ...
تقع في احد احد الصحاري القريبه من المدينة ..
بعد ثواني ...
يفتح بندر باب الخيمة وعيناه تترقب المكان
يغمرة الخوف ,,,
لايريد ان يموت
لايهمه الموت في الحقيقه
ولكن كل خوفه يصب في ...
لا اريد ان اموت قبل ان انقذ الرهائن
انقذ ابنتي
انقذ زوجتي
انقذ حبيبتي ......
يدخل بحذر عيناه تتلفت
جبينه تتصبب عرقا ..
التوتر يملئه
وتأوهات الرجل المربوط في زاوية الخيمه
يقترب منه بندر ويفك حباله ..
يحملة على ضهره ويخرج من الخيمه
ويركض بأرجل ثقيله وهو يحمل الرجل الثقيل .
يبتعد عن الخيمة ويصل بقرب الهليوكبتر
يركض بإتجاهه الفريق الطبي
يقدم للرجل الاسعافات الاولية.
فالرجل المربوط لم يذق طعام او شراب منذ مدة ليست بالقصيره
في الخيمة كان مربوط .. كان حبيس الحبال ينتضر وينتضر دوره في اللعبه
افاق الرجل
وأول سؤال اتى له من بندر
بندر : وين الورقه ؟ طلعها بسرعه
الرجل : بجيب بجيب بجب بجيبي
بندر يداه تتحرك بسرعه تفتش عن الورقه
تبحث وتبحث الى ان وجدتها ...
يرفع الورقه ويفتحها ويقراء ...
التالي ..
مبروك بندر
انت وصلت اللحين لمرحلة بصراحة ماتوقعت انك توصل لها ,
ولأخلاقي في اللعبه اقدم لك التهنئة الحارة .
اخرج الموبايل من جيب الرجل المربوط ورقمي مبرمج فيه وبتلقا سماعة بلوتوث كذلك,, انتضر اتصالك .
رقم الكود الخاص في الموبايل
7878
---------
يفتح بندر الموبايل ويضع سماعة البلوتوث على اذنه ويتصل ...
ولكن لايجد رد
يتصل مره اخرى ..
يرد الطرف الاخر .
الو .
بندر : النسر اللحين وش اسوي ؟
النسر : ابد بتلقا محطه تبعد عن الخيمة تسعة كيلو شمال
بندر : وطيب ؟
النسر : وش الي طيب؟ رح لها وخلك معاي على الخط لاتقفل .. يمكن بأي لحضة اقول لك شيء .. انقطاع الخط معناه نهاية اللعبه .
بندر يركب الهليوكبتر .
ومعه الجنود البواسل .
يطيرون به الى المحطة
---------------------
في الطرف الاخر من المدينة .
فارس
يقول لشخص متخصص في كاميرات المراقبه ..
فارس : بس هذا قرب الصورة منه .
---------------------
يحط الهيلوكبتر
في المحطة ....
امام ذهول جميع من في المحطة
الهندي الذي يقف بجانب الة البنزين يقول
هذا هليكوبتر شغل ديزل والا بنزين ايس هذا مافيه كفي بنزين لازم ديزل
-------------------
ينزل الجميع
وبمن فيهم بندر والرجل
بندر : وصلت يالنسر وصلت
النسر : اوكي بتلقا دراجة نارية . اركبها انت وسالم , على فكرة اسم الرجال سالم يابندر وتوجهو لبيتك وكا مكافئه .. انقذ بنتك وزوجتك
بندر : ماعرف اسوقها ماعرف ,,
النسر : لاتخاف . سالم يقدر يسوق .
بندر اوكي اوكي .يالله ياسالم مشينا
سالم : لا لا
بندر : وش الي لا لا؟ يبوي مافيه وقت امش
سالم والخوف يغمرة : لا ماقدر هذي سواليف كبيره مانيب قدها لا يبوي تكفى
بندر : اترجاك امش ترى بنتي وزوجتي بخطر
سالم : زوجتك وبنتك انا وش دخلني ؟
النسر يتكلم عبر سماعة الموبايل موجها كلامه لبندر : وش فيه ذا؟ عطني اياه
بندر : خذ يبي يكلمك
يمسك سالم سماعة البلوتوث
ويضعها على اذنه
وينصت
النسر يتكلم
بعد نصف دقيقه
يعطي سالم سماعة البلوتوث الى بندر
ويمشي بخطوات ثقيله الى الدراجة الناريه
ويدير محركها بمفتاح كان يقع تحت الكفر الامامي للدراجة .
يركب خلفه بندر
ويقول للنسر : انت وش قلت له؟
النسر : مهوب شغلك ..
ويطير مسرعا سالم يقود الدراجة الناريه ومن خلفة يحضنه بندر .
ومن فوقهم تطير الهليكوبتر.
------------------
سالم .. يدخل المدينة
ياله من ازدحام ...
سالم : تمسك فيني زين .
وببراعة سالم يزيد من سرعة الدراجة
تزيد
السرعه
وتزيد
وتزيد
وتزيد
حتى صارت مسافة ليست بالهينه بين الهليكبوتر في السماء
والدراجة على الازفلت .........
يدخل بين السيارات
كأنه يقود افعى ...
وبندر يمسك بشدة في سالم
وسالم يقود الدراجة
بعد وقت يقارب العشرون دقيقه
بندر : يمين يمين ياسالم
يدخل سالم في احد الحواري من المدينة الكبيره
بعد دقائق يتوقف على صوت بندر وهو يقول
بس هنا هنا
ينزل بندر مسرعا الى منزله
الذي يتواجد بجانبة سيارات الاطفاء والاسعاف
وكثير من سيارات الشرطة .
يصعد على سلم قد وضعوه رجال الاطفاء له
ليقفز فوق جدار منزله
بندر
يزداد خفقان قلبه
ابنته
زوجته
وهو يسمع انفاس الهواء تخرج من شفاه النسر عبر سماعة البلوتوث .
يدخل الى منزله
النسر يقاطع خوفه ويقول : لاتخاف انا العب على المكشوف
بندر : ايه هين .
النسر : تطمن .
بندر يدخل الى منزله ويتوجه الى احد الغرف
ليجد ابنته
في وسط الغرفه وهي في حالة صمت مربوطه على طرف السرير
وزوجته ممدده على السرير ويديها مربطه على اطراف السرير
كانت الغرفه موحشه
وملئها بالامان بندر .
كانت مضلمه
ولكن الان
تشع نورا بإطلالة رجل الامن
بندر
-----------------
فك بندر وثاق ابنته
قامت بنته وحضنت ابيها
وهي تبكي
بابا
بابا
وينك يابابا
بابا
انزل يديها بشكل هادئ وطبطب على رأسها وقال انا هنا يابنتي
فك وثاق زوجته
وفي لحضة هستيريه
حضنت الزوجه زوجها بندر
وبدأت بالبكاء
والبكاء
فهي صبرت وحبست دموعها طوال وقت سجنها
لكي لاتخيف ابنتها ...
كانت شجاعه
ولكن الان لامكان لشجاعتك ابكي ابكي ...
بعد دقائق .. حبس فيها بندر دموعه ومسك نفسه
فاللعبه لم تنتهي ....
فجأه
بندر يسمع صوت ضحكات من خلف سماعة البلوتوث
النسر : تصدق ان عيني دمعت ههه وعشانكم أثرتو فيني بقول لك شيء
بندر : وش هو؟
النسر : بالدولاب الي في نفس الغرفه بتلقى مفاجئة
بندر توجه الى دولاب الغرفه بحذر
فتح باب الدولاب .. ووجد قمبلة موقوته ..
النسر كم باقي من الوقت اعتقد خمسين ثانية ..
فعلا نهاية سعيده بالنسبة لكم
ها ها ها ها هاي
وبلا شعور حمل بندر ابنته
وامسك بيده الاخرى يد زوجته
وخرج مسرعا
يركض ويركض
حتى خرج من البيت وهو يصرخ
ابعدو
ابعدو
فهم رجال الاطفاء والعسكر ذلك
وابتعدو
بندر : ليه يالنسر ليه يانذل يانذل
النسر : انا نذل؟ كان بمقدورك تسئلني عن الرموز واعطيك اياها وتعطل القمبله ,,
انها النسر جملته
وطار بعد ذلك بندر وزوجته لمسافة قليلة جدا من اثر الانفجار الكبير
وفجأه
بندر يفتح عيناه
ويفيق
وهو يهذي ويقول بنتي زوجتي
المسعف . تطمن بنتك وزوجتك بخير
ومافيه خساير بالارواح
سالم : بندر يالله باقي مهمه
بندر : طيب
يقوم بندر بجسم متهالك .. ببقايا جسد
التعب ملئه
الاجهاد أكل بنيته القويه .. وباتت بنيته ضعيفه جدا
ولكنه الواجب
الواجب
-----------------
احد المسعفين .. يحاول اثناء بندر
ولكن دون جدوى
احد الجنود يعطي بندر موبايل جديد وسماعة بلوتوث
بندر : وش ذا؟
الجندي : هذا طال عمرك موبايل برمجناه وعن طريقه ان شاء الله بنعرف مكان المتصل عليك ولاتشيل هم النسر مهوب عارف شيء برمجناه بطريقتنا الخاصه والي صار عطانا وقت وفرصه
بندر : زين سويتو
يجلس بندر على السرير في احد سيارات الاسعاف وابنته وزوجته يرحلون في احد سيارات الشرطة من امامه
وهو يودعهم بيده وقلبه مرتاح .. وهو يقول لنفسه
الان عائلتي بخير
يرن موبايل بندر ..
انها المهمه الاخيرة .
------------
يرد بندر ويقول : الو
النسر : بعذرك على انقطاع الاتصال . الي صار مهوب شويه هههه
بندر : عادي عادي .
النسر : الان اركب مع سالم وتوجهو للرهينه الاخيره .
-----------------
في جهه اخرى من المدينة
وتحديدا في احد العمائر
يدخل فارس وبعض الشرطة
الى شقه
يبحثون في غرفها
ويفتشون في ادراجها
وفجأه
يصرخ احد رجال الشرطه
فارس فارس تعال هنا
يهرول فارس الى مصدر صوت الشرطي
يدخل
الغرفه
ويجد مئات الصور الملصقه على جدار الغرفه
بها
صورة فارس وهو صغير ... ايام ماكان في عز شبابه يفاوض المجرمين .
يجد بجانبها ملصقات لجرائد وصحف
كتبت عن خبر وفات الرهائن التي جعلت فارس يستقيل
العشرات منها
بل المئات والمئات
منها
الان في جهه اخرى من المدينة الكبيره
بندر : يتمسك في سالم بشده
وسالم يقود دراجته مسرعا ومنطلقا الى المرحلة الاخيره من اللعبه
والنسر يتكلم مع بندر عن طريق سماعة البلوتوث
------------------
بمزاجيته المعتاده .. النسر يقول :
بندر قل لسالم يوقف على جمب
بندر : سالم وقف وقف على جمب
سالم يتوقف على جانب الطريق
ويضع رجله اليمنى على الارض ويديه تمسك في مقود الدراجة
سالم : وش صار؟
بندر : مدري بس النسر يقول وقف ,, يالنسر وش فيه بعد؟
النسر : اللحين يابندر تقدر تشيل سماعة التلفون وتشغل مكبر الصوت .
بندر : ليه؟
النسر : ابيكم اثنينكم تسمعوني
بندر يفعل ماقاله النسر ويشغل مكبر الصوت
-----------------
بندر : يالله قل الي تبيه يالنسر
النسر : سالم تسمعني؟
سالم : ايه اسمعك
النسر : شفت هالي قدامك؟ الي ساعدته بإنقاذ زوجته وبنته؟
سالم : ايه قصدك بندر؟
النسر : شفته ذا؟ الي اسمه بندر؟ قل له يطلع موبايله الخاص فيه من جيبه ... بندر طلع موبايلك
بندر : مافهمت شيء .
النسر : طلعه وانت ساكت
بندر يخرج موبايله من جيبه
بندر : طلعته , وش فيه؟
النسر : كويس شغل مقطع فيديو الرهينه الاخيره
بندر : طيب
بندر يشغل المقطع والتساؤلات تملئه .. ويطرح عشرات الاسئله على نفسه
صوت الضحيه
تخرج من الموبايل
وهي تقول
بندر
انقذني بندر
بندر انقذني بندر
النسر : تسمع ياسالم؟ هذي زوجتك.. تخيل تقول انقذني يابندر .. تخيل لهم سنين يحبون بعض تخيل هههه ,, هذا الي ساعدته ياسالم
يرفع بندر عيناه على سالم ليجد معالم وجهه تغيرت
بندر : قسم بالله ماسويت لها شيء ,, بس مكالمات مكالمات
النسر : هاهاهاهاي اللحين دوري في اللعبه انتها .. اتوقع يابندر اللحين انت تشوف العماره بعيونك .. واترك القرار لسالم وياليتك يابندر تقول لربعك لايجون وراي .. كل شخص يحاول يجي وراي او يحقق وراي بتكون نهايته اسوء من نهايتك .. الي سويته معك رسالة ارجو ان يفهمها الجميع .. اجل جاي وراي كولمبو وثلاث شهور تبحث ههه وليتك طلعت بشيء ... انا النسر انا النسر تفهم ها ها ها ها ها
---------------
هنا اقفل
النسر سماعة الموبايل
ورما الموبايل من احد سياراة التاكسي
ليتركه يتدحرج ويتكسر تحت كفرات السيارات المسرعه على طريق المطار
----------------
في جهه اخرى يجمع فارس وعناصر الشرطة كل ماتحويه الشقه
ويصورون
ويلتقطون البصمات
--------------
وفي الجهه الاخيره من الجزء الحالي ..
بندر يقف امام سالم
ومن فوقهم تطير الهليكوبتر
ومن خلف سالم العماره التي تصرخ بها الزوجة الخائنة لزوجها سالم
الرهينه الاخيره
وحزام المتفجرات يحيط بطنها
تصرخ بإسم بندر
وفي بعض الاحيان سالم ...
تصل رسالة الى موبايل بندر الذي يمسكة سالم ...
يفتح الرسالة ليجد كود من ارقام ..
ومكتوب تحته
كود تعطيل القمبله .
بندر يقف بجانب الدراجة الناريه
وسالم يبعد عنه بسبع خطوات .
بندر لايعرف ماذا يقول
وسالم يقف امام بندر
يحمل الموبايل
والخيبة والذهول وحزن الدنيا
يخيمون على رأسه
----------------------
vBulletin v4.2.3, Copyright ©2000-2024, Jelsoft Enterprises Ltd.