بمناسبة العطله أدخل و شفي غليلك من المدرسين و العلماء

[فان هلسنج]

بسم الله الرحمن الرحيم

أالطلاب الكرام


يامن تكرفون ليل نهار تبغوا نسبه


عندنا موضوعن كويسن مرهـ

بيبرد قلووبكــــــم


المهم تخيلو معي الحين يالله


انا العلماء الي اكتشفو المواد الي ندرسها


مجتمعين في برنامج


المهم جا إتصال من طالب حاااقد ومعصب


تابعو معنا وش قال صاحب السمو الطالب الكريم


طبعاً العلماء الموجودين هم علماء


الرياضيات


الفيزياء


الكيمياء



تابعو معنا ماذا حصل


::


::


مقدم البرنامج : معنا إتصال من صاحب السمو الطالب الكريم .. السلام عليكم


الطالب : وعليكم السلام ياخي الحين انتم جالسين تبربرون هنيا


ولا تدرون وش صاير بالدنيا


عطني عطني علماء الفيزياء الي جمبك بالله

عالم فيزياء : هلا والله طال عمرك


الطالب : انت تعال تعال الحين الي معي نيوتن ولا انا غلطان ؟


عالم فيزياء ( نيوتن ) : اييه نعم ياطويل العمر معك نيوتن ملك الجاذبية


الطالب : جاذبيه تجذبك لجهنم قل آمين .. الحين انت يامال الغنيمة

رجال جالس تحت شجرة طاحت عليك تفاحه ياخي ورى ماتاكلها وتحمد ربك

وتسكت وتريح العالم ياخي .. جالس تقولي التفاحة ماطاحت على فوق ليش طاحت على تحت

... انت مجنون

.. وبعدين طاحت عليك التفاحه خلاص ياخي طلع قانون واحد وريحنا مسوي قلق

لنا ومطلع كتاب كامل الحين

فرحان بتفاحتك

لعنبو بليسك انت ماعندك عيال ماتفكر بالأجيال القادمة الأجيال القادمة تعقدت منك ياخي ..!


نيوتن : ........................ ( يعني ساكت هع )


الطالب : عطني عطني عالم الرياضيات الي جمبك عطنياهـ . <<< ايه بالله برد قلبنا لا اوصيك


فيثاغورس : هلا والله ياطويل العمر


الطالب : هلا فيك الحين انت فتحت علينا بابن ماضنيت انه بينصك يوم انك تحط قانونك حق المثلث

قائم الزاويه لييه قامت عليك القيامه بلا هاهـ ليه


والطلاسم ياللي عاملها ليه ؟ جاوبني ليه ؟



فيثاغورس : هذا العلم طال عمرك العلم ..!


الطالب : قل قسم .. هذا علم ..! والله احسبه بوفيه تبيع كبدهـ .. ادري انه علم

انا اقول وراك مسوي فيها ذيب وجالسلي تكتشف لييه ـ لييه


فيثاغورس : عشان طال عمرك نشغل مخنا


الطالب : شغلو عليك منشار ينشرك بلا ..

ياخي وش دخلك في الناس يشغلون مخهم يطفونه يفصلونه

انت وش عليك انت شغل مخك وبس

ولا عليك من الناس ياخي والله العظيم جالسلي

تبربر هنيه ولا تدري وش السالفة عطني عالم الكيمياء الي جمبك عطنياهـ .


عالم الكيمياء : هلا والله طال عمرك


الطالب : لاهلا ولا مسهلا ابسألك سؤال لو سمحت .. انت غبي ؟


عالم الكيمياء : لا وش دعوى طال عمرك


الطالب : الا غبي الحين انت وش هالقافة الي فيك

مخليتك تشوف الذرة وش مكوناتها ومدري ويش .

. احد شاكيلك ولا شي ياخي خل كل شي مكانه

.. عطني عالمكم رذرفورد عطنياهـ <<< اللي هو مكتشف الذرة


رذرفورد : هلا والله


الطالب : ياخي انت مريض خل الناس في حالها ياخي جالس تفتش الذرهـ وش مكوناتها

وش عليك من الذرة ياخي انت بس تكتشف وحنا الي ناكلها ياخي حرام عليك .


رذرفورد : بس ياطويل العمر ...


الطالب : لاطويل عمر ولا قصير عمر لايكثر


مقدم البرنامج : بس ياطويل العمر انت يعني


الطالب : اقول انتم اظاهر ما عندكم احساس بس فالحين تكتشفوا والناس تاخذ على راسها


عالم : لاياطويل العمر حنا عندنا احساس


الطالب : لا ما عندكم لو عندكم كان حسيتوا

بالناس السهرانة تذاكر وانتو فاضين تكتشفون

.. الحين انتم جالسين فاضين وكل واحد يشر للثاني

هاهـ ابوفلان نكتشف شي جديد يالله قدام

.. وحنا الي ناكلها


مقدم البرنامج : ياطويل العمر انت فاهم الموضوع غلط حنا راح نوضحلك ..


الطالب : صراآآآآآآآااخ طوط طووط طوووط <<< سكر بوجيهم هع http://www.an-life.info/vb/images/smilies/clacec/clac(77).png


ايش رايكـــــــم ؟؟

وربي شكله حاقد ومقهووور

امنتى يكــون موضوعـــي نال اعجابكـــــــم

انتظر ردودكم بفارغ الصبر

والحق يقال منقول

[روعة جنون]

هههههههههههههههههه والله حلوه تسلم تسلم والله حلوه تموت من الضحك

ويسعدني أن أكون اول من رد عليك

[мαнσие]

مآشآء الله عليكـ موآضيعكـ عسلـ
تسلم عـ الموضوع يالغآلييـ...!! ::جيد::

[Galaxy dreams]

ههههههههههههههههههههههههههههه
شكرا على المقابله الخطير

[هيتسوجايا-ساما]

هههههههههههه كراا

[هيتسوجايا-ساما]

شكرااا

[A K A I •]

مشكور اخى الموضوع راااائع

[النجمة الجليديه]

ههههههههههههههههههههههههههههه
والله عنده حق
هما كان باين علهيم فاضيين وكان بيطلعو زهأهم فى الكتب اللى اتعقدنا منها

[فان هلسنج]

مشكورين و نورتم الصفحه والله::سعادة::

[*سهر*]

الموضوع يهلك من الضحك

مشكوووووووووور

عيد سعيد

[A l O O F A]

خطيييييييييييييييييييير مرررةهادا الطالب
يسلمو عالموضوع الرائع

[sakura 88]

هههههههههههههههههههههههههههههههههههههههههههه وربي انو تححححفه هالولد ليت من يجيبه عندنا خخخخخخخخخخ حسيت براحه نفسسسيه يوم قريت الموضوع هع :D
عاد تخيلوا يجيبون برنامج فيه يجتمعون هالعلماء >>انا اقول تخيلوا :D
واحنا ياطلاب وطالبات اللي ندق عليهم ... وانا متأكده 100% ان الحلقة راح تروح كلها سب وسبيب :rolleyes:
يآآآي والله ونااااسه :D نبرد حرتنا عليهم ونوري اللي اخترع الشغل والطاقه معنى كلامه فيه >>يعني نوريه شغله ونبذل طاقتنا عليه>>يعني نسبه ونضربه :مكر: ونفس الشي بيصير مع العلماء الثانين نياهاهاهاهاهاها :مكر:


شكررررر خاااااص للي نقل الموضوع مشكوووووووور الف الف شكرررر ولا تحرمنا من مواضيعك اللي تبرد الخاطر :D

[صهيب زياد]

عشان ما تكتشفوا مرة ثانية

[صغيره بس اميره]

شكررررررررررررررررررررررررررررررررررررررررا
عالموضوووووووووووووع ::سعادة:: ::مندهش::

[abdo-1990]

وينك ياخوي
بعد ما نتخرج ب 3 سنين تقولها
والله لو اني في الثانوي لاطلعها في الاذاعة وابرد الخاطر

يلا بردت خاطري شوي بس
مشكور ولا تحرمنا جديدك

[Sarunai]

هههههههههههههههههه

اي والله شكله واحد منقهر زي حالتنا يعني ..

بس تصحيح مكتشف الذره هو ديموكراتيس " التيس !! "

و راذرفورد هو مكتشف النواه اللي داخلها بروتونات ونيوترونات عام 1911 ..

طبعا انا عرفت هذي المعلومات لاني درستها هذي السنه وطبعا دعيت على كل اللي له دخل في موضوع اكتشاف الذره ...

الله يعين بس ..

شكرا شكرا على الموضوع الراائع

محادثه طالعه من القلب ..

احترامي ::جيد::

[Super Nony]

مشكور أخوي ^_^

طويل العمر شكله حاقد اشد الحقد;)

هههههه ما بقى عالم ما جابوه هنا "فيثاغورس " هذا العالم سويت عنه تقرير كامشروع في الرياضات

من وجهه نظري أنا ضد الطالب بطريقه تفكيره لأني ماأتخيل حياتي بدون ما أتعلم ^_^

لكن الموضوع مزح حلو يسلموو اخوي :)

[بريـــا]

يسلمووووا على الموضوع الرائع
بصراحه انا ضد الطالب
انا اكيد ما تخيل العالم بدون دراسه
ربي يعطيك الف عافيه
انتظر جديدك دووووما
تحياتي لك

[فان هلسنج]

مشكورين جميعاً على المرور الجميل
وعيد مبارك لكم و لجميع المسلمين أن شاء الله

أخي abdo-1990
أنا طالب ثانويه لاكن أكيد نحنى مبتلين فيهم
في الثانويه و الجامعه هههههههههههههه:D
ولاكن هاذا مجرد مزاح
من دون هاذه الأكتشافات من العلماء الغرب و المسلمين
لكان العالم في جهل شديد

سلامي في أمان الله