رواية لعنآدك هويت...وبحسنك خقيت

[دمعة إح ـساس]

السلام عليكم

انا اول مرره انزل روايه وحابه منكم تقروونها

الروايه صديقتي كتبتها

وإن شاء الله تعجبكم

المصدر للأمانه ~ منتدى غرام

الكاتبه ~~ ساحرتهم بعيوني


روايتي فيها من كل شي شي

فيها الدجه والرجه

الرومانسيه والعاطفه

الحزن والفرح

وكل ماتتمنوه

بكل الحب أبدأ روايتي تحت عنوان


◄♥♥ رواية لعنآدك هويت...ولحسنك خقيت ♥♥►








..،؛، الحسن خقه ،؛،..


زود دلال الحسن خــقــه :: مثلك لزوم يكون خـــقــــــــاق
أشعل غرورن فيه رقــــه :: يرتاح به لي خاطاره ضـــــــاق
لا تفتح الخفاق شـــقـــه :: قلبي لسيف الشوق مشتـاق
عقه لثام الويه عــقــــــه :: أبغيك تسقي الحاسد أعـــواق
تاج العذارى تستـحـقــــه :: أجمـاع مخــلــوقــن وخــــلاق
خدن تغذى نور برقـــــــه :: مايكبه مضمـــــون لـــــــوراق
من الضبايا انت دقـــــــه :: جيدن يمادي شمس لشـــراق
والا الرمك مسلوب حقــه :: ردفن شكت من حمله الساق
عليك دمع العين ودقــــه :: أن خنتني من بعد مـــيــثـــاق
وأن ييتني صحيت شهقه :: عقب أنقطاع وموت لــريـــــاق
دام الغلا وأشواق عرقــه :: ينبض وعقبك صابه أغــــــلاق
رفقه ورفقه فوق رفـقـه :: لعيش لك هــايــم وعـــشـــاق
لا تلومني لو صرت لزقـه :: مزعج وذوقي غـيــر لــــــذواق
نار الوصل يا زين لبـقــــه :: أشد من هــايــوس لــفـــــراق


المقدمه:

روايه مزج بين الحقيقه والخيال ,ابطالها قد يكونو حقيقيون يعيشون بيننا والبعض الاخر قد لايكون,فمزج الخيال بالحقيقه إما ان يكون حقيقي في الخيال أو خيال حقيقي,فمثال الحب العفيف الطاهر قد يعتقد البعض انه نادر الوجود مستحيل الحصوول ,ولكنه موجود بيننا في مخيلتنا التي قد تكون في يومٍٍ ما حقيقه
<<وهذا مااعنيه من جملة مزج الخيال بالحقيقه

الصدف... وماادراك مالصدف

الصدفه مهمه في حياة الكثيير ..قد تكون كثيره في حياة البعض والاخر قليل ,,ولكن ليس هذا المهم ,,,المهم هو اهمية تلك الصدفه التي تغيٍر من مجرى حياة اصحابها..ليس ذاك التأثير العادي انما هوتغير جذري


دعونا نتحدّث عن الخيال..فالخيال ابداع رسمة فنان يرجع للمتخيل ..فلوندقق لوجدنا ان للخيال سلبيات وايجابيات كما للانسان
من أهم تلك الايجابيات بث الامل في روح المتخيل والتفاؤل,, ومن سلبيته تجعل المتخيل يندمج حتى يفوق ويصدم بالحقيقه المره .....

لاأطيل عليكم فهذا وصف ذو منظور بعيد لابطالنــــا




التعريف بالشخصيات

بشكل عام عائلة ال....... عائله مشهوره بالسعوديه ومن اغنى الاغنياء هذي العائله لها تاريخ حافل ولكن بسبب الطمع والجشع اللي دخل في قلوب الاخوان بعد وفاة ابوهم كثرة المشاكل بينهم وتفرقوا بسبب الفلوس

أول عائلة:

عائلة ابو فيصل:

اسمه عبد العزيز الاخ الاكبر يبلغ من العمر 55 سنه رجل اعمال يمتلك اكبر شركه بالمنطقه الشرقيه معروفه قلبه اسود يكره الناس همه الاول والاخير الفلوس رغم انها فرقتوه عن اخوانه

زوجته ام فيصل اللي هي فوزيه انسانه طيبه جدا قلبها ينقط عسل ياربي مهما سوى فيها هالكلب زوجها تسكت<<خربت البرستيج هع

وتستحمل كل هالاذى بس عشان خاطر عيالها حنونه وتجنن بالمره

فيصل ولدهم <<احلفي عمره 18 سنه ثالث ثنوي ياربي هالصبي شوبيعئد <<قلبت اللهجه

طويل وعنده عضلات , اسمر شعره اسود موناعم ولاهو خشن يحب يسويه سبايكي خشمه مثل سلة السيف لوتجيبون له موز قشره بخشمه <<اعجبكم بالوصف احم نكمل ورموشه كثيفه تقل غابات استوائيه <<محد بينحسد ابد ومغازلجي ملعون خير <<بدينا بالسب وكله على بعضه مزيون مملوح ملح وسكر واللي تبون ,قميل قمال مالوش مسال وعيونه بنيه فاتحه مع النور تعطيك اللون العسلي اذا ابتسم تدورون النور تلقون ساطع مابين حلجه <<تقصد اسنانه وه بث ع الابتسامه الخيال
وربي لاتروحون ملح دمه خفيف تقول لخفه القصبي استريحي ومهبل درجه اولى مونس نفسه ومافي شي يكدر صفوة جوه

منال: 16 سنه نعومه مره كيوت قمحيه ووعيونها عسليه شعرها يوصل لين نص ظهرها تهبل هالبنت اذا جلستي معها ودك لو ماتقومين من عندهاهي وسعيد بهواش لانهائي بيدخلون كأس العالم على كذ1 خخخخخخ

سعيد 14سنه ايامه كلها عيد بعيد والحزن عن هالورع بعيد بعيد وصل لثالث متوسط بالدف والتفحيط والتقحيص لايغركم انه بالمتوسط لوعلى دراسته كان عاده بالابتدائي لاه ومطول بعد يموت بشي اسمه مقالب واحراج خلق الله وعينه زايغه عالبنات هع لازم هالحركات وفيه شوي من اخوه فصفص بس اخوه احلى




عائلة ابو فارس

ابوفارس(فايز) :عمره 52سنه اخوه ابوفيصل أخذ ورثه من ابوه بعد مامات ولكنه سلم امره لربه ورضى وسكت وهو داري انه بيوم راح يآخذ حقه ان مااخذه الحين بياخذه بالاخره وخايف على سمعة العيله وماوده يفضح اخوه الكبير قدام الناس اب حنون عطوف فاهم عياله يشتغل محامي

ام فارس (موزه(نسانه كل الناس يحبونهاماشاء الله مابقت عرس الا وحضرته انشغلت فتره عن عيالها
ولكن ابوفارس نبهها بطريقته الخاصه وانعدلت وهي اصلا تموت بعيالها وتفديهم بروحها آدميه فري وتحب المزح رغم كبر سنها <<قسم بالله موهينه هع



فارس اكبر عيالهم عمره 22 يدرس هندسه طيوب يحب خواته حييل طموح وعنيد كما هو سائد في اغلب ابناء العائله <<اموت يافصحى جنتل مان بقوه



ساره: 19 سنه المفروض بالجامعه بس سقطت مرتين هالبنت فله وشقه واللي تبون هي واختها سيلين مايفترقون ابد اذا اجتمعوا اعرفوا ان على الدنيا السلام حلوه ونحيفه مهما زطت من اكل وشرب ماتسمن تدنن بالمره وكيوت عيونها واسعه وشعرها بوي قصير وخشتها ضوغننه وفمها خط <<ماحلفتوني بالله انه خط نفس بنات الانمي كلن يتريق عليها بس الناس اخر همها <<تعجبني شعارها طنش تعش تنتعش وبالنهايه تنخرش

سيلين :

17سنه ثاني ثنوي <<هالبنت خقق بكل معنى الكلمه عليها جسم خيال صوحيح انها عصقوله بس جونآآن موطويله ولاهي قصيره مربوعه وعيونها واسعه ورموشها كثيفه وعنونها مسببتلها مشكله كل ماشافها احد يقولها حاطه عدسات تقولهم لاع ماتفهمون <<يحق لها انواع السماجه
لون عنيها اخضر وعسلي مع الشمس تعطي لون ذباح خشمها واقف ضغير وفمها مليان طبيعي لون شفايفها ورديه واسنانها كنها لولو مرصوصه شعرها طويل لين نهاية ظهرها مدرجته عالموضه لونه اسود تحب حركات وقصات الايمو هذي الجيرل<<اعجبكم بالانجلش
تنفذ التحدي تموت بالرقص ومتقنه له خصوصا الهيب هوب الاجنبي <<ياخطيره شخصيتها قويه حساسه ودمعتها طارفه تكره الاولاد وتحس ان ابوها عمله نادره مستحيل تتكرر


نادر14 سنه كبر سعيد عندهم بالبيت ديوانيه عازم الربع ومقلطين عنده 24 ساعه حبوب دايم يلعب مع سيلين اخته كوره وويحبها ويخاف منها اكثر من ساره ممكن يراددها ويترفس ببطنها وهي ولاشي <<وراعين اخر زمن

لارا :10سنوات
تحب حركات الكبار وتحب تلبس كعوب وتحب جلسات العجايز كل ماشافت عجوز طقت معها سوالف وسألوها عن سبب هالجرم قالت عشان يخطبوني <<اقولكم الجيل رايح فيها
لسانها طويل وفضيحه ما تتآمن حلمها وطموحها تتزوج حسين الجسمي<<امزح خخخخ




عائلة ابوخالد

ابوخالد (منصور):50 سنه
رجل اعمال ولكن موبدرجة ابوفيصل اخذ حقه من الورث ولكنه موكامل ومحد يدري بهالسالفه الا ابو فارس
اموره متيسره رجل محايد ماعنده مشاكل مع اخوانه عبد العزيز وفايز هدفه في حياته انه يصلح بين اخوانه وابوفارس ماعنده مشكله كل المشكله تكمن بابوفيصل العجيز وكل مافتح بوخالد مع ابوفيصل الموضوع كان يهدده بانه يآخذ منه الورث لانه نصب عليه وقله انه عطاه اكثر من حقه <<المال مال ابونا والعجايز سرقونا<<ماادري صح ولا لا


احم احم عنده 6 عيال وعيلات

زوجته ام خالد متوفيه من حوالي خمس سنوات ولايفكر بالزواج نهائيا لمن يرغب بالزواج نرجو الاتصال على<<دعابه دعابه خخخخخ اقولكم مومفكر حتى يتزوج

خالد :25سنه عضلات بكل معنى الكلمه قمحي اللون مايعطي البنات وجه ابد <يعجبني ولد ابوه له عوارض واحلى مافيه خشمه واحسه عالموضه مهتم بنفسه ويكره الزواج وسوالفه ويشتغل بشركة ابوه

احمد:18 سنه صديق فيصل الروح بالروح مستودع اسراره بعد وفيه هالانسان من الزين حبه <<سوري اقصد حبات مزيون ماعليه وحب في حياته كثير ولكنه كان يتسلى وصارتله مشكله مع وحده من اللي تعرف عليهم وبعدها صار يكره البنات <<تعقد المسكين

شموخ : 16 سنه تحب تهتم بنفسها بس لاتحاول الشين طول عمره شين شكلها شر بشر وعيونها سود كبار احلى مافيها وخشتها كبيره تقل ستاد الملك فهد بالرياض وفمها طويل طريق الهدا ذهابا وايابا دلوعه بشكل يقرف ماعندها صديقات تقول محد يوصل لمستوى جمالها وتفكيرها<<اموت انا يامحمد نور خخخخ

ميرهان :13 سنه ناعمه وهاديه ينضحك عليها بسهوله لدرجة انها تصدق اي شي ينقال لها تكره المدرسه كثر ماتكره اختها شموخ فيها من احمد اخوها

تالا وديالا:توأم 10 سنوات
مايتشابهون ابد وحده سمرا ووحده بيضا على امها الله يرحمها كأن وحده جايه من بطن والثانيه من كرش <<ابوك يالتعبير هع
سوسات مايجلسن بمكان


طبعا هذول من العائلات البارزه في الروايه وراح نتعرف عالبقيه من خلال تفاصيل الروايه

[دمعة إح ـساس]

قبل 3 سنوات

كانت بطلتنا في الصف الثاني متوسط

في إحدى المجمعات التجاريه بالمنطقه الشرقيه

ساره:سيلين يااي شوفي هالفستااان حلوو


سيلين :ألله نفس فساتين الاميرات ...<<وقفت الاخت مصنمه عند الفستان ولا احد حولها الكل مشى عدا هي تتأمل بالفستان

اما عند اهلها

ام فارس خايفه على لارا لاتضيع لانها حركيه:ساره امسكي اختك لارا لاتضيع

ساره:ماسكتها يما بس خلنا بعيد عن البلالين هاللي تطير اشوف عيونها عليها<<عشقها هالبلونات(بلونات=نفافيخ<<شي يطيربالهواء<<يمديكم عالتعبير)


ام فارس:واختك سيلين وينها؟؟

ساره:هاااه ...أيه سيلين راحت تشتري موويه<<ترقيعه واااضحه

ساره بقلبها:ويييين طست هالكلبه ياويلي لو اقول لامي تذبحني

اما عند سيلين <<للحين الاخت لازقه بالفستان حالفه يميين ماتوخر عنه ماصحت الا على صوت:عاجبك الفستان يااحلو اجيبه لك..اصلا انتى احلا منه يااحلووو

لفت سيلين لقت واحد شيفه له ضرووس عرفت انه من هالدشير:اقول خر عن هنا ياابوضرووس تقل كأنك جازورا وربي لاألم الناس عليك

الولد:كله منك حلو دراكولا جازورا اللي هو

بهالوقت تجمعو الشباب عليها طبعا هي كانت ميته خوف لانهم موواحد او اثنين شله كامله

هنا صاااحت من قلب<<بس على فكره هالذئاب مالهم قلب


من بعيد واحد ستايله بدوي بحت هو الاخر كان صف اول ثنوي وتعرفون عيال المدارس لازم يهايطوون بهالعمر مايعرف الا الثووب<<يقولون يازين الراحه لاراح لثالث وثاني كشخ <<سبحان مغير الاحوال

شاف شله ملتفين على وحده مسيكينه تصيح شلة مدعاه بالكوول<<شباب الكوول على طوول يجيبو قوول<<برآآ

مر من جمبهم سمع واحد يغازلها:وربي ان عيونك ذباااحه ماترحم

فيصل انقهر طالع البنت لقاها شريفه مبين عليها ماعندها حركات ولا ليش مستنكره ....راح من وراه وعطاه بكس
نساه حليب امه اللي جابته...... <<طبعا شلة الكول يااي من شافوا الهوشه شردو يخافون من عيال الشوارع هع


الولد يستنجد فيهم بس مايشوف الاغبرتهم هع

أشر لها فيصل بأنها تروح

تحركت سيلين وراحت تدور على اهلها وطول الطريق تدعي لهالشخص اللي انقذها شكله ولد حلال<<طبعا لايغركم هو مغازلجي بحت ....ولا شدراه بنوعيتها ؟؟ ...كسرت خاطره واشتدت فيه النخوه

بعد هالموقف سيلين عرفت ان فيه كثير عيال حلال والدنيا لسا بخير مهما صار مافي مكان كله شيون وزيون شي طبيعي في استثناءات

راحت لامها وخواتها رقعت السالفه بأنها شافت خويتها وتكلمت معها واخذهم الوقت


<<هذا الموقف قبل ثلاث سنين ولكنه للحين في ذاكرة بطلتنا مع التشويش<<ماتتذكر اشكال الاولاد زين

[دمعة إح ـساس]

بعد مرور 3 سنواااات











Part 1






في يوم الخميس الساعه 4 العصر بغرفة البنات تحديدا

ساره منسدحه بالسرير: اقول نونا


سيلين تآكل ايس كريم: هاه


ساره: وهواة ياربي بقره انتي هاه

سيلين: وجعاخلصي شبغيتي

ساره: اممم وش رايك باللي في الفلم

سيلين:وع تقل صابغينه هالاشقر المعفن روحي الله يقرفك بس

ساره: اصلا انتي مايعجبك الا البدوي الكحيان الجاي من الباديه

سيلين : تمثل انها دايخه : ايه وه يالبى قلوب البدو وانتي الصادقه البدوي وخصوصا لاجاك اسمر

ساره :ماادري انتي شلون اختي مع هالذوق المنيل بستين نيله اقول بالله اعشقي الراحه قال عبيد ....اممممم اسمعي نونا وش رايك نقلب كيان ام البيت ونرجع ايام زمان


سيلين :بتفلسف: امم لالالا ماجازتلي الفكره انا اقول لو نقلب كيان ابو البيت احسن لان الام حملت 9شهور ور....

ساره:تقاطعها:بس خلاص صكيتي راسي قولي يا ايه يا لا ليه التفلسف, اسمعي بنقلبها حفله شبابيه نلبس ثياب اخواني ونرقص عالسامري وننادي مها وريم شقلتي؟!

سيلين:بفهاوه: هاه حلوو ايه حلوو حلوو

ساره:وشو اللي حلوو صحصحي معي يازباله <<تمون الاخت .
الحين روحي جيبيلي من غرفه فارس ثوب وانتي دبريلك وجيبي لمهاوي وريوم طيب

سيلين:وليه يعني انا اللي اجيب يعني ادري اني مهجده بس ماانكرف كوذيه عموما انا بآخذ من عند نادر خبرك انا دايم العب معه كوره وكل تيشيرتاته تجي كبري صراحه اشك ان هالولد بلغ

ساره:عمى استحي على وجهك حتى العيال ماسلموا منك

سيلين:اقول سوير وش رايك بعد مانسوي هالحفله نروح عند

لبنك المركز عفوا اقصد
الوالد ونآخذ منه قروش ونطس نتعشى بره


ساره :امم فكره مش بطاله

سيلين: اقول انتي ووجهك داريه انها مش بطاله غصبن عن خشتك تقول كنك مركبه بلوكه موخشه

ساره :هيه نسيتي نفسك تراي اكبر منك

سيلين:اوه العذر والسموحه جدتي قماشه


بس وبعدها جو مها وريم وارتجوا وسووا هبال واخذوا الكاسيتات من عند اخوهم نادر بالسر والسرقه والنهب وصوروا هبالهم بعد<<ذكروني بناس


نروح شوي عند عائلة ابو فيصل

تحديدا شركة ابوفيصل

ابوفيصل: هلا والله بولد العم محسن نورت الشرقيه بقدومك

محسن: هلابك منوره بأهلها والله كبرت ياولد العم ههههههه عشرين سنه مانشوفك <<محسن ولد عمهم تاجرمعروف له صيته بالمنطقه الشرقيه

ابوفيصل:والله هذا حال الدنيا وخبرك العيال كبروا والمشاغل كثير هاه بشرني عسى امورك ماشيه

محسن: الحمدلله كل شي تمام ,الاماقلتلي شخبار فايز وناصر

ابوفيصل:تقصد اخوي منصور

محسن:<<طايح وجهه الا منصور معليه العذر والسموحه عشرين سنه موهينه المهم شخبارهم؟!يقولون انكم انفصلتوا صحيح هالخبر

ابوفيصل:بقلبه(وش هالسماجه واللقافه ياشيخ) :هاه ايه اقصد لالا مانفصلنا ولاشي

محسن: للحين ساكنين جمب بعض ولا لا لان ابوك كان يقول من بعده مالي الا الثلاث هم اللي يشيلون اسمي وفايز كان متقن لاداره الشغل ولازم تبينون انكم مع بعضكم عشان الناس تثق فيكم وخصوصا للتجار ولازم يكون معكم فايز لان كل الناس تدري انه خبير بالاداره وابوك يثق فيه وامك المسكينه مابقت عجوز الاوقالتلها انها ودها تشوف ولدها فايز اللي انتم حارمينه منها

ابوفيصل: ايه حنا ساكنين جمب بعض وفايز معنا بعد مانفصلنا<<الكذب عيني عينك

محسن:ابوفيصل موعلي انتوا لازم تشترون لفايز فله جمبكم عشان تخمون الناس ان فايز معكم والتجاريثقون فيه وهذا من صالحكم وجيب طاري فايز قدامهم عساس هو المشرف عالاعمال وصدقني بتكثر الصفقات ولازم تخلي بناته مع الناس الهاي كلاس موبمدارس حكوميه منتهية الصلاحيه

ابوفيصل:يعني انت تشوف كذ1 بس بناته بمدراس اهليه على مستوى ويمكن تشابه اسماء

محسن:ايه اشوف كذ1 ,وبعدين موانا اللي اقول كذ1 واحد من الفراشين قالي اسماؤهم يحسبني ابوهم وتاكد طلع ابوهم فايز

وانا بزوركم بعد شهر مع اللي بنتعامل معهم في بيت فايز اللي راح يكون جمب بيتكم عشان تتم الصفقه والناس تشوفكم مجتمعين وتتلاشى الاشاعات فأنت دبر نفسك في هالشهر



ابوفيصل:مصدوم:انشاء الله يامحسن تكفى ضبط سمعتي عند التجار وانا بجيب طاري اخوي وبرفعه امري لله لان الوالد الله يرحمه كان يعتمد عليه وكل التجار يشوفون انه افضل مني

محسن:اهم شي تنفذ اللي قلتلك وراح تتم الصفقات بأسرع مايكون خصوصا ان التجار يحسبونك فايز فتحمسوا ويوم قلتلهم عبدالعزيز ترددوا

ابوفيصل:عاد هذي اهم صفقه لاتروح علينا نفلس

محسن:طيب الحين انا بستأذن مع السلامه

ابوفيصل:اذنك معك مع الف سلامه


ابوفيصل:مقهوركسر كل اللي بالمكتب:ليه كله فايز فايز الله يآخذه انشاء الله


عند ابو خالد بالسياره يكلم جوال

ابوفيصل:تسمع وش اقولك ينقلون من مدارس الحكومه يعني ينقلون

ابوخالد:بس انت ماتدري عن ظروف الرجال يمكن ماعنده فلوس يدفعها للرسوم

ابوفيصل:اوه خلاص انا ادفع لهم اهم شي سمعتي فاهم

ابوخالد:بس حرام مابقى الا شهرعالامتحانات

ابوفيصل:بلاامتحانات بلابطيخ وانا شسويلهم يعني بتقول ولا كيف

ابوخالد:بتنهيده:امري لله بقوله

ابوفيصل:وبكره تعالي ابيك بموضوع ضروري فيه حياتي او ماماتي<<طبعا السالفه فيها فلوس
مع السلامه

[دمعة إح ـساس]

ابوخالد:مع السلامه



في جهه ثانيه المدرسه الثانويه للعيال

احمد:اقول فصول وش رايك نهرب من هالزريبه<<ونعم الاسم

فيصل:والله فكره حلوه والله وصرنا نفكر يامريم نور <<ماادري وش وجه الشبه
وش علينا بعد الفسحه

احمد:علينا كيمياء

فيصل:اهاا الحجم العائلي تقصد قل كذ1 وانا افهم دووغري خخخ

احمد: كاكاكاااااااا هااوش رايك فركنا

فيصل:فركناا يللا قم

احمد:وش اقول لجدتي

فيصل:قلها اي صرفه دبرها بتدابيرك

احمد:على قولتك عجوز ماتدري اي ترقيعه بتمشي معها لاوالترقيعه بتمشي وهي لا خخخخخخخخ

فيصل عند الحارس:ابو سراق بابا دء عالاداره وبيئول اعطي ابوسراق ميه يطلعك انتى وابن عمك ايه رأيك؟<<اموت عالمصري

ابو سراج:لامااقدرش مايصحش كده انا ماهربش حد

فيصل:طيب ميتين حلوين صوح لاتقول لا لاقسم اشيل بقيه الطقم المخلع اللي ببلعومك

ابو سراج:لوعاوز افتحلك باب السيار حفتحهولك انا قاهز

احمد:لايابو ندل انت تقلع منا ولاتعلم احد وحنا نكون بخير

طبعا السياره فيراري حمرا كشف 2009 جديده

فيصل:وش رايك نروح الراشدشقلت؟!

احمد:لاخلني ابدل بالاول ودني البيت وانت بدل

فيصل:طيب ياحسين فهمي

احمد: وش معنى حسين فهمي

فيصل:لانه مخقق العجايز هع

احمد:بئولك ايه نأطنا بسكاتك ياراقل

فيصل:اموت عالمصري ابوسراق خخخخخخخخخخ

شوي وصلوا البيت

احمد:يللا انطرني لاتروح

فيصل:وانا اقدر اترك حبيبتي حمودتي الغاليه

احمد:سكر الباب بوجهه بأقوى ماعنده

فيصل:هههههههههههههههههههههههههههههه ياربي بطني والله انه مخفه

احمد:رجع مره ثانيه

فيصل:خير وشبك

احمد:اقول انت ماتبي تبدل ترى ملابسي ملابسك ياولد العم

فيصل:لاياشيخ مقدر عالمسلسل البدوي ماباقي الا تقول وين القهوه المهلي مايولي طس مناك هنا بيتنا انا بروح وبعطيك ميس كول واطلعلي اوكيه

احمد:خلاص اللي تشوفه لاتطول سامع

فيصل:قول لنفسك يارشدي اباظا

احمد:والله اشك انك شايفلك امس فلم مصري من السبعينات من اليوم وانت تشبهني بعيال السبعينات طس مناك وانتظرني هنا

فيصل:ليه قالولك كومار ولا شمس الدين

احمد:تصدق فيك من كومار ومن الحمار بعد خخخخخخخخ

فيصل:بايخه بسلكلك هالمره ويقال اني ماسمعت يللا لاتاخرنا بسرعه

احمد:يللا سلام

وبعد ربع ساعه خلص فيصل وعطاه ميس كول وكولين وثلاث اكوال لكن محد عندك

احمد عند الممر يتضبط بالمرايا: ياللي على البال تطري وانت ماتدري وش ذنبه الي يحبك وانت خليته <<انواع النشاز
بس شكله كان يشفعله كان لابس تيشيرت رياضي لبرشلونه وجينز ازرق لو ويست خطير ومخلي شعر مموج على طبيعته ومضبط له عوارض ولابس شوز اكرمكم الله اسود كشخه وطبعا النظآرات الشمسيه <<فظيييييييع

شوي الايدخل ابوه معصب واحمد سمعه :ياويلي ويلاه شسوي وين اروح فكر انه يطلع من المطبخ ولكنه تذكر جواله بالصاله

احمد يكلم نفسه:اماا يلعن ام الحظ اللي علي اكيد فيصلووه حرق الجوال من كثر مايدق شلون اطلع وبعدين غريبه الوالد طالع بدري يوووه

الجده:خير ياوليدي وش اللي صاير اكيد اخو عبدالعزيز اللي مكدرك

ابو خالد:لايايمه مافيني شي

الجده: انا ياوليدي ابي اشوف ضناي فايز هو وعياله لي 15 سنه اقولكم وانا ماادري متى امووت


ابو خالد:<<حفظ الاسطوانه من كثر ماتنعاد:قريب يمه هالمره اقولها لك وانا متاكد

احمد يمر بالصاله :اوه ابوي هنا ومحد قالي

ابوخالد:حموود موالمفروض تكون بالمدرسه شجايبك بدري

احمد:عندنا يوم مفتوح <<اموت بالترقيع

ابوخالد:طبعا مامشت عليه ولكنه تجاهل الموضوع:اها طيب وعلى وين انشاء الله العزم وكاشخ ومتعطر

احمد:رايح مع ولد عمي فيصل

ابوخالد:زين لاتتاخر

شموخ:وهي نازله من الدرج ماتدري ان ابوها فيه:يوه بابي هنا مادريت

احمديقلدها ويترقص زيها:يوه بوبي هنا مادري يااااااي مقدر يادلع بس لاتعيدينها ترى بوبي كلب جيراننا

ابوخالد:احمد استح انا ابوك يللا روح وش مقعدك هنا

احمد:ايه يللابوبي باي هههااااي<<يخز بشموخ يبي يرفع ضغطها

شموخ:سخيف معفن ساذج كلب

احمد:انا كلب يااااااااي هوهو <<يقلد الكلاب خخخخخ

ابوخالد:مات من الضحك هههههههههههه خلاص استحوا وحموود روح يللا ولد عمك برى كل شوي يدق بوري انحرقت سيارته

بنتي شموخ ليه مارحتي المدرسه مايصير كذ1 بعدين ترسبين وينزل مستواك ويتكلمون فيك الناس ويقولون بنت آل سعدي كسلانه <<يعاملها كنها 5 سنين لان فاقده حنان

شموخ:تبكي بتصنع , بابي والله بطني كانت توجعني اسأل جراندما

ابوخالد:انصدم وشك بالموضوع بقلبه:منهو جراندما لايكون خويها<<محد بالعيله متعلم الا اخوهم فايزخخخخ
ومن يطلع هذ1 جراند ما؟؟
شموخ :
ههههههههههه جراندما يعني جدتي بالانجلش

ابو خالد:لا احلفي على بالك مدري تراي عارف بس امزح معك<<واضح
وبعدين لاتقولين لي بوبي يقول احمد نفس كلب جيراننا<<يصرف

شموخ:هاااااااااااااااااهاااااااههههههههه<<يقال انها تتدلع بالضحكه بنص الضكه غصت



ابو خالد:اسم الله عليك يابنيتي

شموخ:ياروبي بغيت اموووت<<ياليت كان افتكيناخخخخ


ابو خالد:لاتقولين كذ1 اسم الله عليك من الموت انا الحين بطلع انام لي شوي

شموخ :اوكيه سي يو دادي

ابو خالد:قوليلهم يجيبون لك اياه<<اقولكم ميح ماصدقتو

شموخ :وش يجيبون لي

ابو خالد:اللي قلتيه بلغة الخواجات

شموخ:هههههههههههههااااااااااااااااهااااااااهه<<زين هالمره ماشرقت
تيب دادي

ابو خالد مانام كان طول الوقت يفكر كيف يقول لاخوه فقرر انه يقول لولده فارس لانه اكيد كبر عن اول وممكن يعتمد عليه

[دمعة إح ـساس]

في جهه اخرى عند سيلين وسارا

ساره :انتي روحي اطلبي من ماي فاذار

سيلين:لاه تراه قبل لايكون فذري تروه فذرك عالعموم الحين اطووس آشحذ اقصد آخذ فلوس من عند المعزب

وهي طالعه الاتصدم بأخوها فارس

فارس اول مره يهزأها: هييه انتي عميا ماتشوفين

سيلين:يووه شفيه هذا معصب يمكن صاير معه شي بس حتى ولو هو عمره ماهزأني


ابوفارس الباب طقطق:تفضل

سيلين :شمرت يدها تقول كنها بتدخل تحارب وقاعده تضبط بهالشعر وباءبتسامه عريضه سلام ماي فريذر<<تقصد فذار بس خانها التعبير

ابوفارس:هههههههه اول شي انطقيها صح بعدين قوليها

سيلين:وش اسوي معرف للغه الخواجات حدي ثانك يو مع ان اسمي اسم خواجي خخخخخخخخ ولا لانك تعرف تحكي هرجهم و ...........

ابوفارس يقاطعها : بس بس بدينا بمحاضراتك يللا قولي شبغيتي؟!

سيلين : ابي حبك معي يكبر وابي اهواك انا اكثر وابي اهديك انا دنياي وكل اللي عليه اقدر وترقص وتهبل بالعربي فيوزاتها ضربت شوي تغني wish we never broke up right now na na I wanna make up right now na na وترقص عليها الهيب هوب اللي تحبه <<الاخت نست ابوها

ابوفارس:هههههههههه ياربي كنك من العبيد اللي بلوس انجلووس<<استانست خخخخخخخ

سيلين :من جد ونااااااصه خخخخخخخ

ابوفارس:خلاص بسك دريت تبين فلوس صح

سيلين:يفهمني يفهمني وانا بيدي دواه هذا اللي احبه احبه ومن قلبي ابيه

ابوفارس:
ههههههههههههه امسكي هذي 500 لك ولاختك قولو لكومار يوديكم ولا يسرع طيب
سيلين :
طيب,بس يبا اي خوات اللي تقصدهم امي ماجابت ذريه الا بنت اللي هي انا واخواني ندور وفروس بس شكلك نسيت صح

ابوفارس: خخخخخخ لاه احلفي بس

سيلين :لامنيب حالفه السالفه فيها صيام 3 ايام هعهعهعهع

ابو فارس:وش هالضحكه

سيلين :هذي يبيلك 50 سنه نفس اللي راحوا من عمرك عشان تتعلمهاا بخبخ <<بدت تطلع المواهب
هاه يمديلك على حركتاتي

ابوفارس:لاه زين يالله خلني اكمل شغلي الله يهديك بس

سيلين :طويب يللا سلام

ابوفارس:سلام الله يحفظك ويهديك بس


عند سارا داخله شات عساس انها ولد نكها مهايط ورومانصي<<ماادري من وين جابته

والثانيه اللي تكلمها بنت نكها توته احلى بنوته

سيلين:اقول انتي هيه لبسي اختك الفنعوصه لويره اللي هي على وزن سوير هع لان بيي وافء<<ابوي وافق بس باللبناني خخخخخ

ساره: لاه دمك ثقيل

سيلين:ياربي لاتحاولين واثقه اني خفه بخفه , وبعدين تعالي وش داخله شات هااا طيب عند ابوي يالباصقه تفو تفو عليك بنات آخر زمن صوج انج قليلة حيا بخ بخ عليك <<مدري وش قصتها مع بخ احسها ريد

ساره:انطمي ازين لك , الا دقيتي على ريم ومها

سيلين:ايه دقيت قالو ربع ساعه ويجهزون الحين دقي على معشوقي كومار خليه ينتظرنا عند الباب

ساره:الحين ادق عليه بس تجهزي ياخمبقه

ايه نسيت اقولكم مها وريم خوات صديقات ساره وسيلين

يشبهون بعض شوي وكلهم طيوبات لابعد الحدود يحبون بنات بوفارس مها صديقة سارا قدها وريم صووحبة سيلين

ساره :كومار روه مجمع الراشد<<لاتدققون البنت تقلب فجأه اي لغه

كومار:تويب مدام<<يسايرها

ساره:وش مدام قل آنسه اصرف

سيلين:كااااااك حلوه بس لاتعيدينها لانها ماصخه خخخ وبعدين وشوو اللي راشد ماراشد كومااار

كومار:لبيه ياآنيسه <<سيلين علمته يقول لبيه خخخ

سيلين:لايابو البتشات عانسه ارحم الموهم روح مجمع الظهران

ساره:معصي كومار روح الراشد

كومار:ماما وين انا راه(ماما وين اروح)
مع صرقعة البنات خبط بسياره كشخه فيراري حمرا قدامه اكيد تذكرتوها

سيلين:ياربي وش هالبلشه

ساره:ياويلي وش السواة ادق عالوالد <<ليه شرطه

مها:امبيه شكلهم شباب رحنا فيها

ريم:ويه شهالمصيبه اللي طاحت على روسنا

سيلين:خلاص انتي وياها اسكتوا انا اعرف اتفاهم

كومار:مدام سيلين انا وش يسوي الهين(مدام سيلين وش اسوي الحين)

سيلين:اصبر لاتنزل مالقيت الاهالسياره تصقعها لاوبعد السياره اللي احبها واللون اللي احبه

كومار:بس هوا كلام ينزل

شوي الا ينزل واحد خقق انصرعوا عليه كل وحده تضبط الشيله الا سيلين بحوستها
ويطق شباك كومار:انتى اعمى ماتشوف<<السياره مظلله ماشاف البنات ولا كانت العلوم ثانيه

سيلين:كانت راح تتكلم بس انربط لسانها من اللي تشوفه
وكانت منشغله تسكت البنات عشان مايحس فيهم الولد اللي هوولد عمها فيصل اللي ماتعرفه

كومار:بابا مافي سوي ودي انا شرته بعدين في مسكل فاجد كبير هسل كير(بابا لاتودني الشرطه بعدين تصير مشكله كبيره واجد حصل خير)


فيصل رحمه صراحه شكله يكسر الخاطر:خلاص يابو اتكل ماراح ابلغ انت كذ1 كنك عايشه المرطى

كومار:شوكرون بابا

فيصل ركب السياره:والله هنود آخر زمن صراحه هندي مال اومينه داعي صجني مشكل كبير ومدري وشو قلت خله يطس مابي اكسب ذنبه

احمد:ماتبيني افزعلك خلني انزل العن خامس خامسه

فيصل:اقول يالسملق خلنا نحرك وبسك من هالهياط لايسمعونك الهواجر يعتزلون فن الهياط

عند البنات
عند البنات الصدمه كبيره وفيصل اكبر صدمه

ريم:
بنات انتوا متأكدين ان هذا من هالارض الطيبه
سيلين:

لامن ارض الكفر الغاصبين وش رايك يعني الا اقول كومار هذ1 من ارضك المخنزه؟

كومار:
نعم ماما!!

سيلين:
بعد ماما لا سلامتك ولاشي

مها وساره فجأه:جوعانين


سيلين:
طيب الحين نآصل صبروا بس انتو , اقول ريوم قسم بالله احس اني تضايقت فجأه من دون اي مقدمات
ريم:
لاوالله انا بعد هالزول ضاعت علومي بديت اتوسم الخير في عيال الديره


سيلين:توكلي بس والله انه يخقق<<يحسبونها تقول يخرع

ساره:هيييه انتي مافي اخرع من وجهك مدري مين يعجبك اساسا
سيلين :بنات آه راسي يوجعني اشوف الدنيا سوده

ساره:اما سيلين سيلين ردي<<محد عندها كومار وقف بقاله جيب مويه لسيلين بسرعه

كومار :انشاء الله آنيسه

ساره :اخلص بسرعه يقال وقتك

ريم :سيلين شفيتس وس صارتس ردي علي انا صديقتتس<<لاتحاولين معها

مها:اقول سوير اقري على اختتس آية الكرسي والمعوذات

شوي شربت ماي وفاقت سيلين:بنات سامحوني خوفتكم
علي والله موقصدي ....ماادري حاسه بضيقه

ريم:لاعادي ياعنوني اهم شي انك بخير..وانشاء الله هالضيقه بعد يكون لك فيها خير

سيلين :اقول بنات اهم شي اننا بنروح مجمع الظهران موالراشد

ساره ومها: هههههههههههههههه طويب عانسه سيلين

سيلين :حومار اقصد كومار

كومار :نعم ماما

سيلين :روح مجمع الظهران

كومار يهز برقبته دلاله عالايجاب

سيلين :ماادري هالهزه دليل على الموافقه ولا انا غلطانه

ساره:ايه هذي يعني من عنوني <<تراها تقرى الافكار

خلص البارت

[دمعة إح ـساس]

Part 2
عند الشباب
احمد:هلا والله بنايف وش هالزين
نايف :والله من يومي وانا زين <<ايه هين
فيصل:وانت مع وجهك فيك زين اصلا احمد ربك اذا تكرونيه التفتت لك
نايف:بالله عليك لانك مزيون تقول كوذ1
شوي وتمر وحده من الماصلات فيصل: آه يمه قلبي احس السما تحتي والارض من فوق
البنت:هههههههههه يااي يكسر الخاتر
خويتها:والله انو جونآن يهبل يابت
طبعا نايف ماعنده هالحركات لانه بدوي بحت طبعا احمد تدارك الموضوع: معليه نايف هالسلنتح راعي بنات لاوحظه مع العبدات ضارب انا اقول لويترك عنه هالحركات يسير اطلق واحد من بعدي
فيصل رجعلهم : خخخخخ شف الدلخه عطتني رقمها تقول تبي تدق دق المغرب بالليل موفاضيه شكلها من عرس لعرس تطق هعهاااااااع
احمد:ياشيخ فكنا من هالسوالف خلنا نربض بكوفي احس اننا مشردين من مكان لمكان يللا جلسنا
نايف:لااسمحلي ياخوي انا بروح الوالد يبيني بالشركه ضروري
احمد :اوكي معذور وسلملنا عالوالد بحفظ الرحمن
طبعا راح نايف وبدى الحش
فيصل:وع ياهو ثقيل دم
احمد :حرام عليك وبعدين حركاتك ذي خلها وحنا مع بعض لاتفشلني قادم اخوياي
فيصل:ياشيخ اقول مناك لايكثر لا ويحسب نفسه مزيون هو وهالخشه قسم بالله انه شبه نعومي كامبل<<عارضة ازياء خخخخخخ
احمد :حرام عليك استغفر ربك
فيصل: استغفر<<وهنا تمر وحده ويرفع صوته الله
البنت بصوت رجولي: وجع ضمخت اذني ياجعلك الساحق الماحق والمرض المتلاحق
فيصل :بل بل ياشيخ هذي بنت ولا ولد
احمد:تستاهل ماجاك, وبعدين هذي بنت متورعه يعني بالعربي بويه اختي تسولفلي عن هالاشكال
فيصل : هاا بويه طيب ,اقول خلنا نرجع المنزل اصرف
احمد:المنزل خخخخخخ بايخه يللا مشينا
في الشركه عند ابوفيصل:
ابوفيصل:هلا والله منصور
ابوخالد:هلابك يااخوي ياعزوتي<<ايه صح واضح
ابوفيصل:منصور قلت لفايز على موضوع بناته
ابوخالد:ايه نعم قلتله
ابوفيصل:ابيك تشوفله الفله اللي جمبنا بشتريها له
ابوخالد:بس هوماراح يوافق
ابوفيصل :الا يوافق ونص بعد الناس بدوو يدرون عن القطيعه اللي بيننا وبعدين العجوز دايم تدق صكت راسي ابي وليدي فايز ابي وليدي فايزوبعدين انا احتاج فايز جمبي عشان الصفقات الكبرى لازم يشوفونه قريب مني فهمت علي
ابوخالد:والله هذي مهمه صعبه شلون اقوله ينتقل من بيته وخصوصا ان انت اللي بتشتريه له
ابوفيصل:ماعليك سوو اللي اقولك عليه
بيت ابو خالد
ميرهان بالغرفه تكلم جوال وتصيح: فواز انا اكره اختي دوم تحسسني بالنقص تقولي انتي موحلوه شكلك يجيب اللوعه
فواز:انا ماشفتك بس ادري انك قمر واحلى وحده بالدنيا كلها<<انواع النصب
ميرهان :طيب وش يثبتلي اني حلوه؟!<<الثقه معدومه منتهيه
فواز لعب براسه الشيطان: انا متأكد انك حلوه وتحمست اشوفك امم ميما وش رايك ترسلين لي صوره لك صراحه على وصفك احسك ملكة جمال<<لاوانت الصادق ملكة خبال
ميرهان:لامقدر
فواز:عشان اقولك اذا حلوه ولا لا , شكلك خايفه صح انا ماراح اسويلك شي ولا راح اضرك وانتي ادرى بهالشي خصوصا واني احبك واموت فيك وبالنسبه لي انتي كل دنيتي
ميرهان:من جد يافواز
فواز: من جدين ياعيوني فواز
ميرهان:خلاص انا موافقه اصلا انا مقدر ارفضلك طلب
فجأه يدق الباب ميرهان :يللا فواز انا بسكر الباب يدق باي
ميرهان :تفضل
طلع خالد:هلا ميما اخبارك؟
ميرهان :الحمد لله بخير
خالد:يوه ميما شبلا خشمك احمر
ميرهان :لاابد سلامتك مزكومه
خالد:اهاا طيب سلامتك ماتشوفين شر انا الحين رايح النادي تآمرينيي بشي؟؟
ميرهان:لاسلامتك يالغالي
وسكر الباب وراح
ميرهان:ياليت كل الناس مثلك ياخالد الله يرزقك ببنت الحلال اللي تحبك وتهتم فيك
بمكتب ابوفارس
دق الجوال تني نيني تني نينيني<<نغمة نوكيا
طالع ابو فارس رقم غريب:يوه بعد ارقام غريبه بناتي وبنقلهم شيبون الناس مني
ابوفارس:الووووووو
ابوخالد:الوالسلام عليكم ابوفارس؟
ابوفيصل:وعليكم السلام ,ايه معك يالطيب
ابوخالد:عرفتني يااخوي<<يسأل اخوه
ابو فارس:لاوالله العذر والسموحه
ابوخالد:انا اخوك منصور جبت رقمك من الاستعلامات <<صريح
ابو فارس دمعت عيونه: اخوي منصور هلا ومية مسهلا اخوي يكلمني ومااعرفه واخزيااه
ابوخالد:معذور ياخوي 13 سنه موهينه اللي يسامح اللي كان السبب<<يقصد عبدالعزيز
عموما يااخوي اكيد فارس قالك عن انه يبي بناتك ينقلون لمدارس اهليه عشان سمعتنا؟؟
ابوفارس تكدر:ايه قالي
ابوخالد باءحراج :ويقول انه يبيك توقع له كم معامله عشان يووريها للكباريه اللي كانو يشتغلون مع ابوي وانت كنت معه لان التجار يثقون فيك لان تعاملك مع الصفقات مثل تعامل ابوي الله يرحمه
ابوفارس بطيب نفس:اذا كان هالشي في صالحه ماعندي مانع
ابوخالد :وبعد ترانا بنشتري لك البيت للي جمبنا توه بينبني نبيك تسكن جمبنا عشان عيال عمي اللي ماشفناهم زمان بيجونا بعد فتره ....ومانبيهم يحسون بالقطاعه ..والفلوس لاتشيل همها احنا بنوقف معك
ابوفارس عوره قلبه:لا يااخوي ابيع بيتنا والباقي خله على ربك الله يعوضنا خير
ابوخالد:يللا يااخوي ماطول عليك مع السلامه
ابوفارس:في حفظ الرحمن
بعدها كلم ابوفارس ولده فارس وقاله عالموضوع زاد حقد على عمه وعيالهم اللي حتى مايذكر اشكالهم
بعدها البنات رجعو من السوق
سيلين :هاي مام<مقدر عالعنقليزي<<توها تعلمتها خخخخ
ام فارس بلهجه كويتيه:هلا ببنيتي حشاشة يوفي
ساره:احلا يما هذا تأثير المسلسلات الكويتيه
لارا بتقليد اطفال:ماما صج ابوي شكاان يبي فيييج؟؟<<هذي البحرينيه وصلت
ام فارس:يوووه نسيت بسرررعه روحو له يبيكم مسوي اجتماع عائلي بس تدرون شكل ابوكم مايطمن وبالطريق نادو معكم نادر
سيلين:موقلتلكم اني حاسه بضيق الله يستر
ساره:يللا مشينا خل ننادي ندوور

[دمعة إح ـساس]

بالمكتب عند ابوفارس مضطرب مايدري وش يقول لبناته وولده ولامن وين يبدى
ابوفارس:هلا ببناتي الغاليات وبولدي
الكل:هلابك يباا
ابوفارس:اسمعوا ياعيال انتوا خلاص ماشاء الله كبرتوا الحين صرتو حريم وانت رجال يعتمد عليكم انا بقولكم كلام ابيكم تسمعونه وتفهمونه زين وتتفهمون الوضع
سيلين:قوول يبا خوفتنا
ابوفارس:احنا بننقل من هالبيت وبنسكن بفله كبيره
ساره:الله وناااااااااااسه صدق يبا يعني خلاص بفتك من سيلين بتصير لي غرفه باالحالي؟!
ابوفارس:ايه صبر خلوني اكمل
لارا:وجعه خلو بابا يكمل
ساره:وجعه بوجهك عشتوو
ام فارس:عيب عليكم ابوكم هنا وهذي سواتكم
ابوفارس:المهم ترانا بنسكن جمب اعمامكم!!
سيلين&ساره:لااااااااااااا
ابوفارس:استحي انت وياها على وجيهكم هذول اعمامكم دوم يسألون عنكم<<ايه هين
\\\\بعد (file://////%D8%A8%D8%B9%D8%AF) شهر راح ننقل استعدوا وراح تنقلون لاحسن المدارس
ساره بوناسه:الله فللللللله عااشو عاشو
سيلين:لاموحلوو يبا ..وبعدين لاتنسى ان مابقى للامتحانات شي
ابوفارس:عارف ياببنتي تختبرون بمدارسكم الجديده
سيلين بحزن:طيب وصديقاااتي؟؟
ابوفارس بحنان:معليه يابنتي هذي حال الدنيا مانقلنا الحين بننقل بعدين<<يخفف عليها
انا كنت ماابي اقولكم عشان ماتحنون علي ويحز بخاطري بس مجبور ابوكم ...وبعدين لاتنسون ان بهالدنيا ممكن تفارق ناس تحبهم كثييير وترجعوون لبعض مثلي انا واخواني بعد 15 سنه رجعنا وصديقاتكم كل اسبوع انا اوديكم لهم
سيلين حاسه بأبوها ماتبي تضغط عليه:اللي تشووفه يبا
ابوفارس بفخر بعياله:والنعم فيكم انتوا سندي بهالدنيا الله يفرحني فيكم ويجعلني اشووف عيال عيالكم
الكل:آمين
ابوفارس:الا شفيك ياام فارس ماقلتي ولاكلمه؟؟
ام فارس:قاعده اتأمل طيبة قلبك ومثاليتك اللي محد وصلها
ابوفارس:ياعيني عليكي ..طيب يالغاليه انتي موافقه لانك ترى اهم وحده
سيلين:احم احم نحنو هونااا
الكل:ههههههه
ام فارس:الشور شورك يابوفارس انت تفصل واحنا نلبس
ابوفارس:اجل على بركة الله..تجهزو من هاللحظه لاتتعبون امكم ..والاسبوع الجاي باءذن الله راح اوديكم تشوفون الفله بس بالاول نقول لابوخالد
ساره:مين ابوخالد المقاول<<برآآ
ابوفارس فيه الضحكه:لايابنيتي هذا عمك خلف الله عليك بس
سيلين:خخخخخخ حلوه المقاول ...بعذرنا مانعرفهم ...يللا ياشابات والشب الواحد مشينا
وهم طالعين
نادر:سيلين
سيلين:آمر عنون نونا
نادر:ابيك بموضوع
سيلين:خير وشو قول ياحيي
نادر:انتي موافقه عالموضوع اللي قاله ابوي؟؟
سيلين:شوف يانادر ..زين من ابوي خذ1 براينا بعدين ابوي مسكين وحنا لازم نوقف معه ولانرده مهما كانت ضغوطاته أي شي في راحه لامي وابوي ماعندي مانع اني اسويه
نادر:تدرين ياسيلين كل يوم اكتشف فيك اشيا حلو واحبك اكثرر
سيلين:ياااقلبي انا اللي اموووووووت فيك
ساره طابه عليهم:وجع انت وياها بسكم حركتات رومانصيه
سيلين تخزها:بالاول انطقي صح ياثوره
لارا:يللا الحين اجيكم ...اممم احد ناداني<<هذي القطه بعينها وعلمها
ساره:هذي وش موقعها منالاعراب؟؟
سيلين:منصووبه بالغباء
ساره :بقوووه ..ماعلينا منها ..نونا وناااااااسه بنسكن بفلللله ونااااسه
سيلين :وش فايدة الفله وقلوبهم شايله على ابوي
ساره :منهم؟؟
سيلين:اخوان ابوي
ساره:حرام عليك تظلمينهم
سيلين:اظلمهم؟؟ ههه وربي انك مسخره ...تقدرين تقولين لي ليه هم يبونا نجي عندهم وننقل لمدارس اهليه؟؟
ساره:لا
سيلين:انا اقولك كل همهم ان اسمهم مايطيح بالقاااع ..لان احنا حالنا عادي موقد المقااام ..يااختي صدقيني بهالدنيا محد يفكر بالثااني هذوول اخوان ابوك اكبر دليل..لكن صدقيني والله لااطلعه من عيونهم ومااكون سيلين بنت ابوي ولاهالشماغ على بنت ان ماعلمتهم شغلهم
ساره:والله انا قمت اشك انك الرجال ونادر البنيه مابقى الا تقولين احلق شنبي
سيلين فيها الصيحه ودموعها نزلو<<ماتتفاهم هالدموع:من هم عشان يخربون علينا؟؟!!
حرموني من صديقاتي وكل شي بحياتي بهالنقل
ساره كسرت خاطرها قامت ضمتها:سيلين هدي مايسوىتسوين بنفسك كذ1
سيلين حست انها خربت الجو قالت اعدله وبصوت نشازي متعمد:والله مايسوىاعيش الدنياا دوونك ياسوويره
ساره:وجععععععع نونا عدلي صوتك وربي حلوووو
سيلين:يالبيييه وربي اني احبك طيب ولا يهمك
احم:والله مايسوى اعيش الدنيا دونك لاولا تسوى حياتي بهالوجود دامك انتى اللي رحلت وكيف با اصبر عالبعاد وكيف بنثر هالورود
ساره:ألله صووتك خقق
سيلين:احم احم ادري ..عموما الايام جايه وخبرهم بجيبه
خلص البارت

[دمعة إح ـساس]

Part 3




بيت ابوفيصل على سفرة الغدا

ابوفيصل:اقول ياعيال

العيال :سم يبا

ام فيصل:آمرنا يالغالي

ابوفيصل:الظاهر اني قلت العيال

فيصل:وهي امهم <<تعجبني

ابوفيصل:ألمهم ..ترى عمكم فايز بيجي يسكن عندنا قريب ..وهو عنده عيال بيدرسون بمدرستك يامنال عاد ابيك تضبطينهم مانبي نتفشل قدام الناس

منال:بس هم بنات اكيد لهم بالكشخه..عاد واااي ونااااسه بيصيرعندي بنااات عم ويدرسوون معي احلى شي انهم بنات

ام فيصل:لاموبس عنده بنات عنده ولد كبير اسمه فارس وولد كبر سعيد اسمه نادر

ابوفيصل:لأاماشاء الله حافظه تاريخ العائله الكريمه...وبعدين قلتي عنده ولد كبر سعيد لاحوول لازم ننقله هو الاخر لمدرستك

سعيد بوناسه:هياا بيجي عندنا ولد عمي

منال تقلد:هياوناسه <<مقدر حليمه بولند

سعيد:لبى حليمه

ابوفيصل:سعيييد احترم نفسك عيب عليك قدام ابوك هالكلام


سعيد:آسف يبا

منال:خخخخخخخخخ<<طبعا سعيد عطاها هذيك النظرات توعدها تدري لاجاب طاري حليمه يخورالولد


فيصل"متى بيجون يبا؟؟

ابوفيصل:مدري اظن الاسبوع الجاي..المهم اني قلتلكم وسويت اللي علي لااحد يقول ماقلت له...يلا ام فيصل اناطالع انا عالعصر صحيني

ام فيصل:سم يبو فيصل

فيصل:يما

ام فيصل:هلا يما

فيصل:امم الا فارس موكبري؟؟

ام فيصل:لاوين كبرك هو بالعشرينات جامعي

فيصل:اهااا





في جهه اخرى عند ابوفارس بالغرفه

ابوفارس:تدرين موزه والله موهين علي انقل عيالك من مدارسهم بس وش اسوي خصوصا بنتك سيلين احسها مومقتنعه من اخوانها

ام فارس:معليه يابوفارس لاتكدر عمرك ..مرات الواحد لازم يطيع اللي اكبر منه خصوصا لاكانو امه وابوه لانهم ادرى بمصلحته

ابوفارس بضيق:وانتي بعد ياام فارس بتتركين جيرانك اللي تصبحين وتمسين معهم عشاني وعشان اخواني

ام فارس:انا يوم تزوجتك تركت اهلي وخلاني اللي عشت معهم عمري كله..ماتبيني اترك جيراني اللي لي معهم 13 سنه وبعدين انت مومقصر معي كل مابغيت ازورهم بتخليني

ابوفارس:اكييد ياموزه..عاد تدرين خايف البنات مايتأقلمون مع المدرسه آآه ...يللا تصبحين على خير

ام فارس:وانت من اهله<<طبعا لاامهم ولا ابوهم نامو كانو يفكرون بعيالهم ومصيرهم


نروح عند البنات اللي بكرا دوامهم اول يوم مدرسه

ساره:اقول نونا وش احلى الجكيت الاسود ولا الثاني الوردي

سيلين:انا اشوف الاسود لانه واسع ..شفت جانيت جاكسون لابسه مثله وترقص فيه بكليبها

ساره:دام السالفه فيها عبدهـاجل هونت


سيلين:والله انك فااضيه جكيت وتنووره...وربي خايفه من بكرا احس اني مشوشه من التفكير

ساره بغباء:من ذو ابطي وانتي مشوووهه

سيلين:قلت مشوشه يااضمخاا

ساره:اها ويت اصلح الارسال حقي<<تقلد 37 هع

سيلين:كاااااك هذي نكته ولا سكته انطمي ابرك....عاد تدرين الحين قاعده اتخيل بنات الياااااي بكرا ياكثرهم بالمدارس الاهليه<<بنات الياي(هم الشله اللي مايعرفون الا اللون البينك وغالبا يكونون 3 شريرات مثل اللي نشوفهم بالافلام ولايخلو فلم منهم هع)

سارا تفكيرها راح بعيد:ماعليك من بكرا نخاوي عبداات المدرسه

سيلين:هاهاهاااي..وانتي على بالك بنلاقي مثل ترفه وعزلا وشهلا وعبيديه لاياعيوني هذول كاملا كاميليا بنت الشوكلت ولا الثانيه ديور بنت قوتشي بنت شوكولاين آل فيرساتشي
مااقول الا قول الشاعر الا ليت الشباب يعود يوما لكنت اول شائبٌ<<مع مراعاة التنوين

ساره:بربك ذا اللي يقوله الشااعرر..انا اقول لواحمد شوقي عايش طالب باءعدامك

سيلين:وانا من جدك بحفظ ابيات شعر اقول يازين براشيمك يامعجبه<<لاتركزون بالاسم ولاتخقون

راحت علينا هذول براشيمهم من حرير مرصع بالكريستالات


ساره عيونها تسكر وتفتح:اقوول خلاص فيني النوم تصبحين على خير

سيلين:وانتي من اهله <<طبعا تسوي نفسها نايمه كذا احنا قبل المدرسه بيوم انواع القلق مااننام لانه اول يوم نحاتي نبي انا وصديقاتي بفصل فما بالكم لي اول يوم بمدرسه جديده؟؟

نرووح لمنال<<متحمسه بتشوف بنات عمها


منال:يووه البس هذا ولاهذا؟؟

فيصل:اقول منال اخلصي

منال:موعارفه وش البس جكيتي هذا احلى ولا ذاك

فيصل:ألبسي جكيتك الابيض والازرق حلوو عليك

منال:والله ...اجل خلاص بلبسه وجاايه

الاويجيها سعيد

سعيد:مناال ابي كاسيت راشد الجديد

منال بكذب:ماعندي

سعيد:نصااابه طلعيه بالطيب لاني ادل مكانه

منال:سوري نو

سعيد ماله بالانجليزي:بلا سوري بلا بدوي بلانو قو ... راح فتح درجها واخذ منه الكاسيت

كانت لافه جزء من شعره وباقي جزء شافته اخذه الاوتلحقه بس وين سعيد رااااح بمسافة 6امتار وتوها تحس عليه خخخخ منال بالشكل التحيف:يااكلبببب انا اوريك الا هالكاسيت والله لااطلعه من تحت اكتافك<<مقدر عالتعبير الغير مبااشر

بعدها لبست العبايه ونزلت



اول يوم للمدرسه بالنسبه لسارا وسيلين


من اصعب الايام عالطالب والطالبه هو اول يوم دراسي لما يحمل فيه من القرف والاشمئزاز والنوم بالحصص خوصا لوكانت مدرسه جديده ...ناهيكم عن النظرات مابين الخز والقز يفتح الله...ونظرات استنكاريه بحته


بالسياره ابوفارس:نادر يبا بوصل خواتك اول


نادر:زين يبا

ابو فارس:والنعم فيك رجال ولد ابوك

ساره:لاوالله بعد زين يقال كلمتك هي الليي بتمشي


نادر:اجل يبا وصلنا انا اول

سيلين:لاوالله هي لعبه مره انتوا اول مره انا اول

نادر:خلاص خلاص هم اول

لارا:<<نايمه


سيلين قلبت عليها بطنها:سويره احس اني بطرش<<الله يكرم السامعين<<ترى ماهو بحامل لاتطيرون لبعيد هونكم

ساره بخووف:يباا وقف شوي سيلين بتطرش


ابوفارس:أسم الله عليك يابنتي

نزل ابوها للبقاله جابلها شي تآكله وجاب لها سفن آب تعرفون زين للي يحس بلووعه <<قلبنا نصائح طبيه

ابوفارس:ها يمه الحين احسن؟؟

سيلين:ايهه يبا مشكور ماعليك مني امشي خلاص


ابوفارس:متأكده؟؟

سيلين:ايه متأكده

ابوفارس:اجل مشينا...راحو لمدرستهم كانت مومدرسه قلة حيا كبييييره وشكلها خيااال

ابوفارس:سارا قومي اختك وانزلو ..وانتي سيلين لاتنزلين ابيك شوي

[دمعة إح ـساس]

مابقى الا ابوفارس ونادر وسيلين



لف ابوفارس وبحنيه:يما سيلين والله مايسوىتسوين بنفسك كذا ..صدقيني رح تستانسين وبترجعين مبسووطه وسمعت

ان مدرستكم تعلّم الرقص اللي تحبينه



سيلين قالت يللا خلني اسوي نفسي متحمسه:والله وناسه اجل انا نازله بروح ارقص...احم اقصد ادرس بااااي





ابو فارس..طيب انزلي وانتبهي لنفسك



سيلين دخلت لمدرسه تدور اختها سارا :وجع وين راحو؟

الله يقلعك ياسويره قايله لها تنتظرني



ابله ناديا:انتي مين؟؟



سيلين :سوسن امين خخخ....بسم الله علينا خوفتيني من وين طلعتي؟؟



ابله ناديا:ماتكتريش كلام اسمك ايه؟؟



سيلين:أسمي اممممم نسيت لاني مآكله فول عالصبحيه وفحل بصل



ابله ناديا:بتتريائي امشي معايا للاداره حالا



سيلين:لاحوول موكفايه اني اشوف الدنيا اثنين



ابله ناديا:انتي مسطووله؟؟



سيلين:لاشاربه بيرا من دون كحوول...لاحول الحين انتي المديره؟؟



ابله ناديا:لاآالمرشده الطلابيه



سيلين:حلووو اجل ارشدينا حضرتك لفصلي



ابله ناديا:انتي سنه كام؟؟



سيلين :كام ولا لاب هع ...امزح امزح ..ام انا 2ثنوي علمي



ابله ناديا:اتفضلي من الحته دي<<شغل صعيدي ميه ميه



سيلين:أي حته.؟؟ موشايفه مدرستكم كلها حتت



ابله ناديا:من هنا وبطلي طولة اللسان دي



دخلت سيلين للفصل وكانت تدور على كرسي لهاورى بس مالقت اول مادخلت كانو البنات يطالعونها من فوق لتحت<<يسوون سكان للجهاز اقصد لها خخ



سيلين:ابله!!



ابله ناديا:يانهار مش هايعدي على خير عاوزه ايه؟؟



سيلين:عاوزه كرسي يظفني ورى ماابي قدام



ابله ناديا:بصي يابت مافيش الا الكرسي داه عقبك الحمدلله ماعقبكيش اتفضلي معايا لابله هيا



سيلين:لاحووول خلاص بجلس..أعمل ايه في المصيبه السودا دي



كل البنات :هههههههههههههه



راحت للكرسي الفاضي قدام وكانت جالسه جمبها بويه<<لحظه لحظه خلوني اعرفكم بمصطلح البويه(هي الفتاه اللي تقلب بنفسها لين ماتصير شبيهه بالولد يعني تتجرد من كامل انوثتها ستايلهم ولاادي بحت مايشترون الا من سام6<<برآآ

وناشبين للبنات الحلوات<<انتوا ادرى يابنات

البارتات جايه تعرفنا عليهم



حلا البويه:هلا بالعيون الخضر اللي فتنني من اول قزّه<<هذي لوقدامي اقرب زنوبه





سيلين عندها خبره بالتعامل مع هالاشكال تضخم صوتها:حلفتك بربك ياشيخه حركاتك ذي وفريها لغيري



حلا:ول عليك شهالاسلوب صوتش تقول كنه ولد



سيلين:وانتي شعليك؟؟



حلا تغمز لها:اقول ماتعرفنا عالحلوين





سيلين:أسمي نونا ارتحتي





حلا:احلا نونا ياعوومري انا عالدلع ارووح ملح اغدي كشنه ...الا تعالي بسألك انتي مشبكه؟؟<<مشبكه=يعني عندك بنت تحبينها وتحبك تكلمك وتكلمينها وتتبادلون كلام الغزل والشوق<<اقولكم الدنيا انخربت<<وهذا مايفعله البويات يوميا <<منصب تراه





سيلين تبي تريح راسها:أيه ..تبين رقمها؟؟



حلا:حسااااافه كنت ابي اشبك معك



سيلين:على 110 ولا 220؟



حلا:خخخخخخ حلوه بس لاتعيدينها



سيلين ":اقول انتي هييه





حلا:أسمي ..ولا اقولك مولازم اسمي المهم ينادوني فاارس



<<لكل بويه اسم ولد تشتهر به على مستوى المنطقه ..لتهايط به امام البنات النعوومات<<ماشاء لله صيتها واصل لليابان





سيلين :اللي هو ...يوم دققت لا وبعد اسمها فارس على اخوي...:تعرف يافارس وحده اسمها منال آل سعدي؟؟<<اهم شي هذا اللي يبونه تعاملونهم كأنهم عيال





حلا:ايه هذيك<<أشرت لها على وحده توها جايه تعرفون بنات عز لويجونك نهاية الدوام ماقالو شي



سيلين بقلبها:يااي شكلها ناايس مررره وتدنن



حلا:لييه ناويه تشبكين



سيلين تخزها:كلن يرى الناس بعين تشبيكه





حلا:وربي انش شي خطييير....بس تدرين مااقدر اشبك معش لان الظاهر ماعندش هالحركات نخيتش شبكيني مع وحده قطعه



سيين كانت بتسوي لها محاظره بس هونت:اقول ياليل جولييت الكلام معك مايخلص





دخلت عليهم ابله الفيزيا بدره<<يمديكم عالاسم؟؟



السلام <<باغيه الاجر عشره ياختي كملي وش بينقصك؟؟



البنات :اللي هلا اللي هاي واللي ارحبووو واللي ماترد واللي تشاخر<<الشخير من اهم الردود





ابله بدره:شنو هذا لازم الرد يكون بوعليكم <<ماتبيهم ياخذون اجر اكثر منها لاحوول تسمع بالمساواه



البنات:أنشاء الله ابله



سيلين مو حولهم كانت تكتب اشعار على طاولتها من اللي يطري ببالها نسيت اقولكم انها شاعره من الطراز الحديث



الابله كان سحابها مفتوح حق التنوره والبنات يضحكون وسيلين مستغربه:فاارس فاارس



حلا المدعاه بفارس:لبيه يالبيه روحي تلبي





سيلين:لايكثر....الا شفيكم ميتين ضحك



حلا:ابد سحاب الابله مفتوح(سحّاب)



سيلين:طيب وين المشكله روحو قولولها



حلا:لا انتي قوليلها ...اتحدداااااااااااااش تقولين



سيلين فزت من كلمة اتحداك تستفزها:لاتتحدين



شوي الابله تشرح سلين تقاطعها :ابله!!



ابله بدره/ناعاااام ..موانتي الطالبه اليديده شفييييييييج؟<<لازم تمطط بالحكي



منال عرفت انها بنت عمها لفت عليها وابتسمت



سيلين:ايه



الابله:طيب شتمبين؟؟



سيلين:ابله سحابك مفتووح



هنا البنات ماتو ضحك:هههههههههههههههه وربي هالبنت جريئه



منال:بالعكس ليه جريئه المفروض حنا نقولها حرام نضحك



الابله <لاتعليق هع



سيلين تهون الموقف:وش اللي يضحك الحين؟؟.....كلنا ننسى سحاباتنا احيانا مفتوحه مافي شي يضحك وانا اولكم بعد<<هنا الكل ساكت



وحده تذكر موقف:ايه يابنات انا اذكر مره رحت اسلم على خالي وسحابي مفتووح الا شوي يقولي سكري البقاله وانا مافهمت الا بعدين



البنات :ههههههههههههههه<<ونسوا الابله



الابله :بنااات خلااااص وقفوو حجي ...وماشكووره ياطالبه يايديده<<امووت ببدره ياناس

[دمعة إح ـساس]

اما عند سعيد &عندنان

سعيد:تدري اليوم بيجي ولد عمي هنا انواع الفله

عدنان:جد الا وش اسمه؟؟

سعيد توهق:امممم ..ياربي وش اسمه

عدنان:هههههههه ماتعرف اسم ولد عمك؟؟


سعيد بترقيعه:الا محمد على مااظن

عدنان:اهااا الله يحييه اجل

الاستاذ:اللي ورى عدنان وسعيد بسكم كلام هذا آخر انذار

وبدل هالكلام رحبوا بصديقكم الجديد نادر

سعيد بقلبه وش هالورطه اسمه ناادر

عدنان :اسمه محمد هاااا

سعيد:انا قلتلك نادر بس ماسمعت<<بكش عيني عينك

عدنان:ايه صح<<بعدها تعرفوا عليه ولعبوا مع بعض ودخل جو معهم

نرجع للبنات الحصه الثالثه فراغ لان الابله كانت غايبه

سيلين راحت سلمت على بنت عمها منال وضمتها

منال:ياربي موقادره اصدق انك بنت عمي اسم الله عليك قمر

سيلين:والله انتي القمر والشمس والنجووم يالبى قليبك

البنات <<مصدوماات وش عندهم هذول اول مره يشوفون بعض؟؟

سيلين:وش بكم تطالعون فينا كذا وحده قاعده تسلم على بنت عمها اللي ماشافتها من زمااان لاننا كنا مسافرين لكندا<<يمديكم على الرزه يقالها تضبط برستيجها

البنات سمعوا فيها كندا:يااي حلوو كندا مررر حلووه


سيلين توشوش منال:اعجبك بالترقيع

منال:هههههه ايه وربي انك خطيره

سيلين:خطييره اجل ممنوع الاقتراب هع هع

سعاد :منووول ممكن شوي ابيك بسالفه....العذر والسموحه

سيلين:لالالا عاادي خوذي راحتك انا رايحه اجلس جمب فارس

الكل:هههههههههههههههههه

راحت جلست بكرسيها شوي الا تسمع وحده تصيح لفت عليها:بنت بنت شفيك تصيحين؟؟ <<مافي رد
مره ثانيه يقالها ماسمعت:بنت بنت شفيك تصيحين؟؟<<ماتسمع الا شهاق

حلا:هذي اسمها هنوف تلقين واحد من الربع مزعلها كالعاده


هنوف للحين في نوبة بكاء عميق


سيلين بفزعه:هنوف كلميني قوليلي شفيك ...اذا كان تبيني اتفااهم مع هالورع واغسل شراعه ماعندي مشكله

هنوف بصوت متقطع:هوو هوو يقول انه <<ويروح الصوت ويرجع ....انه يحبني والحين يكلم غيري و الله حرااام ظلم هذ111

سيلين:وانت من جدك تآمنين لرجال ...كم مره اقولكم الرجال مالهم امان

هنوف:وش اسوي حبيته....اصلامابيننا وبينهم الا سور<<هذا اللي بيخرب مجتمعنا التفتح خخخ


سيلين لعب الشيطان براسها وبهياط:حلووو ..تبيني اروح اتفاهم معه

حلا:هههههههه حلووه اتحدااااااك تسوينها

سيلين سمعت كلمة اتحداك فزت: قومي انتي وياها وروني وين هالسور؟؟


حلا:من جدك؟؟

سيلين:لامن جدتي حفصه ....امشو وسحبت هنوف


راحو للسور اللي فيه فتحات وهو الجدار الفاصل بين مدرسة البنات ومدرسة العيال ..طبعا البنات كانو متجمعين عند هالسور تقل سور الصين العظيم ....ومنظرهم حشوود تقل حجاج عمرهم ماشافو خير


حلا:شووفي نونا هذاك ابو تيشيرت الارجنتين مايعطي احد وجه

سيلين مومعها لانها قاعده تركز بالخشوش لان نظرها ضعيف شوي :وانتي شدراك؟؟

حلا:من البنات اللي اشبك معهم يقولون لي..هواصلا من عائله معروفه من عائلة آل سعدي عشان كذا مايعطينا وجه

سيلين موحولها بعالم ثاني:اهاااا

شوي الاتصحصح :وشوو وش قلتي؟؟

حلا:من عائلة آل سعدي

سيلين :طيب شسمه؟؟

حلا:اسمه احمد منصور آل سعدي

سيلين بقلبها:يووه هذا ولد عمي منصور والله ماعليه خقق


هنوف تقاطع عليهم:شوفي هذا فيصل اللي اقولك عليه يا..... الا تعالي ماعرفت وش اسمك

سيلين:نونا

هنوف:ياي حلو اسمك ....ايه شوفيه هذاك اللي هناك

طبعا كانو في اثنين وسيلين يالله تشووف :أي واااحد

هنوف:اللي عاليمين<<هنا كل البنات راحو لان ابله ناديا جات وانحاشو



سيلين وهي تطالع بالملعب:هنوف هنوف هذاك مو؟؟اللي عاليمين صح ...شوي الا تلف وتلقى ابله ناديا هنا وجهها انقلب 600 لون

ابله ناديا بعصبيه:ايه قلِت الادب دي ماكملتيش يوم ودي عمايلك اومال لوكملتي سنه حتخربي بناتنا اتفضلي المرا دي معايا حالا للاداره

سيلين:هي خاربه خاربه خلونا نعميها...على قولة الشاعر اذا ماعشت اليوم بدجه تعيش بكرا برجه<<هذا من أي ديوان جبتيه؟؟

ابله ناديا:امشي قاتك نيله

المديره:ناديا خير شفيج جايه معصبه ومن هذي البنت؟؟

ابله ناديا:دي بنت أليلة ادب عمّال تأزأز لناحية مدرسة الاولاد<<تأزأز=تقزقز <<بس بالمصري


المديره هيا:شسمك؟؟

سيلين بفخر:اسمي سيلين آل سعدي

ابله هيا:اهاا دام كذا روحي لفصلك وانتي ابله ناديا اتركي البنت بحالها تبين تضيعين رزقنا<<طبعا هذا مفهوم التعامل عند الناس عندك فلوس بتمشي ماعندك فلوس كل خياااااااااااااااااااااااااااار


ابله ناديا:آآه ياعنيا تعالي معايا عاوزاني اوصلك فصلك<<بدينا بالتمصلح


سيلين:لامشكوره ادل الدرب<<وهي بالطريق كانت تفكر الحين حلا تحدتني وشلون انفذ هالتحدي ؟؟
ايوووووه لقيتها مالي غير اني البس ثووب واتعلم من حلا حركات العيال واروح اشرشحه والعن ابوخامسه<<ايه هين ....تذكرت فيلم she is the man هع <<بس وربي خطيير<<متأثره بالفلم....وبطريقها لقت اختها ساره مع صديقاتها الجديدات وسلمت عليهم وطقوها سوالف وكمل اليوم عادي وتأقلمت مع الوضع خصوصا وان سيلين مهبووله مرجووجه تمووون على طوول عالناااس


خلص الباارت




ابي توقعآآتكم............

هل رآح تنفّذ سيلين التحدي اولا؟؟

مين ياترى هالولد .؟؟ هل راح يكون له تأثير بحياتها؟؟


<<كل الاحداث القويه راح تكون بالبارتات الجايه



ابشركم الروايه كامله



لكم ودي

[رهووفا]

يسلمووو

والروااايه فعلاًرهييبه

:d

[دمعة إح ـساس]

منووورة غلاتي

مشكووره على المرور

والله انتي بمروورك هذا صرتي رهيييبه ^^

[دمعة إح ـساس]

يلا وين الردود ...؟

بس رهووفا اللي تقراء .؟

[دمعة إح ـساس]

افاا عليكم

وانا اقول انزلها هوون عشاان شفت تفاااعل منكم في الروايات الثاااني

بس في النهايه ماشفت ولا رد غير حق رهووفا جزاها الله خير

بس انا زعلانه منكم

[عبادي الحربي]

مشكووره

مشاء الله الرواية مره حلووه

اعجبني الولد الي ساعد سيلين وربي شجاع:sentimental:

[silent flower]

مشكوووووووووره

قصه روعههههههههه

يسلمووووووووووو