عرض كامل الموضوع : رواية أحضنيني بقوة
Angel 1118
31-10-2010, 20:17
السلام عليكم ورحمة الله وبركاته
_مقدمه_
الحب كلمه صادقه لا نستطيع الكذب فيها مهما حاولنا
ولا نستطيع انكارها بكبرياء جروحنا مهما طال الوقت
نسجت روايتي من واقعية الخيال وخيال الواقع
ومن بين نرجسية الحب وظلم الحبيب
هكذا هي الحياه عندما تقسوا على انسان
وتجعل كبرياء جروحه مرا" يحتسيه
.................................................. ........
امممم>>خلوني اعرفكم ع الشخصيات شوي
الجده أم عبدالرحمن
وعيالها هم
ابو رائد وهو اكبر اخوانه وزوجته ام رائد وعيالهم
رائد الكبير وعمره 28,,وطلال عمره 24,,ورغد عمرها21
ابو زياد وام زياد وعيالهم
زياد وعمره27 وملاك عمرها20
ابو معتز وام معتز
وعيالهم معتز 27 وريما20
العمه رهام
وبنتها لمى عمرها 19
العمه عليا وهي متوفيه هي وزوجها وعندهم
فواز28 وهشام24 وشوق22
العمه هيفاء
وعيالها تركي24 ولينا 21
والعمات الصغار مو متزوجات هديل وعمرها 28 وغيدا وعمرها27
وعن وضع العايله كانوا مسوين سور كبير وبوسطه 7 فلل يعني تقدرون تقولون انهم ساكنين مع بعض بس كل واحد بفلته
.................................................. ....
Angel 1118
31-10-2010, 20:19
البارت الاول..
في احد احياء السعوديه الراقيه في فله احد عوائلها الكبيره عند فلة ابو رائد بالتحديد
ملاك:اقول بنات عااد بكرا العيد ونبي ننام هالمره مو نواصل مثل كل سنه وننام فالنهار ويفوتنا كل شي
رغد: اي والله تكفون خلونا ننام
لينا:اقول لايكثر انتي وياها بس كل عيد تعيدون نفس الاسطوانه ولا في فايده
ملاك:المشكله اني داريه بس احاول اغير الوضع
لينا: ههههه انتي تحلمييين
رغد:الا بسألكم شوق بتجي اليوم
لينا: تقول اذا امداها
...ملاك بنت قصيره ونحيفه بس مرررره حلوه عيونها عسليات ورموشها طويله وانفها صغير وشفايفها مليانه وشعرها بني وناعم والى نص ظهرها
من جهه ثانيه في احد المقاهي
تركي:اقول طلال وش ناوي تسوي مع هالبنت
طلال:والله بكيفها اللي خلقها خلق غيرها بعدين انت لايكون مصدق احبها
تركي:والله ياخي مدري عنك انت غريب
طلال:تصدق من اسبوعين جايني رقم غريب مدري من رقمه
تركي:عادي كل الناس تجيهم ارقام غريبه
طلال:طيب اسكت بدق عليه
تركي:ياخي وش لك به اكيد احد غلطان
طلال:الو,,انتو داقين علي؟
والله مااذكر بس جايز:....
طلال:اهااا رب صدفه خير من الف ميعاد
احلف ياشيخ اخلص علي وسكر:.....
طلال:افاا معقول اسكر قبل مااتعرف على راعية احلى صوت
ياشينكم بس لابغيتوا تتميلحون:......
طلال:طيب انا اسمي طلال
يعني مصر تتعرف:.....
طلال:اكيييييد
انا اسمي ساره:......
طلال:عاااد ذا احلى اسم عندي
ساره:لا والله
طلال: اي والله
ساره:طيب خلاص انا بسكر
طلال: بينا الوو
ساره:امممم طيب بااي
طلال: بااااايات
تركي:والله سهله شكلها ماعندها سوابق
طلال: هههههه الا قول شكلها مكلمه عشره قبلي
تركي:الا اقول طلال ورا مانروح البيت من زمان مالعبنا بلياردو
طلال:طيب بس نروح بيتنا نلعب
تركي:لييه تعال عندنا
طلال:طاولتنا احلى
(طلال شاب كلمة وسيم شوي عليه عيونه سود وخشمه ماشاالله طويييل وحاد وشفايفه صغييره بس شوي منفوخه طويل وجسمه حلو لاهو نحيف ولا مليان يعني رياضي وتركي يصير ولد عمته ووسيم وجسمه رياضي بعد لاكن مو احلى من طلال)
.................................................. ..........
Angel 1118
31-10-2010, 20:21
ملاك:ها ياريما وش قررتي تلبسين بكرا
ريما : خلاص الاسود اللي اخذته من المملكه وانتي
ملاك : مفااااااجئه
ريما: ملاكوو ياشينك قولي
ملاك:طيب بلبس الفستان الابيض القصير
ريما:اهاا اييه حلوا نااعم يصلح حق الصباح بس والليل؟
ملاك:البدله الحمرا اللي شريناها انا وانتي من فرنسا
ريما:بس مو كن البرمودا حقها قصير يعني هو شورت صراحه مو برمودا
ملاك:عااادي وانا قايله بطلع فيه عند العيال كلنا بنات
ريما:اييه صح صادقه اجل حتى انا بطقم معك بالليل
ملاك:يلا باي اسمع صوت عند الباب خليني اتحجب شكلهم العيال رجعوا
ريما:اوكي بااااي
تركي:مرحبا ملاك شلونك
ملاك:هلا هلا تركي بخير الحمدلله وانت؟
تركي:والله تمام ماعلي
الادخل طلال
طلال:السلام
ملاك: وعليكم السلام
راحو طلال وتركي في غرفة الرياضه يلعبون بلياردوا
ملاك في نفسها:ولا كلف عمره يسأل عن اخباري متى تحس فيني ياطلال
صحيح انهم كل واحد عنده فيلا بس البنات والعيال كلا عند بعض ومايروحوا فللهم الا وقت النوم هذا وان راحوا
.................................................. .............................
اليوم يوم العيد والكل يتجمع في فلة الجده أم عبدالرحمن لان اهلهم كلهم يزورونهم فيها
والبنات الله لايوريكم اشكالهم من التعب والنووم لان الحلوات مواصلين من امس
ملاك:وربي ياماما مافيني حيييل اروح ابي اناااام
ام زياد:مايصير هذولا خوالك ولازم تعيدين عليهم
ملاك:ياربي ياماما اشوفهم في جمعتنا ثالث العيد
ام زياد بنفاذ صبر:خلاص بنروح نسلم عليهم وارجعي نامي
ملاك بقلة حيله: طييييييب
وراحوا بيت خوال ملاك والاخت مضيعهـ ماتدري شتقول من النوم
ويوم رجعت البيت الا البيت مليااان ع الاخر من الناس بحكم انه بيت العايله الكبير
ريما:ملاااااااك اخيرا" جيتي
ملاك:ريما بالله وخري عني بروح اناااام
ريما:ايه خذيني معك انا بعد فيني النوم مواصله من امس
الا طلعت ام معتز من المجلس
ملاك وهي تبوس راس ام معتز:هلا ماما منى كل عام وانتي بخير
ام معتز:هلا هلا ملووكه وانتي بخير, شلونك؟
ملاك:لوني من لون النوم
ام معتز:نعم نعم لا تقولين بتروحين تنامين
ملاك:للأسف ايه
ام معتز: لا مافي نوم الا بعد الغدا
ريما: لاااااا يمه مانقدر
ام معتز: وانتي بعد؟
ريما: اكييييد بنام
ام معتز: مافي نوم الحين ويلا ع المجلس اشوف انتي وياها
البنات بقلة حيله :طييييب
في المجلس
أم محمد بنت عم ام معتز:أقول ياأم معتز من هالبنت اللي لابسه ابيض ودخلت معك؟
ام معتز:هذي ملاك بنت حماي وبنتي بالرضاع
أم محمد:ماشالله عليها تهبل
ام معتز:أيه ماشالله طالعه على امها
ام محمد:واي وحده فيهم امها مها ولا حنان؟
ام معتز:لا ملاك بنت مها اصلا" واضح من الشبه
ام محمد:اقول ام معتز وشرايك اخطبها لولدي محمد دامها اخت ولدك بالرضاع يعني مو حاطه عينك عليها
من جهه ثانيه بالمجلس
رغد:ملاك ملاك
ملاك:ايوا يارغد؟
رغد:شوفي ذيك الحرمه اللي جمب خالتي منى كيف تطالع فيك
ملاك:انا من اول ملاحظتها مدري شفيها علي
شوق:لا مو بس تطالع الا توزع ابتسامات بعد
لمى:انا اقول حاطه عينها عليك
ملاك:بلا افكارك الخارقه هذي
لينا:حتى انا اتوقع مثل لمى حاطه عينها عليك
ملاك:اصلا" من هذي؟
ريما:هذي خالتي ام محمد تصير بنت عم ماما وعندها ولد ياملاك يطيح الطير من السما
ملاك:انطمي
ريما:أوصفلك شكله
وقطع عليهم كلامهم ام محمد لما تكلمت بصوت عالي يسمعه كل الحريم اللي بالمجلس
ام محمد:ماشالله يامها عند هالبنت القمر ومخبيتها عنا
ام زياد:تسلمين ياام محمد ماعلى بنتك زود ماشالله حتى بنتك قمر
عاليه بنت ام محمد والغرور ذابحها:مشكوره خالتي هذا من ذوقك
ملاك بصوت واطي مايسمعه غير البنات وجدتها ام عبدالرحمن اللي جالسه جمبهم:وعععععععععع ريما قومي وديها الثلاجه يمكن تخف مياعتها شوي
هنا البنات ماقدروا يمسكون ضحكتهم وضحكوا بصوت عالي هم والجده
عاليه:ههههههه ضحكونا معكم
ملاك لجدتها:وععععع ياجده مايعه وملقوفه بعد
ريما:سلامتك حبيبتي بس ملاك قالت شي يضحك وضحكنا
عاليه:هاياملاك وش اللي قلتيه ضحكهم؟
ملاك بصوت واطي:يااااااااشينك والله
ملاك:لاحبيبتي ابد بس مبسوطين بوجودك معنا اليوم يعني بصراحه مانشوفك الا بالاعياد
ياليت لوتزورينا بين فتره والثانيه ننبسط سوا
ام محمد:فديييييت الذوق وربي ماشالله عليك مو بس جمال ذوق وادب بعد
ام زياد:ماعليك زود حبيبتي
ام محمد:اقول ياأم زياد انا صار لي فتره ادور البنت المناسبه لمحمد ويوم شفت ملاك مابعدها بنت
ام زياد وتبي تقلب الموضوع مزح:هههههه عاد جدتها قايله ماهي بمزوجتها بتقعدها عندها
طبعا" ملاك لقتها فرصه وسوت نفسها مستحيه عشان تروح تنام والبنات وراااها
.................................................. ...................
Angel 1118
31-10-2010, 20:25
في مجلس الرجال
تركي: اقول طلال قوم ندخل
طلال: استح على وجهك وين تبي تروح اقعد ويا الرجال
تركي: بروح اشوف ريومتي حبيبتي
طلال: ابلشتنا ويا ريومتك والمشكله ماهي داريه عن هوا دارك
تركي: ياخي انت وش عليك قوم ندخل وبس
ودخلوا تركي وطلال
تركي: الا اقول ياخاله وين البنات
الخاله غيدا اصغر خالاتهم وتعتبر صديقة العيال والبنات
غيدا:وانت شتبي بالبنات وبعدين وش ذا الرضا مسيو تركي تقولي خاله؟
تركي: ابد اسال وبعدين خاله طلعت معي بالغلط
غيدا:مع وجهك ماتستحي
طلال:كم مره نقولك انتي كبر زياد ومعتز يعني اكبر منا بشوي بس
تركي:ايه صادق الحين هديل اللي اكبر منك ماتقول شي وانتي مسويه سالفه
غيدا: طيب فكوني شتبون بالبنات؟
تركي:مجرد سؤال
غيدا: توهم راحوا ينامون
تركي بصوت واطي:خساره
غيدا:وش تقول؟
تركي:ماقلت شي بعدين انا اكلم نفسي انتي وش عليك
غيدا:من اول وانا قايله انك قليل احترام
طلال:ماعليك منه الا ماقلتي لي زياد ومعتز ماجاو ذا العيد
غيدا:يقولون ان عندهم اشغال كثيره وما يقدرون يجون الا بكرا
تركي:ياخي ياطلال هم شاقين اعمارهم ولا وش لهم يمسكون أعمال بريطانيا
طلال:الله يساعدهم ولا غربه وشركه ومصنع فوق راسهم لحالهم
تركي:لا المصنع ماسكينه فواز ورائد
طلال:ياخي فواز ورائد ماعندهم مسؤليه كل شوي والثاني ناطين لعندنا بالسعوديه والشغل كله على زياد ومعتز
تركي:وانت الصادق . الله يعين زياد ومعتز
.................................................. .................................
بعد 5 ساعات
ملاك:اه يا حلو النوم
ريما: وانتي صادقه
ملاك:يلا عاااد خل نقوم نلبس وننزل
ريما:تهقين راحوا الناس؟
ملاك:اكيييد ياحبيبتي هذولا عيدهم النهار والحين ليل يعني خلص العيد
ريما:كان ودي اعيش اللحظات احس وناسه
ملاك:خلاص العيد الجاي لاتنامين
ريما:الا البنات تهقين قاموا؟
ملاك:اكيد يعني انتي شايفه وحده فيهم بفراشها الحين
ريما: والله مسكينه غيدا غرفتها كلها شراشف ومخدات منا
ملاك:ههههه لا ومن قوات العين جايبين ملابسنا وبجاماتنا بعد يعني مانتعب نفسنا ونرجع نلبس
ريما: ايييه صح قبل انام قالت لي غيدا اليوم بنروح كوفي شوب ونتعشى برا ونرجع
ملاك:مع مين؟
ريما:تقول كلنا البنات والعيال الثلاثه
ملاك:يعني بنطلع سيارتين؟
ريما:اكيييد وين سياره تكفينا كلنا
ملاك:ههه وانتي الصادقه
ريما:قومي بس نلبس عشان نقعد مع عماتي شوي وبعدين نطلع
ملاك:يلا
.................................................. .....
ونزلوا البنات
لمى:لا ياحلوات انتي وياها ماكان قمتوا
ريما وهي تطلع من الاصنصير: انتي اخر وحده تتكلم نايمه اول وحده انا اول مره اشوف بنت تنام قبل يوصل راسها المخده
ملاك: ههههههه يقطع شرك ياريما عجبتني قبل يوصل راسها المخده
ريما:ولا يهمك حبيبتي اكثرلك منها
ملاك:تسلمين ماتقصرين
لمى:هي ووجع بدت السخافه انتي وياها
ملاك:الا اقول لمى من حلمتي فيه يوم نمتي
لمى: اقول ملاكوو ورا ماتاكلين تبن
ملاك:هي انتي انا اكبر منك لا طولين لسانك علي من اليوم وانا ساكتتلك
لمى:احلفي عاااد
ملاك بتتكلم الا ريما قاطعتها
ريما: خلصونا عااد انا جوعانه وابي اكل من ماكدونالدز
ملاك:وش ماكدونلدز ياللحجيه واحنا بنطلع بعد شوي
لمى: ملاك حبيبتي اطلبي لنا نتصبر فيها احنا ماتغدينا
ملاك:حبيبتك وقت المصلحه ها ؟اقول مالكم الا توست تتصبرون فيه ولا مافي غيره خلاص
لمى:ياشينك ياملاك لا اتسلطتي
ملاك:اخلصي هاتي التلفون
ريما:ونااااسه بتطلبين لنا؟
ملاك:بزران انتوا؟ قلت لكم من اول لأ ورا كل شوي سألتوا؟ وبعدين انتم ناقصين لسان ماتطلبون لحالكم
لمى:مايحلى الاكل الا بك
ملاك:فدييييتكـ
ريما:اللي يشوفكم الحين مايقول قبل شوي متهاوشات
لمى:لا اله الا الله بتحسدينا شكلك
ملاك:ماعليك منها لموو حبيبتي تغااار
ريما:ماااااالت على وجيهكم
ملاك تلعب بحواجبها لريما:مالت علينا اغصان الجنه
ريما:معفنه انتي ووجهك أخلصي وش تبين بالتلفون؟
ملاك:صح نسيتيني بخرابيطك عطيني
ملاك تكلم:sozi make a 1 coffee pleas (سوي 1 قهوه لوسمحتي)
لمى:انتي هبله توك صاحيه ومو متغديه ولا متعشيه يضر قلبك نسيتي مايصلح لك
ملاك:عاااادي قلبي تعود
من ورا الباب
طلال:ياعيال
ملاك:يمه قلبي
ريما: انطمي لا يسمعك
لمى:حيااك ياطلال
طلال:ترا تركي معي
لمى:حياااه
تركي:السلااام
البنات:وعليكم السلام
تركي:كل عام وانتوا بخير
طلال:اي كل عام وانتوا بخير هم عيدوا اصلا" خامدات طول اليوم
ريما بتحرج طلال:وعليكم السلام ياطلال لا احنا بخير انت شخبارك؟
تركي و لمى ميتين ضحك على وجه طلال وملاك ودها تكفخ ريما
طلال:يلا تركي خلنا نطلع هشام ينتظر بالسياره
ريما:أذا انت بتطلع وشوله داخل بس تخلينا نتحجب ع الفاضي
لمى:لا وداخل بأخلاق تجاريه بعد
طلال:هييي انتي وياها انطمو قبل اكفخكم
الجده تدخل من وراه وتضربه بالعصى على ضهره:تكفخ مين انت ووجهك ابد ماتحشم احد
تركي:هههههه جاك الموت ياتارك الصلاه
طلال:جده هم اللي يطولون لسانهم خليهم يتحملون
الجده:لا إذا مطولين لسانهم أدبهم
ريما:جده على طول صدقتيه
الجده:لاطليييل اعرفه زين طويل لسان وراعي خرابيط بس مايكذب
ريما:هههههه هزئوه
طلال:هذا دق على راسك يالخبله يعني انتي كذابه
الجده:انا لو اقعد معكم للصبح مااخلص لمى تعالي شوي ابيك تساعديني بشغله
لمى:ان شالله
راحت لمى مع الجده غرفتها وبقوا ريما وطلال وملاك وتركي
طلال:تريييك بكفخك للحين واقف امش شتنتظر
تركي:لاخلنا شوي
طلال:اقعد لحالك انا بطلع لهشام
تركي:اجل يلا وانا معاك
مشوا طلال وتركي وهم ماشين الا يوقف طلال مره ثانيه
طلال وهو معطيهم وراه:ملاك
ملاك فز قلبها اول مره يعطيها وجه
ملاك:هلا
طلال:الا وانا داخل سمعتك تقولين عادي قلبي تعود ممكن اعرف على ايش تعود؟
ملاك: لا عاادي ولا شي كنت اخربط
ريما اللي تخاف على ملاك لان القهوه تضر قلبها كثيير والدكتور مانعها منها وهي هبله دايم تشربها مررره يعيني زياده ضرر
وتعرف انها لايمكن ترد طلال لو قالها لاتشربها
ريما:لا ماكنتي تخربطين ليه ماتقولين له
ملاك:ريما شفيك متسلطه علي؟
ريما بعصبيه من خوفها على ملاك:لا مو عن كذا بس قولي ولا خاايفه
طلال لف بأهتمام
طلال وعينه على ملاك:ليييه ماتقولين ومن ايش خايفه؟
ملاك:ماعليك منها ذي هبله وتكبر المواضيع وربي الموضوع تافه
ريما:لا مو تافه انا اقولك
طلال: قولي طيب اسمع
ملاك:طلال لاتضيع وقت على سوالفها الماصخه روح لهشام
طلال:رفضك يزيدني اصرار اسكتي
ريما:تذكر من اسبوع لما تنومت ملاك بالمستشفى؟
طلال يتذكر:ايه بس شدخل؟
ريما: انت ماسألت لييه؟
طلال:لأ
ريما:لانها تشرب قهوه
طلال:كلنا نشرب قهوه
ملاك:شفت ان ماعندها سالفه خلاص روح
ريما تتجاهل ملاك:بس ملاك غير الطبيب مانعها من القهوه لانها تضعف القلب عندها وبمجرد ماتشربها بكثره او
ع الريق ممكن يضعف القلب ويسبب لها فقد للوعي وهي حماره تبي تشرب قهوه مره وهي توها قايمه من النوم حتى ماكلت شي
طلال:عشان كذا قلتي قلبي متعود؟
ملاك قامت تبكي ماودها طلال يدري
ملاك:اييه
طلال:قومي معي
..................................
Angel 1118
31-10-2010, 20:27
البارت الثاني
ملاك متخرعه اول مره من طلال يطلبها هالطلب
ملاك:وييين
طلال: انتي تعالي
قامت ملاك وراحت ورا طلال "
دخل طلال المطبخ ودخلت وراه ملاك الا الخدامه قاعده تحط كوب القهوه بالصنيه
طلال:how owner ths coffee??(من صاحب القهوه؟؟)
الخدامه:for miss malak(للأنسه ملاك)
طلال:ok give me(طيب أعطيني اياه)
الخدامه تطالع في ملاك وتعطيه وملاك ولاهي فاهمه شي
طلال تقدم الى ماوصل عند المغسله وكب القهوه وملاك تطالع
راح طلال عند الثلاجه وفتحها وطلع منها عصير فراوله وصبه بكاس واعطاه ملاك
ملاك:شسوي فيه؟
طلال: بما انك تتصرفين زي الاطفال وماتهتمين بصحتك انا بهتم فيها خذي اشربي العصير وانتي ساكته
ملاك:بس
طلال:لابس ولاشي مابي اسمع انك شاربه قهوه مره ثانيه والقهوه بدالها عصير
ملاك:ان شالله
طلال وكأنه تذكر شي:الا على فكره لييه تشربي القهوه مره عمري ماشفت بنت بعمرك تشربها مره
ملاك وناسيه نفسها مو مصدقه طلال مهتم فيها:عااادي كل شي بقلبي مر جات على القهوه؟
طلال بأنتباه لكلام ملاك:لييه كل شي مر هذا ثاني مره اسمع منك نفس الجمله؟
ملاك وهي تاخذ العصير:لاتهتم عادي
وهي طالعه من المطبخ:مشكور على اهتمامك
طلال:قبل ماتطلعين اوعديني ماتشربين قهوه ثاني مره
ملاك:وعد
طلال:على فكره
ملاك لفت عليه وابتسمت:شنسيت تقول؟
طلال وهو يبتسم بخبث ورافع حاجبه اليمين:حلو عليك الشورت الاحمر مع البلوزه الاسود وابيض
ملاك تطالع في نفسها تتأكد انها لابسه العبايه:بس انا لابسه عبايه كييييف عرفت؟
طلال:صدفه
ملاك:شلون؟
طلال:شفتك وانتي نازله من الدرج تنادين هديل كنتي متحجبه ولسه مالبستي العبايه و شكلك ماانتبهتي اني قاعد بالصاله
ملاك:تتوقع لو انتبهت كان عادي؟
طلال:شلون يعني كان عادي؟
ملاك:يعني عيب انك تطالعني وانا كذا لو انتبهت لك ماكان كملت وناديت هديل
طلال:طيب شسوي انتي اللي جيتي ولا انا كنت قاعد بحال سبيلي ولا لي ولا علي
ملاك:المفروض انك تنزل عينك وماتقعد تطالع
طلال:شدراني على باللي بنت صغيره انتي جسمك كنه جسم بيبي ماكنك 20 سنه
انحرجت ملاك من كلامه وراحت بدون ماترد
ملاك تكلم نفسها وهي رايحه للصاله:جد مايستحي ودقق بجسمي بعد
ريما:شيبي ووش ذا العصير اللي بيدك؟
ملاك:كب القهوه وصب لي عصير
ريما:متقلب ذا الانسان
الا رغد نازله من الدرج
رغد:يلا قوموا بنروح
ريما:اخيييرا" هلكت جوع
قاموا البنات ولبسوا عباياتهم وراحوا
في سيارة طلال التشارجر(طلال وجمبه تركي و ورا رغد وملاك وريما
وفي سيارة هشام الكاديلاك(هشام وجمبه غيدا و ورا شوق ولينا ولمى
طلال يكلم هشام بالجوال:اسأل غيوود وين تبي نروح؟
هشام:غيود يقول طلال وين تبين نروح؟
غيدا:غيود في عينك انت وياه انا خالتك وعمته استحوا
هشام:كل مره نعيد نفس الاسطوانه تراك كبر معتز و زياد لاتكبرين نفسك خلك كذا عاادي
غيدا:اخلص قوله بنروح كوستا كوفي
هشام يقول لطلال
وراحوا طبعا" جلسوا كلهم على طاوله وحده لان المكان اصلا" مكشوف يعني كذا و لا كذا البنات مايقدرون يكشفون
تركي:ها شتبون
لينا:انا وشوق ورغد ولمى نبي هوت موكا
ريما: وانا بعد
ملاك ودها تطلب بس هي وعدت طلال
غيدا:بما انهم يبون هوت موكا انا ايس موكا
تركي:كلا غير الناس هالخاله
هشام: وانتي ملاك مانطقتي
ملاك توها بتتكلم الا طلال يقول
طلال:ملاك شرايك نخالفهم احنا بعد ونطلب هوت شوكلت بالكريمه تراه شي
ملاك:يلا على ذوقك هالمره
راحوا العيال وطلبوا لكل واحد طلبه واخذوا لهم داارك شوكلت لانهم يعشقووونه كلهم واخذوا كوروسان
تركي وهو ماشي وياطلال وهشام بعيد شوي عن البنات عشان البنات ياخذوا راحتهم بالسوالف
تركي:طلال
طلال:نعم
تركي:شعندك اليوم مع ملاك
هشام:صحيح طلال شعندك وانت مو ذاك الزود وياها من اول واليوم غير
طلال وهو يدخل يده بجيب الثوب:وربي انا نفسي ماادري لييه اسوي كذا
تركي:انا من اول وانا قايل انك غريب
طلال يضحك وهو في نفسه يفكر لييه تضايق يوم درا عن ملاك وليه يتصرف معها بأهتمام كذا
.................................................. .............................
رائد:فواز وين العيال؟
فواز:طلعوا مع البنات وغيدا
رائد:طيب قوم نطلع زهقت الرجال وراحوا خلنا نتمشى بشوارع المملكه والله لها وحشه
فواز:اي لها وحشه واحنا كل اسبوعين جايين اجل زياد ومعتز شيقولون؟
الا هديل داخله
هديل:شفتوا الخونه طلعوا ولا خذوني
رائد:انا من اول وانا قايل انهم قلال خاتمه
فواز:افاا عليك وش لك بهم تراهم اصغر منك تعالي معنا
هديل:بتمشوني؟
رائد:كم هديل عندنا بس لك ربع ساعه تجهزين فيها ولا بنغير راينا
هديل:دقايق وانا جاهزه
.................................................. .........................................
خلصوا من كوستا وراحوا تمشوا شوي وبعدين راحوا للمطعم وتعشوا ورجعوا وكان من احلى الايام عليهم كلهم خصوصا" طلال وملاك
..................................................
اليوم الثاني جاوو زياد ومعتز من بريطانيا واستقبلوهم احلى استقبال لان صار لهم 6 شهور ماشافوهم
ملاك وهي تنط بحظن اخوها:زياااااااااااد وربي لك وحشه يالغالي
زياد وهو ضامها:وحشتيني اكثر يالدلوعه
ملاك:حراااااام عليك 6 شهور يالظالم
زياد:وش اسوي الشغل واجد
ملاك:طيب هذا رائد وفواز كل اسبوعين وهم جايين
زياد:ماعليك منهم هالعابيين الشغل قاطينه على روسنا انا ومعتز
ملاك:الله يسامحهم
ام زياد وهي داخله:والله يازياد حياتي مالها طعم وانت بعيد
زياد:يابعد قلب زياد والله انك غاليه علي ولو بكيفي اخذتك معي
بو زياد وهو داخل:وتتركني لحالي
زياد:شهر عندي وشهر عندك
بو زياد:لااااا هذي الغاليه لو تغيب عني يوم مدري شيصير فيني شحال لو غابت شهر
ام زياد وهي مستحيه بوجود عيالها:تسلم لي يالغالي
ملاك:الله يخليكم لبعض وخيلينا لكم
زياد:ملوكه حبيبتي تعالي معي رتبي معي اغراضي
ملاك:تاااااامر امر
....
عند ريما:والله يامعتز اني كل يوم ادخل غرفتك واشم عطوراتك واحط تي شيرتك تحت مخدتي
معتز:يابعدي والله ياريومه والله اني ودي فيك هناك
ام معتز:وانا ماودك فيني؟
معتز وهو يناظر ابوه:لو عطانا الاذن الوالد والله مااخليك هنا
بو معتز:لااااا اذا عني انسى اعطيك الاذن
ريما:معتز وش رايك تتزوج وتاخذ زوجتك معك تونسك
ام معتز:ايييه ياوليدي وربي ان اختك صادقه
معتز:زييين لك ياريما فتحتي لي السالفه وانا ماصدقت امي تنساها
ام معتز:هالمره ماراح اخليك ترجع الا وعروستك معك
معتز:لا يمه انا مااتزوج الا مع زياد بنفس اليوم يانتزوج سوا يا نقعد عزوبيه سوا
ام معتز :والله مايهوون علي الا ان روحك انت وزياد معلقه ببعض يعني اتطمن عليك معه
معتز:عساني فداه أخوي
أم معتز :بس وينه قليل الخاتمه مامر يسلم علي مايقول عندي ام من 6 شهور ماشفتها
معتز:لاا يمه لاتظلمينه اكيييد بيجي بس انتي لو شايفه ملاك اول مادخلنا السور تنتظرنا عند البوابه يالله فكتني ولا كان حتى انا ماشفتيني
ام معتز:يحق لها بنيتي والله
بومعتز:معتز رحت سلمت على ابوك عبدالعزيز وامك مها
معتز:لاوالله يبى الحين اروح وماراح ارجع الا وزياد معي
ريما:وانا بروح معك اسلم على زياد مااقدر اصبر اكثر
...........................................
ساره:طلال بقولك شي
طلال: قولي ياعيون طلال
ساره:انت تدري من وين جبت رقمك
طلال:لا والله ماادري
ساره: انت عندك بنت عم اسمها ملاك
طلال وعلامات التعجب بوجهه:ايييه وانتي وش دراك
ساره: هي صديقة اختي الصغيره وهي عطتني رقمك وقالت كلميه واختبريه اذا هو راعي بنات ولا لأ؟
طلال والف شيطان براسه:ايييه وبعدين
ساره: ولا شي اخذت الرقم وكلمتك وبصراحه ماهان علي اكذب عليك
طلال: يصير خيير
Angel 1118
31-10-2010, 20:30
البارت الثالث
سكر من عند ساره والشر بعيونه
ودق على ملاك على طوووول
ملاك:آآلوو
طلال:ملاك
ملاك:هلا طلال
طلال:انتي تعرفين بنت اسمها ساره الــ..... ؟
ملاك وعلامات التعجب بوجهها:ايه بس ليه تسال وش عرفك فيها؟
طلال: انتي تستغبين؟
ملاك:طلال شهالحكي وشسالفة ساره؟
طلال: اسمعي كلامي زين وحطيه ببالك عدل
من مفكره نفسك عشان تحطين ناس تختبرني وتختبر اخلاقي
ملاك والخوف بدا يدخل قلبها:ط..ط..طلال ممكن اعرف عن ايش تتكلم
طلال: لا تستهبلين وانتي عارفه كل شي اسمعي انتي لازم ينحط لتصرفاتك حد
ملاك:بس انا ماسويت شي يخليك تتكلم معي بهالطريقه
طلال: كل هذا وما سويتي شي انتي غلطتي ولازم تعتذرين
ملاك:انا للحين مو عارفه عن ايش تتكلم بس اللي اعرفه اني ماغلطت فحق احد وان انت زودتها معي
وسكرت بوجه طلال الخط
رجع طلال يدق مره و2 و3 ولا في امل ترد وقرر يرسل مسج
ملاك من بين دموعها على كلام الانسان اللي تعشقه اكثر من روحها:
فتحت المسج وقرته وياليتها مافتحته
(شوفي انا هالمره بعديها لك بس لو صار منك شي ثاني مره ثانيه لا تلومين غير نفسك)
قطت ملاك الجوال بالارض وكملت بكي
.................................................
تركي:يمكن انك ظالمها ياخي حرام عليك
طلال: اي ظالمها انت بعد ساره قالت لي عن كل شي
تركي:وتصدق سويره وتكذب بنت عمك
طلال: اولا" اسمها ساره وبنت عمي هذي قالت لي انها تعرفها
تركي: يمكن بينهم خلاف وحبت تنتقم من ملاك
طلال مااقتنع بكلام تركي بس سكت
..................................................
ريما: ملاك حبيبتي هدي نفسك ماتسوى عليك وربي
ملاك من بين دموعها:انتي لو سامعه شلون يكلمني
ريما:ماااالت عليه من زينه عااد وربي مايستاهل دمعه منك
ملاك:ريما انا احبه
ريما: بعد اللي سواه وتقولين احبه
ملاك اكتفت بدموعها اللي ماوقفت من يوم سكرت من طلال
.................................................. ..............
هشام: هي ترووك ماودك تقوم
تركي وهو يأشر على طلال اللي جمبه: قوم الحبيب اول معقد لي ذا الحواجب وقاعد
هشام: طلال
طلال:........
هشام:طلااااااااااال
طلال: ها وجع شتبي
هشام: يوجعك ,شفيك اليوم
طلال: مافيني شي
هشام:احلف
طلال:ياربيييييه منك
تركي:ههههههه انااقولك شالسالفه
وقال تركي السالفه لهشام
هشام: لا عاد ياطلال مالك حق مهما كان ملاك بنت عمك وبنت خالنا ومانرضى عليها
طلال: شفت ياتركي انا عارف انه هذا اللي بيقول عشان كذا ماقلتله من اول
هشام: لانك عارف انك غلطان
طلال: لامو غلطان وسكرو ع الموضوع
تركي وهشام والكلام مو عاجبهم بس سكتو عشان طلال معصب
..................................................
معتز يكلم زياد:اقول زيوود اطلعلي عند المسبح والله اشتقت لمسبحنا
زياد:طيب نازل الحين دقايق بس
نزل زياد لمعتز وقعدوا بالمسبح لعب بالموي لين قالوا بس
يرن جوال زياد
زياد :معتز دقايق بطلع اكلم هذولا الشركه ببريطانيا
معتز:هذولا مايتركونا بحالنا
زياد وهو طالع يرد: شنسوي بعد
طلع زياد يكلم وطول شوي ومعتز قاعد يسبح بالمسبح
دخلت لمى المسبح وهي ماتدري ان فيه احد داخل لان هذا المسبح بوسط السور يعني لكل الفلل هو كأنه غرفه كبيره بس كلها زجاج عاكس وفيه جلسه
معتز طالع من المسبح وهو ماحس ان في احد دخل لانه كان داخل الموي:لمى
لمى وهي في قمة احراجها من شكل معتز وهو بالشورت بس:انا اسفه ماكنت اعرف انو في احد هنا
ولفت بتطلع الا معتز مسك يدها
معتز:لمى
لمى:نعم؟
معتز:ممكن اقولك شي؟
لمى:تفضل
معتز بضيق وهو يتذكر سعود:خلاص غيرت رايي
لمى:معتز في شي؟
معتز :سلامتك
ورد نط داخل المسبح مره ثانيه ولمى طلعت وهي مستغربه من ولد خالها
دخل زياد وبيده كاسين عصير
زياد:معتز اطلع اشرب معي عصير
طلع معتز وهو متضايق وجلسوا ع الجلسه اللي عند المسبح
زياد:شفيك؟
معتز:سلامتك
زياد:افاا من متى تخبي عن زياد؟ لمى صح؟
معتز:وربي احبها ليه هي مو معبرتني؟
زياد:انت تدري انها تحب سعود ليه معذب نفسك؟
معتز: انت تقول كذا وانت اكثر واحد عارف سعود وخرابيطه
زياد:طيب هي تحبه وش نسوي؟
معتز:لانها ماتعرف عنه شي
زياد:طيب شبتسوي؟
معتز:والله يازياد ماكون ولد ابوي لو ماخليتها تحبني
زياد:ههههههه الله يعينك
معتز:أضحك أضحك انت شعليك واللي تحبها تحبك
زياد:حسسسسسد الله يكفينا شره
معتز:والله مو حاسدك ياخوي الله يهنيك
زياد:طيب قوم خلنا ناخذ شور ونروح نقعد ويا جدتي والله مشتاق لسوالفها
معتز: يالله
.................................................. .......
بعد يومين
البنات والعيال قاعدين عند جدتهم ويتفرجون عالتلفزيون ومعتز وزياد طالعين مع رائد وفواز وهديل
ريما جايه ررررركض:ملاك ملاك
الجده:ريووم وراك تراكضين؟
ريما وهي تتنفس بسرعه وتضحك:ههههههههه ما ...ما ...ههههه
هشام:تكلمي عدل يالخبله
ريما تحاول تسكت:جده هههههه توقعي من بيـ ههههه بيجينا اليوم
ملاك:والله صادق هشام يوم قال عنك خبله الحين انا ولا جده
ريما:كلكم
ملاك:شنو طيب ؟ من بيجي
ريما:عاااااااليه
الجده والبنات كلهم:وععععععععععع
العيال :هههههههههه
تركي:وش هالقرف الجماعي
ملاك:أرف وربي أنها أرف شتبي؟
لمى وهي تضحك:ملاك يمكن يوم عزمتيها يوم العيد
ملاك:كنت استهبل وجع صدقت
ريما:تقول نص ساعه وانا عندكم
طلال:في انسان يجي عند احد يقوله قبلها بنص ساعه
شوق: عافانا الله
ريما:قوموا البسوا عاااد
رغد:ملاك تستقبلها هي اللي عزمتها تجلس معها
ملاك:والله لو تموتون مااجلس معها لحالي
لينا:لالالالالالالا لاتحملينا مسؤلية لقافتك
ملاك:لا والله يعني شكنتوا تبوني اقولها وانتوا تقولون ملاك اللي ضحكتنا ماااااالت عليكم يالخاينات
البنات:ههههههههههههههه
ملاك:جده شوفيهم
الجده:يلا اقول قوموا كلكم اللبسوا عشان تستقبلون البنت مايصير ماتطلعون لها عشان وضعكم الاجتماعي شتقول عنكم بعدين
ريما:يووووووووووه
الجده وهي تغمز للبنات بدون ماتشوفها ملاك:بعدين ياملوكه ياحبيبتي هذي حماتك يعني اخت زوجك لازم توجبينها
ملاك:جدددددددددددده
البنات والجده:هههههههههههههههههههه
والعيال ولا هم فاااهمين شي
بعد نص ساعه البنات استعدوا واستقبلوا عاليه وجلسوا بالحديقه
عاليه:الحين انتوا كيف متحملين تعيشون كلكم ببيت واحد؟
ريما:لا احنا مو ببيت واحد كل واحد له فلته
عاليه:بس ولو يعني احسكم تتقيدون
ملاك:لا حبيبتي احنا متعودين وعاجبنا الوضع
عاليه:احنا بيتنا اكبر من بيتكم وعايشين فيه لحالنا انا ومامي ودادي ومحمد
ملاك في نفسها:وجععععععععع
ريما بصوت واطي:كذااااااابه عايشين في بيت مساحته 600
عاليه بغرور:طيب كيف على السفر ان شالله كلكم تسافرون سوا؟
شوق:لاحبيبتي احنا مانقدر نسافر كلنا مع بعض
عاليه:لييه لاتقولين الميزانيه ماتسمح؟
رغد لللمى:مالت عليها ذي متى تروح ونفتك من وجهها
ملاك:لاحبيبتي إذا على الميزانيه نفدر نسافر ونسفر معنا الحي كله بس عاد انتي عارفه عندنا شركات ومصانع ومعارض
لينا تكمل:يعني لو سافرنا كلنا مين ييديرهم
عاليه وعلى وجهها علامات القهر:اهاا طيب كيف نظام سفركم؟
ريما:احنا ابائنا مسوين لنا تصريح سفر ويا اخوانا ونسافر كل صيف معهم واحيانا" اخوانا يقعدون ونسافر مع ابائنا
شوي الا يدخلون العيال طلال وهشام وتركي
تركي:ياااااعيال
لينا:لحظه تركي نتحجب
تركي:ترا طلال وهشام معي
لينا:حياكم تركي تحجبنا
العيال وهم منزلين روسهم ويروحون للقسم اللي ورا من الحديقه:السلاااااام عليكم
البنات: وعليكم السلام
عاليه ردت بعد ماردوا البنات
عاليه بمياعه:وعلييكم السلام
طلال للعيال:وجعععع بعذرهم البنات كارهينها
ملاك:الله ياخذها وش قلت الادب هذي
عاليه:من هذولا؟
ريما:ولد عمي وعيال خالاتي
ملاك:الله يحفظهم
عاليه:عن اذنكم
شوق:وين تو الناس قاعدين
عاليه:لاحبيبتي بس بروح اكلم شوي وراجعه
لينا:انتبهي لاتبعدين ترا العيال ورا مادخلوا
عاليه:وينهم مايبينون؟
رغد:لا اللي يكون من ورا الحديقه مايبين لانه ورا الفلل
عاليه:اهااا
راحت عاليه تكلم وراحت ورا الحديقه بس وهي شايله الحجاب
ملاك:اكرررررررها ياناس تفقع القلب
رغد:اوووف وانتي الصادقه مغروره ماادري على ايش
ريما:لا والمشكله انها شينه لو حلوه مو هذا حدها
لمى:شفتوا كيف تعمدت ترد السلام بعدنا
لينا:عن جد ماتستحي وبمياعه ترد بعد
ورا الحديقه
تركي: من هذي عارضة الازياء اللي قاعده تكلم وهي تتمشى
طلال:قول من هذي اللي ماتستحي متفصخه وجايه تمشي
هشام:الحين هم شافونا وحنا جايين هنا ليييه يجون بس هذي اكيييد عاليه اللي يقولون عنها ولا البنات مايسوون كذا
تركي:ماادري اقوم اكفخها ماينلامون البنات فيها
هشام:يخرررررررررب بيتها قربت من عندنا
تركي:ههئئئئئئئئ أستغفر الله العظيم مابينا الا شبر
عاليه بمياعه: اسفه ماكنت اعرف انكم هنا
طلال وهو منزل راسه:ماصار شي خلاص روحي
عاليه وهي تتميع وتسوي نفسها شوي وتبكي:عن جد اسفه الله يسامحهم البنات ماقالوا لي انكم هنا شكلهم يتعمدون يحرجوني
عند البنات
ملاك:اقول انا بروح اشوف هالعله تأخرت لا تسوي لنا مصيبه
تحجبت ملاك وراحت لورا الحديقه ومثل ماتوقعت شافتها رايحه للعيال
ملاك:عاليه وش تسوين عندك؟
عاليه وهي مرتبكه:ماادري انا قاعده اكلم وهم جاووني
العيال شهقوا وطلعت عيونهم من مكانها
ملاك وواصله حدها منها:بس اتوقع انهم من دخلوا وهم هنا واحنا قايلين لك
عاليه:ههئئئئئئئ ماسمعتكم اااا اقصد نسيت نسيت
ملاك:طيب خلاص روحي وش تنتظرين؟
عاليه:وانتي بتقعدين معهم؟
ملاك طلعت عيونها من هالوقحه:وانتي شعليك الحين روحي للبنات
راحت عاليه وملاك لحقتها
تركي:ملاك
ملاك:هلا
تركي:لاتماشونها ذي ماتستحي
ملاك:ابشر ماطلبت
راحت ملاك للبنات وماشافت عاليه
ملاك:ويييينها؟
شوق :راحت
ملاك:ووووقققققححححه أكرها
ريما:شفيك؟
ملاك حكتلهم كل اللي صار من الاول للأخير
................................................
Angel 1118
31-10-2010, 20:31
بعد اسبوعيين
بوزياد:يالله ياوليدي تروحون وترجعون لنا بالسلامه
زياد:الله يسلمك يبا ولا اوصيك على الوالده وملوكتي الدلوعه
بوزياد:لاتوصي حريص
ام زياد ودموعها على خذها:لا تتأخر علينا حبيبي تعال الشهر الجاي لاتطول الغيبه
زياد:يمه وانا كل مااروح اشوف دموعك
ام زياد:غصب عني ياوليدي
الا ملاك داخله
ملاك:زياااااااد وييين رايح على هالشناط اللي برا؟
زياد:راجع بريطانيا
ملاك ودموعها بدت تنزل:بس انت قلت بتقعد شهر
زياد:والله مو ذمبي المدير العام اتصال وقال لازم اكون موجود لانه صار كم مشكله بالشركه
ملاك وهي تحظنه:يااااااربي من هالشغل مالحقنا نشبع منك
زياد:عاااد خلاص ملوكه ماصدقت اسكت امي انتي تكملين
ملاك:والله مو بكيفي
زياد وهو يمسح دموع اخته:الشهر الجاي بجيكم
ملاك:اكييييد؟
زياد:وعد
بوزياد:يالله ياوليدي لاتتأخر على اخوك
زياد:امرك يبا يلا امنتكم الله
ام زياد:حافظك الرحمن يمه حافظك الرحمن
ملاك:انا بروح مع زياد اشوف معتز قبل يروح
ملاك تركض لمعتز قبل يبعد عن الفله:معتتتتتتز
معتز:ملاك
ملاك وهي تحظنه:ليييه مانلحق نشبع منكم ماسرع جيتوا ماسرع ماتروحون
معتز:عااااد ملوووكه وقفي دموعك بعدين هذا الشغل شنسوي
ملاك:اوووووف بس اكيييد بتجي مع زياد الشهر الجاي
معتز:اكيييد وانا اقدر
زياد:يلا عااد ياريما اسكت امي وملاك وامي منى وانتي تكملين
ريما:والله لوماجيتوا الشهر الجاي مثل ماوعدتونا مااكلمكم شهر كامل
ملاك:وانا بعد
زياد ومعتز وهم يضحكون على خواتهم:هههههه امركم
طلع زياد هو ومعتز مع السواق عشان يوديهم المطار
زياد وهو بالسياره:ياخي والله ان شوفة دموع امي وامي منى و البنات كل مااجي ارجع لبريطانيا تعور قلبي
معتز:لاتشكيلي ابكيلك يازياد والله ماينلامون
زياد:والله عوار قلب
.........................................
بالجامعه
ملاك:ريوم لمى قوموا نروح عند البنات اليوم متجمعات بكلية المجتمع عند لينا
ريما:يلا
لمى:طيب بقوم بس ترا عندي محاظره بعد نص ساعه
عند البنات بكلية المجتمع
ملاك:وجععععع وهذي وش جايبها معهم
ريما:بجد اكرهها وكرهتها زياده بعد حركتها مع العيال ذاك اليوم
لمى:أسكتوا عاد وصلنا
ملاك وريما ولمى:السلاااااام عليكم
البنات:وعليييكم السلام
ملاك وهي تجلس:أحس المكان مكتوووووم مافي اوكسجين
ريما اللي فاهمه عليها:بجد المره الجايه مانبي عندكم تعالوا كليتنا
شوق:ان شالله عمتي
لينا:ايييه اليوم العيال هم اللي بيجون ياخذونا من الجامعه
ريما: ومن وين طالعه الشمس؟
رغد:من كنا بأول ابتدائي ولاأحد فيهم تكرم ياخذنا
لينا:يقولون يبون يتغدون بالمول اليوم وقت البريك ومايقدرون يدخلون لانه عوائل
ملاك:انا قايله من اول انهم مايسوون شي لوجه الله هالثلاثه
شوق:طيب البريك حقهم الساعه 11 صح؟
لينا:أيييه
لمى:يعني مابقى غير ربع ساعه وانا بعد نص ساعه عندي محاضره
ملاك:عادي لاتحظرينها وبعدين خذي نوت وحده من البنات
عاليه:امممم اقول ريما
ريما بقرف:قولي عاليه
عاليه:عاد انا اليوم كنت ابيك توصليني لان سواقي الخاص مسافر ايجازه
ملاك:يوووه كان بودنا بس مثل ماسمعتي بنطلع مع العيال يعني مانقدر نوصلك
رغد:اذا تحبين نرسلك واحد من سواقينا يوديك
عاليه:لالالالا انا مااركب مع واحد غريب لحالي
ريما:اجل شوفي وحده من صديقاتك
عاليه:بس ماما ماترضى اركب مع اي وحده يعني انتوا عشان تقربون لنا
ملاك:عاد والله شنسوي يعني احنا بودنا بس للأسف
عاليه:طيب عادي وصلوني وروحوا المول
ريما:بس كذا نتأخر على العيال لان وقت البريك حقهم قصير مايمديهم يوصلونك وبعدين نروح نتغدا
لينا:وزي ماشفتي حتى لمى ماراح تحضر المحاضره
عاليه:طيب عادي انا مو مستعجله على البيت انتوا خذوني معكم وانزلوا تغدوا وانا انتظركم بالسياره يعني ماودي انزل معكم اتغدا اخاف اضايقكم
ملاك بأذن ريما:وانتي لسى ماضايقتينا
ريما:مايشوفها تركي والعيال غير يذبحونها
لينا:هذا تركي يتصل
لينا:هلا تركي....يلا طالعين الحين....سيارتين؟.....اهاااوكي كويس...يلا سلام
رغد:سيارتين؟
لينا:لا جايين بالكاديلاك اسكالد
ملاك:أحسن احب لما نكون بسياره وحده اكثر
قاموا البنات يلبسون عباياتهم وماشافوا الا اللي لابسه عبايتها وجاهزه
عاليه:انا خلصت عشان مااعطلكم
ملاك:يخرررررب بيتها هذي كل الطرد اللي طردناها ومافيها فايده
لمى:مو ذابحني غير هاللثمه
دخلوا البنات السياره
البنات:السلااااام عليكم
العيال:وعليييكم السلام
تركي:كن زايد عددكم
ريما بقرف:أيييه هذي عاليه معنا
تركي وبان عليه العصبيه لانه يكرهها:بس احنا ماعندنا وقت نوصلها
عاليه:عادي بتغدا معكم وبعدين وصلوني ماني مستعجله عالبيت
ملاك بصوت واطي:يخرررررب بيتها عزمت نفسها
وصلوا المول ونزلوا والجو كان مره متوتر محد قادر ياخذ راحته بوجود هالعله على قلوبهم
هشام:هاشتبون تاكلون؟
الكل عدا ملاك وطلال وعاليا:طبعععععا" تشاينييييز
هشام ومتجاهل عاليه:وطلال وملاك؟
طلال وملاك مع بعض:أيطالي
طلال لف يطالع ملاك وملاك لفت بعد تطالع فيه
طلال في نفسه:لااااايمكن اكل زيك ياملاكوو أكرهك بس اكره هالغبيه اللي جالسه قدامي وتقزز فيني اكثر
ملاك في نفسها:ماببين لك اني احبك على عمايلك السوده معي لازم اغير ومااكل زيك
هشام:خلاص كلنا تشاينيز وملاك وطلال ايطالي
ملاك وطلال مع بعض مره ثايه:لا ابي سي فود
لفوا يطالعون بعض بنضرات تحدي>>شدعوا عليكم في حرب
عاليه بقهر واضح ومياعه:عاااد معقول كل هذا صدفه
طلال يطالع فيها عرف قصدها انها مقهوره من ملاك>>خبره بالبنات
طلال:لالالالا هذا يسمونه توارد خواطر وانا وملاك نحب ناكل زي بعض
هشام:تركي قوم معي نطلب
ويقول في اذن طلال:خلك مع البنات مااثق في هالغبيه الحين تسوي مصيبه
طلال يضحك:أبشر
عاليه:انا ابي زي طلال
تركي:طلال مايحب احد ياكل زيه غير ملاك
عاليه بقهر:بس انا ابي زيه احب السي فود
طلال:اطلب لها ياخي سي فود حرام عليك هي تحبه وبعدين انا وملاك بناكل ايطالي ولا ملاك وش قلتي؟
ملاك :اللي تشوفه
ملاك اللي جمب طلال قربت منه اكثر وهمست باذنه:وش هالرضى ووش توارد الافكار اللي تقول عنه
طلال:لاتصدقين نفسك بعدي مااحبك بس اكره هالغبيه اكثر منك وابي اقهرها
ملاك بعدت منه وودها تكفخه
جا الطلب والكل ياكل وهو موطايق هاللي قدامهم
.................................................. ............
Angel 1118
31-10-2010, 20:32
اليوم اخر يوم بالجامعات عند البنات ملاك وريما يدرسون 2 سنه هندسه ولمى أول سنه هندسه
ولينا حاسب ونظم وشوق ورغد أدب انجليزي
بو رائد لاخوانه اللي جمبه:أقول وش رايكم نطلع للمزرعه نقضي فيها يومين تغيير جو
بوزياد:والله خوش راي بس والشركه نتركها احنا والعيال؟
بو معتز:ياخوي الشركه ماهي بطايره يومين مايأثر والموظفين فيهم الخير
بوزياد:شوركم وهداية الله
ألا دخل هشام
هشام:السلاااااااااام عليكم
الكل:وعلييييكم السلام
بو رائد:ها وين الباقي عنك ياهشام؟
هشام توه بيرد ودخلوا تركي وطلال
تركي:كأني أحس احد يسأل عني
طلال:وانا بعد عندي نفس الأحساس
بو زياد:سلموا بالاول
طلال وتركي:السلاااااام عليكم
الكل:وعليكم السلام
بوزياد:اقول ياعيال ترا انا وخوالكم اتفقنا ننزل للمزرعه يومين
هشام:والله خوووش راي
تركي:بصراحه كنا في حاجه للراحه يومين من الشركه
بو رائد:وانت ياولدي ياطلال ماسمعنا رايك
طلال:انا اسمحوا لي مااقدر اخلي شركتي
بو رائد:انت ماعندك مدير عام؟
طلال:الا
بورائد:خلاص اجل ليه الأعتراض؟
طلال واللي ماوده يروح مايبي يقابل ملاك:بس يبه
هشام وفاهم طلال:لا بس ولا شي
تركي:ياخي بلا مصاخه ماتحلى الطلعه الا اذا كنا كلنا فيها
بو رائد:أصلا" خلاص انا قررت ان الكل بيروح وفرصه بماانها اجازه صيفيه
طلال وشاف مافي مبرر للرفض:اللي تشوفونه
طبعا"الكل درا واستعد واليوم راحوا
.................................................. ...
في بريطانيا
زياد:معتز قط الاوراق اللي بيدك خلنا نطلع ناكل لنا شي ونرجع
معتز:طيب دقايق بس
خلص معتز وطلعوا تغدوا
معتز:اقول زياد خلنا نمر المصنع والله اني حاس هالثنين مو موجودين
زياد:طيب يلا ومره وحده نقولهم على تغيير نضام السفر للسعوديه
راحوا المصنع وبالفعل رائد وفواز مو موجودين
معتز:والله اني قايل من اول
زياد:يمكن راحوا يتغدون
معتز:دق عليهم شوف وينهم
الا دخلوا رائد وفواز
رائد:اوووووه من زايرنا اليوم وانا اقول المصنع منور
فواز:لا لا لاتقولون اليوم جايين تداومون هنا
زياد:احلف انت وياه وين نداوم ان شالله مكانكم؟
معتز:اقول ماكأنكم استانستوا تمسكونا الشغل وتروحون
رائد:شدعوه معصبين عااد احنا متفقين ان كل اسبوعين انتوا تمسكون المصنع والشركه واحنا ننزل للسعوديه
زياد:لاااااااا والله اقول انا جايي اقولكم ان بنقلب الوضع ويصير كل شهر احنا ننزل وانتوا تمسكون الاثنين
فواز:لا زياد شدعوه
معتز:اقول بلا حركات بزران ماتتحملون مسؤلية شي
رائد:خلاص خلاص والله يحق لهم يعصبون احنا بصراحه مصخناها
زياد:لاشدعوه مو القصد يابن العم بس انت عارف صار لنا فتره ماننزل الا مرتين بالسنه
فواز:خلاص زيود احنا راضين
معتز:يعني نهاية هذا الشهر احنا ننزل للسعوديه
رائد:ايييه ولكم مني بدل اسبوعين اقعدوا شهرين ولا تحاتون احنا بنمسك كل شي
زياد:تسلم والله خلاص بعد اسبوع احنا فالسعوديه
.................................................. ........
فالسعوديـــهـ
وصلوا للمزرعه اللي هي ملكهم
كانت المزرعه مره كبيره وفي وسطها فيلا
اول ماوصلوا فطروا وناموا وقاموا على الظهر
الحريم قاعدين بالمجلس اللي بالفيلا ويتقهون
والرجال قاعدين بالخيمه اللي برا وسوالف عن الشغل والصفقات
والبنات بالمسبح والعيال يلعبون كره
بعد الغدا
تركي:من يباريني؟
هشام:في ايش بالضبط؟بلياردوا ولا تنس؟
تركي:لا لا لا انا اقصد من يتسابق معي ؟
هشام:بالدبابات؟
تركي:لا
طلال: اجل بالخيل
تركي:انا قايل محد يفهمني غيرك
هشام:احلف ياشيخ لأن مابقى شي غير الخيول ماقلته
تركي:اخلصوا الحين من يباريني؟
طلال:انا
وراحوا عند الخيل وكل واحد اخذ خيله والبنات يناظرونهم ويشجعون الا ملاك اللي واقفه بعيد
عشان ماينتبه لها طلال
تركي وقف:طلاااااال
طلال طايح بالارض الخيل طاح وطاح طلال من فوقه
طلال خيال ويعرف للخيل بس الخيل طاح في حجر كبير
طلال:آآآه يارجلي
تركي وهو ماسكه:سلامات ياخوي وش طيحك؟
طلال:ماادري عن هالخيل الاحول
هشام وتركي حول طلال وعمانه وابوه بعد طلعوا يوم سمعوا الطيحه والبنات يشوفونهم من بعيد شوي وملاك عيونها غرقانه دموع من خوفها على طلال
طهروا الجرح لطلال وصار يعرج من الم رجله
طلال وهو ماشي بروحه:اعنبوك من خيل ماتشووف
ملاك وهي تبكي:طلال
طلال لف عليها ومستغرب من الدموع اللي بعيونها
..................................................
Angel 1118
31-10-2010, 20:35
البارت الرابع
ملاك:سلامتك ماتشوف شر
طلال بدون نفس:الله يسلمك
ملاك:عسى ماتعورت؟
طلال:زي ماانتي شايفه
ملاك:اقدر اشوف الجرح؟
طلال:كأنك زهقتيني مسويه نفسك خايفه علي
ملاك:طلال
طلال:لايكثر اقول وابعدي عن وجهي
ومشى وخلاها
ملاك في نفسها :الشرهه مو عليك على اللي يسأل عنك
ريما:ملاااااااك
ملاك:ها نعم وجع وش تبين؟
ريما:يوجعك وش سرحانه فيه انتي ووجهك؟
ملاك:سرحانه فيك
ريما:لا والله ؟وشاللي موقفك لحالك هنا؟
ملاك اللي ماتخبي شي عن توام روحها ريما:مولحالي
ريما:بس انا مااشوف احد هنا
ملاك:رااح
ريما:مييين؟
ملاك:طلال
ريما:نعم نعم نعم؟ وش يبي بعداللي سواه جد مايستحي
ملاك:حيلك حيلك مايبي شي انا كنت اساله عن جرحه
ريما بعصبيه:انتي هبله؟
ملاك بغباء:ليييه؟
ريما بنفس العصبيه:ملاك نسيتي شسوا نسيتي؟
ملاك:كل قلب يحب ينسى
ريما:مدري شاخرتها معكم
فجر اليوم الثاني طبعا" البنات والعيال مواصلين
البنات يتمشون والعيال يلعبون بالدبابات
شوق:ملاك
ملاك:هلا؟
شوق: انتي جد تعرفين للخيول؟
ملاك:يقولون عني
رغد:ايه صح انا مره شفتها راكبه خيل
لينا تغمز لملاك:حركااااات بنت خالوا
ملاك:أعجبكم انا
لمى:اجل ورينا مواهبك
ريما:اييه تكفييين ملوكه خلينا نستانس
ملاك:اووووكي ماطلبتوا
شوق:اركبي خيل هشام ولا فواز
رغد: لا لا تركبين خيل هشام
ملاك:اعنبوك تغارين حتى على خيله
رغد مستحيه وتهز راسها بأيه
لينا:اركبي خيل طلال عشان تطيحين
ملاك: ماشاالله بزياده حبك لي
البنات يضحكون
وصولوا عند الخيل
لمى: ها ملووكه اي خيل بتركبين؟
ملاك: خيل حبيبي زياااد فديته من سافر محد ركب خيله
شوق اللي تحب زياد ولد خالها:الله يرجعه بالسلامه
ركبت ملاك الخيل وكانت عن جد خياااله
فتحت شعرها البني الناعم وقامت تسرع وشعرها يتطاير وشكلها يقطع القلب
طلال كان يكلم خويه ويمشي بعيد عن الدبابات وازعاج العيال وولما سكر وجا يرجع للعيال شاف ملاك
طلال في نفسه:ماشالله من هالمزيونه اللي راكبه خيل زياد ماتبين ملامحها من بعيد
معقول ملاك ملاك بهالحلا كله هذي تقطع القلب معقول هي جد ملاك
البنات ماانتبهوا لطلال وطايحين تصفيق وتصفير وتشجيع للأخر
وملاك تضحك على حمااسهم
طلال في نفسه:انا لازم اتأكد من هاللي راكبه خيل زياد؟
بعد ساعتين الكل قام والعيال والبنات ناموا وقاموا ع المغرب
طلال يكلم رغد:انتوا رحتوا عند الخيل الفجر؟
رغد واللي خايفه اخوها شاف ملاك لانه عيب يشوفها من دون حجاب وبهاللبس لانها كانت لابسه شورت جينز وبدي اسود
رغد:اييه بس انت شدراك؟
طلال: لا بس يوم قمت من النوم رحت اشوف الخيل وشفت خيل زياد كأنه متغير من مكانه
رغد ارتاحت يوم تذكرت ان ملاك قالت بتحطه بمكان ثاني تغير له جو على قولها
رغد: اهااا
طلال: طيب انتوا ليه مطلعين خيل زياد من مكانه؟
رغد:ابد بس ملاك كانت تلعب فيه ويوم خلصت غسلته وقالت بتغير مكانه
طلال سكر من رغد وكان افكاره الشريره رجعت له
طلال في نفسه:معقول الحجاب يغطي كل هالجمال بس جمالك مايشفع لك عندي يا ملاك
تركي واقف جمب طلال وهو سرحان:طلال
طلال:...........
تركي:طلااااااال
طلال:نععععم
تركي:انا قررت قرار وماني بمتراجع عنه
طلال:عساه خير
تركي:انا لازم اقول لريما اني احبها ياخي خلاص انا اتعذب وهي مو حاسه
طلال:الله يساعدك
الفجروطبعا" البنات والعيال لسى ماناموا مثل العاده بس هالمره العيال بالمسبح والبنات عند الدبابات
هشام:طلال جيب الكوره خلنا نلعب فيها واحنا بالمسبح
طلال:طيب وينها؟
هشام:اتوقع عند الدبابات من امس
طلال وهو الوحيد اللي يدري ان البنات عند الدبابات:لا ماني برايح خل تركي يجيبها
تركي:طلال وش ذا النذاله روح انت جيبها
طلال:تراها فرصة العمر دامك لسه كاشخ ومالبست الشورت
تركي بشك:وش تقصد؟
طلال:روح وتعرف
راح تركي وهو تقريبا" فاهم بس يبي يتأكد
هشام:وش فرصته ذي؟
طلال:لاتستعجل الحين يجي تركي ويقولنا عن الاخبار
Angel 1118
31-10-2010, 20:36
عند البنات
كانوا يلعبون بالدبابات الا ريما >>من حظ تركي
ريما وهي تصارخ عشان يسمعونها البنات:بنات بروح اجيبلي عصير من يبي
ملاك:كلنا بعد حماس الدبابات محتاجين شي بارد نشربه
ريما:من عيوووني
راحت ريما وهي ماشيه صقعت بتركي
ريما وهي منحرجه:اسفه ماانتبهت
تركي:عااادي ماصار شي
ريما:عن اذنك
تركي:ريما ممكن شوي بس
ريما:تفضل
تركي:بصراحه مو عارف شقول ماينفع نجلس
ريما:لحالنا؟
تركي:لا مع الجيران
ريما:تركي شفيك
تركي:انتي بصراحه ماتساعدين الواحد يتكلم اقولك ممكن نجلس تقولين لحالنا
ريما:طيب ليه معصب اجلس
تركي:وين تحبين نجلس؟
ريما:هنا
تركي: ع الارض؟
ريما:لا بالسما
تركي:شفيك؟
ريما:يعني اذا مو ع الارض وين بنجلس؟
تركي:بالكراسي اللي ورا
ريما:لا اسفه هنا احسن ع الاقل مو كأن احنا متخبين
تركي وهو يجلس ويجلس ريما:احترم رايك
ريما:خير تركي فيك شي
تركي:بصراحه ياريما وبدون مقدمات انا احبك
ريما مصدومه عمرها ماحست مجرد احساس بأن تركي يبادلها احساسها
تركي:ليييه ساكته؟
ريما ووجهها احمر:يعني ماادري انت فاجئتني
تركي:والله ياريما انتي شاغله تفكيري وكياني ومحركه مشاعري وربي ان القلب مادق لغيرك
ريما في قمة الاحراج
تركي يكمل:والله اني ماانام الا وخيالك يزورني اشوفك بكل مكان حتى بالشركه تكفين ريما ريحيني
ريما:........
تركي:ماابي منك غير كلمه تريحني او تقضي علي ولاتترددين مهما كانت مشاعرك تجاهي
ريما:...........
تركي:ريما انا مااعترفت لك بمشاعري الا عشان اعرف شعورك تجاهي قولي
ريما:..........
تركي بأسى:خلاص ريما عرفت أشكرك انسي اللي سمعتيه دامه ضايقك والله يوفقك مع شاغل افكارك
وقف تركي بيمشي ووقفت معه ريما
تركي:وعد مني ياريما مااخذ غيرك حليله لي حتى لو تزوجتي غيري
لف تركي عطاها وراه وجا بيمشي بس وقفه يد ريما على يده
لف تركي عليها
تركي:اسف اذا جرائتي زادت
ريما:تركي ابي اقولك شي واحد قبل تروح
تركي والحزن بعيونه:تفضلي
ريما:عمر القلب ماعشق غيرك
تركي:ريما افهم من كلامك انك تبادليني نفس المشاعر؟
ريما:أسعدني بوحك بمشاعرك
تركي:واسعدتني عيونك اللي اعترفت بحبك قبل ينطق لسانك
ريما:عن اذنك
تركي:تفضلي
راحت ريما للبنات ونست العصير
ورجع تركي للعيال ونط بالمسبح بملابسه من الوناسه
طلال:خيييير يابوالشباب ناط بملابسك
هشام:من اول وانا قايل لكم انه اهبل بس محد صدقني
تركي:ماعلي فيكم انا مستانس قولوا اللي تقولونه
طلال:افهم من كلامك انك قلتلها؟
تركي وهو ينطط داخل الموي ومسوي زحمه:قالت احبك ياتركي قلت من قدي
طلال:ههههههه والله انها خذت عقلك مو بس قلبك
تركي:يحق لها تاخذني كلي
هشام وهو لسى مو فاهم شي:الحين انتوا وش سالفتكم وبعدين انت لايكون قلت لريما انك تحبها؟
طلال:يااخي استيعابك بطيئ ماتشوفه من اول ينطط وفرحان ويقولك قالت احبك ياتركي
هشام:اوعدنا يارب
عند البنات لاهين بالدبابات محد نزل منها غيرملاك اللي حست بتغيير ريما من جات
ملاك:ريوم شفيك؟
ريما:قال احبك ياريما واشغلتي تفكيري قلت القلب مايعشق سواك
ملاك:ريووووم وش السالفه تركي قالك انه يحبك؟
ريما:اييييه ياملاك اعترف لي واعترفت له
ملاك وهي حاضنه ريما:وأخيييييرا" اوعدنا يارب
بعد اسبوع
ملاك تكلم زياد ع الماسنجر وتشوفه من الكام
طعـــ السيف ــــن ولا طعـــ الكلام ـــــن
زيووووود حبيبي حدي مشتاقتلك تدري انا نايمه بيت خوالي من اول مارجعنا من المزرعه ذاك اليوم
اشتــــ لترابكـ يالوطن ــــقت
وانا اكثر يابعدهم والله بس غريبه مو بالعاده تطولين عندهم انتي ماتستغنين عن بنات عماني وعماتي
طعـــ السيف ــــن ولا طعـــ الكلام ـــــن
بكرا برجع لهم بس متى بترجع؟ مو حلوا من دونك
اشتــــ لترابكـ يالوطن ــــقت
ان شالله قريب
طعـــ السيف ــــن ولا طعـــ الكلام ـــــن
صار لك سنه وكل يوم تقول ان شالله قريب
اشتــــ لترابكـ يالوطن ــــقت
شسوي الشغل على راسي
طعـــ السيف ــــن ولا طعـــ الكلام ـــــن
اووووووف صرت اغار من شغلك
اشتــــ لترابكـ يالوطن ــــقت
هههه الله يقطع شرك تغارين من شغلي؟
طعـــ السيف ــــن ولا طعـــ الكلام ـــــن
حيييييييييييل
اشتــــ لترابكـ يالوطن ــــقت
ياااااحبي لك والله تدرين محضر لك مفاجئه بس بكرا ادخلي هالوقت المسن واقولك اياها
طعـــ السيف ــــن ولا طعـــ الكلام ـــــن
يووووه تحمست لبكرا ماينفع تقول الحين
اشتــــ لترابكـ يالوطن ــــقت
لا ماينفع وياقرب اليوم لبكرا اصبري
طعـــ السيف ــــن ولا طعـــ الكلام ـــــن
طيييييب امري لله
اشتــــ لترابكـ يالوطن ــــقت
اوووكي ياقلبي وسلمي لي على امي وابوي وكل اللي يسأل عني وشوق
طعـــ السيف ــــن ولا طعـــ الكلام ـــــن
ياعيني ع السلام الخاص بس يبلغ ان شالله
.................................................. .......
عند البنات
ريما:اوووووووف حده طفش بدون ملاك
لمى:ياااااحبي لها عن جد لها وحشه
الا شوق داخله
شوق:ملاك مادقت؟
ريما:لأ
شوق :ماقالت متى بترجع؟
لمى:لأ
الا يرن جوال ريما
ريما:الوووو
ملاك:أحلى الو
ريما:كيفك حبيبتي وحشتيني
ملاك:يالعياره كلها اسبوع
ريما:لو تغيبين عني ساعه اشتاقلك
ملاك:يااااابعد عمري والله
ريما:ها متى بترجعين؟
ملاك:امممم خليها مفاجئه احسن
ريما:يوووه ياشينك بس يالله انا احب المفاجئات بس عساك ماتقعدين هناك اسبوع ثاني
ملاك:هههه لامولدرجة اسبوع ثاني يالله حبيبتي سلمي لي ع البنات كلهم برووح بيذبحوني بنات خوالي
ريما:ليييه يذبحونك المكالمه ماخذت ولا دقيقتين
ملاك:لا بس كنت اكلم زياد ع المسن ويسلم عليكم صح قولي لشوق يوصل لها سلام خاااص
ريما:ههههه ياعيني ياعيني يوصل حبيبتي وانتبهي ع نفسك
ملاك:وانتي بعد مع السلامه
ريما:مع السلامه
شوق:ها متى بترجع؟
ريما:تقول مفاجئه وتسلم عليكم هي وزياد ويوصلك سلام خاص بعد
البنات عدا شوق:الله يسلمهم
اما شوق دخلت عااالم ثاااني
.................................................. ..
Angel 1118
31-10-2010, 20:37
صباح اليوم الثاني ملاك رجعت من فجر الله البنات ع سفرة الفطور ومعهم العيال وجدتهم هم متعودين كل فطور يفطرونه عندها كلهم
الجده:ويييين تريك صار له كم يوم ماجا يفطر؟
هشام:وهو من رجعنا من المزرعه ينام زي الناس عشان يقوم للفطور؟
طلال:والله يمه ان موال براس تركي لاجل كذا ماينام الليل يفكر في مواله
ريما شرقت وهي تشرب العصير
ملاك وهي تضحك على ريما:ههههه بسم الله عليك شدعوه خذي اشربي ماي
طلال وهشام:ههههههههه
ريما ودها تبكي من الاحراج اللي سوولها طلال وهشام وملاك
الجده :ضحكتوا بلا ضروس انت وياه وياها وش اللي يضحك بنت وشرقت بدل ماتسمون عليها
طلال وهو ماسك بطنه من الضحك:لا يمه احنا نضحك على شي ثاني
الجده تضربه بالعصى حقتها على فخذه:كذااااااب
طلال شرق من الضحك
هشام خلاااااص ميييت ضحك بس هالمره ملاك ماضحكت معه ريما هيي اللي ضحكت
لمى وهي تعطي طلال الماي:بسم الله عليك خذ اشرب وش جاكم
طبعا" الكل مايدري شالسالفه غير طلال وملاك وهشام
طلال وهو لسه يضحك:سلامتك بس ااااه يابطني
هشام:بس طلال حلوه الضربه اللي جاتك؟
طلال:اييه بحق يايمه وربي انها تعور وش معنى انا؟
ريما:تستاهل
طلال:حااااااقده شفتي يمه هي اللي تتسبب
الجده:تستاهل انت اللي ضحكت عليها بالاول
طلال:لااااا ظلم حتى هي ضحكت علي يوم شرقت لييه ترجع تقول تستاهل اضربيها
الجده تضرب طلال مره ثاني وبنفس المكان:انت اللي تستاهل الضرب قوووم روح شغلك
طلال:ليييه يايمه تشمتين فيني الاعداء؟
الجده وهي ترفع العصى:الحين بتقوم ولاشلون؟
الكل مييييييت ضحك على شكل طلال بس هو قام قبل تجيه ضربه ثالثه
قام طلال وباس راس جدته وقامت وراه بشوي ملاك
طلال وهو رافع راسه للمرايا اللي عند المغسله
وشاف ملاك واقفه
طلال:ترا فييه مغسله ثانيه مافي داعي تناظريني لين اخلص
ملاك:طلااال انت شفيك؟
طلال:ادفع نص عمري واعرف قصتك بالله ملاك احد مسلطك علي؟
ملاك:اييه
لف طلال عليها باستغراب:نعم ؟
ملاك:اييه قــ
كانت تبي تقول قلبي بس حست لنفسها وسكتت
طلال:كملي مين؟
ملاك:طلال ممكن نتفاهم شوي؟
طلال:هوفي شي بينا يخلينا نتفاهم
ملاك وهي تدوس على كرامتها لاجل قلبها:اييه ممكن
طلال:انا ارجع الساعه 11 وقت البريك واقعد لين وحده وارجع شركتي وبعدين ماارجع الا المغرب وانا حدي تعبان
ملاك:طيييب
طلال:يعني اذا رجعت الظهر نتفاهم بس وين تحبين؟
ملاك:بالحديقه اللي هنا حديقة جدتي بهالوقت مايكون احد فيها
طلال:طيب راح انتظرك اول ماارجع
مشى طلال وهو في باله ياربي ليه فالدقيقه احس بأكثر من احساس تجاه هالبنت هي شمسويتلي
اكرها اعطف عليها احن لها احبها
كله بوقت واحد لااااااا شنو احبها هذي ماتستاهل قلبي هي طاحت من عيني
يوم خلت وحده تختبرني بس الله كشفها طيب هي شتبي فيني بعد كل اللي سويته فيها
اممممم لييه اشغل نفسي بالتفكير كلها كم ساعه واعرف كل شي
ريما:انتي شبتقولي له؟
ملاك:ماادري
ريما:اجل لييه تقولين له؟
ملاك:ماااادري ياريما ماادري بطلي تساليني
ريما:بكيفك انا برجع عند جدتي البنات كلهم هناك تجين؟
ملاك:لا
راحت ريما وملاك قعدت لحالها الى ماجات الساعه 11
راحت ملاك للحديقه وشافت طلال واقف عند قفص العصافير اللي معلق بجدار الحديقه ومعطيها وراه والظاهر ماانتبه لوجودها
ملاك:تحب العصافير؟
طلال:كثييير أحس حياتهم صافيه شوفي كيف يحبوا بعض
ملاك تتنهد:ياحظهم
طلال:تعالي نجلس
جلسوا ع الكراسي اللي بالحديقه
ملاك:ماشاالله جاي ع الوقت تمام
طلال:لا والله من الساعه 10 ونص وانا هنا
ملاك متفاجئه:والشركه؟
طلال:عادي فيها مدير عام
ملاك:تصدق ودي اشوف شركتك
طلال:طيب تعالي زوريني وشوفيها
ملاك:جد؟
طلال:اذا تبين اخذك لها اليوم وانا رايح بعد الغدا
ملاك:بس مو عيب ادخل لحالي انا بنت والموظفين كلهم رجال؟
طلال:ههههههه لاعاادي بعدين اي رجال انا نص موظفيني بنات كبرك واكبر منك
ملاك وهي تغلي من داخل:يعني تعاملك مع البنات اكثر
طلال:طبعا" اصلا" انا حاطلي سكرتيره موسكرتير
ملاك:اهااا
طلال:طيب ماقلتي لي وش تبين نتفاهم عليه؟
ملاك:بصراحه ياطلال انا ماودي منك غير شي واحد
طلال:تفضلي
ملاك:انا اعرف ان المشاكل بينا كبيره وان انت ماتطيق تشوف وجهي بس صدقني ياطلال انا ماللي ذنب باللي صار وياك
طلال:قصدك على ساره؟
ملاك:ايييه
طلال:صعب اصدقك والعقل يقول ان انتي اللي معطتها رقمي ولا من وين لها اياه معقول يعني صدفه
ملاك:لا موصدفه بس
طلال:بس شنو؟
ملاك:طلال انا اللي ابيه انك ترجع زي اول يعني شوف هشام وتركي كيف وشوف انت كني عدوتك
طلال:وانتي فعلا" عدوتي مو معناته اني قبلت اتكلم معك ونتفاهم وقلت لك كم كلمه يعني خلاص صرت عادي وياك
ملاك:شقصدك؟
طلال:اقصد انك ماتعنيلي شي وانتي مجرد صفر اعتبره لا ومو اي صفر على الشمال بعد يعني مالك قيمه عندي
ملاك وهي واقفه وتقاطعه:انت جد ماتستحي وانا الغلطانه على بالي اتكلم ويا واحد عاقل ورجال
طلال وقف:رجال غصب عنك
ملاك:ايييييه واضحه الرجوله تنقط منك
طلال مسك يدها وشد عليها ويتكلم من بين اسنانه:احترمي حالك قبل اكفخك هنا
ملاك:اترك يدي انت لو انك رجال صدق ماتمد يدك على بنت
طلال يترك يدها وهو يجلسها عالكرسي:قلت لك رجال ولو عدتي هالكلمه ابذبحك
ملاك ودموعها بدت تنزل:حرااااااام عليك ياطلال وربي حرام
طلال باستهزائ:هئ وش اللي حرام انتي شعلى بالك على فكره انتي لايكون مصدقه احب ساره تراها عااادي ماهمتني عندي الف وحده بدالها
ملاك:مااااتستحي وتعترف بعد
طلال:ولللييييه مااعترف لايكون انتي زوجتي؟
ملاك:زوجتك؟
طلال:هي انتي لاتصدقين حالك انتي اخر وحده افكر اتزوجها دام ساره صديقتك اكيييد انتي زيها
ملاك بعصبيه وقهر واضح:انا مو صديقتها صديقة اختها وبعدين وش قصدك انا زيها
طلال ببرود :ابببد ماتفرق بالنسبه لي إذا كانت هي صديقتك ولا اختها وبعدين اكيد اختها زيها وانتي طبعا" زي صديقتك
ملاك بنفس العصبيه والقهر:انت وش تقصد كل شوي والثاني قلتلي زيها وزيها
طلال وهو يأشر بأصبعه لها:انتي تتغيبين علي ولا خلقه غبيه انا اقصد اخلاقك قولي يابنت العم كم واحد كلمتي؟
ملاك ماقدرت تمسك نفسها واعطته كف يصحيه من اللي هو فيه
ملاك وهي تتكلم من بين اسنانها:انت جد ماتستحي
ورفعت اصبعها بوجه طلال وحطته بين عيونه:انا اشرف منك يالصايع وكلا"يرى الناس بعين طبعه يا...ياابن العم
وراحت فلتهم ودخلت غرفتها وسكرت الباب وقامت تبكي من قلب
وطلال واقف مكانه وحاط يده مكان الكف وهو مصدوم من كلام ملاك
طلال:يخرررب بيتها كنها حاطه قوتها كلها بهالكف
طلع طلال للحديقه الرئيسيه للسور علشان يدخل فلتهم بس صادف هشام وتركي داخلين وهو لسه مانزل يده من على وجهه
تركي:اووووو وش ذا التطور طلال واصل قبلنا
طلال وهو لسه حاط يده على خده:من 10 ونص
هشام:لااااا مااصدق بعدين شفيك اسنانك تعورك شيل يدك من على خدك
شال طلال يده وطالع فيها
تركي يشهق:ههئئئئئئ وش ذا الدم اللي بوجهك ووراه ضارب اللوان خدك
طلال يطالع الدم اللي بيده:الله ياخذها علمت بوجهي عسى يدها الكسر تقولون حاطه قوتها كلها بهالكف
هشام:مييييين هذي؟
تركي:انا من قلتلي جاي 10 ونص وانا قايل اكيييد مسوي مصيبه
طلال:مافي مصيبه اكثر من مقابل وجهك
هشام:انت للحين ماقلتلي ميييين اللي عطتك هالذكرا مدى العمر؟
طلال:ملاك
تركي يشهق مره ثانيه:ههئئئئئئ ملاك بنت خالي؟
طلال:بيوقف قلبك علينا من كثر ماتشاهق
هشام:يبيلها جلسه بس اصبر اجيب لك ثلج تحطه على وجهك واجي
جاب هشام الثلج لطلال وقعدوا بالحديقه وقالهم كل السالفه
تركي:حراااااام عليك من وين تجيب كل هالقسوه ياشيخ
هشام:والله ان السالفه تفك الراس
طلال:ماكون طلال لو مارديت حق هالكف منها
تركي:اكثر من كذا
طلال:وهي لسه شافت شي
قاموا العيال وكل واحد راح فلته
ام رائد:طلال يمه جيت يلا غسل وتعال تغدا
طلال:يمه شبعان بروح انام وقعديني 12ونص اخذ دوش وارد الشركه
ام رائد:لييه يمه تعاال اكلك لقمتين
طلال:لا والله ماابي اصلا"من سده نفسي
ام رائد وهي تحط الصحن على طاولة الطعام:طلال وتوها بتتكلم الا شافت وجهه
ام رائد:يمه وليدي وش اللي مسوي بوجهك كذا؟
طلال:يمه هذي وحده حماره تهاوشت معها وعطتني كف والظاهر اظافرها طويله علمت بوجهي
ام رائد:ليييه يمه شمسوي لها؟
طلال متوهق:يمه ماسويت شي
ام رائد:بتفهمني مرت من جبك وعطتك كف وراحت وبعدين متى وانت طول وقتك بالشركه؟
طلال في نفسه:شقولها الحين حسبي الله عليك ياملاكوو
طلال:يمه هي موظفه عندي عطيتها رقمي وعصبت وعطتني كف وطردتها من الشركه
ام رائد:عسا يدها الكسر بس احسن انت بعد تستاهل يعني مدير ولك هيبتك حتى موظفاتك ماسلموا منك مدري متى بتكبر وتبطل خرابيطك
طلال:خلاص يمه تعبان وبروح انام ماابي اسمع محاظره
ام رائد:الله يهديك
طلال:امييين يمه ادعيلي
ام رائد: والله داعية لك ياوليدي
طلال وهو يبوس على راس امه:الله لايحرمني اياك
وراح طلال ينام بدون مايتغدا
فالليل
ملاك:يووووه المفروض اني فاتحه المسن من نص ساعه بيذبحني زياد كلا من العله طليييل الله لايرده
فتحت ملاك المسن بس اتفاجئة بعدم وجود زياد
ملاك في نفسها:غريبه بس يمكن عنده شغل وبيدخل بعد شوي شوراي انتظر
الا يطق باب غرفتها
ملاك:اكيييد ريوم
ملاك:ريوووم ادخلي من متى الادب
دخل زياد وملاك واقفه ومعطته ظهرها على بالها ريما
رفع زياد ملاك وحظنها
ملاك:زيووووووووووود أحلى مفاجئه بحياتي
زياد ينزلها:يااابعد عمري وحشتيني يادلوعه
ملاك:وانت اكثر,ماما وبابا شافوك؟
زياد:هم يدرون اني جاي يعني المفاجئه خاصه فيك
ملاك:أهااا طيب توك جاي ؟
زياد:لا صار لي ساعه تحت ورحت سلمت على ابوي عبدالرحمن وامي منى وريما وامي وابوي قالوا انك ماتغديتي اليوم ولاتعشيتي ولا شافوا رقعة وجهك
ملاك وهي تتذكر اللي صار الظهر:ايييه ماكان لي نفس بس الحين رجعة نفسي وبروح اتعشى معك
نزلوا ملاك وزياد وتعشوا
وكان استقبال ريما لمعتز مايقل عن ملاك وزياد
فلة بو رائد
أم رائد:بو رائد
بورائد:هلا
أم رائد:أنا ودي أخطب لطلال
بو رائد:شمعنا طلال ورائد أكبر منه ليه ماتخطبيله أول؟
أم رائد:لأن رائد ماطلب مني أخطب له
بو رائد:أفهم من كلامك ان طلال هو اللي طلب يتزوج؟
أم رائد:لأ
بو رائد:والله أني معد افهمك أجل وشو؟
ام رائد:بصراحه أنا براسي موال واخاف البنت تطير من طلال وحرام تروح لغيره
بو رائد:وليه ماتخطبي هالبنت لرائد؟
أم رائد:رائد كبير عليها وانا أشوف ان طلال أنسب لها
بو رائد:ومن البنت؟
أم رائد:ملاكـ
بو رائد:بنت أخوي؟
أم رائد:ايييه وهو في ملاك غيرها
بو رائد:وطلال وش رايه بالموضوع؟
أم رائد:بصراحه انا مافاتحته بس أكييييد انه موافق
بو رائد:و وش دراك يمكن مايبي يتزوج قبل اخوه
أم رائد:لا مايتزوجها قبل رائد بس نخطبها
بو رائد:لييهه العجله لين يتزوج رائد نخطبها لطلال
أم رائد:لا والله البنت انا ابيها وداخله مزاجي ولايمكن افوتها على ولدي هي حلوه واخلاق وماعليها قاصر ماشالله
بو رائد:الله يقدم اللي فيه الخير
.................................................. .....
Angel 1118
31-10-2010, 20:41
تركي:والله تنفقد هالملاك
هشام:ايه وانت الصادق لها مكان بطلعاتنا والفطور
تركي:حتى البنات كانوا بيموتون طفش بدونها
هشام:بس حلوه جيتها من فجر الله تقول ماصدقت يطلع النور الا جات
تركي:أأيه خالي كلمني أمس الصباح بالشركه وقالي بكرا روح جيبها مايبيها تطلع مع السواق بالفجر جبتها ورحت انام نص ساعه قبل الدوام
هشام:غريبه هو اللي عادتا" يروح يجيبها لا قررت ترجع الفجر؟
تركي:لا اليوم عندنا وفد من شركه فرنسيا ولازم يروحون من فجر الله هو وخوالي
طلال:ماكانكم زهقتوني ولوعتو كبدي من سيرتها
هشام:ياخي انك بعير حقووووود
تركي:انا اشهد
طلال:كلوا تبن
تركي وهشام:شبعااااانييييييين كله انت
طلال:يادمكم انت وياه
.................................................. ..........
رغد تكلم ريما:اييه وأخيرا"الشباب جاوا اليوم و العشا عند جدتي
ريما:أأأيييه أجل خلني اقوم اشوف شبلبس
رغد:يلا أجل ولا تتأخرين
ريما:اللي يسمعك يقول ساكنه بحي ثاني ماكننا بسور واحد
رغد:هههه طيب يلا مع السلامه
ريما: مع السلامه
وفالليل البنات قاعدات ع الجلسه اللي بالمسبح والرجال بالمجلس والحريم يشرفون ع العشا
بو معتز:أقول طلال ورا ماتسوي مشروع بين شركتنا وشركتك؟
طلال:والله ماعندي مانع اذا انتوا متفقين
بو رائد:أجل خلنا ندرس طبيعة العمل عندك وانت بعد ادرس طبيعة العمل عندنا
هشام:وانا ماتبون تسوون معي مشروع
بو زياد:أي مشروع واحنا شغلنا بوادي وانت شغلك بوادي
هشام:أيه عادي انتوا وردوا لي سيارات وانا ابيعها بالمعرض حقي
تركي:لا ياشيخ
طلال:والله انك منت بصاحي
تركي:انا اشهد
هشام ببرائه:وانا شقلت؟
الكل:هههههههههههههههههه
بو معتز وتوه ينتبه للجرح اللي بوجه طلال:طلووول وش ذا اللي بوجهك؟
طلال متوهق:سلامتك عمي بس هذا تريك الرجه تهاوشنا وعلم بوجهي
هشام وهو يضحك:هههه حطها براس تركي الا سواد وجهك اللي سوا فيك كذا
تركي:تستاهل لقيت من يفضحك ولا انا شدخلني
طلال:الله يقطع شركم كلكم علي؟
بو رائد:دامه سواد وجه ياولدي اسكت لاتفضحنا
الكل قام يضحك على وجه طلال وهو متوهق ويتوعد لهالثنين
عند البنات:
ملاك:ها يابنات كيف المكان بدوني؟
ريما:ماااااله طعم
لمى:انا اشهد
ملاك:فدييييييتكم وربي والباقي ماجاوبوا
رغد:كفوا ووفوا هالثنتين
شوق بتردد:اممم ملاك زياد كيفه؟
ملاك تغمز لها:مرتااااااح ويسلم عليك
لينا داخله:هيييييي قوموا نتعشى
قاموا البنات وتعشوا وبعد العشا الكل تجمع بالصاله الرئيسيه للفله ويشربون شاهي
وسوالف وضحك وجمب الصاله الرئيسيه على طول في غرفه مأثثه بس مو لاحد مخلينهاللضيوف
واللي يكون بالصاله ممكن يسمع اللي بالغرفه هذي لو صوته عالي أو الباب مفتوح
أم رائد وهي تأشر لطلال يلحقها لذيك الغرفه:عن أذنكم
طلال لحق امه ودخل الغرفه وأشرت له يسكر الباب
طلال:خير يمه صاير شي
أم رائد:لا يمه وش فيك متخرع
طلال:لا بس اول مره تقوميني والكل موجود
أم رائد:بصراحه ياطلال أنا ابي استغل جمعة عمانك عشان أخطب لك بوجودهم
طلال وهو مو فاهم:ومن سعيدة الحظ ووش دخل وجود عماني؟
أم رائد:اولا" عمانك لازم يكونو معنا بكل شي حنا كذا متعودين وسعيدة الحظ ملاك
طلال ومستنكر الموضوع:من ملاك؟
ام رائد:شفيك كم ملاك تعرف؟
طلال:ان شالله قصدك ذي اللي قاعده برا؟
أم رائد وهي مستغربه ردة فعل ولدها:أيييه ووش فيها بنت عمك
طلال:بس انا ماابيها
ام رائد:انت رافض فكرة الزواج ولا ملاك؟
طلال:انا مو رافض الزواج بس انا مابي ملاك
أم رائد بطولة بال:لييه ماتبي ملاك؟
طلال بنفاذ صبر:يمه مااحبها
أم رائد:مو لازم الحب يجي بعد الزواج
طلال:أي وحده ألا ملاك
أم رائد:وليه ان شالله بنت عمك شناقصها؟أدب وجمال واخلاق وماتنعاب
طلال:اجل أخطبيها لرائد
أم رائد:بس رائد أكبر منها بكثير
طلال:المو ضوع منتهي ومافيه نقاش يمه لاتتعبين نفسك
أم رائد بعصبيه:والله أن ملاك الف واحد يتمنها وانت المحظوظ لو خذتها
طلال:يمه انا اكرها زي مااكره اليهود ماادري لييه تحبونها ووش الحسنه اللي فيها كلكم مخدعوين فيها هي مافي اخلاق شكل عمي ماعرف يربيها
أم رائد وهي في قمة عصبيتها من كلام ولدها
أم رائد:مااااالت عليك من ولد شلون تتكلم عن بنت عمك كذا انت ماتستحي على وجهك وانا الظاهر اللي ماعرفت اربيك وشلون تقول هالكلام ها؟ انت جد قليل الادب وماتستاهلها
طلال وصوته بدا يعلى ويسمعه اللي بالصاله:يمه هي اللي ماتستاهلني
أم رائد وصوتها على على صوت ولدها:اصلا" انت خساره فيها روح لخايساتك اللي تكلمهم ولا وحده فيهم تسوا ظفرملاك
طلال وبنفس عصبيته وصراخه:بعد ملاك ماراح أخذها لوهي اخر بنت لو اخذ وحده من الخدم ولا أخذها
أم رائد:أصلا" هي حاصلتلك مالت عليك ماتعرف في شي هي احسن منك وتستاهل أمير مو انت ركضت وراك كمن بنت وصدقت حالك
قلنا وسيم وجذاب ومركزك عاالي والف بنت تتمناك بس هي أحسن منك بمليون مرررره ومليون واحد يتمناها
طلال:طيب يمه طيب انا قلت كلمتي ملاك مااخذها يعني مااخذا ماابيها المتخلفه
أم رائد:والله لو ماتزوجتها ماتتزوج غيرها
طلال:لا بتزوج ومو ملاك عرفتي يمه بتزوج غير ملاك غيييررررررها
أم رائد وهي مو قادره تمسك أعصابها أعطت طلال كف على وجهه لانه بدا يقل أدبه وهي ساكتتله بس زودها
طلال وبدا يفوووور ويغليي:يممممممه تضربيني عشان وحده ماتستاهل
أم رائد:واكسر راسك بعد والله ياطليييل لو تزوجت غير ملاك لاني امك ولا أعرفك تفهم والله لاأغضب عليك ليوم الدين وحتى لو ملاك تزوجت غيرك تضل عزوبي
طلال وهو حاط يده على خده مكان الكف:يمه بس هذا ظلم انتي تظلميني
أم رائد:لا مو ظلم والكلام اللي قلته عنها مو ظلم ها تكلم تشك في اخلاق البنت وتتكلم عن الظلم بعد هوانت لك عين تتكلم
طلال:والله يمه مالي قعده عندك اليوم وسوي اللي تسويه ملاااااااااك مابتزوجها
أم رائد:انقلع يامحترم ولا توريني وجهك الله لايردك
طلع طلال والكل بوجهه علامات التعجب من اللي سمعوه وقفه ابوه واعطاه كف ثاني على الكلام اللي قاله>>مسكين 3 كفوف بيوم واحد
بورائد:والله اني ماعرفت اربيك ياطليييل على هالكلام
طلال طالع ملاك اللي متصنمه مكانها من الكلام اللي سمعته بحقد وكره عمره ماحس فيه وسييييده على سيارته
هشام وتركي كانوا بيلحقونه بس خلوه لحاله عشان يتأدب
زياد اللي وقف طلال قبل يركب السياره وماسكه من ثوبه من عند رقبته من قدام وواصل حده من العصبيه
زياد:انت قد الكلام اللي قلته عن ملاك هي احسن منك ومن وجهك يالصايع والله لو ماخليتك تندم ع اللي سويته مااكون زياد فااااهم
ودفه داخل السياره وسكر الباب ورفس السياره بكل ماعطاه ربي من قوه
ملاك طلعت بعد طلال على طووول وراحت فلتهم ودخلت غرفتها وقفلت الباب على نفسها وانهارت بكي وصارت تكسر أي شي قدامها
في فلة الجده:أعذرني ياخوي طليييل الله لايوفقه سود وجهي من كلامه تكفى ياخوي لاتزعل مني والله لأوريك فيه
بو زياد وهو ضايقه فيه الدنيا:لااا ياخوي لاتشيل هم مو انا اللي أخسر أخوي على واحد بزر مايثمن كلامه
بو معتز:والله ماتوقعتها من طلال
بو زياد:الله يهديه ان شالله الله يهديه
بو رائد قام وباس راس اخوه بو زياد
عند ملاك
ريما:ملاااك كافي بس تكفين افتحي لي الباب
ملاك:روووووووووحوا كلكم مابي احد مابي احد
رغد ودموعها على خدها:الله ياخذك ياطلال
شوق:أستغفري ربك لاتدعين عليه
رغد:شوفي ملاك كيف حالتها من كلامه اللي زي السم
لينا:الله يهديه ويعين ملاك
لمى:ملوكه حبيبتي افتحي لي انا لمى
ملاك:قلت مابي اشوف احد
أم زياد:ياربي شصار ببنتي مو راضيه تفتح لي ولا لأحد
أم رائد:كله من العله طليل الله لايرده
ام زياد:انت ام ودعوة الام مستجابه لاتدعين عليه
أم رائد:وشلون ماادعي عليه وهو اللي مسوي كذا بملاك
أم زياد:ان شالله ماعليها شر وكلها يومين ويرجع كل شي مثل ماكان
أم رائد:والله أنك أصيله ياام زياد
زياد وهو طالع الدرج بفلتهم:ياعيال
ام زياد:لحظه يمه خل البنات يتحجبون
أم رائد:تفضل ياوليدي
زياد وهو يصرخ ووجهه احمر من العصبيه:ويين ملاك؟
الكل ساكت
زياد وزادت عصبيته:اعتقد اني قاعد اتكلم وييين ملاك؟
لارد
زياد وتفجر منه براكين:وربي لوخليتوني اسأل مره ثانيه لااقلب البيت فوق روسكم كلكم
شوق بخوف:زياد
زياد وهو رافع حاجبه من العصبيه:تكلمي ياشوق
شوق:ملاك بغرفتها و..و..و
زياد:ووشو انطقي مسألة كيميا هي
شوق:موراضيه تفتح لأحد وقاعده تكسر أي شي يطيح بيدها
زياد:ابعدوا عن الطريق بمر
بعدوا البنات وراح زياد للقسم الثاني من الدور والكل وراه
Angel 1118
31-10-2010, 20:44
زياد يسمع بكى ملاك وتكسر الأشياء
زياد:ملاك أفتحي انا زياد
ملاك أول ماسمعت صوت زياد فتحت الباب ودخلت زياد وردت قفلته
زياد بهدوء:ملاك لفي علي وارفعي راسك وطالعيني
ملاك ماقدرت تستحمل اكثر وارتمت بحظن اخوها وقامت تبكي
زياد وهو يمسح على شعر ملاك:خلاص حبيبتي أهدي طلييل مايستاهل دمعه من عيونك
ملاك زادت بكى من كلام أخوها
زياد :صدقيني ياملاك ماأخلييه يتهنى إذا مارديتلك حقك منه ماأكون زياد
ملاك:أكرهه يازياد أكرهه
زياد:وانا من اليوم كرهته
ملاك:زيااد ماأبي أشوف وجهه مره ثانيه خذني معك بريطانيا خذني
زياد:انا عندي أجازه شهرين بس ولا يهمك أبسفرك إيطاليا ونقعد ليين تملين
ملاك وهي تتذكر كلامها لريما
ريما:والله انتي غريبه ياملاك تعشقين إيطاليا وعمرك مارحتيلها ولاتبين تروحين لها
ملاك:من كثر ماأحبها ماابغى أروح لها الا مع طلال
ريما:ياعيني ياعيني والله انك منتي بسهله
زياد:ملوكتي وين وصلتي ماقلتي وش رايك بإيطاليا انتي تحبينها
ملاك وهي ترجع للواقع:لا ابي اروح فرنسا
زياد:بس انتي رحتي لها انتوا والبنات الصيف اللي فات
ملاك:أجل خذني الصين
زياد:هههه الله يقطع شرك وش نسوي بالصين
ملاك وهي لسه بحظن اخوها وحاطه راسها على صدره:ماقد رحت لها ونفسي اشوفها
زياد:ولا يهمك الصين الصين بس بعد مااخذ حقك من النذل طليل
ملاك وهي ترفع راسها وتطالع اخوها:زياد اوعدني ماتأذي طلال
زياد بأستغراب:انتي اللي تقولين هالكلام؟
ملاك:مو لاجله لاجل عمي المسكين ومرته هم شذمبهم ؟
زياد:بس ياملاك
ملاك تقاطعه :حبيبي زياد لاجل خاطري انا ماابي عمي وابوي تصير بينهم مشكله بسببي ولا ابي عمي يشك بتربيته لولده كافي انه ضربه قدام الكل
زياد:ياحنية قلبك ياملاك
ملاك:طالعتلك
زياد:عيااااره
ملاك:زيود حبيبي ممكن اطلب منك طلب؟
زياد:انتي تامرين
ملاك:تسلم بس انا ماودي اطلع من غرفتي الا لين يجي موعد سفرنا
زياد:بس
ملاك تقاطعه :ولا ابي اشوف احد لي يوم السفر يهون عليك تردني؟
زياد :براحتك بس انا كل شوي بنط لعندك
ملاك:امممم امري لله والله يعيني عليك ويصبرني
زياد يرمي عليها المخده:انا من اول قايل انك قليلة خاتمه
ملاك تحظن اخوها:عااااد امزح على طول زعل
زياد وهو طالع:لامازعلت
طلع زياد وسكرت ملاك الباب وقفلته
أم زياد:هايمه شلونها الحين ؟
زياد:لونها من لون الصينين؟
أم زياد وموفاهمه شي:شتخربط يازيود تكلم زي الناس
زياد وهو يضحك:ههههه يمه بنتك دلوعه حبتين ومالقت تدلل الا علي
أم رائد منزله راسها بلارض وماقالت ولاكلمه من طلع زياد من عند ملاك
زياد وهو منتبه لها:خالتي علامك منزله راسك؟
أم رائد وهي لسه منزله راسها:واللي عنده ولد مثل طلال يقدر يرفع راسه؟
زياد:افاا عاد انتوا الاغصب بتكبرون السالفه الولد غلط وخذ جزاه منك ومن عمي والبنت زعلت والحين رضت والموضوع كله انتهى وبعدين انتي لازم دوووم رافعه راسك
أم رائد ترفع راسها بفرح من كلام زياد:أفهم من كلامك ان ملاك رضت؟
زياد:للأسف وانا الضحيه
ريما:الحين انت شسالفتك مره تقول الصين ومره الضحيه ولا احنا فاهمين شي
زياد:ياستي ملاك عشان ترضى قالت لازم اسفرها الصين وانا شسوي بحكم طيبتي وضعفي قدام الدموع وافقت
ريما:واااااو يعني بنروح الصين؟
زياد وريما عاااادي مع بعض لانهم اخوان ام زياد وام معتز مرضعين عيال بعض يعني الاربعه اخوان
زياد:خييييييير ان شالله انا وملاك ومعتز بس
ريما:لا زيود تكفى خذني معكم لاجل خاطري نفسي اشوف الصين
زياد وهو يسوي نفسه يفكر:امممممم طيب ترجيني
ريما:الله يخليك
الكل ميت ضحك على شكل ريما وزياد
زياد:لا لا ماتكفي هذي ابي اكثر
ريما:الله يخليك ويوفقك وتتزوج اللي ببالك ومن برا العيله>>قالتها وهي تناظر لشوق وتغمز لها
زياد:برا العيله ها؟ضفي وجهك مافي سفر
ريما:لا لا لا قصدي من داخل العيله
زياد:ايوووه خلك كذا ياشاطره
أم زياد:حرااااام عليك يمه
ريما:شفتي يمه شفتي ولدك
زياد:خلاص كسرتي خاطري بنروح انا وانتي وملاك ومعتز
ريما وهي تنطط:ييييس والله وزعلك ياملاك يجيب فايده
شوق:عن اذنكم بروح عند جدتي من طلع طلال وهي تبكي
نزلت شوق الدرج
زياد:وانا استأذن بس ترا ملاك ماتبي تشوف احد الا وقت السفر يعني لاتزعجونها
وصلت شوق الحديقه بس زياد كان اسرع منها وقف قدامها
زياد:انا اسف
شوق:زييين حسيت انا شذمبي تصارخ علي وقدامهم بعد؟
زياد يتأمل وجهها وهو مبتسم وساكت
شوق:الحين كم مره قلت لك لاتطالعني كذا ولا تدور عذر
زياد:ذنبك اني احبك وعذري انك تحبيني
شوق استحت من كلامه ومشت
شوق في نفسها:هذا شفيه من رجع من بريطانيا اليوم وهو زايده جرائته
زياد من بعيد:شوووق احبببببك
شوق لفت عليه وابتسمت وكملت مشي
.................................................. .....................................
بعد يومين طلال للحين مارجع وملاك على حالها وبعد يومين ثانين ويسافرون
غيدا:ملاك حبيبتي افتحيلي انا غيدا
ملاك:....
غيدا:شوفي انا من اول ماجيتك وتركتك يومين على راحتك بس الحين ماراح اتحرك لين تفتحين
فتحت ملاك الباب وارتمت بحظن غيدا
ملاك:شفتي ياعمتي وش سوا
غيدا:مااالت عليه من واحد من زينه عااد
ملاك:راااح حبي ياغيدا راح
غيدا متفاجئه:تحبينه
ملاك حركت راسها بأيه
غيدا :وهو يدري؟
ملاك:لا أبد ولا حتى شاك
غيدا:زين انه مايدري ولا كان ذبحه على يدي
ملاك:رجع؟
غيدا:للحين تحبينه؟
ملاك:أكرهه بعد اللي سواه ماللي قلب يحبه ابد سامحته على اشياء كثير
بس انه يشكك بأخلاقي لااااا الا هذي
غيدا:طيب مابتنزلين؟
ملاك:لا
غيدا:حرام عليك كلهم ينتظرونك ويرابطون بالفله لليل مع نهار عل وعسى تطلعين من المعتقل
ملاك ابتسمت رغم الألم على تعليق عمتها
غيدا:يلا عااد اطلعي لااخلي ريما تطلع لك الحين توريك شغلك هي اصلا" ببتتهاوش معك لو عرفت انك فتحتيلي وما فتحتيلها
ملاك:بس مالي عين اشوفهم بعد الكلام اللي قاله هذا
غيدا:بالعكس لازم تبينين انك مو مهتمه وانك واثقه من نفسك
ملاك:تهقيييين؟
غيدا:أكيييييد
الا دخلوا البنات
ريما ترفع أكمامها:انا قايله اني ذابحتها فاتحه لغيدا وانا اترجاها كل دقيقه تفتح وماتفتح وغيود من اول دقه افتحتلها
غيدا:لا والله من ثاني دقه
ريما:انا اوريك
سحبت ملاك من السرير وودخلتها الحمام وحطت راسها بالمغسله وفتحة الماي البارد
ملاك تصرخ والبنات ميتات ضحك
ملاك:خلاص خلاص وربي مااعيدها
ريما:وانتي ناويه تحبسين عمرك مره ثانيه عشان تعيدينها؟
ملاك:يمكن
ريما:لااا انتي مافيك فايده يمكن ها؟ شكلي بدخلك البانيو هالمره
ملاك:لااااا خلاص مااعيدها
طلعت ملاك من الحمام وريما معها طبعا" بعد مااخذت دوش محترم
ملاك:استانستوا اشوف بعد اللي شفتوه
لينا وهي ماسكه بطنها من الضحك:ههههههه والله ان شكلك تحفه
شوق:هههههههه كان يبيلك صوره بصراحه
لمى:ريما عيديها خلينا نسويلها مقطع فيديوا للذكرى
ملاك وعينها على رغد اللي ماضحكت ولا تكلمت من دخلت مو زي البنات ماخلوا تعليق ماقالوه
ملاك:رغد وراك ساكته حتى ابتسامه مافي
........
Angel 1118
31-10-2010, 20:46
رغد وهي منزله راسها:.........
ملاك:شدعوا عاد ارفعي راسك ع الاقل
رفعت رغد راسها ووجهها مليان دموع
ملاك مصدومه:افاا من مزعل رغوده حبيبتي؟
ريما:والله من بعد اللي صار وهذي حالتها
ملاك:لييه يارغد؟
رغد:ادري انك ماتبين تناظرين بوجهي بعد اللي صار بس انا طلعت هنا عشان اتطمن عليك
ملاك:والحين تطمنتي؟
رغد:اييه وكنت عارفه انك ماتبين تكلميني فاانا بريحك وبروح من نفسي
ولفت بتطلع
ملاك:رغد
رغد بدون ماتلف:امري
ملاك:اليوم بس عرفت شي واااحد
رغد وعلى بالها ملاك بتبرد حرت اخوها فيها:وشو
ملاك:لما يقولوا علي هبله معناته طالعه عليك
رغد لفت وتناظر بملاك
ملاك:تعالي ياهبله وحشتيني
راحت رغد لملاك وحظنتها
رغد:انا اسفه على كلام طلال
ملاك:انا نسيت لاتذكريني وانتي مالك ذنب تعتذرين عنه
رغد:مو زعلانه مني؟
ملاك:لاحبيبتي مو زعلانه وانا خلاص الموضوع أثر فيني بالبدايه بس الحين عااادي
.................................................. .............
طلال صار له أسبوع ومارجع البيت وزياد ومعتز وملاك وريما راحوا الصين
طلال عنده شقه صغيره يتجمعون فيها هو تركي وهشام وربعهم لما يكونو زهقانين
وهو جالس فيها من بعد اللي صار بس مقرر انه يرجع الفله اليوم عشان يعتذر من امه وابوه وعمه بس ماغير نظرته في ملاك
طلال وهو جالس على كنب الصاله بالشقه
طلال:الحين انا سألت سؤال وابي عليه اجابه
ساره:طلال زهقتني انت تسأل عن كل شي
طلال: ليه مايحق لي؟
ساره: لا طبعا
طلال بعصبيه:نعم؟
ساره: انت لايكون مصدق حبيتك؟
طلال مصدوم:......
ساره: ترا انا اتسلى واكلم الف واحد غيرك
طلال مايحب ساره لانه زيها يكلم الف غيرها ومايؤمن بهالعلاقات بس يتسلى لاكن ماهانت عليه كرامته
مايهون عليه بنت تسوي فيه زي كذا وهو اللي البنات ميتين عليه وينتظرون اشاره منه
ساره تكمل:انا بس يوم عرفت ان ملاك تحبك قلت بشوف ان كنت تستاهل ولا لأ
طلال مصدوم:تحبني؟
ساره:اييه يالغبي تحبك وانت ماتستاهل حبها
طلال: احترمي نفسك واعرفي مع مين تتكلمين
ساره: انا ماقلت غير الحق انت لوانك مو غبي ماكان صدقت كلامي عنها وانا ماعندي دليل ضدها
طلال:اجل من وين جبتي رقمي؟
ساره: من جوال ملاك وهي ماتدري كانت تتمشى ويا اختي بالحديقه ومخليه جوالها بالشنطه فالمجلس
طلال: وليه كذبتي علي وقلتي هالكلام عنها؟
ساره: بصراحه انا لما شفت صورتك في جوالها
طلال يقاطعها وهو مو مستوعب شي: صورتي بجوال ملاك؟
ساره: ايه. وبصراحه عجبتني وقلت لازم اتعرف عليك وقلت هالكلام لاني توقعت اني بحبك
فقلت ابعد ملاك من البدايه عنك احسن لي وبصراحه ماحبيتك انت مغرور وتحب تتحكم بالناس
طلال: صحيح انك نذله وماتربيتي لايكون على بالك حبيتك تراك وحده من اللي ماتربوا وكثير غيرك اكلمهم
ساره: الزم حدودك
طلال:ولايكون على بالك بنتحر يوم تتركيني تراك ماهميتيني انتي لعبه وخلصت منها وانا الربحان
وسكر بوجهها
.................................................. ......
تركي: اقول هشام طلييل مابين من بعد اللي صار
هشام: وهو له وجه كلمه شوف شعنده
تركي:الحين اكلمه
تركي: آآآلووو مساااااء الورد
طلال بدون نفس من الكلام اللي سمعه من ساره:مساء الزفت
تركي: افاا لا طلول مو اللي اعرفه
طلال: اآآه ياتركي
تركي: سلامتك من الاه يالغالي عسى ماشر
طلال: هم بقلبي ياتركي هم قد الجبال
تركي: لا ياطلال وش ذا الكلام اقول ماينفع تعال عندنا انا وهشام بالقهوى وقول شفيك
طلال: والله اني مالي خلق الشارع ولا القهوه ولا حتى نفسي
تركي: لهدرجه؟ انت وينك؟
طلال:فالشقه
تركي :اجل خلاص الحين نجيك انا وهشام
سكر تركي وقال لهشام وراحوا لطلال الشقه
طلال قالهم كل اللي صار وهم مو مستغربين لانهم عارفين ملاك مظلومه من البدايه
هشام: وش ناوي تسوي الحين؟
طلال:بعتذر لها
تركي: لا مااصدق طلال يعتذر لأحد
طلال: تركي هشام اللي ماتدرون عنه ملاك تحبني
تركي وهشام طالعوا ببعض بعدين بطلال وقالوا بصوت واحد من الصدمه: تحبببببك؟
طلال: ايييه تحبني تحب طلال
هشام :اجل جرحها كبير
تركي يفكر:اهااا فهمت الحين
طلال: وش اللي فهمته؟
تركي: فهمت ليه ملاك ذاك اليوم حاطه التوبك كذا
طلال مايدري لييه عصب:نععععم؟ التوبك؟ لايكون انت تكلمها ماسنجر
تركي ومستانس: وانت شعليييك؟
طلال: تريييييييكـ وربي لو انك تكلمها
هشام يقاطعه وهو يضحك:خيييييير يابو الشباب وليييه معصب وانت شعليك كلمها ولا لأ
تركي: اييييه جد شعليك
طلال:اقوووووووول
تركي: امزح امزح بس انا مره دخلت غرفة لينا وهي تكلم ملاك ونطيت اقرا وشفت التوبك
طلال: طيب شكان التوبك؟
تركي: طعن السيف ولا طعن الكلام
طلال:انا لازم اليوم ارجع واعتذر من الكل واصلح اللي سويته
هشام: والله يعينك تنتظر ملاك ليين ترجع
طلال:ترجع؟ ليييه هي وين رايحه؟
هشام:الصين
طلال:بلا هبالك مو وقته
هشام:انت الأهبل وربي انها فالصين صار لها كم يوم ومابترجع ليين تكمل شهر هناك
طلال:وعمي انا لازم اعتذر له شيصبرني حتى زياد انا جرحت كرامته من كلامي على اخته
تركي:اذا على خالي فالموضوع سهل لانه ماسافر بس زياد الله يعينك تنتظره
طلال:ملاك مسافره ويا زياد؟
تركي يتنهد:ااااه وخذوا قلبي معهم
هشام:ومعتز بعد
طلال:الله يردهم بالسلامه
..................................................
Angel 1118
01-11-2010, 15:40
البارت الخامس
طلال وهو يبوس على راس عمه ويده:انا اسف ياعمي ويحق لك تطقني وتهزئني وتسوي اللي تبي
بو زياد:انت غلطت ياطلال غلط كبير
طلال:وابي منك السماح يالغالي
بوزياد:الله يسامحك
طلال وصوته يترجى:تكفى ياعمي لاتشيل بخاطرك علي واسمحلي اعتذر لملاك لارجعت
بو زياد:هي اصلا" نست ومو مهتمه بالسالفه كلها لانها واثقه من اخلاقها وماهمها كلامك
طلال:والنعم فيها بنت عمي اخت رجال بس بعد لازم اعتذر لها وقدام الكل لاجل ترد لها كرامتها
بو زياد: سو اللي تبي.رحت لابوك؟
طلال:لا الحين بروح له هو وامي واعتذر لهم بس قلت اجيك اول
بو زياد:روح اللي يرضى عليك ومر جدتك بفلتها ترا من طلعت وهي قافله على نفسها وتبكي
طلال:أبشر يالغالي عساني فداها جدتي اكيييد بروح لها
.................................................. ..................................
بعد شهر من اللي صار رجعوا العيال والبنات من الصين وراح طلال يستقبلهم
زياد وهو يطالع طلال من فوق لتحت:ولك عين يالمحترم تجي لي هنا؟
معتز:الظاهر يبيلك احد يعقلك
طلال:زياد معتز ممكن نتفاهم؟
معتز:انا مالي وياك تفاهم الا اذا زياد يبي يسمعك هذا شي راجعله
معتز:يلا ريما انا سيارتي موقفه برا
زياد:وانا وملاك معكم بعد
طلال ماسك يد زياد:تكفى زياد اسمعني انت وملاك شوي
زياد:ابعد لاتخليني اكفخك قدام الناس هنا أحفظ كرامتك وروح عن وجهي
طلال وهو يترجى زياد:تكفى زياد تكفى طلبتك هالمره بس لاتردني
ملاك:زياد انا رايحه مع معتز وريما ومشوا وبقى زياد مع طلال
طلال:زياد انا اترجاك ياخوي
زياد:لاتقول ياخوي مايشرفني اخو مثلك ولو عشانك ماهميتني بس لاجل عمي زي ماقالت ملاك
طلال:طيب تفضل
ركب زياد بسيارة طلال
نزلوا ع البحر
زياد:احلف شتبي جايبني هنا؟
طلال:زياد ممكن تهدا من هالعصبيه شوي وتسمع شبقول؟
زياد:مااعتقد في شي يشفعلك اللي سويته
طلال:زياد لاتحكم لييين تسمعني
زياد:يلا قول هذاني اسمع
طلال:زياد اولا" انا اعتذر لك ومن كل قلبي صدقني انا غلطت واستاهل اللي يجيني منك
زياد:عارف انك تستاهل قول شي ثاني
طلال يكمل وهو يتجاهل كلام زياد:زياد انا بقلبي كلام كثيييير وودي اقوله لك ودي افتح لك قلبي
طلال يكمل:زياد انا طول عمري اعتبرك اخوي الكبير وعمر صورتك مااهتزت قدامي كل يوم عن يوم تكبر بعيني
زياد:للأسف انا كنت مثلك بس الحين صورتك مو بس مهتزه بعيني الا متشوهه
طلال:زياد انا ولد عمك لييه تعاملني كذا
زياد:انت لك عين تتكلم؟
طلال نزل راسه:لا مالي عين انا اسف خلاص بمشي وانسى اني كنت بفتح لك قلبي بس على الاقل لاتنسى اني ولد عمك
وقف طلال وزياد وقف وراه
زياد:ارفع راسك ياطلال
طلال:ماعدت اقدر احط عيني بعينك
زياد رفع راس طلال وضمه
زياد:والله ياطلال مكانك بقلبي كبير بس مايهون علي اسمع هالكلام منك عن اختي
طلال:زياد اسمعني والله ابي افهمك السالفه من اولها وليه انا قلت هالكلام صحيح ماراح تعذرني بس يمكن يهون عقابك علي شوي
زياد:قوول وانا اسمع
.................................................. ....
ملاك:ماما وحشتييييني
ام زياد:يلا روحي تبيني اصدقك بديت اشك ان زياد هو امك
ملاك تضحك:ههههه ماما تغارين من زياد زياد عزوتي يالغاليه
ام ملاك وهي تحضن بنتها:لا والله مااغار الله يخليكم لبعض أنتوا واخوانكم
ملاك:امييييين الا بابا وييينه؟
ام زياد:بالمكتب روحي له
..........................................
تركي:هشام شتتوقع صار بين زياد وطلال؟
هشام:زياد يحب ملاك كثير ومايرضى عليها وانا اتوقع بماانهم طولوا يعني زياد ذبح طلال للأبد
تركي يضربه بمضرب التنس:انت غبي؟
هشام:ياخي وش دراني عنك تسأل أسأله انا معك مو معهم
.................................................. ..........
عند زياد وطلال طلال قال لزياد عن كل شي من يوم العيد يوم يدري عن مرض ملاك الى سالفة ساره الا ماصار اللي صار يعني ماخلا شي بقلبه
زياد:كل هذا صار معكم انت وملاك؟
طلال وهو يتنهد:اااااه يازياد والله هم بقلبي ولا اقدر اشيله
زياد وهو يطالع بوجه طلال:بس والله كف اختي زادك وسامه
طلال وهو حاط يده على الجرح:هههههه تصدق هذي احلى ذكرا احملها
زياد:طلال
طلال:سم
زياد:تحبها؟
طلال:تسمح لي اجاوب بصراحه؟
زياد:لاسألتك عشان تكذب علي
طلال:بس اخاف تكفخني
زياد:لاعلييك الامان
طلال:صرت اعشقها من قلبي
زياد:وانا حاس انها لسه تحبك
طلال:شدراك؟
زياد:والله ياطليييل اني كنت ناوي عليك نيه تنومك بالمستشفى شهر كامل
طلال:ووووولللل
زياد:بس ملاك حلفتني ماالمسك ابد
طلال:اااااه مو ذابحني غير طيبها مع كل اللي اسويه ليتها تسامحني
زياد:جرحها كبير ومو حاس فيه غيري بتتعب معها بس لاتيأس
طلال:مستحيييييل ملاك لي
زياد:الله يعينك عليها
طلال:امييييين
زياد:يلا عااد ابي اروح اشوف اهلي اشغلتني
طلال:يلا
..................................................
Angel 1118
01-11-2010, 15:44
طلال تعرف على ضي صديقة ملاك الروح بالروح ومايخبون عن بعض شي والحين هو يكلمها مسن
ضي طيبه وتحب ملاك وتدور مصلحتها مو زي سوييره
ويـــــنكـ عنــــي
والله ياطلال ان ملاك تحبك
الخطـــ مني كبير والعفو بالمقدرهـ ــــــى
طيب انا عارف من شهر بس ابي تعطيني فرصه
ويـــــنكـ عنــــي
طيب انت وش شعورك تجاها؟
الخطـــ مني كبير والعفو بالمقدرهـ ــــــى
وربي ان الشهر اللي فات كان كفيل يعلمني حبها
ويـــــنكـ عنــــي
مو يمكن انت ماتحبها بس حاس بالذنب؟
الخطـــ مني كبير والعفو بالمقدرهـ ــــــى
كنت بالبدايه اقول كذا بس الحين اللي بقلبي لملاك كل حب وحب بجنون بعد
ويـــــنكـ عنــــي
ماأمداك من شهر صرت تحبها بجنون
الخطـــ مني كبير والعفو بالمقدرهـ ــــــى
والله لو تدخلين قلبي تعرفين.. اسمها صار يأثر علي لاانقال شلون هي
ويـــــنكـ عنــــي
أتمنى
طلال وكان تذكر شي
الخطـــ مني كبير والعفو بالمقدرهـ ــــــى
اقول ضي ملاك هي اللي اعطتك ايميلي وقالت لك كلميني مسن؟
ويـــــنكـ عنــــي
والله ان سالفة ساره مأثره عليك
الخطـــ مني كبير والعفو بالمقدرهـ ــــــى
اجل من وين جبتيه اذا انتي تقولي انو مو من ملاك؟ لايكون على بالك صدقت انها صدفه
ويـــــنكـ عنــــي
تبي الحقيقه؟
الخطـــ مني كبير والعفو بالمقدرهـ ــــــى
شرايكـ؟
ويـــــنكـ عنــــي
لا مو صدفه انا مره شفته مكتوب بدفتر مذكرات ملاك
الخطـــ مني كبير والعفو بالمقدرهـ ــــــى
احلفي طيب عشان اصدق
ويـــــنكـ عنــــي
وربي اللي خلقني اني صادقه
الخطـــ مني كبير والعفو بالمقدرهـ ــــــى
طيب وملاك؟
ويـــــنكـ عنــــي
طبعا" ماتدري ولو درت بتقلب الدنيا فوق راسي وبتزعل
الخطـــ مني كبير والعفو بالمقدرهـ ــــــى
ملاك زيك كذا؟
ويـــــنكـ عنــــي
شلون زيي؟
الخطـــ مني كبير والعفو بالمقدرهـ ــــــى
يعني تكلم؟
ويـــــنكـ عنــــي
ولو انك غلطت علي بس لااااا ملاك ابد مو من هالنوع
الخطـــ مني كبير والعفو بالمقدرهـ ــــــى
كنت عاارف بس حبيت اتأكد
ويـــــنكـ عنــــي
طيب ليه ماتقولها عن حبك بدال منت معذب نفسك
الخطـــ مني كبير والعفو بالمقدرهـ ــــــى
من بعد ذيك السالفه وهي ان شافتني بمكان طلعت منه
ويـــــنكـ عنــــي
تستاهل
الخطـــ مني كبير والعفو بالمقدرهـ ــــــى
والله مدري شلون ظلمتها وصدقت سويره
ويـــــنكـ عنــــي
كل شي يتصلح بما انكم تحبون بعض
الخطـــ مني كبير والعفو بالمقدرهـ ــــــى
الا ضي ليه انتي ماتقولين لها اني احبها
ويـــــنكـ عنــــي
انت غبي؟
الخطـــ مني كبير والعفو بالمقدرهـ ــــــى
لييييييييه؟؟
ويـــــنكـ عنــــي
كذا بتعرف اني اكلمك وبتفهم غلط
الخطـــ مني كبير والعفو بالمقدرهـ ــــــى
ايييه صح والحل؟
ويـــــنكـ عنــــي
الحل عندك حاول بكل ماتقدر تغير نظرتها لك وتصلح اللي انكسر بينكم
الخطـــ مني كبير والعفو بالمقدرهـ ــــــى
الله كريم
ويـــــنكـ عنــــي
يلا انا استاذن بروح انام
الخطـــ مني كبير والعفو بالمقدرهـ ــــــى
وانا بعد
طلال مايكلم ضي ع التلفون ضي مو من النوع اللي تكلم شباب بس عشان ملاك تسوي اي شي وعشان كذا اكتفت بمسن
.................................................. ......
شوق: اقول ملاك مادريتي؟
ملاك :لاوالله وشو؟
شوق:خطبت لينا لفواز اخوي
ملاك: لاعاااد من جد
شوق: ايه والله لا وازيدك بعد
ملاك: ها اطربيني
شوق:وخطبنا رغد لهشام
ملاك:لاعاد أخيرا" بتاخذين حبيب القلب يارغييييده
رغد: يلا عاااد ترا وربي استحي
ملاك: الف الف مبرووووك انتي وياها
شوق : بس ترا كل هذا بينا يعني مابعد يصير شي رسمي
ملاك: اهاا
لينا:اقول شوق ورا ماتقولين لملاك عن ذيك السالفه
شوق:لا مو لازم
ملاك :اي سالفه؟
شوق: عاادي مافي شي
ليناا: الا فيه
شوق: لا مافيه
ملاك: اقول انتي معها اخلصوا في سالفه ولا مافي؟
ليناا: الا فيه وشوق بتقول
ملاك: هاياست شوق قولي
شوق: ابد بس من كمن يوم صار لي مو قف مع لمى وضاق صدري شوي بس الحين عادي
ملاك: وش صار؟
شوق:كنا قاعدين نسولف عااادي وقلت للمى لازم تنتبهين ترا انتي وسعود ممكن ماتضبط تحاليلكم
وقالت لي بعصبيه:وانتي وش دخلك
رديت عليها
شوق:لا انا بس اقولك يعني
لمى: انا مااحب احد يتكلم بهالموضوع وثاني مره لاتتكلمين بهالطريقه وتتدخلين بخصوصياتي
شوق : وبس وراحت وتركتني
ملاك مصدومه :لمى تقول هالحكي؟
لينا: شفتي شلون
ملاك:والله مدري وش لاقيه بهالسعود
رغد: غير لمى علينا
شوق: الله يهديها
ملاك: انا لازم اشوف حل لها السالفه
لينا: مافي مجال خلاص هو خطبها
ملاك مصدومه: نعم؟
رغد: انعم الله عليك..هو خطبها رسمي من يومين
ملاك: الله يستر من الجاي
Angel 1118
01-11-2010, 15:47
معتز:زياد
زياد وهو قاعد يقرا الجريده بالقهوه:هممم
معتز:زيااااد
زياد وعصب:هممم
معتز:زياااااد
زياد يقط الجريده اللي بيده ويكلم معتز:ها شتبي أشغلتني ياخي ماعندك نظر ماتشوفني اقرا
معتز:زياد اسمعني
زياد:شتبي قول
معتز:انا قررت اكشف حقيقة سعود قدام لمى
زياد:وشلون ياذكي
معتز:ماادري ابيك تفكر معي
زياد:والله احسب ان عندك سالفه أشغلتني ع الفاضي
معتز:زياااااااد تكفى عااد فكر معي شوي
زياد:والله يامعتز مدري شتبي
معتز:اممممم
زياد:فكر بدون صوت
معتز بحماس:لقيييييييتها
زياد:ها قوول
معتز:اسمع انا لقيت الفكره بس احتاج العيال يساعدونا لان احنا مانقدر
زياد:وش الفكره ومن العيال اللي تبيهم يساعدونا؟
معتز:اولا" العيال هم الثلاثي المرح ماغيرهم ثانيا"الفكره ياخوي يازياد الله يسلمك ويطول في عمرك
زياد بنفاذ صبر:الحين انت بتتكلم زي الناس ولا اذبحك
معتز:لا بقول بس انت قلي اول انت تعرف اسم الكازينوا اللي سعود وربعه دايم يسهرون فيه
زياد:اللي بالبحرين؟
معتز:أيييه
زياد:الا مره كنت مار من ذاك الشارع وشفته طالع من كازينو ال.....وهو سكران
معتز:بس وجت لعندك يامعتز
زياد:طيب الحين شدخل هذا انت وش ناوي عليه؟
معتز:كلم العيال خلهم يجون وانا راح اقولكم كل شي
زياد يكلم طلال:الو ..هلا طلال
طلال:هلا هلا زياد
زياد:وينكم ؟
طلال:انا وتركي بالسياره رايحين للقهوه وهشام هناك
زياد:أي قهوه؟
طلال:ماغيرها اللي نتجمع فيها دايم
زياد:انا هناك بس مااشوف هشام
طلال:خيير زياد بغيت شي؟
زياد:الخير بوجهك بس بغيتكم بشغله صغيره اول ماتوصلون تعالوا فالمكان اللي نقعد فيه انا ومعتز دايم
طلال:ابشر دقيقتين واحنا عندك
سكر زياد من طلال ودقيقتين الا يوصلون
تركي وطلال وهشام:السلااااااام عليكم
زياد ومعتز: وعليييكم السلام
طلال:خيير زياد فيكم شي؟
زياد:اقعدوا
قعدوا العيال وهم موعارفين شالسالفه
معتز:انا ابيكم بشغله بس لو قلوبكم تتحمل
تركي:والله كلامك يخوف
معتز:انتوا تدرون انا ابي لمى وتدرون بنفس الوقت ان لمى ماتبي غير سعود وانتم عارفين بسعود وخرابيطه
هشام:شتبي توصله؟
معتز:سعود خطب لمى وهي وافقت بس يهون عليكم لمى تاخذ هذا؟
طلال:طيب يامعتز احنا وش اللي بيدنا نسويه؟
معتز:انا ابيكم تكشفون حقيقة سعود عند لمى
تركي:شلون؟
معتز:انتوا تمونون ع البنات اكثر مننا بالطلعات والروحات انا اللي ابيه انكم تاخذونهم للبحرين بحكم انكم تتمشون وتحضرون فيلم وتجون
هشام:طيييب وبعدين؟
معتز يكمل:ابيكم تمرون من الشارع اللي فيه الكازينو اللي يسهر فيه سعود مع ربعه
تركي:بس احنا مانعرفه
معتز:كازينوا....في شارع..... عرفتوه
تركي:ايييه كني مره مار عليه
طلال:طيب وش بنستفيد دام هو داخل الكازينو يعني مابتشوفه
تركي:صح احنا ماندري هو متى يطلع
هشاام يشهق:ههئئئئئئ لايكون تبينا ندخل البنات الكازينو؟
زياد يضربه بالجريده:انت غبي ولا شنو؟ شهالافكار اللي على راسك
معتز:هذا يعتمد على ذكائكم انا عطيتكم طرف الخيط وانتوا كملوا
طلال يفكر بعدين قال:عرفت نمر من عند الشارع قريب الفجر ونسوي ان السياره تعطلت ونوقف كأن حنا نصلحها
تركي:ليييين مايطلع وبعدين اكيييد الكل بيشوفه
زياد:انا قايل من اول مايجيبها غير طلييييل الذيب
طلال يدق على صدره:اعجبك
معتز:كفو ياطلال وانا معتمد على الله ثم عليكم
هشام:لك اللي يرضيك
تركي:بس متى تبي نروح؟
معتز:هو متى ماطقت براسه يروح بس اليوم اللي مايفوته هو الخميس
طلال:اجل بعد يومين احنا هناك
.............................................
نروح شوي لبريطانيا
فواز:راااااااائد
رائد:هممممم
فواز:رااائد
رائد يقوم:ها شتبي ازعجتني الواحد مايقدر ينام براحته وانت موجود
فواز:قوم لازم نمر الشركه قبل نروح المصنع
رائد:ادري ادري من راحوا زياد ومعتز وانت ذابحني بهالاسطوانه الصباحيه
فواز:طيب شسوي فيك اذا انت مو قد المسؤليه
رائد يقعد فجأه:اقول فوازو
فواز:خير
رائد:انا بطلب من ابوي انه يخليني اشتغل معهم بالشركه بدل بهذلت الغربه
فواز:وانت على بالك ماقلتله
رائد يقط المخده على فواز:من وراي يالخايين تبي ترجع وتخليني؟
فواز يرد المخده على راس رائد:لايالغبي نرجع انا وياك
رائد:طيب شقال؟
فواز:يقول متى مانويتوا تتزوجون رديتكم السعوديه
رائد:اجل ابتزوج
...........................................
طلال يكلم رغد ع الجوال:اقول رغد ماودكم تتمشون؟
رغد مو مصدقه:الا والله يالييييت
طلال:اجل اجهزوا ربع ساعه وجايينكم
رغد: من معك؟
طلال: تركي وهشام
رغد:اوكي
وسكرت ولفت ع البنات
شوق: شعنده طلال؟
رغد: يقول بيجون يمشونا
لينا:يااااي وناسه
رغد:يقول ربع ساعه ويوصلون
شوق:اجل قوموا نلبس
ملاك:اسمحولي انا ماني رايحه معكم
رغد: وليه ان شاالله؟
ملاك متوهقه ماتدري شتقول:امممم اخاف مايكفي
رغد:حتى لو مايكفي عاادي نروح بسياره ثانيه
ملاك:لاعاادي اصلا" انا مابي اطلع
لينا: مو بكيفك
شوق: يلا ملاك روحي البسي عبايتك
وراحوا البنات لبسوا وملاك على حالها
شوق:ملاك مالبستي؟
ملاك:...........
Angel 1118
01-11-2010, 15:49
الا يرن جوال رغد
رغد:الوو
طلال: يلا احنا تحت
رغد:يلا بننزل بس ترا ملاك تقول مو رايحه
طلال واللي مسوي الطلعه عشان يقرب من ملاك:لا والله وليه ان شالله؟
رغد: تقول مالها مكان
طلال:خلاص احطها بحظني
رغد:لا ياشيخ
طلال:اخلصي لو ملاك مو رايحه مالكم طلعه
رغد: طيب بقولها
رغد تكلم ملاك:ها ملاك وش قلتي
ملاك:لا
رغد:ترا يقول مو مطلعنا لو ملاك ماراحت
شوق: ملاك مايكفي ريما في جمعة خوالها ولمى عند عمانها وانتي ماتبين تروحين
لينا: يلا ملاك
ملاك: طيب
وركبوا السياره
طلال وهو يحرك بالسياره:ها ملاك وين تبين تروحين؟
ملاك في نفسها:وش يبي ذا سبحان مغير الاحوال
شوق ترد عنها :ودنا ناخذ ايس كريم من باسكن وبعدين نتمشى وقبل لانرجع ناخذ عشى
لينا: ايه صح هذا اتفاقنا
طلال: احلفي بس انتي وياها انا قلت ملاك مو انتوا
ملاك استحت واكتفت بالسكوت
طلال: هاملاك وين تبين تروحين؟
ملاك: عاادي اي شي ماتفرق
لينا:تبي باسكن زينا
طلال:ها ملاك تبين باسكن؟
ملاك:بكيفك
طلال في نفسه:اوووف شكل زعلها قوي الله يعيني عليها
تركي:طلال
طلال:.........
تركي:طلال
طلال:........
تركي:طليييييييل ووجع
طلال انتبه:يوجعك ها شتبي
تركي:سااااعه اناديييك وماترد
طلال:ايه معك واسمعك شتبي؟
تركي:لا مو معي
طلال:والله اني في ذا
تركي يقوله بأذنه:خلنا نمر ناخذ ريما
طلال بصوت عااالي:لا والله احلف تبي ناخذ ر
وتوه بيكمل الا تركي يحط يده على فم طلال
تركي:اسكت فضحتنا الله يفضحك
ملاك والبنات اللي ميتين ضحك ورا على هالثنين
طلال:يلا وصلنا باسكن وش تبون ؟
كل وحده قالت اللي تبي الا ملاك
طلال:ملاك ماتبين شي؟
ملاك:لأ مو مشتهيه
طلال:خلاص بجيب لك على ذوقي
ملاك وهي بتنجن من تغيير طلال في نفسها:لا والله ياشيخ طلال مو متى ماتبي تزعل ومتى ماتبي ترضى انا اوريك
في باسكن العيال واقفين ينتضرون الاوردر
تركي:طلال وش قصتك؟
طلال: أي قصه؟
تركي:يوم راضي ع البنت وتدلعها وبتحطها بحظنك ومدري شنو ويوم مو طايق تسمع اسمها؟
هشام:اي والله ياطلال انت ناوي تعذب البنت؟
طلال: هي انت وياه مالكم دخل فاهمين
تركي: طلالووو اسمعني زين اذا انت ناوي تضرها ياويلك
هشام: انت قلت بتعتذر منها مو تعلقها فيك وانت ماتحبها
طلال: خلصتوا؟ خذوا الاوردر وانتوا ساكتين وكل شي بوقته حلوا
فالسياره....
طلال اعطى كل وحده طلبها وجاب لملاك زيه
ملاك في نفسها:وجايب لي زيه بعد شهالرضى ياطلال
طلال:ها بنات وين تبون تتمشون؟
لينا:امممم ودونا السوق
شوق:اي صح السوق
هشام:وانتوا ماعندكم غيره؟
تركي يبي يحرج رغد:ها رغد ماتكلمتي من ركبنا؟
رغد في نفسها اوريك ياتريك:عااادي ماعندي شي اقوله
هشام في نفسه:فديت هالصوت وربي واخيرا" نطقت
طلال:ها ملاك تبين السوق
ملاك:بكيفكم
هشام: وانتي كل شي بكيفكم؟
ملاك:............
طلال: ها ياملاك شقلتي؟
ملاك: اللي يبونه البنات
طلال بنفاذ صبر على برود ملاك:طيييييب
...
Angel 1118
01-11-2010, 15:51
البارت السادس
في السوق البنات راحوا بجهه والعيال بجهه
البنت الأولى: يوووه شوفي ذاك شهالحلا اللي فيه
البنت الثانيه:لا ولااللي معاه كل واحد احلى من الثاني
البنت الاولى:يجنن اللي لابس كاب اسود والله لااجيبه
البنت الثانيه :احلفي شلون؟
البنت الاولى:الحين تشوفين
وراحوا يمشون جهة العيال
البنت الاولى:تمشي بسررررررعه وتصقع بكتف طلال
طلال يلف متخرع:بسم الله شفيها ذي
البنت :ولك عين تتكلم فوق ماانك تصقع فيني بعد تتحرش
تركي:هي انتي شتبين تراك انتي اللي صاقعه فيه
البنت:اكييد بتقول كذا لانك زيه
هشام:انتي ماتستحين؟
البنت: بعد تغلط؟
طلال:هيييييي انتي اقول لايكثر واذلفي عااد لايجيك شي عمرك ماشفتيه
البنت:قول انك تبي رقمي عشان كذا صقعتني
طلال:انتي ماشفتي وجهك بالمرايا قبل ماتطلعين وش ابي فيك؟
من جهه ثانيه بالسوق:
رغد:بنات شوفوا هناك
لينا: شفيك؟
رغد:شوفو شوفوا العيال واقفين يحكون مع بنت
شوق وعيونها طلعت:اي والله قوموا نشوف شصاير
ملاك:لا مافي بكيفهم
لينا:لا والله مو بكيفهم
وراحوا البنات هناك
شوق:هي انتي شتبين ؟
البنت:انتي اللي شتبين؟
لينا :اخلصي قولي شعندك
البنت:هذا تحرش فيني
طلال والشر بعيونه:انتي هي
تركي:ذي المطفوقه جات تركض وصقعت بطلال وتقول انه يتحرش فيها
طلال:تراك جمعتي علينا خلق الله خلاص انقلعي
هشام: خلصينا انتي شتبين؟
البنت :انتوا اللي تبون
طلال:لاحنا مانبي غير انك تفارقينا الحين
البنت: عموما" انا بتنازل هالمره بس انت يالحلوا وين بتروح مني
ملاك ووصلت حدها: انتي جد ماتستحين واهلك نسوا يربونك انقلعي ولاتتبلين على عيال خلق الله
البنت: وانتي من تكونين
طلال وهو مبسوط من ردة فعل ملاك اكيييد للحين تحبني:هي انتي هذي زوجتي
ملاك والكل مصدوم
البنت : مالت عليك طلعت متزوج؟
تركي :خلاص يعني راحت خططك ع الفاضي
البنت ووجهها احمر من الاحراج راحت وخلتهم
طلال:شكرا" ملاك لانك فكيتيني منها
ملاك منحرجه:عادي ماسويت شي
تركي وهشام مبسوطين بداخلهم على تغيير طلال
وطلعوا من السوق واخذوا لهم عشا ورجعوا البيت
.................................................. .............
اليوم الاربعاء و عندهم عزيمه كبيره فالليل
ريما وهي واقفه فوق السرير:اقولك يمه مابي ارووووح
ام معتز:بتروحين غصب عنك
ريما بعناد وقامت تنطط على السرير: قلت ماني برايحه يعني ماني برايحه
الا يدخل ابومعتز
ابومعتز:الموضوع موبكيفك هذي العزيمه خالتك أم محمد مسويتها بمزرعتهم ولازم تروحين
ريما ودموعها بدت تنزل:بس يبا
ابو معتز:قلت بتروحين يعني بتروحين وطلع
ام ريما: احسن يلا قومي اللبسي
ريما وهي تنط من السرير: ياربييييييييه
.................................................. .......
في فيلة بوزياد
ملاك:ماما تكفين قولي لبابا ما ابي اروح
ام زياد: وانا شعلي مو قلت لك لاتروحين وابوك قال الا تروح
ملاك: انا بقوله
ملاك:بابا
ابو زياد:اذا بتقولين مو رايحه لاتعبين نفسك لانك بتروحين
ملاك:بس
ابو زياد: يلا عاد لابس ولاشي روحي اللبسي
ملاك في نفسها:طول عمرك مدلعني وماترفض لي طلب شمعنا هالمره
وراحت تدق على ريما
ملاك:اللوو
ريما: ملاك ابوي يقول لازم تروحين
ملاك:للاسف حتى انا
ريما : والحل
ملاك: ابد نلبس ونروح
ريما:اوووف وانا اللي كنت ناويه ناخذ السواق ونطلع نتمشى اليوم لاراحوا
ملاك:بعد شنسوي خليها يوم ثاني
ريما:يلا اجل بروح اللبس والله يعينى على مقابل وجه عاليه
ملاك:اووكيك وانا بعد بروح اللبس باي
ريما:باياات
بعد ساعه ملاك في فيلة عمها بورائد
ملاك:رغييييد يلا ساعه تراها عزيمه مو زواج
رغد: طيب اصبري شوراك؟
لينا:اقول ملاك قومي نروح مع طلال وتركي وهي تجي مع الباقي بالسواق
ملاك :طيب يلا ودقي على شوق وريما إذا خلصوا يطلعون لنا عند البوابه الكبيره
وراحوا البنات مع طلال وتركي
تركي: اقول ملاك شعندك تصارخين اليوم صراخ واصل الفلل اللي فالسور كلها
ملاك:اناااا؟
لينا: ماكانت تبي تجي وخالي قالها الا تروحين
طلال:لييه ملاك ماكنتي تبين تجين؟
ملاك:وانت شعليك؟
طلال متفشل:لا بس اسأل
وصلوا المزرعه ونزلوا البنات عند الحريم والعيال عند الرجال
وقاموا البنات رقص واغاني وفله الى الفجر
ملاك قاعده ويا ريما ولمى
الا يرن جوالها
ملاك متوهقه:هذا طلال شيبي ذا؟
ريما: طيب ردي
ملاك:لا والله ماراح ارد
ريما: مو انتي تحبينه هذا هو جا بنفسه
ملاك: هذا اول احبه
ريما: نعم نعم نعم يعني افهم من كلامك نسيتي طلال
ملاك: اييه نسيته ولا ابغى اذكره
ريما:اممممم والله ياملاك مدري عنك
لمى: انتوا شقاعدين تقولون من صباح الله
ملاك: ابد نسولف عاادي
لمى: اهااا
شوي الا عاليه تجيهم
عاليه وهي تجلس:أقول ملاك
ملاك:قولي عاليه
عاليه:فستانك حلوا لونه بس مو كأن موديله قديم
ملاك:لاحبيبتي هذا من عروض هذي السنه
عاليه:لالا أكيد انتي شاريته من محل ماينزل الا متأخر
ملاك:لاحبيبتي شاريته من فرنسا من فرزاتشي
عاليه:لا مو باين عليه بصراحه كأنه من السوق العادي
ملاك:الناس اذواق حبيبتي وانا مااحب الهذره الكثيره بالفساتين
عاليه:يعني شوفي انا فستاني شريته من فرنسا بس احسه احلى من فستانك
ملاك:انتي رحتي فرنسا؟
عاليه:أكييييد رحت وزهقت من كثر مااروح لها
ملاك:ويين رحتي بفرنسا
عاليه:تمشيت بكل مكان
ملاك:وايش اكثر شي عجبك فيها؟
عاليه:الاسواق طبعا
ملاك:طيب أي واحد فيهم بالضبط
عاليه متوهقه:هاا اممم ايه هذا لحظه بشوف ماما تناديني واجي اكمل لك
ريما بعد ماراحت عاليه:ههههههه بموت ضحك هبله فضحت نفسها
لمى:ههههه احرجتيها
ملاك:تستاهل الغبيه شدخلها بفستاني تطنز عليه وتشوف حالها علي انا اوريها
............................................
Angel 1118
01-11-2010, 16:00
البارت السابع
عند الرجال
تركي: خلاص عاااد كم مره الحين دقيت ولا ردت
طلال:انا ابي اعرف شفيها علي؟
هشام:هي انت لك عين تتكلم
طلال: طيب انا ابي اشرح لها واعتذر لها
تركي: موبسهوله بتنسى
طلال: الله يعيني عليها
...........................................
انتهت العزيمه ورجع كل واحد فلته
طلال وهو حاط راسه على المخده ويناظر السقف:اووووف ضايق خلقي مالي الا اروح عند جدتي
قام طلال وراح لجدته وطق باب غرفتها
الجده:تفضل
طلال يطل براسه:ادخل؟
الجده:حياك حبيبي
دخل طلال وسكر الباب وراه
الجده:خييير جايني هالوقت مو بالعاده يمه عسى ماشر
طلال وهو ينسدح بحظن جدته:متضايق ياجده وضايقه فيني الدنيا
الجده وهي تلعب بشعره:افاا وش اللي مضيق خلقك؟
طلال:هم بقلبي قد الجبال
الجده:طلال حبيبي انا عمري ماشفتك زعلان ومتضايق
طلال:أااااه من اللي بقلبي
الجده:تحبها ياطلال؟
طلال:أعشقها من قلبي ياجده
الجده:ملاك صح؟
طلال:أييه بس شلون عرفتي؟
الجده:أنت ولدي يمه وافهمك
طلال:لييه هي تعاملني كذا؟
الجده:من اللي سويته فيها
طلال:بس انا ماكنت اعرف انها تحبني من الاول
الجده:ولو المفروض ماتجرح كرامتها
طلال:يمه انتي ماتعرفين السالفه من اولها
الجده:لايمه اعرفها
طلال:طيب شسوي انصحيني
الجده:خلك متمسك فيها ولا تتركها وتيأس القلب اللي يحب عمره مايكره وهي اكيد ماكرهتك ولسه تحبك
طلال:جده انا احبك
الجده:وانا بعد يمه
طلال:ببات عندك اليوم
الجده:أذن الفجر يمه قوم توضى وصل وادعوا ربك يوفقك مع ملاك وخلني انا بعد اصلي
وبعد الصلاه تعال بات عندي
طلال:ابشري
.................................................. ......
الخميس الصباح وكالعاده العيال والبنات الفطور عند الجده
تركي داخل:السلاااااام عليكم
الكل:وعلييييكم السلام
تركي يحب راس جدته:صبااااااحك ورد يالغاليه
الجده:صباااااااحك عسل يالعسل
طلال:طبعععععععا" الكلام الحلو للتريك ولا انا ماللي غير الطق
تركي:حسسسسسسد الله يكفينا شره
طلال:اكييييد بحسدك ولا انا انطق وبسببك وانت مايجيك شي
الجده:طليييييل يالبعير عمى بعينك ماتنسى
ريما:ههههههههه
طلال يدوس على رجلها
ريما ماتعورت بس عناد بطلال صرخت
الجده:بسم الله عليك وش جاك؟
ريما:جده طلال داس على رجلي
الجده تضرب طلال بالعصى:انت وبعدين معاك انا شكلي بفطرك المره الجايه مع الخدم داخل
طلال:ويهووووون عليك
الجده تحب احفادها كلللهم بس لطلال بقلبها معزه خاااااصه
الجده:لاااااا والله الا انت مايهون علي لوتشوف وش صار فيني بالاسبوع اللي غبته ذيك الفتره
طلال وبان عليه الضيق يوم تذكر السالفه:الله لايرده من اسبوع
زياد ويبي يغير المود:اقووووول بنات اليوم عندي لكم مفااااجئه
ريما:ها يااخوي العزيز قول انا بصراحه احب مفاجئاتك
زياد:لابصراحه هذي مو مني من الثلاثي المرح
ملاك:اجل لاااااا مانبي مفاجئات
هشام:ملاكو ياقليلة الخاتمه كلهم بناخذهم الا انتي
طلال:هشام لوقعدت ملاك نقعد رغد
رغد هنا دوروها من الاحراج ودها تقوم تكفخ اخوها
تركي:اليوم انا وهشام وطلال الله يطول باعمارنا ويرزقنا ويوفقنا
لمى:يوووووه تكلم
تركي:قولوا امين عشان اكمل
البنات:امييييييين
تركي يشرب عصير
الجده تضربه بالعصى:بتقولهم ولا انا اقول
لينا:افااا ياجده انتي تدرين وماتقولين
تركي شرق بالعصير:بسم الله الرحمن الرحيم وانتي شدراك؟
الجده:طلال بعد عمري مايخبي عني شي
تركي:طليييل متى جيت عندها وانت طول الوقت معنا
الجده:نااايم عندي البارح يطول بعمره
ملاك:الحين بتقولون ولا شلون
معتز:حرااام عليكم انا بقولكم اليوم العيال بياخذونكم الظهر للبحرين وماترجعون الا الصبح
ريما تنط:وااااااااو وناسه
تركي يطالعها متفاجئ اول مره تتحمس وهو جالس
طاحت عينه بعينها وابتسم لها وهي حست لنفسها وجلست وولا كلمه
هشام:عاد لو سمحتوا الساعه 11 الكل جااااهز
قاموا من سفرة الفطور وجلسوا بالصاله العيال اليوم اجازه وطلال عادي عنده لأنه حاط مدير عام
طلال منسدح على حظن جدته ومندمج مع التلفزيون والعيال والبنات كل واحد بكنبه
الجده وهي تلعب بشعر طلال:قووول اميييين يمه
طلال وهو مندمج:اميييين بس على وشو
الجده:عساني اشوفك بحظن زوجتك ياحبيبي
طلال كلمة جدته حركت مشاعره ولا ايرادي ناظر بملاك بس للأسف ماشاف النظره اللي كان متوقعها من ملاك شافها تسولف مع معتز ولا معبرته
الجده:اقول طلال
طلال بضيق:سمي يمه
الجده: لوخيروك تبي من داخل العايله ولا خارجها وش بتختار
طلال:قلبي اللي اختار يمه قلبي حكم علي اخذ من داخل
الجده واللي تعرف كل شي عن طلال لانه مايخبي عنها شي:اميييين يمه يتحقق اللي تبيه
وتكمل:وانتوا ياتركي و معتز؟
تركي:انا عني باخذ من داخل
معتز:انا باخذ من القمر
زياد:يمه ليييه ماسألتيني؟
الجده:عيونك فاضحتك يمه
طلال ينقز من حظن جدته:ااااحللللى ياجده منتي بسهله لك بحكي العيون
الجده:افااا عليييك اجل وش على بالك جدتك سهله
وقعدوا سوالف وضحك ليين الساعه 11
طلال:يلا ياجده نستاذن توصينا بشي؟
الجده:انتبهوا لنفسكم يمه
تركي:ابشري يالغاليه
راحوا البنات والعيال البحرين ومعهم غيدا طبعا" ومعتز وزياد وهديل قعدوا
اول ماوصلوا راحوا تغدوا وبعدين راحوا للسوق وتمشوا وراحوا للسينما وتعشوا وجلسوا يتمشوون الين قريب الفجر
طلال وهو اللي كان يسوق كانوا ماخذين الكاديلاك اسكالد يعني بتكفيهم كلهم
طلال:اووووووه ياجماعه الظاهر السياره تعطلت
تركي:لااااا لاتقول
هشام:عااد وماتعطلت الا هنا
غيدا:شمعنا ماتبيها تتعطل هنا؟
تركي:الله يهداك ياغيدا يعني ماتشوفين قدامنا كازينو
ملاك اللي خافت من سمعة كازينو:هئئئئئ يعني اللي يطلعون منه سكارا؟
طلال:ايييه الله يكفينا شرهم
هشام يكمل على طلال عشان يضبطون الدور:لاااا وما شفتوا شي هنا داخل مو بس يسكرون الا رقص وبنات واشياء والعياذبالله
لمى:لااااا يمه اخاف الله يخليكم رجعونا البيت
طلال:طيب ساعدونا عشان نصلح السياره
شوق:طييب بس شلون؟
طلال:انزلوا من السياره عشان نقدر نشتغل
لينا:لااااااا انسوا الموضوع
رغد:لو ايييش ماانزل
ريما:الله يخليكم كل شي ولا ننزل
تركي خق عند ريما:اذا ماتبين تنزلين
وقاطعه طلال لانه عارف انه بيخرب كل شي
طلال:اذا ماتبون تنزلون عااادي نوقف احنا وننتظر واحد من اخوانا فالله اللي بيطلعون من الكازينوا ونطلبه يساعدنا
ملاك وهي معصبه:انت غبي تطلب من سكران يساعدك
هشام:وش نسويلكم اذا انتوا مو راضين تتعاونون
غيدا:خلاص بننزل بس بسرعه خلصوا
نزلوا غيدا والبنات وهم لاصقين ببعض من الخوف
قاموا العيال يسوون نفسهم يصلحون وهم ينتظرون سعود يطلع
بعد نص ساعه الا واحد يطلع ويتوجه لهم
الرجال:ياااااامساعد
البنات:يممممممه
تركي:هههههه بدينا
الرجال:ياااااااامصعب
هشام:لاويغير الاسم بعد
الرجال:يااااا منصور
طلال:لا وكلهم بحرف الميم
الرجال:هاااا أشوف طيارتكم متعطله قلت لكم اوصلكم بقطاري بس ماسمعتوا الكلام
البنات:لاااااااا ههههههه
هشام:انطموا فضحتونا هذا سكران مايقوا شي
الرجال:منو السكران؟لايكون انا؟
تركي:لااااا شدعوه محشوم
الرجال:على بالي بيتبلى علي
طلال:انت شسمك؟
الرجال:ماادري بس قبل شوي سمعت واحد يقول محمد بس ماادري اذا انا ولاغيري
طلال:اقص ايدي اذا ماعنده سالفه وياحرف الميم
شوي الا يطلع سعود ومعه وحده وحالته مو احسن من حالة ذا اللي واقف معهم
تركي:ياعيال شوفوا اللي هناك مو كنه سعود
هشام:ويين مااشوف
طلال:اييي والله لاياللي ماتربيت وصلت فيك المواصيل تجي هالاماكن؟
لمى لاتسألون عن حالتها لانها انهارت من شافت سعود وراااااحت ركض لعنده
لمى تضرب سعود على صدره:ليييييه لييييه تسوي كذا حراااام عليك انا شسويت لك ليييييه يانذل ياحقير ليييه؟
سعود يدفها عالارض وهو سكران:انقلللعي انتي مين اصلا" عشان تحاسبيني
شوي الا جاوو العيال يركضون ورفعوا لمى من الارض واعطوا سعود كم بكس ومشوا
لمى وهي منهاره بكي:اكرهه اكرهه اكرهه يارب سياره تصدمه ويموت وهو سكران
الكل ساكت ومافي غير صوت بكى لمى ودعواتها وسبها بسعود الكل ركب السياره ونسى سالفة انها كانت متعطله
وصلوا السعوديه والكل راح ينام من التعب والا لمى اللي ماغمضت لها عين وهي تفكر باللي صار
اليوم الثاني بالفطور الكل موجود غير لمى
الجده:ويين لموو؟
ريما:يمه لمى مانامت امس زين وهي نايمه الحين
ماامداها تكمل كلمتها الا لمى داخله وهي تبتسم
لمى بهدوء:صباح الخير
الكل:صباح النور
تركي بأذن طلال:شكل الصدمه اثرت عليها وصارت عديمة احساس
طلال:غريييبه انا كنت متوقع من الصدمه شهر مابنشوفها
معتز:كيفك لمى وكيف طلعتكم امس؟
لمى:الحمدلله بخير والطلعه امس ولا أحلى يعطيهم العافيه العيال ماخلوا مكان بخاطرنا ماودونا
معتز باستغراب:اهااا
خلصوا العيال فطور بدري عشان يلحقون على صلاة الجمعه والبنات راحوا بعد يصلون كل وحده بغرفتها
معتز لطلال وهم يمشون طالعين من الصلاه:طلال شكله ماصار شي امس
طلال:شلون ماصار اسكت لمى سوت لنا فضيحه بالشارع
معتز:شلون؟
طلال حكى لمعتز كل شي صار
طلال:معتز انتوا نهاية الاسبوع ماشين اضرب الحديد وهو حامي وكلمها اليوم بالليل
معتز:اكيييييد
فالليل البنات وبالحديقه والعيال عند المسبح
تركي:معتز تعال اسبح معنا وراك مبعد؟
معتز:ربع ساعه وراجع لكم بقضي شغله واجي
راح معتز للحديقه وشاف البنات قاعدين سوالف وضحك وراح جلس عندهم
معتز:ابي قهوه تركيه
ريما:عاااد في هذي مالك الا لمى اكثر وحده تضبطها
معتز:لا فشله عيب اقوم البنت قوموا انتي ويا ملاك سووها ولاخوات ع الفاضي؟
لمى:افااا لافشله ولاشي احين اسويلك احلى كوب قهوه تركيه
قامت لمى وبعد دقيقه
معتز:عن اذنكم
ملاك:الحين مقوم البنت وتقول عن اذنكم اصبر اشرب القهوه وروح
معتز:احين انا قلت اني مابشربها بروح شوي وارجع
راح معتز للبوفيه اللي عند المسبح وشاف لمى تسوي القهوه
معتز:لمى ممكن شوي
لمى:تفضل
معتز وهو يأشر بيده:تعالي نقعد ع الكراسي اللي هناك
لمى:والقهوه؟
معتز:طفي عليها ماابيها الحين انا قلت كذا عشان اقدر اكلمك براحتي
راحوا معتز ولمى ع الكراسي
لمى:سم يامعتز وش بغيت؟
معتز:لمى انا ماني شاعر واقدر اعبر بكلام حلوا مثل زياد ولا صوتي حلوا واقدر اغني لك مثل طلال
لمى:معتز شفيك؟
معتز:باختصار يالمى من يوم عرفت انك انخطبتي تحطمت
لمى بجرائه:بس انا رافضه سعود ماابيه ليييه تتحطم؟
معتز:بس اللي اعرفه انك تحبينه
لمى:هذاك اول انا مااحب واحد مثله الله كشفه قدامي وخلاني اكرهه
معتز:يمكن انتي ماكرهتيه بس من الصدمه تقولي كذا
لمى:لا يامعتز انا بجد المنظر اللي شفت فيه سعود امس خلاني اكرهه واكره نفسي اللي فكرت بيوم اتزوجه واحمد ربي انه انكشف قدامي قبل ارتبط فيه رسمي بس انت شدراك باللي صار امس العيال حكوا لك؟
معتز:اللي ابي اقوله يالمى ان انا اللي مخطط لكل شي لاني دايم اشوف سعود على هالحال ويوم شفت شلون انتي متولعه فيه قلت لازم تعرفين حقيقته قبل تتزوجينه
لمى بأستغراب:أنت؟بس لييه سويت كل هذا؟
معتز:كل هذا وتسألي ليييه يالمى انتي عمرك ماحسيتي فيني انا احبك يالمى احبك واتمنى اليوم اللي تبادليني نفس احساسي
لمى:بس انا عمري ماحسيت بهالشي
معتز:شلون تحسين وانتي عقلك وياسعود؟
لمى:انا خلاص قلت لماما انهم يردون سعود
معتز بفرح:جد يالمى تحكين جد؟
لمى:ايه جد
معتز:وربي يالمى اعشقك ولا بالقلب غيرك
لمى اكتفت بأبتسامه وراحت
.................................................. .......................
Angel 1118
01-11-2010, 16:02
انتهى الاسبوع و رجعوا زياد ومعتز لبريطانيا وجاوو رائد وفواز
رغد: ملاك شوفي
ملاك: ياااي يجنن من وين جبتيه؟
رغد: هديه من هشام
ملاك:ياعيني ياعيني اوعدنا يارب
لينا: اقول بنات شرايكم اليوم بما ان الجو يعتبرحلوا بالهالصيف نطلع الحوش ونشوي
ملاك: لاااا عاااد اليوم جمعة خوالي يعيني مابكون معكم
شوق: ومتى بتجين؟
ملاك : مدري بس يمكن على الساعه 2 الليل
لينا: اجل خلاص لارجعتي والسهره صباحي
ملاك: يييييس
.................................................. .....
رجعت ملاك من عند خوالها الساعه 2 مثل ما قالت وبعد ساعه الا السور كله نايم
مابقى غير البنات شوق ورغد ولينا وملاك وريما ووغيدا وهديل
والعيال طبعا" كالعاده طالعين
جلسوا البنات بالحوش عند المسبح وقاموا يشوون وانبسطوا
شوي الا يجون العيال
طلال: ياعيال
غيدا: حياك البنات متحجبات
طلال: ترا العيال كلهم معي
غيدا: كلهم متحجبات
ودخلوا العيال
رائد: وانا اقول وش ذا الريحه الزينه واصله اخر الشارع
تركي: اكييييييد حاسبيني معكم
ملاك تبي تقهر طلال:اكييييد واحنا نقدر الا انت ياتركي
طلال بقهر واضح: لا احنا شبعانين مانبي
وتوه بيروح الا هشام يمسكه
هشام يتكلم باذن طلال: مو من اول موقف تهرب كذا
طلال: ماتسمع شتقول ماتقدر في تركي
هشام: اقول اقعد البنت مو قصدها شي بس انت صاير حساس
الا تركي ينط بينهم:طلال يالغبي بين لها انو الوضع عادي
طلال:شوركم وهداية الله
فواز لرائد: فديييتها وربي انها اليوم طالعه احلى وحده
رائد: احلف ياشيخ وشلون عرفت وهي معطتك وراها
فواز:قلبي قالي
رائد: اوعدنا يارب
هديل:طلووول حبيبي من زمان ماغنيت لنا
طلال:والمطلوب؟
غيدا:يعني تقولك من زمان ماغنيت لنا شممكن يكون المطلوب؟
طلال:اسف انا مااغني
هديل:يلا عاااد
طلال:عشان خاطرك بس وشتبين تسمعين
غيدا:مالي غيرك
طلال:ماسألتك قاعد اسأل هديل
غيدا:مااااالت عليك
هديل:على ذوقك حبيبي بس ترا ياملاك بتغنين وراه لان انتوا الاثنين اصواتكم ماشالله تجنن
طلال:اممممم طيب احم احم ابغني لكم والله احتاجك انا
وقعد يغني وهو عينه على ملاك وكأن وده يقولها اني قاعد اغني لك
والله أحتاجك انا خلك بجمبي قريب
وان حصل شي بيننا عن حياتي لاتغيب
انا من بعدك اتوه وعالمي بعدك يضيع
تختلط عندي الوجوه والعدوا يصبح صديق
تدري يالقلب الحنون انت بالنسبه لي ايش
وانا بعدك كيف اكون لييه احس وليه اعيش
ياللي شفت احلامي فيك والتقيت بأحلى جنه
أدعي ربي وارتجيه ربي لاتحرمني منه
لو تهب الدنيا ريح وينتهي هذا الزمان
ويصبح العالم جريح انا في ايديك بأمان
قلبك البيت الكبير اللي ضللني بوروده
واصبح الحلم الكبير صعب ابعد عن حدوده
الكل قام يصفق لطلال والعيال يصفرون
هديل:يسلم الصوت وراعيه بجد صوتك يدخل الواحد عااالم ثاني
طلال:تسلمين
ريما:دورك ملوكه
ملاك:طيب ماطلبتوا
غيدا:وش بتغنين
ملاك:أحم أحم أسمعي
وقامت لفت على جهة طلال وقامت تغني
روح وروح ابعد بدنياك يامتعبن قلبي بصدك
والدرب اللي ضحك بكاك موت وتكوا في نار حقدك
أذكر زمانن كنت أهواك انت الوحيد ومين قدك
ملاك:اممممم تصدقون نسيت باقي الاغنيه
طلال بعصبيعه واضحه:أحسن لانها مو حلوه
ملاك ببرود تبي تستفزه:عااد تصدق انا اعشقها لمى اسمعها احسها تعنيني
طلال:عن اذنكم
ملاك:أذنك معك خذ راحتك
هديل:وين حبيبي توا الناس اقعد
طلال بيرد الا ملاك تقاطعه
ملاك:خليه على راحته ياعمه لاتغصبين عليه
هديل تناظر بملاك بعدين لفت على طلال
هديل:بس توا السهره مطولين
ملاك:حراااام يمكن تعبان
هديل بتتكلم بس طلال قاطعها وهو يأشر بيده يعني خلاص
طلال وهو ضايقه فيه الدنيا:خلاص حبيبتي هديل وربي تعبان ابروح انام
هديل:طيب تبي اسوي لك شي قبل تنام؟
طلال:سلامتك مشكوره يالغاليه
راح طلال وتوتر الجو شوي بعدين رجعوا عادي
ريما في اذن ملاك:ملاك حرااام عليك تراك حدك قاسيه
ملاك بحقد:يستاهل في ذا واردا ماشاف شي لسه
ريما:والله انك بعير ياملاك
ملاك:ريما اسكتي احسن لك
ريما:بس ياملاك
ملاك تقاطعها وبصوت عالي:ريييممماااا
غيدا:بسم الله وش فيكم؟
ملاك:ابد ولا شي بس هذي ريما يبي لها طق
ريما:الحين انا اللي يبي لي طق
ملاك:انتي ياتسكتين ولا اقوم
تركي:شدعوا عاد صلوا ع النبي
ملاك وريما:عليه الصلاة والسلام
طلال راح غرفته والدنيا سوده بعينه
قعد طلال على السرير وضم راسه بأيدينه
طلال:أآآه منك يادنيا كل ماحاولت اصلح اغلاطي تخربينها زود أه منك ياملاكي يا ضي عيوني متى اضمك لحضني
وقعدوا البنات والعيال ضحك ولعب وسوالف الى ماطلعت الشمس
وبعدها كل واحد راح ينام
.................................................. ................
Angel 1118
01-11-2010, 16:05
رائد: يمه اخطبي لي تكفين
ام رائد: هذي الساعه المباركه ياوليدي انت بس اشر
رائد: لا ابيها على ذوقك
ام رائد: ابشر والله
.................................................. ...
بعد أسبوع لقوا البنت المناسبه لرائد واليوم زواجه
ام رائد: يمه ملاك انا حاجزه لك معي فالصالون
ملاك: ايييه ياخالتي الله يسعدك
ام رائد: بس ترا بنروح من الصبح عشان نخلص العصر ونروح القاعه بدري
ملاك: اجل يلا
وراحوا ملاك وام رائد وخلصوا على العصر
وراحوا الفندق اللي فيه الزواج
ام رائد: ملاك حبيبتي روحي شوفي طلال جايب اغراضنا وفساتينا
ملاك : انا؟
ام رائد مستغربه: ايه انتي وهو في غيرك هنا؟
ملاك:ان شاالله
راحت ملاك وطلال قاعد ينزل الاغراض واول مادخل
طلال وهو منزل راسه يطالع بالفستان اللي بيده ومانتبه من اللي جاي ياخذ الاغراض:لمين هالفستان
ملاك:لي
طلال رفع راسه:ملاك
ملاك:ممكن تعطيني الفستان
طلال:وبتلبسينه كذا؟
ملاك:شلون يعني كذا؟
طلال:ماكأنه عريان بزياده؟
ملاك: وانت شعليك؟
طلال ومو عاجبته معاملة ملاك:لا بس اسأل
ملاك:طيب مطول وانت تناظرني؟
طلال انتبه: ها انا بروح اجيب باقي الاغراض
دخل طلال الاغراض كلها وجاب اخر شي زجاجه كبيره على شكل كاس ومليانه ورد بيحطونها بالجناح حق رائد
طلال:ملاك وين احط هذي؟
ملاك: حطها عند الجناح حقنا الى مايفتحون جناح رائد
وحطها وراح
شوي الا جا واحد يكلم ملاك وهي محتاسه مع الاغراض
الرجال:ياانسه انا فتحت الجناح اذا حابين تحطون فيه شي
ملاك:اوكي عطني البطاقه حقت الجناح
الرجال: تفضلي
وراح
جت ملاك بتشيل الورد وتوهقت مو عارفه شلون لانه ثقيل
الا طلال جاي
طلال: ملاك خليه انا اشيله بس دليني وين الجناح حق رائد
ملاك:طيب
وراحوا واول مادخلوا الجناح
طلال: وين برايك نحطها؟
ملاك: بكيفك انا بطلع
طلال: ملاك
ملاك من دون ماتلتفت له: نعم
طلال: على الاقل باركي لي زواج اخوي
ملاك:مبروك وعقبالك
طلال:الله يبارك فيك وزواجي وياك ان شالله
ملاك وهي طالعه:كلامك يضحك
طلال يتنهد: اهـ ياملاك وربي ان حبك سكن داخل الروح
ملاك وهي تمشي رايحه للجناح اللي فيه ام رائد
ازا بتريدي:......
ملاك ولا هي معه
الرجال:ياانسه
ملاك انتبهت:ايوا تكلمني؟
الرجال: هي الشغلات لألكون؟
ملاك:ايوا ثنكس تقدر تحطها وتمشي
الرجال:امرك
وحطها وراح
دخلت ملاك الجناح
ملاك:خالتي
ام رائد:ايوا ياملاك انا داخل تعالي
ملاك:في واحد جاب الاغراض حقت جناح رائد
ام رائد:ملاك الله يسعدك خذيها هناك
ملاك: ان شالله
وراحت وشافت الجناح مقفول وتذكرت ان الكرت عند طلال
ملاك في نفسها: يالليييييل الوهقه الحين لازم ادق على طلال يجيب الكرت
طلال اول ماشاف الرقم اللي بالجوال رد وهو مو مصدق
طلال بلهفه: الوو
ملاك:طلال انا عند جناح رائد جيب لي الكرت
طلال:الحين جاي
وصل طلال عند ملاك
طلال: في شي ثاني تبين تحطينه؟
ملاك: لا مناديتك اتفرج عليك
فتح طلال الباب وهو متضايق من كلام ملاك: تفضلي
ملاك :طيب ممكن تطلع وتخليني ارتب الاغراض على كيفي
طلال وهو متحطم:طيب
الحين الساعه 10 بالليل والكل بالقاعه
ملاك واقفه مع ام رائد وعماتها وامها فالاستقبال
رن جوال ام رائد:هلا طلال
طلال: يمه جبت الكيك حق رائد
ام طلال:خلاص الحين اخلي احد يجي ياخذه منك
وسكرت
ام طلال: ملاك حبيبتي روحي خذي الكيك من طلال وطلعيه جناح رائد
ملاك وهي ماودها: حاضر
وراحت عشان تلبس العبايه وهي ماتدري ان طلال دخل خلاص
طلال في نفسه: لاااا مستحيل هذي اللي مرت تكون ملاك ياربي معقول ملاك حلوه كذا معقول هي فعلا" ملاك ايييييه صح انا شلون نسيت اني شايفها بالمزرعه ذاك اليوم جد كنت عمي ويني عن ذا الحلا يقطع القلب مرتين اشوفك بدون حجاب ياملاك
ملاك:طلال
طلال:.......
ملاك:هي انت اكلمك
طلال انتبه: هانعم تكلميني؟
ملاك:لا أكلم جدتي أعطيني الكيك ابي ادخله
طلال:ايه تفضلي
وهو يعطيها الكيك لمس يدها بالغلط
طلال تنح شوي وماوخر يده ويقول بنفسه:حشى ولا نعومة الاطفال أهـ بس ياملاكي
ملاك:طلال لوسمحت
طلال انتبه :اوه اسف وربي اسف
ملاك وهي رايحه:ياربي ليه صاركذا
ودت الكيك ورجعت
وهي راجعه شافت وحده واقفه مع طلال عند الباب كانت لابسه العبايه ومفتوحه وعليها فستان احمر وصدرها كله طالع
نزلت ملاك من الدرج وقامت تطالع بطلال والبنت باحتقار من فوق لتحت ومشت
طلال:الله ياخذك ان شالله الحين ملاك تفهم الموضوع غلط
عاليه:حرااام عليك تقولي كذا وبعدين هالقد تهمك ملاك
طلال:اييه ياوجه المصايب تهمني انتي قليلة ادب وخري عن طريقي خليني امر
عاليه وصدرها لاصق بصدر طلال وهو وراه جدار يعني مو قادر يوخر
عاليه بمياعه وهي تلعب بأزرار ثوبه:بس ملاك ماتستاهل انك تحبها
طلال وهو يبعد يدها بقوه:وانتي مين اصلا"عشان تحددين تستاهل ولالأ وبعدين اذا ملاك ماتستاهل من يستاهل بالله
عاليه:انا استاهل يكفي اني احبك وهي تكرهك
طلال ومستغرب من وقاحة هالبنت:يابنت الناس وخري لاحد يمر ويشوفنا ويفهم الموضوع غلط
عاليه:أحسن عشان تجي تخطبني غصب عنك
طلال:أخطب مين؟
عاليه:أنا عاليه
طلال:والله وماقالت من مفكره نفسك انتي
عاليه بقهر ومياعه وهي لسه لاصقه فيه:انا عاليه وبعدين ترا مره شفت ملاك واقفه مع واحد بوضع استغفر الله العظيم
طلال ماقدر يمسك اعصابه أعطاها كف قوووي على وجهها خلاها توخر عنه لاإيرادي
طلال:وربي لوتكلمتي على ملاك مره ثانيه لاتلومين غير حالك
ومشى وخلاها
يوم جات الساعه12 قالوا العيال يبون يدخلون يرقصون
ودخلوا وطلال معهم ويدور بعيونه على ملاك
والبنات خاقين عند طلال وطلال ولامعبراحد
وطلعوا البنات كل وحده ترقص مع اخوها وفلوها وطلال يتمنى ملاك تعبره لو بكلمه
ومارجعوا البيت الا الساعه6الصباح من الرقص والوناسه الكل نااام وماقاموا الا العصر
.................................................. .......
Angel 1118
01-11-2010, 16:06
البارت الثامن
العصر البنات نايمات عند رغد
ملاك:غيدا فيني النوووم تكفيييين شوي بس
غيدا:يااااربي منكم رغييييد ريووووم ملاكووو شوق لينووو لمى قوووووموا جننتوني
رغد: تكفين ياغيدا
شوق :وربي امس تعبنا
غيدا:اقول قوموا الناس بتجي تبارك وانتوا خامدات
ريما:ياغيوود تعالي نامي معنا ريحي شوي عن هالعصبيه اللي انتي فيها
ملاك:الحين انتي كلا نايمه معنا وماتقومين الا معنا وعمتي هديل هي اللي دايم تقعدنا شمعنا هالمره جايك نشاط؟
غيدا:ترا وربي لااخلي امهاتكم الحين يجون يقومونكم ولا هديل هي اللي تعرف لكم
لينا: ياااااربيه خلاص خلاص نص ساعه ونقوم
غيدا بقلة حيله:اوووف منكم انتوا ماتسون الا اللي براسكم وطلعت وهي معصبه
.................................................. .
نروح لرائد وزوجته هبه شوي
في فرنسا
رائد فتح عيونه:ااه فديت هالعيون وربي
هبه وهي ع السرير:صباح الخير
رائد: احلى صباح مر علي بحياتي
هبه: يوووه رائد ترا استحي
رائد: فديت اللي يستحون وربي
هبه:يلا عااد قووم
رائد وهو يغمز لها : والله ماودي
هبه استحت وقامت تاخذ لها دوش
.................................................. .
فالسعوديه
تركي: طلااااااال يلا عاااد قووووم
طلال بعصبيه وهو نايم:ياربي منك ياتريييك انقلع برا الغرفه وطف النور وسكر البااااب
تركي: انت هي انا اول مره اشوف شركه المدير فيها اخر واحد يداوم
طلال:بكيفي شركتي وكيفي
تركي:وربي لو ماقمت لااكب كاس الماي على راسك
طلال وانزعج من تركي:خلاص خلاص ياخي قمت انقلع برا خلني اخذ لي دوش
تركي يلعب بحواجبه :ماينفع معك الا التهديد
(طلال مع صغر سنه الا انه شاطر بالتجاره وقدر يكون له شركه مستقله عن شركات ابوه وعمانه)
.................................................. .....
شوق :لينا شرايك نروح مع هشام البحرين نحضر الفلم الجديد حق احمد حلمي
لينا:اوكي وفواز؟
شوق: لافواز ماعنده اجازه خوالي مخلين العيال يشتغلون صح
لينا:ياحياتي يافواز يتعب
شوق :بلا غرامياتك تبين نروح ولا لأ؟
لينا:بما ان فواز مو رايح انا بروح لان بصراحه انا ارتبك لمااكون معه بنفس المكان
شوق:اجل خليني ادق على هشام واقوله
دقت شوق على هشام وراحوا اليوم اللي بعده البحرين حضروا الفلم وتعشوا ورجعوا
.................................................. ..................
لمى جالسه لحالها وتتذكر
لمى:سعود حبيبي وربي اني مو ناسيتك بس انشغلت هاليومين
سعود: لالا انا زعلان وفوق هذا بتسكرين الحين وتخليني
لمى: حبيبي مو بكيفي لازم اروح البنات كلهم متجمعات ولا نسيت اليوم جمعتنا
سعود:خلاص بكيفك روحي
لمى: وربي مايهون علي اسكر وانت زعلان
سعود:يعني يهمك زعلي؟
لمى:اكيييد وبدليل اني ماراح اسكر لين ترضى قولي الحين شاللي يرضيك؟
سعود:امممم خلاص قولي لي كلمه حلوه قبل ماتسكرين
لمى:امممم طيب حبيبي انا لازم اسكر الحين صدقني بتوحشني
سعود:خلاص كذا رضيت بس قبل اسكر بسألك متى تبين نحلل؟
لمى:اللي تشوفه الله يستر قلبي مو مرتاح
سعود:ان شالله مافي الا الخير وان شالله هالاسبوع نسويها
لمى: مع السلامه
سعود:مع السلامه ياقلب سعود
لمى ترجع للواقع
لمى:يوووووه كيف كنت معه ليييه سوا كذا الله لايرده والله اني محيتك من قلبي وعقلي ياسعود
بس ومعتز والله انه ينحب ويني عنه من زمااان
.................................................. ........
Angel 1118
01-11-2010, 16:07
البارت التاسع
ملاك: مااعتقد طلبتي مني اسكر التلفزيون عشان تسكتين كذا
رغد: ملاك انا...انا...انا انخطبت
ملاك: طيب ادري ان هشام خاطبك شالجديد؟
رغد: الجديد انه مو هشام واحد ثاني
ملاك ومو قادره تستوعب: شلون يعني
رغد: انتي تدرين ان هشام خطبني وانا وافقت وعشنا احلى ايام
بس بعد تدرين انه لسى ماتقدم رسمي يعني امي وابوي مايدرون
ملاك: طيب عادي ارفضيه واذا قالوا لييه؟ قولي استخرت وماارتحت
رغد: المشكله انه عاجبني
ملاك: نعم شنو يعني عاجبك؟ وهشام؟
رغد وهي بدت تبكي:يعني انا فكرت واستخرت وارتحت لهم اثنينهم واثنينهم مافي زيهم
بس الفرق بين هشام وبندر ان بندر ملتزم وهشام لا
ملاك:وهشام يحبك وبندر مايعرفك
رغد: بس انا قلت لاابوي اني خلاص موافقه على بندر
ملاك والكلام مو عاجبها: براحتك
ورجعت فتحت التلفزيون
.................................................. ...............
شوق ولينا درو عن السالفه ومالهم الا انهم يباركون لرغد خلاص كل شي قسمه ونصيب
.................................................. ...........................
سبحان الله رغد ماصار بينها وبين بندر نصيب يمكن خيره الواحد مايدري وين ربي كاتب له نصيبه
هشام عاف كل البنات وقرر انه ابد مايحب ولا يتزوج بعد اللي صار له
.................................................
بعد شهر رائد وهبه رجعوا من شهر العسل اللي كان مابين دول اوروبا وسوو لهم احلا استقبال
.................................................. ...........
تركي: طلال انت متأكد من قرارك؟
طلال: اكييييد مليون بالميه
هشام :معقول ياطلال بتترك اهلك وناسك وشغلك هنا وبتروح لبريطانيا
طلال: اللي يسمعكم يقول بهاجر كلها كم سنه اوسع اعمالي اللي هنا ببريطانيا وارجع
تركي:بتستحمل الغربه لحالك؟
طلال: لأ طبعا" ماني برايح لحالي وبعدي العيال هناك ولا نسيتوا
هشام: والله ياطلال ماني قادر افهمك
طلال:لاتستعجلون كل شي بوقته حلو
...............................................
طلال: يمه تكفين لاتبكين
ام رائد: وشلون ماتبيني ابكي وانت تقول بتروح وتخليني؟ مايكفي رائد بعد انت بتروح
طلال: يمه الله يهداك اللي يسمعك يقول بروح وماني براجع
ابو رائد: ياام رائد الله يهداك تعوذي من ابليس الولد بيروح يوسع اعماله وهذا هو فرحك يوم قال بيخطب بنت عمه
طلال: يمه يعني ماتأمنين علي عند ملاك؟
ام رائد: وهذا اللي مهون علي بس عساها توافق
طلال: ان شالله ان شالله بتوافق
ابو طلال: ومتى ودك نروح نخطبها؟
طلال: الليله يبه الليله
ام رائد:هو علامك مستعجل يمه خلها الخميس
طلال: الله شيصبرني للخميس واليوم الاحد
ابورائد:خلاص صار الليله
فالليل
ابو رائد:والله ياخوي يابو زياد احنا جايين نخطب بنتنا ملاك لولدنا طلال
ابو زياد:والله ياخوي هذي الساعه المباركه وطلال ولدي زي ماملاك بنتي بس انت عارف لازم اخذ شور البنت
ابو رائد:حقك ياخوي وماطلبت شي
طلال:عمي انا ناوي اوسع تجارتي اكثر وامدد اعمالي الى بريطانيا ومسافر الشهر الجاي
وودي املك على ملاك قبل اسافر واول ماارجع اتزوجها ونروح بريطانيا لين اخلص شغلي ونرجع ان شالله
ابو زياد: علامك يابوك اصبر اشاور البنت
........................................
Angel 1118
01-11-2010, 16:09
البارت العاشر
ابو زياد: هايابنتي ياملاك وش قلتي
ملاك:بابا هذي حياة طول العمر والسالفه فيها غربه انا ماأقدر اترك أهلي وناسي
ابو زياد: بس انتوا بترجعون يعني مو طول العمر هناك
ملاك:يعني زياد ببريطانيا وتبوني اروح انا بعد بريطانيا وش رايكم العيله كلها تهاجر
بو زياد:بس يابنيتي هذا ولد عمك
ملاك:تكفى بابا هذا قراري وماراح اتنازل عنه وولد عمي هذا ماابيه مو انا اللي اروح لواحد عافني من الاول
بوزياد :براحتك . لا حول ولا قوة الا بالله
اول ماطلع بوزياد من غرفة ملاك. ملاك انفجرت بالبكي لانها رفضت حلم حياتها بس كبريائها مايسمح لها توافق
,,
فالمجلس
طلال: ها ياعمي وافقت صح؟
ابو رائد:طلال استح على وجهك فشلتنا عند عمك
طلال: يبه وانا شقلت؟
ابو زياد وهو متوهق شيقول:والله ياخوي يابورائد الظاهر مافي نصيب البنت ماودها بالسفر والغربه
طلال وتحطم كل شي داخله:عن اذنكم
بوزياد:والله اني متفشل منك ياخوي
بورائد: مافي داعي هالكلام البنت مو مجبوره هذي حياتها وكل شي قسمه ونصيب
بوزياد:وطلال؟
بورائد:يومين وينسى
.................................................. ............
في شقة العيال
تركي:هشام ممكن تحط اللي بيدك وتسمعني شوي
هشام:أصبر أخلص
تركي:لا الحين
هشام:طيب قول أسمع
تركي:هشام قلت لك حط اللي بيدك وركز معي
هشام يحط السيديات اللي بيده:يلا يامزعج أخلص علي وقول
تركي بجديه:هشام ليمتى وانت على هالحال
هشام:أي حال
تركي:حالك بعد أي حال لاتفكر اني طول الوقت ساكت يعني مو حاس فيك
هشام:موعارف عن أيش تتكلم
تركي:لاعارف وفاهم زين
هشام ينزل راسه:يعني شتبيني أسوي؟
تركي:ياهشام ياخوي الموضوع صار له فتره وانت مو قادر ترجع زي اول
هشام:شلون يعني زي أول
تركي:هشام انت قبل كنت غير والحين غير الحزن اللي بعيونك فاضحك وين الضحكه والسوالف واللعب وين كل هذا؟
هشام:طيب هذاني اضحك واللعب واسولف عاادي
تركي:على الكل ياهشام الا على تركي اللي فاهمك حاس ان كل شي تسويه من ورا قلبك يبين ترا ياهشام
أحسك صرت تمشي ورا اللي يقول تعلمت ازيف ضحكتي والقلوب اسرار على اني بخير بعين من يجهل احزاني وانا وربي مو جاهلها لو الكل يجهلها
هشام:جرحي كبير ياتركي
تركي:اللي صار مكتوب ياهشام وصار له فتره
هشام:شتبي توصله ياتركي؟
تركي:اللي ابي اوصله وابيك تفهمه زين ان الوقت اللي فات كان كافي انك تفكر وتعيد حساباتك يعني ياهشام انت ماتدري وش كانت الظروف اللي مرت فيها البنت وقتها وحتى لو مامرت بظرف انت ماتدري هي وش حست فيه مايصير كل واحد فيكم شايل همه وساكت انت صحيح انجرحت بس لاتخلي كبرياء جرحك يطغي على حياتك مو معقول شاب بعمرك وبكل مؤهلاتك يقضي عمره عازف عن الزواج بسبب تجربه وحده
هشام:شلون يعني مؤهلاتي انا شاب حالي حال اي شاب ثاني وعادي خلاص انا جربت حظي وعرفته ليه تبيني انجرح ثاني مره وانا مابرا جرحي الاولي
تركي:لا مانت بشاب عادي واحد بجمالك واخلاقك وخفت دمك وحنيتك وطيبتك الف بنت تتمناك ولاتقول هذا حظي ليييه لهجة اليأس تطغي على كلامك ياهشام انت لازم تشوفلك واحد من الحلين ولا لك ثالث ابد
هشام:طيب وش الحلين؟
تركي:إذا كان سبب عزفك عن الزواج والحب هو لانك للحين تحب رغد فانا انصحك انك تكلمها هي شخصيا" وماتقولي عيب ولا أخلاقنا ماتسمح ولاتقاليد العايله ومن هالكلام ترا لازم تتكلمون لو بالتيلفون وتتوصلون لحل بعدها يريحك ولا يخليك تنسى وتكمل حياتك طبيعيه زي اول ويمكن احسن بعد شوفني انا ماارتحت الا لما كلمت ريما بنفسها وعرفت غلاتي عندها وصدقني لو سمعت منها انها ماتبيني كان ارتحت صدقني الشي لما تسمعه منها شخصيا" اريح واحسن من لما تسمعه من غيرها او انك تحكم بسبب مو قف صار انت ماكنت معها وقتها,,,وإذا كان عزفك هو لانك تعقدت بسبب هالموقف ترا الناس مو واحد وكلن يختلف بطبعه وارجع واقول لاتحكم على رغد من الموقف وانت ماسمعت منها عيش حياتك ياهشام طبيعيه واللي فات كافي انك عدت حساباتك فيه وبعد اقول لاتخلي كبرياء جرحك يهدم حياتك وارجع بعد واكررها لك واعيدها وخلها ببالك كبرياء الجرح ياهشام كبرياء الجرح لايهدم حياتك ويخليك معلق لاطايل سما ولا طايل ارض لاانت طايل رغد ولاطايل غيرها انت اكثر من اخو ياهشام ومافي داعي اشرح لك هالشي لانك اكيد عارف تهمني مصلحتك وسعادتك ارجوك فكر بكلامي ولاتقول شي الحين بس فكر
هشام:أشكرك ياتركي فتحتلي جرحي
تركي:جرحك ماتسكر عشان افتحه احبك ياهشام وابي مصلحتك ووضعك مضايقني
هشام:انت شعليك انا مرتاح كذا
تركي:لا منت بمرتاح ومايحتاج اعيد اللي قلته ممكن تقول للعالم كلهم هالكلام ويصدقون بس انا لا انا تركي ولانسيت ياهشام
هشام بأنفعال:لامانسيت بس بعد مايحق لك تتدخل
تركي بهدوء:مقدر موقفك وماألومك على ردة فعلك بس بعد فكر بكلامي
هشام وهو يوقف:انا رايح السور
تركي:الله معاك ولاتنسى تفكر بكلامي عشان ترتاح مو عشاني
هشام وهو طالع:انا مرتاح وماعليك مني
.................................................. ...
في الحديقه الرئيسيه للفلل
كانت رغد قاعده لحالها تفكر الا هشام داخل
هشام وهو مار ولا معبرها:السلام
رغد:وعليكم السلام
صحيح السالفه اللي بين هشام ورغد صار لها شهر بس من يومها وهشام يتحاشى رغد لانه للحين يحبها ويخاف يشوف بعيونها انها ماتحبه
رغد وهي تلحق هشام:هشام
هشام من دون مايلتففت لها:نعم
رغد:ممكن نتفاهم شوي؟
هشام:مافي بينا شي نتفاهم عليه
رغد:هشام لوسمحت لاتردني
هشام:قلت لك مابينا شي نتفاهم عليه
رغد وبدت تبكي:تكفى ياهشام انا اترجاك لاتردني هالمره بس
هشام التفت لها وشاف دموعها وماقدر يردها:طيب تعالي نقعد عالكراسي
قعدوا رغد وهشام عالكراسي اللي بالحديقه
هشام:نعم يارغد قولي اللي عندك
رغد:هشام لاتفكر بيوم اني كرهتك او تغيرت نظرتي لك او قل حبك بقلبي
هشام يقاطعها:انا مافكرت انا شفت بعيني
رغد:وربي ياهشام اني ماحبيت غيرك لييييه موراضي تصدق
هشام وبدا ينفعل:من اللي شفته يارغد من اللي شفتتته
رغد:هشام انا احبك
هشام بستهزاء:ليييييه يوم تركك بندر رجعتيلي؟
رغد وهي تبكي:هشام انا احبك
هشام:لاتقولين احبك اخاف اصدق
رغد:لازم تصدق ياهشام لازم لان هذي الحقيقه
هشام:لايارغد لو ان هذي الحقيقه مثل ماتقولين ماكان تركتيني ورحتي لبندر
رغد:غلطه ياهشام وربي غلطه وماراح تتكرر
هشام وهو يوقف:اكييييد ماتتكرر لانك الحين ماعندك هشام يحبك
رغد:هشام اجلس انا ماخلصت كلامي
هشام وهو يتحاشى يناظر عيونها:ماعندي شي اقوله وماعندي وقت اسمع اخر كلامي يارغد انسي هشام لانه نساك
راح هشام وخلى رغد منهاره بالبكي لحالها
.................................................. .
شوق تكلم ملاك ع التلفون: تدرين ملوكه خلاص حددنا الخميس اللي بعد الجاي بنملك لينا على فواز
ملاك بفرح:لااااا احلفي ونااااسه ياحبي لك ياليوون وربي انها تستاهل فواز وفواز يستاهلها
شوق: يوووه ياملاك لوتشوفين فواز شلون محتاس من الوناسه مو عارف شيسوي
ملاك:ههه من قده بيملك على حبيبته
شوق : الله يعيني ع الحوسه كل شي فوق راسي
ملاك:بعد مو ذنبك انك اختهم الوحيده انا شكلي بحتاس نفس حوستك بعرس زياد
شوق واستحت من طاري زياد والعرس:عاد زياد عنده ريما بعد ولا نسيتي
ملاك : لا والله مانسيت بس بعد الله يعيني الا اقول شوق وش رايك نطلع اليوم نقضي بعض الشغلات
شوق بفرح: جد بتساعديني؟
ملاك: افااا عليك كم شوق عندي وبعدين هذي لينا لازم نجهز لملكتها تمام التمام
شوق: طيب شتبين نسوي اليوم؟
ملاك: شوفي اليوم نروح نشوف محلات الكوشات والديكورات وهالاشياء
واذا امدانا نوصي ع الحلويات والكيك
شوق: هشام قاللي ان هو بيوصي ع البوفي
ملاك: حلو اجل يلا الساعه 5 العصر نلتقي عند البوابه الكبيره وبقول لريما بعد
شوق: شرايك ملاك ناخذ لمى بعد
ملاك: والله فكره خلاص 5 نطلع
............................................
طلال وهو ضايقه فيه الدنيا:اقولكم رفضتني
تركي: ياخي شفيك قلت لك مابتنسى بهالسهوله
طلال:السالفه صار لها اكثر من شهرين وهي موقادره تنسى
هشام:انت استعجلت ياطلال كان صبرت لين ترجع من السفر
طلال:بس انا مايأست
تركي:شبتسوي يعني
طلال:بعدييييين وبتسامحني
هشام:اتمنى
طلال:يوووه مااتخيل متى اليوم اللي ملاك توافق علي فيه انا الغبي من اول ولا احد يرفض ملاك
تركي:الله كريم ياطلال
طلال:تدرون لوملاك توافق اباخذها احلى شهر عسل لامو شهر طووول المده اللي تبيها وبلف فيها العالم كله
هشام:ان شالله ياطلال
طلال يكمل:وبنعيش سنتين ببريطانيا وبخليها تكمل دراستها هناك بأحسن الجامعات وبنعيش أحلى حياه
تركي:طلااااال تراك بلارض وش ذا الاحلام؟
طلال:ماعليك فيني.اسمع أبشتريلها فيله كبيييره بأرقى أحياء لندن لالالا ابخليها تصممها لانها مهندسه بتكون وتبنيها زي ماتبي وبخليها قريبه من اخوانها عشان ماتحس بالوحده وانا بالشغل
تركي:الله يكون بعونه اخونا فالله
هشام:مدري شلون بيكون لو ملاك ردت ورفضته
تركي:والله اني موفاهم لهم ملاك وطلال
هشام: الله يعينهم
...................................
Angel 1118
01-11-2010, 16:10
البارت الحادي عشر
اليوم يوم ملكة لينا وفواز والكل مشتط ومحتاس
ملاك:شووووق وين وديتي الدخون؟
شوق من بعيد: عندك ياملاك ع الطاوله
لينا: ريوووم بالله كيف شكلي ؟
ريما: ولا مليوون مره سألتيني وربي تجننين
لينا: خاااايفه
ريما: هذا وهو مابعد يجي ويلبسك الشبكه والدبل وسوالف المتملكين
لينا: هذا بدال ماتهونين علي تزيديني
ريما: شنو اهون عليك انتي بتولدين
لينا وهي معصبه من ريما: اقول اذلفي عساني اشوف فيك يووم
شوق: ملاك حبيبتي جيبي الاغراض من هشام عند الباب
ملاك: اوووكي
طلعت ملاك والا طلال بوجهها
طلال: ملاك
ملاك مشت ولا كأنها تسمعه
طلال عصب ومسكها من يدها
طلال: اسمعي لما اكلمك تسمعيني مو كافي اني كل ماادق عليك ماتردين
ملاك من بين اسنانها:طلال فك يدي احسن لك
طلال: واذا مافكيتها
ملاك: انا متأكده انك بتفكها
وابعد عني بروح لهشام اخذ منه الاغراض وانا مشغوله مو فاضيه لسوالفك
طلال: اوكي بس اسمعي بدق عليك وردي لازم احكي معك
ملاك:مابينا حكي وبعدين يااخي انت ماتستحي من بعد المنظر اللي شفتك فيه بزواج رائد وانا كارهتك زود
طلال:وربي هذي هي انتي تعرفين اخلاقها وربي هي اللي جاتني وحاولت ابعدها بس لصقت فيني وماقدرت اتحرك وربي مااكذب
ملاك:مطلوب مني اصدق يالصايع
طلال:قولي اللي تقولينه لاتحاولين تستفزينني انا قابل منك كل شي وبعدين انا حلفت بالله ملزومه تصدقيني
ملاك:طيب وخر عن وجهي وجهك يجيب لي الضيقه
طلال بقلة حيله:طيب بوخر بس ملاك تكفين طلبتك بس ردي واسمعيني
ملاك وشكل طلال كاسر خاطرها: اوكي خلاص بس مو اليوم بكرا الساعه 10 بالليل تتأخر دقيقه مابرد
وراااحت
ملكوا لينا وفواز واخذها وراحوا يتعشون بمطعم
والناس ضحك ووناسه مع الطق والرقص
شوق:ملاك ورا ماترقصين
ملاك:......
شوق:هي انتي اكلمك
ملاك:هلا هلا شوقي وش تقولين؟
شوق:ابد مو طبيعيه
ملاك:لا عاادي بس افكر لينا وفواز شيسوون الحين؟
شوق:يقطع شرك يا ملاك
ملاك وهي تضحك:طيب ماقلتي لي مزعجتني شتبين؟
شوق:ابد بس اشوف الرقاصه مااشتغلت اليوم؟
ملاك:ههههه رقاصه عااد
شوق:والله مايطق طار الا رقصتي وما تجي دقه شرقيه الا هزيتي واليوم ابد ولا شي
ملاك:لعيووونك ياشوق احلى رقصه بس خليهم يشغلون الدي جي على روح وروح ابي ارقص عليها احسها تعبر عن مشاعري
شوق:تامرييييين
شغلوا روح وروح وملاك والبنات رقص ع الاغنيه
.................................................. .......
اليوم الثاني بالليل الساعه 10 بالضببببط
ملاك:االوو
طلال: ملاك
ملاك: نعم؟
طلال: كيفك؟
ملاك: مااعتقد انك داق تسأل كيفي
طلال: ملاك وش فيك متغيره معي وليه ترفضيني مو انتي تحبيني؟؟
ملاك:أحبك؟ ذاك اول ياطلال وبعدين بدال ماتسألني ليه متغيره اسأل نفسك انا سويت زي ماتبي وحطيت لنفسي حد
طلال: يالله ياملاك للحين شايله بقلبك علي وربي ياملاك اني احبك وتركت ساره ذي وعفت كل البنات عشانك وبالأخير تسوين كذا
ملاك: انا ماطلبت منك تترك احد
طلال: ملاك حرام عليك وربي احبك انتي ماتحسين؟
ملاك وكأنها انفجرت: انا اللي مااحس ياطلال ولا انت يوم اني حبيتك قلت عني كلام وصدقت هالساره
اتهمتني وهزئتني وغلطت علي وكأنك ناسي اني بنت عمك
وغير هذا كله تجاهلك لي ولمشاعري لييه يوم اني حبيتك وكنت مستعده اضحي باي شي عشانك بعتني
ليييه يوم اني سلمت لك قلبي رميته ورحت ورا هواك ليييه كل هذا يا طلال ليييه لييه تهيييني قدام الكل وتقلل من قدري ليييه
وبعد كذا جااي تلومني وتعاتبني من الغلطان فينا ها ؟مين؟
تذكر يوم تقولي انتي غلطتي ولازم تعتذرين انا الحين اقولها لك ياطلال انت غلطت وغلطت كثييير بعد
وصعب اسامحك حت لو اعتذرت
طلال يسمع وهو مصدوم بعدين رد :كل هذا بقلبك ياملاك كل هذا انا مسويه فيك وانا ماادري
صدقيني ياملاك انا ماكنت ادري انك تحبيني صدقيني
صحيح انا كلمت بنات واجد بس وربي ياملاك عمر القلب مادق لغيرك
كل شي فيك يلفتني كل شي فيك حبيته تفاصيلك شكلك طبعك حتى عنادك وكبرياءك كل شي
ملاك:ياطلال اللي انكسر بقلبي مايتصلح بسهوله اسمحلي انا مو لك
طلال: لا ياملاك لاتقولين كذا انتي لي وانا لك انتي ملاكي ومحد ماخذك مني ومالنا غير بعض
ملاك: مو كل شي بكيفك ومو كل شي تبيه تحصل عليه وانا من الاشياءاللي تبيها بس ماراح تحصل عليها
انساني ياطلال انساااني لاني نسيتك وماعاد بقلبي لك مكان غير نقطه سوده هي كرهي لك
طلال ودموعه بدت تنزل من كلام ملاك:لا ياملاك لا تكفين قولي اي شي الا اني انساك مستحييييييل
انسى نفسي ولا انساك صدقيني
ملاك: خلاص ياطلال الكلام الحين ماينفع انت بعد اسبوع مسافر الله يوفقك مع غيري
وسكرت
طلال متسند على نخله ومنزل راسه ومعطي المجال لدموعه تنزل بهدوء
طلال اللي عمره ماانهز ولا نزلت دمعته على اصعب المواقف عمره مابكى
اليوم بنت تبكيه قهر وألم على اللي ضيعه بلعبه وغباءه
تركي: طلال
طلال..........
تركي:طلال
طلال:............
هشام:شفيه؟
تركي مدري حتى مو راضي يرفع راسه
هشام:طلال شفيك؟
طلال:.........
قربوا تركي وهشام من طلال اكثر ورفعوا راسه
تركي مصدوم من الدموع اللي يشوفها:طلال شفيك؟
هشام:معقول طلال الـ..... يبكي؟
طلال وصوته مبحوح:قالت انساني قالت انا مولك روح واتركني
وش لون انساها وهي في قلبي هي داخل الروح
تركي وهشام مصدومين معقول ملاك اللي تحب طلال تقول كذا
طلال وزادت بحة صوته:انسى نفسي ولا انساك ياملاك انا مثل الورده بالصحرا بدونك
اآآآآآهـ ياملاك اآآآآآهـ ماعرفت قدرك الا متأخر
هشام وتركي اكتفوا بالسكوت من اللي يسمعونه وهم متحسرين على حال طلال
وش لون كان مخطط على سفره معها وشلون كان راسم حياته وياها
.................................................. ..........
ملاك وحالها مو احسن من حاال حبيبها اللي تركته
ريما:تكفين ياملاك لاتعذبيني وانااشوف دموعك
ملاك من بين دموعها: خلاص حبي ضاع
ريما:موهذا اللي تبينه؟
ملاك:الا بس انا ابكي على قلبي اللي ضيعته معاه
ريما:الله كريم ياملاك الله كريم
.................................................. ...........
بعد يومين
هشام جالس بالحديقه مع تركي
وشوي دخلوا البنات السور
البنات:السلااااااام عليكم
العيال:وعلييييييكم السلام
تركي:وييين كنتوا؟
ملاك:كان عندنا معرض مسويته لمى وبكرا بنفتتحه
هشام:حركااااات لموو وش معرضه بعد
لمى:انا من هوات الرسم والتصوير وعندي لوح وصور كثيره من ابداعي طبعا" فقلت ليييه مااسوي معرض
هشام:اهااا الله يوفقك
لمى:امييييين
تركي:لمى واحنا مانحظر
لمى:للأسف المعرض نسائي
فالليل رغد جالسه بغرفتها لحالها الا يرن جوالها
رغد:الوو
هشام:رغد
رغد بلهفه:هشااام
هشام:رغد انتي بالسور ولا برا؟
رغد:لا انا فالسور في فلتنا
هشام:تعالي تحت ابي اتكلم معك شوي
رغد:طيب بس وين؟
هشام:في حديقة جدتي الحين محد فيها
رغد:دقايق وانا عندك
نزلت رغد وهي مستغربه وش يبي هشام؟
رغد:هشام
هشام :رغد
رغد:هشام فيك شي؟خوفتني
هشام:اسمعي رغد انا بتكلم ولاتقاطعيني ولاتتكلمين لين اخلص
رغد:بجد بديت اخاف
هشام:رغد انتي غلطتي فحقي وتركتيني وانا اللي ماانام الليل من كثر ماافكر فيك عشت معك احلى قصة حب انام على صورتك بخيالي واجلس عليها
رغد تسمع ودموعها تنزل بهدوء وهي منزله راسها
هشام يكمل:تنازلت عن اشياء كثيره عشانك وضحيت بأشياء كثيره عيشتيني احلى حلم وعشته معك برضاي وسعادتي
بس للأسف صحيتيني منه بدري بصدمه كبيييره يوم قلتي لي انساني واذا تحبني ادعولي بالتوفيق مع بندر
انسحبت من حياتك ودعيت ربي يوفقك معه وفجأه هو يتركك ومالقيتي ملجئ غيري جيتيني وانا رديتك لانه هذا الطبيعي انتي جرحتي احساسي وكرامتي جرحتي قلبي وطعنتيني حطي نفسك في مكاني وتعرفين شعوري وتعذريني
رغد ودموعها على خدها:خلاااااااص ياهشام خلاص كفايه عذاب كلامك مثل السكين بقلبي
هشام ويتجاهل دموعها:انا قلت لاتتكلمين لييين اخلص وانا ماخلصت
ويكمل:رغد انا ماابيك تحطين بخاطرك علي انتي عفتيني وجرحتيني وانا رديتك يوم جيتيني وانتهى الموضوع
كرامتي وعقلي مايسمحون اكمل معك او اتقبلك ثاني مره واتخيلك كزوجه مثل اول بس وربي يارغد قلبي يحكم علي غير كذا
رغد حاولت انساك واتجاهلك بس للأسف مااااقدرت احبك يارغد احبك احبببببببببك وحياتي من دونك عذاب لومهما سويتي تبقي حبيبتي اللي مااقدر اكمل حياتي بدونها رغد انتي للحين تحبيني للحين تبيني تبين هشام تبين تكملين حياتك معي رغد تكفين اذا تبيني لاتتركيني ثاني مره قلبي ماعاد يقوى فراقك صدقيني
رغد وهي تضم هشام ومنهاره بكي:احببببك ياهشام واللي خلقني احبك ولالي غنى عنك ولاحياه من دونك اوعدك ياهشام مااتركك لومهما صار اوعدك مايفرقنا غير الموت وعد مني ياهشام وعد
.................................................. ..........................
هشام بعد ماتكلم مع رغد أرتاح وحس الدنيا رجعت تضحك له وسيييييده لتركي
تركي كالعاده وقت الفراغ يابالديوانيه او الشقه حقتهم
هشام داخل الشقه ومافيها غير تركي
هشام:تركي
تركي:هلا هشام
هشام:تركي ابي اعتذر لك على كلامي معك وتوتري ذاك اليوم بس انا فكرت بكلامك ولقيت الحل
تركي وهو مستانس:اولا" مافي داعي للأعتذار لأنك ماغلطت وردة فعلك طبيعيه واشكرك انك عطيت كلامي اهتمام وفكرت فيه ثاني شي قول وش اللي قررت تسويه؟
هشام:انا سويت خلاص وكلمت رغد وتفاهمنا وطلعت كل اللي بخاطري وبخطبها ياتركي بخطبها ياخوي
تركي ومتشقق من الوناسه:الله يوفقك ويهنيك يارب ويسعدك
هشام:ااااامييييين وانت بعد
تركي:امييييين يوفقني مع ريووومه حياتي
.................................................. ..
اليوم الثاني بمجلس ام زياد
ام محمد:والله ياأم زياد يشرفني نسبك وانا جايه اخطب محمد لملاك
ام زياد:والله انتي تشرفين ياأم محمد ومحمد رجال والنعم منه بس تعرفين لازم اخذ شور البنت وابوها
ام محمد:أسأليها بس لاتطولين علينا الولد مستعجل ومو مصدق متى يشوفها من كثر ماكلمته عنها
ام زياد:ابشري يام محمد عطيني كم يوم وارد عليك
طلعت ام محمد وراحت ام زياد لزوجها
بوزياد:ها يامها جايه تخطب ملاك؟
ام زياد:اييه ياعبدالعزيز بس وش دراك؟
بو زياد:بومحمد كلمني
ام زياد:وانت شرايك؟
بو زياد:والله الولد والنعم منه سمعته زينه وابوه رجال طيب وولد حلال
ام زياد:اجل اخذ راي ملاك
ملاك داخله:اسمع اسمي وش تقولون عني؟.
ام زياد:تعالي يمه جمبي بقولك شي
ملاك وهي تجلس جمب امها:خير ماما
ام زيادكام محمد كانت عندنا قبل وشي وجايه تخطبك لولدها محمد
ملاك:ام محمد اللي بنتها عاليه
ام زياد:ايييه
ملاك:بس انا اكره عاليه
ام زياد:ووش دخل عاليه هي اللي خاطبتك ولا اخوها
ملاك:وانتي وبابا وش رايكم؟
ام زياد:ابوك يمدح الولد ويقول انه زين بس الراي الاول والاخير لك ياماما
ملاك:عطوني مهله افكر
ام زياد:بس لاتطولين
راحت ملاك غرفتها وقفلت الباب ورمت نفسها عالسرير وقامت تبكي
ملاك في نفسها:شلوون اوافق عليه وانا لسه احب طلال شلووون
كلا مني لييييه رفضته يوم خطبني ليييه بس لاااا لا يمكن هو جرحني وانا كبريائي مايسمحلي اخذك ياطلال
والله لأوافق على محمد دامه زين واقهرك مثل ماقهرتني ياطلال
بعد يومين ملاك وافقت وبيملكون بعد شهر
...........................................
طلال وهو يوقف:انت شتقول وافقت تتزوج محمد
تركي وهو يجلس طلال:اهدا ياطلال خلاص البنت وافقت واخذها غيرك انساها عاد
طلال وهو يصرخ:انت غبي انا مااقدر انساها هذي شفيها انجنت تتزوج واحد وهي تحبني
هشام:طلال قلنا اهدا وبعدين لوهي تحبك ماوافقت على غيرك
طلال:انا لازم امنعها
تركي:شتمنعها هذي حياتها وهي حره فيها خلاص الله يوفقها
طلال:بس انا توقعت انها بتزعل فتره وبعدين بترضى حتى لو طال وقت زعلها فالنهايه هي لي بس اصدمتني
هذا اللي مااتوقعه ولا توقعته ولا حطيت له حساب
هشام:خلاص انت بكرا مسافر وعلى ماترجع السعوديه تكون نسيتها
طلال:لايمكن ارجع لمكان اشوف فيه ملاك مع غيري
تركي:لاحول ولا قوة الا بالله
............................................
Angel 1118
01-11-2010, 16:12
البارت الثاني عشر
اليوم طلال بيسافر وقرر مايرجع لمكان ممكن يشوف فيه ملاك مع غيره
تركي وهشام وطلال بالسياره
تركي:غير رايك ياطلال وارجع لا خلصت شغل
هشام:طلال ترى الحياه ماتتوقف عند انسان اسألني انا
طلال:خلاص انا حياتي توقفت عند ملاك بكمل الباقي من عمري بلا مشاعر من دونها
تركي:لاياطلال انا عمري ماشفتك متحطم كذا
هشام يكمل على كلام تركي:هذي فتره وتعدي والرجال ماتأثر عليه بنت
طلال:لاتزيدون علي قراري ماني بمتراجع عنه الله يوفقها مع غيري دام هذا اللي تبيه ومكناها بالقلب محد ياخذه
هشام وتركي اكتفوا بالسكوت لانهم عارفين ان طلال عنييد ومايرد بكلامه وعارفين وش قد ملاك ماثره عليه
طلال:يلا شباب وصلنا امنتكم الله
وسلموا على بعض وراحوا
من بعيد تركي:طلال لا وصلت طمنا
طلال: ابشر
..............................................
بعد اربع ساعات
البنات متجمعين ويطالعون فيلم على mbc2
شوي الا يرن التلفون
رغد:ملاك قومي ردي
ملاك: ماني بقايمه ريما تروح ترد
ريما:لا والله وليه مو لمى
شوق:يعني شلون انا الكبيره اللي اقوم
لينا:يمديه سكت وانتوا ماقمتوا
ملاك:يووووه خلاص بروح اشوف من الغثيث اللي يدق هالوقت
هبه:تبين اقوم انا ارد
ملاك:شدعوه ارتاحي توك جديده اصبري شهر واحد وبعدين نكرفك
هبه:هههههه يقطع شرك
ملاك:ااالوو
ضي صديقة ملاك:ملاك
ملاك: ضيوو ورى داقه هالوقت انا اتابع فيلم مو فاضيه لك
ضي:ملاك حطي على وحده من محطات الاخبار واقري خبر عاااجل
ملاك:اقولك اتابع فيلم تقولين حطي محطة اخبار
ضي :ملاك مو وقتك حطي بسرررعه
ملاك وحست ان الموضوع جد:طيب طيب يلا باااي
رغد: مين ؟
ملاك:ضي تقول حطوا على وحده من محطات الاخبار وشوفوا خبر عااجل
شوق:عساه خير
ملاك:والله صوت ضي مايطمن
حطوا البنات على وحده من المحطات
وسمعوا اللي صدمهم
(خبر عاجل:اعلن مصدر مسؤؤل عن وقوع الطائره رقم....المتجهه الى بريطانيا عصر اليوم وقد افاد ذلك المصدر انه لم يتم نجاة اي شخص من الركاب................)
وطفوا البنات التلفزيون وهم يبكون
رغد وهي تبكي:يعني الطياره اللي فيها طلال
لينا من بين دموعها:خلونا نتاكد بدق على تركي بالشركه اسألهم
والكل يبكي وحالته حاله الا ملاك اللي مانزلت منها ولا دمعه يمكن لان عندها امل تكون مو نفس الطياره
.................................................. ......
فالشركه
حسام صديق تركي وموضف معهم بالشركه:هههههه ياتركي الله يقطع ابليسك عليك حركات
مشاري صديقهم بعد ويشتغل معهم: لا وفاتك انت ماشفت شي
الا يرن التلفون
تركي:اسكتوا اتصال خارجي مو من داخل الشركه من البيت الله يستر مو بالعاده يدقون
مشاري:رد يمكن يبون شي
تركي:الله يستر
تركي:الوو
لينا وهي تبكي:تركي
تركي:لينا شصاير وليه تبكين امي وابوي فيهم شي
لينا:لا
تركي:لينا بنجن شفيك اجل
لينا ومو قادره تتكلم من الصياح
اخذت ريما السماعه لانها تقريبا" متماسكه اكثر وحده بعد ملاك
ريما:الو تركي
تركي:ريما شفيكم شصاير؟
ريما:تركي ابي كل المعلومات عن الطياره اللي سافر فيها طلال وكم الساعه بالضبط راح؟
تركي والخوف بقلبه:لييييه؟
ريما قالت له السالفه وتركي مو قادر يمسك السماعه من الكلام اللي يسمعه
وطاحت السماعه من يده
حسام: تركي شصاير؟
تركي اكتفى بدمعه بللت خده على صديق عمره وولد خاله طلال
وراح تركي وقال لخواله بمكاتبهم ودقوا على العيال ببريطانيا وجاوا والكل درا بالخبر
خبر وفاة طلال طلال اللي راح وهو هموم الدنيا على راسه من ملاك طلال اللي ضيع حبه وقلبه من يديه
طلال اللي عاااف الدنيا والمكان اللي يتخيل انه ممكن يشوف حبيبته بيد غيره في يوم من الايام
راح وبقلبه حسرته على نفسه راح من بعد ماتحطم كل شي بناه راح وهو بدون قلب ولا احساس ولا روح راح وقلبه مع ملاك حبيبته وحياته
.................................................. ..
اليوم اخر يوم بالعزى والكل مستغرب سكوت ملاك ومانزلت منها ولا دمعه على ولد عمها وحبيبها وهي الى اليوم تحبه وتعشقه بس كابرت وتركته وداست على قلبها وماستفادت الى القهر على قلبها اللي مات في نظرها مع طلال
الكل ساكت ومكتفي بالدموع اللي تجري بهدوء
وفجاءه
ماسمعوا الا صرخت ملاك:لااااااااااااااااااااااااااااااااا
واخيرا" ملاك سمحت لدموعها تبكي حبها اللي راح
ملاك: قوموا قوموا كلكم كلكم كل وحده تروح بيتها طلال ما مات تفهمون مامااااااااااااااات طلال موجود
طلال يحبني وماراح يتركني لحالي
وبهدوء صدقوني هوقاااال
ورجعت تصرخ مره ثانيه:وربي يحبني واللي خلقني يحبني هو قال يحبني وماراح يتركني
امها وعماتها والبنات ماسكينها يهدونها وهي مافي فايده وكل مالها وتصرخ اكثر واكثر
ريما من بين دموعها:خلاص ياملاك خلاص هو مات اطلبيله الرحمه
ملاك:لاتقوليييين ماااااااات طلال ماراح طلال بيرجع بيرجع
ام ملاك:ملاك يمه هدي نفسك حرام عليك اللي تسوينه
كل الموجودين مو قادرين يتحملون الموقف الكل قام يبكي بأعلى صوته على ملاك ومنظرها
ملاك تصارخ:طلااااااااااااال طلااااال ارجع انا احبك
وربي اللي خلقني احبك طلال لاتروح انا من دونك ما اقدر اعيييش
طلاااااااال انت تسمعني صح طلال تعال انا خلاص ابيك وربي ابيك ومالي غيرك
طلال حبك بقلبي مامات حبك بقلبي كل يوم ينولد كل يوم
طلال تذكر يوم قلت لي اني ملاكك ومحد بياخذني منك يلا تعال ونفذ كلامك تعال اخذني معك لاتتركني تكفى اررررررررررجع
الجده وهي تبكي وتحظن ملاك:خلاااص يمه خلاص طلال راح وماعاد يرجع طلال انسيه انسيه يمه انسييييه
ملاك:لا ياجده مامات صدقيني انا احس فيه ياجده لو طلال مات كان انا مت معه لأن طلال هو روحي تتخيلين انسان من دون روح يعني ميت وانا موجوده قدامك مامت يعني طلال مامات
الجده:خلااااااص ياملاك لاتعذبيني لاتعذبيني اكثر
ملاك بصوت عالي:طلاااااال تعال قولهم ياروحي انك موجود تعااااال
ملاك بذلت مجهود من هالصراخ والبكي وبحكم انها ماكلت شي طول الثلاث ايااام العزا
طاحت حليهم ونقلوها المستشفى
فالمستشفى
ابوزياد:هايادكتور بنتي شفيها
زيااد: طمنا تكفى يادكتور
........................................
Angel 1118
01-11-2010, 16:13
البارت الثالث عشر
الدكتور:والله ياخوي ماعرف شقولك بس البنت ناقصها فيتامينات وعندها فقر دم انتوا شلون ساكتين عنها كذا
وفوق هذا كله باين انها متعرضه لصدمه نفسيه كبيره
سببت لها انهيار عصبي حاد ومانامت الا بالمهدءات
ابو زياد: لاحول ولا قوة الا بالله
زياد: شصاير ياربي مابعد نطلع من سالفة طلال والحين ملاك ياربي احد داعي علينا
تركي: استغفر ربك يازياد شهالحكي
هشام:هذي كتبة رب العالمين
زياد: ونعم بالله
ريما اللي كانت معهم هي ولينا:طيب يادكتور مانقدر نشوفها
الدكتور:ماراح تستفيدون شي هي نايمه اللحين واحتمال ماتقوم الا بعد 8 ساعات
هشام: يلا ياخالي تعوذ من ابليس وهذي كتبة رب العالمين
تركي: تعال معنا نروح البيت وبكره الصباح نجي تكون تعدت 8 ساعات
ابو زياد: لا انا ماراح اترك بنتي
الدكتور: ماراح تستفيد من الجلسه هنا روح والصباح ارجع
ابو زياد:لا
زياد:تعوذ من الشيطان يبه وقوم
لينا:روح ياخالي وانا بقعد عندها واول ماتصحى اعلمك
هشام: حتى انتي شيقعدك كلنا بنمشي
ريما وماوقفت بكي:لااا انا روحه من هينا مافي لين اتطمن على ملاك
تركي:الحين احنا فخالي ولا فيكم؟
زياد:يلا خلاص كلنا بنمشي
ريما:قلت لا يعني لا
الدكتور ضايع بينهم:خلاص خلوا الانسات وانتوا تقدروا تروحوا
وراحوا كلهم وقعدوا ريما ولينا
.................................................. ...........
فالبيت
ام ملاك:ياربي بنتي بروح اشوفها
ام رائد:ياام زياد تعوذي من ابليس الحين بيجون ويطمنونا
ام زياد:لوهي بخيير ورا مايردون علينا؟
هبه اللي حامل من شهر:ياخاله الحين بيجون ارتاحي بس
الا دخلوا ابوزياد والعيال
ام زياد:ها يا بوزياد وين بنتي؟
ابو زياد:هي تعبانه شوي وبيخلونها كم يوم عندهم
ام زياد والدموع بعيونها:لا والله ووراك مخليها وجاي؟
زياد: يمه ريما ولينا معها
ام زياد: موشغلي هذا الحين تودوني لبنتي
زياد:يمه ملاك نايمه الحين ومابتصحى الا بعد 8 ساعات يعني بكرا
ام زياد:طييييب
زياد:اوعدك يمه اول ماتصحى اوديك عندها
.................................................. .............
فالمستشفى في قسم انتظار النساء
ريما وهي مسنده راسها عالجدار:آآآآآآهـ من هالدنيا غريبه تاخذ ولا تعطي ابد
لينا:هذي كتبة رب العالمين
ريما: ونعم بالله بس طلال وملاك بنفس الاسبوع
لينا:مسكينه ملاك ماتوقعتها لهدرجه تحب طلال
ريما:اللي يشوفها معه ذاك الاسبوع مايقول هذي ملاك اللي اليوم طايحه عشانه
لينا:مساكين تعذبوا كثير عشان بعض وبالاخير هذي حالتهم
شوي الا تجي وحده
الحرمه:وراكن يابنات جالساتن في ذا صار لكن مده وحالتكن ماتسر الخاطر
البنات كانوا مضغوطين نفسيا" ويبون احد يسمعهم
وقالوا للحرمه عن كل شي
الحرمه: لاحول ولاقوة الا بالله هذا يومه يابنات اطلبوله الرحمه وبنت عمه يمكن انها كانت تريده
وهذا اللي تعبها
ريما في نفسها:والله كنك تدرين انهم يحبون بعض
طبعا" البنات ماقالوا للحرمه عن حبهم بس قالوا لها انه مات وان ملاك منومه هنا
.................................................. ......
مر شهر والعايله مااستقر وضعها تركي وهشام عاشوا كأبة الوضع بدون طلال عافوا الطلعات وكل شي كل مكان يذكرهم بطلال
صحيح انه كان بيروح ويخليهم بس فكرة انه موجود ويكلمونه باي وقت ويسافرون له بأي وقت غير لما يكون مو موجود بالحياه من اصل
العمات وابو رائد وام رائد وعمانه وام زياد وام معتز والبنات والعيال كلهم كل يوم يذكرون طلال ويبكون عليه اللي فقدوه شي مو سهل
الجده حلفت ماتدخل فلة بورائد وطلال مو فيها عافت كل شي كل يوم تقعد على الفطور تطالع في كرسيه فاضي وتقعد تبكي
ملاك طلعت من المستشفى بعد اسبوع من العلاجات والمهدءات
طول يومها ساكته ماتكلم احد ولا تسمع احد بس مقابله صورة طلال والدموع خذت لمجراها بوجه ملاك مكان
يجيبون لها الاكل ويأكلونها وتاخذ العلاج وهذي حالتها ماتحب تقعد مع احد ولا تتحمل تسمع اي احد عاشت بوحد وكأبه
.................................................. ..............
تركي وهو جالس لحاله ع البحر يتذكر ايامه مع طلال
تركي: والله ياطلال قاهرني
طلال: افاا ماعاش من يقهرك ووانا موجود
تركي:انا اشهد انك كفو ياطلييييل
طلال:والله ياتركي ماحب اشوفك وانت متضايق
تركي: عااادي ياخوك الضيق له بقلبي مكان
طلال: يابن الحلال هونها والله الدنيا ماتسوى تزعل عشانها
تركي: والله ياطلال مااتخيل حياتي من دونك
طلال:ولا انا والله ان حياتي من دونك سلطه
تركي:هههههه يقطع شرك سلطه عااد
طلال:واخيرا" ضحكت الدنيا ماتستاهل نقضي فيها لحظة حزن
,,,,,
تركي:طليييييييييل انقلع برا ابي انام
طلال وهو ينطط على سرير تركي: مافي نوم بعد اليوم وانا جاي انتقم منك
تركي: انا اشهد انك بعير ماتنسى
طلال:لابس انت ماانساها لك
تركي: طلييييل انقلع وطف النور اللي انت فاتحه وسكر الباب
طلال:تذكر وش قلت لي يوم قلت لك كذا؟
تركي:لا مااذكر ولا ابي اذكر
طلال: انا اذكرك قلت ان ماقمت ابكب على راسك كاس الماي
تركي: انا اوريك ياطلييييل
وقام تركي وخذ كاس الماي يلحق طلال إلى ماطلعه من الغرفه وطلال ميت ضحك عليه
تركي في نفسه:اااااه ياطلال ارجع وانتقم وكب كاس الماي وسو اللي تبي بس ارجع
لاتخلينا
,,,,,
تركي بصوت واطي:طلال خلنا نمر ناخذ ريما تتمشى ويانا
طلال بصوت عالي:لاااا والله تبينا نمر ر
تركي يحط يده على فم طلال:اسكت فضحتنا
البنات وهشام :هههههه
طلال:هههه تراك مفضوح من زمان
,,,,,,
طلال:آآآآآآهـ ياتركي قلبي مليااان هموم
تركي:يوووه طلال اللي عمره ماهتم من شي ومعطي الدنيا اشكل الحين مليان هموم
طلال:اللي بقلبي كبيير
تركي:لا وهمه من بنت
طلال:تركي
تركي:هلا
طلال:تتوقع لمى اموت ملاك تبكي؟
تركي:طلال شهالحكي؟
طلال:احسها ماراح تبكي
تركي بضيق:طلال تدري لو انت تنتهي من حياتي مدري شلون بعيش
طلال يضحك بضيق:آآآآهـ ياتركي ماحد بيبقى فيها
تركي:خلاص ياطلال
طلال:تركي لو مت ملاك بتتزوج غيري؟
تركي بيغير المود:انت اهبل؟ لا مت انا اللي باخذها
طلال ينط على تركي يضربه:تاخذها ها انا اوريك
,,,,,,,
تركي وهو يبكي:أآآآآه ياطلال والله فضت الدنيا من دونك تعال وشوف حالنا من بعدك كييف
آآآآه ياخوي تعال يتقطع قلبي الف مرره وانا اذكر تفاصيلك ومواقفك
مكانك فاضي ياطلال فالبيت والشركه والقهوه والديوانيه وكل مكان كل مكان
تعال شوف ملاك من بعدك كيف حالتها تعال ياطلال
وبصوت عاااالي ومبحوح تركي وهو يرمي حجر بالبحر:طلااااااااال
....................................
أم محمد:أسمحيلي ياأم زياد الظاهر مابينا نصيب بنتك شكلها تحب ولد عمها
أم زياد:بس ولد عمها مات الله يرحمه
أم محمد:بس انفعال بنتك بعزا ولد عمها خلاني اغير رايي يعني شبيقوولون الناس مرت ولدهم تحب غيره
أم زياد:خلاص ياام محمد بكيفكم ماتشوفون شر بنتنا بطريق وولدكم بطريق وزين اللي ماملكنا
ام محمد:مع السلامه
سكرت ام زياد وراحت قالت لبنتها
ملاك:هههههه على باله اني ابيه انا ماراح اتزوج غير طلال
ام زياد:بس طلال مات
ملاك:انتم ماتفهمون مامات
ام زياد:لأ مات ياملاك مات متى بفهمين متى
ملاك: طيب ليييه معصبه مدامه مات اجل ماراح اتزوج
ام زياد:لاحول ولاقوة الابالله
.................................................
Angel 1118
01-11-2010, 16:14
((البارت الرابع عشر ((قبل الاخير
مرت سنه على الاحداث المره اللي صارت
فواز ولينا تزوجوا
وجابوا بنت سموها جواهر
,,,
رائد وهبه
جابوا ولد اسمه احمد وبنت اسمها لولو
,,,
هشام ورغد
تزوجوا وجابوا بنت سموها جود
,,,
معتز ولمى سافروا مع زياد وشوق لان معتز رافض يخلي زياد لحاله بالشركه في بريطانيا
وجابوا بنت سموها مي
,,,
ريما تزوجت تركي
وعندهم ولد سموه طلال
,,,
شوق تزوجت زياد وسافرت معاه لانه يشتغل ببريطانيا رفض يرجع للسعوديه مايبي يقعد فيها وطلال مو موجود ولايقدر يشوف اخته بهالحاله وهو مو قادر يسوي لها شي
وعندهم ولد اسمه مروان
,,,
هديل وغيدا خطبوهم اثنين اخوان من ربع رائد وفواز
هديل عندها بنت اسمها غدير,,,وغيدا ولد اسمه نايف
,,,
ملاك خذت عهد على نفسها تبقى على ذكرا طلال وماتاخذ غييره
مسكينه ملاك حالتها حاله من بعد طلال كل شي فيها تغير وكأنها كبرت 10 سنين
,
,
,
,
طبعا" الكل متوقع انها النهايه بس فالحقيقه لا الاحداث ماخلصت
.........................................
Angel 1118
01-11-2010, 16:20
البارت الخامس عشر والاخير
اليوم الكل متجمع فالبيت الكبير فلة الجده طبعا"بأستثناء معتز وزياد وشوق ولمى لانهم ببريطانيا
هبه:لينا جيبي لي معك عصير
رغد:اقول بنات وين ملاك؟
ريما :والله حالها مو عاجبني مر سنه على اللي صار ولاهي قادره تنسى
رغد:وين تنسى وهي تعشقه
لينا وهي تمد العصير لهبه:المشكله انها تنخطب ولاهي موافقه على احد
هبه:ياليت نقدر نطلعها من اللي هي فيه
جوجو بنت لينا وفواز وهي تبكي: ثوفي تلال احد مني الكوله(شوفي طلال اخذ مني الكره)ء
لينا: والله ياريما ولدك ذا معذب بنتي
ريما: خليه يعيش طفولته
لينا:وعلى حساب بنتي
الا طلال داخل:ماما لاتثدقينها هادي كدابه(ماما لاتصدقينها هذي كذابه)ء
هبه: عيب ياطلال تسوي كذا بجوجو هذي بنت وانتي ياجوجو روحي اللعبي مع لولو وجود وغدير مو مع الاولاد
جوجو وموعاجبها الكلام:تيييب
بعد العشا الكل متجمع فالصاله الكبيره البنات والعيال والكبار الا البزارين يلعبون بالحوش
والكل لاهي اللي يسولف بالاقتصاد والتجاره و اللي يسولف عن المكياج والاشياء الجديده اللي نازله السوق والكل يسولف
ملاك بغرفتها مقابله صورت طلال هذا حالها من مات طلال
شوي الا يرن الجرس
ابو رائد: من جاينا هالوقت غريبه
ابوزياد: واحد يقوم يشوف من ع الباب
هشام:انابقوم
تركي: لاخلك انا بروح
وراح تركي فتح الباب
تركي وهو مصدوم:بسم الله الرحمن الرحيم
......:تركي شفيك شايف جني
تركي يفرك عيونه:لااا مااصدق
.......: تركي انا طلال
تركي: ط..ط..طلال وبصوت عالي طلااااااااال ويحضنه ويبكي باعلى صوت
الكل قام يركض وهو خايف على بالهم طلال ولد تركي صار له شي
وطلعوا وشافوا طلال الصغير والبزارين واقفين يشوفون تركي شفيه
الكل تنهد الراحه على بالهم حتى طلال الصغير بيروح مثل ماراح الكبير
ابوزياد:تركي يابوك من عند الباب وعلامك تصارخ
تركي:تعال ياخالي تعال
تعالوا كلكم شوفوا اللي اشوفه
الكل قرب وهو مو مصدق الكل يبكي ويحمد ربه على رجعة طلال وبراسهم الف فكره كيف رجع
الجده وهي حاضنه طلال وتبكي:اااااه ياطلال ردت لي الروح بشوفتك حياتي مالها طعم من دونك
طلال وهو حاضنها:اشتقت لك ياجده واشتقت لحظنك ودفاه
طلال سلم عليهم كلهم وقام يناظر بعيونه يدور حبيبته اللي باع الدنيا عشانها
طلال لتركي: تزوجت محمد صح؟
تركي: لوتدري بحالها بعدك
طلال وهو موفاهم شي:شلون يعني؟
تركي حكى لطلال اللي صار
طلال مايدري يفرح يحزن يبكي يضحك مو عارف شيسوي:وهي وينها
تركي: داخل
طلال: عمي تسمحلي اشوف ملاك؟
ابوزياد:روح لها ياولدي دامك شفى جروحها
ملاك في غرفتها ولاهي داريه عن شي
طلال يفتح الباب بشويش
وقعد يتأملها وهي معطته وراها والكل ورا طلال بيشوف شبيصير
طلال:ملاك
ملاك وهي متفاجئه من الصوت:ط..ط..طلال؟
وتناظر بابوها وامها وعمانها وعماتها والبنات وجدتها اللي واقفين ورى طلال
وقامت تضحك تضحك بأعلى صوت والدموع بوجهها وهي تقول :ههههههههه انا خلاص انجنيت انا صرت اشوف طلال اتخيله قدامي الحين
طلال يبكي على حال بنت عمه وحبيبته:لا يابعد قلب طلال انتي مانجنيتي انا حقيقه
ملاك:بابا طلال قاعد يكلمني
ابوزياد :هذا طلال ياملاك طلال رجع رجعلك
الكل يبكي من المنظر
ملاك جات تركض وحضنت طلال حضنته بكل مااعطاها ربي من قوه
وطلال نفس الشي
طلال وهو يبكي: احضنيني بقوه أخاف منك أضيع
ملاك من بين دموعها:لاتروح وتخليني شوف من بعدك شصار فيني
طلال: ان خليتك اعرفي اني مت
ملاك تحط يدها على فم طلال:لاتقول كذا اللي يكرهونك ان شالله
ابورائد:هاعاد جازت لكم السالفه اشوف
الكل قام يضحك وملاك وطلال بعد
ابوزياد:يلا قوموا نقعد بالصاله عشان طلال يقولنا وش صار
وقعدوا الكل بالصاله وهم متشوقين يسمعون سالفة طلال
رغد:هاياطلال قول
طلال:اليوم اللي كنت بسافر فيه كنت ناوي اروح بسيارتي ماابي احد يجي معي لاني ماحب لحظات الوداع الاخيره وتركت سبير من المفتاح عن رائد وقلت له يعطيه تركي وهشام يجيبون السياره من المطار لما امشي
لينا:طييب
طلال يكمل:حطيت الاغراض وكل شي بالسياره وتوني بركب الا هشام وتركي جاوو ياخذوني رفضت اركب معهم بالاول بعدين اصروا علي
تركي:ايييه صح اذكر حتى قلت بشرط انكم ماتنزلون تودعوني حدكم انزل من السياره وتمشون قبل ماادخل المطار
هشام:ايه حتى مادخل الا يوم تأكد ان مشينا
طلال:بالضبط هذا اللي صار
ام رائد:طيب ياوليدي ياطلال وبعدين شصار شلون انت مادروا عنك انك موجود
ام زياد:صح وهم قالوا ان كل اللي بالطياره محد نجى منهم
طلال:بكل بساطه لاني ماركبت الطياره
الكل وعلامات التعجب بوجههم:نـــــــــــــعـــــــــــم؟؟
هشام وتركي :شلووووون وحنا موصلينك المطار بنفسنا
طلال:زي ماقلت لكم اني كنت حاط اغراضي بسيارتي ويوم نزلت الاغراض في سيارة تركي نسيت اخذ الجواز
لينا وهي تضحك:اماا بتسافر بدون جواز يابن الخال
طلال:شفتي كيف
ويكمل:عااد قلت مانيب داق على تركي وهشام يرجعون احسن اخذ تكسي
واخذت تاكسي ورجعت البيت طبعا"مادخلت بس بالحوش عند السياره اخذت الجواز بسرعه وطلعت للتاكسي يوديني المطار
وعلى ماوصلت المطار
ملاك تقاطعه:الا الطياره طارت
طلال:بالضبط وضاق صدري وقتها وسألتهم متى اقرب رحله لبريطانيا قالوا بكرا قلت لايمكن ارجع البيت
ريما:اجل شسويت؟
طلال:سألت عن اقرب سفره قالي للبنان بعد نص ساعه ومن حظك في كرسيين فاضين
قلت خلاص انا ماابي الا كرسي
ورحت للبنان وقعدت فيها اسبوع ولا اقرا جرايد ولا اشوف تلفزيون وكلا فحالي الى مارحت بريطانيا
وقضيت وقتي كله بالشغل ماارجع البيت الا وقت النوم انام واقوم ع الشغل على طووول
رائد:طييب مادريت ان الطياره اللي المفروض انت مسافر فيها طاحت
طلال:الا بس مدري انها نفسها لان كان فيه طيارتين ذاك اليوم الصباح والعصر فماتوقعت انها هي اللي كنت بسافرفيها
فواز:اجل شلون عرفت وقررت ترجع
طلال:وانا فالمطعم اتعشى شفت زياد ومعتز رحت اسلم عليهم وماشفت الا الدموع والبكي والحاله هم وشوق ولينا
هبه:يعني شفتهم هناك؟
طلال: ايه وقعدت معهم وقالوا لي عن كل شي من يوم سافرت الى اليوم اللي هم سافروا فيه بس ماحكلوا لي اي شي عن ملاك عشان كذا اول مادخلت وماشفتها ضاق صدري وقلت اكيد ببيت زوجها مع عيالها
ام رائد:والله ردت لي الروح يوم شفتك ياوليدي
طلال وهو يحب على راس امه:تسلمين لي يالغاليه
رائد:اجل بعد كل اللي صار اسمحلي ياعمي بعد اذن ابوي نخطب ملاك لطلال مره ثانيه
طلال: اصلا" بدون ماتقول
بو زياد:والله احنا نتشرف بك ياطلال وهذي البنت قدامك اسألها بنفسك هالمره
طلال: ها ياملاك موافقه
ريما بحماااس:بعد اللي صار لها من بعدك اذبحها لو رفضت
الكل قام يضحك على انفعال ريما وحماسها للسالفه
طلال:الا وين سميي يقولون صار عندكم طلال ثاني
تركي:لو ادري انك بترجع ماسميته طلال
طلال الصغير داخل:بااااااباااااا
تركي:نعم؟
طلال الصغير:لييييه قبل سوي تبتي وعييييب الردال يبتي(ليه قبل شوي تبكي وعيب الرجال يبكي
تركي:ها يامستر طلال مااخذ منك الا طوالة اللسان والهبال
طلال:تعال يابعدي ماعليك من ابوك
طلال الصغير:وانت اثلا" منو؟
طلال:انا طلال
طلال الصغير يأشر ع الصوره الكبيره اللي معلقه بالصاله:انت نفثك هدا؟
طلال:أيييه نفثي
طلال الصغير ينط بحظنه:حبيييييييتك
الكل قام يضحك على طلال وطلال
.................................................. .........
Angel 1118
01-11-2010, 16:22
بعد اسبوع الكل درا برجعة طلال وبارك لهم وتحمد لهم بالسلامه على رجعته
اليوم مسوين عزيمه كبيره فالمزرعه حقتهم على رجعة طلال بالسلامه
عند الرجال
طلال قاعد عند رجول عمه بوزياد:تكفى ياعمي طلبتك ابملك عليها اليوم
بوزياد:ياوليدي شعليه مستعجل كلها اسبوع وبتملك عليها
طلال:يووووه شيصبرني اسبوع
بورائد:طلال قوم فشلتنا عند عمك
تركي وهشام ورائد وفواز وزياد ومعتز ميتين من الضحك على شكله وهو يترجى عمه
طلال:عمي اذا تبي اقوم وافق
تركي:شكله ياخالي بيطلع حرة السنه فيك اليوم
هشام وهو ميت ضحك:وافق ياخالي وافق
بوزياد:لاحول ولاقوة الا بالله اصبر خلني اشاور امها
طلال:تيك يور تايم
رائد يكلم اخوه:طلال سوينا لك خوش مقطع فيديوا انا وفواز
طلال: ماهميتوني
بو زياد لطلال:خلاص وافقت
طلال وهو يرقص: نص ساعه والشيخ موجود
تركي:الله لايحرمنا نعمة العقل
.................................................. .............
عند الحريم
ام رائد:استخف وليدي وقعد
الجده:والله ماتردونه اليوم يملك عليها زي مايبي لاتخلون بخاطره يكفي اللي راح من عمرهم وهم بعاد عن بعض
ام زياد:ايه وانتي صادقه ياخالتي خلني اقوم اقول لملاك
عند البنات
ام زياد:ملااااااك
ملاك من بعيد: هلا ماما
ام زياد:ترى طلال بيملك عليك اليوم وراح يجيب الشيخ
ملاك وهي مستحيه:نعم لا مايصير
ام زياد:والله ولد عمك مطيور شتسوين عااد
ملاك:طيييب انا مو مستعده
ريما:بالعكس فستانك حلوا ومكياجك ناعم والناس اليوم بيجون للعزيمه يعني كل شي جاهز
(ملاك كانت لابسه فستان على ألوان الطاووس فوق الركبه بشوي وعريان من فوق وفاتحه شعرها وحاطه فيونكه زرقا على الطرف )
ملاك محتاره:بس
رغد: لابس ولاشي وبعدين حرام عليك لاتعذبين اخوي
ملاك مستحيه:اللي تشوفونه
.................................................. ................
بعد ساعه عند الرجال
طلال:وهذا الشيخ وصل لا ورحت جبت الشبكه والدبلات
بورائد:امداك؟
طلال:افاا عليك يبه من امس شاريهم
بوزياد:ماشاالله عليك ياطليييل مخطط لكل شي
طلال:أعجبك ياعمي
وملك طلال على ملاك وطلب يشوفها
وقعدوا بغرفه من غرف المزرعه
طلال:مبروك حبيبتي
ملاك مستحيه:الله يبارك فيك
طلال وهو يغمز لها:حلوه عليك اللوان الطاووس تناسب كبرياءك وغرورك
ملاك:.......
طلال:ملاك حرااام علييك لييه لابسه كذا تبين تعذبيني؟
ملاك:لييييه مو حلو؟
طلال وهو يحط يده على ظهر ملاك العريان ويهمس باذنها:عذبتيني كذا انتي احلى بألف مررره دوختيني
ملاك:طلال اقعد زين ترا والله اطلع
طلال وهو ينزل وجهه من عند اذنها ويبوس رقبتها:يعني انتي لك عين تتكلمي بعد اللي سويتيه فيني
ملاك وهي تبعد عنه شوي لانه صار بحظنها:لااااا والله هذا كله منك انت
طلال:طيب طالعي بوجهي
ملاك تطالع بوجه طلال وشهقت:ههئئئئئئئ
طلال:شفتي كيييف
ملاك وتأشر على خد طلال:هذا من ذاك الكف؟
طلال:وكفك كان شوي
ملاك:طلال تصدق زايدك وسامه
طلال:أأاااخخخ نفس كلام اخوك
ملاك:عجب زياد
طلال:يقول انه زادني وسامه وتذكار منك لي
ملاك مستغربه:شلون زياد يدري؟
طلال:انا قايل لزياد عن كل شي يعني زياااد كاااشفك
ملاك:ليييه تقوله مااقدر اطالع بوجهه الحين
طلال:عاااادي حياتي انسي
وقرب من عند ملاك إلى ماصار لاصق فيها مره ثانيه
طلال:وأخيرا" ياملاك بعد كل اللي صار الحين انتي لي وانا لك ملاك وربي اللي خلق فيني الروح مااتركك لو ايش ماصار
ملاك:عهد علي ياطلال مااتركك لو ايش ماصار
طلال:ملاك
ملاك:نعم؟
طلال:اااااه ياملاك لوتدرين انتي شسويتي فيني خليتيني واحد ثاااني قلبتيني 180 درجه
ملاك:طلال اسفه على جرائتي فالكلام معاك بس اللي صار غصب يخليني ماافوت ولالحظه وياك
طلال:حبيبتي ملاك قووولي اللي تبين هذي مو جرائه هذا حقك وانا زوجك
ملاك :لايمكن اخلي كبرياء جرحي مر اشربه طول عمري
طلال بهدوءه وبصوته المبحوح:احبكـ
ملاك طالعت بعيونه وقامت تبكي
طلال يمسح دموعها:افاا ياملاك تبكين وانا معك ماعاد في حياتنا مكان للدموع كفايه اللي راح
ملاك من بين دموعها:تذكر يوم قلت لي احبك اخر مره رحت وفقدتك
طلال:خايفه اضيع منك؟
ملاك وصوتها باليالله يطلع من البكي:اييه
طلال:طيب احضنيني بقوه أخاف منكـ أضيع
وقف طلال ملاك ولف ايدينه على خصرها وايدينها حول رقبته وحضنها بكل احساسه ومشاعره
ملاك حست بالحب وهي راسها على صدر طلال
ملاك تغني من بين دموع الفرح والخوف انها تفقد طلال مره ثانيه
عسى ربي يخليك لعيوني
وعسى ربي يخليني لعيونك
حبيبي دنيتك صعبه بدوني
ولا شي دنيتي تسوى بدونك
طلال وهو يلعب بشعر ملاك اللي على صدره
تدري يالقلب الحنون انت بالنسبه لي ايش
وانا بعدك كيف اكون ليه احس وليه اعيش
ياللي شفت احلامي فيك والتقيت بأحلى جنه
أدعي ربي وارتجيه ربي لا تحرمني منه
.................................................. .....
Angel 1118
01-11-2010, 16:23
بعد اسبوعين
فالسوق يجهزون لملاك
رغد:يالله تقطعت رجولي من المشي من صباح الله واحنا ندوج بهالاسواق
شوق:والله كلا من اخوك ماادري شعليه مستعجل؟
لينا:خلوووه مسكين ماصدق
ريما:لا عااد اليوم السهره صباحي بالاسواق مابقى غير بكرا وبعده العرس
لمى:ياربييييه والمشكله ماخلصنا
ريما تكلم ملاك:ها يالشيخه ملاك وين سرحانه
ملاك:..........
شوق:شقاعده تناظر ذي؟
لمى: وخري راسك رغيد خليني اشوف
لينا تشهق:ههئئئئئئئئ هذا طلال ومعاه تركي وهشام
رغد:الله يفشلك ياطلييييل لاحق البنت الى هنا
من بعيد شوي
تركي:الله يرجك ياطلال حريمنا شافونا
طلال:مايهم اهم شي ملوكتي
هشام:الحمد لله والشكر ياخي اثقل كلها يومين وهي عندك
طلال:اسكتوا بس
وراح للبنات
رغد: يقطع شرك وش جابك؟
طلال ومارفع عينه عن ملاك:وانتي شعليك
رغد وهي معصبه:شووووووف اللي مايستحي ماكني اخته
البنات ميتين ضحك على شكل طلال ورغد
طلال:اقول حبيبتي قومي نتمشى وهم بكيفهم
ملاك:لااا مايصير
طلال:وش اللي مايصير؟انتي زوجتي
رغد:هييييي وين ماخذها
شوق:اسكتي لايهزئك مره ثانيه
طلال اخذ ملاك وراحوا يتمشون
طلال وهو مشبك اصابعه باصابع ملاك:هاحبيبتي خلصتي؟
ملاك وهي حدها مستحيه:لا لسه باقي شوي
طلال:عااد يلا انا مستعجل
ملاك:.........
.................................................. ......
واخيرا" اليوم يوم فرحة ملاك وطلال
اليوم يوم زواجهم
دخل طلال على زفه ملكيه وشكله له هيبه ودخلوا معاه الشعب كلهم تركي طبعا" توأم روحه وهشام ورائد وفواز وزياد ومعتز وبوزياد وبورائد وبو معتز وطلال الصغيرون واقف جمب طلال الكبير والباقي كلهم وراه
واول ماوصلوا ع الستيج قاموا الشباب وفلوها رقص ووناسه
وبعد اغنيتين طلعوا كلهم ماعدا بوزياد وبورائد وبو معتز ومعتز وزياد اللي مدخل اخته
دخلت ملاك وهي ماسكه بيد زياد على موسيقى هاديه اجنبيه مو مثل زفة طلال
وكانت مثل القمر ليلتها الانوار كلها مطفيه والموسيقى كلاسك والشموع ماليه القاعه كانت فعلا" ملاك
طلال خلاااااص خق موقادر يصبر دقيقه
واول ماوصلت عنده ملاك زياد حط يد ملاك اللي ماسكها بيد طلال وقاله: تراها غاليه حافظ عليها
طلال:ملاك بعيوني وبقلبي مااحتاج احد يوصيني عليها
زياد:كفوو يابن العم
طلال وهو خاق عند ملاك
وباس جبينها وخدها وكل شي بوجهها >>نسى نفسه الاخ
وماسمع الا صراخ البنات وتصفيقهم وتصفيرهم
طلال استحى شوي من اللي سواه
وجلس وجلس ملاك جمبه
الكل قام يسلم عليهم ويبارك لهم
رغد واقفه ورى ملاك وطلال
طلال:رغد اخلصوا عاااد ابي اطلع
رغد تستهبل:طيب اطلع من ماسكك؟
طلال:احلفي بس اقول اخلصي
رغد وهي تضحك على اخوها:طيب لحظه اقولهم يجهزون زفة الطلعه
وقام طلال وبيده ملاك وراحوا ع الفندق
في الفندق
طلال قاعد في الصاله ينتظر ملاك
ملاك واقفه عند المرايا وطالع شكلها خياااااال
كانت لابسه قميص إلى نص فخذها لونه فووووشي وفيه تحت الصدر فيونكه تفاحيه والظهر كله عريااان
ورافعه شعرها وطالع شكلها جد ملاااااك
طلال في نفسه:ياربييييه طولت مو قادر اصبر خلني اروح لها
دخل طلال وملاك سرحانه عند المرايا وتناظر شكلها وماانتبهت لطلال
طلال يضمها من ورا ويقرب خشمه من رقبتها
طلال:ياليييت اكون انا اللي سرحانه فيه
ملاك وهي مستحيه ومنزله راسها
طلال طبع بوسه على رقبة ملاك ولفها لجهته وقالها
طلال ببحة صوته اللي تعشقها ملاك:ضميني اخاف منك اضيع
ملاك لا إراديا" ضمة طلال بكل قوه وطلال بعد
.................................................. ...............
اليوم الثاني
طلال فتح عيونه وشاف ملاك جمبه نايمه قرب من عندها وقام يلعب بشعرها ويمرر اصابعه بين عيونها
ملاك فتحت عيونها بكسل وتناظر فيه وهي مبتسمه
طلال:أحلى صباااااح في عمري يابعد عمري
ملاك وهي مستحيه:صباحك سكر
طلال:فديييييت الذوق وربي ماغيرك سكر هنا
ملاك تقوم للحمام وهي وجهها احمر من كلام طلال
تحممت ملاك وطلعت وطلال بعد اخذ له دوش وطلعوا ع المطار سيييده بعد ما سلموا على اهلهم
في الطياره
طلال:ملاك
ملاك:هلا؟
طلال:شمعنى طلبتي تروحين بس ايطاليا؟ ليه ماتبين تروحين رحله حول اوروبا كلها
ملاك:طول عمري احب ايطاليا وبابا كان كل سنه يعرض علي يودين لها وباقي اوروبا كلها زرتها كثيير
طلال:اجل ليييه عمرك مارحتي؟ وانتي ماتعرفينها الا بالصور
ملاك:كنت اتخيل أجواءها وكنت اقول في نفسي لايمكن اروح لها الا مع طلال
طلال:ويلوموني يوم اترك المملكه لأجلك؟
ملاك اكتفت ببتسامه
بعد فتره صغيره
ملاك:طلال
طلال:عيووونه
ملاك:تسلم لي عيونك كم باقي ع الرحله
طلال:اممم تقريبا"4 ساعات ونوصل
ملاك:يوووه باقي واجد
طلال:ليييه تبين تنامين؟
ملاك وعيونها بدت تغفي:اييييييه امس مانمت زيين
طلال:طيب نامي
ملاك: ماارتاح بنومة الطياره
طلال:حطي راسك على صدري ونامي واوعدك بترتاحين
ملاك حطت راسها على صدر طلال وراحت بساااابع نووومه إلى ماوصلوا
طلال:ملوكه حبيبتي يلا قومي وصلنا
ملاك قامت وهي مبتسمه
طلال: هارتحتي
ملاك:كثييييير
ملاك وطلال عاشوا احلى حياه مع بعض قضوا شهر العسل بإيطاليا على حسب رغبت ملاك وهو ماكان شهر الا شهرين
بعد مارجعوا للسعوديه قعدوا فيها اسبوع وطاروا لبريطانيا عشان شغل طلال
وقضوا حياتهم مابين بريطاني والسعوديه مثل شوق وزياد ولمى ومعتز
ملاك وطلال صار عندهم توأم أولاد تركي و فيصل عمرهم 7 سنوات
وتوأم بنات ذوق و قمر عمرهم 6 سنوات
فالسعوديه
اليوم الكل متجمع فالمزرعه
ملاك:طلال شوف عيالك بيجننوني كلنا خلصنا وحظرتهم يلعبون بلاي ستيشن ومالبسوا
طلال:هي انت وياه من اللي مجنن ملاكي بعد قلبي
تركي اللي عمره 7 سنوات :يابابا شنو ملاكي وبعد قلبي على الاقل قدامنا بس قول ملاك
فيصل :جد بابا عيب
طلال:شووووووف قلال الخاتمه شلون يكلمون ابوهم قوووووموا قبل اكفخكم
شهد:ههههه تستاهلون
تركي:انطمي
ملاك:عيب تقول لاختك كذا
عهد وهي توها داخله وتدور وهي لابسه شورت وبلوزه كت حمرا وحاطه ورده على شعرها
عهد:بابا شراااايك
طلال:وانا موذابحني غيرك نسخة ملاك فديييتها
ملاك وهي تجي تضم طلال:وربي انا اللي فديتك
تركي وهو يطفي البلاي ستيشن:استغفر الله العظيم قوم يافيصل قوم محد محترم وجودنا هنا
شهد:بابا حلو شكلكم وانتوا كذا
عهد:هههه ايه صح لاتتحركون واخذت جوال امها اللي كان ع الطاوله واخذت لهم احلى صوره
فالمزرعه
طلال يكلم طلال الصغير اللي صارعمره 9 سنوات
طلال الكبير:اسمع ابيك لاكبرت وحبيت ماتترك حبيبتك بسهوله اسمع كلامي وانا عمك
ترا ان تركتها بتندم
تركي وهو داخل:هي طلييييل مو عشانه نفس اسمك تسمم افكاره
طلال الصغير:يبه اسكت بيقولي عن حبيبته
طلال الكبير وهو يضحك:هههه تبي اقولك عنها روح شوفها قاعده مع الحريم
تركي:هيييي طلييل اذلف العب ويا العيال كوره ماعليك منه بيخربكك ترا
عند الحريم
ملاك:يوووووه يابنات تذكرون قبل 8 سنوات الى اليوم كيف كانت الاحداث
ريما:والله ايام غريييبه من كان يتوققع بذاك الوقت ان اليوم هذا حالنا
شوق:الحمدلله اللي مافرقنا مع كل اللي صار
.................................................. .........................
عاش الكل احلى حياه
تركي وريما وطلال الصغير وجابوا له خوات قمر وذوق
//
شوق وزياد وعيالهم مروان ومهند والعنود
\\
لمى ومعتز جود وأسامه وجوري
//
لينا وفواز وعيالهم جوجو و منذر وريان
\\
رغد وهشام وعيالهم مي وتوأم بنت وولد مشعل ومشاعل
//
رائد وهبه وعيالهم أحمد ولولو والهنوف ورناد
\\
ملاك وطلال وعيالهم تركي وفيصل التوأم ووشهد وعهد التوأم
//
هديل وعيالها غدير وأثير
\\
وغيدا:نايف ونواف
-
-
-
-
لكل بدايه نهايه ولكل نهايه بدايه
لكل سفينه مرسى ولكل شاطئ سفينه
وهاهي سفن أبطالنا تصل لمرساها
بعد انا قاسوا وعانوا من مر الحيــاهـ
.................................................. ............................
كل الشكر لابطال روايتي الحقيقيين
نبض قلمي
أسير الروح
*تــــمـــــت
Angel 1118
01-11-2010, 16:25
قـــــــــــــــــــــرأإأإأإأإأإأإأإأإأإأءة ممتعة
خـــــــــأإأإأإأإألص حبي للجميع
المـــــلاك & Angel 1118
vBulletin v4.2.3, Copyright ©2000-2024, Jelsoft Enterprises Ltd.