فالكونX
15-10-2010, 12:22
السلام عليكم ورحمة الله وبركاته كان يما كان في واحد اسموا عبدالله اللي هو انا طبعا هذي كانت تحصل لي لمن كنت صغير المهم لمن كنت انام كنت احلم بشخص يشبهني لاكنوا سمين وشكلوا يخوف ولابس ابيض في ابيض المهم كنت دائما اشوفو في احلامي وكنت اكره النوم لانو كان يجمعني بنسختي السيئة طبق الاصل هذي اللي ترتدي ابيض في ابيض المهم الين ما جا ذاك اليوم اللي قلت فيه لنفسي لازم احط حد لهذي الشخصية السيئة وكانت طبعا تفوقني في الحجم مرتين المهم اللي كان يحصل اني اشوف نفسي انضرب واقوم من النوم وانا ابكي المهم لمن جا اليوم الموعود قلت هذي المرة زيما يقولوا القصاص اثنين من فئة الاسياد مستحيل يبقوا مع بعض لازم واحد يبقى المهم كنت اتابع مسلسل كرتون قديم اسموا جونكر وكانت الاغنية اليابانية حقوا لمن يضارب تطن في اذني المهم انا قلت انام واتقابل معاه عشان نشوف مين حيكون السيد بحق المهم نمت بعدين تقابلت معاه هو طبع نازل من فوق نحن كنا نتقاتل في حلبة رومانية وكانت السماء سوداء المهم هو نزلوانا زعلان عالاخير بعدين تشوفو عبدالله ينط فوق النسخة الكبيرة وتبدا معركة طاحنة الين ما النسخة طاحت في الارض بعدين كنت بضربها الضربة القاضية بس سوينا مقايضة انا والنسخة وهي انها تعيش داخلي وتعطيني من قوتها وقت ما احتاجها زيي الكيوبي حق ناروتو المهم انا رفعت يداتي الاثنين فوق والنسخة التحمت معاي وعبدالله اصبح الملك وعاش الجميع في نوم وسبات واصبحت احب النوم والسلام عليكم ورحمة الله وبركاته الى اللقاء القريب:رامبو:مع سيد المعارك الطاحنة فالكونx