PDA المساعد الشخصي الرقمي

عرض كامل الموضوع : يوميات فراوله طازجه في مركز التأهيل الشامل للاعاقه



فراوله طازجه
09-10-2010, 14:55
بسم الله الرحمن الرحيم
السلام عليكم ورحمة الله وبركاته

كما تعرفون انا اخصائيه نفسيه واليوم كان اول يوم دوام لي بمركز التأهيل الشامل بحي القدس..
اول ما نزلني ابوي شفت 3 بااصات تدخل فيها الطالبات الي خارج السكن
لانهم ينقسمون قسم داخلي وقسم طالبات بس يجون وقت الدراسه>>>>وهم الي احنا مسؤلين عنهم الطالبات بس
فالمركز نص مستشفى ونص مدرسه..
جمييييع انواع الاعاقه عقليه وجسديه..
المهم كنت متوتره حيل دخلت الا وحده تركض لي بعباتها وتقول جامعة الملك سعود
قلت لها : إي إي
قالت الحمد لله هذي انتي خفت ادخلت فخليت السايق يستنى..
وما اخفيكم سر انا قلت لأبوي يستنى ان دخلت واتصلت يروح..
جت الثالثه وكنا المفروظ 6
ودخلنا..
المكات كبيييييييييييييييييييييييييييييييييييييييييييييييي ر
مطبخهم ماشاء الله كبر الطابق الاول لبيتنا غير السلالم والنافور بالوسط...
ما شاء الله

فاستقبلتنا وحده لابسه دراعه وقالت مين تبون؟
قلنا احنا طالبات جامعه نبي المشرفه نجلا.
قالت تعالوا..
ومشينا وراها فجأه وتلف وتقول: فاز الهلال 5-0
سكتنا كلنا وكانت اول وحده من المعاقات نشوفها...والحمد لله دلتنا المكان الصح.

والحمد لله وصلنا
ولقيناها مشغوله مع الطالبات الجدد لانهم اليوم بدو الدوام واليوم جابوا لهم باصات فالبنات جايين مع اولياء امورهم..
قالت ترا الفاكس ما جاني فعلى بال مايجيني استنوا ..
انتم كم؟
قلنا 6
قالت ان اكتملتوا جيتكم..

وطبعا ما مر وقت الا عزيزتنا رقم 4 جت
قريت لوحه فيها مسبح..
شدني
لقافه

فقلت: بنات يلا يلا
ردت وحده: بس ممكن ينادونا
لا لا شوفي المشرفه مشغووووله يالحيل والبنات عليها كثير ماراح تفضى
فكروا معاي ...هممم
كمات لهم وقلت: واحنا ماراح نروح بعيد بالدور ذا ان شافوننا ينادوننا
....في هذه الاثناء بدأو البنات الي بالاقامه يقومون من النوم....ههههههههه ياحليلهم..
مرت قدامنا ام الدراعه وعلقت على بنت منا: وجهك اسود من الكحل
مع ان وجها مو اسمر ...بيضاء
البنات بدو يكثرون..
طليت علمسبح وبغيت اتمرد
البنات ضحكوا وقالوا تتبرا منا المشرفه ما كنا طالباتها..

عندها لكن الفضول جرنا الى فوق
الى اين..

السكن..

الى السكن بيت البنات..
ونحن نصعد الدرج خافت احد البنات وقالت: كأننا في فيلم مرعب..
قلت لها حرام عليك الحمد لله الذي عافانا مما ابتلاهم به..
كلهم هنا رفعوا ايديهم حتى كادت تلامس السقف<<<مبالغه هههه
..الحمد لله الذي عافانا مما ابتلاهم به.
يقربون مننا ويسلمون فرحانين حيل فينا لانا لابسين عبي..
وكلما تعمقنا زادت الحالات صعوبه..

وفي وحده مرره خايفه كل شوي تقول والله انتي قويه اخاف يثورون علينا هم يثورون فجأه!!

المهم صديقتي لابسه عبات مزركشه..
لولوه و فيونكات والطرحه عالراس
جت معاقه طاير عقلها ومستانسه.
المعاقه: أنتي عروسه
رفيجتي: لا
شافتي وحده منهم و اشرت علي الي جنبي وقالت وش اسمها؟؟
انا من الانفعال دفيت خويتي وقلت لها شسمك
نسيت شسمها..
ويجون البنات يسلمون علينا كثير
لانا لابسين عباياتنا
وحده تناديني ابله ....ابله..
البنات خوياتي هربوا مني!!
رحت لهم قلت خلينا ننزل
الحمد لله اني ما فصخت عباتي كان شدهم قميصي الاصفر..ولحقوني
نزلنا وتهزات من خوياتي
جلسنا وجت لنا ام دراعه مره ثانيه..
تحب ياسر القحطاني حيل...
سولفت معانا وسألتنا عن اسمائنا

الا في بنت تسلم على مدرستها
تقول لها المدرسه السلام عليكم
وترد عليها مبروك ...مبروووووك بكره حفله
شافتها نوف ام الدراعه..وقالت اكرها تعض
صرخت بنت جنبي..شفتوا قلت لكم يثورون يهجمون ان عصبوا..

هديناها... الا الفلبينيات يركضون ويسكرون البيبان واحنا خفنا بحالنا متوترين..
وتركض لك بنت فيها توحد..ويركضون وراها 4 فلبينيات ويطرحونها
كانت بنيتها ما شاء الله يثله..
والبنت ما تتكلم احنا من الهلع جرينا للمخارج<<<<<<<<<<<يعني بننحاش مثلا من المركز.
وتصرخ لهم المديره...خلوهاااااااااااا...خلوهااااااااااااااااا اااااااااااااااااا
وراحت تركض باتجاهنا..
خلوها وراحت تجري لمكتبها..
قلت لهم ب بنات خلونا نرجع لمكاننا يلا
وترد علي الي تخاف من ثورتهم..
لا لا اجلسي اجلسي تقولين ما يثورون
رجعنا وتنفسنا الصعداء...وقررت اني بلزق لزق بالمشرفه مالنا الا مكتبها..

دخلنا للدكتوره جزاها الله خير اخيراً.. واعتذرت عن التاخير
تحدثنا كثيراً واهم ما دار بيننا..
بنات لا تدخلوا فوق ترا ممنوع..
لحضات من الصمت...
الدكتوره :دخلتوا..
ايييييي

الدكتوره:وترا انا اجي الساعه 7
وبعدها اعطتنا اختنا تصريح للتجوال.....ليتها ما اعطتنا..

وركضنا معاً الى مكان الرسم وكانت الغرفه الاولى فيها بنات يلونون..
طلينا شوي وشافونا..
قالوا: صادوه
البنات خوياتي تناثروا..

الغرفه 2خاليه نظرنا الى رسومهم وتلوينهم
كان في بنت كاتبه خلف دفتر التلوين < ابي حب يزلزلني>
بعدها انتقلنا الى الغرفه المجاوره
رفيجاتي طلوا طلول بس شافوهم البنات وارسلوا لهم قبله..طبعاً ردوا لهم القبل وانا لا ما حبيت هالحركات..
بعدها تفرجنا الى مكان العلاج الطبيعي
كرات..سلالم..وطاولات..وكراسي خاصه
كانوا الممرضات ساكتين فحسبنا انه عادي..دخلنا وكنت احش بابوي
الا بالدكتوره لابسه بني ولابكوت..
انتوا شتسوون..
احنا طالبات تدريب!!
اااه طيب كان لازم تستأذنوا
اوه اسفسن شفناهم ساكتين على بالنا عادي خاص هان المكان فاضي ومافي بنات..
لا لا عادي مو مشكله
بلا احنا غلطانين نعتذر
طلعنا باحترامنا
كان في خاطري ازور مكان الخياطه
يمكن البنات يعلموني اصير سنعه شوي
لا اطبخ ولا اخيط ..مو معقوله..
المهم..
جتنا بنت تحسبنا طالبات بالمدرسه
الحين فسحه
قلنا:لااا
الحقي زميلاتك هناك..

في النهايه اعني نهاية الدوام..اتصل أبوي وجيب باطلع بس بالامانه المحادثه الي دارت بيني وبين رفيجاتي..

حرام عليك تعالي معاي..
لالا والله ما اطلع الا ابوي داق علي
وانتي هنو..انا 4 سنين معاك بالسراء والضراء
معليش...لا
أوكي انا بروح معاك بس لحدود امكانياتي..
ورافقتني جزاها الله خير بس شفت نوف الي تحب كرة القدم فتبرقعت علشان ما تلحق فيني..

قال لي ابوي اوصلك 6 او 6 وربع

قلت لا قبل 7 ماراح اجي..

اليوم: السبت
التاريخ: 2 ذو القعده 1431
ترقبوا باقي اليوميات في نفس الموضوع ان شاء الله فهو متجدد..

تحياتي دكتوره فراوله..

ψĻĖề-056
11-10-2010, 08:11
مراحب اختي ستروبيري ما شاء الله لك نشاطات في القصص اثرك منتي سهلة
المهم اما الصراحة مواقف تحسدين عليها خاصة ام الدراعة الظاهر ان ياسر مهبل بها
على العموم يعطيكِ العافية على ابسميها المغامرة مب حدث عابر

وتقبلي تحياتي

ღ ملاك الظلام ღ
28-10-2010, 02:52
من جد مت ضحك لكن كيف طالبات ومعاقات وانتي تدريب و لا دكتورة

واحلى شي ممنوع تطلعو لكن هي سالتكم طلعتو قلتو بثقة ايوة هههههه

وضحكت لما تكلمتي عن قميصك الاصفر خخخخخخخخخخخخ

Mio Sama
30-10-2010, 10:12
مشكووره عل يوميات ننتظر القادم

بحر الرمنسيه
31-10-2010, 16:48
موضوعك مررررررررره جميل وعجبني كثيرا

اتمنى ان تحكي قصص اكثر

تقبلي ودي

pretiy sarah
03-11-2010, 19:09
امبيـــــــــه شنو اقولج انه بعد قبل لاتدرسين البكالريوس لازم تاخذين جم شهر تدريب عندنا في البحرين
واهو المفروض شهرين بس انه مددوووو لي 3 اشهر بعد اشتغلت اخصائيه نفسيه لهم ولله تخرعت كانووو
ينادوني الجميله انه وبنت معاي من الجامعه...
جان حضج انتي مالحقووج انه حتى سيارتي لعبوو عليهاا ولله تخرعت لاعرفت اسحب السياره ولا عرفت اشرد
تورطت بس الحمد الله يعني اي طق يصير من قبل بنات او صبيان يتلاحقون عليهم المشرفات والمشرفين
جان انتوا بنات بس احنا البحرين بنات وصبيان مكس والصبيان بنيتهم قويه وايد وايد وايد يعني لين طقووج
تلاحقيييييي على عمرج ولله كنت اخاف منهم بس الحمد الله ماصار لي شي وعطوني فلوس عن مخاطره
يزعم.....

موضوعج ضحكني و ذكرني بتدريبي شكرا اااا

الله يساعدج و عينج نصيحه لاتشتغلين هناك...

فراوله طازجه
05-11-2010, 10:57
شكراً على مروركم ان شاء الله اضع لكم مواقف اخرى في مركز التاهيل المواقف كثير ومثيره بكتب عما قريب ان شاء الله