PDA المساعد الشخصي الرقمي

عرض كامل الموضوع : أفرآح !



Yαsззη
15-07-2010, 07:38
أكره الأفرآح والأعراس .. أكره كل شئ فيه
أكره إني أقابل صاحب دلخ قديم ..
أكره يوم يكون واحد من طلاب فصلي حاضر للعرس ..
وبالذات لو كنت من اهل العريس .. أكره أسهر للساعة 3 او احياناً 4 ..
أكره اسمع زغاريد الحريم ...
أكره الشماغ والوسوسة إللي تجي يوم واحد يناظر فيك من بعيد .. تحس إنك كنت مسوي كوبرى بعدين تطلع ثعبان عادي

أكررها لدرجة إني إحتمال حتى زواجي ماراح احظره ...

~

أمس كان فرح ولد ولد عم أبوي ..
لحسن الحَظ جيت متأخر ... دخلت وسلمت على اهل العريس .. لكن العريس ما شفته
وبعدييين شِفته .. دَورت على ولد عمي إللي دائماً اتكِ معآه بالأفراح ..:D
وشفته مع اخواله .. خرجت من القاعة ورحت مكان بعيد ..
ورجعت لقيتهم يتعشون .. ولقيت واحد كنت اشوفه مع ولد عمي ما ادري وش إسمه سلم علي وقاعد يسولف ... ونسينا الأكل .. جاء واحد من أهل العريس وقال العشاء جاء تفضلوا .. دورت لِي على طاولى فاضية وما لقيت إلآ بالقوة .. مب فاضية فيها إثنين ما اعرفهم ..
سألني قلت فلان بن فلان الفلاني < يوم قلت الفلاني حسيت إنها مصيبة لأن اهل العريس والعروس كلها من نفس القبيلة
جيت ارقع .. قلت لأ بَس فلان بن فلان < جاء يكحلها فقع عينها:D
قال لي ما شاء الله كبرت يا فلان .. ياخي أبووك ملك والله ملك
ما سألته ليش لأن أبوي تقريباً http://www.mexat.com/vb/attachment.php?attachmentid=1202268&stc=1&d=1279178686
المهم .. كان الأكل بارد .. بَس صراحة رهيب .. يا عليهم مندي صراحة قوي
المشكلة انا بجهتي كان لا رز ولا لحم .. راس بَس ..
وقعدت اكل فيه والرجال يطالع فيني .. قال ما شاء الله تحب الدماغ ؟ .. طيب كل اللسان تراه زين ...
انا طالعت فيه إبتسمت إبتسامة عريضة حيل .. مسوي إني داري إني اكل دماغ ..
اصلاً ما دريت إنه راس إللآ بعد فترة !!
المُهم بعد ما اكلت وما شِبعت جاني النوم لكني ما قدرت انام ...
اليوم كانت القاعة ملياااااااااانة .. لكن بعد العشاا .. ثلاثة ارباع الناس إختفوا فجأة ..
بعد الأكل لقيت ولد عمي اخيراً < طبعاً بعد ما قَل العدد
يوم لقيته سحبته على جنب قلت له وينك ياخي اي ميس يو فيري ماتشي
قلي إيش ؟
قلت له ::D
مسكت يده وسحبته لخارج القاعة .. لكن فعلاً الجو حَر ورطوبة شديدة .< إخس يا جدة

المُهم انا إللش شاغل بالي .. يوم ابوي يقول لي يللا نستنا الحريم لين ما يجون ونروح ... عاد الحريم يعني ما ادري كيف لكن اقل شئ ساعة كاملة , عبال ما يخرجون .. مشوأ أ أ أر
لكن الحمد لله خالي قال هاه تروح البيت .. هزيت راسي متأكداً < لحد يدقق
المُهم سحبني ورحنا البيت مع جدي
< خالي وجدي جو جدة من الرياض .. الجو مُمِييت
المهم بالطريق شريت لي إثنين كبدة وواحد بيبسي
وشغلت فلم وقعدت اتابع ..
نحلي ختام يومنا
المُهم الحمد لله رجعت البيت بسلآم , واليوم والله كان ممتع لأول مرة .. عشان كِذا حَبيت ادون شئ بسيط عن اليوم .

A S H U R A
15-07-2010, 07:40
حجز



السلام عليكم ~~


يا عليهم مندي صراحة قوي
المشكلة انا بجهتي كان لا رز ولا لحم .. راس بَس ..
وقعدت اكل فيه والرجال يطالع فيني .. قال ما شاء الله تحب الدماغ ؟ .. طيب كل اللسان تراه زين ...


ههههههههههههههههههههههههههههههه ~

وربي فطست ضحك لمن قريت هذي الجملة ^_^

الله يحلي أيـَـامك ، موفق أخوي ~

R O M E O
15-07-2010, 07:41
حقز

Shebon
15-07-2010, 07:48
سيم سيم :نوم:
أكره الأعراس أكره العزايم وخصوصاً
لا كان فيها صب قهوة :تعجب:
متى احب الأعراس لكن شخص مرة يقرب لي
يعني ولد خالي كيذا أو ولد عم اما واحد مايقرب
لي ولا اعرفه وغصبة اروح لعرسه :تعجب: هذا يجيب لي حمى الوادي المتصدع :تعجب:
موقف ظريف xD يسلمو على الموضوع

The Lord of Dark
15-07-2010, 09:14
وعليكم السلام ورحمة الله وبركاته

مقدمة صريحة ورهيبة :D
بكره الأعراس وبتحامل على نفسي أطلع مناسبات مثل كذا
خاصة لو الله رزقني القعدة مع جدّي بتكمل الحكاية :جرح:

تسلم على الموقف و الموضوع ^^
d

N I Z A R
15-07-2010, 10:39
حجز ..
ان شاء الله ارجع ^^

زعيـم العنكبوت
15-07-2010, 10:42
السلآم عليكم ورحمة الله وبركآته

أهلآ يآسين ^^
زمآن عن موآضيعك والله :لقافة:
أكره مآ علي الأعرآس على قولك ><
وخصوصاً إن كان شيء إلزآمي تروحه وانت مالك نفس أبد .. :جرح:



المُهم بعد ما اكلت وما شِبعت جاني النوم لكني ما قدرت انام ...
ههههههه رآحت عليك :D



اليوم كانت القاعة ملياااااااااانة .. لكن بعد العشاا .. ثلاثة ارباع الناس إختفوا فجأة ..
أهم شيء العشــــآء :لحية:



المُهم انا إللش شاغل بالي .. يوم ابوي يقول لي يللا نستنا الحريم لين ما يجون ونروح ... عاد الحريم يعني ما ادري كيف لكن اقل شئ ساعة كاملة , عبال ما يخرجون .. مشوأ أ أ أر
يوووه لآ تذكرني بهالمأسآة :جرح:
ودايم أنا الضحية لأني الصغير من بين الأولاد :نوم:
ولآزم تستنى الحريم هذآ إذا قرروا يطلعوا الحين , أما إذآ مطولين والقآعه بعيدة عن البيت معناته رآح تنرز واقف بالساعات تنتظرهم :تعجب: ..!

يعطيك العآفية أخوي يآسين ,
أمتعتنا بالموضوع :p
لآ تحرمنا جديدك ::جيد::

دمت في حفظ الرحمن ورعآيته
تحياتي

Rain~
15-07-2010, 12:26
هههههههههههههه :ضحكة:

يسلمو وتقبل مروري

years ago ~
15-07-2010, 12:40
اشوف اخوانا مجتمعين هنا يحشون فينا ::مغتاظ::
بنتأخر ومناب طالعين الا بعد الفجر وش دخلكم :لعق:

انطقّوا انتظرونا عند الباب خخخ ..

الله يعطيك العافيه ياسين .. لى رجعه ان شآء الله ^___^

N O V I C A
15-07-2010, 14:31
:d
هه , ليييييه عررسكم مافيه رقص وهبال للفجر و قنوات وعالم تصصور وترزز قدآم الكاماات وززحمه وتسكير ششوارع ومحطات :ميت::ميت:

يااسين شلونك يآبوي ؟
ما عندك نية تلون الموضوع :تدخين:
رآآجع إن شاء الله =((

La...Ha
15-07-2010, 19:46
مراحب ..

اهنن اهنن ياسين ..

منور الحته بموضوعك .. ::سعادة::

هههههههههههههههههههههه والله حالتك معاناه .. كل ما اقراها افطس ضحك .. :ضحكة:


وقعدت اكل فيه والرجال يطالع فيني .. قال ما شاء الله تحب الدماغ ؟ .. طيب كل اللسان تراه زين ...
انا طالعت فيه إبتسمت إبتسامة عريضة حيل .. مسوي إني داري إني اكل دماغ ..
اصلاً ما دريت إنه راس إللآ بعد فترة !!

هذا المقطع خطيـــــــــــــــــــــــر .. قاعد من الصبح تاكل فيه وما تدري انه راس .. والله من جد معاناه .. ما الومك ...

عن نفسي اوافقك الراي .. انا اكره العزايم والافراح والمناسبات .. بسبب عقده ما وانا صغيره :غياب: بس حاليا اروحها مجبره نوعا ما .. افضل البيت على طلعه الافراح والصجه والتعب ..

موضوع خنفشاري .. وطرح جميل ..

ربي يحفظك ^_^

في أمان اللهـــــ ..

Fukiko ★
15-07-2010, 21:49
اووووووووه ياسبحاان الله عقدتي العزايم ما احب هالبربرة وهاللقلق والقلق

احب اقعد في البيت بسلاامم معع لابتبي العزيز القبيح الغوريللا واعييش بسكيينة <3