PDA المساعد الشخصي الرقمي

عرض كامل الموضوع : دوار السيارة !



ღ ملاك الظلام ღ
25-06-2010, 04:58
:ميت::ميت: دوار السيارة :ميت::ميت:


اليوم جايبالكم موضوع قصير وخفيف ، يارب يعجبكم ..


_ _ _ _ _ _ _ _ _


دوار السيارة ~ بق ان سمعتم عن هذا المرض ؟ هو مرض يشبه دوار البحر ومن اسمه يصيب البعض لدى ركوبهم السيارة واحيانا الطائرة الاعراض ليست دوار وانما الم في المعدة دوخة ولعيان <<ترجموها :D


المهم يكفي عربي فصحى ، طبعا مثل ما قلت هالمرض يصيب البعض لما يركبو السيارة وانا للاسف منهم اعراضه مزعجة جدا وتصاحبك حتى لما تطلع من السيارة لمدة مو قصيرة !!


اما قصتي مع هذا المرض فهي معاناة من سنوات طويلة يمكن السبب سيارة ابوي لكني اكتشفت انو بتستمر المشكلة مهما كان نوع السيارة او المسافة اللي تقطعها .وبيوم من الايام قررت انا البطلة ملاك الظلام اتخلص من مسبب المرض ، ايوة اتخلص من السيارة ! لغيت السيارة من نظام حياتي صرت اركب الباص من البيت للمدرسة وحتى لما اخرج !واستمرت هالخطة الناجحة سنوات ولكن .. ولكن


لكن جا اليوم اللي دمر مخططاتي الرهيبة اللي هو يوم حفلة التخرج وبعدو النتايج واضطريت اركب السيارة اربع مرات :ميت::eek: بسبب الحر الفظيع اللي زاد هالسنة ، طبعا اكيد كنت اصير في خبر كان كل مرة اركب فيها السيارة وتذكرت ازعاج السيارة اللي راح اصير اتحمله كل يوم بسبب الجامعة المؤذية <<اهئ اهئ وداعا يا ايام الراحة :D


لكني قررت مواجهة التحدي وركوب السيارة باعتبار الجامعة امر مهم وليس من ثانويات الحياة <<اقول برا بس


لكني اخذت قراري قراري اني لو بركب السيارة مجبرة احيانا ما بسوق سيارة بعمري لاني اعتقد لو سقتها او ركبتها بيصير نفس الشي وما بجازف .. وداعا ليسن :محبط: .. :confused::D


_ _ _ _ _ _ _ _ _


وانتو هل تعانو من مشكلة دوار السيارة :لقافة: خبروني


اتمنى الموضوع خفيف وحلو عليكم


تحياتي ::جيد::

ريان ونعم
25-06-2010, 05:41
:ضحكة:

الله يعينك بـسس ..


ولله الحمدالله ما اعاني من هالمشكله علشان كذ1 عندي سيارة<<مايقهركـ :ضحكة:


ان شاءالله تعدي الجامعه على خير معاك ..::سعادة::


مـشـكـورهـ الله يـسـعـدكـ..

ღ ملاك الظلام ღ
25-06-2010, 05:51
[quote=ريان ونعم;22257124]:ضحكة:

الله يعينك بـسس ..

:d:d:d

ولله الحمدالله ما اعاني من هالمشكله علشان كذ1 عندي سيارة<<مايقهركـ :ضحكة:

يا حظ اولاد السعودية والله يعين بناتهم

ان شاءالله تعدي الجامعه على خير معاك ..::سعادة::
ان شاء الله بس يمكن القى باص في الجامعة !!


مـشـكـورهـ الله يـسـعـدكـ
ويوفقك تسلم عالمرور

☂ Silєnт Dєαтн
25-06-2010, 06:50
ههههههههههههههه
موضوعك روعة

♑GєηtlℯĐєოσ
25-06-2010, 06:58
السلامـ عليكمـ ورحمة الله وبركاتهـ ،،، ^ـــ^

هههههههه المعدهـ تبي سمكرهـ لجل يروح المرض ،،،^^"

الله يعينك يا أختي ،،، طيب معقولهـ مالهـ دواء :لقافة:؟

بعد كل علاج يصرفهـ التختور تعالي أخليك تفحطي ع سيارتي تشوفي راح ولالا <<<يقهر :غول:

مشكورهـ ع الموضوع ،،^ــ^

دمـــتي بــــووود ،،،:)

ღ ملاك الظلام ღ
25-06-2010, 07:29
[quote=hack 2010;22257616]
السلامـ عليكمـ ورحمة الله وبركاتهـ ،،، ^ـــ^
وعليكم السلام ورحمة الله وبركاته



هههههههه المعدهـ تبي سمكرهـ لجل يروح المرض ،،،^^"


الله يعينك يا أختي ،،، طيب معقولهـ مالهـ دواء :لقافة:؟

ممكن بس انا ما اعرفه :dاتذكر في حبوب لهالمشكلة بس انا الحبوب ما تنفع معي :ضحكة:


بعد كل علاج يصرفهـ التختور تعالي أخليك تفحطي ع سيارتي تشوفي راح ولالا <<<يقهر :غول:
لا التفحيط ياذي الناس وسلوك غير متحضر ويخرب السيارة وما حلو وماله اي فوائد وفوق كل هذا عادة غبية تنم عالتخلف لاتمارس في بلادي ::جيد::الشي الثاني اذا انا اركب سيارة اموت كيف لو بفحط :تعجب:



مشكورهـ ع الموضوع ،،^ــ^


العفو

]دمـــتي بــــووود ،،،:)
اهلا نورتي

Sparkling Girl
25-06-2010, 09:39
السـلام عليكـم :) ..~

هههههههههه أما مررض خطييير أول مرره أسمع عنه ..~
إنتي يبغااالك سيااره خااصه يصنعووها لك ماتسبب لك دواار السيااره :ضحكة: ..~
أصلاً مو لازم سيااره خذيها ريااضه روحي مشي :ضحكة: ..~

يسلموووو ع الموضوع ..~
والله يوفقك مع مرضك المجهول :تدخين: ..~

مقهور
25-06-2010, 11:19
السلام عليكم :

الله يعينك والله هههه

انا اعرف صديقي عندة نفس المشكله تماماً

لما يركب السياره والباض مده طويلة يلوع

بس الله يعينك الى حد الحين ما شاف له حل ههه

تحياتي مقهور

روز البانا
25-06-2010, 11:31
السلام عليكم ورحمة الله وبركاته
الله يعينك على هذا المرض
ان شاء الله تشفي منه .
الحمد لله ماعندي سو صداع بسيط فقط.

dahooomy
25-06-2010, 11:39
لا والله الحمد لله

وربنا يعينك ويوفقك بحياتك

تـنـتـن
25-06-2010, 13:00
اييييه واخيرا في احد يحس بالي انا احسه
دوار السيارة يلازمني من لما انا كنت صغيرة
ومو بس دوران خوف بعد مادري شلون رح اسوق سيارة
على الاقل انتي تقدرين تركبين الباص اما انا فدوار الباص
ثلاث اضعاف دوار السيارة :ميت:
حتى اهلي صاروا يتضايقون مني لانهم كل مايبون يطلعون مكان
انا اسحب نفسي وبعدين امي تسحب نفسها من الطلعة
وتخرب عليهم

اتمنى اني اتخلص من هذا الدوار الي ما يرحم وبالاخص في فصل الصيف


طولت عليكي
مشكورة لانك طرحتي مثل هذا الموضوع

ღ ملاك الظلام ღ
25-06-2010, 14:14
السـلام عليكـم :) ..~


هههههههههه أما مررض خطييير أول مرره أسمع عنه ..~
إنتي يبغااالك سيااره خااصه يصنعووها لك ماتسبب لك دواار السيااره :ضحكة: ..~
أصلاً مو لازم سيااره خذيها ريااضه روحي مشي :ضحكة: ..~


يسلموووو ع الموضوع ..~
والله يوفقك مع مرضك المجهول :تدخين: ..~

وعليكم السلام ، صح خطير اصلا ما حد سمع فيه لاني اخترعته <امزح

والله حتى لو جابو ليموزين ما بتفرق

رياضة بهالجو الفظيع بتبخر قبل لا اوصل وتعرفي انا كنت اروح مشي على درس الكيميا اما درس الفيزيا بعيد فكنت اركب الباص

العفو ههه منورة

ღ ملاك الظلام ღ
25-06-2010, 14:15
السلام عليكم :

الله يعينك والله هههه

انا اعرف صديقي عندة نفس المشكله تماماً

لما يركب السياره والباض مده طويلة يلوع

بس الله يعينك الى حد الحين ما شاف له حل ههه

تحياتي مقهور

اساسا هي مشكلة مزعجة مالها حل .. يسلمو عالمرور

دهموي : عدل تسلم يا رب

روز : لما تركبي السيارة ؟ يللا الحمد لله على سلامتك مشكورة عالمرور

ღ ملاك الظلام ღ
25-06-2010, 14:20
اييييه واخيرا في احد يحس بالي انا احسه
ياهووووووووووو ::سعادة:: تعالي نسوي نادي ؟ ههه امزح امزح سلامات


دوار السيارة يلازمني من لما انا كنت صغيرة
مثلي


ومو بس دوران خوف بعد مادري شلون رح اسوق سيارة
والله وانا بعد شكلنا لاراح نسوق ولا نركب سيارة ابدا


على الاقل انتي تقدرين تركبين الباص اما انا فدوار الباص
لا مين قلك زمان كنت بمدرسة اعدادية بعيدة عن البيت والله لا يوريكي كيف كنت ارجع ><


ثلاث اضعاف دوار السيارة :ميت:
ايه صح


حتى اهلي صاروا يتضايقون مني لانهم كل مايبون يطلعون مكان
عالاقل اهلك يطلعو احنا عيلتنا ما تطلع مكان :ميت:


انا اسحب نفسي وبعدين امي تسحب نفسها من الطلعة
يا حراااااااام يللا مو مشكلة تتعودي مع الايام


وتخرب عليهم
:بكاء:


اتمنى اني اتخلص من هذا الدوار الي ما يرحم وبالاخص في فصل الصيف
ايه صح وانا اتمنى اتخلص منه وخاصة بالصيف مثل ما قلتي بس ما اظن في حل او علاج محدد للحين

[quote]
طولت عليكي
مشكورة لانك طرحتي مثل هذا الموضوع


لا عادي انا احب الردود الطويلة ، العفو احلى باي وقت منورة

bad boy..~
25-06-2010, 16:56
السلام عليكم..~

هههههه اومــا دوار السيارهـ..يعني في ناس تانين غير اختي!!

والله اختي حالتها زي حالتك بالضبط ..طفشتنا ><

ولا لما نسافر بالسياره نعطيها كيس عشان ترجع فيه هع

الظاهر اكثر المصابين بهدا الدوار البنات هع <<فيلسوف

الله يعينك ..ومشكوره ع الموضوع الطريف

وان شاء الله تتخلصي منو قريب

اريقاتو..~

ظبيانيه و افتخر
25-06-2010, 17:04
ههههههههههههههههههههه

لا الحمدلله ما اعاني من ها الاشياء

بس احيانا يوم يكون لي فتره ما اسافر واركب الطايره تيني لوعه ما ادري ليش

تسلمييين ع الطرح

السيد بسيط
26-06-2010, 00:29
انا بعاني من نفس المشكلة و لكن مش الباص اسوء من السيارة شلون لقتي حل مفيد:confused:

تـنـتـن
26-06-2010, 02:59
ولا لما نسافر بالسياره نعطيها كيس عشان ترجع فيه هع

هههههههههههه هذي انا



الظاهر اكثر المصابين بهدا الدوار البنات هع <<فيلسوف


هع هع يمكن

DaNtY-SaMa
03-07-2010, 14:37
موضوعك روعةيا زميل
وتمنياتي لك بالشفاء

genes power
03-07-2010, 14:42
يقولك بيطلعو دوار الدباب خخخخخخ

بس مااظن يعانو منه كثير

~Ukitaki~
03-07-2010, 14:56
الله يكون في عونك...الحمد لله ما شفت كذا حالات...

ღ ملاك الظلام ღ
03-07-2010, 19:31
باد بوي : يا حرام حتى اختك يللا الله يعينها وهي اصلا السفر بالسيارة متعب للي عندهم هالمشكلة او لا ان شاء الله تروح قريبا مع ان المشكلة تزيد مع الوقت ما تقل ، بنات حتى الاولاد يعانوا منو لكن احتمال ما ادري

ظبيانية : الله يعافيكي يا رب .. غريبة

السيد بسيط : لا بعض الباصات ايوة مثل باصات المدرسة لكن في باصات مريحة وصغيرة وتهويتها ممتازة

تنتن : حياتي هههههه ، يللا الله يعينك لا تسافري بالسيارة ولا تركبيها

كاجي : ممم انا بنت

غينس : ما فهمت !

حسن : تسلم وشكرا عالمرور