القاتله الحساسه
08-06-2010, 09:07
السلام عليكم حضرت حفلة تنكريه وكانت رووووعه وأنبست فيها والحاضرات أبدعوا في تنكرهم زي وحده لبست لبس الإيمو طبعا من باب التنكر والأستهزاء مو من باب التقليد وحده لبست بجامه ومعها لحاف وعروسه لعبه وسوت شعرها قرنين ومعها حلاوه تمص فيها رغم أنها كبيره وأتخرجت من الجامعه وشبعت تخرج بس شكلها حانه لأيام الطفوله وأقول لأختي ماشاء الله عليها جاهزه تروح البيت بس تنام ووحده لبست لبس السوادنين وحاطه فوق راسها تبسي كله فشفاش ودهنت نفسها بشي أسود كان شكلها غريب بيننا لان كلنا بشرتنا بيضه لأكن مشتهيه تغير طفشت من البياض فسودت نفسها بس فكرتها حلوه لعبه دور الحجه وفي وحده لما سألنها أش التنكر الي متنكرتيه قالت البنت العاديه يعني ما أتنكرت لبست بنطلون وبلوزه وفي وحده قالت أنا أخويا يقول لا تتنكري لأنك إنت نكره مايحتاج تزيدي الطين بله وحده لبست لبس الفروسيه وكان عليها يهوس وهو أكثر لبس عجبني وهيا أعز صحبه عندي وفي وحده لبست قناع حلو بالريش وحركات كان قناع خطير ويخفي وراه الكثير أما أنا وماأدراك ماأنا أول مادخلت كلهم صرخوا أتفاجوا بيا تترررا أش تتوقعوا لبست لبس كليو بترا وسويت مكياج الفراعنه وكان الفستان روعه بجبون ومنفوش أتصورت قبل لا أروح الحفله من كثر ماأنا معجبه بنفسي حلو الواحد يسوي شي غريب وأختي الوصيفه لبست لبس زي عصر جحا الطاقيه حقتهم والزي كان مره حلو وتتكلم باللغه العربيه الفصحي لانها متأثره بكتاب الف ليله وليله وطول الليل ضحك وسوليف ولعبنا بلياردو وفرفيره وحيصنا وركبنا الدبابات لان ماشاءالله فلتهم كأنها منتزه فيها كل أنواع الترفيه وهذي بختصار الحفله التنكريه الي حضرتها أبغا من سيداتي سادتي العجايز والبزوره يقولو أش أكثر زي عجبهم ولو حضرتو حفله تنكريه أش فكرتكم وأتوقع البنات هم الي راح يبدعوا أكثر في هذا الموضوع