Vin Diesel
21-05-2002, 21:55
هذي القصه يرويها لي زميلي ......
البارحة بالليل , وانا قدام التلفزون ثلاجة الشاهي بجنبي وانا في وضع الانسداح والريموت في
يدي اتجول به بين القنوات ( طبعا احلى القنوات الاولى والثانية..ايه هين )....
والوالده جاتني بالصاله وقالت وين النوم ... قلت في نفسي ... الا وينه ..الا وش وراي بكره يا حسره... ورسمت علامتين تعجب في وجه الوالده ( !! )
والوالده ردت علي بعلامتين استفهام شديده امي ( ؟؟ )....... المهم طنشتني وراحت لمهجعها :eek وش ذا الكلام الكبير مهجعها اقصد غرفة نومها..)<< واحد مثقف
وانا في بقيت في نفس الوضع انتظر سيادة السيد المحترم (( نوم)) يجي.... بس هالمره طول ... وشوي الا وصوت صراخ كفرات برا... وزعيق وبواري ...( ازعاج على كيفك )
وانا انقز من محلي وعلى طول على الدريشه .. ياالله مكسيما 99 ماسكه الشارع فوق تحت ويمين يسار والناس امم من وراها....
قلت ياله هذي فرصه , الواحد يفك عن نفسه شوي...
وبسرعه و اطلع بثوب النوم ( بكمام اطوال طبعا )..... والقى من محاسن الصدف ناس اعرفهم وانا على باب البيت...والله وانقز معهم....
ووراهم... ورا التفحيط والمفحط...
من شارع لشارع ومن حاره لحاره... وخذ يالفلفة وخذ يادوران ....
والشرطة والمرور ماادري وينهم سكته بس حنا يالمزعجين نلفلف ...
وكم مره نطرد المكسيما نبي نعرف السواق المحترف منهو بس بدون فايده..... طاير سما
وبعد التفحيط والرجة والازعاج ... وقفنا كلنا في وسط شارع الثلاثين وطبعا من رداة الحظ حنا في وسط العالم لاحنا قدام ونتشرف بشوفة ومعرفة هالسواق ولاحنا بالاخر والواحد يلحق عمره اذا جات مداهمة ولا شيء ولا شيات..
وشوي الا ودوريات الشرطة والهيئة بخمس اجموس و الاماره والبلديه والهاتف من كل جهة ...
وشوف البعثره كيف هذا يضربونه وهذا يجرجرونه بشعره وهذا رابطينه في عمود الكهرباء وهذا حاجرينه وذاك حاط رجله وسط الشارع ...
واختلط حابلها في نابلها..... وحنا في سيارتنا يافكيك ومنا ومنا ودبرها ربك وطلعنا من المعمعة.... بحكات في سيارتنا من كل جهة ... المهم الله فكنا ..
ورحنا ورى العالم...... ويطلعون برا الرياض في شارع عند مستشفى المملكه حق الوليد ( اللي عنده فلوس واجد )
ومع الناس وصفت السيارات اللي قدامنا وورانا تقريبا 15 سياره بعد ماكانت فوق المية , وقالوا ياالله كميرات الفيديو ( وخذ تصوير سوني منا وسامسونج مناك.... ) وحنا لبقنا( يعني صفينا ويعني صفطنا ويعني وقفنا ) افهموها زي ما تفهمونها...... ورى الشارع بشوي ووقفنا جنب الشارع على حده نطالع التفحيط القمة .. وجنبنا شباب كثيرين على حدود الشارع..
واسمع واحد جنبي يقول لخويه تعرف اللي يفحط مين...؟
وانا اقرب منهم اكثر ( لقافه زي منتو عارفين ) الا ويرد عليه خويه لا والله مين !!
قاله خويه هذي (((( ام عنبر ))))) ملكة الطاره
وانا صراحة طارت عيوني وبدا عقلي يفحط في راسي وشلون جات هذي ...
المهم قال خويه انا اعرف اخوها وكم مره شفتها صراحة مقلعة ...... ومره هسترت بالدوريات وجننتهم
وسوت وسوت وسوت ووو....
كل ذا وانا صراحة ماني متخيل وش صاير ولا كيف ...
وجلست اضربها واحسبها الا وعيت تجي معي ........... الا والناس تصيح من كل جهة .. واسمع طاط طيط طوط طوووووط طاااااط اوححححححح الا واللي حولي فاركين وانا بمحلي والمكسيما جايه في وجهي ,,,,,
ولا عادلي فرصة منا ولا منا ولناس تصايح ... لا لا ..... السياره السياره
وصراحة انا جمدت في محلي ولا عاد اقدر اتصرف
وكلها ثواني واسمع الضربة القوية طع كخخ ماحسيت نفسي الا وانا مرمي على مسافة 600 متر عن مكاني قبل شوي والناس حولي ( عسى ماشر ..اخذوا رقم اللوحة .. انا اعرف المفحط ... المستشفى المستشفى..) كلن يرمي هرجة من عنده..
المهم وانا ابدا اصحصح واناظر حولي وادور خوياي....
صراحة حسيت بعيوني ثقل مقد افتحها.. المهم فتحتها بقوة وكل شيء يوجعني في جسمي ولا اقدر اتحرك
واحس يسيل من جهة شعري شيء وارفع يدي اللي ياالله ارفعها
والمس راسي الا والله فيه شيء
ياويلي اه وصرت ابكي واصيح وانادي ......(((( دم دم دم )))) واحك راسي واحط يدي قدام عيني واذا هو صدق دم احمر واصيح دم دم
ايوالله دم احمر.......
ياربيه انا وشش سويت
ودارت بي الدنيا
المهم
يوم شلت نفسي غصب عني الا وامي قدامي معها كاسة موية وترشها على شعري وانا امسك الموية واصيح دم دم
وهي تقول اعوذ بالله من ابليس الصلاه جا وقتها..
المهم قمت وصليت وكملت نومتي وفكنا الله وكفانا شر القتال...
القصه منقوووله من لسان زميلي :D
البارحة بالليل , وانا قدام التلفزون ثلاجة الشاهي بجنبي وانا في وضع الانسداح والريموت في
يدي اتجول به بين القنوات ( طبعا احلى القنوات الاولى والثانية..ايه هين )....
والوالده جاتني بالصاله وقالت وين النوم ... قلت في نفسي ... الا وينه ..الا وش وراي بكره يا حسره... ورسمت علامتين تعجب في وجه الوالده ( !! )
والوالده ردت علي بعلامتين استفهام شديده امي ( ؟؟ )....... المهم طنشتني وراحت لمهجعها :eek وش ذا الكلام الكبير مهجعها اقصد غرفة نومها..)<< واحد مثقف
وانا في بقيت في نفس الوضع انتظر سيادة السيد المحترم (( نوم)) يجي.... بس هالمره طول ... وشوي الا وصوت صراخ كفرات برا... وزعيق وبواري ...( ازعاج على كيفك )
وانا انقز من محلي وعلى طول على الدريشه .. ياالله مكسيما 99 ماسكه الشارع فوق تحت ويمين يسار والناس امم من وراها....
قلت ياله هذي فرصه , الواحد يفك عن نفسه شوي...
وبسرعه و اطلع بثوب النوم ( بكمام اطوال طبعا )..... والقى من محاسن الصدف ناس اعرفهم وانا على باب البيت...والله وانقز معهم....
ووراهم... ورا التفحيط والمفحط...
من شارع لشارع ومن حاره لحاره... وخذ يالفلفة وخذ يادوران ....
والشرطة والمرور ماادري وينهم سكته بس حنا يالمزعجين نلفلف ...
وكم مره نطرد المكسيما نبي نعرف السواق المحترف منهو بس بدون فايده..... طاير سما
وبعد التفحيط والرجة والازعاج ... وقفنا كلنا في وسط شارع الثلاثين وطبعا من رداة الحظ حنا في وسط العالم لاحنا قدام ونتشرف بشوفة ومعرفة هالسواق ولاحنا بالاخر والواحد يلحق عمره اذا جات مداهمة ولا شيء ولا شيات..
وشوي الا ودوريات الشرطة والهيئة بخمس اجموس و الاماره والبلديه والهاتف من كل جهة ...
وشوف البعثره كيف هذا يضربونه وهذا يجرجرونه بشعره وهذا رابطينه في عمود الكهرباء وهذا حاجرينه وذاك حاط رجله وسط الشارع ...
واختلط حابلها في نابلها..... وحنا في سيارتنا يافكيك ومنا ومنا ودبرها ربك وطلعنا من المعمعة.... بحكات في سيارتنا من كل جهة ... المهم الله فكنا ..
ورحنا ورى العالم...... ويطلعون برا الرياض في شارع عند مستشفى المملكه حق الوليد ( اللي عنده فلوس واجد )
ومع الناس وصفت السيارات اللي قدامنا وورانا تقريبا 15 سياره بعد ماكانت فوق المية , وقالوا ياالله كميرات الفيديو ( وخذ تصوير سوني منا وسامسونج مناك.... ) وحنا لبقنا( يعني صفينا ويعني صفطنا ويعني وقفنا ) افهموها زي ما تفهمونها...... ورى الشارع بشوي ووقفنا جنب الشارع على حده نطالع التفحيط القمة .. وجنبنا شباب كثيرين على حدود الشارع..
واسمع واحد جنبي يقول لخويه تعرف اللي يفحط مين...؟
وانا اقرب منهم اكثر ( لقافه زي منتو عارفين ) الا ويرد عليه خويه لا والله مين !!
قاله خويه هذي (((( ام عنبر ))))) ملكة الطاره
وانا صراحة طارت عيوني وبدا عقلي يفحط في راسي وشلون جات هذي ...
المهم قال خويه انا اعرف اخوها وكم مره شفتها صراحة مقلعة ...... ومره هسترت بالدوريات وجننتهم
وسوت وسوت وسوت ووو....
كل ذا وانا صراحة ماني متخيل وش صاير ولا كيف ...
وجلست اضربها واحسبها الا وعيت تجي معي ........... الا والناس تصيح من كل جهة .. واسمع طاط طيط طوط طوووووط طاااااط اوححححححح الا واللي حولي فاركين وانا بمحلي والمكسيما جايه في وجهي ,,,,,
ولا عادلي فرصة منا ولا منا ولناس تصايح ... لا لا ..... السياره السياره
وصراحة انا جمدت في محلي ولا عاد اقدر اتصرف
وكلها ثواني واسمع الضربة القوية طع كخخ ماحسيت نفسي الا وانا مرمي على مسافة 600 متر عن مكاني قبل شوي والناس حولي ( عسى ماشر ..اخذوا رقم اللوحة .. انا اعرف المفحط ... المستشفى المستشفى..) كلن يرمي هرجة من عنده..
المهم وانا ابدا اصحصح واناظر حولي وادور خوياي....
صراحة حسيت بعيوني ثقل مقد افتحها.. المهم فتحتها بقوة وكل شيء يوجعني في جسمي ولا اقدر اتحرك
واحس يسيل من جهة شعري شيء وارفع يدي اللي ياالله ارفعها
والمس راسي الا والله فيه شيء
ياويلي اه وصرت ابكي واصيح وانادي ......(((( دم دم دم )))) واحك راسي واحط يدي قدام عيني واذا هو صدق دم احمر واصيح دم دم
ايوالله دم احمر.......
ياربيه انا وشش سويت
ودارت بي الدنيا
المهم
يوم شلت نفسي غصب عني الا وامي قدامي معها كاسة موية وترشها على شعري وانا امسك الموية واصيح دم دم
وهي تقول اعوذ بالله من ابليس الصلاه جا وقتها..
المهم قمت وصليت وكملت نومتي وفكنا الله وكفانا شر القتال...
القصه منقوووله من لسان زميلي :D