PDA المساعد الشخصي الرقمي

عرض كامل الموضوع : ذكريات بزر أصبح رجلاً [2]



q19q
25-05-2010, 11:36
السلام عليكم ورحمة الله وبركاته

وأرق تحية وأعطرها إلى جميع أعضاء منتديات مكسات وعلى رأسهم الهرم الإداري

نكمل معكم سلسلة ذكريات بزر أصبح رجلاً << منتب عاقل يا بريزون بريك على هالسلسلة

الجزء الأول من هــــنـــــا (http://www.mexat.com/vb/showthread.php?t=757475)

والي نجح الجزء الأول التواصل الكويس بتعليقات وأشكر الجميع على التواصل




--------------------------------------------------------------------------------




--------------------------------------------------------------------------------



محمد العزيٌز والليل الذي لايراه سواه !


هالمرةالموقف لأحد الزملاء
هذا ولد حارتنا وزميل الدراسة ولا يزال حتى الآن بنفس الحارة
أسمه محمد عبدالعزيز الفلاني ومن باب الميانة ندلعه محمد العزيٌز << لا عمرك تدلع

يقول محمد العزيٌز أنه في أحد المرات وهو توه بادي يتعلم الصوم
جاه ولد عم له من القصيم وجلس عندهم كم يوم برمضان

محمد العزيٌز تعال تكفى دوك الكيبورد مانيب فاضي كل شوي أقول ويقول محمد العزيٌز
تعال قلها لهم أنت بنفسك

محمد العزيٌز يتحدث

يوم جاء ولد عمي وجلس عندنا أسبوع بيوم ثالث قلت له وش رأيك بكرا مانصوم
قال ميخالف بس أخاف أهلك يدرون
قلت لا ماعليك نبي نتغبى عنهم
وجلسنا نفكر بأماكن مستحيل أهلي يمسكوننا فيها
وصفى إختيارنا على الملحق
من حيث أن أهلي بنهار رمضان مايطلعون للحوشة أبد
وأيضاً الملحق ساترن لنا عن الجيران لأن قدامه شجرة عبرية وش كبره

رحنا بالليل للبقالة وأخذنا بباسي وسفن وككاوات
ووزيناهن بالثلاجة الفوقية
يوم صلينا الظهر وتأكدت أن أبوي دخل لغرفته ينام تسللنا وأخذنا غريضاتنا وطلعنا على سطح الملحق
وسمينا بالله وضربنا بهالأرزاق
لمين وصلنا لآخر حبتين ككاو
كانن باونتي ومارس

جيت أباخذ المارس آخذه ولد عمي وقالي خذ أنت الباونتي
قلت له طيب مانيب أحب الباونتي قال وحتى أنا بس دبر عمرك
قلت له خن نتقاسمه يا مال الصلاح وأعطيك شوي باونتي وتعطين قطعة مارس
قالي لاااااااااا أحد قالك تشتريه
يقول بدينا نتهاوش وصوتنا يزيد وشوي وإلا نتجالد بس ستر الله
أثناء الهواش فتح أبوي دريشة غرفته الي تطل على الملحق
وقالنا خييير وش عندكم

أنا على طول قلت له يبه بقى معنا واحد باونتي وواحد مارس
وهو يقولي خذ البانتي وأنا ما أحبه ... وزيادة على كذا يبه معيين يقسم لي شوي مارس وأعطيه شوي باونتي
التفت أبوي على ولد عمي وقاله وراك ما تقاسم أنت وإياه
قاله ولد عمي يا عم أمس بالبقالة قايله لا يجيب باونتي مانحبه بس هو عيا

مير يقول لنا أبوي طيب أنزلوا عن سطح الملحق وتعالوا للحوش أحل الموضوع بينكم بدل ماتزعجون الجيران

أول ما نزلنا وشفناه بالحوش جيت أبمد له المارس والباونتي وأقوله الموضوع
مادريت إلا وهو تالنا مع ثيابنا ورافعنا فوق أنا وولد عمي [ عاد أبوه الله يرحمه عصبي ]

قالنا يا عيال الكللللللب مفطرين بنهاااار رمضان
ومفطرين عيني عينك لا تخافون من الناس ولا تخافون من ربكم
لا ويا السمرمد المشكلة أنك طالعين على سطح الملحق يعني كل مالكم تقربون من ربكم ولا خفتوه [ مشكلة الي مادرس جغرافيا صح ]

يقول محمد العزيٌز جيت أبصرف الموضوع وأبهدي الوضع
ناظرت أبوي وأنا عيوني تدمع وقلت يبه قسسسسسسسسسم بالله نحسب أننا بالليل <<< أبو عزيٌز لا عمرك تصرف تكفى

عاد يقول أبو عزيز ليتي ماقلتها مير أبوي من أول أرحم ماغير رافعنا فوق الأرض
يوم قلتها خمط بي الأرض وبدى تشويت

بالليل يا ثووووووووور بالليل
لعنبوا إبليسك الشمس صاكتك صك ومخليتن مقفى ثوبك كله عرق وتقولي بالليل

أندزلع لعنبوا الي أنت ولده
أندزللللللللللع


--------------------------------------------------------------------------------


أكلم واحد بالصفراء قسم بالله !


مرة خوالي رايحين يسلمون على خالة أمي
طبعاً بيت خالة أمي ماشاء الله وسيع خصوصاً الحوشة
وفيه جزء كبير من الحوش فيه غنم ومعزى وبقرتين ...
بالإضافة إلى الزحاليق
فلما أروح هناك بالعادة مانيب أمل أو يضيق صدري
يا تلقاني ألعب بهالزحاليق مع البزران
أو أطب في حوش البقر وأحارشهن وأركض وأطلع [ هوايتي المحببة على فكرة ]
أو ألعب في هالغنم والمعزى وأضحك عليهن

لكن في هالروحة بالذات مالي خلق لا بقر ولا غنم ولا زحاليق
دخلت مع أهلي للبيت وجلسنا عند خالتي همن بدى عندي طبع الشرافة وقلت خن أتمشى بالبيت
رحت لقسم الرجال وبديت أوايدز لمين شفت لي تلفون بمقلط الرجال
وقسم الرجال بالذات إذا كان أبوهم موب فيه هاك اليوم محدن يدخله [ أبوهم ماخذ ثنتين ]
فقلت فررررررصة
مسكت التلفون وبديت أدقدق على الرياض
كل شوي أدق لي على بيت ويقفلون بوجهي ...
لمين رد علي هاك البزر والظاهر أخلاقه قافلة مثلي ولعلنا لقيناها لعبة

طبعاً بدت المكالمة بهواش بزران
من هو بيته ! يقولي أنت الي داق ! قلت من زينكم خايف على أسم عايلتكم من بيته هذا
قالي تبي تعقل والا عطيتك بقس ماصلى على النبي
قلت أتحداك
ثمن بصوته يعطيني بقس زي كذا >>>> دردووووووووووووووووووووووف
همن أرد عليه قدها يوم تسوي هالحركة ! أيه أيه قدها تخوفني أنت
طيب طيب أمسك هذا بقس ملعون والدين طرططططططططططططططوووودودودودف
همن يرد علي طيب أوريك أويك أمسك هذا بقس أخلاقه بطرف خشمه
.
.
.

وهكذا دواليك
كل شوي واحد يعطي الثاني بقس
وتحولت المسألة لعبة .. قانونها الوحيد أنك لما تعطي الثاني بقس لازم مايكون مكرر
يعني ماتعطيه بقس من نوعية بقس أخلاقه بطرف خشمه .. وهو من شوي قايلك إياها

فصارت اللعبة بمرور الوقت تزداد صعوبة
وأنواع البقسات تزداد تعقيداً
حتى وصلنا إلى نوع مثل
دوك دوك هذا بقس قاله مدرس القواعد حل سؤال 4 صفحة 25 ويوم راح للبيت شاف
أن هالسؤال صعب وقال خلني ألعب على المدرس وأحل السؤال 3 صفحة 25 وأقوله مادريت يا أستاذ عاد يوم راح للمدرسة وشافه المدرس قاله موب هذا السؤال الي عطيناك إياه قال أيه أيه
بس أنا يا أستاذ نسيت وسجلت بسجل الواجب سؤال 3 قاله المدرس طيب أفتح السجل يوم فتح السجل أثره كاتب في السجل سؤال 4 قاله المدرس وتكذب بعد ! وقام المدرس وضربه بقس .

عاد أنا على الطرف الثاني من المكالمة أسوي روحي منسدح ومغمي علي وهو يقولي وش فيك وش فيك
قلت يا أخي بقسك كله عنف
وش الإجرام هذا قسم بالله عنيييييييييييف ويرد علي توك ماشفت شي يله دورك دورك عطنا بقسك

طبعاً بقسه السابق حق المدرس وسؤال 4 لو تلاحظون أنه بقس معقد جداً لأنه أحتوى بقس داخلي الي هو بقس المدرس داخل البقس الأصلي
يعني بقس مايخرش الميه إن فكيت روحك من البقس الأول جاك البقس الثاني

بتلت أنا وإياه نتميصل !
ظني كملنا ساعة بالراحة على التلفون
فجأة وإذا ببنت خالة أمي دخلت المقلط عاد والله ياعليه لساااااااااان ويا عليه يد اذا ضربت
أنا على طول قفلت السماعة


محمممممممممممممد وش عندك هااااااااااااااااااااااااه وش تسوي بالتلفون قلللللللللي وش تسوي [ وهي تمعط آذاني ]
قلت والله يا هيول قسم بالله جالس أكلم على واحد بالصفراء [ طبعاً بيتهم بالرفيعة ]
قالت وجججججججججججججع يوجعك بالصفراء يا اللي مانيب قايلة ليته بالقاع البارد وإلا الهدية نقول أشوى شوين بالصفرااااااااااااااء يا تببببببببببببببببببببببببببن

أنزلع لأمك أنزززززززززززززززززلع [ وهي تعطيني واحد خقلة وصلحوووو ]

طسيت أركض ركيض أبي أمي وعيوني أربع أربع وأقول في نفسي شلون لو تدري إني جالس أكلم واحد بالرياض .. لا ولي ساعة أكلمه ...

الفائدة : لامنك بغيت تكلم بتلفون موب لك .. لا تنسى تقفل المقلط



--------------------------------------------------------------------------------


صقـيـقـتي قوه قوه بس !


كل مراحل التعليم قضيتها في الرياض باستثناء المرحلة الابتدائية قضيتها على ثلاث أقسام
قسم في الرياض وقسم في الدمام وقسم في بريدة

التمهيدي درست هنا في الرياض في مدرسة أهلية أسمها أنجال الرياض الي في حي الربوة
عن ملاهي الحكير جنوب شرق
بس أشوف لها كم سنة مبدلين المدرسة بمتوسطة بنات
من ضمن المواقف الي صارت لي فيها .. موقفين مستحيل أنساهم
أولهم
واحد من الطلاب أسمه يزيد .. ومن نفس ديرتي وبيني وبينه علاقة نسب من أحد العجز
في يوم من الأيام يزيد بدون مايدري سواها على نفسه
ولاهيب على ماقال شغل خفيف الرجال سوا على نفسه شغلن ثقيل
أدود فينا وخيس بالفصل
ومير المدرسة تنادي مسؤولة النظافة وتلقطه من بيننا وتغسله وتنظفه وترش عليه من معطرات المنزل ..
عقبها على طول طلعتنا المدرسة لغرفة فيها فيديو ونجلس نناظر
دخل علينا يزيد يلق وجلس حولنا
ببراءة الأطفال نسأله .. يزيد غريبة الحين مسويها على نفسك وريحتك تهبل !
يقول أيه وش تحسبون إني مثلكم أنت وإياه ..

الموقف الثاني
تخبرون التمهيدي خليطي
وكان الصف هاك الوقت طريقة ترتيب الطلاب تحث على العربدة والفسق
كل واحد جنبه وحدة
يعني يا حمااار يا طالب جبنا البنت لحد عندك .. أنت وشطارتك عاد
كان فيه وحدة عن يميني ووحدة عن يساري اخترت الي عن يميني وصرت لها صديق
وياويل أحد يقرب لها وياويلها تلعب بالمراجيح مع غيري
صارت صقيقتي الروح بالروح
مرتن من المرات قالت لي بروح اشري لي فسحة وبعدين ارجع لك عشان نلعب تبي شي يا بعدهم
قلت مايامر عليك عدو حبة ريكو الله يسلمك
رجعت لي وهي دموعها أربع أربع خير خييييير وش فيه
قالت إدارية المقصف شريت منها سندويش وعصير وفيشار
ونسيت أجيب لك ريكو وانا مامعي إلا ثلاث ريال قلت لها برجع الفيشار وآخذ ريكو عيت علي
طبعاً بهالموقف أنا البوي فريند ولازم أكون حمش وأدافع عنها
قلت قوه قوه أهوشها لك
دخلت المقصف لا أحم ولا دستور وأنواع الصراخ وش فيتس وراه ماترجعين لها الفيشار
قد شعرتوا بإحساس لما يجيك بزر بزقه طوله ربع ذراع ينفخ عليك .. موب صح ودك تشوته بووز !
هذا الي سوته الإدارية
فحبيت ألطف الموقف مسكت يدي صديقتي وقلتها قوه قوه بس للمراجيح قبل ماتصير زحمة

الفائدة : إذا ماودك تتفشل قدام صديقتك لا عمرك تقولها اشري لي ريكو



--------------------------------------------------------------------------------


وإلى هنا ينتهى الجزء الثاني تسمحون لي أمطط الدعوى شوي ونقول جزء ثالث !
بس بإذن الله الثالث يبي يكون آخر جزء ويمكن أمدد جزء رابع يمكن موب أكيد << يحط له خط رجعة




تحياتي للجميع

Hetalia sama
25-05-2010, 12:05
مــشــكــور أخــي q19q ع الــمــوضــوع

حــلــوة حــقــت الــصــيــآآآآم بــذات


وقلت يبه قسسسسسسسسسم بالله نحسب أننا بالليل

ههههههههه
هههههههههههههه
ههههههههههههههههههه
ههههههههههههههههههههههههه

http://store0.up-00.com/May10/rQO98649.bmp

الــثــالــث أكــيــد أحــلــى

يــســلــمــووو ع الــطــرح الــرائــع

فــي حــفــظ الله

q19q
26-05-2010, 03:41
نورت الموضوع بمرورك العطر

مشكور أخوي

♑GєηtlℯĐєოσ
26-05-2010, 19:12
هههههههه يحلو التمغيطه الي جت في وقت الظهر ,,, لا ويحسبون بلليل كثرلي منها ههههههه:d

أو المدرسه رايح يهايط البوي فرند نيوهآهآهآهآهآ ,,, أقول وينها ذي المدرسه بندخلها حنا مابجنبنا غير الشين والشيفه هع:ضحكة:

يسلمو على الموضوع ,,, وأكيد بنتظار الجزء الثالث والرابع لو أمكن مبدع يغالي ::جيد::

دمت بووود,,,

تــ ح ــياتــي,,,

Luis
26-05-2010, 19:33
ههههههههههههههخخخخخخخ تلسيب ع الظهريه


<<وش ذا الجو >>
يسلموووو ع الموووضوووع الله يعطيك الف الف الف عافيه ولا تحرمنا من جديدك

q19q
26-05-2010, 20:51
يعطيكم ألف عافية على المرور الرائع

وأشكركم على تفاعلكم

RanZ
27-05-2010, 00:23
تسلم اخوي ^^

TỘŘйĂdσ
27-05-2010, 00:25
مشكوووووور اخوي عالموضوع

~هيـرومي~
27-05-2010, 00:58
مشكووووووور اخوي ع الموضوع انا بانتظار الجزء ال3

وعقبال جزء 10 هع هع هع

q19q
31-05-2010, 11:36
تسلم اخوي ^^


الله يسلمك

ومشكوور على مرورك الرائع


مشكوووووور اخوي عالموضوع


وأنت بعد أشكرك على مرورك العطر

نووورت الموضوع يعطيك العافية



مشكووووووور اخوي ع الموضوع انا بانتظار الجزء ال3

وعقبال جزء 10 هع هع هع


قريباً أن شاء الله

وأشكرك على المرور


وأرجو من الجميع السموحة لأني تأخرت عليكم

قلم رصآص
05-06-2010, 19:54
هههههههههههههههههههههههههههااااااااااااااااااااااا ااااااااااااااااااااااااااااااااييييييييييييي

( قسسسسسم بالله يبا افكر احنا بالليل )

كثر منها >> خووش تصريفه

فتآة الياكوزآ
09-06-2010, 05:52
شكرا

مصباح دوفا
09-06-2010, 08:02
ههههههههههههههههههههههههه
والله مواقف رائعة جدا جدا

وعند قراءة تمنيت اكون معاك
وبذات حادثة رمضان
ههههههههههههههههههه


ويش احكيلك على التلفون
ههههههههههههههههههههههه



بصراحة اخي موضوع مميز يستحق التثبيت
وننتظر الجزء الثالث اخي

زهرة الكامليا
09-06-2010, 14:23
ههههههههههههههههههههه
يسلمو على الموضوع