%بنت المدينة%
17-04-2010, 01:42
السلام عليكمـ ورحمه الله وبركاتهـ
هلا وغلا بالحلوين
كيفكمـ ؟؟؟؟؟؟؟؟
اخباركمـ؟؟؟؟؟؟
ان شاء الله تمامـ
وكيف الاجازة ؟؟؟؟
اكيييييييييد وناسه بدون دراسهـ ههههههههههـ
المهمـ انا عندي موضوع وربي من زمان ع بالي انزلو وابا اشوف ردكمـ
وتعليقكمـ لان البني ادميه الي في الموضوع رجتلي راسي ههههههههـ
المهمـ عندنا في مدرستنا الخايسه وحدة من الاودامـ ويسموها مراقبه
ومهمتها انها تشرف ع البنات وتشوف الاغلاط الي بيعملوها
يعني وزي كدا اظنوا انكمـ عارفين هدا الشيء ومايحتاج اشرح
المهمـ المراقبه هدي طلعتلي موقرون الى نخل براسي جننتني خبلتني سارت تجيني كوابيس منها ف المنام ههههههههههه
عوفتني بالنومـ وكرهتني بالمدرسه من جد كدا واكتر كمان
دحين اقولكمـ ليش لان اغلبكمـ بيسألوا نفسهمـ ليش تعمل كدا
انو اليومـ الاول لمادخلت المدرسه لاقيت وحدة كانت تدرس معايا بالابتدائي وكانت مرا صحبتي مرا مرا
المهمـ وكانت تمزح معايا بدفاشه شويا زي مايقولوا يعني تدوفني وتصقعني وانتو ماشين
فأنا قلتلها : يووه رحمه ايش حركات الاولاد هدي ؟؟؟؟
قالت : ايش تبغيني اقولكـ
قلتلها :خليكِ نعومه شويا وبطلي الحونشيه الزايده
قالت : يعني تبغيني اقولك احبكـ
ولما قالتلها قالتها بأسلوب يعني قاعدة تستهبل عليا ونعمت صوتها وبعدين قالت :اقول طيري بس
واول مالفينا الا المراقبه ورانا وتقول : ايش احبك وما احبك والكلامـ الفاضي هدا
انا قلت : استاذه كنا نستهبل
وهيا الله يهديها فهمت غلط زي ماتقولوا تحسبنا بنات شاذات يعني مننا كويسات
وربي انها غلطانه نحنا كنا بنستهبل بس وماكان قصدنا شيء
عاد اظن ان الكبار تفكيرهمـ اعوذ بالله وتقول : ايش تحبي فيها
وسراحه سؤالها اهبل وعبيط كمان نحنا ماعملنا حاجه تدل اننا مننا كويسات
انا ماقدرت امسكـ نفسي لانها فهمت غلط الا قلت : هههههههههههههههههههههههههههههههههههههههـ
ورحمه صحبتي نفس الشيء وهيا الاستاذه فاهمه غلط فأنا مت من الضحكـ مني قادرة اسكت
وصحبتي ازا ضحكت الله لايوريكمـ صوتها تبارك الرحمن الله لايضرها بالدور كله ( قولوا ماشاء الله )
والمراقبه قالت :قوموا اكتبوا تعهد وانا قلت :ليش ؟؟؟؟
قالت :كدا ( وربي ما اكتبلها تعهد لو تطير المريخ ) انا قلت : انا ما ابغا اشوه ملفي بس عشان كلمه كدا وكمان نحنا ماعملنا
حاجه غلط لعشان نكتب نعهد وقالت :انا اقول كدا وقلتلها :معليش رايك ع عيني وراسي لكن مني كاتبه تعهد كدا
ورحمه قالت : وربي مو ع كيف ابوكي نكتب تعهد >>> قلتلكمـ حونشيه هههههههه
وانا ضقعت رحمه برجلي وقلتلها :هيه تراها مو وحدة من صحباتكـ تكلميها كدا
وتقول : ماعليا فيها
والمراقبه طلت فيا وقالت : حسابكـ معايا
انا اعطيتها ضهري ومشيت ولكنها قالت حاجه وزي مايقولوا ( ادخل من اذن واخرج مع الي جنبها )
ومن ذاك اليومـ امتحنت ابويا من جد عزبتني لما اكون ماشيه تقول بأعلى صوتها : فلااااااااانه
وانا اطل ببراءه واقول :هلا وتقول تعالي بسرعه واروح والله العظيم فاجأني كلامها قالت حاجه ماتتوقعوها
قالت : ترا مو بس انتي الحلوة طليت فيها كأنو احد ضاربني كف متنحه من الصدمه وعلامات التعجب والاستفهام بتنط ع راسي
وبعدين قلت : تيب شفتيني قلت اني حلوة وتقول :لا اقولها تيب ايش هوا الي مو بس انتي الي حلوة
وتقول : ترا انا احلى منكـ وربي كنت ابضحكـ قلتلها : تيب انا ماقلت انك منكـ حلوة
قالت : بس البنات يقولوا انكـ احلى مني وربي انا رفعتلي ضغطي طليت فيها بنظرة استحقااااار
وقلتلها : دحين مناديتني لعشان تقولي انك حلوة !!!!!!!! تيب انا اشلي انتي حلوة والا وحشه
واعطيتها ضهري ومشيت وقالت : انا ماخلصت كلامي وانا قلت : انا عندي حصه ومافيه اقارن الجمال بين معلمه وطالبه !!!
سكتت كأنو احد ضاربها كف
واليومـ الي بعدو وربي نادتني كأني قاتلتها احد وقالت فلااانه وانا قلت نعمـ قالت تعالي ورحت الى تقول : ليش بلوزتكـ لونها وردي
( انا مدرستي خاصه فنلبس البنات هناكـ بلايز وتنانير مو مريول زي المدارس العاديه ))
طليت فيها وبعدين قلت : الوردي مو ممنوع قالت : الا ممنوع وقلتلها : طيب بكرا ماراح البسه واسفه مادريت انو ممنوع
وقالت : ليش ماتسألي عن الممنوعات في المدرسه
سراحه هنا ماقدرت امسك نفسي من جد عصبتني وقلتلها : انا طالبه جديده واظن الممنوعات المعلمه الي تجي تقولها للطالبه مو الطالبه تجي تسأل عنها
وقامت تزعق وتهاوش ومشيت عنها وكدا مرا تمسكني ع اشياء اكتر من تافهه وتبغا تتمشكل معايا بأي شكل وانا عارفه ازا عصبت منها وربي امسح فيها الارض بلساني
ومرا مسكتني الصباح قبل الحصص فمن حضها انو كنت صاحيه متأخرة واخلاقي زفت لاني عصبيه لما اصحى من النومـ
ورحت متأخرة فقالت : فلااانه تعالي وانا اخلاقي زفت بمعنى الكلمه فقلت : خير اي خدمه ؟؟؟>>> ياحرام بتحسب زي دايماً بعطيها وجه ^_ّ
قالت : ليش متأخرة انا خلااااااااااااص وصلت معايا لاخرها قلتلها : كلمت المديرة واتفاهمت معاها روحي اسأليها ليش متأخرة
قالت : انا اسألك انتي مو المديره انا حطيت الشنطه والعبايه بالارض وحطيت يدي ع خصري وطبعاً الحاجب مرفوع ( قلتلكمـ صاحيه من النومـ ههههههههه)
وقلتلها : وازا اتأخرت ليش تسألي وكمان اتأخر ما اتأخر اظن هدا شيء يخصني المديرة وتفاهمت معاها ليش تسألي ؟؟؟؟؟
وكمان خير ياطير ان شاء الله ما اجي الا الساعه 8 ونص كمان انتي ايش راح ينقص فيكي ؟؟؟
وازا تبغي سبب ليش متأخرة : انا كدا من ربي حابكه معايا اتأخر بدون سبب بس كدا بلاهه وكمان هباله مع الصباح ابتأخر
دحين تبغين اي خدمه قبل لا امشي
وربي انها تنحت ولاكلمه ماقالت واقفه زي الصنم وشلت الشنطه والعبايه ومشيت وربي حتى حركه ماتحركت وفي الفسحه عديت من جنبها
وقالت : فلااانه وطليت فيها وكمان رفعت الحاجب بالعاني وقلت : نعمـ
وربي انها قالت : لاخلاااص ولا حاجه
واليوم الي بعدو رحت المدرسه مبتسمه طبعاً( ورجعت ريما لحالتها القديما)
رجعنا من اول وجديد قبل الحصص وفي الفسحه والصرفه لازم شيء اساسي تجي تتهاوش معايا
بس من جد جننتني ودوختي وكمان عزبتني بحياتي مني عارفه كيف اتعامل معاها
والبنات صحباتي يقولوا ردي عليها هيا ضعيفة شخصيه ازا سكتيها مرا تانيه راح ماتتعرض لك مرا تانيه
بس انا مابحب ارد ع معلمه وذاك اليومـ بس لاني كنت معصبه وصاحيه من النومـ
ودحين ياعضاء اولاد وبنات الله يسعدكمـ ابغا حل للبش الي في مدرستي
انا قلت انزلها للاعضاء قبل المدرسه ماترجع واشوف الحل معاها
فبالله عليكمـ ابغا تفاعل مع الموضوع وحل واي حل من الاعضاء راح اقبل فيلو حتى لو كانت نتائجه سلبيه او ايجابيه
في انتظار ردودكمـ العسل
حياتيـ قبل تحياتيـ
العضوة
%بنت المدينة%
جـــــــــاناإأإ~
هلا وغلا بالحلوين
كيفكمـ ؟؟؟؟؟؟؟؟
اخباركمـ؟؟؟؟؟؟
ان شاء الله تمامـ
وكيف الاجازة ؟؟؟؟
اكيييييييييد وناسه بدون دراسهـ ههههههههههـ
المهمـ انا عندي موضوع وربي من زمان ع بالي انزلو وابا اشوف ردكمـ
وتعليقكمـ لان البني ادميه الي في الموضوع رجتلي راسي ههههههههـ
المهمـ عندنا في مدرستنا الخايسه وحدة من الاودامـ ويسموها مراقبه
ومهمتها انها تشرف ع البنات وتشوف الاغلاط الي بيعملوها
يعني وزي كدا اظنوا انكمـ عارفين هدا الشيء ومايحتاج اشرح
المهمـ المراقبه هدي طلعتلي موقرون الى نخل براسي جننتني خبلتني سارت تجيني كوابيس منها ف المنام ههههههههههه
عوفتني بالنومـ وكرهتني بالمدرسه من جد كدا واكتر كمان
دحين اقولكمـ ليش لان اغلبكمـ بيسألوا نفسهمـ ليش تعمل كدا
انو اليومـ الاول لمادخلت المدرسه لاقيت وحدة كانت تدرس معايا بالابتدائي وكانت مرا صحبتي مرا مرا
المهمـ وكانت تمزح معايا بدفاشه شويا زي مايقولوا يعني تدوفني وتصقعني وانتو ماشين
فأنا قلتلها : يووه رحمه ايش حركات الاولاد هدي ؟؟؟؟
قالت : ايش تبغيني اقولكـ
قلتلها :خليكِ نعومه شويا وبطلي الحونشيه الزايده
قالت : يعني تبغيني اقولك احبكـ
ولما قالتلها قالتها بأسلوب يعني قاعدة تستهبل عليا ونعمت صوتها وبعدين قالت :اقول طيري بس
واول مالفينا الا المراقبه ورانا وتقول : ايش احبك وما احبك والكلامـ الفاضي هدا
انا قلت : استاذه كنا نستهبل
وهيا الله يهديها فهمت غلط زي ماتقولوا تحسبنا بنات شاذات يعني مننا كويسات
وربي انها غلطانه نحنا كنا بنستهبل بس وماكان قصدنا شيء
عاد اظن ان الكبار تفكيرهمـ اعوذ بالله وتقول : ايش تحبي فيها
وسراحه سؤالها اهبل وعبيط كمان نحنا ماعملنا حاجه تدل اننا مننا كويسات
انا ماقدرت امسكـ نفسي لانها فهمت غلط الا قلت : هههههههههههههههههههههههههههههههههههههههـ
ورحمه صحبتي نفس الشيء وهيا الاستاذه فاهمه غلط فأنا مت من الضحكـ مني قادرة اسكت
وصحبتي ازا ضحكت الله لايوريكمـ صوتها تبارك الرحمن الله لايضرها بالدور كله ( قولوا ماشاء الله )
والمراقبه قالت :قوموا اكتبوا تعهد وانا قلت :ليش ؟؟؟؟
قالت :كدا ( وربي ما اكتبلها تعهد لو تطير المريخ ) انا قلت : انا ما ابغا اشوه ملفي بس عشان كلمه كدا وكمان نحنا ماعملنا
حاجه غلط لعشان نكتب نعهد وقالت :انا اقول كدا وقلتلها :معليش رايك ع عيني وراسي لكن مني كاتبه تعهد كدا
ورحمه قالت : وربي مو ع كيف ابوكي نكتب تعهد >>> قلتلكمـ حونشيه هههههههه
وانا ضقعت رحمه برجلي وقلتلها :هيه تراها مو وحدة من صحباتكـ تكلميها كدا
وتقول : ماعليا فيها
والمراقبه طلت فيا وقالت : حسابكـ معايا
انا اعطيتها ضهري ومشيت ولكنها قالت حاجه وزي مايقولوا ( ادخل من اذن واخرج مع الي جنبها )
ومن ذاك اليومـ امتحنت ابويا من جد عزبتني لما اكون ماشيه تقول بأعلى صوتها : فلااااااااانه
وانا اطل ببراءه واقول :هلا وتقول تعالي بسرعه واروح والله العظيم فاجأني كلامها قالت حاجه ماتتوقعوها
قالت : ترا مو بس انتي الحلوة طليت فيها كأنو احد ضاربني كف متنحه من الصدمه وعلامات التعجب والاستفهام بتنط ع راسي
وبعدين قلت : تيب شفتيني قلت اني حلوة وتقول :لا اقولها تيب ايش هوا الي مو بس انتي الي حلوة
وتقول : ترا انا احلى منكـ وربي كنت ابضحكـ قلتلها : تيب انا ماقلت انك منكـ حلوة
قالت : بس البنات يقولوا انكـ احلى مني وربي انا رفعتلي ضغطي طليت فيها بنظرة استحقااااار
وقلتلها : دحين مناديتني لعشان تقولي انك حلوة !!!!!!!! تيب انا اشلي انتي حلوة والا وحشه
واعطيتها ضهري ومشيت وقالت : انا ماخلصت كلامي وانا قلت : انا عندي حصه ومافيه اقارن الجمال بين معلمه وطالبه !!!
سكتت كأنو احد ضاربها كف
واليومـ الي بعدو وربي نادتني كأني قاتلتها احد وقالت فلااانه وانا قلت نعمـ قالت تعالي ورحت الى تقول : ليش بلوزتكـ لونها وردي
( انا مدرستي خاصه فنلبس البنات هناكـ بلايز وتنانير مو مريول زي المدارس العاديه ))
طليت فيها وبعدين قلت : الوردي مو ممنوع قالت : الا ممنوع وقلتلها : طيب بكرا ماراح البسه واسفه مادريت انو ممنوع
وقالت : ليش ماتسألي عن الممنوعات في المدرسه
سراحه هنا ماقدرت امسك نفسي من جد عصبتني وقلتلها : انا طالبه جديده واظن الممنوعات المعلمه الي تجي تقولها للطالبه مو الطالبه تجي تسأل عنها
وقامت تزعق وتهاوش ومشيت عنها وكدا مرا تمسكني ع اشياء اكتر من تافهه وتبغا تتمشكل معايا بأي شكل وانا عارفه ازا عصبت منها وربي امسح فيها الارض بلساني
ومرا مسكتني الصباح قبل الحصص فمن حضها انو كنت صاحيه متأخرة واخلاقي زفت لاني عصبيه لما اصحى من النومـ
ورحت متأخرة فقالت : فلااانه تعالي وانا اخلاقي زفت بمعنى الكلمه فقلت : خير اي خدمه ؟؟؟>>> ياحرام بتحسب زي دايماً بعطيها وجه ^_ّ
قالت : ليش متأخرة انا خلااااااااااااص وصلت معايا لاخرها قلتلها : كلمت المديرة واتفاهمت معاها روحي اسأليها ليش متأخرة
قالت : انا اسألك انتي مو المديره انا حطيت الشنطه والعبايه بالارض وحطيت يدي ع خصري وطبعاً الحاجب مرفوع ( قلتلكمـ صاحيه من النومـ ههههههههه)
وقلتلها : وازا اتأخرت ليش تسألي وكمان اتأخر ما اتأخر اظن هدا شيء يخصني المديرة وتفاهمت معاها ليش تسألي ؟؟؟؟؟
وكمان خير ياطير ان شاء الله ما اجي الا الساعه 8 ونص كمان انتي ايش راح ينقص فيكي ؟؟؟
وازا تبغي سبب ليش متأخرة : انا كدا من ربي حابكه معايا اتأخر بدون سبب بس كدا بلاهه وكمان هباله مع الصباح ابتأخر
دحين تبغين اي خدمه قبل لا امشي
وربي انها تنحت ولاكلمه ماقالت واقفه زي الصنم وشلت الشنطه والعبايه ومشيت وربي حتى حركه ماتحركت وفي الفسحه عديت من جنبها
وقالت : فلااانه وطليت فيها وكمان رفعت الحاجب بالعاني وقلت : نعمـ
وربي انها قالت : لاخلاااص ولا حاجه
واليوم الي بعدو رحت المدرسه مبتسمه طبعاً( ورجعت ريما لحالتها القديما)
رجعنا من اول وجديد قبل الحصص وفي الفسحه والصرفه لازم شيء اساسي تجي تتهاوش معايا
بس من جد جننتني ودوختي وكمان عزبتني بحياتي مني عارفه كيف اتعامل معاها
والبنات صحباتي يقولوا ردي عليها هيا ضعيفة شخصيه ازا سكتيها مرا تانيه راح ماتتعرض لك مرا تانيه
بس انا مابحب ارد ع معلمه وذاك اليومـ بس لاني كنت معصبه وصاحيه من النومـ
ودحين ياعضاء اولاد وبنات الله يسعدكمـ ابغا حل للبش الي في مدرستي
انا قلت انزلها للاعضاء قبل المدرسه ماترجع واشوف الحل معاها
فبالله عليكمـ ابغا تفاعل مع الموضوع وحل واي حل من الاعضاء راح اقبل فيلو حتى لو كانت نتائجه سلبيه او ايجابيه
في انتظار ردودكمـ العسل
حياتيـ قبل تحياتيـ
العضوة
%بنت المدينة%
جـــــــــاناإأإ~