PDA المساعد الشخصي الرقمي

عرض كامل الموضوع : حوار عادي بين أفراد أسرة أردنية



bloody-master
28-02-2010, 21:32
حوار عادي بين أفراد أسرة أردنية


الأب مخاطب الابن : تعال وله
الابن و بكل براءة : نعم
الأب : نعامة ترفصك .... تعال وله
الابن : ليش شو سويت؟
الأب : سواك ضريب يخلع رقبتك
الابن : شو فيه؟
الام : شاوي يشوي عضمك ... رد على ابوك بأدب وله
الابن : هوه انا حكيت شي؟
الأب:حكحكوا جنابك بالعصايه اوقف عدل يا حيوان
الابن : حاضر
الأم : يحضروا على قبرك إن شاء الله ... لما ابوك يحكي انت بتخرس
الابن : أخرس؟
الأب : ايوه إن شاء الله خرسه
الابن: ماشي
الأم: اجاك مشش بركبك ما تقوم منه إن شاء الله
الابن :مشش ؟؟؟ شو هاذا المشش؟؟
الأب: اما انك قليل حيا ...وبترد على امك كمان ؟ هات العصاي وتعال وله
الابن: انا رديت على امي؟ يمّـه احكي كلمه
الأم: موا يمزع نيـعـك وله .....حكيتلك اخرس
- الابن الان اصبح مغلوب على امره ومش فاهم ايش الموضوع وصمت
الأب: أما جيل قليل حيا...احكي وله .... مالك انخرست
الابن : شو احكي؟ اذا حكيت بتقولوا عني قليل حيا
الام : حيه الي تقرصك إن شاء الله.... قلتلك تأدب وانت بتحكي مع ابوك
الأب : ايش 'بتشوفوني غلط' هاي ... شايفنا عميان ولا حول ؟
الابن : لا اله الا الله
الأم : الله يوخذك إن شاء الله.... يا ريتني خلفت ابن الجيران ولا انت
الأب: انا مش عارف هاذا الولد متى بده يصير زلمه...دايما فاظحني بين الرجال
الابن: طيب شو اعمل عشان تشوفني زلمه ؟
الأب: قلتلك اخرس وله
الابن: يا الله .... يا الله .... يا جماعه شو مالكوا ... شو فيه ؟
الأم: اه صحيح انت ليش ناديت عالولد يا زلمه ؟
الأب :بتصدقي يا مره اني نسيت.... نساني شو كنت بدي منه هالكلب
خلص روح ارجع على غرفتك يابا
:d:d:d:d:d:d:d:d:d:d
أم وأب أذكى من بعضهم
أنتظر الردود

girle reem
01-03-2010, 09:34
ههههههههههههههههههههههه
استغفر الله العظيم

فتآة الياكوزآ
01-03-2010, 10:03
خخخخخخخخخخخخخخخخخخخخخخخخخخخخخخخخخخخخخخخخخخخخ

الله يرجهم حررام بعد ماقطعو في الولد المسكين وحشو فيه وبهدلوه في النهايه ناسيين هههههههه

مشكور على الموضوع الرائع

J.O.K.E.R 909
01-03-2010, 13:21
ههههههههههههههه
الحمدلله على نعمة العقل ام دلوخ

oscar2010
01-03-2010, 16:13
حررام والله اللي سووه في الولد
هذوله مايعجبهم العجب ولا الصيام في رجب
الحمد لله على نعمة العقل بس

Mystic Rukia
01-03-2010, 16:31
الموضوع مكرر
يُغلق ..