PDA المساعد الشخصي الرقمي

عرض كامل الموضوع : حوار بين الفيصلية والمملكة



الطائر الجريح
02-05-2002, 08:58
حديث دار بين الفيصلية والمملكة ..

السلام عليكم ورحمة الله وبركاته ،
تحيه طيبه وبعد ..

حوار خاص جدا طبعا هذا الحوار دار بين الفيصليه والمملكة ... عن موضوع الكل عارفوه ... بلاش ما احرق السالفه شوفووو ....

الفيصلية: السلام عليكم .... قوة ياوخيتي !!

المملكة : وعليكم السلام .. وشلونتس ( وشلونك بالعربي ) ياختي ؟

الفيصلية: بخير ياعلتس بخير ان شاء الله ... والله مشتاقه لتس ولسويليفاتس !!

المملكة: وانا والله أكثر .. وانشد وأقول .. يهتز قلبي كل ماحل طاريك *** هزة عماير بوش يوم أظربوها (مبنى التجاره العالمي ) صارت لبوش

الفيصلية : ظربوها ... صح لسانك ... شفتي ياوخيتي الله مايترك أحد .. ياهي كانت متغطرسة واجد ورافعة راسها علينا !! هالامريكية ... ( الحريم ما يخلون احد من لسانهم )

المملكة: أي والله الا وش دراك عن هالعماير يوم ظربوها هالمهبل

الفيصلية : والله كلمني برج أيفل ( فرنسي اشقر من قدووه ) بالجوال قبل يومين وعطاني السالفة .. وأنتي من علمك ؟

المملكة : يؤ .. الى هالحين تكلمين برج أيفل ؟ ياثقل دمه ياهو بثر ويحب السوالف اللي مهيب زينة !! اما أنا فكنت جالسة اتكلم مع برج العرب وقالي بالتفصيل ويا والله هدت حيل وتمصع قليبي يا ويلاه !!

الفيصلية: يابنت الحلال هذي سواة ربي فيهم هالكفار ياما تجبروا وظلموا

المملكة : ما يخالف ماقلت شي يستاهلون بس عاد بهالطريقة ... والله اني صارت تجيني ام الركب كل مامرت طيارة !!

الفيصلية : لالا ماشاء الله عليك ... انتي عندك هالفتحة اللي فوق تعدي منها الطيارة وتجلي .. أما انا والله جبهتي ظاهرة للمهبل !!

المملكة : عاد راسك ياوخية منتفخ بزيادة .. الاعمى لو خطف طيارة بيشوفك متبينة !!

الفيصلية : الا على طاري هالروجة اللي عندك !! ماشاء الله أشوفك بديتي توزعين بطاقات دعوة للحفلة

المملكة : هذي بطاقات الزيارة علشان يجون الناس ويتفرجون وياخذون فكرة عني

الفيصلية : يووووووووووه هذي طيارة مقبلة الله يستر من المهبل لا ينطحنا أسم الله علينا

المملكة : ان شاء الله مهوب صاير الا الزين !! حنا أساسنا التقوى والايمان وقواعدنا مستمدينها من القرآن !!

الفيصلية : أي والله ونعم بالله ، والحمد لله على نعمة الاسلام !!

المملكة : بس ياوخيتي ماتتوقعين هاليهود هم اللي خططوا وطيحوا عمايرهم علشان يرسمون طريقة يتخلصون بها على الاسلام ويحطون لهم قواعد في باكستان !!

الفيصلية : أكيد والله ، اجل وش سنع اتهاماتهم لعيالنا اول وثاني يوم من هدم العمارة وهم مابعد شافوا شي ولا بعد خلصوا من التحقيقات ، الا والله انهم مسوينها ، لكن هالمرة توعوا لهم المسلمين والله ينصرنا عليهم ويكفينا شرهم قولي أمين !!

المملكة : أمين ، يالله ياوخيتي كني أشوف طيارة جاية لها ساعة تدور بالعليا شكله يستهبل علينا !! ودي أسكر اللمبات لا تشوفني هالطيارة والله جتني ام الركب !!

الفيصلية : يووووووووه لا تهبلين بي ياوخيتي جاني مر ، بس الحمد لله حنا ربي حامينا وهاماتنا الحمد لله دايم مرفوعة

المملكة : الحمد لله


............................. هذا وتقبلوا فائق احترامي ..و الله يحفظكم ،،،،،،
منقول...

ChriStiNa AguiLeRa
02-05-2002, 09:19
مشكور

Vin Diesel
02-05-2002, 09:38
مشكوووووور ::جيد:: ::جيد::

eternal-saudi
02-05-2002, 10:53
ألف شكر لك أخوي ... على الموضوع الجميل ..:)

الطائر الجريح
02-05-2002, 10:54
شكرا برتني سبيرز واج ماكلين على الردود

الطائر الجريح
02-05-2002, 11:02
شكرا اخوي eternal-saudi واسف لاني ما رديت عليك