~~يوميات حنظله~~

[اماني العربي]

[center]بسم الله الرحمن الرحيم

حنظـلة الرجل الكمخـة المغوار ...
يصحـى باكراً الساعـة 12 الظهر ويصـارخ بالمنزل
أين الأكل أين الاكل
يافاطمـة
فاطمـة شغالـة مسكينـة ..
من جاكرتـا الجريحـة فيضانات تسونامـي مع بقشـة زلازل
تنهض فاطمـة المسكينـة لتصنع سندوشت بيض بالجبن مع ببسي !
يلتفت حنظـلة يمين ويسار وياأخـذ الريموت ويشعـل التلفاز ليتـه أنشعـل بجثتـه ليفتـر بين القنـوات
لم يضع قناة أخبارية او ثقافيـة او غصب 1 لم تردعـه سوى
قناة " مرقص " أسف أقصـد غنوة ..
يبحـلق عيونـه بالقناة حتى يصقـع أذان العصـر حنظـله في قلبـه أيمان سمع الأذان اغلق التلفاز وأنبـطح على الأريكـة ! ولكنـه لم يصـلي !
بعد الصلاة اتصـل صديقـه دحيـم
دحيـم : الو حنظـلة وينك
حنظلـة : موجود
دحيـم : هيا اطلع نبي نتمشـى ونتزبط !
يـأتي دحيـم بسيـارة ابـوه جمس 2009 أسـود أقصـاد !
ليتمشون بين ربعـان وانصاف الحـارة طبعـاً بالسيارة
والحارة كلها 6 في 4 يمديـهم ياخذونهـا رجل في عشر دقائق ..
يشغل الراديو دحيـم والا اغنيـة " هـذا الي شايف نفسه "
يترنحون كـا ريم و حنان بل هـم افضـل !
يصقـع اذان المغـرب دحيم بقلبـه ايمان يطفي الراديو
في هذه الاثناء صديقنا المترنح حنان أسف حنظـلة ..
يصرخ عاشوا ام ... مشفر للأحراج !
دحيم : هاه حنظـلة وين احطـك ابـي اودي اهـلي عنـد خالتـي
حنظلـة : عند الدلخ سعيد وتعال أحتريك " انتظرك " عنده
نزل حنظلة الدلخ المغـوار
حنظـلة : هلا سعيـد معك دخـان << حتى سلام ما سلـم !
سعيـد < انذل منـه مامعي الا الي بيدي ..
حنظـلة السلتوح بقيلـي ..
سعيد : مستغرب ومستهجن طيب
جلسوا سعيد وحنظـلة حتى أتى السيد دحيـم حفظـه الله
حنظـلة : يالله سعيد تبي شي سلام
ركب حنظـلة السيارة منتهيـة التمليك ..
حنظلـة متسائل : على وين ابو الدح << على باله يدلعـه
دحيم : نبـي نروح السوق روح غيـر وجيب فلوس
حنظلة : طيب ودني البيت
يدخل حنظلـة الدلخ المغوار الى البيت يصارخ على اهلـه بصوت وخطب رنانـة حماسيـة من بدايـة الباب لم ينقصـه الا ان يقول
" البحر خلفكم والعدو امامكم "
كـاانـه طارق بن زياد رحمـه الله ..
ام حنظـلة : هاه وش تبي ياوليدي
حنظـلة : بنظرة حادة ابـي فلووووووس << بغى يجيه شد عضلي بلسانه
الام مسكينة
تقول تبـي ريالين !
حنظـلة رده كان كقانون نيوتن الثالث لكل فعل ردة فعل مساوية له بالمقدار معاكسة له بالاتجـاه ولكن لم تكون كرد امـه بل أقوى !
حتـى نيوتن لم يضع قانون لـه
حنظلـة : ويش ريالين بزر انا اقولك فلوس تقولين ريالين ابي خمسين ريال
ام حنظـله : تبلع ريقها راده قائلة وش رايك نجبلك من البنك الخمسين تسليف ونردها اقصـاد !
حنظـلة : وين ابوي طيب الحين ادق عليـه
يتبع.........
/center]

[gaca]

شكرا والله موضوعك مرة حلو ضحكني ههه:d

و أهم شي التكملة

[اماني العربي]

حنظـلة متصلا على ابوه ابوي
ابو حنظلـه : هلا ياولدي وش تبي
حنظلـه : ابوي ابي خمسين ريال
ابو حنظلـه : ذا حس فكـاهي رد قائلا خير تبي تعرس بها ..
حنظلـة : ابوي تبي تعطيني ولا كيـف
ابو حنظـلة : خلاص ياولدي تعال
حنظـلة : وينك طيب
ابو حنظلـة : عند عمك خالد ..
ذهب حنظـلة برجلـه طبعـاً الى بيت عمـه خالـد
حنظـله داخلاً مطأطأ راسـه ومنزل غترتـه الحمـراء فاقع لونهـا تسـر الناظرين لأن عمـه خالد كافشـه بخلوة غير شرعيـه مع زقـارة !
حنظـلة : سلام
ابو حنظلـة : هلا بولدي تعال سلـم على عمـك
حنظلـة مقبلا على راس عمـه كيفك ياعمـي طيب
عم حنظلـة : تمام تمام !
ابو حنظلـة : سم ياولدي وهاه روح شوف أول شي اهلـك وش يبون
حنظلـة : طيب يبـه
ذهب حنظلـة الى بيتـهم صارخ متصارخاً قائلاً
هاه تبون شي خلاص يعني ماتبون شي وين جنزي والبلوزة الحمراء والبليت " الحزام " الابيض الي عليـه رسمـة صقر وين وين... الخ
حتى أن شهـود عيان شاهدوه ظنوا انـه سوف يطلب مكياج خواتـه !
لبس صديقنـا حنظلـة جميع الاشياء مع زيادة الاكسسورات من كليرز لكن رجاليـة ! وبخ من عطره ولكن ليس من تشانيـل بل من بسطة احمد البخاري علبتين بعشرة .. ونظر الى المرايـة ليقـول وكـاانـه البرينسيس ديانا متوهـم " كم انت جميل ياحنظلـة "
اتصـل على صديقـة دحيـم
أتـى دحيـم لابس مثل صديقنـا لكن برمودة لاجل التغييـر
ركبوا الجمس معـاً مقهقيـن قائليـن " والله اليوم نـبي نفلـها "
طلعـوا من الحارة مشغليـن " اوم اوأف وانت بتكلمني "
وبدأو بالترنـح ...
اقتربوا من المول وبدوا يترنحون اكثـر وأكثر فرحين بم عندهـم
تحسبـهم فرحيـن وقلوبهـم شتـى !
والنـاس والمارة مستغربيـن وهم متوهميـن أنهـم " كول " أوقفوا السيـارة بعد الترنح كالبنات حتى البنت تستحي انها ترنح قدام ريجيل !
نزلوا يبون يروحـون يدخلـون
نط حنظلـة قائلاً : بس يا دحيم عوائـل
نقز دحيم : هص ياطعس يابدوي ياحنس .. الخ من الكلمات المعروفـة العنصـرية البغيضـة
قائلاً انا مو اسمـي دحيم انا الحيـن اسمي خالـد << تخلخلت عظامك ياخلودي
حنظلـة : ههههههه يعني انت عمي
دحيم : يعقب لا بس عشان البرستيج !
حنظلـة عجبتـه الفكرة ويبي يغيـر اسمـه قائلاً
طيـب وانا اسمـي فيصـل
أتفقوا حنظلـة ودحيم على اساميهم الجديدة بعد توقيـع الجامعـه العربيـة اكيد بموافقـة الامم المتحدة !
حنظلـة : طيب كيف ندخل ..؟
دحيـم : انا أعرف السيكورتي هو ساكن بالحارة عندنا العبد المعصلق ذاك معتوق
حنظلـة : آه عرفتـه
راحوا لمعتوق
حنظلـة و دحيم : سلام يامعتوق هاه كيف الجو جوى << الي يسمعهم يقول خاشيـن بيت دعـارة والعياذ بالله كلـه سوق يادلوخ !!
معتوق : والله تمام وزحمــة بالمرة << جعلهم ما عتقوك
دحيم : تمام يالله نبي ندخـل
معتوق : طيب اصبر دقيقة خل الجو يهدا << متهيأ الأخ
دخلوا الاخوان حنظلـة ودحيم المول فرحيـن كاأنهـم قاطعيـن سباق الـ 400 متر محطمين الرقم القياسي للعداء الكيني لو درى الكيني ان فرحت الدلوخ مثل فرحتـه كان بنوا مول بكينيا للعوائـل ..!
وهم داخليـن لم يتركوا اي بنت أو أمراءه او مسنـة او حجـه او معتمـره او ..
الا وسوا لها مسح بالاعين المجردة كالمسـح الليزري بل هو افضـل !
وكل دقيقـه طلع دحيم جوالـه << يقالك فاهم
وحنظلـة المعتوه يرفع حزامـه ابو صورة صقر ذهبـي واذا شفتـه حزامـه مع انوار المول سوف تصيبـك عمـى الوان من شدة الأضاءة وانعكاس الضوء " راجع كتاب الحسن ابن هيثم في انعكاس الضوء "
وعند أنعكاس الضوء من حزام حنظلـة تاأثرت احـد الماره
ونظرت الى حنظلـة وهنا بدت الحكايـة ..
يتبع

[اماني العربي]

["
شاهدهـا خوينا حنظلـة المغوار وقال لصديقـه دحيـم
حنظـلة : شوف يادحيـم تناظرنـي وش أسوي ..؟
دحيـم : ياغـبي اغمـز سو أي حركـة << دحيـم مسوي فيهـا
حنظلـة ماكذب خبر قـام يغمـز ويسوي انواع الحركات من حك أذنـه حتى حك **** وكلهـا باءت بالفشـل !
البنـت شافتـه وفـي نفسهـا تقول " وش يبي الدلخ ذا "
قـامت البنت بمناورة خطيـرة كالطائرة الشبـح تلاحقهـا f16 فـي اجواء ضبابيـة ودخلـت محـل ملابس نسائيـة لعل وعسـى ينقلعـون عنـها
لكـن هيهـات من حنظلـة وصديقـه دخـلوا المحـل بلا حيـاء
ولسـان البائـع الهنـدي في المحل يقول
أنتا مافي هياء سوي ايش يبغاء انتا
والترجمـة للمتحدثيـن باللغـات الاسكندنافيـة
أن لم تستحـي فاصنع ماشئت !
فـي المحـل وفي زحمـة النساء والي تكاسـر على قطعـة بعشرين ريال !
مازال صديقنـا حنظلـة يغمز ودحيـم يطلـع جوالـه !!!!!
طفشـت البنت وطالعـت فيهـم وشافها حنظلـة وبغـى يغمـى عليـه << أمش يالرومنسي
وشمقت فيهـم
شمقت : حركـة لولبية للبوبؤ داخل العين لايتقنهـا غير النساء وهي للاستهزاء
شافها صديقنا الخبل حنظلـة ويحسب انها تغمز << لاتلومنـه ..
وطلعـت من المحل واصدقائنا وراها
وبـعد مناورات طويلـة استنزف فيها حنظلـة ودحيـم ثلاث علب مويـة
وايس كريم واحـد متقاطيـن فيـه من باسكن روبنز للمهايط
وجوال دحيـم من كثر ماطلعـة ولـف على الاسماء غلق الشحن ...
طفح الكيـل عند البنت ورجعـت لهم وقالـت : خيـرررررررررر !
ارتبك حنظلـة الكمخـة المغوار مايدري وش يقول
حنظـلة ردا قائلاً : انتِ وش فيك تناظريـن فيـه << على بالـه بالحـارة
قالـت : وانت ماتشوف صقرك الي معلـقـه في بطنك جعلك بالسمهري الي يهري بطنك << خبره دعوات عجايز ..
حنظـلة مستانـس ومبتسم : عجبـك !
البنـت : عجبنـي !!!! جعلنـي أشوف فيـك العجب والموت فـي رجب
حنظـلة : هيه هيه انتِ يالدعوجيـة .
البنـت : جعلك تندعج ولا يفكك ولا علـج بين حديد وتشرب الصديد
ياابن النـاس حزامك اعمانـي وشكـلك ملخبط وماتبـي احد يطالع فيـك !
حنظـلة : وش فيـه شكلي ..؟
البنت : وش فيـه !! انا حسبتك من فعاليات السوق جايبنك مهرج
أنقـلع لا اجيب الأمن عليك
وراحت نادت الأمن وطلـع معتوق المعصلق !
جاء معتوق عنـد حنظلـة ودحيـم وسوى قدام العالم فيـلم هندي
ويوم طلعـوا برى
معتـوق : انا مو قايلكـم لاتسون مشاكـل .؟؟
دحيـم : هـذا كلـه من حنظلـة الطعـس اول مرة يجي سوق < الي يشوفه يقول مو داخلين سوق يتمشون بالشانزلزيـة بفرنسـا
حنظـلة : أقـول مو انت الي تقـول سو كذا سو كذا !!
معتوق مقاطعـاً : خلاص خلاص روحوا لا يجي احد الحيـن ..
وهم خارجيـن
دحيـم : هاه والله اليوم فليناها !!!!! << معقـولة !!!!!!!!!!!!!!!!!!
حنظلـة : ايـه والله استانسنا <<< هههههههه
دحيـم : عطنـي جوالك ابي احط شريحتـي جوالـي مافيـه شحن ..
اعطـاه حنظلـة الجوال وشغل جوالـه وألاً برسالة
" وينك انت حنا عنـد بيت خالتك وخالتك نامت والوقت متاخر وجوالك ليش مقفلـه "
صـاح دحيـم الله يلعـ**** يا حنظلـة اهلي نسيتهـم عند خالتـي
حنظلـة : طيب ودنـي الحارة وروح لهـم
دحيـم : بس بيت خالتي قريب من هنا ومايمدنـي اوديك واروح ابي اتأخر
روح تاكسـي
دحيـم : يالله سلام اقابلك في الحارة
حنظلـة مفتش جيبـه مالقـى الا رقـم مكتوب فيـه فيصل << مسكين حالته
تذكر ان الخمسين راحت في بنزين وهبرقر وموية وايس كريم القطـة !
بدى حنظلـة يسحب رجليـة الى الخط السريع ويأشر عسى ان احد يوديـه حارتهـم العزيزة ..
وقف راعـي كامري مشبوهـه عند حنظلـة سائقها يعتقد انـه متخرج من الابتدائـي ليلـي داخل الجيش
راعي الكامري : هلوووو << على بالـه اجنبـي
حنظلـة : هيه انا سعودي لو سمحت تحلى بالاخلاق السعوديـة !!
راعـي الكامري مستغرب : والله احسبك فلبينيـة ممرضـة
اثرنـك < مدري كيف تترجم
طلعت ذكر !! خير وين تبـي
حنظلـة : قدام
راعـي الكامري : هذا طريقـي اركب ياولد عمي !!
وبدى راعي الكامري يحكي قصصـه مع الحارة الفلانيـة وش سوى في الحارة الفلانيـة وكيف كانت حياته وحنظلـة مستمع لـه
نزل حنظلـة الحارة ونزل وقابل سعيد وكالعـادة وجهه سؤال المعتاد والرد المعتاد من سعيد
حنظلـة : معك دخـان
سعيد : مامعي الا الي بيدي
حنظلـة : بقلي !!
غلق زقـارتـه دخل البيت لقـى امـه سلم عليها شغل التلفزيون اخذ الريموت حط على غنوة قعـد يتفرج اذن الفجر قال لحول الله مافي وظائف في البـلد !! نـام
أنتهـى
كتبـته : اماني العربي
يرجـى عند النقـل ذكـر المصـدر وشكـراً
ارجـو أن تكون اعجبتكم
والقـادم مذهـل[/]

[gaca]

خيتو أريد أن أقول لكي شيئ

انو راح يقفل موضوعك الحلو دا
وحد من المراقبين
يا دارك موون الحاقدة
أو زيرو هيرت الغيور

لعدة أسباب
أضن أن هذه قصة صحيح
فيجب أن توضع في قسم قصص الاعضاء تقبلي مني ولو كنت مراقب لكنت وجهتك بالطريقة السليمة
ونقلتلك الموضوع في مكانه الصحيح

بس في مراقبين مايستحقو يكونو من عائلة مكسات أصلا

تقبلي تحياتي
sasuke+naruto
iam new admin