{..صارت مشاكل وضرابات في المدرسة اليوم ..~

[امير الظلام؟؟؟]

اهليبن :)

حبيت اقولك شو صار اليوم في المدرسة < ربنا يستر

طبعا كان الوقت الفسحة

حيث يخرج الجميع للشراء من المقصف او بمعنى اصحح للخروج للتسمم من المقصف :confused:

ثم التكلم عن البنات و السيارات والخ الخ نفس ما انتم عارفين :مكر:

وانا في جزء اتكلم مع صديقي عن المنتدى ( احم احم .. :مكر: )

الا وشفت تجمع كبير و تقريبا اكثر من زوار الكعبة الشريفة <سف سف سف

و بعدين طبعا رحت اركض زي الجحس اشوف شو في

الا الاقي

99292 واحد يتضارب ( صادوا بس 10 اولاد غير المساعدة من الخارج و الاصدقاء هع هع فيصبح الناتج 26 )

و كان ضرابة اروع من ضرابة جون سينا و راندي اورتن لدرجة ان في واحد من الصف الثامن والله لو تشوف وجه تقول طماطم كبيرة

كله دم على خشمة و خشته :جرح:

و ناس تضرب في ناس غير طبعا الاحذية المتطايرة في الجو مثل الطيارات الحربية

وطبعا الاساتذه جايبه فوووووشار وقاعد تطالع :cool:

وما في غير 7 اساتذه فكوا الخلاف و مسكوا الطلاب


ـــــــــــــــــــــــــــــــــــــــــــــ
الجزء الثاني في نفس اليوم

بعد ما خلصت الفسحة والكلم يتكلم عن حرب فلسطين في الساحة خخخ

الا خلصت الحصة ورحنا حصة الرياضة الي هيه احلى حصة في الاسبوع

الحين جاء دوري انا خخخخ

طبعا في ساحة تايكواندوا

بعد لعب و تكسير و مسادحة بين الطلاب ( تعريف المسادحة : هيه مسك الطالب من رجله و قلبه على الارض باقصى قوى و ضربه ضربا و العب و المسخرة طبعا هذه مو ضرابة هذه مزح الاولاد خخخ البنات بينصدموا ( لسه يا حبايب ما خلصت القصة )

ولعب الكورة و اكل الحب ( بذور عباد الشمس ) و الفلسفة على الطلاب

لعبنا كورة قدم

المهم نكمل

بعد مرور 15 دقيقة

رجعنا نلعب مسادحة مرة اخرى ( ( تعريف المسادحة : هيه مسك الطالب من رجله و قلبه على الارض باقصى قوى و ضربه ضربا و العب و المسخرة الخ ...


وانا كنت مسوي هيرو بين الطلاب و كرستهم كلهم وما خليت ولا واحد ما سدحته ( تعريف المسادحة : هيه مسك الطالب من رجله و قلبه على الارض باقصى قوى و ضربه ضربا و العب و المسخرة

بعدين جاء ثنين من اصدقائي وسدحوني على الارض ( تعريف المسادحة : هيه مسك الطالب من رجله و قلبه على الارض باقصى قوى و ضربه ضربا و العب و المسخرة خخخخ

و كل الصف انقلب علي وكلهم قاموا يضربونا ضرب خخخخ < اخرة من يلعب مسادحة ( تعريف المسادحة : هيه مسك الطالب من رجله و قلبه على الارض باقصى قوى و ضربه ضربا و العب و المسخرة ههه شكلكم مليتوا من التعريف

وبعد شوي الا جاء واحد ورع اكرهه من كل قلبي و رفسني في بطني

وانا طيرت كل الناس الي على مثل سوبر مان و قمتله وانا معصب والله

وقالي ونحن قدام بعض

ابو عيون : علشان مرة ثانية تيجي تسبني .

محمد ( انا ) : اقول انطم والا بصفع امك يا ابن **** والله بزران جايه تتفلسف علينا اقول سير ***** احسلك والله

الا انا عصبت بعد كلامي هذه بثانية وحده و صفعته كف قوي

ومسكته و لزقته في الجدار ( طبعا حتى الان طلاب صفي يشاهدونا و حولينا )

والا اشوف بو عيون قاعد يدمع ومرة ثانية رفسته في مكان خاص بالرجال و بعدها ضربته في بطنه خليته ينطوي مثل القوس
وتم يبكي وهوه واقف يطالعني ( ما اوصف شكله والله كانه تمثال عنده دموع واقف يطالعني و يدمع )

وجاء الطلاب فقروا بينا

حمد مخاطبا ابو عيون : يابوي خلاص اسكت

ابو عيون : وبعصبية كثيرة جدا وجنون وهوه لسه واقف زي التمثال باااااااس اسكت ومعصب كانه اسد وهوه متجمد حتى الان ههه والله شكله يضحك كل الاولاد ضحكوا

وبعدين انا رحت و جلست على الكرسي وهو راح وجلس بعيد و يبكي

و الصف انقسم 27 طالب ÷ 2 = ما اعرف والله لكن خلنا نقول 28 احسن يساوي
18 عندي و 18 عنده

وتم يكلومني و يحاولوا يعرفوا شو حصل بيننا

و بعدين كل الصف تركوه وجاو عندي وتموا يخبروني شو قاعد يسوي وهكذه

و خبرتهم سبب مصارعتي معاه هههه

و الحبيب الحين خايف يكلمني اصلا

ترى انا كنت عاطنه وجه اكثر من الالازم الحين الخوف ملك قلبه مني < مغرور اصلي

و رن الجرس على البيت

انا رحت ركبت الباص وهوه راح باصه

ورجعت البيت وكتبت هذه الموضوع

بس حبيت اقلكم عن يومي

و الموضوع ليس منقول انا كاتبنه وانا صاحب هذه اللاحخظات

وتعلموا مني : لا تعطو حد وجه اكبر من الالازم وبسبب هذه الضرابة الكل في الصف يحترمني الحين هع هع وقبل كنت طايح من عيونهم

و نصيحة اخرى كن قوي خاف منك الناس كن ضعيف انقلبوا عليك الناس

يلا بكره بكتب موضوع جديد و بشوف بيودوني الادارة ولا لا

وهل ستحصل مصارعة اخرى بيني وبينه ولا لا

اعرف ان الضرابة مو شئ جيد بس اذا سكت عليه كان بيكررها مرة ثانية و بطيح من عيونه عشان كذه لازم تادبهم من اول دقيقة خخخ:)

انتظرونا مع يومياتي مع اصدقائي اللدودين

[Sylviano]

مرح’ـباآ اخو’وي (: ..

مشـاآء الله مو بمدرسه وانما بحرب >_> ..

بس زين سويت مع انـه العنف مو حل للمشاآكل ,, وفعلآ صح كلامك ما نعطي لاحد وجه ..

هنا يحترمونك صح ,, بس كويس دا كله صار بمدرسه اولآد ..

نحن مع الاسف حتى بمدرسة البنات تصير اخس من كذا المعلمات ينضربو :نوم:..

عموما يسلمو’و على القصه ,, وانتظر ابداعاتك القاآدمـه (: ..

[زعيـم العنكبوت]

السلآم عليـــــكم ..~

اممم .. والله شكلهآ كآنت مضآربة قويـــهـ .. ><
ودآيمآ مآ تجي المشآكل هذي إلآ على أيآم الإختبآرآت أو أيآم [ مآقبل الإجآزهـ ] ..~


وانا طيرت كل الناس الي على مثل سوبر مان و قمتله وانا معصب والله
يآقـــوي ... http://www.mexat.com/vb/images/smilies/biggrin.gif

وتم يبكي وهوه واقف يطالعني ( ما اوصف شكله والله كانه تمثال عنده دموع واقف يطالعني و يدمع )
كســـر خآطــــري .. ليش تضربــه :بكاء: :بكاء:..؟ >>> :ضحكة:

وتعلموا مني : لا تعطو حد وجه اكبر من الالازم وبسبب هذه الضرابة الكل في الصف يحترمني الحين هع هع وقبل كنت طايح من عيونهم
هل الإحتــــرآم يأتــي بالقـــوة والعنف والمضآربــة ..؟ :)

.. واللهـ يعيــنك بكراآاآ .. أول مآ تدخل المدرســـه بتروح دآيركت ع المديـــر .. هع ..~
وتعهـــد وجيب أبوك :لقافة:.. خخخ

يعطيك العآفيــــه أخـــوي على المجهــود في كتآبة الموضوع ..~
بإنتظآر يوميآتك القآدمـــهـ ..~
في حفظ الرحمن ورعآيتـــه ..~
تحيآتــي :تدخين:..~

[Ẳβµsed]

السلام عليكم ^^



محمد ( انا ) : اقول انطم والا بصفع امك يا ابن **** والله بزران جايه تتفلسف علينا اقول سير ***** احسلك والله

الا انا عصبت بعد كلامي هذه بثانية وحده و صفعته كف قوي

ومسكته و لزقته في الجدار ( طبعا حتى الان طلاب صفي يشاهدونا و حولينا )

والا اشوف بو عيون قاعد يدمع ومرة ثانية رفسته في مكان خاص بالرجال و بعدها ضربته في بطنه خليته ينطوي مثل القوس
وتم يبكي وهوه واقف يطالعني ( ما اوصف شكله والله كانه تمثال عنده دموع واقف يطالعني و يدمع )


ماتعتقد انه الحركه ذي كانت غير ضروريه :ضحكة: ؟
اتكلم جد يعني لو كنت ضاربه فالمنطقه الخاصه وفقد مستقبله <:ضحكة:
________________
المهم ثانكس فور ذا موضوع :p

[uchiha ietache]

99292 واحد يتضارب ( صادوا بس 10 اولاد غير المساعدة من الخارج و الاصدقاء هع هع فيصبح الناتج 26 )

شكلك بالغت شويهه:لقافة:
شكرا على اليوم الحلو
تحياتي..

[ṦιŁṽιά]

ههههههههههههههههههه
ترى حتى انا مدرستي فيها مضاربة بنات>>شد شعر_ كفوف على الوجه_ بعض الاحيان رفز<<

رفسته في مكان خاص بالرجال
هههههههههههههههههههههههههههههههههههههههههه

وبعصبية كثيرة جدا وجنون وهوه لسه واقف زي التمثال باااااااس اسكت ومعصب كانه اسد وهوه متجمد حتى الان ههه والله شكله يضحك كل الاولاد ضحكوا
وي حراام مسكييين
شكرا على الموضوع الحلو

[Miss Buggy]

ماشاء الله عليكم اتسائل ليه مايخلونكم تصارعون اسرائيل احسن


تقول ان البنات مايسون حرب إلأ حرب عالميه ولكن مو بضرب بالسب و شتم و غيره و حقران هذي اشد من الضرب تقدر تنزل قدر الواحد

المهم ماشاء الله عليك في المره الجايه كسر راسه تكسير ياأخوي ارحم الولد توه صغير تضربه احسن لك سوي مثلنا سب و اشتم و روح الفصل

ههههههههه

شكراً على الموضوع المضحك

[Brainchild]

هههههههههههههههههههههههههههه

حراااااام لاكن

اهم مقطع
وطبعا الاساتذه جايبه فوووووشار وقاعد تطالع
خخخخخخخ

احنا في شبقات بس مو مثلكم يعني امممم الصراحة انسيت كيف هع

اذا تدكرت لي رجعة

سي يو

[Řŏśę Ľŏņġİŋģ]

هههههههههههههههههههه

عن جد اندمجت في القصة.......بابطل::جيد::

بس عور قلبي الي ضربتة:(.....مسكين .....لكن اقول يمكن يستاهل:مرتبك: خخخ

بالصرااااحة عجبتني قصتك ياقوي:ضحكة::ضحكة:

لكن اتوقع ان انت بكرة في الأدااارة :موسوس:....... الضربة كااانت مو هينة لابعد طلع فوين كااانت:غياب::أوو:

بانتظااار جديدك.....

سؤال ؟؟؟؟؟؟:confused:

انت في اي مرحلة؟:لقافة:

[محبة كيسارا]

:ضحكة: :ضحكة:

يسلموو

[Queen Remo]

هــــــــــــــــــــــــــــــع <~ من قوة الصدمهـ :ضحكة:..~
اوخصآآت يا قوي مو سهل :لقافة:..~
بص تصدق مالهـ دآآعي المضارباات:تدخين: ..~
اما تعريف المسادحهـ فأنا حفظتهـ واذا بغييت سمعتهـ::سعادة:: ..~
لكن مدرستكم <~ اشك انها مدرسهـ :ميت:..~
لكن حلبة مصارعتكم:ضحكة: شي توني ادري انها هيييك:ضحكة: ..~
عندكم اشيآآآآآآآآآآء جديدهـ :ميت:<~ كفففففففف:غول:
يسلموو ع حلبة المصارعهـ :ضحكة:..~
قصدي ع القصهـ ..~

[ابتها]

واو وكانكم بمعركة مو بحرب

[plastic man]

السلام عليكم ورحمة الله وبركاته

كيفك ياسوبر مان هع


99292 واحد يتضارب ( صادوا بس 10 اولاد غير المساعدة من الخارج و الاصدقاء هع هع فيصبح الناتج 26 )

:eek:

حتى دول المجاوره خشت في المضاربه صح هذا الي تقصده

من العدد
:لعق:

تعريف المسادحة : هيه مسك الطالب من رجله و قلبه على الارض باقصى قوى و ضربه ضربا و العب و المسخرة الخ ...

ج1

هو مسك الطالب من رجله وقلبه ....

هع حسيت اني فختبار

التعريف حفضته عن ظهر قلب

والله ياخوفي مدرس الرياضيات يسالني يقولي

ايش تعريف المساحه

مسك الطالب من رجله و قلبه على الارض باقصى قوى و ضربه ضربا و العب و المسخرة

واقتها راح اروح مسخره عن جد خخخخخ


كن قوي خاف منك الناس كن ضعيف انقلبوا عليك الناس


صراحه مفروض يحطوها في كتاب الحكم

:p

انتظرونا مع يومياتي مع اصدقائي اللدودين

:مكر:

بنتظار اخر مضارباتك بس المره الجايه خلني ادش معك
لان يدي تحكني صراحه من زمان مادست واحد

ههههههههههه

وربك انك تحفه وطريقه كتابتك الموضوع شي ثاني

الله يحفظك لاهللك ويوفقك دنيا واخره انك خليتني اضحك من كل قلبي

الله يسعدك ياشيخ

نشوفك مع مضاربه جديده
:ضحكة:

اخوك

فاكهة الاتحاد

[Gthiç Lady]

احسن ضربته ما ينفع الا العنف
‏

[*reni*]

مشكور اخوي بس الحل مو بالضرب ^_^
انا فيه بنت مسوية حالها بزنس ويمن وقامت مرة من المرات كبت علي باقي من قهوة
طليت فيها وقالت لي بس امزح
بعدها بثواني قمت كبيت عليها نص علبة عصير جوافة وناظرت فيها باستحقار وقلت لها حتى انا بمزح
ومن ذاك اليوم صار احترامي مفروض على الكل ^_^

[mexem]

ليش انتا بأي صف ؟

[امير الظلام؟؟؟]

تسلموووووووون علي المرور الي اكثر من روعه ان شاء الله اكمل وش الي صار بس حساافه انتهت المدرسه:mad:
لانا رجعه بعد المدرسه والله ودي ارد علي كل رد بس زي ما انتم عارفين:confused:
ادرس ثالث ثانوي:cool:

[A.AM]

يبكي المسكين ليتني بفصلك والله لافزع معه
هههههه

ثانكس

واجد مضاربات اعرف واحد انسجن الله يخارجه

[littel-devil]

بتصير كاتب قصص مشهور في المستقبل نظرا للمخيلة الخصبة
:مرتبك::مرتبك::مرتبك:

[jono]

وأخيرا عرفت ::سعادة::

نبدأ الشرح >>مبرمجه ماأستوعبت ان الإجازه بدأت:eek:

اكبر مصيبه انك تحط مدرسة بنات ثانويه قدام (امام) مدرسة اولاد ثانويه.......

فغير اني صرت مأقدر انام بالحصص الممله (e وفيزياء)من التفحيط وغير ان الإذاعه الصباحيه جاري تحويلها بلغة

الإشارة لأن اخواننا في الله ماتعجبهم الإذاعه الا إذا كان الصوت يوصل لقارة استراليا وغير اسطول السيارات اللي

مسوي زحمه عند البوابه.......

عرفت من موضوعك سبب الزلازل وقت الفسحه ::جيد::

وبصراحه ضراباتكم فيها اكشن زي ضرابات البنات لكن الفرق انو في ضرابات البنات ماتشوف غير شعر البنات الي

يتضاربون وباقي المشاهد محجوبه :(

وكذا احسن لأني اذا شفت بنات يتضاربون تنسد نفسي:p

وشكرا على النصيحه لكن بغير فيها شوي.....

كن محترما يحترمك الناس غصب عنهم.......

وشكرا على الموضوع.......



سلام...........^_^

[Nistelrooy 17]

اما عليكم حماس من زمان على المضاربآت

يا كثر المدارس اللي فيهـا مضاربات ..

شكراً على الموضوع

تحيآتي