3000 ورده حب ,, يتعشى فيها خروفين ,,وهندي

[MOONWALKER]

سلملم , شحالكم :) المنتدى من جد ميت ميت ميت , رايح وطي بصراحه , مواضيع جامده لها شهر كامل ومااحد يدخلها , تذكرت عرض حليب نيستله اللي في اسواق العثيم , صح أن الحليب مذاق , وبستره سويسريه نخب أول , وأن سعره منافس , لكن فيه شي بالحليب مايجذبك , !!!! وشو ؟ ماااحد يدري , يمكن يكون ((( التكلف)) أو تحس أن اللي نزلوا الحليب يقولون (( أحمد ربك اننا رقيناكم لمرتبة البشر وصنعنا لك حليب ))
ماعلينا , المهم ,


http://saaid.net/htm/hoob.jpg

Valentine's Day أو يوم العشاق أو عيد الحب

كلنا نعرف وش سالفه العيد هذا , أو الاحتفال هذا , وماابي اطول شرح لكم فيه , أعرفكم على طول انفاسكم قصيره , فخلونا ندش بالموضوع ,

عندنا بالسعوديه الاحتفال بالعيد هذا محرم , ويتم محاربه كل شئ له علاقه بالعيد قبله بيوم أو يومين , محلات الورد هم اكبر خاسر بالمواجهه ,

لما رجعت للدوام من الاجازه اعطتني وحده من الزميلات ورده حمرأ مغلفه في بلاستك جذاب , ومعه رشه عطر ساحره , ولما اعطتني الورده قالت / كل عام وانت طيب ,

انا أخذت الورده , وقلت لها شكرا , طبعا تحملت ردها ((( يا**** وش فيك باااااااارد للحين ثلج لبنان في مخك كع كع كع )))

حاولت أقنعها انها اعطتني الورده كتقليد , مو حبا فيني , أو صداقتنا العمليه , (( فيه اعتقاد ان الورده ماتنعطى الا للحبيب الخاص, عشان كذا نص بنات الرياض ذيك الليله طامرن للاسواق لعل وعسى يحصلن واحد يصكهن برقم ويهديها دبدوب أحمر , وترد له الهديه بورده حمرأ :D )) , نرجع لزميلتي

قلت لها / انتي المفروض أذا تعزيني وتحترمين صداقتنا ماتهديني الورده هذي مره في السنه , المفروض كل يوم تجيبين لي ورده , حمرأ صفرأ أخضر , ان شاالله اشاره مرور كامله مو مشكله , ولما يجي عيد الحب اهديني شجره عشان اوقف سيارتي تحتها , خبركم الشمس بالرياض فرن الله يكفينا الشر :D

طبعا كانت ماسكه وصفه طبيه وتلعب بقلمها مثل عادتها , تطقه في راسها وتحس ان راسها يطلع منه صدى (( مافيه مخ :D ))

المهم , لما رجعت للكرسي وقاعد أصرف الادويه في قسم النسأ , مادريت الا والمطوع اللي داخ علي ومعه كرتون ,

وش عندك يالحبيب .؟

قال / جزاك الله خير , اخوي انت تعرف ان البلوى هذي عيد الحب اليوم , وابيك تساعدنا وتنصح بنات المسلمين انهم مايقلدون الغرب في السخافه هذي ,

قلت / تبي رأيي والله من ناحيه سخافه هي سخافه , انا حبيبتي أهديها كل يوم رساله بالجوال وشحن بطاقه (( خمسين ريال :D )) وبطاقه بريديه على الأيميل ,

قال / وشوووووووووووووو ؟؟ حبيبتك ؟؟ :mad:

قلت / لاياخوي ترى امزح امزح , انا مالي بالدنيا حبايب , الا فار عندي بالشقه بينا عشره خبز وملح وجبنه :D
قال / يااخي لااوصيك واطلب الاجر في الحاجه هذي ,

قلت / أبد ازهلها ,

طبعا اللي كان في الكرتون كلها منشورات واشرطه ,عن عيد الحب , وبرضو فتاوى, وصدقوني شفت مناظر لبنات ماااحد يتوقع انه يصير مثل كذا من بنات بلده , اعووووووووووووووووذ باالله , أصلا عشان اقرب لكم الصوره , شوفوا أغنيه الفنانه الامارتيه فاطمه , شوفوا الفيديوكليب وش قصته وراح تعرفون وش كنت اقصد بكلامي :)

لما خلص الدوام , طلع من عند بوابه المستشفى , وطبعا عند كل مستشفى لازم تلقى مليون محل ورد, وهدايا , الله لايوريكم , لقيت الهندي راعي المحل اللي على البوابه نفسها قاعد برى يصفق بيديه , ويعض نعاله بفمه واااااااااااااااااااااااااااااااا ,,,, واااااااااااااااااااااااااااااااااااااا ,

وقفت عنده وقلت / أيس فيه :D ,

طالع فيني وقال / مافيه ايس مافيه شاهي مافيه مويا مافيه ورد واااااااااااااااااااااااااااااااااااا

احوووووووووول وش اسوي بذا العله , :mad: طيب طيب هدي وقلي وش فيك ؟

قال / fg;lerefvblm lmetkmt tkmrt kmrt[wa ;lef;,rtkml etmgm

ترجمه :D / انا شغل محل ورد , اليوم الصباح هيئه ومطوع يجي ياخذ كل ورد احمر , ورد هولندي نمبر ون , مره كويس كله يشيل , هازا واحد ورده احمر , انا بيع 50 ريال , انا خساره ممكن كفيل : 1500 ريال واااااا

قلت / تستاهل , ومن قالك تجيب ورد احمر وانت تدري ان الهئيه والله ان تشيلك انت براسك لو شافوك لابس وزره حمرا يالغبي :D , طيب طيب ماعليك , متى هيئه يرجع الورد ؟

قال / هذا مطوع مايرجع ورد , هذا مطوع كلام , ,, انا يودي ورد حق غنم , حق عنز , خلي ياكل ورد

ماياكل تبن :D

انا طولتها وهي قصيره , ولي فتره عن الكتابه وماعرفت أظبط الموضوع ,

لكن عندي عده تساؤلات :

1\ ليش الناس ماتعرف تهدي الحبيب الا في عيد العشاق ؟ لو انه يعشق من جد مانسى حبيبه 359 يوم وتذكره يوم واحد :mad:

2\ ليش الهيئه ماتشيل الورد الا قبل العيد بيوم او يومين ؟ ليش مايمنع نهائيا ؟ او يتركون الناس تستورده وياخذون بالنصيحه لهم ,

3\ ليش مايكون فيه توعيه للبنات بشكل أفضل من كذا ؟ أفضل من أسلوب القلع والخلع , طالعوا في الصور اللي تحت وشوفوا كيف الاسلوب مو دعوى بشكل كامل ,


اعتذر عن اللخبطه بالموضوع , وان شاالله ارجع اعدله وقت ثاني

تشاو

http://saaid.net/mktarat/7oob/1_small.gif (http://saaid.net/mktarat/7oob/1/1.gif)

http://saaid.net/mktarat/7oob/2_small.jpg (http://saaid.net/mktarat/7oob/1/2.jpg)

http://saaid.net/mktarat/7oob/3eeedlove_small.jpg (http://saaid.net/mktarat/7oob/1/3eeedlove.jpg)

http://saaid.net/mktarat/7oob/aed%20alhob_small.jpg (http://saaid.net/mktarat/7oob/1/aed%20alhob.jpg)

http://saaid.net/mktarat/7oob/77ob_small.jpg (http://saaid.net/mktarat/7oob/1/77ob.jpg)

http://saaid.net/mktarat/7oob/3adel_OlKnQY_small.jpg (http://saaid.net/mktarat/7oob/1/3adel_OlKnQY.jpg)

http://saaid.net/mktarat/7oob/lov_small.jpg (http://saaid.net/mktarat/7oob/1/lov.jpg)










على فكره , حتى لو انا غبت عن المنتدى مااحد له حق يسرق مواضيعي وينقلها لمنتديات ثانيه , هذي حصريه لمكسات بس :mad:

[B.M.B&M.J]

لاتعليق على الموضوع لاني بطلت منتدى الاصدقاء والمرح نهائيــاً..:mad:



لااقصد الاهانه لموضوع يا مون..



لكنه وعد وقطعته على نفسي ..:نوم:

[Loreen]

لاتعليق على الموضوع لاني بطلت منتدى الاصدقاء والمرح نهائيــاً..:mad:



لااقصد الاهانه لموضوع يا مون..



لكنه وعد وقطعته على نفسي ..:نوم:

اجل وش جابك على هذه القسم وليش راد على موضوع مون.. :مندهش: :D :p :confused:

[MOONWALKER]

D.r Evil شكرا ع الرد اختي

[haneen alro7]

بندوره وش فيك بتموت

مشكووووووووووووووووووووووووووووور موني على القصه

اما الهنود عندكم انتكه يلبسون احمر وقت عيد الحب هذول الناس الي يفهمون

اي والله وانت الصادق لو ان المطاوعه يتكلمون معانا بأسلوب جدي وواضح مو لازم في كل كلمه تهديد

والله تلاقون كل البنات على خط مستقيم

((لكن الحمار حمار))

اما حكاية عيد الحب هذي ولا عمري احتكيت فيها اصلا توني ادري انها موجوده عندنا

اصلا في الحب هذا الحمر عندنا انتشر مدري وش قصته

على العموم انا مأطيق عيد الحب ولا اطيق غيره يلا مأعطيه وجه

طانك موني على الموضوع

[Dark Emperor]

السلام عليكم

اولا الحمد لله على السلامة Moonwalker , على اساااااس انا طالع من المنتدى و ما بكتب الا بمكسات و مدري ايش و كبريائي و بيتي و العفش و الدكتور قالي خطر على صحتي

على كل حال حمد لله على السلامة و اهلا بك من جديد و اذا غيرت نظرك بموضعي القديم تعرف كيف تلاقيني

المووووووووووهم

نرجع للموضوع


1\ ليش الناس ماتعرف تهدي الحبيب الا في عيد العشاق ؟ لو انه يعشق من جد مانسى حبيبه 359 يوم وتذكره يوم واحد

لانه حبه كلام فاضي و الحب الحقيقي يفسر بالكلمات بالمشاعر بالنظرات بالاحساس بدقات القلب اي شي غير مادي لانه يدل على انه الحب حيقي

اما و الله اذا جات على ورد و هدايا و بتاع ما نخلص من هاي السيرة

شوف هو ما في مانع انه الواحد يهدي م فترة لاخرى بالعكس يكون احسن , لكن مو يستقصد ايام معينة مثل الفالينتاين اللي اسسه واحد يهودي اراد تخريب الدين المسيحي فوق خرابه فتنصر ( ظاهريا ) و تسائل ليش القديسين ما بيحبوا او يتجوزوا ( فعلا الجواز ممنوع على اصحاب الدين في المسيحية و عندهم شروط اخرى صعبة جدا بالزواج ) المهم راح عمل عيد العشاق و بالنهاية المسيحين قتلوه هو و حبيبته ما اتذكر شنقا و للا حرقا بالنار , لكن المهم انه المؤسس يهودي و من تشبه بقوم حشر معهم !


2\ ليش الهيئه ماتشيل الورد الا قبل العيد بيوم او يومين ؟ ليش مايمنع نهائيا ؟ او يتركون الناس تستورده وياخذون بالنصيحه لهم ,

نعم يا حبيبي ؟؟ ليش يمنعوا الورد ؟؟ اذا الناس متخلفين ما العاقلين ياخذوهم بجريرتهم ؟؟؟

يشيلوه يومين و السلام اما على طول هذا اسمه ( اسمحلي ) تعصب زايد و انا اخوك


3\ ليش مايكون فيه توعيه للبنات بشكل أفضل من كذا ؟ أفضل من أسلوب القلع والخلع , طالعوا في الصور اللي تحت وشوفوا كيف الاسلوب مو دعوى بشكل كامل ,

الشغلة تربية منذ الصغر على الصحيح و كل ما كبر يبعد عن الفهم لما يوصل الى مرحلة : وان سفاه الشيخ لا حلم بعده !!!

لكن هذه القاعدة ليست اساسية على اي حال

المهم هو زيادة التوعية و الاهم هو الاسلوب لتجد الاذان الصاغية !!

المهم شكرا على موضوعك الحساس نوعا ما و المتأخر قليلا

تحياااتي

Dark Emperor

[FLASH MIX]

وشهوووووو عيده :eek: <<< هذي عجيّز شفتها بحديقه وبنتها تعطيها ورد وهدايا وتقول لها ( كل عيد امهات وانتي بخير :o )



يا هلاااااا والله فيك يا مون مكسات وأسفرت وانورت ومن طول الغيبات جاب الورد معه :نوم:

للأسف صارت تمر علينا اشياء كنا نجهلها او ان صح التعبير ( ما عبرناها ) وفجأه صرنا نواجهها بأستمرار ::مغتاظ::

ما ادري هل هذي الأشياء بتكون شي عادي جدآ للجيل الي بعدنا وبتكون لنا الأن كتمهيد ؟

شي غريب !

يعني فقدنا أصلا فرحة عيدينا أجل كيف بتكون الأعياد الدخيله :rolleyes:


ودي اطمبح على طول بموضوعك



عندنا بالسعوديه الاحتفال بالعيد هذا محرم , ويتم محاربه كل شئ له علاقه بالعيد قبله بيوم أو يومين , محلات الورد هم اكبر خاسر بالمواجهه ,

وهل هذا الشي بينفع ؟؟ ؟ ؟

لو يحاربون العيد و يداهمون المحلات قبل بسنه صدقني ما راح يتغير شي , لو يهدون بعض ورد بلاستك من محلات ابو ريالين ::مغتاظ:: , ( لا يغير الله في قوم(ن) حتى يغيرو ما في انفسهم )

فعل الهيئه مثل الي مثل انك تسد اذنين واحد عشان ما ياكل :نوم:



لما رجعت للدوام من الاجازه اعطتني وحده من الزميلات ورده حمرأ مغلفه في بلاستك جذاب , ومعه رشه عطر ساحره , ولما اعطتني الورده قالت / كل عام وانت طيب ,

طيب دليل تقبلك لهالهديه انك مو أول مره تستقبل مثل هالهديه :نوم:

معقوله للحين ما لقيت أجوبه على تساؤلاتك ؟



((( يا**** وش فيك باااااااارد للحين ثلج لبنان في مخك كع كع كع )))

سلطان وشلونك الحين عقب الفولنزا ان شاء الله أحسن ؟ :) , الله يعافيك ويقومك بالسلامه وعليك بالشاهي بالليمون


حاولت أقنعها انها اعطتني الورده كتقليد , مو حبا فيني , أو صداقتنا العمليه , (( فيه اعتقاد ان الورده ماتنعطى الا للحبيب الخاص, عشان كذا نص بنات الرياض ذيك الليله طامرن للاسواق لعل وعسى يحصلن واحد يصكهن برقم ويهديها دبدوب أحمر , وترد له الهديه بورده حمرأ ))

فعلها مجرد لفت انتباه , وأبراز تفتحها " المنغلق على ذاتها المتحسره "

وبالنسبه لبنات الرياض وشبابها , في ذيك الليله دق علي واحد من العيال وقال

عزيووو بالله منتب مشتي تكا :rolleyes: ؟؟ قلت وبراسك وبعد ما وقفنا عند هذا المطعم شفنا جمس الهيئه والمتعاون وقافون
ومطلعين من داخل المحل " قسم العوائل " واحد وخويته ومعها وحده بس انحاشت ويركبونه في الجمس والبنت واقفه ومعها مطوعين

ويطلع مطوع اخر من المطعم ومعه ورد احمر ويردد للمطاوعه الي يركبون الشاب

( لاااااه وقضية حيازة ورد ؟؟ ) كلمة حيازه انا حطيت تحتها استفهام

قال خويي " ياخي ما امهم داعي , لو انك مديت وصار لك كذا , المفروض يكونون ساترين على الناس اكثر مهوب قدام الناس يمسكونك ؟ )

قلت له : انا معك بالنطقه الثانيه بس الأولى اعتبر البنت اختك وجاوب على نفسك !!


قال : جانا الهيئه الثاني , اقول انزل ولا تنسى بوكك مثل العاده تراك عازمني :p



ومن هالموقف الي صارلنا , تقدر تحط خطوط عريضه على تعامل رجال الهيئه لأنك تشره عليهم ما تشره على ناقصين العقل ::مغتاظ::




ولما يجي عيد الحب اهديني شجره عشان اوقف سيارتي تحتها , خبركم الشمس بالرياض فرن الله يكفينا الشر


لو بتصير بأكون أول العشاق :rolleyes: , بس في حر الرياض ما راح تنجو من التتنيحه بعز الحر بعد ما تركب موترك ونفسك خايسه :نوم:



طبعا كانت ماسكه وصفه طبيه وتلعب بقلمها مثل عادتها , تطقه في راسها وتحس ان راسها يطلع منه صدى (( مافيه مخ ))

مهوب ما فيه مخ , بس هذي للحظه ندم على أبراز نفسها بالشكل ;)



طبعا اللي كان في الكرتون كلها منشورات واشرطه ,عن عيد الحب , وبرضو فتاوى, وصدقوني شفت مناظر لبنات ماااحد يتوقع انه يصير مثل كذا من بنات بلده

الله يجزاك خير بس صدقني ما راح تنفع ;) , وهذا الفعل مثل ما يقول جدي ( فسوة ديتس )

بس صدقني يا سلطان انت ما تجي ربعي باللي تشوف :نوم: :نوم:

تسمع عن بنات يتعاطون مخدرات

بس اسمعها مني : بنات يحششون قدامك !!!!! , وقتها حسيت ان هالبنات هم الذئاب , وانا الصيده ::مغتاظ::
وقتها شعوري كان ان شخص يسحب صدري وقلبي للأمام , وأحس رجليني وفخوذي ما تقدر توقف
ما ادري شعور بالرهبه ولا الضمير المتهالك :نوم:




التسائلات : - مع ان ما لها اجابات , بس ودي ازيدها بتعليقي :)



1\ ليش الناس ماتعرف تهدي الحبيب الا في عيد العشاق ؟ لو انه يعشق من جد مانسى حبيبه 359 يوم وتذكره يوم واحد

متأكد من عدد الأيام انت :rolleyes:


2\ ليش الهيئه ماتشيل الورد الا قبل العيد بيوم او يومين ؟ ليش مايمنع نهائيا ؟ او يتركون الناس تستورده وياخذون بالنصيحه لهم ,

وليش الناس على تعب الهيئه وتذكريها , واتخاذها اسلوب الجفاسه والقوه بالتعامل , ما يجدي مع الناس :نوم:


3\ ليش مايكون فيه توعيه للبنات بشكل أفضل من كذا ؟ أفضل من أسلوب القلع والخلع , طالعوا في الصور اللي تحت وشوفوا كيف الاسلوب مو دعوى بشكل كامل

لو كان باللين اجزم لك ما راح يرد صوتهم الا الي له ضمير وحتى لو كان ضميره متخبط

بالنسبه للصور , تقدر تقول انها اجتهادات شخصيه ضررها اكثر من نفعها :نوم:









اعتذر عن اللخبطه بالموضوع , وان شاالله ارجع اعدله وقت ثاني


ما يحتاج الموضوع ميه ميه وينفس عن ما في القلب , ويكفي ان هالموضوع من منسوجات خيالك الواسع :) :rolleyes:




والف شكر حبيبي , وأتمنى منك ما تقطعنا يا قلبي :)


دمت بصحه وعافيه لمحبك - عبدالعزيز

[MOONWALKER]

x13x aLeXa x13x الا أعرفك اختي واتشرف بردك بموضوعي, أقسم قسم ماني حانف ولاني كاذب , اني لما كتبت الموضوع تمنيت انك تكونين من الاعضا اللي يكتبون رد فيه , واصلي تفاعلك الجميل ياأختي الكريمه , وحكايه أن اللذين يعلمون هكذا , هم تافهين أواغبيأ أو عنز بدو طاحت في مريس (( انتي كتبتيها بشكل ثاني ,, )) حكايه اني اسب واشتم اللي انا اخالفه هذي حاجه ماأحبها , وماراح أسويها في يوم ,

وحكايه الفالنتاين بالتفصيل عارفها , واذا حابه تفيدينا بأشي شي جديد أكون شاكر لكي , والموضوع انا لما انزله بالمنتدى يكون من حقكم انتم , واكون انا الضيف فيه , وانتم اهل البيت , تقبلي أحر واصدق تحيه لكي يااختي العزيزه ,

[Black Legend]

السلام عليكم

اولاً اشكرك على مواضيع اللي تضرب في الصميم و خاصة في الامور اللي تستحق النظر فيها فعلاً. ::جيد::

المهم...


انا لا اطيق هذا العيد, بالاصح افضل انو يتسمى ( عيد الحب الكاذب ) لأنو نادراً ما يكون الحب اللي يقولوا عنه هذولا الناس كلام فاضي... وخاصة انهم يدّعوا الحب و هم اصلاً ما يعرفوا بعضهم, او كل واحد ضاحك على الثاني و يقول انا احبك ! :mad:

واللي يحاول يقول لي انو هذا العيد ما فيه شئ, انا اقول له ( سلامة عقلك )



1\ ليش الناس ماتعرف تهدي الحبيب الا في عيد العشاق ؟ لو انه يعشق من جد مانسى حبيبه 359 يوم وتذكره يوم واحد
لأنه تقليد اعمى للمجتمعات الغربية , واصلاَ انت ما تعرف اذا كان الحب اللي يقولوا عنه الغرب حقيقي ام لا.

و احنا, المجتمع العربي, ما تركنا شئ الا و قلدناه فيه, بدئاً من الزي و اسلوب المعيشة الى الحياة الاجتماعة من كل النواحي
يعني هذه فرقت ؟



2\ ليش الهيئه ماتشيل الورد الا قبل العيد بيوم او يومين ؟ ليش مايمنع نهائيا ؟ او يتركون الناس تستورده وياخذون بالنصيحه لهم ,
والله بالنسبة لهذا السؤال, ما عندي اي رأي غير انه ما عندم اسلوب مناسب فعلياً , ما يقدر انو يتعاملوا بالشكل المناسب مع الوضع اللي حاصل !

وزي رأي الاغلبية, تعصب زائد عن الحد و الفظاظة في الاسلوب... :mad:

و لكن, لن يتغير الوضع , ما لم تغير الهيئة اسلوبها في التوعية بالنسبة لهذه الامور




3\ ليش مايكون فيه توعيه للبنات بشكل أفضل من كذا ؟ أفضل من أسلوب القلع والخلع , طالعوا في الصور اللي تحت وشوفوا كيف الاسلوب مو دعوى بشكل كامل ,

لأنو العامل الاول للتوعية هو تربية الاهل لها... للأسف 90% من مجتمعنا العربي, يهمل هذا العامل, ويدعي انو الفتاة تحب التقليد في كل شئ دون سبب !!؟ :confused:

و بعض الاحيان ينتبهوا الى هذا العامل و لكن بعدما لا يمكن تعديل اخلاق الفتاة... او عندما تقع في مصيدة الكذب ! و تحطيم البراءة


هذا كل ما لدي الان, وشكراً على الموضوع مرة اخرى

Black Legend