العقد النفسيه في أطفال السعوديه

[jo0jo01416]

السلام عليكم و رحمه الله و بركاته

منذ طفولة الطفل السعودي .. وهو يتعرض للإضطهادات .. والترجيم والتقبيص .. وحتى لو كان الطفل جميلاً ... فلابد أن يأخذ نصيبه من تقبيص الخدود ... وطبعات أرواج الحريم على الخد من أسوء ما يتعرض له البزر السعودي ... خاصه أن كان هذا الروج من أسواق السويلم أو أي محل من محلات أبو يمن طاح بالمرق قعد له ساعه واحترق ;)





عقدة الأسم





في بداية الولاده ... أول مايتعرض له البزر السعنن .. هو الاضطهاد باختيار الاسم ..:بكاء:
عزيزي المواطن ... إذا كان اسم أبوك أو جدك خليّوي وإلا نبهان .. وش ذنب طفل توه طالع على الحياة يتسمى هالاسم ؟. :(
قمة الاضطهاد وضيقة الصدر لما الواحد صغير واسمه أسم شايب :بكاء:.. وش هالعيشه ياعالم ؟



أو مثلا يطلع على الدنيا واسمه متعب والا حزنان .. سلامات ؟ :بكاء:
لو يجيه ضيقه والا شي قال بس هذا من اسمي ...

أصلاً من السنه أنه الواحد يختار الأسم المناسب والي له معنى حلو لولده .. :)


وبالمناسبه بقولكم سالفه ..

مره وحده في البنك أسمها وفقه :مندهش: المهم إنها غيرت أسمها .. وتسولف مع خالتي .. قالت لها خالتي تحبين نناديك بأسمك الجديد والا وفقه ؟ :D
قالت لاااااااااااااا تكفين لاتذكريني :eek:
هذا أمي وأبوي تهاوشو مره .. وامي حامل ... قام قالها تروح لبيت أهلها
راحت لبيت أهلها وولدت .. وسمت بنتها زعله :مندهش: المهم أنه رجعها .. يوم رجعها حملت بعد .. احتفال:D وجابتني وسمتني وفقه .. يعني انهم رجعو يتوافقون وكذا .. :مندهش:

المهم ان ذي وفقه غيرت أسمها بس للحين زعله ذي ماغيرته عادي مخليته على ماهو ..

الحين ... وش ذنب الطفل تسميه بالظروف الي تمر عليك .. :محبط:
انولد بالعيد سمّوه عيد .. انولد وشكله مقبول ووش ملحه .. سموه مقبول:مندهش: أنولد بالشرقيه سموه بحر :مندهش:


سلامات يآعالم .. خلاص فكو بزارينكم من ذا الاسماء .. :D

عاد فيه ناس ع بالهم راقين ويختارون أسماء جديده .. والاسماء نكته أو مناها بايخ .:D.



عقدة منت ولدنا

:محبط:


اللهم آجرني يارب .. ياخواني سووو فيني سواة .. قسم بالله انه حتني وسوسه صدق:مندهش:
عاد نعرف وحده من أقاربنا جايبه ولدين من البوسنه والهرسك ..
قلت صدق لو اني مثلهم أهلي جايبيني مناك وش دراني .. ماقالوه اخواني عبث :(
بالاخير يوم أني كبرت شوي عرفت أنهم مجرمين .. :D
وصرت أنا أسويها في اخوي الصغير بس على أنجس :D
كنت آخذ بالحديقه الخلفيه ظلاااام .. واقول محمد أنا جنيه ماني أختك بس متلبسه .. واختك عندنا هناك ذبحناها بس ياقي نذبحك انت :D
بس والله ياجاني ضررررررب من أمي بعدها .. لان الولد فعلا خاف :D
لا تلوموني الي اسويه هذا كله من اخواني الي اكبر مني ..
مدري ليه كنا دايم نخوف بعض .. والله إني اذكر وجه أختي في الظلام يوم توخر البطانيه وتطل بوجهي تروعني:D ينعن صدق :D

طبعا أتوقع مافيه أحد ما أنقال له منت ولدنا .. :D

عاد أنا على بالي حساسه .. أخذ ملابسي وأطلع للحوش :مندهش:.. يعني أني بطلع من البيت كني مطلقه :D ياربي لك الحمد بس عاهه منذ الصغر




عقدة أخوك الصغير



سبحان الله الأهل السعوديين ماعندهم روح الحريه والاشياء ذي .. وان كل واحد حر بأشيائه
:(
يعني دايم الكبير يضطهدونه عشان الصغير وإذا قال شي
قالو له انت الكبير وهذا الصغير
ماينلامون اذا قامو يفغصون أخوانهم الصغار ..:(
أبو الحاله الي كذا ...
تخيل أنت مدلع وتنام بين أمك وابوك ..
وتستلعن أحيان .. وتقول ماما بوسي بابا حرام نايم :مكر::D وتصورهم بلوتوث<< ماصار بزر ذا شيطان صغير

المهم وتمر عليك الايام وتتشوت من الغرفه وتنام في الظلام الحالك لحالك :D
ليه ؟
عشان اخوك الصغير وانت كبرت خلاص .. أبو القهر الي كذا :بكاء:

عشان كذا أنا أقترح الاب والام لما يجيبون طفل ثاني يذبحون الاول :eek::D
الجد عاد لما يجيبون طفل ثاني يساوونهم بالمعامله ... ولا يحسسون الاول انه ذا الصغير الفطفوط جاء مكانه وأخذ الدلع كله ...



عقدة أخوك الكبير


ياشين الاهل الي يحسسون الاخ الكبير أنه أبو سري ( على وزن عريف سري ) :مندهش:
مثلا أبي اطلع للبقاله ...
لا ماتطلع لازم معاك أخوك الكبير ..
لو استبدلوها مثلا لا تطلع لحالك نخاف عليك أحسن :)
أو مثلا أخوك الكبير لا تتكلم عليه ... لا تقول له شي خله يمسح فيك البلاط .. كبير هو ..
وجع :mad:


أجل ياعالم هذي ما انساها أبدا :بكاء:
مره وانا صغيره واحد من إخواني .. يقول يالله خنتسابق من ياكل مناديل أكثر :(
و أنا يا قلبي أكلت مناديل كثييير مره :( واتغصب عليها عشان أفوز ..
وبالاخير صار هو يرميها وانا أبلعها صدق ..
ولا انقاله شي :بكاء:



عقدة المدرسه


آآآآآه :(:(:(

أكره ياعالم أساتذتنا .. أكرهم .. جواهر وساره اكرهم كره ماهو طبيعي ...
كوابيس ماهم أساتذه ..


أول مادخلت أولى كانت أستاذتنا جواهر تدرسنا كل شي بالحياة طبعا .. بتاع كلو :D
المهم أننا وقتها نخاف مره ... وكنا نحسب للمدرسه حساااب . نحس انها مب انسان .. نحس أنها ملاك شي مو طبيعي ..
نقدرها مررررررره ..
المهم ان جواهر ذي من زود الفسقه مدخله بروسنا انها تشوفنا بكل وقت ..

والله ياني تعقدت .. معاد أبي ادخل الحمام :D أخاف تشوفني بعد :(
ولا عاد ابي امي تروشني أستحي اخاف تشوفني وامي تروشني ..
يعني مره صارت حالتي صعبه
مادريت أن جواهر مثلها مثل اي انسانه .. :D
تقوم من النوم .. وتجينا وتحط كعكع وكحل سايل
وترجع تطبخ دجاج ورز وتاكل هي وزوجها وعيالها ..
ولاجابت خبرنا
أجل فاضيه هي تراقبني وانا أتروش :p

بس أكتشفت أنها نصابه ماتراقبنا يوم وصلت ثاني ابتدائي ..


أما الثانيه ساره ..

آآه ياقلبي للحين أتذكرها هي والعلك حقه :D
والله ياني أنضرب ضرب منها ..
واذا جيت البيت لين اخوي بعد مضروب يدينا حمررر:D .. الله يعظم أجر اميمتي :D

المهم ان ساره ذي كانت تضربني عشان جدول الضرب ..:محبط:

والله ياعالم للحين .. ماحفظت جدول الضرب .. و ناويه أدخل أدبي لاني كرهت شي اسمه رياضيات ..

الدراسه في السعوديه مب تعليم الا تعقيد خصوصا ع ايامنا





عقدة شوفي فلانه



أشين شي بالحياة أنك تقارن شخص بشخص
لكن والله غلط هالحركه مايجي منها الا الحقد ترى :(

أعرف وحده الله يهديها .. كل ماسوت بنتها شي قالت شوفي ... ..
إلى يوم حسيت البنت كرهتني :مندهش: جد احس علاقتنا مو عاديه أحس فيها شي
ومتأكده أنه رد فعل من كلام امها الله يهديها بس
:محبط:
عاد البنت عشان تقنع أمها إنها احسن مني بأمور تقوم تقول الاشياء الشينه فيني :eek:


أنا كنت أقول لاخوي شف فلان ووو بس الحين تأدبت لكل واحد مساوئه ومحاسنه ماله داعي المقارنات ..

المشكله ..في آباء يسوون ذا الحركه .. بس لما ينجح ولدهم ويتفوق على فلان الي يقارنونه فيه ما يكافؤنه ولا شي ولا يحسسونه انه فعلا أفضل دام الدعوه جدول مقارنه ...:مندهش:




عقدة عيب

أما عيب هذي الكلمه :D أستغفر الله بس .. ياكثر ماسمعتها ..
أحيان نفز واحنا صغار ..

عيب لاتجلسين كذا :مندهش: عيب لاتقولين كذا :مندهش: كل شي عيب عيب عيب ..
لين تجيك ردة فعل وكل شي عيب تسوينه :D

يعني وش فيها لو مثلا شفتي بنتك الصغيره جالسه جلسه ماهي زينه
قولي لها اجلسي كذا حبيبتي هذي الجلسه مو حلوه

مو لازم تروعينها وعيب وتمسكينها وتجرحينها من الحماس :مندهش:





الكراتين الحزينه

صراحه ماقول الا حسبي الله عليهم :D
أجل سالي وهايدي .. كيف كنا نطالعها .. وربي اني ابكي عليهم ..
أبو النفسيه الي كذا ياعالم .. ليه يفرجونا على كراتين تحزن ؟
:مندهش:
واتذكر بعد ذيك الانشوده
(( وصلو علي صلاة لا ركوع لها ولا سجود لها لعل الله يرحمني ))


هذي الانشوده ما انساها مستحيل لاني جلست سنتين يمكن وأنا اصحى الليل أبكي :(
أهلي تعبو معاي مره .. الي يقول جتها عين .. كل شوي موديني لشيخ يقرا علي
ومن هذا مويه ومن هذا حبة سوداء :D
ومادرو ان علتي من هالانشوده .. كنت أسمعها ...
وتخيلو أني ابكي اقول لاعاد تشغلونها .. ومن البثاره اخواني يشغلونها و يضحكون على ان بكيت :بكاء:

واجلس ابلع عبرتي ... لين تجيني تكه ولا انام اليل
وربي ايام مستحيل أنساها .. احس انها يام خنقه :بكاء:





الحروب

أتذكر مره شريت أفلام كرتون بالفديو الصغير وكانت حرب وماتو اهل البنت
بصراحه استغرب ليه للحين دموعي ماخلصت ؟ :مندهش:
وجد كان شي كأنه حقيقه تروح تتذكر اهلها .. وموسيقى تجيب الهم

ماكأنه لاطفال أبد ... أتوقع لو أشوفها الحين أكيد ببكي .. كيف لمن كنت صغيره
لا واتذكر اني كنت أتحمس مرررررررره ..



أعرف وحده .. صغيره هي .. وكل ماجلست معها تقول لي قصة فلم رعب .. طبعا تقولها لي وهي منبهره وجهها كذا :eek:

واحس قلبها يرقع ..





عناد

:rolleyes:


عناد الاطفال يونّس .. لكن داخله يولد شي يشبه النذاله كذا ::مغتاظ::
يعني أتذكر دايم أخواني يعاندوني وانا صغيره ... تحترق اعصاابي :D .. وحده من خواتي تسوي حركات بوجهها .. وكنت أطالعها وانقهررررر :D

لين صرت مثلها أطلع العقد الي تسويها فيني بغيري

أحلى حل ..





إذا كبرتو



من كثر ماكانت تنقال لنا صرنا نتمنى اننا نكبر بسرعه .. :مندهش:
والحين يوم كبرنا ... كل العالم أشوفهم رازين بتواقيعهم وعناوين الموضوعات ( كبرنا وليتنا ماكبرنا )
والي جالس يشعر ... ويقول ( ياليت ان الزمن يرجع ورى والليالي تدور )
والي تقول ( ليتني طفله كبر همومي لعبتي )

جتنا صدمه :D.. توقعنا ااننا اذا كبرنا بنصير وناسه ... وتتحقق كل احلامنا
من كثر مايقولون اذا كبرتو ..

المشكله أننا نشوف وجيه الكبار دايم معبسه ونفسيتهم خايسه .. بس مافكرنا زين :D


في النهايه أرجو أن الموضوع نال على رضاكم .::سعادة::.. ما أوصيكم بالردوود :)

[ў ų ř ĭ]

:D

مشكورة على الموضوع لكن بس أهل السعوديـه اللي يسون كذا :confused:

بس كانو اهلي يسون كل هذا فيني الا اسمي الحمد لله :p

على العمووم مشكورة مرة ثانيــة وتسلمي قلبو ::سعادة::

تقبلي تحيااتي

:cool:

[A.m.B.r.T.o.R]

مشكوره أختي علي الموضوع

والله ممتاز

وخاصة عقدة الحروب في ايامنا هده

والله شي فظيع ياأختي

[راعي الـ VTC]

مشكووووره

وكل كلمج صح
بس انا مش سعوودي
بس كانت العقدة النفسيه مثلكم
بس الحممممممممدلله أمي وابوي
ما أسمووني على مشاكلهم الحمدلله أسمي حلوووو >>أحمدك يارب<<هههههه


شكرا على المووضوووع

[jo0jo01416]

:d

مشكورة على الموضوع لكن بس أهل السعوديـه اللي يسون كذا :confused:

بس كانو اهلي يسون كل هذا فيني >> يا حراام :p

على العمووم مشكورة مرة ثانيــة وتسلمي قلبو ::سعادة::

تقبلي تحيااتي

:cool:

ايه والله يا عمري حناّ دايما معذبين << تكفيين :d
تسلمين على المروور حبيبتي

[Nice *_^ girl]

هههههههههههههههههههههه
صدقتي والله .. كل كلمه قلتيها صح
لمن كنت صغيره كانت امي تمسكني محاضره سميتها محاضره (( عيب )) كنت اتمنى تخلص المحاضره علشان اسوي عكس الي قالته امي واقهرها << نذاله
اما اخوي اتعقد من اسمه لان الي ينادونه يشيلون الالف واللام فهو يتنرفز وينقهر > وانا اشيل اللاف واللام علشان اقهره :مكر: بس بعدها امي تهاوشني بس انا اعاند واقهر اخوي :مكر:

يسلمووو على الموضوع الرااائع
ننتظر جديدك

[ṀỹŞŤΣЯίỐμṨ]

ههههههههههههه
والله حلوووووووووة
تسلميي يا صغنونه

[خفوق]

اقســــــــــم بالله ان كل كلمه قلتيهااا
صدق كانج تقصديني
والله اسلوبج روووووووعه
دبحتيني من الضحك
اما عن العيب هذا اللي بغيت استخف من هذه الكلمه جلطوني الى الان
اما عنى الانشودة هذه للعفاسي >>هههههههههههههه
ليه تبكين ههههههههههههههههههههههههههههه
اما عن الرســــــــــــــوم الله يعين
لا هذه تهون عند ليدي اوسكار
اما الرسوم اليابانيه اللي ماتوا اهلهاااااااا
اقسم بالله انه اذكر متى جات اي يوم ومتى
جات يوم الجمعة الظهــــــــــــر
والله اني بكيت لين شبعت
عيوني صارت شخوط كوريه
صرت افكر ليه الحرب تعقدت ابكي
وامي تقول يالخبله رسوم ويسبوني
يسموني في البيت بكايه
ااااااااااه تقطع القلب ذي الرسوم
تخيلي جات على الشراقه من زمان وعلى طول سجلتهااا
وحتى اني شايفه الاعادة بعد ابيكي
اما عن البرزوه واساميهم والله الغلط على اهاليهم مايفكرووون
كان معي بنات اساميهم غريبه عجيبه وحتى مالها معاني >>ماساهـ
هملو اسامي الصحابه وقامو يسمون على خرابيط >>استغفر
ااااااااااااااااه شكلي طولت الصراحة الموضوع عجبني كثير
يلاه سي يو في مواضيعك الجايه
تعبت وانا اكتب
^ــــــ^
تحياتي ^^

[لورا <<]

مشـــــــــــ::جيد::ــــــــــــكوره
...................هذي أيام أتذكرها حلوه
...........................

خاصةً ....( وصلو علي صلاة لا ركوع لها ولا سجود لها لعل الله يرحمني ) ....
......................

أتذكر أخواني يخذون الجراد ويدفــــــــ:eek:ــــــــنونه

[alro7]

قوة<<على طاري السعودية يعني:d

الاسامي اهم شي:تدخين:

والله ناس يكسرون الخاطر على بعض الاسامي اللي يتسمون ابها:ميت:

وبيني وبينج اعرف وحدة اسمها حاوية السبب انو في وقت الولادة امها داست على حواية صغيرة :تعجب:

وثاني اهم شي بالنسبة لي طبعا

عيـــــب صدقتي في قولها

كلشي عيب واذ سالتي ليش عيب يقولون ليش عيب مايسالو او لانو عيب

وتقبلي مروري

مدري احس اني خاشة عرض:موسوس:

[princessa sosa]

ههههههههههههه!!!!
موضووع روعه
مشكووره ^^

[ناروتو وبس&]

والله مأطيب من العوائل السعوديون واحسن تربيه يربونك على الدين الصراط المستقيم

واشكرك على الموضوع

[مهوجـس]

موضوع قميلـ :أوو: >> مشكورهـ ع النقلـ × × ×

[XxSHADxX]

هههههههههههههههه
موضوع يفطس من الضحك
وعلى قول المثل شر البلية ما يضحك
يعطيك العافية على الموضوع

[@طعس@]

السلام عليكم

كلام سليييم ميه ميه وفعلا عقد ما تروح مع الزمن ولكن ايش نسوي بصراحه احنى عايشين في مجتمع ولازم نتحمله >> بالنسبه للاغلبيه اما انا اقول لازم نطلع منه لاني مو مجبور اعيش وسطة واتحملة

وفعلا صراحه اسلوبك جدا جميل من جميع النواحي ومن جميع الاتجاهات في الحوار لدرجت انه شدني لاكمال الموضوع لآخره

بصراحه الموضوع من بدايته لنهايته روعه

حاجه اخيره >>> تراك طولت

مره وانا صغيره واحد من إخواني .. يقول يالله خنتسابق من ياكل مناديل أكثر
والله اني كليت مناديل كثييير مره واتغصب عليها عشان أفوز ..
وبالاخير صار هو يرميها وانا أبلعها صدق ..
ولا انقاله شي

من بعد ما قريتها طحت من الكرسي والشاشه انقلبت فوق راسي وانكسرت والكيبورد انقطع السلك والماوس طار ما ادري بس شكلي شتو برجلي وانا طايح بدليل ان رجلي ورمت
صوتي غلق من كثرت الضحك والبيت كلو صحي مع ان وقتها الساعه 2 ونص حسبو جاتني حله هستيريه:مرتبك:

[(جداويه شخصيه)]

طبعامافيااقراالموضوع كلوبس قرات نبذه عنوومشكورعالموضوع بانتظارجديدك وشكرا

[jo0jo01416]

مشكوره أختي علي الموضوع

والله ممتاز

وخاصة عقدة الحروب في ايامنا هده

والله شي فظيع ياأختي

يسلموو اخوي على الرد الرآآآئع :d

[jo0jo01416]

مشكووووره

وكل كلمج صح
بس انا مش سعوودي
بس كانت العقدة النفسيه مثلكم
بس الحممممممممدلله أمي وابوي
ما أسمووني على مشاكلهم الحمدلله أسمي حلوووو >>أحمدك يارب<<هههههه


شكرا على المووضوووع

العفوو ... ايه الحمدالله أعرف لك ناس اساميهم مدري وش تبي من الحياه ... بس الى الآن ما غيروا عاجبهم :مندهش:
و مشكوور ع المرور

[jo0jo01416]

هههههههههههههههههههههه
صدقتي والله .. كل كلمه قلتيها صح
لمن كنت صغيره كانت امي تمسكني محاضره سميتها محاضره (( عيب )) كنت اتمنى تخلص المحاضره علشان اسوي عكس الي قالته امي واقهرها << نذاله
اما اخوي اتعقد من اسمه لان الي ينادونه يشيلون الالف واللام فهو يتنرفز وينقهر > وانا اشيل اللاف واللام علشان اقهره :مكر: بس بعدها امي تهاوشني بس انا اعاند واقهر اخوي :مكر:

يسلمووو على الموضوع الرااائع
ننتظر جديدك

ما شاء الله و تعترفين بعد شريره أنتي يا نايس مرره هذا اللي فالحه فيه عناد << خخخخخ ما كني طولت
تسلمين حبيبتي ع الرد و لا تعاندين أهلكـ مره ثانيه نصيحه مني :نوم:

[jo0jo01416]

العضو : الحلم الغامض 16

العفوو خيوو تسلم على المروور

العضوه : خفوق

اهلين اختي ... تسلمين حبيتي ع كلامك العسل مشكووره ع المرور الأكثر من رآآئع ::سعادة::::سعادة::::سعادة::

العضوه : لورا <<

اوف اوف لييش دفن ع طوول حراام :( ... ع العمووم تشكراات ع المروور الروعه

[ღMeeZoღ]

مشكوور على الموضوع :cool:

[S E R K U Z]

عقدة أخوك الكبير

عقدة شوفي فلانه

عقدة عيب

إذا كبرتو
كل شي ذكرتي فيه صحيح :rolleyes::تدخين:
ويسلمو’و ع الموضو’ع القميل :سعادة2:

[Foxy Fox]

هههههه مشكورة على الموضوع الأكثر من رائع :p:p:p

[Sylviano]

:ضحكة:..

يسلمو على طرحكِ الاكثر من رائع ..

[اخت شهرزاد]

هذولا موجودين بالخليج كله :نوم:


عقدة شوفي فلانه



أشين شي بالحياة أنك تقارن شخص بشخص
لكن والله غلط هالحركه مايجي منها الا الحقد ترى

أعرف وحده الله يهديها .. كل ماسوت بنتها شي قالت شوفي ... ..
إلى يوم حسيت البنت كرهتني جد احس علاقتنا مو عاديه أحس فيها شي
ومتأكده أنه رد فعل من كلام امها الله يهديها بس

عاد البنت عشان تقنع أمها إنها احسن مني بأمور تقوم تقول الاشياء الشينه فيني


أنا كنت أقول لاخوي شف فلان ووو بس الحين تأدبت لكل واحد مساوئه ومحاسنه ماله داعي المقارنات ..

المشكله ..في آباء يسوون ذا الحركه .. بس لما ينجح ولدهم ويتفوق على فلان الي يقارنونه فيه ما يكافؤنه ولا شي ولا يحسسونه انه فعلا أفضل دام الدعوه جدول مقارنه ...

انا امي مرات تقول لي جذي

شوفي فلانه يا حلو طولها (( مع انها طولي بالضبط *_* ))

و شوفي هذي يا حلو شعها و ..... و ...... و ...... ما نخلص :تعجب:

الى ان ادبتها انا و خواتي و الحين ما قامت تعلق ابدا :تدخين:



عقدة عيب

أما عيب هذي الكلمه أستغفر الله بس .. ياكثر ماسمعتها ..
أحيان نفز واحنا صغار ..

عيب لاتجلسين كذا عيب لاتقولين كذا كل شي عيب عيب عيب ..
لين تجيك ردة فعل وكل شي عيب تسوينه

يعني وش فيها لو مثلا شفتي بنتك الصغيره جالسه جلسه ماهي زينه
قولي لها اجلسي كذا حبيبتي هذي الجلسه مو حلوه

مو لازم تروعينها وعيب وتمسكينها وتجرحينها من الحماس

هذي موجودة بالخليج كله

و ثلاث ارباع الحلال صار عيب :تعجب:

بس شنو نقول عادات و تقاليد غبية

تقبلي مروري حبيبتي

[lady 0scar]

هذولا موجودين بالخليج كله :نوم:



انا امي مرات تقول لي جذي

شوفي فلانه يا حلو طولها (( مع انها طولي بالضبط *_* ))

و شوفي هذي يا حلو شعها و ..... و ...... و ...... ما نخلص :تعجب:

الى ان ادبتها انا و خواتي و الحين ما قامت تعلق ابدا :تدخين:




هذي موجودة بالخليج كله

و ثلاث ارباع الحلال صار عيب :تعجب:

بس شنو نقول عادات و تقاليد غبية

تقبلي مروري حبيبتي


اي والله انا مع اختي عاشقة خبـــل هذي في كل الخليــج تحديدا
عادات وتقاليد غبيه جدا والحلال صار عيب وحرام
واصلا العادات طاغيه جدا على الاسلام >>وهذا اللي قاعد اشوفه >>قهـــر
اما كلمت عيـــب هذه عقدتي هذه الكلمه تجلطني تمرضني تنرفزني
كل شي عيب لا انتي بنت وخير ياطير >> خليني ساكته احسن :نوم:
اما عقده الاسماء هذه والله الخبال بعينه ولا فيه اهل يسمون اولادهم مثل هذه الاسماء
والله اعرف بنات اسمائهم مأســـــــــــــــاهـ :ميت:
رزنه -رويله هدنه اسماء غريبه عجيبه :مندهش:
.................................................. ...........................
ثالثا عقده اخوي الصغيـــــــــــر
بيخلوني اربي واكبر عادني صغيــره ::مغتاظ::
اقعدي لاتروحين تخلين اخوج ولا انا اعتقد انه مو ولدي اخوي واذا كبر ليته يحترمني ولا يبين في عينه لا ينكر الجميل بعد >> ماكأني بالغت >>اي واااجد :ميت:
.................................................. ..........................
اما عن الرسوم الحزينـــه
ولا اني صرت ماساويه وحزينه بسبت هذه الرسوم
واكثر رسوم اثرت في الى الان ليــدي اوسكار
الرسوم اليابانيه والله من كثر مابكيت على هذه الرسوم اني عيوني اندفنت ماعد تبين
وفيه رسوم مثلها عن اليابان يوم اهلها اغرقو بسبب الفيضانات
اشهد اني بكيت وشبعت ابكــاء
وصرت افكر وقول حرام واحاول احط نفسي مكانها وابكي
وامي تقول الحمدلله والشكــر يالخبل رســوم
.................................................. ........................
واخيرا وليس اخر عقدهه الحرب
ااااااااااه
ولا اني تعقدت اخبار مااشوف العربيه والجزيره
صدق ابكي بدون سبب
.................................................. .......................
والف شكر لج اختي على هذا الموضوع
واشكرج على الطرح
كان اسلوبج روووووووووووووعه
وفطستيني ضحك >> الله يسعدج ::جيد::

[cranberry]

الحمدلله يا ربي ....ماصارلي ولاشيء من دول .......:D

بس من جد لمن سمعت بعض اسامي بنات سعوديات زعلت عليهم :(
والمصيبة انه المعنى مايكون حلو :mad:

شكرا على العقد :p

[Dont-cray]

هههههههههههههههههههههههههههههههههههههههههههههههههه ههههههههه
والله يا حبيبتي ذكرتيني بذكريات أليمه:D
كل حرف كتبتيه صحيح %100
انا عانيت من الظلم هادا كتير خصوصا((اختك الصغيره)):mad:
تخيلي كنت كل ما اختي تسوي شي يجيبوها فيا انا لا وكمان يصدقو كدبها ويا محلا الصغار في الكدب :eek:
وااااااااااااااااااااااااااااااااااااااااااااااااا ااااااااااااااااااااااااااااااااااااااااي كلو كوم ومشكله شوفي فلانه كوم تاني:mad:
بابا وماما الله يعطيهم العافيه هلكوني بيها:D
بس مهما سو هما في الاول والاخير اهلنا ونور عيوننا ومن غير فضل الله علينا ثم هما ما كنا اتوصلنا للي احنا فيه دحين...
الله يحفظلنا ويخليلنا اهلينا اللهم آمين...

تسلم يدك يا اختي على الموضوع الرائع::جيد::
ارجو تقبل مروري..
dont-cray:p

[حياة كيلوا]

خخخخخ والله معك حق عمري 8 وتعقت

[انميه واو]

يا دلبي دلبك
تهبلين
الوصف كول
واي عليك الموضوع موتني من الضحك
يا رب يسعدك
مشكوره

[RgOoOode..]

مشكوره اختي الموضوع مره حلوووو

[M!ss Groor]

:ضحكة:

اغلبهم صاارو معي..

وخــآصه عيب ذي :غول:

او اخوك الصغير :تعجب:

شكرآآ

[مستر مبارك]

هههههههههه كلامج صح ميه بالميه

و سالفة العيب هذي سالفة مو طبيعية :نوم:

[jo0jo01416]

يسلموووو يا أعضاء ع الردوووووووووووووووود ^_^

[detective math]

والله موضوع

صح 100%

اتمنى الأهالي يفهموا هذا الشي

وقد ايش يأثر فينا

مشكورة حبوبة ع الطرح الجميل

[محارب النخبة]

انا في المتوسطه الحمد لله جلد مدرسين مافيه الجلد لثاني ابتدائي كما قلتي

بس مشكلة الاختبارات والنكد هذا لازال تعقيد في المتوسطة حتى

[محارب النخبة]

مشكووووووووووره على الموضوع مره اعجبني سلمت اياديك

[الحصان الطائر]

[size="6"]والله ثم والله ثم والله انه احلى موضوع اقراه بحياتي وانا مثلك بالضبط عصبي حساس خواف ابي احد يحس فيني وكمان طيب شوي عني ون ذا سايم وخصوصا الكرتون الحزين الى الان وانا ابكي من المسلسلات مو كرتون حقيقة مثل مسلسل بنات الميتم اول ما اسمع اغنية النهاية احسني ابكي بقوة وكنت اشوف [هالمسلسل من عمري 5 سنوات على قناة سوريا بس تراني سعودي وكمان شوف فلان احسن منك تعقدت لدرحة اني وانا صغير قفلت الغرفة على نفسي يومين بدون ما افتحها الله يذكر كل شي بالغرفة جبت اكل علشان ما اجوع واعطش ههههههههههههههههههه ويسلموا على احلى موضوع بحياتي قريته/size]

[الحصان الطائر]

وين نسي نسيت عقدتين زيادة ضرب المدارس اخ ياما كنت ابكي مرة ودوني المستشفى على فكرة والاستاذ طلبنا من مدير المدرسة طرده وطردووه من زمان وكمان عقدة منت ولدنا قالتها مرة امي زمااااااااااااااااااان زمان زمان بس الحمد لله نسيت الموضوع سامحتها لان رضى الله من رضى الوالدين ونسيت اقول صفة كةميدي بحد زايد يمكن فيكي انتي

[jo0jo01416]

يسلمو ع المرور يا الحصان الطائر و محارب النخبه
سوري عشان ما حطيت حق الضرب بس غريبه معقوله كانوا يجلدونكم ... أنا كانت المعلمه تضربني بس مو لدرجه الجلد
ع العموم تسلمو ع المرور

[the thinker]

هههههههههههههههههههههههههه

اية والله عقدة الاسم وراثة من الاجداد حتى بغت تسير فيااا عشان ولدة يوم الجمه بغت تسميني امي جمعه يععععععععععععععععععع
بس الحمد الله ابوي رفض وسمااني اسم حلووو ...

موضوع حلوو

[jo0jo01416]

هههههههه جمعه
الحمدالله انه ابوك سماك إسم أحلى ^ ^
شكرا ع مرورك

[Ryodan2009]

ههههههههههههههههههه
كلامك ميااا مياااا
واللة مت ضحك
يسلموووو ع الموضوووووووووع الناااااااااااايس

[K O T O R I]

ههههههه :ضحكة:

[jo0jo01416]

يسلموووو ع مرووركم
و ع فكره ترا مو كل السعوديين في ناس من الكويت و الإمارات و إلى الآن عندهم بعض هذي العقد بجد رحمتهم

[ĥẼĖźâã㋡§]

::جيد::

[H O T A R O]

الله أيآـــم زمآن ..!

والله وصفتـي كـل شئ بالتفصييل الدقيق ..!

بـــس صرآحه كآنــت آيآم زمآن شئ خطييييير مــرة ..!

رغـم الأحـدآث الآئنه اللي تكلمتي عنهآ ..!

وشكــريا عزيزتي ع المووضووع الرآئع قدًا ..!


دووم ه المواضييع المميزه ..!

سلآمــوو ..!

[angeal]

كل واحد له من أسمه نصيب.....يعني من وناسة الأهل بالمولود من الحماس أول أسم يطري في بالهم يسميون..:p

بعدين يعني تبي تزنط أبوك ودقوله ليه سميتني كذا....

عالعمو مشكوره على الموضوع

تحياتي

[нєαят вяσкєη]

يسلمواااااااااااااااا خبتووووووووووووو على الموصوع الرائع اتنمى لكي التوفيق في اعمالك القادمه

[Yαsззη]

صادقة والله ^^

مع ذلك مافيه شَئ أَزين من أول خخخخخخخخخخ

[x-..loosook..-x]

انا اللي جربتها عقدة شوفي فلانة وانت منت بولدنا انا اسويها في اخوي الصغير بس محد سواها فيني .....
اتمنى تغيري اسم الموضوع لانو مو حلوووة بحق اي طفل سعودي.......وشكرا:)

[jo0jo01416]

مشكووووووورين ع مروركم
أختي
x-..loosook..-x
معليه بس انا كتبت العنوان هذا عشان أغلبيه العقد فيها بالسعوديه فأنا ما نكر انه في مدن كثيره بالخليج العربي او سوريا و غيرها يكون عندهم مثل هالشيء
و بالأخير شكرا ع مرورك اممم إذا في مشرف او مشرفه حاليا متصل فأرجو منك أنك تغير عنوان الموضوع مشان عيون x-..loosook..-x ^ ^

[ღMeeZoღ]

مشكورة عالموضوع حلو موضوعك واصلي على كدا::جيد::

[MADNESS & I]

عقدة منت ولدنا



هههه ... لم امر بذلك ابدا ... ولكن يبدو انه كان صعبا عليك وعلى اخيك ..
عقدة المدرسه



هههههه .. هذه من العقد التي لا تشفى ابدا ...


المهم ان جواهر ذي من زود الفسقه مدخله بروسنا انها تشوفنا بكل وقت ..

والله ياني تعقدت .. معاد أبي ادخل الحمام أخاف تشوفني بعد



ههههههههه ... عزيزتي .. لقد ذكرتني بما حدث معي عندما كنت في الصف الاول الابتدائي ...

كان لدينا تلك المعلمة المريضة ... وكانت تردد لنا دائما هذه الجملة ( عندي عصفور دايم ارسلة لبيت كل

وحده فيكم .. يشوف اش تصلح تلعب ولا تدرس .. ويرجع يقول لي ) هههههه ....

كنت بالفعل اشعر بالخوف في المنزل طوال الوقت .. وان علي المذاكرة يبدو انه يراقبني الان دون ان اعلم ..

ههههههه ...

تبا لها .. لم ادرك الحقيقة الا بعد سنتين من هذه الحادثه ... ههههه


عقدة شوفي فلانه


ههههه .. هذه العقده مستمره حتى يومنا هذا ..



عقدة عيب


إذا كبرتو


كنت دائما اتصرف بعناد اذا قيل لي اي من الكلمتين السابقتين .. لا اجد لها مبررا ..



الكراتين الحزينه


الحروب



بالنسبة ل ( الكراتين الحزينه ) لما كنا نشاهدها في كل الاحوال ؟!!!

اما ( الحروب ) ...

ذكرتني بمسلسل ( عدنان ولينا ) يالهي كم اصبحت اكره هذا المسلسل !

لقد اصابني بعقدة القلق وانا صغيره ... مشاكل عدنان والقبض عليه .. هواجس لينا و جدها ...

ولا انسى المكان القبيح الذي تسلق عليه عدنان ( القرد ) لانقاذ لينا من الاسر كنت اشعر بالررررررعب من

شدة علوه ..

ثم ذلك الرجل الذي يقوم بوشم شيئ على الجبين اذ لم تطعه ..

ثم ارض الامل وكيف تتحول الى دمار ....

اكره ذلك المسلسل حتى هذا اليوم .. ولا انصح الاطفال بمشاهدته للحفاظ عل طفوله سليمة !

قد يبدو افضل .. لو كان فيلم مسلسل رعب لمن اعمارهم فوق ال 16 عاما !!

شكرا لك عزيزتي ... استمتعت حقا بقرائة موضوعك الجميل ...

[gaca]

انتي منتي سعودية أصلا
الاسباب
1-مواضيعك كثر على السعودية

2-كلام سخيف- أعذريني-

3-سب على السعودية زي موضوع أول قلتي شوفو السعودي فشلنا (والي كان كاتب هذا الكلام انتي يعني انتي
الي كنتي بتكتبي في المنتدى الامريكي وعامل سعودي

4-أنا اشك انك ولد مدري لييش

5-أرجو عدم الكلام على السعودية لعدم الشتم -هل تفهميين-

يلا سلااام

ولو ششفت مواضيع انتي عاملتها عن السعودية فيها استهزاء لاتلومي غير نفسك تحيااتي الباردة

((مغلق))

[محبة كيسارا]

:ضحكة: :ضحكة:

شكرا على الموضوع ^^

[jo0jo01416]

مشكوورين ع المرور

اخوي sasuke+naruto

لووول وراك معصبّ ؟؟؟
ما كان قصدي بهذا الموضوع إني أستهزء و الله العظيم بعدين أنا أخذت هذا الموضوع من ايميلي يعني من جد ما كانت نيتي اني استهزء
اما من ناحيه موضوع فشلنا هالسعودي بالصراحه انا ناااادمه من جد إني وضعته ع المنتدي مو عشان الردود بس انا ما بغيت أتكلم ع هالشخص ببالغيبه و أحش من ورا ظهره و الحمدالله انه موضوعي اتقفل
لو سمحت اخوي لا تغلط انا مو ولد أنــا بـــنــت تسمع ب ن ت بــــــنـــــت يعني وش بستفيد اني اسوي نفسي بنت الله خلق ذكر و انثى بهالعالم و انا ما ارضى اني اغير هويتي والله العظيم اني بنت و انا ما كذبت بكل كلمه اقولها دحين
بعدين اصلا انا مو غبيه عشان اروح ادخل للمنتدى الأمريكي و اسوي نفسي ما اعرف انقلش و بالأخير أتطنز ع نفسي اصلا انا متفوقه بالإنقلش و ما احب ادخل منتديات امريكيه وش بستفيد هناك

ع العموووم أرجو انك تسامحني اذا في اي كلمه زعجتك فيه او موضوع لي ما عجبك

و خلاص مشان اريح نفسي ما راح اكتب مواضيع عن السعوديه لا تحسبني خايفه من آخر جمله قلتها بس انا ما راح اكتب المواضيع عن السعوديه عشان ارتاح من صراخكم و هواشكم
بس اكيد حجيب مواضيع عن اليوم الوطني اشياء حلوه

gooooooood bey

[ليان الليل]

بصراحه موضوعك حللللللللللللو مررره انا مريت بمعانات تكرار الاسم.. اسمي مكرر في العائله اذا نادني احد الكل يجيب

[Blue^She]

الف الف الف شكر لج اختي على الطرح والموضوع الي متوافر هالايام وصح لسانج يالغاليه بهالمعلومات الصحيحه

بس شنو تبين تسوين بالشيبان والتحجر الي يقمع الفكر ولا اذا كان الولد كبير لازم يسميه اسامي شيبان وعلى كيفه ولازم كل شي للشباب واذا شافو شي للعايلات تضايقو مو كل شي لهم وخاصه بالتوظيف

والله يعينكم يالغاليه ووفقكم الله

[M E R A]

الموضوع جميل جداً

و صراحة كل اللي قلتيهـ صار لي ألا عقدة الأسم << الحمدلله
و بيني و بينكِ عندي مدرسة أسمها مطيرهـ
يا عالم وش هذا الأسم

أما عقدة العيب هذي
من كثر ما سمعتها صرت كل ما أشوف أحد يسوي
حركة أو اي شئ كنت أقول عيب كذا عيب
خلاص أنا تعقدت من كلمة عيب هذي

في أمان الله

[the black angel]

المعذرة

- يمنع وضع المواضيع المنقوله من اي منتديات اخرى منعاً باتاً , أو تكرار الأفكار بشكل مطابق تماماً لسابقه