لماذا يلجى بعضنا الى كتمان همومه واحزانه ؟ [الارشيف]

عرض كامل الموضوع : لماذا يلجى بعضنا الى كتمان همومه واحزانه ؟

هنووفه

05-02-2005, 23:24

السلام عليكم ورحمة الله وبركاته ...

للنفس حركة نحن لا نراها ..... ولكن نحسها عبر تعابير الأشخاص وأحاديثهم التي تعبر عن مواقف نفسية بالغة الغنى والثراء ......

كلنا تجمعنا تلك المشاعر ..... ونذوب فيها ..... ولكننا نختلف في طريقة التعبير عنها ....

فمنا من يفصح عن ما يجول بداخله ..... ومنا من ترتسم تلك المشاعر في تعابيره وتبوح لنا بما لم يتحدث عنه.....

ومنا من لا يفصح وتبدو تعابير وجه صماء لا علاقة لها بما يدور في خلده ....

ولكن ..... لماذا نختلف .... ؟؟؟

ولماذا يغلق البعض على همومه وأحزانه صندوقاً يدفنه في أغوار قلبه ؟؟؟

أتكون أنت أخي القارىء وأختي القارئة من هذه الفئة ...... إذاً ما الذي يدفعك لذلك

فلتقتحم أبواب هذا الموضوع .... لنرى ما يمكن حصاده ...

احب اشوف وجة نظركم

وشكرا

sweet_q8

06-02-2005, 00:04

السلام عليكم ...

انا اعترف اني من هذي الفئه الي تخبي مشاعرها وهمومها واحزانها بقلبها وما افصح عن الي بداخلي ...

لأن الهموم الي شايلتها بداخلي اهي على اهلي... و مخبيتهم لاني اذا افصحت عنها لهم راح يكرهني او راح تسبب لي

مشاكل عائلية ...

اوحتى المشاعر اذا افصحت عنها يمكن يستهين فيني الشخص الي اقول له

والاحزان ما احب اشاركها غيري عشان لا يحزنون وياي او يضيق خلقهم لاني احبهم على طول فرحانين وما اكون سبب

احزانهم...

اختكم سويت

France_GuY

06-02-2005, 01:24

شكراُ هنوف على الموضوع الحلووو

أنا من النوع اللي يفصح عن نص اللي في داخلي حق اصدقائي اللي اثق فيهم بس

وشكرا مره ثانيه

النظرة الخجولة

06-02-2005, 02:49

السلام عليكم ورحمة الله وبركاته

اولا اود ان اشكرك غاليتي على هذا الطرح الجميل ...

غاليتي الحزن شي طبيعي واصلا من دون الحزن ما رح نلقى الفرح بس احيانا بنلاقي اشخاص مستحيل نكتشف مدى الحزن الي بيعيشوه او الي سكن معاهم لفترة طويلة وغاب عن نظر الناس لانو احيانا الحزن بيكون اكبر من انو ينقال او متل ما قالت غاليتي sweet_q8 انو صعب يشاركو احزانهم مع الغير لحتى ما يحزنو معهم او يضايقو ....

وبالنسبة الي انا من النوع الي صعب جدا اني ابين حزني او ضيقي والحمد لله اعتبرها نعمة لاني ما بحب اني اكون سبب بحزن او ضيق اي انسان....

همسة الي كل حزين:
لماذا لاتجعل الأحزان والهموم تبكي من جبروت ابتسامتك وكبرياء أملك لأنها لم تجد

إلى قلبك مدخل..؟

تسلمي غاليتي عالموضوع الجميل ولا عدمنا جديدك...

اختك,,,
النظرة الخجولة

Sassy

06-02-2005, 15:32

مشكورة على الموضوع هنووفه ..^_^..

عن نفسي تقدرون تقولون نص ونص .. ::مغتاظ::
لما أتضايق من حد أقوله في الويه عادي بالنسبة لي وماخلي شي في خاطري :rolleyes:
لكن :نوم: ...هناك بعض الأمور اللي ماقدر حتى أفتح حتى موضوع وأقول انا متضايقة عشانه :نوم:
وهذا اللي يخليني أكتم بداخلي :مذنب: :محبط: وانا مثل الاخت اللي قبلي انه مايبين علي اني متضايقة
لاني من النوع اللي دايماً مبتســم:) وبتالي محد يحس ..الا اذا انا متعمده أبي حد ينتبه :لقافة: :D

وثانكس مرة ثانيه على الموضوع ........ :rolleyes:

لوليتا

06-02-2005, 20:16

وعليكم السلام ورحمة الله وبركاته ...

شكراً لكِ اختي (هنووفه ) لطرحكِ هذا الموضوع ...

الحزن حالة تمر بالجميع لأسباب كبيرة او صغيرة لكن طرق التعبير عنه تختلف كما اشرتِ ... لقد خصصتِ هذا الموضوع لمن يعبّر عن حزنه بالصمت وربما هذا هو الحزن الاقوى في نظري فالبكاء او الشكوى قد تريح الحزين ...

ولماذا يغلق البعض على همومه وأحزانه صندوقاً يدفنه في أغوار قلبه ؟؟؟

لا تشكُ للناس جرحاً انت صاحبه .... لا يؤلم الجرح الا من به ألم

مع خالص احترامي وتقديري,
لوليتا

heeero

07-02-2005, 15:04

مشكووووورة اختي على الموضوع
مع تحياتي
Heeero

قلب هيسوكا

07-02-2005, 17:33

مشكورة على الموضوع

و انا من اللي يكتموا همومهم بس يظهر على طول اني زعلانة لان الكل يعرف اني مرحة حتى المعلمات على طول يسالوني

و ما اقدر اخبر حد بهمومي لاني ما اثق باحد

و تسلميييييي

هنووفه

08-02-2005, 01:12

اشكرركم على وجهاات النظر وعلى التفاعل
يسلموووووووووووووووووو على مروركم وطلتكم الحلوووه ::جيد::

ارق التحاايا لكم

هنووفه

Warm Heart

10-02-2005, 02:10

اففففففففففففففف من الكتمان

>_<

ما احبااااااااااااااااااا

بس شو اسوي انا كتومه درجه اولى

ما ادري ليش

عمري ما شكيت لاحد حالي كل شي محطوط في قلبي و امقفل عليه بــ 60 فقل

مهما احاول اني اوصل الي في قلبي لأحد ما اقدر

ادور من اشكي له بس ما القا حد حتى للأشخاص القريبين مني او صديقاتي الي انا واثقه فيهم ما اقدر اقول شي لهم

بس في شخص الله يجزيه كل خير مره قال لي "اكتبي"

من بعدها بديت اكتب خواطر عشان اتخلص من الي بداخلي

بعد فتره بسيييييطه تركت الخواطر لانه مب ميولي و ما اعرف اكتب

و رجعت للكتمان الي ذابحني من البدايه

مرات اكون متضايقه حدي بس محد يعرف بهذا الشي و الكل يحسبني مستانسه و عادي بس اكون العكس

لدرجة ان مرات معدتي اتعورني و انا ما اقول لاي احد عن هذا الشي و اقول هذا الشي عادي

بس مره طلعنا و رجعلي ألم المعده هذا خواتي قالولي اشفيج اتغير لونج قلت لهم معدتي بس عادي الحين بوقف

بعد دقايق بس ما قدرت استحمل , تعرفون كيف تنتزع الروح من الانسان بكل صعوبه؟

انا صار فيني جذي لدرجه اني حسيت ان الروح وصلت للشفايف و تبي تطلع و كنت بروح فيها

قلت خلاص و اتشهدت بعدها رجعت حالتي مثل ما هي قبل

و من هذا الشي اهلي عرفوا ان عندي آلام في المعده ولا مستحيل يطلع مني شي انا ولا أخبرهم بشي

>_<

و في نفس الوقت اقول الله سبحانه و تعالى الوحيد الي يعرف بالي في داخلي و هو الي بفرج عني

مشكوووووووره يا صاحبة الموضوع على هذا الموضوع المهم بالنسبه لي :نوم:

و اذا عندكم حل لهذي المشكله خبروني الله يخليكم

مليييييييييت طفششششت

ما اعرف شو اسوي :(

Julia_ Roberts

10-02-2005, 02:45

السلام عليكم

اولا مشكووورة اختي هنوفة عالموضوع الحلو ::جيد::

وانا عن نفسي كل همومي واحزاني حاطتها بقلبي وماحد يعرفها غير رب العالمين

وبعض الاحيان لما يضيق خلقي لابعد حد اقعد اكتبها كلها باوراق بعدين احرق هالاوراق

>>>>ايش الفايدة مادري :مرتبك:

بس دايما اروح اصلي لي ركعتين لله واتذكر النعم اللي منعمها علي

وان شاء الله لايقرب الهم والحزن لاي شخص بالدنيا مادامو متمسك بدينه :)

ومشكورة مره تانية وبايووو

naramia

10-02-2005, 15:47

مشكوره يا هنوف على الموضوع الجميل..
أنا من إلي ما يبوح بكل إلي في نفسه.. مو كل أحزاني وهمومي أقولها لصديقاتي.. حتى أعزهم عندي ما أقول لها كل شي
لأن مو كل إلي أحس فيه أعرف أترجمه لكلام.. هذي مشاعر أو بالأحرى حوار بينج وبين قلبج.. صعب أنج تفصحين عنه بالطريقة الصحيحه
وبعدين مو كل شي بتقولينه ينفهم صح للي قاعده تحاورينه .. ممكن يضحك أو يستهزأ أو حتى يجاريج في الكلام
أنا بطبعي هادئة .. ورفيجاتي حركيات ومرحاات وايد.. ماأقدر أهمهم على طول
مشكووره مرة ثانية

هنووفه

10-02-2005, 21:33

Warm Heart

اولا تسللمين اختى على المروور ووجهت النظر

انا تقريبا مثللج واللله ماعرف اقوول لحد شنوو بقلبي بس احاول اني اسووى اي شيي عشاان
انسي الهم والكتماان
واختي حاولي انك تطلعين شووي من اللي بقلبج ومثل ما نصحووج بالخوواطرر تقدرين
لانه موو زين الكتماان وواايد عليج

واشكرررك لمروورك اختي

اعذب التحاايا لك
الهنوف

هنووفه

10-02-2005, 21:39

Julia_ Roberts

العفوو اختى لاحلى طلتك

والله حلووه حركتج تكتبين وتحرقين وصح مافي فاايده يعني حلووه منهاا بس ترتااحين شووي

ومثلل ماقلتي الصلااه تريح الوواحد الهم والحززن

تسللمين اختى على المرور ووجهت النظر

ارق التحاايا لك

هنووفه

10-02-2005, 21:43

naramia

العفوو اختي
والله كلاامج صحيح اناا مثلج ما عرف ابووح للقريب ماعرف اترجمله الكلاام
بس احااول شووى اطللع احاووول

تسللمين اختي على المرور والطله الحلوووه

ارق التحاايا لك
الهنووف

عـيـسـى

11-02-2005, 00:40

الحمد لله انا الي في قلبي على لساني

و كلمة الحق اقولها حتى لو كانت اتزعل

لان مهما يكون الكلام الي اقوله قصدي هو مصلحة الشخص الي اوجه له الكلام

يعني بالمختصر المفيد انا ما اعرف شي اسمه كتمان

اشكرج اختي الكريمه على الموضوع

أبطال الديجيتال

11-02-2005, 01:14

أبطال الديجيتال

11-02-2005, 01:26

14- جبت باختبارات القصل الاول لثالث ثانوي 98.15 وابوي مو عاجبتو
ما حد فرحلي إلا أصدقائي

عـيـسـى

11-02-2005, 01:44

أولا شكرا على الموضوع

والله انا من النوع اللي يتكلم بس لاعز الاصدقاء

بس والله لو تبيني أكتب عن كل شي عن نفسي بتبكين لانو انا قصتي أحزن قصة على وجه الارض

وهي لو أكتب عنها يبغالي مجلدات

وهي باختصار كالتالي

1- مطلق الوالدين
2- امي سافرت نهائي للاردن
3- ما شفتها صرلي 3 سنين
4- أهل أبوي يكرهوني واتكلمو علي من وراي لكل الناس وشوهو سمعتي
5- خال ي و أبوي بينهم خلافات مالية لانو كانو عاملين مشروع
6- خالي الثاني ما يسأل عني
8- أبوي قرفني عيشتي
9- زوجة أبوي أكبر فسادة على وجه الارض
10 - جاني اخت واخ من زوجة ابوي وخربوا علي
11- ابوي ما يبغاني ادرس جامعة بالاردن علشان ما أشوف امي
13- ما عندي أحد من أهلي ينشد فيه الحيل

اه ايش أقول لا أقول

و شكرا مرة ثانية

أخوكم حسام ( أبطال الديجيتال)
أخي الكريم حسام

كل الي يصيبنا في هذي الدنيا اختبار من الله سبحانه و تعالى

و في النهايه الامل موجود و هذي مب نهاية العالم

انت اتشوف ان الي يصيبك احزن شي في الدنيا

بس اذا اتشوف مصايب غيرك بتهون عليك مصيبتك

2- امي سافرت نهائي للاردن
3- ما شفتها صرلي 3 سنين

حاول انك اتزور امك في الاجازه مع حد من خيلانك او في اقرب فرصه

و عن الجامعه ادرس في الجامعه الي يباها ابوك

لا انسى ان لازم ترضي الوالد لان رضى الله من رضى الوالدين

- أهل أبوي يكرهوني واتكلمو علي من وراي لكل الناس وشوهو سمعتي
لا تنسى ان الله سبحانه و تعالى عارف بالي فيك و عارف ان الكلام الي يطلع ما لك دخل فيه

صدقني ان الله سبحانه و تعالى معاك و حاطنك في اختبار و ان شا الله بيفرجها عليك

الله سبحانه و تعالى يحب عبده الي دايما يلجأ له و يطلب منه الاستغفار و الرحمه

دايما ادعي ربك انه ييسر لك امورك و يساعدك في كل شي اتسويه

5- خال ي و أبوي بينهم خلافات مالية لانو كانو عاملين مشروع
6- خالي الثاني ما يسأل عني
خل سالفة ابوك مع خالك على جنب لا بد في يوم بيي و بيتسامحون و بيرجعون مثل قبل
صارت في عائلتي حاله مشابهه و محد كان يتوقع انهم بيرجعون لبعض و بيتسامحون
و الحين صارو احسن من قبل

8- أبوي قرفني عيشتي
لا تنسى ان رضى الله من رضى الوالدين
مهما يكونون معاك قاسين لازم تتحملهم
و بما ان الله سبحانه وصى الانسان على والديه فأنتبه على مثل هذا الكلام و لا اتكرره لان الله عارف بالي فيك

9- زوجة أبوي أكبر فسادة على وجه الارض
10 - جاني اخت واخ من زوجة ابوي وخربوا علي
ما يخالف اتحمل كثر ما تقدر
و بالنسبه لاخوانك و خواتن الجدد يمكن يكونون معاك زينين
فمن الحين كون معاهم زين يمكن الله كاتب لك السعاده بيهم محد يعرف
مهما يكون هذيل اخوانك

11- ابوي ما يبغاني ادرس جامعة بالاردن علشان ما أشوف امي
مهما يقول لك فهذا ابوك و مسؤول عنك
حاول معاه و اذا ما رضى ادرس في المكان الي يباك تدرس فيه
خلص دراستك الجامعيه و بعدين بتكون لك كلمه في البيت لان بيحكمك عقلك
و مسؤول عن نصرفاتك و بتقدر انسير بنفسك و اتزور امك

13- ما عندي أحد من أهلي ينشد فيه الحيل
يا اخي حسام هونها بتهون

- جبت باختبارات القصل الاول لثالث ثانوي 98.15 وابوي مو عاجبتو
ما حد فرحلي إلا أصدقائي
انا اقول لك ليش
معروف هذا الشي عند الوالد
هو يقول لك ان مب عاجبنه لانه يباك تاخذ اكثر و اكثر
يباك دوم اتكون من المتفوقين
يعني لا تعتبره قسوه منه او شي جذي
لا اعابر كلامه تشجيع لك عشان تاخذ اكثر

و لا تنسى في اي لحظه ان هذا اختبار من ربك سبحانه و تعالى

و اتأكد انه معاك في كل شي و هو ما سوي لك الى الي فيه الصلاح لك

لا تعتبر هذي نهاية الدنيا و اتوكل على الله دايما

آسف على التدخل بس هذا الكلام لازم ينقال

أبطال الديجيتال

11-02-2005, 01:56

15- سافر أعز صديق لي وكان دائما يوقف بوجه كل واحد يضايقني

ومرة من المرات طلعت من البيت ( زهقت من حياتي) وما رجعت قام كل أصدقائي اتصلوا على أبوي

و اعطوه محاضرة علشان يعتذر مني وارجع للبيت

و الله انا اللي مخلي أمل لي بها الحياة بعد الله سبحانه وتعالى

هم أصدقائي

كاثرين

11-02-2005, 02:23

بصراحة انا احيانا واكثر شي اكون من هذي الفئة ,,,,
بصراحة لاني مااقدر اقول لشخص اني حزينة بسببك لاني ادري اني راح اضايقة ولاكن اذا استمر في زيادة حزني وهو مايحس راح اقطها بويهه واللي يصير يصير بس يعرف خطاه وما يكرره واذا كان الشخص مو غالي علي اقطها بويهه ,,,,
مشكوووووة على الموضووووع الرووووووووووعة ,,,,

عـيـسـى

11-02-2005, 02:36

15- سافر أعز صديق لي وكان دائما يوقف بوجه كل واحد يضايقني

ومرة من المرات طلعت من البيت ( زهقت من حياتي) وما رجعت قام كل أصدقائي اتصلوا على أبوي

و اعطوه محاضرة علشان يعتذر مني وارجع للبيت
ما علي
ابتدي من الحين و حاول انت بنفسك اتدافع عن نفسك و توقف بوجه اي حد يغلط عليك

بس لا تغلط

و الله انا اللي مخلي أمل لي بها الحياة بعد الله سبحانه وتعالى
هم أصدقائي

زين اتسوي
يعني عنك امل و لا تفقده
و اعلم ان الله معاك دايما و ابداً
دايما الجأ لربك في كل شي

و آسف مره ثانيه على التدخل

Warm Heart

15-02-2005, 18:34

اولا تسللمين اختى على المروور ووجهت النظر

انا تقريبا مثللج واللله ماعرف اقوول لحد شنوو بقلبي بس احاول اني اسووى اي شيي عشاان
انسي الهم والكتماان
انا اذا كنت واصله حدي
ايلس على الكمبيوتر و افتح اي شي حتى لو كانت لعبه و ابكي
>_<
بس لين متى الهروب هذا ما ادري

واختي حاولي انك تطلعين شووي من اللي بقلبج ومثل ما نصحووج بالخوواطرر تقدرين
لانه موو زين الكتماان وواايد عليج
ادري انه مب زين
بس ما اعرف اكتب خواطر والله
احس نفسي فاشله في هذا المجال عشان جذي وقفت كتابه
>_<

واشكرررك لمروورك اختي
و شكرا على الموضوع الي يناسب حالتي

Black Legend

15-02-2005, 20:42

Because no one want to lestin to your problem, thats why !

every one have his own problem.. which enough to kill himself

So... what if you lestin to your friend's problem !? COMPLETLY SUFFERING !

If you wnat make things right ? do it your self !

دلوعه

15-02-2005, 20:44

فى اشياء ما اقدر اقوله لغيرى فا خليه بقلبى احسن

علشان ما اضايق احد او احزنه

هنووفه

16-02-2005, 21:10

Black Rose

اولا اشكررك على مروورك واشكررك على ردك على ابطال الديجتيال
والكلاام اللي قلته وانا اقوول لخووي انه يتوكل على اللله ويصبر وربك يفرجها ويعدلهاا
وخلك مع ابووك ويطيعه واللي يبيه سووى وانشاءالله بيحس فيك ويعرف قيمتك واللله يخلي اصدقااءك لك
وعتبرني مثل اختك الكبيره
وشكرررك لمروورك انت واخوويBlack Rose وعلى رحابت صدركم

اعذب التحاايا لك
اختكم الهنووف

هنووفه

16-02-2005, 21:13

Black Legend

والله اخويي ماعرفت ولا شي كاتبه مافي لغه :p

على العمووم يسلمووووو على المروور والطله

ارق التحايا لك

هنووفه

هنووفه

16-02-2005, 21:25

Warm Heart

تسللمين اختي مره ثاانيه على الطله الحلووه

دلوعه

تسللمين اختي على المروور بس انصحج انك تقولين للقريب منج

ارق التحايا لكم

الهنووف

Ḿάẋ

19-02-2005, 07:16

السلام عليكم
انا عن نفسي يا ما مرت بي هموم واحزان وكنت اكتمها دايما ليه اما لحرج او لاني خايف من عواقب الي راح اقوله عشان كذا افضل اني احبس داخل نفسي لكن انا انصح بانك لاتخبي حزنك ولا تدفنو لازم تخلي الاخرين يشاركون به لانه هذا الشي ما راح يخليك تندم صدقني بالعكس راح يخليك تحس بان الجميع مهتمك بك وراح تنحل مشكلتك :)
وبصراحه موضوع حلو ولا تستغربين انه العدد الهائل هذا رد عليكي
بس لانه حلو ::جيد::
وشكرا الك
ياليت تجيني مواضيع زي كذا بس طل بوجهي :p
وسيا

غلوي الحلوة

19-02-2005, 08:28

الكل في هذه الحياه تمر عليه اشياء تضايقه منها الكبيرو منها الصغيرة
ما في حد في هذة الدنيا ما يكون في بلى حتى لو كان يمتلك مال قارون
كيف بنحس بطعم الفرح اذا ما كان في حزن وشلون بنحس ونتعاطف على غيرنا اذا ما شفناهم زعلانين او متضايقين وفي ناس تحب تطلع اللي في خاطرها بسرعة مثل الأخ حسام وفي ناس العكس عندهم مصائب الدنيا لكن ما يبينون لحد ان فيه شي يعني يكون كتوم لكن هذا مش معناه عنده خالي من الهموم محد خالي ومش معناه نهاية العالم ونهاية المطاف

ومني للأخ حسام
خل المشاكل اللي تصيبك جسر للوصول الى القمة ويكون عندك طموح للمستقبل علشان تقدر توصل الى امك وتكون مفخرة اهلك
حتى لو ابوك يقسى عليك في ابهات قتلوا عيالهم وشوهوهم انت ما سمعت عن الأبو اللي قطع يد ولدة علشان سبب تافه الا وهو ان كتب على حيطة البيت وهو صغير سنه 5 سنوات
يا اخ حسام احمدك ربك في ناس يريدون نصف من ابوك ما يحصلون
واذا عن مرت ابوك هذا القدر لكن ربك عليها متطلع لكل شي
الأفضل انك دايما تقعد جدام ربك بصلاتك خل وقتك كله للصلاه وابتعد عن اللهو والأصدقاء ما بينفعونك كثل ربك لما ينفعك وبعدين هذا كله اجر من عند الله علشان يشوف قوة ايمان وحسن ظنك فيه ودايما اقرا القرآن وخل كل اللي في البيت يسمعون حسك وقرى بأعلى صوتك علشان يدركون انك قاعد مع رب العالمين الذي يمهل ولا يهمل وربما يكون قرائتك للقرآن دافع الى انهم ينضرون الى الله ويخافون الله فيك ويراعونك
ما تدري ان الله عالم الغيب