PDA المساعد الشخصي الرقمي

عرض كامل الموضوع : يوم الخميس من احلى ايام حياتي .. تعالو شوفو ليش ..



dos santos
26-09-2009, 23:17
السلام عليكم

يوم الخميس كان يوم حلو
وكان من احسن الايام من بعد رمضان
ليش >> اقلك ليش
صحيت الساعة 1 الظهر
لقيت اهلي متجهزين ولابسين احسن ثياب
قلت ليش قالوا رايحين بيت عمك
انا طرت من الفرحة وما صدقت نفسي وب 3 دقايق ونا متجهز
طبعا عيال عمي كثير 7 اولاد ومدري كم بنت يعني بيت عمي فلة لكل افراد عائلتي الكريمة
اول ماوصلنا الا والمندي قدامنا
http://www.qaym.com/2904.jpg
وعمي يقول اتفضلوا
طبعا اكلنا وشبعنا >> الحمد لله
بعد الغدا جلسنا شوي
الين الساعة 4 رحنا نصلي انا وعيال عمي
بعد الصلاة واحد من عيال عمي قال وش رايكم نروح البلد
المهم رحنا البلد
وقعدنا الين بعد صلاة العشا
بعد ما طفشنا
قال اكبر وافسد واحد فينا وش رايكم نروح اي مول نرقم بنات
طبعا 3 وافقو والباقين واولهم انا رفضنا وبشدة هذا التصرف الغير اخلاقي
وبالاخير شالونا المول غصب عنا
بعد مارحنا المول طبعا الثلاثة الفاسدين بدؤا يرقمون ويتونسون
وبعد ماطفشنا احنا الطيبين البرئين قررنا نسوي فيهم مقلب
طبعا المقلب هو ان احنا نروح نقل للسكيورتي وش يسون
بس من حظنا ان واحد من الهيئة كان في السوق
رحنا نقول للمطوع
المهم المطوع مسكهم
بس طلع مطوع طيب وما سوالهم شي بس قالهم عيب وحرام وتخيل لو كانت اختك .. الخ .. الخ
المهم جت الساعة 10 وحنا طفشانين
جت لي فكرة انفجارية
انه احنا نروح نلعب بلياردو
المهم رحنا نلعب بلياردو
http://www.abgdit.net/uuu/uploads/images/s88m-1010259019.jpg
طبعا انا فزت عليهم كلهم لاني ماشاء الله عليا اعرف العب
المهم جت الساعة 12
وكلنا جاعنين
فكرنا وين نتعشا
اللي قال ابو شقرة واللي قال هارديز واللي ابو زيد واللي قال فول من عند بانعمة >> هذا خلصت فلوسة
وبالاخير اتفقنا على
اكيد تعرفونة وخاصة اهل جدة
لان نص اهل جدة تتعشا علية
اكيد عرفتوه
.
.
.
.
طبعا
http://www.ameinfo.com/images/news/8/26048-albaik.jpg
بس اول ماوصلنا تفاجئنا بالزحمة
http://www.devils4ever.net/vb/uploaded/6496_1228666837.jpg
بس لاجل البيك كل شي يهون
المهم طلبنا
وكان الرقم بعيد
المهم بالاخير
كل اشترى له واحد
وبدانا ناكل
http://alrassxp.com/forum/images/usersimages/2702_1160230358.jpg
وبعد ما شبعنا ونظفنا الصحون
http://forum.bnateeen.com/imgcache/17081.jpg
خلاص روحنا البيت
المهم بالسيارة
الفنا البوم
طبعا الالبوم مو اغاني ولا اناشيد
الالبوم عبارة عن 7 اشخاص يتكرعون بشكل رااائع
المهم واحد من العيال
قال معاه فلم
وهذا الولد هواه رومنسي
واحنا مانحب الا رعب ولا اكشن ولا جاكي شان
المهم بدا الفيلم ومن اول
واحد يقول وحدة ( انا احبك وما اقدر اعيش بدونك )
طبعا من بعد هذا الكلام غسلنا يدنا من الفلم
المهم مسكنا عبدالمجيد >> الرومنسي
وتشوف البكوس والكفوف
طبعا
كان الحل عندي وانا ابو هندي
والحل هو اجيب الكمبيوتر حقي
طبعا الكمبيوتر حقي كله افلام رعب واكشن
المهم رحت البيت وجبت الكمبيوتر
بس المشكله انه انا شفت كل الافلام
وكان باقي فلمين واحد شكله اهبل والثاني رعب بس شكله خطير
المهم شغلنا الرعب
وتفرجناه
طبعا الرومنسي تفرج نص الفيلم وبعدين ماقدر يكمل
وبعدها تفرجنا الفيلم الثاني
وطلع فيلم حلو بس فيه مناظر مخلة كثير
المهم جت الساعة 6 الصباح
طبعا كيف اروح لانه مافي تكاسي ومافي احد يروحني
وعيال عمي يبغوني انام عندهم
المهم نمنا
ولمن تعمقنا بالنوم
ماتشوف الا كلنا غارقين بالمويا
صحينا كلنا زي المجانين
وقال عمي صلاة الجمعة
المهم رحنا نصلي
وكملنا نوم وقت الخطبة
وبعدين رجعنا البيت وكملنا نوم
المهم صحينا بعد العصر
بعدها انا حملت عندهم فيلم انمي
تفرجناه وبعدين
روحت البيت
واول ماروحت البيت تمنيت اني عمي هو ابويا
لان بيتهم فله
اما بيتنا مافي ولد الا انا
بس القدر
وش نسوي

وتوته التوته خلصت الحتوتة حلوة ولا فتوتة >> اقلد جدتي ..

rnosha
26-09-2009, 23:33
مشكور عالقصة
صراحة انك قلت تفاصيل اليوم من طق طق للسلام عليكم :p
بس هذا احلى يوم في حياتك ؟؟

dos santos
26-09-2009, 23:42
مشكور عالقصة
صراحة انك قلت تفاصيل اليوم من طق طق للسلام عليكم :p
بس هذا احلى يوم في حياتك ؟؟

ايه هذا من احسن الايام

مسكين انا صح :محبط:

ρίαήό
27-09-2009, 00:03
واااااااو

الصرآحه من جد فله ووناآسه يوووه أنت الولد الوحيد الله يعينكـ بس عآدي لآتضيق صدركـ ::جيد::

استمتعت بقرآأتهآ تسلم على الموضوع الحلوو والمسلي :لقافة:

زعيـم العنكبوت
27-09-2009, 00:27
هلآ بالغآلي ..^^
شكله كآن يومك ونآسهـ X ونآسهـ ... ::سعادة::
الله يديـــم الأيآم الحلـــوهـ .. ولآ يحرمك من أهلك وأحبآبك ... ^^

http://www.ameinfo.com/images/news/8/26048-albaik.jpg

وهل يخفى القمر ...؟ >>>> يقصد [ البيك ] .. ^^
يعطيك العآفيهـ أخوي .. استمتعت بقرآءة يومك .. ^^
دمت بخير ..
تحيآتي ..~

SoSo"CoOoL"
27-09-2009, 01:24
مشكووووووووور على القصة الحلوى بس الله يعينك انتى الوحيد في عائلتك شكلك كل يوم عايش في طفش ويسلمو ممكن تقبل مروري :cool:

ღ ملاك الظلام ღ
27-09-2009, 03:00
هههههه الله يجعل ايامك كلها سعادة :)

dos santos
27-09-2009, 17:02
واااااااو

الصرآحه من جد فله ووناآسه يوووه أنت الولد الوحيد الله يعينكـ بس عآدي لآتضيق صدركـ ::جيد::

استمتعت بقرآأتهآ تسلم على الموضوع الحلوو والمسلي :لقافة:
مشكورة على المرور
اما اناخلاص تعودت وصرت اقضي اكثر الايام برا البيت
بس مو مررة طفش
يعني انا بالبيت مسوي عمدة
بينما لو كان في ولد ثاني ماكنت العمده

Notyy
27-09-2009, 17:07
يسلموووو عالقصه الحلوه :)

محبة كيسارا
27-09-2009, 17:24
واااا:أوو:اااااا:أوو:اااا:أوو:ااااو



روعــ:ضحكة::ضحكة:ــــه

Ď ŗ ể ǻ м ẽ ŕ ©
27-09-2009, 18:16
مشالله مشالله..

الله يكثر عيال عمك انشالله..

عليكم بالعافيه الطلعات و الأكل..لوول<<البنت جايعه و مشتهيه تطلع

الله يدوم طلعاتكم و أكلكم انشالله..

j

dos santos
27-09-2009, 19:52
هلآ بالغآلي ..^^
شكله كآن يومك ونآسهـ x ونآسهـ ... ::سعادة::
الله يديـــم الأيآم الحلـــوهـ .. ولآ يحرمك من أهلك وأحبآبك ... ^^

http://www.ameinfo.com/images/news/8/26048-albaik.jpg

وهل يخفى القمر ...؟ >>>> يقصد [ البيك ] .. ^^
يعطيك العآفيهـ أخوي .. استمتعت بقرآءة يومك .. ^^
دمت بخير ..
تحيآتي ..~

والله من جد البيك قمر المطاعم ..