PDA المساعد الشخصي الرقمي

عرض كامل الموضوع : اناااااااااااااااااا تقولي ام الخلاقين !!!!!!!!!!!!



وحيشة أم كريشة
20-01-2005, 18:32
جتني رفيدزتي عميشه قبل اسبوع ومير اشوف عليه فستانن يهبل :eek: ,,
واقول له :وش ذا الفستان الزين يا عميشه :rolleyes: سلفينن اياو لعرس ابوي عقب شهرين
قامت فصخت فستانه واثره لابستن تحته فستانن اخر وهي تشر عليه تقول ذا :confused: ؟؟
قلت له : لالالا ذا الي فصختيه ... وانا اقول بنفسي (وش بلاه عميشه انهبلت لابسه فستانين فوق بعض :مندهش: ).
قامت هي وكرتهاااااااااا ضحكه وانا طاريرتن بوهتي ووقفت ساكته انتظر منها تبرير منطقي .
قامت هي بعد ساعه الا ربع من الضحك : هذي يالهدره مهيب فستان هاذي عبايه . :D
وقلت له :هااااو اثره عبايه :eek: الحين وراتس تلبسين عبايه من الاصل لا تلبسين اريحلتس تسان انه هاذي عبايتس .
قالت لي : لا والله ابي البس العبايه على الموضه اجل تبيني مثلك عبايتك كانها خيمه يام الخلاقين اصلا من درا ان اسمك وحيشه مارجى من وراك شي ( مدري وش تحسب اسمه رنا الظاهر )
ومير تلقط بشته وتظهر من باب بيتنا وانا اللي اقوم اجره من شيلته واهوشه : تبين يشوفونتس الجيران طالعتن من بيتنا وانتي شكلتس تسذا !!
وواقوم اجيبله خيمه قصدي عبايه من عندنا والبسه واشوته برى
.................................................. ......
زيدة الماضوع يالمسلمين وش تقولون بهالعبايات اللي ظاهرتن مديلات ماتعرف له تفصال ( وش فيني قمت اخربط )
وانتم يا اوليا الامور سواء من اب ولا رجل (يعني زوج) هل ترضون بهالسوات ؟؟؟
ووش حلولكم واقتراحاتكم للحد من تفشي الظاهره
وسلملم

OLD ANIME
20-01-2005, 18:40
بسم الله الرحمن الرحيم
السلام عليكم ورحمة الله وبركاته
مشكووووورة على الموضوع ومع الأسف فهذه الظاهرة منتشرة هذه الأيام على أنها الموضة كما يقولون
وأول خطوة لحل هذه المشكلة هي انتباه الأباء والأمهات إلى تصرفات أبنائهم سواء كانوا شبابا أو فتيات
وجزاكي الله خيرا ::جيد::

N7210
21-01-2005, 09:09
وحيشة بنت مستاحش آل منحاش

THE KING OF THE LOVE
21-01-2005, 09:16
شكراا على هذي القصة صراحتا ان هذي الخرابيط اي الموضه على قولتهم خربت عقول كثير من الشباب والفتيات

وصار همهم الوحيد اتباع اللموضه على قولتهم واهمال المواضيع المهمه في حياتهم.

وهذا يرجع الى قلة الوازع الديني واهمال اولياء الامور.

وحيشة أم كريشة
21-01-2005, 16:20
ياجمااااااااعه وضحوا اكثر وش هالحكي

يعني محارمكم الحين وش نوعية عبيهن ؟؟؟ وان تسانها عبي على التستف هل تسمحون بهالشي ولا تسوطونهم سوط الويل ؟؟

وبس
سلملم

b0em_GIRL
21-01-2005, 22:25
يعني محارمكم الحين وش نوعية عبيهن ؟؟؟ وان تسانها عبي على التستف هل تسمحون بهالشي ولا تسوطونهم سوط الويل ؟؟

ودك يسوطونا ::مغتاظ:: اشوى انك مو ولية امري ;)

وحيشة أم كريشة
21-01-2005, 22:56
لوني ولية امرتس يالبومه تسان وشوله اصلا اشري لتس عباية ومخاسير واسراف اصلا من قالتس انتس بتطلعين من البيت خير شر ماهنا طلعتن من البيت الا لبيت رجلتس ولا لقبرتس جااااااااتس العلم

ملاحظه للملاقيف ..
داريتن ان اسمه بووم يعني شعر تراي دارستن الماني وباخصتن الدنيا

سلملم