PDA المساعد الشخصي الرقمي

عرض كامل الموضوع : حفله تجمع اشهر عشاق التاريخ



باتى توتا
19-01-2005, 12:32
حفله صغيره تجمع اشهر عشاق التاريخ
قيس يجلس فى الصاله بيقرا جرنان المسا تأتى ليلى وتقوله : قوم البس عشان فى ضيوف مهمين جايين دلوقتى
قيس بنظره ساخطه من فوق لتحت: ضيوف مين دول ان شاء الله يا ست هانم انا مش قولت لك عايزين نلم ايدينا شويه فى المصاريف هو انا فاتحها وكاله من غير بواب
ليلى بتعالى وغطرسه: ليه هو انت بتصرف من جيبك مش كفايه ان انا كتبتلك كل فلوسى باسمك الله يرحمك يا بابا كان عارف انى هاتبهدل معاك اصلك بخيل زى ابوك الملوح
قيس وهو هايردحلها زى الحريم: ايه فلوس ايه يام فلوس الكام ملطوش اللى كانو فى البنك باسمك انا ابويه قللى م الأول ماتناسبش العيله الجربانه دى دول قطتهم فيل
ليلى وهى تشارف ع البكا: عيله جربانه يا راجل يا ناقص نسيت الكلام اللى كنت بتقوله ايام الخطوبه دانتا بوست ايد ابويه ولحست جذ مه امى عشان يرضوا يجوزونى ليك
قيس بتبجح: ساعتها كنا مخطوبين ياماما وعلى راى المثل كلام الليل مدهون بزبده ما تفوتش عليه ساعه ويسيح
ليلى بنظره ندم: انا اللى غلطانه انى رضيت انى اتجوز واحد زيك استاذ فى الكلام كنت بتضحك عليه وتتمسكن لحد ماتمكنت والاصل الواطى بان يا رتنى كنت مارضتش اتجوزك كان ع الاقل تبقى قصه حبنا يعرفوها كل الناس لكن بعد الجواز مافيش حد م الكتاب عبرنا ولا عبر اهالينا
ووسط المشاجره صوت جرس الباب فبادرت ليلى قائله وهى تنهى الشجار: اهو عنتر ومراته عبله جم اياك تعملهم وحش لاحسن ورحمه ابويه لما يجو روميو وجوليت اصحابك اسبكم تولعوا ف بعض وادخل انام ولا اعبركوا
قيس بابتسامه صفراء: حاضر يا ستو هانم اى خدمات تانى
تركته وذهبت لتفتح الباب ليلى ترحب بسعاده وكالعاده اهلا وسهلا
ازيكو عاملين ايه ازى الاولاد يارب يكونوا بخير
ومن ناحيه اخرى قيس يرحب بابتسامه صفراء وباين عليه الخنقه
اوى
والبقيه تأتى