PDA المساعد الشخصي الرقمي

عرض كامل الموضوع : Endless tears تحت الميكرسكوب...:)



Mr.Gravity
26-08-2001, 10:00
كم عمرك...
وين ساكنه
ايش تدرسي
كم معدلك
مين صديقاتك
ايش اسمك
اكثر عضو تحبيه
اكثر عضو تكرهيه
ايش طبختك المفضله
كم سنه وانتي تعرفي النت
مين اول واحد تعرفتيتي عليه(طبعا في النت)
اكثر مشاغب في المنتدى
اكثر مرح في المنتدى
مين هم الثلاثي المرح في المنتدى
تعرفي تغسلي
تعرفي تطبخي
تشربين شاي
كم شيبه تعتقدين في راسك
طبعا لي ما يعرف العبه احنا بنرمي واحد تحت المجهر وبننزل فيه اسال لحد ما يطلع الشيب في راسه بعدين نطلعهخ بره الحلق ونجيب واحد ثاني الحين ابداو اساله في اختنا المشيبه...:)
كخخخخخخخخخخخخخخخخخخخوووووووووووووووووووووو

الوردة البيضاء
26-08-2001, 10:15
مرحبا الأخت كيف حالك ؟؟؟

حبيت اسأل كم سؤال

ممكن ؟؟؟:D

كم ساعة تدرسين باليوم؟
هل تؤمنين بالأبراج؟
:D :) :D :)
شنو افضل ماده دراسيه:)
شنو اكره ماده::مغتاظ::
افضل ايام الأسبوع:cool:
مطربك المفضل؟
مطربتك المفضله


تحياتي
واذا خطر ببالي شي ممكن اسأل؟؟؟:D :D :eek: :D :D :D :D :D :D :D :D

Endless tears
26-08-2001, 11:12
الله يعنج يا اندليس تيرز .. و طحت في يد هولي سموك .. !! يالله اتوكل واشوف هذا الاستجواب ..

عمري 101 ..يعني اكبر من مستر زيد بسنه ..بس عمري الحقيقي 20 ..عجوز !
وين ساكنه .. في الامارات ..في دبي دار الحي ..في جميرا ..عدال البحر ..
ادرس .. في الجامعه ..جامعه زايد و ادرس في كلية الفنون و العلوم ..
..معدلي ؟ أي معدل تقصد ؟؟الثانويه .. ان كنت تقصد الثانويه ..فهو مب لين هناك ..كان معدلي الله يسلمك 78.8 %

صديقاتي .. خارج النت فصديقتي هي بنت خالتي نوره ..و أحلام و انجوله الدلوعه
من النت .. امممممم! ما عندي صديقه تراسلني ! بس اعتبرهم صديقاتي ..وهم الاميره كيرورا و رفيقه الرقيقه و بنت زايد و الورده البيضاء و منى و ...!!
.......

اسمي .العنود

اكثر عضو احبه ..امم سؤال صعب لاني احب كثيرين ..الحزين .بس هو مب في هذا المنتدى ..باد قاي اكن له كل الاحترام ..

اكثر عضو اكره ..هو هولي سموك !!اف يطفرني ..بس انا و بكل صراحه ما اكره هولي بس احب مزاحه و اسلوبه العجيب !!

اما عن طبختي المفضل ..البيتزا ..
كم سنه على النت .. 3 سنوات تقريبا !!
..
اول شخص اعرفه على النت ..هو !!والله ما اذكر بس تعرفت على كريزي لف..
اكثر مشاغب في المنتدى هولي سموك ..
اكثر وحده مرحه هي كوكو ..
الثلاثي المرح ..هو سسكو و هولي سموك و
OSM
و بكل صراحه ما اعرف اغسل و لا اكوي و لا اطبخ !! بس اعرف اسوي كيك !! واندليس تيرز ما تسوي شي من الواجبات المنزليه !!
...اشرب شاي ..بس احب الحليب اكثر ..
..اما عن الشيب الي في راسي ..فانا اول ما دخلت الجامعه طلعت لي شعره بيضاء ....وهذا من صعوبة الدراسه !في جامعتي !

و الظاهر شعري بيشيب اكثر !!
وتحياتي الاندليسيه
اندليس تيرز

Endless tears
26-08-2001, 11:25
اهلا يا الورده البيضاء ..اختى الصغيره الحبوبه :)
اكيد تقدرين تسألين .. انتي تسوين الي تبينه ^_^ كم ورده عندي انا ..

اوكي بجاوب الحين ..
كم ساعه ادرس ..اممم!! مادري كيف اجاوبج ..انا اقضي كل يومي في الجامعه من الصبح لين المغرب !! و غالبا ما اذاكر لان معضم الامتحانات ما تعتمد على الكتب !! بس ممكن اقول ثلاث ساعات في اليوم ..:)

اما عن الابراج .. فانا ما اصدق الي فيها لاني ما اقتنع ان الناس لهم نفس الحظ ؟! و بعدين "كذب المنجمون و لو صدقوا " ..يعني كل الكلام الي في الابراج كذب !! بس احيانا اقرأ للتسليه فقط !!

افضل ماده !!يوم كنت في المدرسه كنت احب التاريخ و الفلسفه و المنطق و علم نفس ..و الجغرافيا !!

اما في الجامعه !! اممممممممممممممممممممممممممممم! والله مادري؟!

اكثر ماده اكرها هي الكيمياء ..!!
افضل ايام الاسبوع ..الاربعاء :) ..و ما احب يوم الجمعه !

احسن مغني او مغنيه ..فانا من النوع الي ما يحب حد ..بس احب الاغنيه و الكلمات ! يعني ما اهتم منو الي يغني و لا اتبع اخبار المطربين !! بس اسمع الكلمه الحلوه و الصوت الاحلى ..

و اكيد تقدرين تسألين في اي وقت
تحياتي
اندليس تيرز

Mr.Gravity
26-08-2001, 11:45
:مكر: :مكر: :مكر:
تصلي
تصومي
حجيتي
ايش اول شيء تسويه لما تقومي من النوم
وين رحتى قبل شوي
ايش اسم مدرستك القديمه
تحبيبي ال pepsi ولا كوكا كولا
ايش لون شعرك
كم طولك
ايش لون عيونك
الون المفضل
تلعبي رياضه
تفرشي اسنانك
تغسلي وجهك
تحطي مكياج
اكثر شيء حزنتي عليه
اكثر شيء فرحتى له
من هو قدوتك
مغنيك المفضل
احلى مغني
احلى مغنيه
احلى عضو::مأزق::
احلى عضوه
اسم ابوكي
اسم اختك
اسم اخوانك
اسم بنت جيرانكم
ترى هذه بدايه قط
::جيد:: ::جيد:: ::جيد:: ::جيد:: ::جيد::

TOO COOL
26-08-2001, 12:09
اقتباس من كلمات holly_smoke في الأعلى
:مكر: :مكر: :مكر:
تصلي
تصومي
حجيتي
ايش اول شيء تسويه لما تقومي من النوم
وين رحتى قبل شوي
ايش اسم مدرستك القديمه
تحبيبي ال pepsi ولا كوكا كولا
ايش لون شعرك
كم طولك
ايش لون عيونك
الون المفضل
تلعبي رياضه
تفرشي اسنانك
تغسلي وجهك
تحطي مكياج
اكثر شيء حزنتي عليه
اكثر شيء فرحتى له
من هو قدوتك
مغنيك المفضل
احلى مغني
احلى مغنيه
احلى عضو::مأزق::
احلى عضوه
اسم ابوكي
اسم اختك
اسم اخوانك
اسم بنت جيرانكم
ترى هذه بدايه قط
::جيد:: ::جيد:: ::جيد:: ::جيد:: ::جيد::

بتخطبها؟؟:confused:

Mr.Gravity
26-08-2001, 12:27
لا بس عشان نطلع الشيب في راسها...:)

selvar
26-08-2001, 12:42
:مكر: :مكر: :مكر:


تزكى

تصلين صلاه بوقتها :)

كيف حالك :)


بس

H-M-Almatrouk
26-08-2001, 12:47
احم احم

هولي اعتقد انه خلاص سألتها اسإله عجييبه ويلا نحول على واحد او وحده ثانيه :)

Mr.Gravity
26-08-2001, 13:01
هذ الموضوع لاوزم يصير 7 او 8 صفحات عشان نترك اختنا بحالها...:)

Endless tears
26-08-2001, 13:05
الله يهديك يا هولي سموك ..شو هل الاسئله ؟!

اوكي ..بجاوب ..
اصلي و اصوم ..بس ما ازكي!!
و ما حجيت ..واتمنى ان اسير العمره و بعدين الحج ..
..اول شي اسويه يوم اقوم من النوم ..! شو هذا السؤال ..يا هولي .. يله بجاوب .اسير اسبح
وين سرت قبل شوي ....والله سرت غرفتي و رجعت ..على الكمبيوتر

اسم مدرستي القديمه ..اول مدرسه دخلت فيها هي ام اسقيم و بعدين الصفوح ..والحين انا في الجامعه ..

ما حب المشروبات الغازيه ؟! وان بغيت اشرب ..فبشرب بيبسي دايت ..

لون شعري اسود ..
طولي 162
لو عيوني .. بني غامج !!
الازرق هو لوني المفضل !!
احب الرياضه ..و امارس رياضة المشي !!وكنت اتزلج من زمان بس الحين لا ...والعب كره سله !!
شي طبيعي اني اغسل اسناني يا هولي سموك
والله العضيم ! اني اغسل وجهي ..و هو في انسان ما يغسل وجهه؟؟؟؟؟؟؟؟؟؟؟؟؟؟؟؟؟؟

نعم احط مكياج ..بس ما ابالغ فيه
اكثر شي زعلت عليه هو نسيان اصدقائي لي ..
اكثر شي فرحت له هو وجودي بين ناس يحبوني
..انا ما اقتدي بانسان واحد .لان ما في انسان كامل !! فأشوف الافضل لي و المناسب و اسويه بعد تفكير ..

"مغنيك المفضل " هذا سؤال سألتني اياه الورده البيضاء و قلت اني اهتم بس للكلمه و الصوت و ما اهتم بالفنانين !
.احلى مغني و مغنيه ؟؟ هل تقصد من ناحيه الشكل ..؟ والله مادري لازم اشوفهم على الطبيعه !!تعرف هذيل كلهم على بعضهم اصطناعين ..مكياج و غيره !! و مليون عمليه تجميل ؟ واندليس تيرز ما تهتم من هذي الناحيه !

احلى عضو و عضوه ..من المستحيل تقصد الشكل صح ..والله كلهم حلوين .. "ما ابغي ازعل حد "

والحين شو تبغي باسم ابوي ؟ بتناسبه ؟؟ والله حاله ..اسمه مطر
اسم اختي ..شمسه و هي اختى الوحيده ..
اسماء اخواني ..!! حمد ..محمد ..معضد ..منصور ..عبدالله

و بنت جيرانا ما سلمت منك !! الله يعين ..اسمها سمية ..

و تحياتي
اندليس تيرز :)

Endless tears
26-08-2001, 13:10
شفت كيف اسألته يا توووو كوول ..!!

اهلا يا سلفر ..والله لين الحين ما طلعت زكاه ! بس اصلي و الحمدالله ..
وانا بخير بس استغيث و اطلب النجده !!

شوف يا هولي ترى مستر زيد ..يقولك غير ..وانته ناوي تخلي الموضوع 7 صفحات !!

Mr.Gravity
26-08-2001, 15:25
طيب...:)
يا اختي يا كبيره....:)
صح انا كاتب الموضوع وحقوق الطبع محفوظه فبس امل منك بشيلك من تحت المجهر...:)

وش اسم اخوك الكبير؟؟

وش اسم اخوك الصغير؟؟

وش اسم شغالتكم؟؟

وش اسم اللي تعزه من عيال عمك؟؟

وش اسم اللي تعزه من عيال خالك؟؟

وش موقفك لو المشرف وقفك بدون سبب؟؟

وش تسوي لو درا المشرف انك تقول عنه نكره؟؟

كم عدد المشرفين بالمنتدى؟؟

وش احسن شكلاطه عندك؟؟

وش احسن كوب كيك عندك؟؟

وش احسن بسكوت عندك؟؟

وش احسن لعبتين عندك من نوعين مختلفين على البي سي؟؟

وش احسن وجيه المنتدى عندك؟؟

من اكثر عضو رفع ضغطك؟؟

اذا جا اخوك وقالك افصخي نعالي وانتي طالعه لسوق وش يصير موقفك:)

من وين اصلك؟؟

بأي حي ساكنه؟

وش سيارتك

وش رقمك المفضل؟؟

وش فريقك المفضل ؟؟

وش منتخبك المفضل(غير السعوديه)؟

كم باقي من سؤال تتوقع؟؟

كم توقيع حطيت بالمنتدى حتى الان(بالأرقام نبي)؟؟

من يصلحلك تواقيعك؟؟

من اكثر من تتهاوش معه بالبيت؟؟

وش شعورك بعد هزيمة المنتخب؟؟

من احسن مشرف عندك؟؟

من اسوأ مشرف عندك

هل انتي خاطبه

وش شعورك يوم وصلتي هالسؤال؟؟

Endless tears
26-08-2001, 18:24
...........هولي ؟! ليش ما عندك سؤال مفيد ؟!
المهم بجاوب..

اخوي الكبير هو منصور
و الصغير معضد
..وحتى الخدامه !! وحده اسمها لينا و الثانيه نرون
اما عن اسم الي اعزه من عيال عمي ..فانا ما عندي لا عم و لا عمه !!
اما عيال خالي ..خليفه
ما اعتقد ان المشرف يوقفني من دون سبب !! لازم يكون هناك سبب معين ..ولمعرفتي به ما اعتقد انه بيوفقني من دون ما يقولي بالاول !!

"وش تسوي لو درا المشرف انك تقول عنه نكره؟؟".........ناوي على المشاكل يا هولي سموك ؟انا عمري ما اقول شي غلط عن أي حد ..ممكن امزح معاه بس ما اذم حد..وان شفت شي غلط فانا اقول الصراحه ..و من طبعي اني اصارح الواحد بشي الي يزعجني ..ويمكن انته تكون ادرى بهذا ...وخاصه انك كنت في منتدى اوارق .. و تذكر كيف كانت ميستي..

كم عدد المشرفين في المنتدى ..انا اعرف مشرف واحد و نائب مشرف واحد ..و في مراقبين !بس انته شو قصدت بهذا السؤال ؟ المراقبين او المشرف؟؟

شوكولاتا ..احب كل الانواع بس تكون من دون مكسرات ..واكثر نوع احبه هو " بونتي "

شو كوب كيك ؟؟

اما عن البسكوت ..احب البسكوت المالح !
" وش احسن لعبتين عندك من نوعين مختلفين على البي سي؟؟" ما فهمت شو تقصد ؟؟ اذا كنت تقصد العاب فيديو فانا ما العب ..بس اشوف اخواني الصغار يلعبون !

وش احسن وجيه المنتدى عندك؟؟""".....امممممم ..ما اعرف ؟!
”””

اكثر عضو رافع لي ضغطي ..هو هولي اكيد ..
اذا جا اخوك وقالك افصخي نعالي وانتي طالعه لسوق وش يصير موقفك"".....هذا الشي ما بيستوي حتى في الحلم! اخواني يحترموني ..
””

من وين اصلي ؟؟والله انا من الامارات و راعيت جميرا .."اماراتيه حتى النخاع !"

حي ! تقصد أي فريج ..كيف اقولك ..؟!انا في جميرا 6
اما عن السياره ..فانا ما عندي ليسن علشان يكون عندي سياره

رقمي المفضل ..2

فريقي المفضل هو انتر ميلان
وش منتخبك المفضل(غير السعوديه)؟"”
منتخبي المفضل هو الامارات ..وما علي أي علاقه بالمنتخب السعودي !!
كم باقي من سؤال تتوقع؟؟" “
كم بقى من الاسأله ؟! والله انته ادرى ! انا ما اعرف الغيب


حطيت 3 تواقيع لين الحين ..اثنين في السابق و الحين واحد !
محد يصلح لي تواقيعي !؟

من اكثر من تتهاوش معه بالبيت؟؟"""اندليس ما تتهاوش مع احد .لاني دائما اجلس بروحي ..

والله شعوري بعد هزيمه متخب الامارات ..اني زعلت في البدايه ..بس شو يعني ..يخسرون ولا يفوزون هذا ما بأخر ولا بيجدم ..تراها الا لعبه !!

من احسن مشرف ؟والله ما اعرف ..وهذا يبغيله وقت علشان نعرف منو الاحسن و نفس الشي بالنسبه للاسوء!!
هل انتي خاطبه"’
كنت مخطوبه !
وش شعورك يوم وصلتي هالسؤال؟؟..اشكر ربي !!و حمدالله :

تحياتي لك ..واتمنى ان تكون اسألتك احسن من هذي ؟!
اندليس تيرز ..

selvar
27-08-2001, 00:05
ايش احلى لون عندك؟

ايش اقبح لون عندك

ايش احسن حيوان عندك؟

ايش اقبح حيوان عندك؟


شو الأغنيه غربيه إلي تسمعيتها دايم؟

شو الأغنيه العربيه تسمعيها دايم؟

حنونه على الأطفال ؟

تحبي الأطفال؟

شو احسن صف عندك؟

شو موصفات فارس احلامك؟

شو لون سيارتك؟

مين تحبين ابوك ولا امك؟

شو لون بيتكم؟


شو لون جهازك؟


تتسوقين دايم؟


شو احلى فستان عندك؟


اي دوله تتمنين انك تزورينها؟

شو احلى لعبه لعبتيها؟

شو احلى حلم حلمتى؟

شو اكره اكله عندك؟


شو احلى تسافرين بـــ طياره ولا سفينه ولا سياره؟



لسه هذى بدايه :مكر: :مكر: :مكر:

OSM
27-08-2001, 02:22
هولي انت وسيسكو المفروض انهم يحطونكم في قسم التحقيق في الشرطه والله ما باقي الا تسألونها ....مممممممم ما بقى شي ما سألتوها عنه :confused: :confused: ::محتار:: ::محتار:: ::محتار::

الوردة البيضاء
27-08-2001, 06:36
الله يعينك يا اندليس :D

selvar
27-08-2001, 07:11
ههاهاهاهاها :مكر: :مكر: :مكر: :مكر:



تسمعى كلام الماما والبابا ؟


تسمعي كلام ابوك؟


تحترمين اخوك الكبيبر؟


تحبين جواهر جلاكسي ؟


تحافضين على رشقتك ؟

عندك خاتم؟

شو لون خاتم؟

هو اكسسوارات :)؟


تبغى زياده :مكر: :مكر: :مكر:


لسه يا اختى انتى فى بدايه:مكر: :مكر:

~NOARAH~
27-08-2001, 08:02
هاي..اختي..
الله يعينك.....::مأزق:: ::جيد::
على هالاسئله..
..........
انا باسئلك اسئله خفيفه..
وش الموقف المحرج اللي صارلك بحياتك والين اليوم مانسيتيه؟؟
الحب؟بنظرك اش يعني؟
مارايك بالرقص؟وهل تحبين الرقص؟
ليش اخترتي اسم Endless tears بالذات؟
مارايك بشباب وشابات اليوم؟
شخص الحين خطر ببالك وانت تقراين هالاسئله..اش تقولين له؟
.........
تحياتي ياااااااصررررررريحه..::جيد::

التايه
27-08-2001, 08:23
طيب مين العضو الثاني الي بتستجوبونه هههههههههه
امزح والله الاسئله كانها اسئلة اختبار نهائي حق رابع ثانوي لو فيه
تراها طوييله وصعبه

Mr.Gravity
27-08-2001, 09:34
كخخخخخخخخخخخخخخخخخخخخخخخخخخخووووووو
اسالوها كمان لاني تعبان...:)
ليش خطفتي هولي يا الاخت الكبيره...:)
ايش تتوقعي تعذيب هولي في القصه...:)
مين تتتوقعي راح ينقذ هولي...:)

التايه
27-08-2001, 09:43
احم احم
السؤال الوحيد انتي مرتاحه للاسأله هذي ولا لا

Endless tears
27-08-2001, 09:51
وانته بعد علموك يا سلفار ..يالله بجاوب و بتريا دورك انته و هولي ..والله بنتقم !

ايش احلى لون عندك؟
ازرق
ايش اقبح لون عندك
اخضر
ايش احسن حيوان عندك؟
ما احب الحيوانات..لاني اخاف منها
ايش اقبح حيوان عندك؟
....
شو الأغنيه غربيه إلي تسمعيتها دايم؟
from the heart >>by another level
شو الأغنيه العربيه تسمعيها دايم؟
...أحبك يا نظر عيني ..ميحد حمد
حنونه على الأطفال ؟
نعم
تحبي الأطفال؟
احبهم و امووت عليهم
شو احسن صف عندك؟
ارضى بسرعه
شو موصفات فارس احلامك؟
انه يحترمني و يكون انسان خلوق
شو لون سيارتك؟
ما عندي سياره
مين تحبين ابوك ولا امك؟
كلهم
شو لون بيتكم؟
ابيض

شو لون جهازك؟
اسود

تتسوقين دايم؟
دائما ..احب التسوق

شو احلى فستان عندك؟
كل فساتيني حلوه ..

اي دوله تتمنين انك تزورينها؟
ما احب السفر وايد ..
شو احلى لعبه لعبتيها؟
باربي !
شو احلى حلم حلمتى؟
احلى حلم ..يوم كنت مع الناس الي احبهم
شو اكره اكله عندك؟
المعكرونا

شو احلى تسافرين بـــ طياره ولا سفينه ولا سياره؟
اكيد طياره !!




تسمعى كلام الماما والبابا ؟
هم الاثنين

تسمعي كلام ابوك؟
نعم

تحترمين اخوك الكبيبر؟
اكيد

تحبين جواهر جلاكسي ؟
نعم

تحافضين على رشقتك ؟
اكيد ..و احاول قدر الامكان
عندك خاتم؟
عندي خواتم !!لاني احب لبسها
شو لون خاتم؟
والله كل الالوان و الاشكال ..

هو اكسسوارات..عندي اكسورات و ذهب و فضه ؟
..و تحياتي اندليس تيرز الي تعبتوها !!

Endless tears
27-08-2001, 09:53
اهلا يا نوره :)..وانا اندليس بجاوب !؟
وش الموقف المحرج اللي صارلك بحياتك والين اليوم مانسيتيه؟؟
... يوم كنت في السوق مع اخواني في شانغ ماي .وكان الوقت ليل..و ضعت انا و اثنين من اخواني ! حسيت بالخوف !وكنت خايفه على اخويه الصغير الي عمره 8 سنوات !!كنت اقول لاخويه الي عمره 17 سنه انه اخويه الصغير ضاع خلاص !!خطفوه ..والله تمينا مده ساعه ندور عليه ..و بعدين لقينها مع امي و ابويه ..و الظاهر اني انا و اخواني الشباب الي كنا ضايعين مب اخويه الصغير !!

الحب؟بنظرك اش يعني؟ .
.الحب ..قد يكون سر السعاده او عمق التعاسه .. ولكن ان كنا نملك الحب الحقيقي الصادق النابع من ربوع القلب ..وانسان ثاني له نفس المشاعر الصادقه الطاهره و العيده عن الاكاذيب او المصلحه .فهنا تكون جنه الحب.. الحب يكون الامل لك للعيش في حياه سعيده ..و قلب مطمأن ..وبال مرتاح .. مع الحب تكون ابتسامتك دائما حتى لو في اصعب الظروف .. الحب يعلم الصبر و المسامحه و الصدق و الابداع ..الحب مفتاح الحيره .فانته تحتار كيف تتغير الدنيا و ما حولها ..فقط لانك تحب ..و محظوظ من وجد الحب الصادق و الحبيب الخالد في القلب ..

مارايك بالرقص؟وهل تحبين الرقص؟
الرقص ..طريقه تعبيره للسعاده و الاستمتاع بالجو الحافل الي حولك ..و استمتاعك لسماع الموسيقى و الالحان العذبه ..انا اندليس تيرز ..احب الرقص ..بس ما اعرف كيف ارقص؟!

ليش اخترتي اسم Endless tears بالذات؟
..لاني تمنيت ان تنتهي دموع حزني و تكون الاخيره ..!

مارايك بشباب وشابات اليوم؟
والله الشباب و الشابات في هذا الزمن دائما مستعجلين في قرارتهم ..وهذا يمكن لان كل شي يتغير بسرعه ..بعض من الشباب و الشابات يعيشون من دون هدف !! او تلقينهم مترددين في الهدف الي يبونه !! اهم اكثر تحرر من الماضي ..وهذا يمكن يكون له سلبياته و ايجابياته ..بشكل عام ..اغلب الشباب يحاول يثبت وجوده وهذا الي يخليهم يدرسون في مجالات جديده ..وانا اتمنى التوفيق لهذي الفئه من الشاب و الشابات

شخص الحين خطر ببالك وانت تقراين هالاسئله..اش تقولين له؟
...والله انا دائما في بالي شخص واحد ..و اقوله "ترى اندليس تيرز مشتاقه لك ..واتمنى ان اشوفك عضو في منتدى ميجا مكس ..و احبك "
واشكرج على اسألتج ..و على تسميتي بالصريحه يا نوره المزيونه
اندليس تيرز

Endless tears
27-08-2001, 09:56
التايه ..سوري كنت اكلمك على اساس بنت !!والله كله من هولي ..و ان كنت مرتاح لاسألته !!فلا ..بس اسألت غيره نعم !!

والله صدقجيا التايه !!حتى الاختبار اسهل !هذا استجواب ..

Endless tears
27-08-2001, 10:02
اهلا يا هولي سموك ..
تشتكي و تقول تعبت ّّ!! بس ما عليه بيك الدور في يوم

والله خطفت هولي لانه يخرب كل شي و لانه مشاكس !!
ابغي اعذبه و اخليه يشوف نجوم الليل في عز الظهر !! و تخيل كل انواع التعذيب .فانا بطبقها عليه
وان كان حد يحب يجرب اي نوع من السلاح عليه فلا بأس ..هولي جاهز للخدمه و من دون مقابل ..وان كانت ورده الصحراء تبغي حد يساعدها في التنظيف فعندي الي يساعدها هولي سمو ك ..وان كان مستر زيد ..يبغي حد يحل له واجباته ..فبخلي هولي يساعده ..وان كانت كوكو ..تحب تبغي بيت ..او اي خدمه ..فواحد بيساعدها و هو هولي ..

ما بسمح لاي مخلوق يساعده !! محد !! خله يتم مخطوف الى الابد ..وان حد انقذاه من عمليه الخطف ..فاكيد بيكون قد فقد الذاكره او خرف!....

و تحياتي
اندليس الشريره !

Mr.Gravity
27-08-2001, 10:24
كككككككككككككككككككككككككككككككككككككككككك
خخخخخخخخخخخخخخخخخخخخخخخخخخخخخخخخخخخ
وووووووووووووووووووووووووووووووووووووووووو
::مأزق::

Endless tears
27-08-2001, 15:35
واعلنت الاستسلام يا هولي :) !! خلني اشوف رايتك البيضاء

Mr.Gravity
27-08-2001, 18:32
في الاحلام:مكر: :مكر: :مكر:

وردة الصحراء
27-08-2001, 18:44
خلاص عاد ذبحت البنت.......
خلها ترتاح.....
مع تحياتي....
كتكوتة...::جيد:: ::جيد::

Mr.Gravity
27-08-2001, 19:17
اقراي ردي فوق تعرفي جوابي لك::)

وردة الصحراء
27-08-2001, 19:37
ما اقول الا الله يعنك....
يا اندليس :( :( :( :( :( ......
مع تحياتي...
كتكوتة...:( :( :(

Mr.Gravity
27-08-2001, 19:52
لا يا شيخ...:)

$koko$
27-08-2001, 19:53
اقتباس من كلمات Endless tears في الأعلى
اهلا يا هولي سموك ..
تشتكي و تقول تعبت ّّ!! بس ما عليه بيك الدور في يوم

والله خطفت هولي لانه يخرب كل شي و لانه مشاكس !!
ابغي اعذبه و اخليه يشوف نجوم الليل في عز الظهر !! و تخيل كل انواع التعذيب .فانا بطبقها عليه
وان كان حد يحب يجرب اي نوع من السلاح عليه فلا بأس ..هولي جاهز للخدمه و من دون مقابل ..وان كانت ورده الصحراء تبغي حد يساعدها في التنظيف فعندي الي يساعدها هولي سمو ك ..وان كان مستر زيد ..يبغي حد يحل له واجباته ..فبخلي هولي يساعده ..وان كانت كوكو ..تحب تبغي بيت ..او اي خدمه ..فواحد بيساعدها و هو هولي ..

ما بسمح لاي مخلوق يساعده !! محد !! خله يتم مخطوف الى الابد ..وان حد انقذاه من عمليه الخطف ..فاكيد بيكون قد فقد الذاكره او خرف!....

و تحياتي
اندليس الشريره !




اندليس حبيبتي ...
اخوي كب العصير على السجاد .. لو سمحتي ترسلي لي هولي عشان ينظفه:D :D :D :D خخخخخخخخخ:D :D :D :D ::جيد:: ::جيد::

Mr.Gravity
27-08-2001, 19:55
بس انا في التعذيب يعني لو طلعتني بهرب روحي شوفي الجزء الثالث...:)

OSM
28-08-2001, 03:54
يا هولي انا انظربت على راسي وبعدين عرفت انه الي أسويه غلط فيك المفروض اني اعرف اني انسان وليس وحش





قاعد المح لك يا هولي
كخووووووووووووووووو

التايه
28-08-2001, 08:00
والله انها حاله غير طبيعيه
عاد كيف لو اني انا الي تحت المجهر
:( ::محتار::

X Sora X
21-09-2006, 14:50
كم عمرك...
وين ساكنه
ايش تدرسي
كم معدلك
مين صديقاتك
ايش اسمك
اكثر عضو تحبيه
اكثر عضو تكرهيه
ايش طبختك المفضله
كم سنه وانتي تعرفي النت
مين اول واحد تعرفتيتي عليه(طبعا في النت)
اكثر مشاغب في المنتدى
اكثر مرح في المنتدى
مين هم الثلاثي المرح في المنتدى
تعرفي تغسلي
تعرفي تطبخي
تشربين شاي
كم شيبه تعتقدين في راسك
طبعا لي ما يعرف العبه احنا بنرمي واحد تحت المجهر وبننزل فيه اسال لحد ما يطلع الشيب في راسه بعدين نطلعهخ بره الحلق ونجيب واحد ثاني الحين ابداو اساله في اختنا المشيبه...:)
كخخخخخخخخخخخخخخخخخخخوووووووووووووووووووووو

وش دخلكم :cool: