PDA المساعد الشخصي الرقمي

عرض كامل الموضوع : مواقف في ذاكرتك حاول تسترجعها معانا!!



BUFFY SUMMERS
12-12-2004, 12:13
اهلين!!

كيف حالكم؟!!

طيبين؟!!

انا حبيت يحط كل واحد شي او شيئين او أكثر عن طفولته او ذكرياته او اي شي عنه من زمان محتفظ فيه للآن سواء كان قصة ,موقف الخ..

من زمااااااااااااااااااااااااان الظاهر اني كنت صف سادس والله مدري بس حوله!!

كانت فيه وحدة كسلانه مرة ساقطة سنه يمكن!!

وانا والله كنت مسيكنه لثتي منتفخة مررررررة كني حاطه مصاصه في فمي!!

ومن دون غرور كانت كل المدرسات يحبوني لأني كنت شاطرة!!

فانا بالفسحة ما كنت آكل شي بسبب فمي فكنت اقعد بالفصل!!

والكسلانه كانت مجلسه بالفصل بس هي كانت في فصل ثاني!!

وجت ابله الإنجليزي وعاد كنت احبها وقالت لي ( تعالي حلي مع صاحبتك - وااضح كنت اخاف منها - الواجب بتاع الأنجليزي ) قلت انا طيب!!

وقعدت جنب البنت وامسك انا وياها القلم الرصاص!!

وعاد ما يحتاج اقولكم عن البنت من أهل الكهوف هههههه متوحشه!!

من التوحش ما كله المساحة بالقلم!!

وحنا قاعدين نكتب وارجاف حااااااااد من جهتي!!

وتجي الـ **** تحك خشمها - يع - وتنسى اني ما سكه قلم الرصاص الي كنه سكين!!

وطخ باللثه!!

وآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآه!!

من قوه الضربة البنت الكسلانه صاحت قعدت تبكي!!

وانا صراخ وسب وشتم وذيك جالسه ملبدة في مكانها تصيح!!

وودوني عاد للبيت وحطو ثلج وخلاص!!

وانتو صار فيكم شي مماثل؟

MaRy MaRz
12-12-2004, 16:25
امممم انه مرة .. يعني مب من وقت طويل

كنت في بيت رفيجتي وكان البيت خالي مافي الا احنا (بنات) والخدامة!

الجو كان حدة يخوف.. :مذنب:

كان توه ياي البرد

ماعرف شلون ذاك اليوم حتى مزاجنا كان يخوف, :ميت:

يعني قعدنا نشوف فلم رعب ويازعم نسوي سحر (هاي عن رفيجاتي انه على طول جذي) :تدخين:

المهم..

ورى بيت رفيجتي (في الحوش) في ممر يخوف! واحنا تحدينا بعض ان نمشي فهاي الممر

كان ظلمة وهدوء

انه اول وحدة وافقت <<<< بارزة!! :D

ومشيت والبنات واقفين يم الباب ميتين من الخوف :مندهش:

وانه امشي بالعداااال :نوم:

وشفت شي يترحك من بعيد (في الممر)






ماوعيت الا قطوة سودة :eek:


صااااااااررررخت "يااااااااااااا ماااااااااااامااااااااااااااااااااااااا " <<< شوي شوي يمه :p

والبنات يم الباب قوموا الفريج من الصراخ وشخطوها داخل البيت!! ::سعادة::

بعدين عقب ماهدينا شوي! قلتلهم انه رايحة مرة ثانية!! <<< وايد متحمسة!! :p

تموا يسون لي "لاااااااا لاتروووحين!!!!!!" :eek:

وانه اقولهم انه رايحة يعني رايحة :تدخين:

ورحت ..انه امشي جدام وثلاث بنات يمشون وراي بس بعيد شوي وهمه متلاصقين ويسوون "بسم الله ..بسم الله" :p

عاد انه مادري شفيني كان فيني صرخة وناسة :rolleyes:

صارخت جذي "ووووووووووووووووووووو" :p

اهمه الاذكيه عبالهم شفت شي يخرع !! :مندهش:

والباقي مايحتاي اقوله :D

هالمرة مو بس قوموا الفريج :p

وشخطوها جدامي وانه صرت ورى! ::مغتاظ::



بس والله كان وناسه!!! :cool:

مشكورة على الموضوع الكوول!! ;)

واحد من الشباب
12-12-2004, 19:45
ههههههههههههههه

خلااااص بمووت من الضحك هههههههه

وع عاد ذيك لبنت صج مقرفة ههههه

حاليا ما فيه موقف في بالي :)

لكن لما اتذكر بقوول