PDA المساعد الشخصي الرقمي

عرض كامل الموضوع : اتحد احد يثحله فيكم هذ ة الاغاز



DEMIAL
21-04-2009, 19:27
السلام عليكم ورحمة الله وبركاته





بنْت المِيْر..
تخِبّ حَرير..
السّاق إبْرة..
والكمّ كبير.
***
طويلة وما تطول ذَيل الحمار.
***
تشرب بلا رقبَة.
***
 عِرْب في فَم وادي..
يهِبّ جاي ويهِبّ غادي.
***
 يخِشّ القَشّ..
وما يخَرْبِش.


***
 حَزْرَه حَزْر الكَفّ..
يسُوق مِيّة وألْف.
***
 متْحَزِّم تحْزِيْم التّرْكي..
لاقِط ها الطريق ويبْكي.

***
 عنَيْزتي سُودَانة.. كل بَيْت تذوق دهَانه.

***
 أَرْبَع مطَارِق.
في غَوْط غارِق.
***
 قاعِد في دكّانه.
وياكِل في مصْرانه.
***
 إبلي وإبل سِيدي عمَر..
تخَلّطَن ما عَرَفت منهن غير اجْمَلي لَشْقَر.
***
 هي هَنا.. وصياحها في الوادي.
***
 ذانْها في فَمْها.
***
 عندي ثلاث اجْمال: واحَد برَك ما فَزّ.. وواحَد خَذَوه الجِيْران.. وواحَد سرَح ما رَوَّح.
.................................................. ...................
[/size][/size][/center]

*thb7ny 5fo8i*
21-04-2009, 19:34
يسعدني أكون اول من رد ...
بصراحه اصعب الغاز مرت علي....
في كذا واحد صعب!!!
لي رجعه قريبه "إن شالله"
لان الالفاظ شوي مصعبه :d ..

دمت بود..

*thb7ny 5fo8i*
21-04-2009, 19:54
مــــــرحبا من جديد...


:: :: :: :: :: :: ::

بنْت المِيْر..
تخِبّ حَرير..
السّاق إبْرة..
والكمّ كبير.

ماادري حيرني!!
الشجره- الدوده-المكحله...
:لقافة:

***

طويلة وما تطول ذَيل الحمار.

الظل ...او الطريق

***

تشرب بلا رقبَة.

الخنزير!!! ماله رقبه بس اظنك تقصد جماد..
يمكن الاسفنج..او الارض

***

 عِرْب في فَم وادي..
يهِبّ جاي ويهِبّ غادي.

الهواء!! الكلام,,

***

 يخِشّ القَشّ..
وما يخَرْبِش.

القطووو هههههه ... الحصان

***

 حَزْرَه حَزْر الكَفّ..
يسُوق مِيّة وألْف.


ـمممممـ.. العصا مثلاً :لقافة:
***

 متْحَزِّم تحْزِيْم التّرْكي..
لاقِط ها الطريق ويبْكي.

السحاب او الجره ..

***

 عنَيْزتي سُودَانة.. كل بَيْت تذوق دهَانه.

الذباب :confused:

***

 أَرْبَع مطَارِق.
في غَوْط غارِق.


السفينه
***

 قاعِد في دكّانه.
وياكِل في مصْرانه.


بطن الانسان
***

 إبلي وإبل سِيدي عمَر..
تخَلّطَن ما عَرَفت منهن غير اجْمَلي لَشْقَر.

مادري شسالفه .. بس اقوول ان جماله الشقر وماتخربطو بين حقته وحقت عمر ..سالفه صح!!!
:D

***

 هي هَنا.. وصياحها في الوادي.


الامانه او طلقة البندق...
***

 ذانْها في فَمْها.

الجره

***

 عندي ثلاث اجْمال: واحَد برَك ما فَزّ.. وواحَد خَذَوه الجِيْران.. وواحَد سرَح ما رَوَّح.


الساعه!!!


:: :: :: :: :: :: ::

ماشالله عليك اخوي الغازك صعبه من عادتي احل الالغاز والبازل بسرعه بس هالمره غير
حتى اني سكرت التلفزيون عشان اركز اعتفست :D ,, والله..
اتمنى الجواب منك على الالغاز بفااارغ الصبر وكون إنها تراثيه زادها صعوبهـ ...
سؤال.... إنت تعرف اجوبتها ولا بس حاطها لنا .. ولا عارف الاجوبه!!::مرتبك::

بانتظار ردك .. يعطيك الف عافيه وعساك ع القوووهـ..

دمت بحفظ اللهــ,

Aisha-Mizuhara
22-04-2009, 03:45
الألفاظ صعبة بعض الشيء

DEMIAL
22-04-2009, 11:15
مشكور اخوي على مشاركتك::جيد::
وانا انشاء الله بنزل الحل لكم بس لما تعجزو حتى اشوف احد يقدر يحله

DEMIAL
22-04-2009, 11:22
بس هذي الاجوبه في منها البعض صح تقريباً

*thb7ny 5fo8i*
22-04-2009, 15:20
بس هذي الاجوبه في منها البعض صح تقريباً


بانتظار الاجوبه بفارغ الصبر..

ع الاقل حليييت ^^"

دمت بود