ramires28
09-03-2009, 16:46
قيل
كان المشرف مرتبط بموعد مع العروس وأهلها
ليتقدم اليها ولم يستطيع قفل المنتدى اكتر من ساعة وهى مدة اللقاء
مع الأهل فأخذ اللابتوب معه وشحنه على آخره وتابع الردود على
الأعضاء فى صفحة الشكاوى وهو فى طريقة للمنزل راكبا التاكسى
بمجرد وصوله إلى العروس سأل عن أقرب فيشة كهرباء لأن الشحن شارف على الإنتهاء
والد العروس: أهلا يابنى ... ....إزيك !!
المشرف(وهو مشغول بلوحة مفاتيح اللابتوب): أهلا بيك يا عمى .....
أنا يشرفنى إنى أطلب إيد بنتك سوزان.....موافق ولا لأ؟!!!!
تبادل كلا من والد العروس ووالدتها وأخيها نظرات الدهشة
والد العروس(مستغربا): حضرتك بتكلمنى ولا بتكلم حد على الإنترنت
المشرف(مازال منشغلا بلوحة المفاتيح): لا يا عمى أنا بكلمك إنت كيف أتكلم مع حد غيرك وأنا قدام حضرتك!!!
والدة العروس: طب يابنى طالما بتكلمنا بصلنا طيب
المشرف(لم يرفع عينه ويديه من على جهازه):ليه يا حاجة هو أنا هتكلم بعينى ولا ببقى؟!!!!
إقترب الولد الصغير(8سنوات) من العريس مبهورا بالابتوب(الجهاز المحمول) وهو يقول
الصبى: عمو .....هو الجهاز دة فيه ألعاب كتير زى الأتارى الى عندى؟!!
العريس(مازال منشغلا بجهازه): أيوة يا حبيبى وأحلى من الى عندك كمان
الصبى: طيب ممكن ألعب شوية .. ...عشان خاطرى يا عمو
(هنا فقط رفع العريس عينه من على جهازه لأول مرة وتوقف عن الكتابة وهو يوشوش فى أذن الصبى)
العريس: لو خليت أبوك يوافق عليا هلعبك كتير قوى
طار الصبى فرحا وهو يقول
بابا بابا أنا موافق إن عمو يتجوز أختى الكبيرة أبلة سوزان !!!!!!
ثم إلتفت إلى العريس وهو يقول ألف مبارك يا عمو!
الوالد(صارخا): أمشى ياد خش ذاكر . .... مبقاش إلا إنت يا أبو ريالة الى هتوافق ومتوافقش
(مشى الولد باكيا ولم يهتم به العريس وقد عاد إلى جهازه منشغلا)
الوالد: إنت يا حبيبى إنت كمان .....إنت إيه حكايتك ؟
العريس: حكاية إيه يا عمى .....أنا معنديش حكايات إنت عندك؟!!!
الوالد(بضجر): إنت جاى تهزر
(لم يعره العريس أى إهتمام وقد ظهر مشغولا بموضوع ما على جهازه)
فإقتربت الأم من الوالد وتكلمت هامستا
الأم: إلا قولى يا حاج .....هو الجدع دة بيعمل إيه على البتاع الى معاه دة ....
.وإزاى بيكلمنا وهو بيحرك إديه الإثنين على الزراير دى كلها؟
الوالد: والله معرفشى يا تفيدة..... يظهر والله أعلم إنه بيكتب الكلام الى بيقوله لنا فيطلع من بقه!!!!!!!
الأم: يا ندامتى !!!..... معقولة دى يا حاج ؟!!
الأب:طبعا يا تفيدة معقولة ماهو إحنا فى عصر التكنولوبيا!!!
إنتى مش شفتى إزاى كان ملهوف على أى فيشة كهربا أول ما جيه لأن الشحن بتاع الكلام بتاعه كان هيخلص!
الأم: يا خويا الى يعيش ياما يشوف!!!
على كدة يا حاج لو النور قطع هيبقى أخرس؟!!!!
الأم: طب يا خويا لو وافقت عليه نشترى للبت كرتونة حجارة قلم عشان تبقى عاملة حسابها فى أى وقت!!!
الأب(صارخا): هو أنا معقولة أوافق على الآلة دى .....ليه من قلة الرجالة يعنى
العريس: حضرتك بتكلمنى يا عمى
الأب: لأ يا حبيبى أنا بكلم تفيدة
العريس: تفيدة مين ؟
(دخلت العروسة فى هذه اللحظة مكسوفة وهى تنظر إلى الأرض وبيدها أكواب العصير ولكنها لم تلاحظ فيشة الكهرباء فإنقلبت على وجهها أرضا وإنفصلت الفيشة )
العريس(صارخا): إيه الى هببتيه دة .....إنتى إزاى تفصلى الجهاز!!
الأم(بصوت خافت): يا حلاوة .....أهو بيتكلم من غير كهربا أهو يا حاج
الأب(بصوت خافت): ماهو كان شحن على الآخر يا تفيدة .....افهمى بقى
ثم إلتفت إلى العريس قائلا الوالد: إيه يابنى قلة الذوق دى إنت بتصرخ فى عروستك وإنت جاى تتقدملها؟!! دة بدل ما تساعدها إنها تقوم وتودها بكلمتين بعد ما فيشتك الهباب دى وقعتها
العريس: يعنى أساعدها تقوم ولا ألحق أشغل الجهاز عشان المنتدى ما يتعطلشى؟!!
الأب: دة جيل إيه دة.....هو جاى لينا منين دة!
العروسة: من النت يا بابا.....من النت
الأم: ريت النت .................. الي بيطلع اشكال زي دي , ريتها تيجى عاصفة تسومانى على ...
الأب:ممكن بقى يابنى تقفل المخروب دة وتكلمنا شوية
العريس: خلاص يا عمى المساعد بتاعى جه بدالى دلوقتى
إلتفت الجميع حولهم يبحثون عن ذلك المساعد فضحك الموديراتور
العريس (ضاحكا): لأ يا جماعة أنا اقصد إن المساعد بتاعى أخذ مكانى فى الشغل دلوقتى يعنى أنا دلوقتى جاهز لأى إستفسار لمدة ربع ساعة
الأب: لا حول ولا قوة إلا بالله .....طيب يابنى طالما مش فاضى ليه حددت المعاد دة مش كنت تحدد معاد تكون فاضى فيه
العريس: يا عمى خير البر عاجله
الأب: طيب..... إحنا لسة متعرفناش بإسمك ولا شغلتك
ولا سنك ولا شهادتك ولا أى حاجة خالص!
العريس: أنا اسمى موديراتور ...دة الإسم المستعار!
قامت الأم تحوم حول العريس وتنظر إلى يديه تبحث عن شىء ما ثم مسكت يده فجأةوهى تقول ممكن تشمر إيدك يا عريس الهنا
العريس(وهو يشمر): ليه ياحاجة إنتى هطعمينى!!! أنا إطعمت قبل ما آجى عندكوا
الأب:ليه قالولك إننا عندنا كوليرا !!!
العريس: لأ يا عمى أصل أنا قاعد ليل نهار فى غرفتى المكيفة الصحية فلما بروح أى داهية تانية بدي اطعم
الأب(بصوت منخفض): داهية لما تخدك يا شيخ!!!
صرخت الأم( وهى تمسك بيده اليمين وترفعها عاليا): يعنى مفيش اي حاجه إمال إيه موديراتور دة؟
ضحكت العروسة وهى تقول: لا يا ماما دة النيك نيم بتاعه
الأم: ال إيه يا ضنايا؟!
العريس: خلاص يا جماعة .....أنا إسمى سعيد وعندى 25 سنة
معايا شهادات كتيرة لو قلتها لكم كلها يبقى هنقعد يومين فبلاش وشغلتى مشرف عام على منتدى (( مع الباي باي ))
نظر الأب إلى المشرف وملابسه البسيطة غير المتناسقة وهو يقول مبين عليك
العروسة(مبتسمة): بجد إنت المشرف بتاع منتدى (( مع الباي باي )) ده أنا مشتركة فيه من 5 شهور
العريس: ما شاء الله....بس إنتى مش عم تتقيدي بقوانين المنتدى وملابسك الي على الحبل وعايشة فى عيشة آخر أبهة
العروسة: أنا عملت كدة عشان عارفة إن فيه عريس جاى يخطبنى
الأب: إنت يابنى عاوزها تلبس إيه .....هدوم مقطعة
العريس: لا يا عمى خلاص مش مهم لما أبقى أتجوزها أبقى أقطع لها هدومها!
الأب: ومين قالك إنى وافقت عليك أصلا
العروسة: ومتوافقشى ليه يا بابا دة حتى الموديراتور أكيد هيخلينى مميزة فى المنتدى مش كدة برضه يا موديراتور
العريس: طبعا وهعينك معانا من المشرفين على قسم لوحدك
العروسة(بسعادة): بجد..... هتعينى مشرفة على قسم لوحدى
العريس: طبعا وهديكى أسهل وأحسن قسم فى المنتدى
العروسة(فرحانة): هييييه .....هتدينى قسم إيه ؟
العريس: الشكاوى!!!
العروسة (صارخة) : لا أرجوك .....كله إلا الشكاوى
هز العريس كتفيه وهو يقول خلاص نفتح قسم للوفيات وأعينك مشرفة عليه
الأب: يا ترى خلصتوا ولا لسة
نظر العريس فى ساعته وهو يقول: أنا فعلا وقتى قرب ينتهى وبدي ادخل للمنتدى لأن المساعد بتاعى عنده ميعاد مهم
الأب: أنا مش موافق على الجوازة دى
العروسة: ليه يا بابا دة انا.....
قاطعها الأب صارخا : اخرصى يا بت إنتى وروحى ذاكرى لأخوكى
خرجت العروسة باكية غاضبة بينما إلتفت الأب إلى العريس قائلا
شوف يابنى .....لما تبقى تفضى للجواز إبقى تعال إتجوز بنتى ..... لكن طول ما إنت فى (( مع الباي باي )) دة مالكشى عرايس عندى فاهمنى
العريس: خلاص يا عمى براحتك .....بس إذا كان منتدى (( مع الباي باي )) هو الى مزعلك أنا ممكن أسيبه
الأب(فرحا): بجد يابنى .....طيب سيبه هو فعلا الى مزعلنى لو سيبته أنا هسيبلك بنتى بدون أى كلام
شكره العريس ثم جاء إليه فى اليوم التالى ومعه نفس اللابتوب وهو يقول أنا سيبت (( مع الباي باي )) من إمبارح وإشتركت فى منتدى تانى اسمه (( ويك ايند ))
سقط الأب على الأرض ميتا وصرخت الأم وبكت العروسة وأخيها الصغير
بينما جلس العريس فى غرفة الصالون يتابع منتداه الجديد
لا تغضبوا أخواني المشرفين والمراقبين حبيت نبدّل الجو شوية
ردودكم
كان المشرف مرتبط بموعد مع العروس وأهلها
ليتقدم اليها ولم يستطيع قفل المنتدى اكتر من ساعة وهى مدة اللقاء
مع الأهل فأخذ اللابتوب معه وشحنه على آخره وتابع الردود على
الأعضاء فى صفحة الشكاوى وهو فى طريقة للمنزل راكبا التاكسى
بمجرد وصوله إلى العروس سأل عن أقرب فيشة كهرباء لأن الشحن شارف على الإنتهاء
والد العروس: أهلا يابنى ... ....إزيك !!
المشرف(وهو مشغول بلوحة مفاتيح اللابتوب): أهلا بيك يا عمى .....
أنا يشرفنى إنى أطلب إيد بنتك سوزان.....موافق ولا لأ؟!!!!
تبادل كلا من والد العروس ووالدتها وأخيها نظرات الدهشة
والد العروس(مستغربا): حضرتك بتكلمنى ولا بتكلم حد على الإنترنت
المشرف(مازال منشغلا بلوحة المفاتيح): لا يا عمى أنا بكلمك إنت كيف أتكلم مع حد غيرك وأنا قدام حضرتك!!!
والدة العروس: طب يابنى طالما بتكلمنا بصلنا طيب
المشرف(لم يرفع عينه ويديه من على جهازه):ليه يا حاجة هو أنا هتكلم بعينى ولا ببقى؟!!!!
إقترب الولد الصغير(8سنوات) من العريس مبهورا بالابتوب(الجهاز المحمول) وهو يقول
الصبى: عمو .....هو الجهاز دة فيه ألعاب كتير زى الأتارى الى عندى؟!!
العريس(مازال منشغلا بجهازه): أيوة يا حبيبى وأحلى من الى عندك كمان
الصبى: طيب ممكن ألعب شوية .. ...عشان خاطرى يا عمو
(هنا فقط رفع العريس عينه من على جهازه لأول مرة وتوقف عن الكتابة وهو يوشوش فى أذن الصبى)
العريس: لو خليت أبوك يوافق عليا هلعبك كتير قوى
طار الصبى فرحا وهو يقول
بابا بابا أنا موافق إن عمو يتجوز أختى الكبيرة أبلة سوزان !!!!!!
ثم إلتفت إلى العريس وهو يقول ألف مبارك يا عمو!
الوالد(صارخا): أمشى ياد خش ذاكر . .... مبقاش إلا إنت يا أبو ريالة الى هتوافق ومتوافقش
(مشى الولد باكيا ولم يهتم به العريس وقد عاد إلى جهازه منشغلا)
الوالد: إنت يا حبيبى إنت كمان .....إنت إيه حكايتك ؟
العريس: حكاية إيه يا عمى .....أنا معنديش حكايات إنت عندك؟!!!
الوالد(بضجر): إنت جاى تهزر
(لم يعره العريس أى إهتمام وقد ظهر مشغولا بموضوع ما على جهازه)
فإقتربت الأم من الوالد وتكلمت هامستا
الأم: إلا قولى يا حاج .....هو الجدع دة بيعمل إيه على البتاع الى معاه دة ....
.وإزاى بيكلمنا وهو بيحرك إديه الإثنين على الزراير دى كلها؟
الوالد: والله معرفشى يا تفيدة..... يظهر والله أعلم إنه بيكتب الكلام الى بيقوله لنا فيطلع من بقه!!!!!!!
الأم: يا ندامتى !!!..... معقولة دى يا حاج ؟!!
الأب:طبعا يا تفيدة معقولة ماهو إحنا فى عصر التكنولوبيا!!!
إنتى مش شفتى إزاى كان ملهوف على أى فيشة كهربا أول ما جيه لأن الشحن بتاع الكلام بتاعه كان هيخلص!
الأم: يا خويا الى يعيش ياما يشوف!!!
على كدة يا حاج لو النور قطع هيبقى أخرس؟!!!!
الأم: طب يا خويا لو وافقت عليه نشترى للبت كرتونة حجارة قلم عشان تبقى عاملة حسابها فى أى وقت!!!
الأب(صارخا): هو أنا معقولة أوافق على الآلة دى .....ليه من قلة الرجالة يعنى
العريس: حضرتك بتكلمنى يا عمى
الأب: لأ يا حبيبى أنا بكلم تفيدة
العريس: تفيدة مين ؟
(دخلت العروسة فى هذه اللحظة مكسوفة وهى تنظر إلى الأرض وبيدها أكواب العصير ولكنها لم تلاحظ فيشة الكهرباء فإنقلبت على وجهها أرضا وإنفصلت الفيشة )
العريس(صارخا): إيه الى هببتيه دة .....إنتى إزاى تفصلى الجهاز!!
الأم(بصوت خافت): يا حلاوة .....أهو بيتكلم من غير كهربا أهو يا حاج
الأب(بصوت خافت): ماهو كان شحن على الآخر يا تفيدة .....افهمى بقى
ثم إلتفت إلى العريس قائلا الوالد: إيه يابنى قلة الذوق دى إنت بتصرخ فى عروستك وإنت جاى تتقدملها؟!! دة بدل ما تساعدها إنها تقوم وتودها بكلمتين بعد ما فيشتك الهباب دى وقعتها
العريس: يعنى أساعدها تقوم ولا ألحق أشغل الجهاز عشان المنتدى ما يتعطلشى؟!!
الأب: دة جيل إيه دة.....هو جاى لينا منين دة!
العروسة: من النت يا بابا.....من النت
الأم: ريت النت .................. الي بيطلع اشكال زي دي , ريتها تيجى عاصفة تسومانى على ...
الأب:ممكن بقى يابنى تقفل المخروب دة وتكلمنا شوية
العريس: خلاص يا عمى المساعد بتاعى جه بدالى دلوقتى
إلتفت الجميع حولهم يبحثون عن ذلك المساعد فضحك الموديراتور
العريس (ضاحكا): لأ يا جماعة أنا اقصد إن المساعد بتاعى أخذ مكانى فى الشغل دلوقتى يعنى أنا دلوقتى جاهز لأى إستفسار لمدة ربع ساعة
الأب: لا حول ولا قوة إلا بالله .....طيب يابنى طالما مش فاضى ليه حددت المعاد دة مش كنت تحدد معاد تكون فاضى فيه
العريس: يا عمى خير البر عاجله
الأب: طيب..... إحنا لسة متعرفناش بإسمك ولا شغلتك
ولا سنك ولا شهادتك ولا أى حاجة خالص!
العريس: أنا اسمى موديراتور ...دة الإسم المستعار!
قامت الأم تحوم حول العريس وتنظر إلى يديه تبحث عن شىء ما ثم مسكت يده فجأةوهى تقول ممكن تشمر إيدك يا عريس الهنا
العريس(وهو يشمر): ليه ياحاجة إنتى هطعمينى!!! أنا إطعمت قبل ما آجى عندكوا
الأب:ليه قالولك إننا عندنا كوليرا !!!
العريس: لأ يا عمى أصل أنا قاعد ليل نهار فى غرفتى المكيفة الصحية فلما بروح أى داهية تانية بدي اطعم
الأب(بصوت منخفض): داهية لما تخدك يا شيخ!!!
صرخت الأم( وهى تمسك بيده اليمين وترفعها عاليا): يعنى مفيش اي حاجه إمال إيه موديراتور دة؟
ضحكت العروسة وهى تقول: لا يا ماما دة النيك نيم بتاعه
الأم: ال إيه يا ضنايا؟!
العريس: خلاص يا جماعة .....أنا إسمى سعيد وعندى 25 سنة
معايا شهادات كتيرة لو قلتها لكم كلها يبقى هنقعد يومين فبلاش وشغلتى مشرف عام على منتدى (( مع الباي باي ))
نظر الأب إلى المشرف وملابسه البسيطة غير المتناسقة وهو يقول مبين عليك
العروسة(مبتسمة): بجد إنت المشرف بتاع منتدى (( مع الباي باي )) ده أنا مشتركة فيه من 5 شهور
العريس: ما شاء الله....بس إنتى مش عم تتقيدي بقوانين المنتدى وملابسك الي على الحبل وعايشة فى عيشة آخر أبهة
العروسة: أنا عملت كدة عشان عارفة إن فيه عريس جاى يخطبنى
الأب: إنت يابنى عاوزها تلبس إيه .....هدوم مقطعة
العريس: لا يا عمى خلاص مش مهم لما أبقى أتجوزها أبقى أقطع لها هدومها!
الأب: ومين قالك إنى وافقت عليك أصلا
العروسة: ومتوافقشى ليه يا بابا دة حتى الموديراتور أكيد هيخلينى مميزة فى المنتدى مش كدة برضه يا موديراتور
العريس: طبعا وهعينك معانا من المشرفين على قسم لوحدك
العروسة(بسعادة): بجد..... هتعينى مشرفة على قسم لوحدى
العريس: طبعا وهديكى أسهل وأحسن قسم فى المنتدى
العروسة(فرحانة): هييييه .....هتدينى قسم إيه ؟
العريس: الشكاوى!!!
العروسة (صارخة) : لا أرجوك .....كله إلا الشكاوى
هز العريس كتفيه وهو يقول خلاص نفتح قسم للوفيات وأعينك مشرفة عليه
الأب: يا ترى خلصتوا ولا لسة
نظر العريس فى ساعته وهو يقول: أنا فعلا وقتى قرب ينتهى وبدي ادخل للمنتدى لأن المساعد بتاعى عنده ميعاد مهم
الأب: أنا مش موافق على الجوازة دى
العروسة: ليه يا بابا دة انا.....
قاطعها الأب صارخا : اخرصى يا بت إنتى وروحى ذاكرى لأخوكى
خرجت العروسة باكية غاضبة بينما إلتفت الأب إلى العريس قائلا
شوف يابنى .....لما تبقى تفضى للجواز إبقى تعال إتجوز بنتى ..... لكن طول ما إنت فى (( مع الباي باي )) دة مالكشى عرايس عندى فاهمنى
العريس: خلاص يا عمى براحتك .....بس إذا كان منتدى (( مع الباي باي )) هو الى مزعلك أنا ممكن أسيبه
الأب(فرحا): بجد يابنى .....طيب سيبه هو فعلا الى مزعلنى لو سيبته أنا هسيبلك بنتى بدون أى كلام
شكره العريس ثم جاء إليه فى اليوم التالى ومعه نفس اللابتوب وهو يقول أنا سيبت (( مع الباي باي )) من إمبارح وإشتركت فى منتدى تانى اسمه (( ويك ايند ))
سقط الأب على الأرض ميتا وصرخت الأم وبكت العروسة وأخيها الصغير
بينما جلس العريس فى غرفة الصالون يتابع منتداه الجديد
لا تغضبوا أخواني المشرفين والمراقبين حبيت نبدّل الجو شوية
ردودكم