مهايطي2200$
04-02-2009, 15:52
مساكم الله بالخير
كذا واحد اذا جا يكتب مقدمة موضوعه يبدا يستظرف ويقول انه مايعرف يكتب مقدمه وانه بيخش بالموضوع دايركت وانه وانه وهو مايدري انه بربر واجد لو انه كاتب المقدمه كان خلص منها > ماتحسون كلمة ( إنه) واجد . اذا هي واجد نقصو وحده عادي .
الي بقوله ياخوان ان المقدمه سهله وش يعني يبغا لها كلها تمهيد لموضوعك وانت ماشي يعني انا بسألكم الواحد اذا جا يبني بيت مايحط مقدمه لبيته؟ والا على طول تفتح الباب تلقاك بقدرة قادر بوسط المطبخ !!
المهم شفتوا الكلام الي فوق هذا هو مقدمتي . شفتوا كيف الموضوع سهل ؟
ماعلينا ندخل بعد كذا في الموضوع الي جايلكم عشانه . الحياة يا اخوان مهيب سهلة وهذي معلومه جديده اضيفها لكم والشي الثاني انا كنت احسب انها سهله زي اختبار الفنية > وش ذا البزر ؟ لكن بعدما تفتحت وصرت كبر الحمار مع تحفظي البسيط على كلمة حماار لان الحمار اكبر مني. وقتها عرفت ان الحياة صعبه ويبي لها راس صاحي وواحد من جد رايق لها يعني بالعربي اعتبر الحياة زي خويتك شبكها تمشي امورك لكن تستهبل عليها وتستقعد تسحب عليك وعاد وقتها دور لك حياة ثانية هي اصلا حياه وحده تبيها والا انقلع القبر آخر لفة على اليمين ان كان مانيب واهم .
كنت مراهق يافع ينظر للحياة بنظرة البزر لسيارة العسكريم > ( تعمدت احطها عسكريم لاني اقدر زينب العسكري) احب الاحقها (الحياة مهوب زينب انتوا وتفكيركم ) واتمسك فيها وعايش مافي راسي الا قوطي فاضي وطرفه منعفط . صرت مع الوقت بثـر اربع وعشرين ساعه طالع كأني ماقد شفت حياة. خوياي من كثر ما أجلس معهم يقولون لي ياخي وش وضعك انت مضيع اهلك عادي قل لاتستحي لاتخبي علينا . وتمر الايام وانا ازداد بثاره وتشبث في الحياة لدرجة اني قلت لاهلي ان طولت عليكم ماعاد جيت البيت لاتسحبون علي وخذت عليهم ورقة اني ولدهم ووقعتها من أمي وخليت اخوي شاهد ورحت ادوج بهالدنيا . اخوياي لاحظتهم يغازلون وسألتهم شلون يعني تكلمون بنت عادي ؟ طيب وش تقولون بينكم ووش ووش علموني طيب اذا بغيت اتعرف مثلكم وش اسوي بالعربي نشبت لهم بهالموضوع لين تبرع واحد منهم وقال اسمع انا بحول لك بنت من الي اعرفهن ساحب عليها وطقطق على البنت وسع صدرك كود انها تضفك عنا وتشغلك . طبعا وقتها جاني احساس غريب ورهيب حسيت اني قوي يعني تعرفون حركات الهياط ومن زود فرحتي بغيت اروح اعلم أبوي. المهم هذاك اليوم اذكر رجعت البيت بدري عشاان اكلم البنت حتى اهلي قالوا زين هذي دعوة امي انك ماتسهر مادروا اني جاي اسهر بغرفتي . البنت اذكر اول مادقيت عليها انلخمت لدرجة انها اول ماردت علي قلت لها احبك هي انصدمت وقالت احلف انا على نياتي صدقت وقلت وقسم ؟ قالت لي طيب انت بغرفتك فرحت احسبها بتتخيل اني معها في اوضاع مخلة لكن للاسف قالت لي طيب اتغطى زين يابابا وناام طووووووووووط وقفلت . كانت هالمكالمة زي الصدمة لي . اول مره احس اني بايخ ومسوي زحمه . واتركها وبمعنى أصح هي الي تركتني وارجع امارس حياتي بشكل طبيعي اخوياي التزموا وصاروا مطاوعه وانا توهقت مدري اصير مطوع والا وشلون وش الوضع بالضبط ؟ لكن استمريت على وضعي ومع مرور الوقت قلت اغير الموجة واتزوج احسن لي يمكن اكتشف اشياء جديدة في الحياة زي مثلا اكتشف ان الواحد يقدر يقول لزوجته حبيبتي ويقدر بعد يقول لها عادي ترا بننام بغرفة وحدة ومن هالاكتشافات الي استفدت منها . خطبت وحده واحس اني غلطة حياتها وتزوجت واستاجرت شقة زي شباب هالوقت وكل ست شهور اطلع من شقه واخذ شقه لدرجة ان زوجتي قالت وش هالعيشه من خذتك ما استقريب يرحم امك ركز نبي نستقر وانا ارقعها واقول ياحبيبتي التغيير زين والحياة كفاح لازم نحس اننا سوينا شي مهوب اخذك واصير من بيتي لشغلي مافيه حركات تهور واستهبال ومسيكينه هالحرمه عيشتها في قلق ومقالب يعني مره اقولها ياقلبي اليوم عازمك على عشاء سبيشل وتفز المسيكينه وتلبس واخرتها امر بها فوال وناخذ صحن قلابة وتميس سفري ونرجع ناكل بالشقه . ومره قلت بنروح لدبي كم يوم نغير جو واخرتها رحنا للشرقية لا وعلى قطار بعد . يكفي شهر العسل قضيناه في منتزة في حارة اهلها نتمشى فيه كل يوم . البنت قالوا لها خواتها شوفي لك حل هالادمي شكله ساحب سيفون على الدنيا وين عايش لكن انا كل مره اخفف عنها واقول ياقلبي لايهمونك هذيلا ازواجهم اذا دخلوا بيوتهم يسلمون عليهم باليد من قوة الروتين الي عايشين فيه ما اخفيكم انا شفت الحرمه متردده قلت مالها الا ولد يثبتها معي ويرزقنا الله بولد وبصراحه هالولد صار ينافسني في البثارة وبدا هو يسوي مقالب علينا وتوهقت انا وامه يعني مره قال ماما ابغى مويه عطشااان وجابت له كاس مويه ثم التفت علي بابا ابغى جوالك بكلم قلت سم يابوي ماصرت ارد عنه شي المهم الولد خذ الجوال ونقعه بالمويه وهو يضحك تلتفت امه علي وتقول أبد خله ياخذ حقي منك . ومرات وانا جاي مرهق ونايم يجي ابو الشباب ويصب على عيني شاهي لدرجة اني طلعت قرطاسة اللبتون من بين جفوني وش اقول وش اخلي هالولد خلاني احس اني كنت مجرم بحق خلق الله ابتداء من اهلي مرورا باخوياي الي صاروا مطاوعه الى زوجتي . احتل البيت وصرت اطلع انحاش عنه احيان امر جمب البيت متلطم القاه قافطني بوسط الشارع وين رايح بابا . يعني معاناة غير طبيعيه سبب لي قلق وقروش ام مخي صرت ما اركز بالتلفزيون مباريات ابغى اتابعها يستقعد لي على سبيس توون والا ام بي سي 3 وانا اقول له يابابا ترا هذي خرطي ينصبون عليك يلتفت علي بنص عين ويقول شتبي؟! ومره استغليت روحته لخواله واحذف قنوات المبزرة مادريت من بكره الا ابو الشباب جايب عيال خاله البيت يسوون بحث بالريموت ! حتى بالسرير مخاشرني ينام جمبي واحيان يحط رجله على دمجتي اذا خش جو مع النوم لقيته قاعد على وجهي ! اذا نويت الإحيه مع امه استقعد لي كنه حاس اني بسوي شي يجلس مواصل هذاك اليوم وانا اصرف اغمض عيوني اسوي نفسي نايم وهو يطالعني ويضحك يقول نصااب مسوي نايم يابو ! اجتمعت انا وامه مره اجتماع مغلق بعدما راح لخواله وقلت شوفي لازم نلقى حل لهالنزغه قالت وش الحل قلت شرايك نضيعه بمنتزة ونجي ؟ المهم ان الوضع مزري صرت ادعي بصلاتي يكبر وازوجه واحس بخصوصيتي واستقل بذاتي. في الملاهي مايركب الالعاب ياخذ له لفه بالملاهي ويقول مشينا اسأله ليه وشوله جاي اجل يقول جاي اضحك على البزران > وش عندك يابو فيصل مهوب عاقل هالبزر. الزبدة ياخوان ان حياتي كلها قروشه وبكره بنقل لشقة ثانيه احيان من كثر ماتنقلت بين الشقق تقول زوجتي ان وحده من الشقق قد سكناها قبل وانا مانيب متذكر. هذي خلاصة الموضوع واليكم الفوائد التالية :
الفائدة الاولى ياخوان هي ان الحياة لازم نتأقلم معها ماتجي على الكيف
الفائدة الثانية حلو ان الواحد يكسر روتين حياته ويهبل بها شوي > وش عنده الي مستقعد لها
الفائدة الاخيرة هي انك قريت موضوعي الله يجزاك خير
كذا واحد اذا جا يكتب مقدمة موضوعه يبدا يستظرف ويقول انه مايعرف يكتب مقدمه وانه بيخش بالموضوع دايركت وانه وانه وهو مايدري انه بربر واجد لو انه كاتب المقدمه كان خلص منها > ماتحسون كلمة ( إنه) واجد . اذا هي واجد نقصو وحده عادي .
الي بقوله ياخوان ان المقدمه سهله وش يعني يبغا لها كلها تمهيد لموضوعك وانت ماشي يعني انا بسألكم الواحد اذا جا يبني بيت مايحط مقدمه لبيته؟ والا على طول تفتح الباب تلقاك بقدرة قادر بوسط المطبخ !!
المهم شفتوا الكلام الي فوق هذا هو مقدمتي . شفتوا كيف الموضوع سهل ؟
ماعلينا ندخل بعد كذا في الموضوع الي جايلكم عشانه . الحياة يا اخوان مهيب سهلة وهذي معلومه جديده اضيفها لكم والشي الثاني انا كنت احسب انها سهله زي اختبار الفنية > وش ذا البزر ؟ لكن بعدما تفتحت وصرت كبر الحمار مع تحفظي البسيط على كلمة حماار لان الحمار اكبر مني. وقتها عرفت ان الحياة صعبه ويبي لها راس صاحي وواحد من جد رايق لها يعني بالعربي اعتبر الحياة زي خويتك شبكها تمشي امورك لكن تستهبل عليها وتستقعد تسحب عليك وعاد وقتها دور لك حياة ثانية هي اصلا حياه وحده تبيها والا انقلع القبر آخر لفة على اليمين ان كان مانيب واهم .
كنت مراهق يافع ينظر للحياة بنظرة البزر لسيارة العسكريم > ( تعمدت احطها عسكريم لاني اقدر زينب العسكري) احب الاحقها (الحياة مهوب زينب انتوا وتفكيركم ) واتمسك فيها وعايش مافي راسي الا قوطي فاضي وطرفه منعفط . صرت مع الوقت بثـر اربع وعشرين ساعه طالع كأني ماقد شفت حياة. خوياي من كثر ما أجلس معهم يقولون لي ياخي وش وضعك انت مضيع اهلك عادي قل لاتستحي لاتخبي علينا . وتمر الايام وانا ازداد بثاره وتشبث في الحياة لدرجة اني قلت لاهلي ان طولت عليكم ماعاد جيت البيت لاتسحبون علي وخذت عليهم ورقة اني ولدهم ووقعتها من أمي وخليت اخوي شاهد ورحت ادوج بهالدنيا . اخوياي لاحظتهم يغازلون وسألتهم شلون يعني تكلمون بنت عادي ؟ طيب وش تقولون بينكم ووش ووش علموني طيب اذا بغيت اتعرف مثلكم وش اسوي بالعربي نشبت لهم بهالموضوع لين تبرع واحد منهم وقال اسمع انا بحول لك بنت من الي اعرفهن ساحب عليها وطقطق على البنت وسع صدرك كود انها تضفك عنا وتشغلك . طبعا وقتها جاني احساس غريب ورهيب حسيت اني قوي يعني تعرفون حركات الهياط ومن زود فرحتي بغيت اروح اعلم أبوي. المهم هذاك اليوم اذكر رجعت البيت بدري عشاان اكلم البنت حتى اهلي قالوا زين هذي دعوة امي انك ماتسهر مادروا اني جاي اسهر بغرفتي . البنت اذكر اول مادقيت عليها انلخمت لدرجة انها اول ماردت علي قلت لها احبك هي انصدمت وقالت احلف انا على نياتي صدقت وقلت وقسم ؟ قالت لي طيب انت بغرفتك فرحت احسبها بتتخيل اني معها في اوضاع مخلة لكن للاسف قالت لي طيب اتغطى زين يابابا وناام طووووووووووط وقفلت . كانت هالمكالمة زي الصدمة لي . اول مره احس اني بايخ ومسوي زحمه . واتركها وبمعنى أصح هي الي تركتني وارجع امارس حياتي بشكل طبيعي اخوياي التزموا وصاروا مطاوعه وانا توهقت مدري اصير مطوع والا وشلون وش الوضع بالضبط ؟ لكن استمريت على وضعي ومع مرور الوقت قلت اغير الموجة واتزوج احسن لي يمكن اكتشف اشياء جديدة في الحياة زي مثلا اكتشف ان الواحد يقدر يقول لزوجته حبيبتي ويقدر بعد يقول لها عادي ترا بننام بغرفة وحدة ومن هالاكتشافات الي استفدت منها . خطبت وحده واحس اني غلطة حياتها وتزوجت واستاجرت شقة زي شباب هالوقت وكل ست شهور اطلع من شقه واخذ شقه لدرجة ان زوجتي قالت وش هالعيشه من خذتك ما استقريب يرحم امك ركز نبي نستقر وانا ارقعها واقول ياحبيبتي التغيير زين والحياة كفاح لازم نحس اننا سوينا شي مهوب اخذك واصير من بيتي لشغلي مافيه حركات تهور واستهبال ومسيكينه هالحرمه عيشتها في قلق ومقالب يعني مره اقولها ياقلبي اليوم عازمك على عشاء سبيشل وتفز المسيكينه وتلبس واخرتها امر بها فوال وناخذ صحن قلابة وتميس سفري ونرجع ناكل بالشقه . ومره قلت بنروح لدبي كم يوم نغير جو واخرتها رحنا للشرقية لا وعلى قطار بعد . يكفي شهر العسل قضيناه في منتزة في حارة اهلها نتمشى فيه كل يوم . البنت قالوا لها خواتها شوفي لك حل هالادمي شكله ساحب سيفون على الدنيا وين عايش لكن انا كل مره اخفف عنها واقول ياقلبي لايهمونك هذيلا ازواجهم اذا دخلوا بيوتهم يسلمون عليهم باليد من قوة الروتين الي عايشين فيه ما اخفيكم انا شفت الحرمه متردده قلت مالها الا ولد يثبتها معي ويرزقنا الله بولد وبصراحه هالولد صار ينافسني في البثارة وبدا هو يسوي مقالب علينا وتوهقت انا وامه يعني مره قال ماما ابغى مويه عطشااان وجابت له كاس مويه ثم التفت علي بابا ابغى جوالك بكلم قلت سم يابوي ماصرت ارد عنه شي المهم الولد خذ الجوال ونقعه بالمويه وهو يضحك تلتفت امه علي وتقول أبد خله ياخذ حقي منك . ومرات وانا جاي مرهق ونايم يجي ابو الشباب ويصب على عيني شاهي لدرجة اني طلعت قرطاسة اللبتون من بين جفوني وش اقول وش اخلي هالولد خلاني احس اني كنت مجرم بحق خلق الله ابتداء من اهلي مرورا باخوياي الي صاروا مطاوعه الى زوجتي . احتل البيت وصرت اطلع انحاش عنه احيان امر جمب البيت متلطم القاه قافطني بوسط الشارع وين رايح بابا . يعني معاناة غير طبيعيه سبب لي قلق وقروش ام مخي صرت ما اركز بالتلفزيون مباريات ابغى اتابعها يستقعد لي على سبيس توون والا ام بي سي 3 وانا اقول له يابابا ترا هذي خرطي ينصبون عليك يلتفت علي بنص عين ويقول شتبي؟! ومره استغليت روحته لخواله واحذف قنوات المبزرة مادريت من بكره الا ابو الشباب جايب عيال خاله البيت يسوون بحث بالريموت ! حتى بالسرير مخاشرني ينام جمبي واحيان يحط رجله على دمجتي اذا خش جو مع النوم لقيته قاعد على وجهي ! اذا نويت الإحيه مع امه استقعد لي كنه حاس اني بسوي شي يجلس مواصل هذاك اليوم وانا اصرف اغمض عيوني اسوي نفسي نايم وهو يطالعني ويضحك يقول نصااب مسوي نايم يابو ! اجتمعت انا وامه مره اجتماع مغلق بعدما راح لخواله وقلت شوفي لازم نلقى حل لهالنزغه قالت وش الحل قلت شرايك نضيعه بمنتزة ونجي ؟ المهم ان الوضع مزري صرت ادعي بصلاتي يكبر وازوجه واحس بخصوصيتي واستقل بذاتي. في الملاهي مايركب الالعاب ياخذ له لفه بالملاهي ويقول مشينا اسأله ليه وشوله جاي اجل يقول جاي اضحك على البزران > وش عندك يابو فيصل مهوب عاقل هالبزر. الزبدة ياخوان ان حياتي كلها قروشه وبكره بنقل لشقة ثانيه احيان من كثر ماتنقلت بين الشقق تقول زوجتي ان وحده من الشقق قد سكناها قبل وانا مانيب متذكر. هذي خلاصة الموضوع واليكم الفوائد التالية :
الفائدة الاولى ياخوان هي ان الحياة لازم نتأقلم معها ماتجي على الكيف
الفائدة الثانية حلو ان الواحد يكسر روتين حياته ويهبل بها شوي > وش عنده الي مستقعد لها
الفائدة الاخيرة هي انك قريت موضوعي الله يجزاك خير