PDA المساعد الشخصي الرقمي

عرض كامل الموضوع : امثله حجازيه



Makaveli X
26-12-2008, 18:15
هادي هي الامثله
انشالله تعجبكم


إذا كان أول الحج جاوه وأخره هندي وجاك الديان قول له ما عندي

أعرج يسحب مكسح يقول له تعال نتفسح
اللي عاجبه عاجبه واللي ما هو عاجبه ينتف حواجبه
ترتر وحرير على غطاء زير
ربنا ريح العريان من تعب الغسيل
زي القعقع ما يتاكل حتى يتفقع
صاجك ما يقلي وكفتيرتك ما تغلي وأنا جيتك من قلة عقلي
طمعنجي بنى له بيت فلسنجي سكن له فيه
فقران باع ولده لطفران اشتراه بالدين
قالوا للقردة اتبرقعي قالت وجهي متعود على الفضيحة
لا هو أصيل جد ولا هو أحمر خد
لا تفرحي يا أم الولد بكره بنتي تكبر وتسكنه بر البلد
لو عرفوا حلاوة هرجته ما عيروني بعرجته
حلاق منحوس بسط .... بأقرع استفتح
ما يجي الغنج الا عند الحمير العرج
نومه وتمغيطه أحسن من فرح طيطه
وقت الكباب صكوا الباب ووقت الملوخية عزموا البشرية
البسه من عجلتها جابت بزورتها عمي
بعد ما أكل و اتكا قال ريحه الاكل مستكه
أضرب صدر ولو كنت مفلس
اشتري العقار من وارث ملاقيه ولا تشتريه من مالك بانيه
البضاعة البايره تقول للتاجر أستنيني حتى يجيء أعمى قلب يشتريني
اللي عنده قرش يبغا يرميه يشتغل في اللي ماله فيه
الطفران يمر من السوق مستعجل
خلي العسل في جراره حتى تزيد أسعاره
ديانك سيدك لين توفيه
كنت بالقديم ماني راضي وجاني الجديد زود أمراضي
العيب اللي في الوجه ما يتغطي ولا يندس
اللي يشور عليك بالطلاق ما يواسيك في الفراق
من باعك بالفول بيعه بقشره
ما ينقل اخبارك الا من دخل دارك
اللي يوفي بمواعيده حط ايدك في ايده
أرسلت حسن يجيب حسين راحوا ولا جوني الاثنين
انتهت الزفة وضرب الدفوف وجات الهبلة تقول تبغا تشوف
'سكران يضرب في ميت ... لا الأول داري ولا الثاني حاسس به'

Makaveli X
26-12-2008, 18:16
يالله مشاركات
ردود

غريب..!
26-12-2008, 18:28
مشكووووور على الأمثلة الحلوة الي خلتني أموت ضحك ومع إني حجازي في أشياء مافهمتها وشكرا على الطرح الحلو.............^^

N I Z A R
26-12-2008, 18:50
[ امثلة كوووول .. بالذات .. ]

[ وقت الكباب صكوا الباب ووقت الملوخية عزموا البشرية ]

[ مشكور على الموضوع .. وتقبل مروري .. ]

[ PEACE ]

memo2022
26-12-2008, 20:06
ههههههههههههههااااااي مشكــــــــــــــــور خيــــو ع الموضوع الرائع

والله ذكرتني بخــالتي وسوالفها دايما تطلع لنا بحكمه جديدة ^_^

بس من جد اغلبها عجبتنـــــــــــي مشكور على جهودك الرائعة ^_^

يــــــــــــــــــلا ســــــــــــــلام ^_^