PDA المساعد الشخصي الرقمي

عرض كامل الموضوع : ليه يامنتدى مكسات ليه



WaAaD 7rKtAt
25-09-2004, 17:07
السلام عليكم ورحمة الله وبركاته

كيف حالكم ؟

اللي عارفني عارفني واللي مو عارفني يسأل عني

هههههههههههههههههههه

ماشاء الله شايف اعضاء جدد لكن ماشاء الله متحركين تمام
زي سكوال و جوليا روبرتس

المهم ما راح اطول عليكم لكن ابغى اعرف شيء واحد


ليه الناس اللي كانوا اول متحركين دحين ميتين ؟
يعني مافي مواضيع كتيرة من اللي تشد الواحد علشان يقراها
ولا في حركة في المنتدى
يعني انا ليه تلاته اسابيع ادخل المنتدى بس اخد لفة
لكن ما اشوف اي موضوع يشدني

ليه ليه ليه

فين الناس فينكم ؟

يعني زي اخواني اللي بأذكرهم دحين ماشاء الله كانوا متحركين ومواضيع زي النار
لكن دحين ماني شايف اي واحد فيهم متحرك ليه ؟

zainab و خالتكم مزينه و sleepmoon و المرعبة و Warm Heart و واحد من الشباب و christian vieri و Gary oak و TheBSOM و عاشق التحدي و لوليتا و Queen of Swords و فارس شجاع و tattoogirl و KOJI KABOTO و Killua Zaoldyec و .:SWEET:. و Anime و روبيرتو فاضل و Allord و HARD-GIRL و دراكولا العـــاشقة و بيكاسو و yami yugi و killua و Emily Rashy و tattoogirl و *( yuna )* و BadGuy و الحلم المتجدد و
ملكة الفراشات (Kilwa z) و عاشقة يزن و محبت هيرو و محبة روجينا و الأسطورة

و و و و و و و و و و و و و...........

:( ناس كتير وآسف اذا نسيت احد لأني قطعت عن المنتدى مدة 4 شهور :(

فأتمنى كل واحد منهم لو قري هذي الرسالة يرجع زي ماكان ويتحرك ويفرد عضلاته ويورينا مواضيعة الجديده

انا قصدي بهذا الموضوع انكم تعرفوا اني رجعت للمنتدى و
:cool: تـــرحبـــوبـــــي :cool:

هههههههههههههه

::جيد:: واتمنى الكل يرجع زي ماكان اول (متحرررررررك ونشيط) ::جيد::
وشكرا


اخوكم
واااااااااااد حركتاااااااااااااات

واحد من الشباب
25-09-2004, 19:03
هلا فيك نورت المنتدى

والله انا مادري شصار فيني

صرت ما احب اتجول في اقسام ثانيه غير المسابقات

لكن كل يوم احاول احسن حالي

شاقول لك بس (( لا تعليق ))

لكن بحاول احسن نفسي

وشكرا على ذكر اسمي

نورت المنتدى اهلا فيك من جديد

squal
25-09-2004, 19:17
ماشاء الله شايف اعضاء جدد لكن ماشاء الله متحركين تمام
زي سكوال و جوليا روبرتس وكاثرين
اخوي اولاً مرحبا بعودتك..
وثانياً مشكوور على ذكر اسمي في موضوعك..
وترى كلامك منطقي ....وانا بصراحة ودي ان المنتدى يكون شعلة النشااااااااااااااااااااط...:)
مع تحياتي
ودمت سالماً

Gary oak
25-09-2004, 19:23
أنا صحيح مش مثل اول لأن على قيلت المثل * اليد الوحده ما تصفق* اول كنت مع فيري بس الحين غاب فيري وغبت انا معه


اعذروني

WaAaD 7rKtAt
26-09-2004, 16:05
واحد من الشباب
المنتدى منور بأهله والله
وتسلم على ردك الرائع




هلا سكوال
تسلم على ردك الحلو
وإحنا كلنا نبغى المنتدى شعلة من النشاط وانشاء الله يكون كذا قريب




Gary oak
تسلم على ردك
لكن كلنا معاك مو شرط فيري
واتمنى نشوفك قريب ونشوف مشاركاتك الحلوة

عاشق التحدي
27-09-2004, 20:06
هلا فيك أخوي WaAaD 7rKtAt


نورت المنتدى برجعتك لنا


وبصراحة والله لك وحشة






وزي منت عارف ظروف الدراسة


تمنعني من المشاركة وكتابة المواضيع


ولكن عشانك راح أحاول أكتب مواضيع وأرجع زي أول


ومشكور على ذكر إسمي


تقبل مني أجمل وأطيب تحية


أخوك


عاشق التحدي

zainab
27-09-2004, 20:21
السلام عليكم ..... ^_^

اهلا اهلا اخي .... وينك ؟؟؟
اهلا بعودتك .. اهلا و سهلا ... نورت المنتدي بوجودك و الله ... كثير فرحت من شفتك .... و اسفه على ردي المتأخر ... اعذرني...
بصراحه انا موجوده بس مثل ما تقول كثير من الاعضاء راحوا .. الحمد لله على رجوعك .. ^_^
ننتظر منك احلي و اجمل المواضيع..

تحياتي زينب
اها .. !!! و شكرا على ذكر اسمي ^_^

Aishwarya
28-09-2004, 09:21
السلام عليكم
أهلين أخوي
أهلا بعودتك مرة ثانية للمنتدى
أنا معاك في كل كلمة قلتها
بصراحة من زمان ما شفت مواضيع جديدو لكل الأعضاء الي ذكرتهم مع أني كنت أشوف مواضيعهم أول بأول من قبل ما أشارك(لمن كنت من الزوار)
تحياتي لك
أختك
أيشواريا

WaAaD 7rKtAt
28-09-2004, 15:32
عاشق التحدي

ياهلا والله والمنتدى منور بأهله واصحابه

وبعدين كلنا عندنا دراسة انا ما اقلك سيب دراستك علشان نشوف مواضيعك
لكن اقلك يعني حطلنا ولو موضوع في الإسبوع

نستناك ونستنى مشاركاتك






zainab

هلا والله باختي زينب

يؤ يؤ يؤ والله واحشتني
نفسي اعرف طيب اذا راحوا الأعضاء خلاص احنا مانكتب مواضيع ؟
لا هذا مو سبب , شوفي لك اسبوع من اليوم إذا ماشفت منك اي موضوع راح ازعل هاه

وتسلمي على كلامك الحلو






Aishwarya
هلا والله بالنور كله
كيفك ؟
ماشاء الله عليكي
يالله خلينا نشوف مواضيعك ومشاركاتك
وتسلمي على ردك وعلى كلامك الحلوو ياقمر

zainab
28-09-2004, 16:04
ههههههههه
ما بيصير... انا قبل كم يوم كتبت موضوع و موجود في اصدقاء و المرح ... ^_^
اكيد ما شفته لأن توك جاي... على العموم حاااضر... انت عزيز و راح نحاول يصير مكسات مثل قبل مع انه جميل بوجود اعضاء مثلك ....

و لا تنسي نحن ننتظر مواضيعك و اهلا بك من جديد

تحياتي زينب

WaAaD 7rKtAt
30-09-2004, 15:00
أوكيه ياقمر


استنوا مشاركاتي


سي يااااااااااااااا

LYM
01-10-2004, 05:58
هلا فيك اخوي نورتنا


ومشكور على ذكرك اسمي ^_^


انشالله راح ارجع مثل اول واحطي مواضيع حلوه

لان الحين بدت المدارس ومافي وقت حق الأنترنت ^_^


واهـلا فيك مرثانيه ^_^

Warm Heart
01-10-2004, 08:14
تسأل ليش؟

انا اقول لك ليش

لان في اعضاء شعارهم في المنتدى

"ازعل عشان يسوون لك سالفه"

"لا اتصير كول عشان ما ينقص عليك"

"لا تقبل مزاح حد لانهم يستخفون دمهم"

"خلهم يرسلون لك رسايل خاصه عشان تلعب عليهم"

و هذا كله في قسم الالعاب و المرح الي لازم الي يدخله ما يزعل مهما يصير له

صح ولا شو؟

هل هذا يكفي الحين؟

يلا سلام و اشوفكم بعد شهر في الالعاب

WaAaD 7rKtAt
01-10-2004, 22:06
العـــاشقة
هلا والله بالعاشقة

كيفك ؟
بالتوفيق في دراستك ونتمنى نشوفك قريب




Warm Heart
هلا والله بماما وارمووووووو
ليه ليه ليه هذا الزعل كله ؟
مين زعلك قولي مين ؟
افا والله مين زعل وارمووو؟
وبعدي اسمه الألعاب والمرح الفروض محد يزعل من المرح والمزح
اقول لاشهر ولا شيء نبغى نشوفك قريب ياكتكوته

sleepmoon
02-10-2004, 08:35
اهلا بعوتك أخوي

صراحة انا نفسي حاسة أن ملل لاف المنتدى .......... يمكن للأنك غبيت عنا ;)
أنا اسفة .... عارفة إني مقصرة ... لكن الجو ما هو مشجعة .. :p نعيب زماننا و عيب فينا :eek:
أنا تراني موجودة دايما بس صار لي فترة ما نزلت مواضيع ... لأني لا أجد ما يستحق النشر :محبط:

و بعدين انت لازم تعاقب على غايب ... ولا تستخدم طريقة الهجوم افضل وسيلة للدفاع .... :رامبو:


أنا عن نفسي أوعدكم أني أحاول أجدد الفتور اللي و أبد عهد جديد من النشاط :D

شوووووووووووووووووو راااااااااااااااااااايكم ... ::سعادة::

و انت أخوي خلينا نشوف شطارتك في تجديد نشاط المنتدى .... أوكي ::جيد::


سلامي لكم sleepmoon

WaAaD 7rKtAt
02-10-2004, 11:02
sleepmoon
هاياااااااات
كلامك حلو وردك احلى :cool:

وأتمنى كل عضو يسير زيك فاهمني ;)
ههههههههههههههههه :)

نشوف مشاركاتك قريبا

see yaaa

Warm Heart
02-10-2004, 15:15
Warm Heart
هلا والله بماما وارمووووووو
ليه ليه ليه هذا الزعل كله ؟
مين زعلك قولي مين ؟
افا والله مين زعل وارمووو؟
وبعدي اسمه الألعاب والمرح الفروض محد يزعل من المرح والمزح
اقول لاشهر ولا شيء نبغى نشوفك قريب ياكتكوته
لا والله انا ما ازعل ولا بزعل
بس منقهره منهم
الزعل شعارهم و الرسايل الخاصه و الغزل هوايتهم

اعذرني على هذي الكلمه بس فعلا هذا الي يصير في المنتدى
و يبدأ هذا الشي من قسم الالعاب

قسم الالعاب مب مثل قبل

قبل كان كله مزح و ضحك و كل واحد يلعوز الثاني و هدفنا ان انسوي القسم نشيط

الحين القسم صاير مكان للــــــــ.........................
ما اقدر اقول شي

و اذا تبا دليل على كلامي الاولي
مستعده اقتبس كلام يأكد كلامي الي قلته في ردي الاول

سلام

oO.قـمـر14.Oo
02-10-2004, 16:05
:محبط:


:(


كل ما أشووف ووورم تتكلم جذي أتضايق وايد :محبط:

WaAaD 7rKtAt
02-10-2004, 16:11
هلا والله قمر 14
من جد والله نتضايق لأنها هيه اللي كانت تسلينا وتمزح معانا ونمزح معاها
احس انها صارت ماتمزح ولا تفرق بين الطيب والتاني تعاملنا معامله وحدة
تعاملنا بحذر ورسمية زايده عن اللزوم وهذا اللي احنا مانبغاه




ورموووووووووووو
لأ مايحتاج كلامك صح

لكن مالك فيهم خليهم انتي خليكي على نياتك
ومشي حالك

وندعي الله انه يهديهم ويرجعهم لنا زي ماكانوا

Warm Heart
02-10-2004, 16:29
اهااااااااا

يعني الكل عارف هذا الشي و ساكت

والله حاولت اصلحهم اكثر من مره و النتيجه وحده

ما اقول غير الجمله الي اسمعها في النشيد الي اتناسب حالتي:

" الصحب اين جموعهم تركوا اخائي "

خلوني بروحي في المنتدى و الحين وجودي مثل عدمه في القسم

على العموم تسلم لانك سألت عنا و مشكوووووووووور على الموضوع

*^_^*

WaAaD 7rKtAt
02-10-2004, 18:49
مافهمتك ؟

يعني زعلتي مني كمان ؟

Warm Heart
02-10-2004, 18:59
لا والله ما زعلت منكم ولا منك

انا من متى اعرف الزعل؟

صدقني ما اعرف الزعل

بس كل الي اعرفهم طلعو من المنتدى و السبب هو كل الي قلته قبل

على العموم مشكوووووووووووور على الموضوع حركتاتووووه <------ ما تبي اتطول السالفه لانها حاسه انه بينحذف

*^_^*

WaAaD 7rKtAt
02-10-2004, 19:40
أوكيه شكرا على مشاركتك


تسلمي

ويروس
05-10-2004, 22:06
اولا اهلا و سهلا فيك مره اخرى فى المنتدى>>>>>>دائما اخير واحد يشوف الموضوع
هههههههههههه
على العموم انا يعنى ما اتصور ان مقصر مع المنتدى
يعنى اكثر من هذا ما اقدر اشارك
و انا ايضا مع الخرتوته يعنى ورمو
بعد اعضاء القداما مايدخلون وايد
و ماكو مرح فى منتدى المرح >_<



تحياتى
ويروس
^_ْ~

WaAaD 7rKtAt
06-10-2004, 17:17
ويروس إنتا ماشاء الله الله يعطيك العافيه ماتقصر


لكن يمكن معد سرنا نشوف المرح والنشاط من بعض الأعضاء
فضلمناك معاهم


معليش

وتسلم على ردك الحلو يا حلو

Hardy Boy
06-10-2004, 19:08
هلا بالشبيبه هارديوووه از هناك >>!!

المهم مع ان محد سأل عني لكن بقط هع

كلام وارمووه 10000000000000000000000% صحيح

ومانحشت من المنتدى اله من هالسبب ×_×

اعذروني بس مكسات مو زي قبل الحين وخصوصا قسم الالعاب
مافيه غير

غزل >>اغلب الاعضاء الجدد جايين عشانه واعذروني على هالكلام لكنه للاسف صحيح
طبعا مو كلهم في ناس جدد اشهد لهم والله على العين

اتكلم عن الي مسوي كنج اذا شاف بنت بالموضوع
مثلا

لعبه من تصفع من الاعضاء الظاهر اسمها كذا
يدخل واحد يمزح مع الاعضاء مافي اشكال
اللعبه اصفع وامش عادي تضييع وقت وزياده مشاركات

لكن يدخل واحد يقول الي بيصفع فلانه والله لا اكسر ايده ومدري شو
شويه اله متكافخين !!!!
الصراحه مدري وش اقول عن عقليته هالانسان !!!
وياكثرهم بالقسم

والمشكله مو من الشباب البنات بعد الله يهديهم في كم وحده بس ماني ذاكر اسماء
معطيتهم وجه زياده عن اللزود وكأنها مستانسه بالي تشوفه من كلام عنها !!!>>طبعا ماني ذاكر تفاصيل زياده لانها كثيره تكفيك الاسماء الي مسجلين ابها !!!
واغلبكم شاف وانا متأكد

وفيه نوع ثاني بعد من الاسباب الي خلتني اطلع
بعض الاعضاء مدري ليش مسجل
هوايته التحرش يقط كلمه على هذا وهذا ومسوي الكل بالكل
وانتبه احد يكلمه او ينصحه .. ياكلك ~_~

هالنوع حاولت اتقرب منهم
عجزت استخدمت نفس طريقتهم برضو مافي فايده !

ايش اسوي اجلس
اخاف افقد اعصابي على واحد فيهم واتلاسن معاه ماتسوي علي اشوه سمعتي عليه *_*

ادري طولت عليكم لكن شسوي حبيت اوضح للي مو عارفين ليش طلعت انا من المنتدى
ولقيت هالموضوع فرصه والي مو عاجبه الكلام مو موجه له او لاي احد
يعني لاحد يتفلسف ويقول اني غلطان يدخل القسم ويشوف
مع اني حاليا صار لي مده مادخلت مالي نفست صرت ~_~

ويالله في امان الله

تحياتي
Hardy Boy

Hardy Boy
06-10-2004, 19:10
نسيت

يسلمووو ع الموضوع

لوليتا
06-10-2004, 20:23
السلام عليكم .....

ان شاء الله نحل هذه المشكله وما يكون الا خاطركم طيب ....

وأهلاً بعودتك اخي :)

Aishwarya
07-10-2004, 13:19
السلام عليكم
ود حركتات استحملني في موضوعك لأني كثرت من ردودي فيه
المهم
بالنسبة لأختي وارم هارت
أحب أقولها أن وجودها مهم في المنتدى ويعني الكثير ومين قال أن وجودك كعدمه في المنتدى حبيت أقولك أن هالكلام خاطئ لأنك تملين المنتدى مرح يوم أنك تدخليه ويا ريت أنه مهما كانت الأسباب الي خلتك تتركين قسم الألعاب انك ترجعين له
أنا مش عارفه ليه انتو ما تحبون الأعضاء الجدد لأني من يوم ما تسجلت واشوف أعضاء يقولون أن الأعضاء الجدد همهم زيادة مشاركاتهم وعلى ما أظن أنهم هم السبب في ترككم للمنتدى
أنا واحدة من هالأعضاء الجدد كما أنتو معتبريني فأقول لك أن مش كلنا مثل ما قلتي
وأقول نفس الكلام لهاردي
وأعتذر لكم كلكم لأني كوحدة من الأعضاء الجدد أحس أني ملزمة بالاعتذار مع أني عارفة مش أنا المعنية بكلام وارم وهاردي ولا أنا غلطانة في الي قلته
المهم أتمنى منكم أنكم ترجعون للمنتدى وأتمنى أن المنتدى يرجع مثل ما كان و أحسن وأتمنى أنكم ما تخلون المنتدى ولو حسيتو في يوم أني أو أي عضو غلط عليكم أو كان في ردودنا شي غلط انكم تنبهونا على غلطنا لأننا مهما كنا أخوان ولا أنا غلطانة في الي قلته
وأعتذر لكم
ومشكور ود حركتات على موضوعك
تحياتي
أيشواريا

WaAaD 7rKtAt
07-10-2004, 15:58
Kenshin Himura
هلا والله فينك ياواد ؟
والله من زمان عنك
المهم معاك حق فعلا
وبعدين من شروط المنتدى انه اذا اللعبة خرجت عن موضوعها تنحذف
ومع ذالك تقعد موجودة ليه ؟
والمفروض الشخص اللي سبب في خروج اللعبة عن موضوعها يتوقف
وإنشاء الله ينظروا المراقبين في هذا الموضوع
وتسلم




لوليتا
تسلمي على ردك في الموضوع ومرورك علية
وأتمنى انك تحاولي توصلي هذا الكلام للجهات المختصة ;)
تسلمي مرررة تانية




Aishwarya
لا عادي احنا حطينا الموضوع علشان نعرف ارآكم
كلامك عن ورموووو سليم المفروض ماتسيبنا لوحدنا
طبعا مو كل الأعضاء الجدد زي ماقالوا لا لأن اصابيع يدك مو سوا
وإنتي أنا اشهد بتميزك
وشكرا على اعتذارك رغم انه محد حدد ولا احد جاب سيرة عنك
وتسلمي على تفاعلك مع الموضوع



أخوكم
واااااااااد حركتاااااااات

Warm Heart
08-10-2004, 05:24
ويروس
الصراحه انا اشهد انه ما امقصر في شي
و اذا كنت في المنتدى و شفته في الالعاب ادخل و اسولف معاه

و هارديووووه
انا معاه في كلامه
كل الي قاله صح

لوليتا
ان شا الله تقدرون اتوقفونهم عند حدهم عاد

Aishwarya
انتي صح عضوه يديده
بس ما شا الله عليج عضوه مميزه
في عضوات لهم روح مرح رائعه
بس في غيرهم لهم اسلوب سخيف في الكلام و امزودينها بزياده و انا ذكرت هذا الشي في كلامي القبلي
شفتج اكثر من مره في الالعاب انتي مب مثلهم
حتى العضوه "قمر 14" ما شا الله ليها عضوه لها مستقبل في مكسات

و بالنسبه لزيدة المشاركات مب مهمه كثر السبب الرئيسي في ترك القسم


حركتاتوووووووه
انا املاحظه شي
انت اول ما دخلت المنتدى دخلت معاك لوردووه
و ما شا الله عليكم كنتو فعلا اخوات دايما تدخلون مع بعض
و كل واحد منكم لازم يتكلم عن الثاني بالخير
و هالايام انا املاحظه ان في شي بينكم كانكم تتجاهلون بعض
و انت دخلت موضوعي"تعالو انصفي قلوبنا"
و طلبت منك و رجوتك انت ترجع للردود القبليه لان في واحد طالب المسامحه منك بس ما رديت عليه ليييييييييييييش؟

و سبب كلامي هذا انك حاط الموضوع لانك تبانا نرجع مثل قبل صح؟

*^_~*

يسلموووووووووو على الموضوع

لوليتا
08-10-2004, 13:28
السلام عليكم ....


والمفروض الشخص اللي سبب في خروج اللعبة عن موضوعها يتوقف

وأتمنى انك تحاولي توصلي هذا الكلام للجهات المختصة ;)

ان شا الله تقدرون اتوقفونهم عند حدهم عاد
لا تقلقوا .... ان شاء الله خير ....

المهم انه اي عضو طلع لهذا السبب يرجع معزز مكرّم على مسؤوليتي .....



أنا مش عارفه ليه انتو ما تحبون الأعضاء الجدد لأني من يوم ما تسجلت واشوف أعضاء يقولون أن الأعضاء الجدد همهم زيادة مشاركاتهم وعلى ما أظن أنهم هم السبب في ترككم للمنتدى
لا اختي العزيزه :)
الاعضاء الجدد اخواننا ونشيلهم بعيوننا ..... حتى اذا سمعتي هذا المصطلح فالمقصود به بعض الاعضاء .....
كلنا كنا جدد في يوم من الايام ;)

WaAaD 7rKtAt
08-10-2004, 14:44
هلا والله ورمووووووووو
تسلمي على ردك وتفاعلك واهتمامك بالموضوع الإهتمام التام
وبالنسبة للورد فأنا اعتبره زي اخوية وعلى فكرة مابيننا شيء
وكمان ازيدك من الشعر بيت انا وهوه ساكنين في نفس الغرفة في الجامعة لأننا متغربي (ندرس في جامعة وحده بعيده عن اهالينا)
وقلوبنا على بعض فلا تخافي من دي الناحية وشكرا لأهتمامك بموضوعنا
تسلمي ياكتكوته



لوليتا
يعطيك الف عافيه يارب
وإنشاء الله تكوني يد الخير على المنتدى ورجوعه لنشاطه وحركته كما سابقا







اخوكم
واااااااااااااد حركتااااااااااااااات

Warm Heart
09-10-2004, 09:59
الحمد لله ان مافي شي

*^_^*

الحين انا رجعت قسم الالعاب

و اسلوبي رجع مثل قبل

يعني لا في رسميات ولا شي

حتى كلمة "امزح" ما بكتبها لان القسم للمزح اصلا

و اذا في حد زعل او اذا شفت اسلوب الغزل فيه مره ثانيه

حلفت اني اقتبس كل كلامهم و احطه اهني و بالاسامي بعد

بس عشان يرجع القسم مثل قبل

اليوم رجعته نشيط مثل قبل كثر ما اقدر و بشوف شو بصير مع الايام

*^_^*
مشكوووور لاهتمامك حركتاتووووووه

*^_~*

ويروس
09-10-2004, 11:16
حتى كلمة "امزح" ما بكتبها لان القسم للمزح اصلا

لاع
كتبى اشـــــــولف
ههههههههه
^_ْ~

Warm Heart
09-10-2004, 14:50
خخخخخخخخخ

ان شا الله بس بكتب "اشوووولف" وقت الحاجه

*^_~*

WaAaD 7rKtAt
09-10-2004, 15:29
شكرا شكرا

احم احم >>>>>>>>>>> على باله


ههههههههههههههههههههههههههه


المهم اللي ابغاه يصير ان المنتدى يرجع زي ماكان هذا هوه الهدف من موضوعي
والحمد لله رجع بعضه زي ماكان لكن ماراح اسيب دا الموضوع الين مايرجع منتدانا حريقه


اخوكم
واااااااااااااد حركتاااااااااااااااات

عاشقة الانمي
09-10-2004, 15:56
هلاااااااا
اخبااااارك
اولا انرح بك هلاوغلا بك في منتدانااا الحلوووو والنشيط دائماا
انا مو جديده على المنتدى بس من كثر الموواضيع الكل يعرفني>>>>>>>>قصدي من قلت المواضيع محد يعرفني
المهم مشكوووره على المووضووووع وان شاء الله راح اتشوفي مواضيعنا ترى كل ذا السكوت
ورااه موضوووووع حلووه ان شاء الله ومشكوووره على تنبيه الاعضاااء

WaAaD 7rKtAt
10-10-2004, 13:11
تسلمي ياعاشقة الأنمي على ردك الحلو

وانا ولد ولست بنتا !!!!!!!!!!!

المهم شكرا على ردك وإنشاء الله نشوفك زي زمان مافي غير مواضيع وصور ............. أوكيه ياقمر

وشكرا لترحيبك بيا



اخوك
وااااااااااااد حركتاااااااااااااات

Aishwarya
11-10-2004, 08:08
السلام عليكم
أنا رديت لهالموضوع>>>>> بس متأخرة كالعادة
أعذروني على التأخير
ود حركتات


لا عادي احنا حطينا الموضوع علشان نعرف ارآكم
مشكور وصدقني راح تندم على هالجملة لأنك راح تشوفني كثير

كلامك عن ورموووو سليم المفروض ماتسيبنا لوحدنا
طبعا مو كل الأعضاء الجدد زي ماقالوا لا لأن اصابيع يدك مو سوا
كلامك صح
صحيح أن أصابع اليد مو زي بعض ولا كل الأعضاء زي بعض بس مثل ما قالو الشر يعم

وإنتي أنا اشهد بتميزك
مشكور يا ود
وهذي شهادة أعتز فيها

وشكرا على اعتذارك رغم انه محد حدد ولا احد جاب سيرة عنك
لا شكر على واجب
أنا معا أعتذرت الا لأني حسيت أنه من واجبي أني أعتذر
لأني ما أحب أشوف أحد زعلان
وقلت يمكن في أحد زعلان مني وأنا مش عارفة

وتسلمي على تفاعلك مع الموضوع
العفو
وعلى فكرة موضوعك حلو

وارمو
أشكرك على ردك

انتي صح عضوه يديده
بس ما شا الله عليج عضوه مميزه
تسلمين
وانت بعد عضوة مميزة

في عضوات لهم روح مرح رائعه
بس في غيرهم لهم اسلوب سخيف في الكلام و امزودينها بزياده و انا ذكرت هذا الشي في كلامي القبلي
فعلا كلامك صح في كم عضو أسلوبهم ما عجبني وحسيت أنهم معصبين وردهم سخيف
بس شنو نقول غير الله يهديهم

شفتج اكثر من مره في الالعاب انتي مب مثلهم
حتى العضوه "قمر 14" ما شا الله ليها عضوه لها مستقبل في مكسات
شكرا على كلامك وهذي شهادة أعتز فيها

و بالنسبه لزيدة المشاركات مب مهمه كثر السبب الرئيسي في ترك القسم
كل الأتمناه أنك تردين وكل الأعضاء القدامى يردون لأن المنتدى من دونكم مش حلو
هو صح في أعضاء روعة وحلو اللعب معاهم بس كمان تنقصنا شوفتكم ومشاركتكم
حتى حركتاتو ما عاد شفته في قسم الألعاب

وتسلم يا حركتاتو على الموضوع

Al Baronah
12-10-2004, 18:35
اهلييييييييييييييييين


ولكم باااك اخوي وااااد حركتات

مرة اشتقنالك

واذا انا مقصرة في شئ فانا مرررة اسفة

وغير كذا انا مقصرة لنفس الاسباب الا ذكروها ورم وكنشي

لاني ما اقدر ازيد على كلامهم شئ

وانا رااح ارجع واحااول مررة ثانية انه يرجع مثل اول

وان شااء الله يرجع

وشكرا لك واااد

اختك محبت هيرو

WaAaD 7rKtAt
12-10-2004, 22:27
Aishwarya
تسلمي والله على الكلام الحلو
وتفاعلك مع الموضوع ومحاولة اصلاح المشكله
تسلمي



محبت هيرو
والله انا اللي اشتقتلكم اكتر

بس انتي فينك يالقاطعة ؟؟

المهم ابغى اشوفك منتشرة في المنتدى
فاهمه
وتسلمي على كلامك الحلو


اخوكم
وااااااااااااد حركتااااااااااااااااات

Al Baronah
12-10-2004, 22:33
محبت هيرو
والله انا اللي اشتقتلكم اكتر

بس انتي فينك يالقاطعة ؟؟

المهم ابغى اشوفك منتشرة في المنتدى
فاهمه
وتسلمي على كلامك الحلو

والله صارلي ظروف وما صرت ادخل

بس انا رجعت بس المنتدى زي ما هو

خلاص ولايهمك على شاان رااح انتشر زي الفايروس

رااح تشوفني في كل مكاان

ولا يهمك انت تامر امر

الله يسلمك

وانا ما قلت شئ

وشكرا لك

اختك محبت هيرو

روح سامية
13-10-2004, 21:36
عليكم السلام و رحمة الله و بركاته

الصراحة تفاجئت بعد ما قريت اسماء الاعضاء المتحركين حيل
انا عضو ينشط المنتدى ؟!!!! :eek:

مشكووووووووور
انا آسف لخمولي هذي الأيام للدراسة
انا اصلا ما توقعت اني بدخل في الدراسة بس الحمد لله يوم في الاسبوع
اعذروني ما اقدر اسوي شي :محبط:
آآآآآآآآآآسف

صدى الهمس
20-10-2004, 12:44
اهلين ياجماعه انا كمان لاحظت كذا قبل لاسجل كنت اشوف اعضاء كثييييييييييييييير متحركين

بس قطعت عن النت اسبوع الا وكل هذول اختفوا انا قلت في عقلي ليكون صار للمنتدى شئ

لكن يلا عقبال ماتشوفون مني الافضل لاني جديده معاكم ^_____^

ومشكور اخوي على الموضوع

Warm Heart
22-10-2004, 01:52
يسلمووووووووووووووووو

اخواني و خواتي بالمنتدى على تأييد كلامي

*^_~*

الحمد لله كنا و ما زلنا على قلب واحد مثل الاخوان و الخوات بالضبط

*^_~*

HARD-GIRL
22-10-2004, 12:26
ويييه شخبااري والله ذكرتنا بأيام مان

لاكن لازم تعذرنا اخي واد حركتات احنى بشهر رمضان والكل ماشاء الله عندة مشاريع إيمانية خارج الإنترنت وداخله يعني قليل ما يلاقي وقت لسوالف معن كلامك كله حكم الشغل هالأيام وايد ماخذ وقتي الدراسة والعبادة

وارجوا انكم تسامحونة بهالفترة


وشكرا لك على طرحك هذا الموضووع و إنشاء الله اول ما يخلص رمضان بيكون عندي متسع من الوقت اقظيه معاكم

وبارك الله فيكم