قصة غشيم بالمغاازل<<طويله بس خطيره خطيره

[عالميه من قلب]

السلام عليكم ورحمة الله وبركاته


جبت لكم قصه صحيح طويله بس ( خــــــــــــطــــــيــرهـ )::جيد::








قصة غشيم في المغازل

المهم وانا في عز النوم والسعابيل والا فجئه .. رن التلفون
وطبعا تلفوننا شايل ابوي منه كل الارقام مو مخلي الا رقمين التسعه والثمانيه يعني مالك الا تدق على الشرطه والا الدفاع المدني وغيره مافيه .
المهم اني رفعت السماعه واقول نعم الا وذاك الصوت الي يرد الرووووح .. صوت بنت .. واخوكم اذا سمع صوت بنت اوجعه بطنه وانواع الاسهال .. قالت : الوووو .
انا ماعاد عرفت وش اقول انشلت براطمي وطلعت كني ياسر عرفات ..
ال ال ال ال لوووووووووووووو ..
قالت : مين معاي .. ؟؟
قلت : معاك انا .. (( صراحه جواب يدل على ذكائك .. !! ))
وهي الي تضحك .. وانا قلبي احسه مو طبيعي قالبها سامري وتستنزل عندي الكبد والبنكرياس انواع الربكه ..
وقالت لي : سوسو موجوده ؟؟
قلت لها : ما ينفع طوطو .. ؟؟
قالت : مين طوطو ؟؟
قلت : هذا اسم الدلع حق الطاووس الي هو انا . !! وضحكت المره الثانيه على التوالي ..
وقالت : يؤ يؤ شكلي غلطانه .. اسفه .
قلت لها : لا عادي .. لا شكر على واجب (( دايم اسمع هالكلمه .. وجالس احتري الفرصه اني اقولها ..!! )) وقفلت السماعه
تصدقون .. ما ادري وش صار فيني .. حسيت بشعقريره في جسمي .. وان افرازات الخشم عندي زادت .. وان ودي اروح انبطح في الحوش واكتب قصيده هجائيه .. لا يكون هذا هو الحب الي يقولون ..
(( نعن ابو الحب الي تعرفه يا الضفدع ..!! )) عاد انا ماني متعود على البنات .. لان ما شاء الله بيتنا فيه خمسطعشر رجال اللي هم انا واخواني وابوي وامي .. (( الله يخلف على ابوك واميمتك هذا وانت اكبر اخوانك عليه العوض ومنه العوض ..)) المهم .. يعني انا واخواني ما شفنا بنت ابد .. وهذا الي سبب لنا عقده تسمى العقده الفيسلوجيه ..(( من وين جت ذي ..!!)) المهم .. اني قررت اني اتعرررف على بناااات .. بس فيه مشكله وحده الي هي اني مااا عندي اسلوووب ابد .. (( يعني وقفت على الاسلوب نعن ابوك انت عندك الف مشكله مو مشكله بس .. واهمها مشكلت وجهك الي كنه لوحة انتبه امامك نقطة تفتيش ..!!)) الوكااد اني ماالقيت قدامي الااا وااحد من العيال اسمه عبدوووش .. معروووف ان البنات ما يعوقون معااه .. واناا اللي اللقط مفتاح سياارتي واروووح له .. اني رحت لعبدوووش .. وعلمته بووضعي وان امنيتي في الحيااة اتعرف على بنت قبل ما اموووت ..
(( اخسسس يا الشاايب ..!!))
فقال لي : السالفه بسيطه ..اذا بغيت البنت تحبك حسسهااا انهاا احسن وحده في العالم ..
قلت له : يعني كيف ..يعني .. يعني كيف .. يعني اقولهااا انتي احسن من مرادووونا ...!!
وهو اللي يرفسني برجله في بطني ..
وقال لي : انت ثوووور .. وش دخل مرادووونا يا الغبي ..!! اناا قصدي انك تحسسهاا بانوثتهااا وان ماافيه بنت غيرهاا في العالم ..
قلت له : برررضه ما فهمت .. يعني تبيني اذبح كل البنات واخليهاا لحالهااا..!! وهو اللي يموه علي برجله ويمحطني بيده على جبهتي ...
وقال لي : شوف انت حماار وما راح تفهم الا بالدرووس العمليه .. ويطلع جواله ويدق ..
وقال لي : شووف اناا هاللحين باكلم وحده وتعلم ..
قلت له : طيب .... وكلم
وقال : هلاا حياتي هلاا عمري هلاا روووحي انا لؤي حبيبك ومجنوونك .. (( الحمد لله على العقل .. نعن ابووك وين لؤي معه .. والله لو اشوف وجهه في احسن الاحوااال بعد ما اعطيه غير اسم جعفر .. قال ايش قال لؤي ..!!)) وقام يقول لها انا احبك وامووت فيك .. اناا بدوونك مثل البيت بدون حااره .. مثل التلفووون بدوون حراااره .. مثل السوووق بدون سياااره .. اناا البنزين وانتي الشراره .. انا الشارع وانتي الانااره .. انا الرومانسيه وانتي الاثاااره .. اناا مبنى التجاره العالمي وانتي الطياره .. (( قسم بالله اني بغيت اضمه وابووسه يوم سمعت كلاامه ..حسيت بشعووور غريب ..نعن ابليسه لو يكلم جداار كااان ذااب )) المهم .. انه خلص المكالمه .. والتفت لي وقال لي .. يالله دووورك .. باعطيك رقم بنت وكلمهااا .. وقوول لها نفس كلامي ...
قلت له بكل خجل : طيب .. وهو الي يدق على بنت ويعطيني الجوال عشان اكلمها .. وانا اللي اقول الووووو .. ويوم سمعت الصوت .. ضاااااعت علووومي .. ونسيت كل الكلام ..
وقلت لها : بابا فين ..!! وما حسيت الاا بذيك الجزمه اللي لاازقه في مقفاااي ..
وقال لي : قوووول نفس الكلام الي قلته يا الثووور .. واناا اللي اقووول لها : هلا حياتي هلا رووحي هلا تعالي ..
قالت : طيب وبعدين ..
قلت : انا بدونك مثل الكيبوورد بدون فاره .. مثل التقاطع بدون اشاره .. مثل الحماار بدوون حمااره .. مثل السلطه بدون خياره .. انا محتررررف وانتي نظام الاعاره .. اناا الولاعه وانتي السجااره .. انا الددسن وانتي الغماره .. اناا الصرصوووور وانتي البياره ..
انااا طوووط طوووط طوووط .. قفلت الخط في وجهي .
قال عبدووووش : وش فيك ؟؟
قلت له : لا ابد الخط مشغوول ..!! (( ما يعرف يصررف ابدا ..!! ))وما دريت الا وعبدوش مطلع لووح فيه مسامير ودبجني فيه اللين قلت للعنز يا خاله ..
المهم .. اني رجعت للبيت ودماني تصب وماليه وجه من كثر الطق اللي جاني من عبدووش
لدرجة ان اللي يشوفني ما يعرفني طالع كني مسابقة .. من صاحب هذه الصوره .. اللي يحطونها في المجلات .. وانا الي ادخل البيت بشويش عشان ما يشوفني احد .. واطلع غرفتي واسكر الباب وانام .. وفي عز النووم .. دق جرس التلفون .. وارفع السماعه .. الا هي نفس البنت اللي كلمتني اول مرره ..
قلت : نعم
قالت : سوسو موجوده ؟؟؟
قلت لها : شوفي بيتنا كله شباب وما فيه احد يبدا اسمه بحرف السين انا واخواني كلنا اسمنا خالد وما فيه الا اخوي الصغير فهد هو اللي اسمه نايف ونناديه عبدالرحمن (( وش عنده عادل امام ..!!)) والبنت كرتها ضحكه ..
وقالت : ما شاء الله دمك خفيف .. (( هي تحسبني استهبل ما درت اني دلخ من جد ))
وقلت لها : شكرا (( مسوي اسلوب ..!!))
وسالتني البنت وش تسوي هاللحين ..؟؟
قلت لها : والله كنت نايم
قالت : يؤ يؤ تنام في الليل ..!!
اجل متى انام ..؟؟
قالت : لا انا انام في النهار واسهر في الليل
قلت : ليش الاخت بووووومه ..؟؟
قالت : لا بس الليل وقت الرومانسيه .. انت تعرف الرومانسيه ؟؟
قلت لها : لا والله ما اعرف بنات انا ..!! (( مسوي فيها فاهم .. !!)) وسالتني ..
انت وش اسمك ؟؟
قلت لها : مصيول
قالت : وش معناه ؟؟
قلت : لها هذا اسم كلب كان عند جدي وسماني ابوي عليه لاني اشبهه .. وسالتها وانتي وش اسمك ..
قالت : داليداا ..
قلت لها : انا ابي اعرف اسمك مو بعيارتك ..!!
قالت : هذا اسمي . (( هذوللي البنات تساها وش اسمك .. تقول رهف والا شوق والا افنان ولوو عذري بس من جنبها ..!! )) سوييت فيها اسلوب وقلت لها اني حبيت وحده بس انتهى هالحب لان اللي حبيتها خانتني ..
قالت لي : من حبيت ..؟؟
قلت لها : حبيت عنز جيراننا .. بس انها خانتني مع تيس سوري عشان له قذله ..!!
المهم ان البنت قالت لي : اوكي اكلمك بكره لان امي تناديني
قلت : مو مشكله .. وتطورت العلاقه وصرنا نكلم بعض كل يوم وانا انقلب حالي .. ولاحظو اهلي اني تغيرت .. يعني نكون جالسين على الغدا والا العشا وانا ما اكل .. سارح وانغف ..
وبعض المرات انسى اصبعي داخل خشمي ولاحظو اهلي اني صرت مؤدب واقرا واجد .. وانا اقرا عشان اعرف كلام جديد في الحب تلقاني اقرا كتب الشعر والحب والطبخ ..(( لا تستغربون لان كتب الطبخ اتعلم منهاا كلام حلو بعد مثل : يا عسل يا حليب يا قشطه يا كريم كراميل ..!!))
بس المشكله اها ضاعت هالكتب مني وصررت اروح عند بيارة جارنا اللي طافحه واقعد افكررر واتامل وارمي حصى وسط البياره .. (( مسوي رومانسي .. مثل : اللي يجلسون على البحر ويرمن حصى ..!!)) المهم في ليله من الليالي
قالت البنت : مصيول اوصف لي شكلك .. !! يا والله البلشه .. وش اقولها هذي هاللحين اقولها اني قرد اعترف لها بالحقيقه المرره واقولها اني جدار مالي ملامح .. اعترف لها اني شبيه عبدالله سليمان (( الف حمد لله والشكر )) الوكاد يا واد خلني اسووي مثل كل الشباب .. وانصب عليها يعني تلقى الواحد من الشباب شيييين وإذا شفتهفي الشارع ماتدري هورايح وإلا جاي لان وجهه ماله معالم .. ولو تشوف وجهه تحسبه واحد معطيك مقفاه .. يعني مفروض يحط لوحه على وجهه ويكتب .. ترى هذا وجهي .. عشان الناس ما يلخبطون المهم اني
قلت لها : انا عيوني مثل عيون جواد .. وطولي مثل طول طلال الرشيد .. وخشمي مثل خشم خالد عبدالرحمن .. وملحي مثل ملح راشد الماجد .. ومهضوم كثير مثل رامي عياش .. (( والله ماناقص الا تحط ملحن معاهم ويكمل الاوبريت ..!!)) الوكاد ان البنت شكلها خقت معي وقامت تشاهق من الفرحه وسالتها انا .. وانتي اوصفي لي شكلك ..
قالت : ما اقدر لما تشوفني بتعرف لان مالي شبيه (( اخس يا برتني ..!!)) وانا اللي افك خشتي وسعابيلي تقوطر .. كاني كلب شايف له عضمه ..
وقلت لها : يعني باشوفك ..؟؟
قالت : اكيد انا بكره باروح شاليهات اليمامه اللي على طريق الرياض الخرج .. ونتقابل هناك
قلت لها : بس هذيك للعوائل بس ..
قالت : عاد انت دبر نفسك ..
قلت : اوكي مو مشكله بس كيف اعرفك ؟؟
قالت : بيننا الجوال اذا وصلت كلمني وانا اعلمك وين تلقاني ..
قلت : لها خلاص الوعد هناك .. المهم اني انا توهقت .. وش لون ادخل الشاليهات ...؟؟؟
وقلت : مالي الا عبدوش .. اتصل عليه واتفاهم معاه .
دقيت عليه ورد علي قال : نعم وش تبي يا الغبي ..؟؟
وعلمته بالسالفه من سلسل اللين طقاق عليكم ..(( يعني من طقطق اللين السلام عليكم ))
وقال لي : والله صعبه وش بتسوي ..؟؟
قلت له : وش رايك تلبس عباه وتسوي نفسك حررمه وترووح معي على انك زوجتي ..
وهو اللي يتغير وجهه وقال : انا ولد ابوي ..
قلت : بالله توني ادري .. كنت احسبك ولد ابوي انا ..!!
قال : تستهبل يا الزبال .. انا اسوي نفسي حرمه ..؟؟ يا ويل ويلي ويلاه .. خيل الخيل خيالها
قلت : يا رجال كلك تبن لا ادوس في بطنك .. جالسين في مضارب الباديه حنااا ..!!
قال لي : لا يا مصيووول هذا شي ما اقدر عليه .. وش اقول للجماعه ..؟؟
قلت له : ومن قالك اننا بنحظر عرس .. حنا بنروح الشاليهات .. وانت ما راح تكشف وجهك ابدا ..
قال : طيب ليه انت ما تسوي نفسك حرمه وانا الرجال ..؟
قلت يا رجال انا ما اقدر لاني لا رجال نافع ولا حرمه نافع وبعدين حتى لو سويت نفسي حرمه بيكشفوني من ريحتي اللي كنها ريحة شرابات عزووبي
قال لي : خلاص بس لا حد يدري ..

يتبع ,,,,

[عالميه من قلب]

اليوم الثاني واخذ سيارت واحد من العيال ورحت لبيت عبدووش ولقيت عند بابهم شحاذه وهي اللي تجي تبي تركب قلت لها الله يعطينا ويعطيك يا خاله .. وهي اللي تطق قزاز السياره شوي وتكسره واطلع من جيبي ريال ونص كنت ناوي اشتري فيه توكس بس قلت مو خساره
وتوني افتح الدريشه باعطيها الا وهي تقول افتح الباب الله ياخذ هالراس الصوت مو غريب علي يووووووه عبدووووووش قال .. اييه عبدوووش الله لا يبارك فيك افتح بسرعه قبل ما يطلع احد من اهلي .. وركب وانطلقنا للشاليهات المهم وصلنا وامسك يد زوجتي اللي هي عبدووش سابقا ودفعنا التذاكر ويوم جينا ندخل وقفنا الحارس اللي على الباب
وقال : لحظه لازم زوجتك تدخل محل تفتيش النساء لاننا شاكين فيها
قلت له : ليش مطار ..؟؟
قال الحارس : يا اخوي وش هالحرمه اللي لابسه زبيريات ..!!! وانا اللي اناظر في ارجول عبدوش والا فعلا لابس زبيريات ..!!
يالله لا تفضحنا بس وانا اللي اقول للحارس : ممكن تتركني معى زوجتي .. ابيها في كلمة راس ..
قال : ادخل هالغرفه الفاضيه وتفاهم معاها .. وانا اللي اسحب عبدوش للغرفه واترفس في بطنه وانواع الاكواع .. نعن ابوك يالغبي زبيريات مره وحده ..
قال : وش اسوي ما لقيت جزمه كعب على مقاسي ..
قلت له : اسمع نزل العباه على ارجولك عشان ماحد ينتبه يا الغبي .. المهم اننا رجعنا للحارس واعتذرنا منه على سوء التفاهم ودفيناه بمية ريال عشان يسكت .. واول ما دخلنا استاجرت شاليه صغير وقلت لعبدوش يجلس فيه وانا برووح ادور خويتي .. ووصفت لي مكانها .. تقول انها عند الشجر اللي جنب المطعم .. وانا اللي اروح هناك واجلس ساعتين ادورها وما لقيتها .. وادق عليها جوال
قلت لها : وينك فيه لي ساعتين ادورك .
قالت انت وينك بالضبط ؟؟
قلت : انا واقف جنب كيس زباله وانتي ؟؟
قالت : انا واقفه جنب واحد شكله مجنون .. وانا اللي التفت ورااي اوووب .. هذي هي (( افااا طلعت انا المجنون اللي تقصده وطلعت هي كيس الزباله اللي اقصدها ..!!))
وهي اللي تنصدم .. وقالت : هذا انت ؟؟ وين الوصف اللي تقول .. اجل طلال الرشيد هاااه امحق طلال اللي تشبه له (( صادتني عيوني مثل عيون خالد الملا .. وجسمي مثل نبيل شعيل وخشمي مثل عبدالمجيد عبدالله ..!!))
قلت : لا انا فعلا مثل ما قلت بس صار لي حادث هو اللي اثر علي والا انا كنت حلو (( ايه هين )) موو مشكله اهم شي اسلوبك اعجبني .. قلت لها اشوى ان اعجبك شي فيني .. وطلبت منها انها توريني وجهها ..
قالت طيب بس لا يشوفنا احد ..
قلت لها : يالله بسرعه .. وهي اللي ترفع الغطووه .. وانا اللي اضحك ..!!
قالت : وش فيك تضحك ..؟؟
قلت : يالله عاد بدون استهبال .. !!
قالت وش فيك ..!!
قلت لها : يالله بسرعه شيلي القناع اللي على وجهك لا تستهبلين ..
وهي اللي تقول : هذا وجهي الصدقي يا القرد .. وانا انصدم واحس ان الارض تدور فيني وش ذا الوجه الشين .. اول مره اشوف وجه يطلع منه ريحه .. نعن ابووك حتى الشجره اللي كنا جنبها رفعت ثوبها وانحاشت وانا كنت حاط في بالي كلام رومانسي جلست عشرين دولار يوم احفظ فيه .. بس يوم شفت وجهها الي كنه واحد جالس في مجلس رجاجيل وفيه اسهال .. واضيع كل الكلام اللي حفظته
ليه الغمص ساكن عيونك ..؟؟ جاوبتني من الارق
سالتها طيب وش هالببسي اللي مكبوب على ثوبك ..؟؟ جاوبتني هذا موب ببسي هذا مرق
سالتها طيب ما عندك غير هالثوب ..؟؟ جاوبتني الا كان عندي بس انسرق ..
سالتها طيب مادام شينه وشهو له تغازلين ..؟؟ جاوبتني انا كنت حلوه بس ان وجهي انحرق ..
وسالتني وش رايك فيني .. ما اشبه باسكال ..؟؟ جاوبتها انتي جسمك مثل جسم باسكال بس وجهك الله خلق وفرق ..!!
المهم اني ما قدرت اتحمل وجهها وقلت لها .. انتي جدك الاكبر كان غوريلاا ..؟؟
قالت لي : لا تطنز انت ووجهك .. انا اول كنت مصدقه ان الديناصورات انقرضت .. بس من يوم شفت وجهك عرفت ان هالكلام اشااااعاااات
قلت لها : شوفي يا انسه جراده انا ودي اجاملك واقولك كلام حلو بس وجهك يقول مالك امل ..!!
قالت لي .. والله حتى انا بعد ودي اقول كلام حلو بس وجهك ما يساعد .. وجهك كانه دعاية لاااااااا للمخدرات ..!!
المهم ان كل واحد منا تفل في وجه الثاني ورحنا .. وانا من الصدمه توقف تفكيري .. كل امالي واحلامي راحت ادراااج الدواااليب ... وركبت السياره ورجعت للبيت وانا متحطم .. كنت كنت متخيلها مثل مايا نصري والا اليسا وطلعت مثل فطووووومه ..لاااااااا خلاص ما عاد ابي اتعرف على بنات .. (( تكفى اخر مره حرام تحطم قلوب المعجبات يا رامي عياش ..))
المهم اني سكرت باب الغرفه ورحت في نوووووووومه
وما دريت اليوم الثاني الا اللي يرفس الباب .. وانا اللي انقز من فراشي .. وش السالفه يالربع الا وهو ابوي يصايح .. افتح يا السمرمدي .. افتح لا بارك الله فيك .. وانا اللي افتح الباب ..
الا وابوي في وجهي ووجهه ما يطمن .. ويطلع ذيك العجرررررررررررا من مخباه .. وانواع التلحيط .. واخواني وامي واقفين عند الباب يتفرجون الانذال .. من لقاها مصارعه على الطبيعه
المهم ان ابوي شغال فيني تمحيط ويقول : ((تتزوج من ورانا)) يا الخسيس قلت له والله ما تزوجت قال : الا الشاليهات اتصلو علينا وقالو خلو مصيول يجي ياخذ زوجته اللي نساها امس .. وانا اللي تضيع علومي .. وابي افهم ابوي شغال ضرب فيني .. وبعد جهد جهيد قدرت انفك من ابوي ورحت لاخر الغرفه ..وياخذ ابوي نعال ويرميها على .. وانا اللي اوخر عنها بسرعه وامسكها بفمي ..(( متاثر بالافلام )) واخواني يوم شافوني سويت هالحركه وهم اللي يصفقووووون ويصفروووون لي .. وانا اللي اتحمس .. وانط على ابوي وامسكه مسكه منووووومه (( خربها الغبي مع ابووه ..)) وينط واحد من اخواني ويمسك يد ابووي ويرفعها اول مره ويرفعها ثاني مره وطاحت ويرفعها ثالث مره وطاااحـــ.. لاااا لا لا لا غير معقول رفع ابوي يده وقام ياشر باصبعه يعني لا تراني ما نمت ..!! ويوم شفته ما نام وانا اللي اقوم وامسك ارجوله واسوي له حركه مقصيه عشان يستسلم .. بس ما استسلم .. واخواني يقنعونه يستسلم بس هو عنيد يزحف عند الحبال .. بس انا ما خليته ينفس .. وفجاه اووووه لااااااا تدخل خارجي .. امي جات المقلاه ومحطتني على جبهتي محطه مدووووويه .. وتدخلو اخواني ومسكو امي وطلعوها برا الحلبه (( عائله دلووووخ )) المهم اني دخت ما عاد ادري وين انا وطحت مكاني .. ويزحف ابووووووووي .. ويحط يده على صدري .. ويعدون اخواني .. واحد .. اثنين .. ثلاثه .. فااااااااز ابوووووووي .. هييييييييييييييييييييه (( الحمد لله والشكر ))
المهم اني فهمت ابوي السالفه .. ونمر بيت ابو عبدووش ونعلمه وانواع التمحيط فيني المهم اننا وصلنا الشاليهات وقلت له معي لك مفاجاه وهو اللي يضحك قال والله اني خابرك ذيب ما تترك خويك كذا الرجال والا بلاش .. وانا اقول في صدري ايه هين .. وهو يقول اكيد بتعرفني على وحده من خواتها قلت ايه انا بعرفك على وحده صحيه وهو يبي يشوف المفاجاه بيفصخ العباه قلت : لا خلها عليك كذا احسن (( انواع النذاله )) وصلنا السياره ..الا الا وابو عبدوش ما سك مفك عجل يحتري ولده .. وعبدوش من هول الصدمه ما عاد شالته رجليه .. طاح مكانه وقام يصيح ويولول واستلمه ابوووه انواعتفقيع الوجه وانواع الترفيع والتنزيل زانا جالس اتفرج ومبسوووط .. وما دريت الا وابوي ما سكني وانواع الركب .. وانا اصيح فيه .. هيه يا ابو الشباب حلا هو..؟؟ توك طاقني قال ابوي .. ايه بس عيب الرجال يطق ولده وانا جالس اتفرج لازم اسوي شي انا بعد ..
المهم كل منهم اكل طق وتزاعلوووووووووو

تحـــــــــيــــــــــا تـــــــــــــي


لا تحرمونا من ردوودكم الحلوه

مـ
نـ
قـ
و
لـ

[Z.A..it,s me]

ههههههههههههههههههههههههههههههه


صراحة منجد خطيييييييييييييييييييييييييييييرة

قمة التحشيش والعيلة رايحة فيها

مشكووور ع الموضوع

[M S A R A]

هههههههههههههههههههههههههههه
مهستر مرة
مشكورة على الموضوع
تحياتي